Po tallesha se s'me ka len truni te lecoj hartime per Berishen.
Po tallesha se s'me ka len truni te lecoj hartime per Berishen.
Postuar më parë nga Brari
Fjalori juaj le shume per te deshiruar...
Urime dhe per militarizmin tuaj per Partine Demokratike !
militantizmin.. deshe me than.. nejse..
vazhdo me urhahipizmin e vampirizmin ti e soji juaj..per kanibalin enver e regjimin e tij e pasuesit e tij..
behuni te sinqerte te pakten..
shkoni e provojeni regjimin e tij ne kore te veriut e jo ne italin pluraliste..
hipokrita..
TemA
"Poshtërimi" i opozitësNga Mero Baze
Kryeministri, Sali Berisha, ka poshtëruar dje zyrtarisht institucionin e opozitës në Kuvend, duke injoruar të drejtën e tyre për t’u informuar rreth lidhjeve të tij personale dhe familjare me një sekser të përfolur serbo-boshnjak. Me një fjalim panoramik që dukej se tallte inteligjencën e çdo qytetari nënmesatar, ai konsumoi një kohë që rregullat e politikës në demokraci ia kanë rezervuar institucionit të llogaridhënies së kryeministrit. Ai iu shmang detyrimit të tij politik, moral dhe mbi të gjitha ligjor, për të dhënë përgjigje rreth një skandali që ka tronditur realisht shoqërinë shqiptare dhe besimin e qytetarëve tek ai personalisht. Është fjala për një njeri, për të cilin ai na u mburr publikisht se është i gatshëm të na e sjellë në Kuvend dhe ta përdorë dhe si denoncues të opozitës. Është fjala për një serbo-boshnjak, i cili ka ardhur duarbosh në vitin 2005 dhe sot ka vendosur rreth 50 milionë euro pasuri, me administrator kunatin e Lulëzim Bashës dhe avokate vajzën e Sali Berishës. Është fjala mbi të gjitha për detyrimin që ai ka për të respektuar të drejtën e opozitës për t’i kërkuar llogari dhe për të debatuar me të rreth problemeve që ajo ngre.
Nuk do shumë mend pse e bëri këtë. Nuk kishte çfarë të thoshte për një sekser të familjes. Nuk ka dëshirë t’i lakohet emri i vajzës, djalit dhe Lulëzim Bashës nga deputetët. Nuk ka dëshirë të pranojë se është dorëzuar para botës së parave dhe tanxhentopolit të botës së nëntokës ish-jugosllave. Nuk ishte më ai Berisha i para një muaji që tha se “ua sjell këtu, po e deshët”. Nuk është më ai Berisha i një viti më parë që tha se “djali im s’ka lidhje me Gërdecin”. Nuk është më ai Berisha i një viti më parë që i bënte letra “New York Times” për ta sqaruar se Kosta Trebickën s’e ka hequr nga biznesi djali i tij, ndaj ai s’ka faj si baba, por vetëm si kryeministër, pasi ka lejuar që një shtetas të dhunojë në biznes një shtetas tjetër. Nuk ishte më as Berisha i tri viteve më parë që mallkonte Taçët, Delijorgjët dhe gjithë kontrabandistët e tjerë. Tashmë është miku i tyre, dhe i duhet të mos flasë më për këto tema, por të mbajë fjalime prognozë ai ato që Enver Hoxha mbante, kur kriza e bukës kishte mbërthyer vendin dhe shpresa e vetme ishin armiqtë që nuk i shihnim askund.
Por Sali Berisha ka një fat në gjithë këtë histori. Fati i tij është opozita. Kjo opozitë nëpunësish të llastuar, që preokupim kryesor kanë problemet e tyre private, nuk mund të mundë një njeri që mendon politikisht çdo minutë. Një opozitë që shkon në betejë pa udhëheqës dhe pa plan, një opozitë që shkon në debate me fjalë rrugësh, një opozitë që dhe kur flet për shifrat i merr ato si numra dhe jo si produkte politike, nuk mund të mundi një njeri që udhëheq vetë, një turmë njerëzish të kapur, që dikton rregullat e luftës, arbitrin dhe natyrisht fitimtarin. Ai shkoi në seancë me planin e tij poshtërues për të mos iu përgjigjur opozitës dhe kjo e fundit rrinte e dëgjonte në sallë gjëra për të cilat as i kishte kërkuar dhe as ishte e nevojshme t’i dëgjonte. Një opozitë që ishte në sallë pa një plan veprimi, pa lider, dhe pa koshiencën politike, se ai nuk po shmangej nga debati vetëm për të shpëtuar nderin e familjes, por mbi të gjitha për të shkelur me këmbë institucionin e opozitës që të mos guxojë t’i kërkojë më debat publik për asnjë arsye. Por kjo opozitë nuk e ka këtë nerv politik. Ajo nuk është mësuar të bëjë betejë për korrupsionin, pasi shumë prej tyre në atë sallë e kanë zili fatin e Sali Berishës dhe sidomos të fëmijëve të tij.
Kjo opozitë, përjashto disa diskutime racionale mbi çështjen “Fazlliç”, kryesisht nga ish-gazetarë që janë deputetë, ishte tërësisht e papërgatitur për t’u përballur me të. Kjo opozitë po e vë veten në rolin e një opozite të kastruar, që rri e pranon publikisht, madje disa duke qeshur, një fjalim përdhunues për të. Sali Berisha është i lirë ta mbajë atë fjalim në çdo shesh, në çdo tribunë dhe në çdo seancë parlamentare. I vetmi vend i gabuar dhe kohë e gabuar ishte seanca mbi “Çështjen Fazlliç”, pasi bazohej mbi një temë konkrete dhe duhej respektuar për shkak të rregullave politike. Sali Berisha e bëri me vetëdije këtë poshtërim të institucionit të opozitës, por opozita kam frikë se është e pavetëdijshme për rolin e saj si institucion. Në atë grumbull deputetësh që janë në atë sallë secili ka hallet e veta që i zgjidh nga pushteti i pjesshëm i Edi Ramës dhe askush nuk ka hallin e opozitës. Edhe radikali Ilir Meta, që akuzon Edi Ramën për krushqi me Sali Berishën, nuk ishte në sallë dhe e pranoi atë poshtërim. Ka deputetë të tjerë si Blushi që tallen me karrigen e tyre opozitare dhe i bashkohen korit që relativizon rëndësinë e hetimit të dosjes “Fazlliç” si dosje e kapjes së shtetit dhe dorëzimit të Sali Berishës para mafies rajonale. Kjo opozitë duhet të ndajë fatin e saj personal nga fati i institucionit të opozitës.
