Flash MX 6 beta

[ILovePejaa]

Versioni i ri i Flashit është përplot befasi të vogla - kjo mund të shihet që nga hapja e programit me ndrrimin e dritares hyrëse për program. Logoja e Flashit është ndërruar plotësisht, në përputhje me emrin e ri: tani ky program quhet Flash MX. Me hapjen e Flashit MX paraqitet një pop-up dritare në të cilën na ofrohen tri mundësi: designer, developer dhe mundësia e tretë mënyra e përgjitshme (General) e punës. Desginer mode, siç shihet edhe nga emri, shërben për pjesën dizajnuese të punës, pa përzierje në programim dhe ActionScript. TEk Developer mode, është pikërisht e kundërta, programimi nënkuptohet, ndërsa në General mode, përkrahen të dyjat. Por, për asnjërën prej këtyre opcioneve nuk mund të thuhet se janë të “rezervuara” për ekspertë.

Panelet

Panelet janë të përkrahura në këtë version më shumë - në dhjetëra sish mund të gjenden gati të gjitha komandat, ndërsa janë shtuar edhe të reja të cilat ofrojnë mundësi shtesë. Ata që kanë konfigurime me monitorë me diagonale të vogël vështirë se do të mund të kenë të gjitha opcionet në dispozicion – më shumë të luajën symbylltazi me Flashin. Panelet e reja janë Components, Component Parameters, Accessibility, Reference, Sitespring, Answers, dhe, më i rëndësishmi, Properties. Pa këtë të fundit kurrsesi nuk bën- Macromedia e ka mbajtur fjalën se do të unifikojë hapësirën punuese nëpër të gjitha programet e veta. Paneli i ri Properties zëvendëson 9 të vjetra (!) (Stroke, Fill (pjesërisht), Character, Pragraph, Text Options, Instances, Effects, Frame dhe Sound). Nga njëra anë jemi të kënaqur me këtë, sepse, eliminon vuajtjet e klikimit nëpër disa panelë të ndryshëm, por nga ana tjetër nuk jemi edhe aq të kënaqur, sepse tani kemi një numër të madh panelesh me një mori opcionesh në një vend, dhe kjo krijon tollovi dhe huti. Por, pasi që Flash është program për përpunim grafik, shihet qartë se është I deikuar për punë në monitorë prej 17 inch e tutje, dhe kështu me siguri që është menduar se monitori më I madh do të eliminojë këto tollovi të paneleve, dhe vërtetë ashtu është. Paneli Properties është mjaft I dobishë por nuk është i kryer mirë në tërësi - hapësira e tij nuk është shfrytëzuar maksimalisht. Ju kujtohet panlei Clip Parameters nga versioni 5? AI tani vjen në kuadër të Properties si nënopcion Parameters i cili paraqitet automatikisht kur selektojmë ndonjë objekt në skenë. Por, automatikisht paraqitetn vetëm opcionet themelore të nënopcionit Parameters, ndërsa opcionet tjera të cilat u duhen shfrytëzuesve më të avancuar, vijnë përmes Library në të cilin zgjedhet objekti e mëpastaj edhe Component Definition. Mixeri i dikurshëm tani është Color Mixer, i ndërruar vetëm pakëz në krahasim me versionet e mëparshme: tani mund të jetë më I madh apo më I vogël. Edhe Swatches i është ndërruar emri në Color Swatches, por, për dallim nga Color Mixer, ka mbetur ai i njëjti si në versionet tjera. Reference sjell disa nga risitë më të mira të versionit të ri. Bëhet fjalë për panelini në të cilin spjegohet secili urdhëri caktuar në ActionScript. Kjo do të thotë se më nuk ka nevojë për sistemin që hapej në dritare të posaçme: ActionScript help (deri tani është hapur me shtypjen e F1), tani ky është një panel i veçantë Reference!