Është turp që opozitën në vend ta bëjë media dhe shoqëria civile dhe ta sabotojë opozita zyrtare me papërgjegjësinë dhe dembelizmin e njerëzve që akoma s’kanë mbaruar paratë që kanë bërë kur ishin në pushtet. Është turp që një ministër mashtrues, i pacipë dhe hajdut si Lulëzim Basha të të bëjë moral për gruan, kunatin apo vjehrrin, një bandë plaçkitësish të shqiptarëve nga koha e Vehbi Alimuçës, që kanë diktuar prokurimet publike të rrugëve, me të cilat mburret Sokol Olldashi deri në qindarkën e fundit. Por mbi të gjitha është turp që opozita të mos ketë planin e saj për ta çuar në fund betejën që ka nisur media, që e ka pranuar opinioni publik dhe që ajo nuk është e zonja ta mbrojë as siç e mbron një qytetar i thjeshtë.
Për çdo familjar normal në këtë vend është e qartë se brenda tri vitesh në pushtet, Sali Berishës, prokuroria e tij, i duhet t’i hetojë dy afera, në të cilat, siç del nga faktet, njëra, ajo e Gërdecit, është prodhuar prej djalit të tij dhe tjetra, kjo e Fazlliçit, është prodhuar prej vajzës së tij. Bilanc më të keq familjar, politik dhe moral nuk ka pasur asnjë kryeministër që nga koha e Ismail Bej Vlorës në Shqipëri.
BalkanWeb.com | 06/11/2008
Ajo që dihej dhe ajo që nuk dihej
Opinion nga Ilir Dhima
Rreth asaj që ngjau në seancën parlamentaretë 3 nëntorit, e
cila qe lajmëruar për zhvillimin e një mocioni debati me
Kryeministrin mbi të shumëpërmendurën ‘Çështje Fazlliç’, kam
bindjen që nuk është i mjaftueshëm një informacion i
hollësishëm ... as edhe një koment i vetëm, qoftë të nesërmen e asaj
date, qoftë të pasnesërmen e saj dhe më tutje. Sepse, ajo që
ngjau atë mbrëmje, njëherazi përmblidhte edhe atë që dihej,
edhe atë që nuk dihej. Të kuptohemi, në këto radhë nuk e kam
fjalën për faktet që ilustrojnë interesimin e njerëzve, të
ngulur përpara ekraneve, mbi atë dosje në hetim që implikon
drejtpërdrejt Sali Berishën dhe klanin e tij, por për mënyrën
e reagimit, sidomos të këtij të fundit, ndaj kërkesës së
opozitës politike që ai t’i përgjigjej pikërisht në Kuvend
disa pyetjeve shumë konkrete që kishte formuluar grupi
parlamentar i Partisë Socialiste.
Pra, ajo që dihej dhe pritej të ndodhte ishte egërsia, fyerja,
cinizmi, presioni, kërcënimi dhe poshtërimi, me të cilat do
t’u vërsulej, si zakonisht, Kryeministri kundërshtarëve të tij
(madje, po të lindte nevoja, edhe ‘deleve të zeza’ brenda
grigjës së vet), që guxonin të zinin n’gojë për të keq emrin,
sipas Kryetarit të Qeverisë, fort të nderuar dhe fort të
lumturuar të atij vetë. Epitetet përçmuese që ai përdori pa
kursim, nuk përbëjnë ndonjë risi në jetën tonë parlamentare
dhe opinioni ynë tashmë është familjarizuar me to, aq sa një
pjesë e tij i përdor dita-ditës për të sharë e përdhosur një
pjesë tjetër. Dihej, gjithashtu, që Sali Berisha nuk do të
rrinte pa hyjnizuar arritjet e qeverisjes së vet, duke iu
kthyer e rikthyer disa herë shifrave false që i servirin
‘demkat’ e tij, për t’u bërë përherë e më i mërzitshëm,
përherë e më i neveritshëm.
Por, ajo që nuk dihej dhe nuk pritej ishte se, ndoshta për
herë të parë gjatë kësaj legjislature, në mënyrën më brutale
Kryeministri i mbyti deputetët dhe telespektatorët mbi 2 orë
me dallgë llomotitjeje, pa cekur fare asnjë nga pyetjet e
opozitës, që i qëndronin mbi skrivaninë e punës qysh tri javë
më parë dhe që posaçërisht për të cilat zhvillohej ajo seancë
plenare. Sikush në atë sallë dhe jashtë saj mbeti pa gojë,
duke vënë në dyshim edhe kujtesën e vet rreth rendit të ditës
së Kuvendit. Ndërsa dikush tha që, me sa dukej, në këtë
pozicion u gjend edhe Kryetarja e Kuvendit, përderisa nuk e
ndërpreu Kryeministrin asnjëherë të vetme, për t’i kujtuar
arsyen përse ishin mbledhur.
Pas kalimit të hutimit të çasteve të para dhe të tërë natës së
3 nëntorit, nga e gjithë ajo që ngjau në Kuvend shumëkush
provoi edhe një herë në vetvete, por më dridhshëm e më
mprehtësisht një ndjenjë të thellë pesimizmi për fatet e të
ardhmes së afërt të demokracisë në vendin tonë të vogël, mes
njerëzve tanë të varfër. Sepse, pas tentativave intensive dhe
veprimeve të njëpasnjëshme të këtij Kryetari të qeverisjes
sonë të mjerë, për të vënë nën thundrën e vet të gjitha
institucionet e pavarura, duke i hequr vizën parimit themelor
të shtetit të së drejtës: check and balance (ndarje dhe
balancim i pushteteve), tani i vuri praktikisht shqelmin edhe
legjislativit, Kuvendit të Shqipërisë, pa të cilin vetë Sali
Berisha nuk do të kthehej në krye të pushtetit, pas atyre që
ka bërë.
Po t’i hedhim një vështrim të shkurtër rilindjes së
parlamentarizmit shqiptar, që nga viti 1991 e këtej, mund të
dallohen një sërë të metash dhe dobësish, të cilat janë bërë
shkak, veç të tjerash, edhe për shtesa e ndryshime të
shpeshta. Veçanërisht politizimi i skajshëm dhe mungesa e
tolerancës kanë çuar shpesh e shpeshherë në ballafaqime të
ashpra, të shoqëruara pothuajse gjithnjë nga diskutime të
nxehta me mungesa të theksuara argumentesh. Por, nëse mbi
rreth 15 vjet më parë do të dukej pretendim jo realist të
pritej që parlamenti shqiptar, i hapur kah debatit të vërtetë
politik pas një heshtjeje 70 vjeçare, të bëhej menjëherë
tempulli i demokracisë liberale, tashmë janë krejt të
pajustifikueshme pengesat që lindin prej lloj–lloj faktorëve.
Aq më tepër, kur këta faktorë lindin nga mendësi anakronike
totalitariste të një mendjeje të sëmurë, që aksidentalisht
hipi në fronin e pushtetit dhe synon t’i imponohet edhe gjithë
trupës legjislative të vendit.
Dihet mirë që demokracitë moderne mbështeten kryesisht në tri
shtylla të parlamentarizmit: në procedurat zgjedhore; në
transmetimin e pushtetit me anë të përfaqësimit; në qeverisjen
e kufizuar të shumicës. Nga literatura bashkëkohore e kësaj
fushe mësohet se, këtë termin e fundit, pra ‘qeverisje e
kufizuar e shumicës’, politologu dhe juristi i shquar Xhovani
Sartori e konsideron plotësisht të përligjur se, duke vendosur
të drejtën absolute të shumicës për të vendosur mbi pakicën
ose pakicat, fituesi i parë i një ballafaqimi demokratik ka
rrezik që të uzurpojë pushtet të pakufizuar dhe ta shndërrojë
veten në fitues të përhershëm. Po të jetë kështu – shprehet
Sartori – një demokraci nuk ka të ardhme si e tillë dhe pushon
së qeni demokraci, ngaqë e ardhmja e një demokracie qëndron në
mundësinë e shndërrimit të shumicës në pakicë dhe, në të
kundërtën, të pakicës në shumicë. Prandaj, parimi i shumicës
së kufizuar, domethënë i një qeverisjeje të shumicës që
respekton të drejtat e pakicës, nuk mund të mos jetë parim
bazë i demokracisë. Aq më tepër duhet konsideruar i tillë ai,
po të merret parasysh që gjatë historisë së njerëzimit, madje
edhe asaj të kohëve moderne, nuk kanë qenë të pakta rastet kur
shumicat, qofshin ato fetare apo etnike, por edhe ato
politike, në përgjithësi shumicat si numër, efektivisht kanë
persekutuar pakicat, deri në shfarosjen e tyre.
Përcaktimi i tipareve të demokracisë parlamentare bëhet në çdo
rast mbi bazën e disa parimeve universale, që pasqyrohen në
një varg dokumentesh ndërkombëtare, që nga Karta e Kombeve të
Bashkuara, nga Akti final i Konferencës së Helsinkit etj deri
te i ashtuquajturi Traktat i Kopenhagenit, te Karta e Parisit
për një Europë të re etj, etj, në të cilat formulohen qartazi
kërkesat për ndërtimin e forcimin e shtetit të së drejtës dhe
të demokracisë pluraliste bashkëkohore. Këto dokumente i ka
ratifikuar edhe Republika e Shqipërisë dhe, si të tilla, ato
duhet të jenë detyrimisht dhe plotësisht të zbatueshme edhe te
ne. Kërkesat e tyre, që konsiderohen si kritere të pranuara
universalisht, nuk janë të pakta. Por, në mjaft akte
multinacionale tërhiqet vëmendja sidomos në disa prej tyre me
karakter më të përgjithshëm, ndërmjet të cilave dallohen, veç
të tjerash, edhe kërkesa për një formë qeverisjeje e tipit
përfaqësues, ku pushteti ekzekutiv përgjigjet përpara
parlamentit të zgjedhur dhe trupës elektorale; ndarja e qartë
e pushtetit legjislativ, ekzekutiv dhe gjyqësor, duke
respektuar pavarësinë dhe kompetencat e secilit; detyrimi i
qeverisë dhe i autoriteteve publike në përgjithësi për t’iu
konfirmuar kushtetutës dhe për të vepruar në përputhje me
ligjin; ndarja e qartë ndërmjet shtetit dhe partive politike,
duke mos lejuar që këto të fundit të përzihen me të parin.
Përballë këtyre kritereve demokratike shënohen prerazi edhe
ato të shtetit totalitar, mes të cilave spikat qenia e një
partie të vetme e kontrolluar nga një grup oligarkik, i cili
ka në krye një udhëheqës zakonisht me fuqi diktatoriale. Më
thoni, të dashur lexues, a nuk i përgjigjet situata e sotme e
shtetit tonë këtij kriteri, së paku reminishencave të tij?! E
pra, dallimi ndërmjet këtyre ekstremeve – demokraci e plotë
dhe diktaturë totalitare – ka sigurisht shkallëzime të
ndryshme. Por ato përcaktohen jo aq nga parimet e shpallura
(siç bën një e dy me tepri të tejskajshme Sali Berisha) se sa
nga zbatimi i tyre real. Prandaj, në mos dëshirojmë të
kthehemi dhe të mbetemi mbrapa është e domosdoshme të lexojmë
me kujdes nëpër rreshtat (dhe pas tyre) të formulimeve me
gjuhë diplomatike të ndërkombëtarëve, siç është, për shembull,
ai për Progres – Raportin e fundit të Komunitetit Europian mbi
ecurinë e zbatimit të Marrëveshjes së Stabilizim – Asociimit
të BE me Shqipërinë. Siç është, gjithashtu, edhe deklarimi i
para disa ditëve në një emision televiziv i Ambasadorit
amerikan në Tiranë, që i quajti zgjedhjet parlamentare të
vitit të ardhshëm me vlera jetike për ne.
(s.g/GazetaShqiptare/BalkanWeb)
Po mir ky mero baze me duket e pat pesu nje rrahje nga klika e kuqe komuniste dhe per qudi tash eshte duke ber avokatin e tyre.
duhet ta visitoi psikiatrin me ne fund sepse diqka nuk eshte ne rregull me ket mashkull.
mir e ke drenicak, ta rrahin edhe klika blu, e nuk ashtu qudi qe mund te bajn prep avokatin e salihit ...
edhe per psikiatrin, e mira asht qe ta qojn te ai qe viziton salihin, se qdo gja asht ne rregull me qat mashkull ...
Sipas ligjit te mëposhtem, kryeministri (si çdo deputet) paska te drejte te diskutoj per aq kohe sa i eshte caktuar në Konferencën e Kryetarëve.
Kryeministri atë beri diskutoj.
(Diskutim nuk do te thote, qe je i detyruar tu pergjigjesh pyetjeve te deputeteve te tjere)
Opozita e njeh ligjin shume mire, megjithate e provoj ta kerkoj kete Mocion duke shpresuar qe Berisha ta hante kete "çorbë" dhe te hynte ne hullite e nje procesi pyetje-pergjigje, faktet e te cilit jane thashethemet Baze-Braçe.