Hapa të vegjël, por të mjaftueshëm

Ndërrimet në interfejs nuk janë aq të mëdha por megjithatë janë të dukshem dhe për çdo lëvdatë, sepse mundësohet gjindshmëri më e madhe gjatë punës, natyrisht, pasi të mësoheni me të. Atë që e kemi pritur qysh në versioni 5 të Flashit, tash e kemi në këtë version - fjala është për Importin. Tani na mundësohet ipmort i gati të gjitha formateve më të rëndësishme të videos si: Digital Video (.dv, .dvi), MPEG Movie (.mpg, .mpeg), Video for Windows (.avi), Macromedia Flash Video (.flv) dhe të tjera. Për Timeline mund të thuhet pa hezitim se sjell një përmirësim të dukshëm dhe këtë më së shumti në organizim të skenës, objekteve dhe animacionit. Tani Layerët mund t’I grupojmë si na konvenon neve më së miri. Nëse gabimisht keni krijuar një Folder të cilin më vonë dëshironi ta bëni Layer, këtë mund ta bëni me lehtësi përmes Properties të tij. Zhvendosja e Layerëve bëhet mjaft lehtë, pa frikë për gabime sepse çdo gjë mund të përmirësohet - nëse e keni më lehtë këtë mund ta bëni edhe përmes opcionit Undo. Nëse keni shumë layerë dhe folderë dhe ju paraqesin problem në Timeline këtë mund ta rregulloni mjaft lehtë: folderët të cilët nuk i përdorim momentalisht mund t’i mbyllim pa problem dhe më vonë përsëri t’i hapim. Në këtë mënyrë mund të krijojmë një trung të folderëve (mund të përmbajnë edhe folderë tjerë) dhe layerëve. Sa i përket Veglave kryesore (Tools) janë shtuar dy: Free Transform dhe Fill Transform. Derisa i pari është plotësisht opcion i ri, Fill Transform tani vetëm është ndarë nga Paint Bucket. Në kuadër të Free Transform gjendet vegla Distort e cila shërben për ndërrim të shpejtë të formës vektoriale të objektit. Krah për krah me Distort gjendet edhe Envelope - kjo është ajo që kemi pritur – tani vetë mund t’i formësojmë objektet. Në versionin e ri të Flashit ka ndërruar edhe sistemi i Helpit: janë bërë ndërrime të vogla në pamje, por janë shtuar shembuj të shumtë... Shikuar nga aspekti i destinimit të këtij programi (e kjo është animim dhe vetëm animim), do të mund të bëniim një vërejtje të madhe këtu, sepse është dashur të shtohen shumë më shumë shembuj të animimit, sepse të vjetrat janë shumë statike dhe monotone. Do të duhej shtuar edhe më shumë mundësi të ndihmës interaktive për animim, gjë që posaçërisht do t’u ndihmonte fillestarëve. Publish Settings ka kaluar pa ndërrime të mëdha. E vetmja risi pak më e rëndësishme është se tani në mesin e opcineve gjatë eksportimit, ta zëmë tek opcionet HTML (Template), gjenden skriptat për detektim të plug-init të Flashit, dhe atë që nga versioni 3 deri tek më i riu (MX).

MX interesant

Shumë adhurues/shfrytëzues/developerë të Flashit kanë mundur të binden qysh në versionet e tij të mëhershme për lehtësinë dhe elegancën e funksioneve mjaft të dobishme, të iclat shpesh lehtësojnë punën edhe te programet të cilat janë të specializuara për grafikë statike vektoriale. Nga versioni i ri priten mundësi të reja dhe përmimrësime, gjë që deri diku edhe është e saktë, por duhet pranuar se kemi pritur shumë më shumë. Shumë shfrytëzues të Flashit kanë dëshiruar funksione 3D në versionin e ri - kjo nuk është realizuar dhe, me siguri, më së shumti e prish përshtypjen e përgjithshme për versionin më të ri. Më e mira është që Flashi ende punon sipas principit të tij të vjetër, e kjo është thjeshtësia e përdorimit të tij në krahasim me Directorin. Edhe një plus i madh për Flashin e ri është se nuk është program i cili kërkon hardver dhe softver të fuqishëm, sepse ende do të punojë edhe në kompjuterët e klasit Pentium. Pra, versioni më i ri i Flashit është në duart tona, me disa risi, por jo me diçka revolucionare. Megjithatë, Flash do të jetë edhe me tutje mjaft I popullarizuar. Për të thënë fjalën e fundit megjithatë duhet të presim versionin përfundimtar.

(c) koha ditore

[regli]

Me pelqeu menyra jote e pershkrimit te punes me Flash MX. Une jam nje adhurues i softwareve te Macromedias dhe me pelqeu qe ketu mund te gjeja perdorues te Flash-it. Une kam disa kohe qe e perdor ate dhe me ka mahnitur me cilesine e artit qe mund te krijosh me te si edhe cilesia e puneve qe mund te besh me te. Une tashme e kam versioninn e plote dhe mund te them qe shume ndryshim nga Versioni beta nuk ka. Megjithate te falenderoj per temen e re qe ke hapur dhe shpresoj qe perdoruesit e flashit te shtohen pasi per mendimin tim Flash eshte evolucioni ne grafiken e internetit. Dhe do desha qe nqs ke tutoriale per user pak me te avancuara po ppate mundesi te mi postosh ketu ose ne adresen e e-mail-it

Me respekt

[ILovePejaa]

Me te vertete Macromedia ka bere nje zhvillim te multimedias dhe tani ka qitur ne trege edhe Macromedia Dreamweaver MX ashtu edhe Macromedia Fireworks MX dhe disa programe te tjera ne versionin MX. Keto programe mundeni te beni download ne www.macromedia.com dhe te gjeni nje crack ne internet perkatesishte www.cracks.am

Sa i perket Flash MX nuk ka edhe ndryshime shume shume te medha por eshte duke u mere me lehte te punohet me teh. Une kam nje eksprience jo te vogel me flash dhe me pelqen shume.

Suksese ne punen tuaj regli.