Berisha deri ne sekonde te fundit i la kundershtaret dhe mediat te besonin se ai e kishte ngrene karremin.
Keshtu qe interesi i opozites,medias dhe i publikut ishte maksimal.
Ne seance ai falenderoi (me vete) Ed Ramen e Erjon Braçen, qe "i ngritën topin" dhe me pas beri një "te zhytme" si (rrahmet paste) ASLLAN RUSI.
RREGULLORJA E ORGANIZIMIT TE KUVENDIThttp://www.parlament.al/
Neni 98
Mocionet
1. Një kryetar grupi parlamentar ose të paktën 7 deputetë mund të paraqesin një mocion me qëllim zhvillimin e një debati në Kuvend për një çështje të veçantë dhe, në përfundim të tij, mund të propozojnë miratimin e një rezolute ose deklarate, teksti i së cilës i bashkëlidhet kërkesës për zhvillimin e mocionit.
2. Kërkesa për zhvillimin e një mocioni paraqitet te Kryetari i Kuvendit, i cili brenda 3 ditëve mbledh Konferencën e Kryetarëve për të vendosur për datën e zhvillimit të mocionit në seancë plenare. Në rast se data përcaktohet me mirëkuptim në Konferencën e Kryetarëve, ajo i njoftohet Kuvendit në seancën plenare më të parë. Në rast se në Konferencën e Kryetarëve nuk arrihet mirëkuptimi mes kryetarëve të grupeve parlamentare, Kryetari i Kuvendit e paraqet kërkesën në seancë plenare, propozon një datë të mbajtjes së mocionit dhe i kërkon Kuvendit të vendosë me votim të hapur pasi dëgjon një folës pro dhe një kundër për jo më shumë se 10 minuta. Në çdo rast debati nuk mund të zhvillohet më vonë se 30 ditë nga data e paraqitjes së mocionit.
3. Kur ka disa mocione për çështje të njëjta ose që lidhen me njëra - tjetrën, Kuvendi mund të bëjë një debat të përbashkët.
Neni 99
Zhvillimi i mocionit në seancë plenare
1. Zhvillimi i mocionit në seancë plenare përfshin debatin e përgjithshëm dhe debatin për amendamentet për projektdeklaratën ose projektrezolutën, në rast se ajo është propozuar për miratim.
2. Koha e debatit të përgjithshëm përcaktohet në Konferencën e Kryetarëve, në përputhje me nenin 48 pika 3 të kësaj Rregulloreje. Deputetët që dëshirojnë të diskutojnë në debatin e përgjithshëm duhet të jenë regjistruar në listën e diskutuesve të paktën dy orë para fillimit të debatit.
3. Amendamentet me shkrim për projektrezolutën ose projektdeklaratën duhet të jenë të regjistruara në Sekretariatin për Procedurat dhe Votimet të paktën 24 orë para kohës së caktuar për zhvillimin e debatit dhe t’u jenë shpërndarë deputetëve. Pas përfundimit të debatit të përgjithshëm, autori i amendamentit ka të drejtë të paraqesë propozimin e tij për jo më shumë se 5 minuta dhe çdo deputet ka të drejtë të diskutojë deri në 5 minuta për amendamentin e paraqitur.
4. Drejtuesi i seancës fillimisht hedh në votim amendamentet që kërkojnë të shtojnë ose të ndryshojnë fjalë në tekstin e projektdeklaratës ose të projektrezolutës, duke filluar nga amendamenti që është më larg tekstit, pastaj ato që kërkojnë të heqin fjalë ose pjesë të saj dhe në fund tekstin e paraqitur nga nismëtarët e mocionit.
Neni 48
Koha e diskutimeve
1. ...
2. ...
3. Kur çmohet e nevojshme për çështje konkrete, koha e diskutimeve mund të përcaktohet paraprakisht në Konferencën e Kryetarëve në mënyrë përpjesëtimore ndërmjet grupeve, sipas përfaqësimit të tyre në Kuvend, por në çdo rast jo më pak se 10 minuta për një grup parlamentar.
.
Ndryshuar për herë të fundit nga Antimafia : 09-11-2008 më 07:28
Këto dite media po paraqet një ngjarje e cila për pasojat e saj mund të jetë për fëmijët dhe familjarët e Gërdecit pse jo po aq e dhimbshme sa vetë tragjedia e tyre.
Pas një krimi shtetëror me vdekjen e 26 banorë të kësaj zone, pas shkatërimit tw mbi 450 shtëpi dhe dëmtimit mbi rreth 3500 të tyre, familjarë të strehuar në një ndërtesë shtetërore dhe pikërisht pronë e Ministrisë së Mbrojtjes, lajmërohen me qendër zëri si në filmin "Lulëkuqe mbi mure" se të nesërmen do t’ju ndëpritet ushqimi dhe do të duhet të largohen.
Akoma më cinik është veprimi, kur në mediat vizive prezantohet bujaria qeveritare, duke u garantuar qera të lartë për 6 muaj të tjerë.
* Të largosh fëmijët dhe familjet që me krimin tënd shtetëror u shkatërrove shtepitë, pasuritë dhe ëndrrat, për tu garantuar pushime të gëzuara disa klientëve turistë,
* Të përdorësh stimuj financiare për t’i larguar këto familje me joshje dhe më vonë me forcw nga qendra ku janë sot,
* Të veprosh fshehurazi dhe me tërësinë e kërcënimeve dhe joshjeve si t’i largosh sa më parë këta fëmijë në ditën e festës së tyre,
* Të kërkosh t’i nxjerrësh këta fëmijë dhe familjarë fatkeqë nga një qendër ku mund tu lehtësosh sado pak dhimbjen njerëzore dhe tronditjen psikologjike që lë gjurmë afatgjata – të gjitha së bashku janë veprime çnjerëzore.
* Të kërcënosh të nxjerrësh nga ajo qendër disa qindra fëmijë thjeshtë dhe vetëm se duhet të dalë me fitim kjo qëndër pushimi, do të thotë të bësh biznes me njerëz të pafajshëm. Vetëm mentalitete çnjerëzore mund të ushqejnë veprime të tilla.
Ndërsa tragjedia e Gërdecit është një krim shtetëror në hetim dhe nuk mund t’i bëjë përgjegjës të gjithë politikanët e vendit, nxjerrja e fëmijëve dhe familjarëve të Gërdecit forcërisht apo me joshje nga kjo qendër është një turp. Në këtë rast heshtja na bënë jo më pak fajtor të gjithëve.
Ato familje dhe ata femijë nuk duhen detyruar të kthehen në fshatin e tyre, kur ekspertët ndërkombëtarë edhe publikisht ju kanë paralajmeruar të mos nxitoni se risqet afatgjata të ndotjes nga baruti janë të larta dhe njësoj vrastare.
Ata femijë nuk duhen shpërndarë dhe të mbeten pa asistencë psikogjike, por duhet të qëndrojnë të grupuar dhe nën trajtim intensiv psikologjik për të eleminuar në maksimum pasojat e rënda të asaj tragjedie.
Ushtria shqiptare duhet jo vetëm të mos i nxjerrë, por tu ofrojë ndihmë të specializuar nga kontigjentet mjeksore, ekspert psikologë vendas dhe të huaja me një program intensive rehabilitimi.
Sot ushtritë moderne synojnë ta fitojnë mbështetjen publike jo thjeshtë nga betejat luftarake, por sidomos nga angazhimi në tragjeditë njerëzore, ku luftohet njësoj për çështje jetësore.
Vetëm dy orë më parë, Sekretari amerikan i Mbrotjes, Robert Gate, urdhëroi ndërprerjen e ndihmave për qeverinë e Birmanisë, për aq kohë sa kjo qeveri nuk garanton se destinacion i ndihmave janë vetë të dëmtuarit nga tragjëdia natyrore.
Vetëm dy ditë më parë, nivele të ndryshme të qeverisë shqiptare që fshihen përballë këtij veprimi çnjerëzore, urdhërojnë që familjet fatkeqe të largohen duke u ndërprerë ushqimin mbi të gjitha fëmijëve, dy herë fatkeqë, dhe jo nga një fatkeqësi natyrore, por nga një krim shtetëtor.
Në vend që të këmbëngulw për t`i nxjerrë jashtë qeveria shqiptare ka në rradhë të parë përgjegjësi për të bërë disa veprime konkrete :
1. T`ju kërkoj falje të menjëhershme dhe publike fëmijëve dhe familjarëve për tensionin shtesë të krijuar
2. Të ndalë përdorimin e urisë si mjet presioni për t’i larguar,
3. T`ju garantojë qëndrimin në atë qendër për aq kohë sa ekspertët e konsiderojnë të nevojshme, të paktën deri në një rehabilitim psiokologjik me të mirë të fëmijëve
4. Të kërkojë menjëherë ndihmë të specializuar dhe të financojë programe sa më të plota kulturore, edukative dhe asistencë të kualifikuar psikologjike për këta femijë.
5. Të përballojë të plotë faturën financiare për qendrën ku janë vendosur këta fëmijë.
Kjo është minimalja që ne duhet të bëjmë ndaj tyre dhe duhet ta bëjë sot dhe menjëherë larg çdo keqpërdorimi politik dhe larg çdo përfitimi abuziv.
Pa këtë detyrim moral, ne do të jemi gjithashtu gjithnjë e më të përbuzur nga opinionet publike.
Humbja e besimit, humbja e kredibililitetit, humbja e vlerësimit dhe mbështejtes publike janë humbja e gjithckaje për çdo politikan, të çdo forcë politike dhe të çdo vendi.
Qeveria duhet të reagojë, opinioni publik duhet të reagojë, këto janë rastet më të dhimbshme, ku edhe mosreagimi është një krim, minimalisht moral.
Arben Malaj
ZP
Ngaterohen shume gjera bashke per te thene se Berisha na qenka njesoj apo dhe me keq se Nano e co.
Po flasim per interpelancen dhe jo per hetimin e Gerdecit apoe kam gabim?
Per Bracen e soj e sorollop menduan qe eshte qe eshte a mos po vret vetn direkt ne parlament Berisha!!!!!!!
Mbas kaq kohe qe kthehem ne forum e gjej cuditerish nje cerdhe te kuqe????
Mbase nuk kemi kreyministrin me te mire te botes por ama ai mbetet politikani me i pranushem midis gjithe atyre pseudo socialistave qe shikojme sot ne alternative.
Apo duam nje Velia o Meta ne kry qe te ktheje prap "specialistllekun" ne shtet .
Shqiperia po behet si gjithe Europa, ashtu sic e enderonim.........
Te mjeret ju o ithtare te Berishes. Ju a ka thare trute komunzmi e nuk shikoni dot vecse bardhe e zi.
Te vije serbi ne mbledhje te komisionit te qeverise per sigurine kombetare eshte thjesht tradheti as e kuqe as blu as everdhe.
Te pastoje leket serbi ne kete shtet te bekuar nga Berisha eshte njelloj tradheti.
Te shkojne leket e Shqiperise te rrugeve per te forcuar ekonomine e Serbise eshte po tradheti.
Ti japesh nafte makines serbe te luftes eshte po tradheti
Ti thuash kosovareve te mos e firmosni rambujene eshte po tradheti
Te takosh fshehtas Miloshevicin e te vrasesh ate qe e pa eshte po tradheti.
A e imagjinoni ke quani te sukseshem o ithtare truthare te Berishes.
Dhe tradhetaret e kombit gjysmen e lekut do marin si perhere do jemi gjalle ta shohim.
Sbehet fjale ketu as per komunizen as per fashizem as per demokraci.
Behet fjale per fatet e ketij vendi e ketij populli te vuajtur qe me sakrifica te medha krijoi nje shtet sado i vaket po i tyre. Behet fjale per rinine e ketij vendi qe ka kapercyer cdo paragjykim te kuq a te zi e do te jetoje si cdo europian.
Ne te gjithe boten, femijet marin mbiemrin e babit dhe ju njihet si origjine, origjina e babait.
Fazlliç eshte djal i nje babai myslyman-boshnjak dhe si rrjedhim eshte boshnjak.
-----------
Sa per ilustrim
Mbreti Abdallah i Jordanise e ka nenen angleze, por asnje njeru ne bote nuk i shkon ndermend ti thote djalit te Hyseinit, anglez.
Me qindra e mijra shqiptar qe kane gra boshnjake, kroate, serbe, greke, ruse, italiane, gjermane ... etc. kane femijë shqiptar dhe jo boshnjak, kroat, serb, grek, ruse, italian, gjerman ...
Sigurisht qe kopilat bejne perjashtim nga ky rregull, pasi atyre nuk ju dihet babai dhe keshtuqe marin mbiemrin dhe origjinen e nenes.
Ne qofte se Braçe & Co. bejne pjese tek ky perjashtim, ata nuk duhet ta pergjithsojne fatin e tyre me njerezit e tjere qe njohin baballaret e tyre dhe jane krenar per mbiemrin, apo origjinen e trasheguar.
Posi posi me origjinen e babait.
Lete jete Fazllici eshe nga Zimbabve po dihet qe ai lobon per Serbine si shume te tjere dhe jane rreth e rrotull Saliut.
Mblidhe mendjen se Saliu nuk punon per Shqiperine.
Permenda serbet po jo vetem serbet ndihmon Saliu kunder Shqiperise. Edhe greket.
Janullatusin ai e solli, varrezat e ushtareve ne vijen e "vorio epirit" ai e lejoi e po e lejon. Dashuria e armiqesia diplomatike e Saliut me greket nuk vjen se do vendin e vet po sepse lobon me fort per serbet se greket. Greket e duan Saliun si Nanon full greek support.
Po gjithsesi e duan greket saliun se ngaqe lobon per serbet miqte e grkerve jane edhe ata, qe te dy kunder Shqiperise me shekuj.
Prandaj eshte gjynah i madh te mbrosh me syze kali qe keni ju nje njeri si Sali Berisha.
Ata qe ja permendin ne parlamet te paberat Saliut seshte se skane gjynahe te veta po si kane kurre si ato te saliut dhe jane njerez qe kane mundesi tu degjohet llafi.
Jo si ne qe jemi qindra kilometra larg.
Ne vend qe ne ermer te kombit ju qe i rrini prane ta perzini e mos tja shohim me bojen i beni fresk bemave te tij tejet armiqesore.
O Brari ca marresh me ate dritanin ore ai eshte 20 vjec sapo i ka bere dhe rri ne itali dhe o msu ai duke perjashtuar robt pa te drejte se e ka te imponuar me trashigimi nga te paret enverista qe ka. Ai eshte i pa skrupullt ai eshte njeriu me i flliqur qe kane networket shqiptare, kshu qe mos bje ne nivelin e tij se ai ka disa shoke qe jane moderator ktu e sja e vle se e kane monopolizuar forumin . Por ai eshte pjelle e kanilbalve qe thua ti the sala ju a ka nxjerr prindit jashte loje se kan qen msuar duke bo kondrabande te shumlojshme e tani ankohen thone spo bejme dot leke dhe si rezultat dalin e shajne salen e pd neper forume.
Ndryshuar për herë të fundit nga MICHI : 09-11-2008 më 18:04
pd po, sale jo ...
sala ia mori erzin pd-se dhe Shqiperise, e masakroi pronen mos o Zot ma keq, ngopi familjen e vet dhe te kuqt me korrupsion - nga ana tjeter i shan me liber shpije - çfar sherbetori punist-nmenklaturist i kamufluar ...
greket i sajdis me mauzole ... bollanon e ka mik per mik per krye ... çamet e Çameri as nuk do tia dije ...
me malazias e serb beri kontraband, e iu erdhi ne ndihme kur ata ishin me ne nevoje - nuk e ndaloi dot procesin e pavarsimit, ndaj sot, nga krahu tjeter i fryn zjarrit te perçarjes ne Kosove ...
miq ka ate qe e mbeshtet te mbaje karriken, ne radhe te par athin e beograd perjashta, karteron e fazliq - brenda imam, xhuvel e kushdo tjeter nga katastrofa e '97, e nga ana tjeter e quan "revolte komuniste" ... mashtro, genje, premto parka, atoma, industriala,
ketej shahet per vdekje, akuzon per vjedhje e korrupsion kundershtaret, nga ana tjeter ben marveshje te fshehta e komprometuese per pd, dhe vjedhjen e korrupsionin e kundershtarit nuk ia kalon prokurorise, por i mban "pezull", si punen e dosjeve te sigurimit, qe aq shume i ka per qejf, ti perdore ne interesin e tij vetjak, ti shtoje dite jetes se vet-qendrimit pa moral ne politike ...
pisllek fund e krye ...
Skandali, Fazliç mori toka shtetërore
Thellohen hetimet. Prokuroria zbulon prona të tjera të serbo-boshnjakut: I bleu në Durrës me çmime qesharake
Damir Fazliç, shtetasi serbo-boshnjak, i akuzuar nga Shqipëria për pastrim parash, ka blerë në qytetin e Durrësit, ku do të ndërtohet parku energjetik, tokë shtetërore. Prokuroria e Tiranës ka marrë në dorëzim dokumentacionet e ardhura nga hipoteka e Durrësit, ku rezulton se Fazliç, krahas blerjes së tokës nga banorët e zonës, ka marrë me çmime qesharake edhe tokën shtetërore, ende e pandarë. Lajmi bëhet i ditur nga burime pranë akuzës qendrore, sipas të cilës, në kuadër të hetimeve për pastrim parash, të hetuarit i janë bllokuar rreth 12 hektarë në vendin ku do të ndërtohet një vepër energjetike. Prokuroria tha se do të marrë në pyetje zyrtarët e shtetit, që kanë firmosur shitjen e tokës shtetërore. Pritet që në ditët në vijim në Prokurorinë e Tiranës të paraqiten personat që kanë dhënë OK që Fazliç të merrte dynymët për një "copë bukë". Hetuesit e prokurorisë deklarojnë se kanë në shqyrtim materialin e ardhur nga zyra e regjistrimit të pasurive të paluajtshme të Durrësit, ku rezulton se biznesmeni i huaj është një superpronar, madje zotëron 12 hektarë tokë. Burimet nga akuza qendrore saktësojnë se disa ditë më parë, Hipoteka, pas kërkesës së Prokurorisë së Tiranës që të evidentojnë të gjitha pronat e Fazliç dhe bashkëpunëtorëve të tij, ka sjellë përgjigje se serbo-boshnjaku dispononte në fshatin Rinia, në Porto Romano (Durrës) dy prona me rreth 12 hektarë sipërfaqe, e cila dyshohet se është blerë për rreth 600 mijë euro nga banorët e zonës. Krahas blerjes nga banorët, Fazliç rezulton se ka blerë tokë edhe nga shteti. Për çmimin e blerjes, burimet pohojnë se është tepër i lirë me çmimet e tregut, por hetuesit nuk preferojnë të japin detaje në shifra, pasi çështja është nën hetim. Por, mësohet se, pas konstatimit të këtyre parcelave, organi i akuzës vendosi bllokimin deri në përfundim të hetimeve.
Toka në Durrës
Në kuadër të hetimit për Fazliç, për aferat për pastrim parash në Shqipëri, prokuroria i kërkoi disa javë më parë hipotekave që të evidentonin të gjitha pasuritë e tij në emër të kompanisë "Crown Acquisitions". Zyra e Regjistrimit të Pasurive të Paluajtshme ktheu disa ditë më parë përgjigjen se "Fazliç rezulton të jetë pronar i 12 hektarëve në fshatin Rinia, në Porto Romano, Durrës". Dokumentet e pronësisë janë bllokuar në cilësinë e provave materiale për hetimet që kanë nisur mbi Fazliç dhe bizneset e tij. Sipas Hipotekës, shuma e përgjithshme e shpenzuar për këtë blerje është vetëm 600 mijë euro. Ndërsa e gjithë pasuria e Fazliç, në pjesën veriore të Durrësit, atje ku Kryeministri Berisha ka deklaruar se do të ndërtohet Parku Energjetik, është aktualisht një tokë e regjistruar dhe e njohur zyrtarisht në emër të firmës. Pronat e Fazliç në Hipotekën e Durrësit janë bllokuar dhe me to nuk mund të kryhet asnjë lloj veprimi, deri në përfundim të hetimeve. Kërkesa ka ardhur nga Prokuroria e Përgjithshme. Nisja e hetimit duket se do të çojë edhe në bllokimin e hapave të mëtejshëm për ngritjen e kompleksit energjetik në veri të qytetit-port, i cili konsiderohet shkatërrues për mjedisin dhe komunitetin, sipas banorëve.
gaz shqip
VIZION PLUS
http://www.vizionplus.tv/news_vizion_single.aspx?24650
Pas miratimit te masterplanit nga KRT - ja e Qarkut te Durresit per ndertimin e parkut energjitik në Porto Romano, shume prej banorëve te zonës kane vene shtepite ne shitje. Ata i druhen ndotjes qe mund te shkaktoje parku energjitik. Projekti per kete park erdhi vetem pak kohe pas largimit te pesticideve qe kane ndotur prej vitesh Porto Romanon. Tashme masterplani do te kaloje edhe ne KRRTRSH. Nese miratohet, punimet për ndërtimit e parkut energjitik pritet te fillojne brenda dy vitesh. Ai parashikohet te zere një siperfaqe toke prej 810 hektaresh, pjesa me e madhe e se ciles sipas publikimeve ne media eshte prone e Damir Fazlic. Kjo zone shtrihet rreth 6 km larg qytetit te Durresit.
http://www.ballkan.com/index.php?page=shownews&newsID=47122
Jepet OK dhe miratohet parku energjetik në Porto Romano. Këshilli i Rregullimit të Territorit në qarkun e Durrësit miratoi dje Masterplanin e "Zhvillimit të integruar (në sinergji) të zonës energjitike dhe industriale të Porto Romanos, infrastrukturën dhe konturet e saj, me një sipërfaqe prej 810 ha".
Kryetari i Këshillit të qarkut, Seid Kërtusha u shpreh se zhvillimi industrial në një territor me toka të dobëta, hapja e vendeve të punës dhe zhvillimi në sinergji me vendet fqinje, i japin një rëndësi të veçantë implementimit të këtij masterplani.
http://www.tanmarket.com/php/modules.php?name=News&file=print&sid=1239
Çmimi për një metër katror tokë bujqësore varion nga 1 dollar në 5 dollarë, shifër kjo e llogaritur në bazë të kategorisë që i përket kjo sipërfaqe toke.
------------------------------------------------------------------------
------------------------------------------------------------------------
Vizion Plusi, pronare te te cilit jane DULAKET, shkruan se Fazlliçi eshte pronar kryesor i 810 hektareve te parkut te "Porto Romanos".
Po te mos kisha lexuar artikullin e "Shqip", do kisha menduar se Fazlliç duhet te kishte minimumi 52 hektar (qe te quhej pronari kryesor), sepse vete DULAKET kane 51 hektare ne kete park (kaq di une, por mund te kene edhe me shume).
Gazeta "Shqip" me sa duket e di kete fakt, qe ka dhjetra biznesmen (pse jo edhe nga TOP MEDIA ) te cilet zoterojne shume me shume se Fazlliçi ne kete park, prandaj nuk merret me sasine por kerkon te abuzoj me çmimin.
Fazlliç paska blere 12 ha per 600 000 €, qe do te thote 5 € per meter katror ose 6 $ per meter katror.
Nje toke qe sipas kryetarit te këshillit të qarkut Durres, Seid Kërtusha, futet tek tokat e dobeta.
Nderkoh qe çmimi për një metër katror tokë bujqësore varion nga 1 dollar në 5 dollarë, shifër kjo e llogaritur në bazë të kategorisë që i përket kjo sipërfaqe toke.
Pra Fazlliçi paska blere nje meter katror te nje toke te ndotur me pesticide, jo per 1$, as per 2$ dhe as per 5$ (çmimi per toka shume te mira bujqesore), por per nje "cope buke", per 6$.
.
.
Ndryshuar për herë të fundit nga Antimafia : 21-11-2008 më 08:12
nje gje eshte se si puna fazlliqit si puna dulakve.. vijne era m.ut.. dhe pacin faqen e zeze ata qe e trajtojne atdheun si matrapaze..
tek don kishoti ka ca keshilla shum te mira per "gubernatoret" e gjykatesit..
ki kujdes or sanco i thot i ngrati don kishot.. mikut te tij qe do benej gubernator.. mbaje drejt shkopin e drejtesise e ne tu shtremberofte ndonje here le te mos jete kjo nga barr e peshqeve por nga meshira..
nuk jan per meshire fazlliqet qe te gllaberojne toka.. as dulaket as altin arapo aldo baret as edvinet e m.utinet e tjere..
ca te shkrete kan 20 vjete.. qe kerkojne pronat e tyre te ligjeruara historikisht e shkreserisht.. e nuku marrin asgje..
ca mu.ter te huaj.. vijne per dy dite ne shqiperi e blejne.. troje.. per pes pare spec..
ca kopila enveristesh.. pa i blere fare behen pronare te tokes e detit e ajrit..
ki kujdes o sanco i thot se nje gjykates mund te jet i drejte vet por nuk e di se e shoqja pa dijeni te tij merr rrushfete nga mileti..
kur u be kryeminister berisha do ish dashur te bej nje mbledhje dhe ne shtepi te vet..
degjoni kalamoja.. un do dal me shpat kunder korrpsionit.. e qe te kem sukses e te jem i bindshem duhet mos te ma fuse askush nga prapa.. pra ju femijet e mij.. do duhet te jeni krejesisht te paster.. larg nga cdo tundim.. nga do qe tju vije.. se ndryshe na felliqet faqja ..e i veme brire pd-se e cila rron jo nga vota juaj oj git e xen e karadyzena tjer..
pra kujdes..qe asnje m.ut m.uti brace enveriste te mo na kape me pres ne duar..
nuk e meritonte 3 korrikasi heroik i pabuke e i pa pune.. i pa rroge e i pa biznes.. e i pa prone.. as gerdecin as fazlliqin..
mendja gje e madhe..
i madh ish gandi..
nuk e korruptonte dot kush..
me nje velenxe e nje dhi..e nje tas supe.. e shtynte diten gubernatori i vendit me te pasur ne bote..indise..
..
Ndryshuar për herë të fundit nga Brari : 21-11-2008 më 08:52
TemA
Heronjtë e Berishës në vitin e fundit të mandatitNga Mero Baze
Dje, në dy gazeta ditore më tërhoqi vëmendjen një njoftim i shkurtër pa shumë referenca zyrtare, sipas të cilit Rezart Taçi njoftonte se kishte bërë më në fund pagesën prej 128 milionë eurosh dhe ishte pronar i ARMO-s, tashmë me emrin ARMO. Njoftimi i dytë, që është dhe lajm i ditës, është se qeveria është vënë në mbrojtje të një biznesmeni të quajtur Dritan Çela, kontraktor për ndërtimin e fshatit turistik të Kakomesë, aq shumë të kundërshtuar që nga viti 2005.
Rasti i parë duket shumë flagrant. Deri më sot kryeministri, Sali Berisha, e ka fshehur faktin që ARMO-n ia ka shitur Rezart Taçit. Në dokumentin e paraqitur në tender, ky tip spekulanti ose, po t’i referohemi Berishës, “kontrabandisti më i madh i naftës”, nuk ka pas qenë blerësi i ARMO-s. Gazeta “TemA” këmbënguli që në fillim se konsorciumi me emër amerikan ishte fals dhe se pas tij fshihej ai që Berisha e quante kontrabandist nafte në kohë të socialistëve. Dje, ai doli hapur dhe pranoi se ishte blerësi i ARMO-s dhe se kishte bërë derdhjen e parave në llogarinë e shtetit. Nuk jam shumë i sigurt për këtë të fundit, por po e marr të mirëqenë.
Ajo që është skandaloze në këtë rast, është gënjeshtra publike e kryeministrit dhe rehabilitimi prej tij i një prej emrave, të cilin dy javë para zgjedhjeve e ka akuzuar si trafikant të madh të naftës dhe prodhues i evazionit fiskal në Shqipëri duke shmangur akcizën. E vërteta është se, përmes lidhjeve që ai krijoi me familjen Berisha, duke punuar me vajzën e tij dhe më pas duke qenë “bamirës” përmes gruas së tij te fondacioni i zonjës Berisha, Rezart Taçi u “pastrua” nga kontrabandist dhe u bë biznesmen serioz. Ai arriti të gënjejë gjithë shqiptarët, duke thënë se ia shiti ARMO-n një kompanie amerikane, ndërsa në dy gazeta ditore dje, del qartë se blerës real i ARMO-s është Rezart Taçi.
Sali Berisha tashmë duhet të tërheqë së paku vlerësimin negativ që ka bërë për këtë biznesmen dy javë para se të vinte në pushtet, që ne të mos dyshojmë se ky biznesmen e ka blerë shtrenjtë pastërtinë e tij te familja në pushtet.
Rasti i dytë është po aq emblematik. Në të njëjtin emision televiziv që ka folur për Rezart Taçin, Berisha ka përmendur që pronarë të fshatit Kakome janë banorët e kësaj zone, por fshati turistik që po ndërtohet është pronë e Fatos Nanos. Argumenti që kishte Berisha ishte se, vetëm nëse qëndron kryeministri pas firmës që ndërton fshatin, mund t’iu marrë tokën fshatarëve me arrogancë, pa i pyetur. Askush, sipas Berishës, nuk mund ta bënte këtë, nëse nuk do të ishte kryeministri. E besuam dhe ne, dhe shqiptarët këtë deklaratë. Në vitin 2008, Berisha po çon prapë fadromat të ndërtojë atë fshat turistik. Fshatarët sërish po i zënë rrugën. Mediat pranë Berishës tashmë po mbrojnë biznesmenin Dritan Çela dhe jo pronarët. Logjika më e thjeshtë që bazohet tek ajo ç’ka thënë Berisha, të çon në përfundimin se pas ndërtuesve të fshatit turistik tashmë qëndron Berisha, pasi vetëm një kryeministër mund të guxojë t’iu marrë tokën të tjerëve. Nëse nuk është kështu, atëherë Berisha duhet të dalë publikisht dhe të tërheqë atë vlerësim që ka bërë për pronësinë e Fatos Nanos në këtë fshat.
Ndryshe, të gjithë kemi të drejtë të besojmë se përmes mekanizmave që vuri nën kontroll për ndërtimet në bregdetin shqiptar në Jug, ai ose familja e tij qëndron pas ndërtimit të fshatit turistik të Kakomesë. Për t’u bindur për këtë mjafton të ndjekim logjikën e deklaratës së tij në qershor të vitit 2005, dhe mënyrën se si argumentonte pjesën e Fatos Nanos në këtë projekt.
Unë nuk dua t’i hyj deri në çfarë mase dokumentet e pronarëve të Kakomesë janë të sakta nga fshatarët dhe nga hipotekat. Për të verifikuar se diçka nuk është e rregullt në këtë histori mjaftojnë dy qëndrimet e ndryshme të Berishës më 2005 dhe 2008. Ai duhet të saktësojë publikisht se çfarë qëndrimi ka sot.
Thyerja e Berishës para korrupsionit dhe fakti që në vitin e fundit të mandatit të tij, heronjtë e tij moralë janë personazhet e mega-korrupsionit të vitit 2005, tregon se betejën mes Berishës dhe mafies e fitoi mafia dhe sot Sali Berisha është një ushtar i bindur i tyre ose “kapter”, siç ka qejf të thotë.
Ka patur dashnor mami Fazlliçit, prandaj quhet bir k*urve ai.
Çlidhje ka se çfarë babai ka Fazlliç? E rëndësishme për ne është fakti që, ai ka patur të njohur dhe miq të njëjtët njerëz që njihte dhe bashkpunonte Arkani dhe disa kriminel të tjerë.
Nuk është në nderin e Shqipërisë që një emër i tillë të marri pjesë në raportet e qeverrisë për Sigurinë Kombëtare.
Me fjalë të tjera Berisha i raportoi Fazlliç për Sikurinë Kombëtare duke i treguar të gjitha pikat e forta dhe të dobëta të shtetit Shqiptar
Ndryshuar për herë të fundit nga flory80 : 23-11-2008 më 12:20
EH I ZIU NJERI, GËLLTIT DIKU NJE LUGË ÇORBË TË PRISHUR, EDHE VJELL PASTAJ PËR GJITHË JETËN!
Regullat e Postimit
Përgjigju Duke Cituar
Krijoni Kontakt