Vargu biblik i ditës

[torrkerry]

Gëzimi i Jezusit.



Atëherë Jezusi, nën ndikimin e Shpirtit Shenjt, klithi plot hare:

“Të madhëroj, o Atë, Zotërues i qiellit e i tokës, pse ua fshehe këto të urtëve e të mençurve e ua zbulove të vegjëlve!

Po, o Atë, pse ty të pëlqeu kështu!

Gjithçka më dorëzoi im Atë!

Askush nuk e di kush është Biri, përveç Atit,

dhe kush është Ati, përveç Birit

dhe atij, kujt Biri do t’ia zbulojë”.

Pastaj u kthye kah nxënësit dhe u tha atyre veçanërisht:

“Lum sytë që shohin çka po shihni ju!

Juve po ju them: shumë profetë e mbretër dëshiruan të shohin çka po shihni ju, por nuk panë; të dëgjojnë çka po dëgjoni ju, por nuk patën fat të dëgjojnë”.

Lk 10,21-24.

Torrkerry

[toni77_toni]

"Lum sytë që shohin çka po shihni ju!"

"Juve po ju them: shumë profetë e mbretër dëshiruan të shohin çka po shihni ju, por nuk panë; të dëgjojnë çka po dëgjoni ju, por nuk patën fat të dëgjojnë”. (Lk 10; 21-24)


www.bibla.net


vazhdon-->

[toni77_toni]

"Ja, Hyji Shëlbuesi im.."

Ja, Hyji Shëlbuesi im, kam besim e nuk kam frikë, sepse fuqia ime e mburrja ime është Zoti, Ai është shpëtimi im.” (Isaia 12; 2)


www.bibla.net


vazhdon-->

[toni77_toni]

"Unë fola e ju s’dëgjuat, por bëtë të keqen ndër sy të mi.."!

Sepse ju thirra e s’u përgjigjët, unë fola e ju s’dëgjuat, por bëtë të keqen ndër sy të mi, zgjodhët atë që mua s’më pëlqen!” Prandaj Zoti Hyj thotë kështu:

“Ja shërbëtorët e mi do të hanë, kurse ju do keni uri;
ja, shërbëtorët e mi do të pinë, kurse ju do të keni etje;
ja, shërbëtorët e mi do të gëzohen, kurse ju do të turpëroheni;
ja, shërbëtorët e mi do të këndojnë në harenë e zemrës së vet,
kurse ju do të bërtisni prej dhimbjes së zemrës, do të ulëritni me shpirt të copëtuar! (Is 65 12-14)

www.bibla.net


vazhdon-->

[toni77_toni]

"Çka do të thotë ajo fjalë: të ngjallet prej së vdekuri?"

Ndërsa po zbritnin nga mali, Jezusi u urdhëroi që të mos i tregojnë askujt çka panë derisa Biri i njeriut të ngjallej prej së vdekuri. Ata e mbajtën porosinë, por njëri‑tjetrin e pyesnin çka do të thotë ajo fjalë: “të ngjallet prej së vdekuri?” (Mk 9; 9-11)


www.bibla.net


vazhdon-->

[toni77_toni]

"Ata e përqeshën sepse e dinin mirë se kishte vdekur"!

"Të gjithë e qanin dhe e vajtonin. Jezusi u tha: 'Mos qani! Ajo nuk ka vdekur, por po fle!' Ata e përqeshën sepse e dinin mirë se kishte vdekur. Ai e kapi për dore dhe i tha:

“O vajzë, çohu!”

Asaj iu kthye shpirti dhe menjëherë u çua. Jezusi u urdhëroi t’i japin vajzës menjëherë të hajë". (Lk 8; 52-55)

www.bibla.net


vazhdon-->

[toni77_toni]

"Po sillnin përjashta qytetit një të vdekur"!

Pastaj Jezusi u nis për në qytetin që quhet Nain. Me të shkonin nxënsit e tij dhe turmë e madhe e popullit. Kur iu afrua dyerve të qytetit, po sillnin përjashta qytetit një të vdekur djalin e vetëm të nënës e kjo ishte e vejë. E përcillnin shumë banorë të qytetit. Kur e pa Zotëria, pati dhembshuri për të dhe i tha:

"Mos qaj"

U afrua, preku vigun ata që e mbartnin, u ndalën. Ai tha:

"Djalosh, ty po të them: çohu!"

I vdekuri u çua dhe nisi të flasë. Jezusi ia dha s’ëmës. (Lk 7, 11-15)


www.bibla.net

vazhdon-->

[toni77_toni]

''Zot, ai tashmë qelbet, sepse ka vdekur prej katër ditësh''.

Jezusi i tha:
''A nuk të thashë se po të besosh, do të shohësh lavdinë e Hyjit?''.

Atëherë ata e hoqën gurin prej vendit ku ishte shtrirë i vdekuri. Dhe Jezusi i ngriti sytë lart dhe tha:
''O Atë, të falënderoj që më ke dëgjuar. Unë e dija mirë se ti gjithnjë më dëgjon, por i kam thënë këto për turmën që është përreth, që të besojnë se ti më ke dërguar''.

Dhe, mbasi tha këto, thirri me zë të lartë:
''Lazër, eja jashtë!''.

Atëherë i vdekuri doli, me duart e këmbët të lidhura me rripa pëlhure dhe me fytyrën të mbështjellë në një rizë. Jezusi u tha atyre: ''Zgjidheni dhe lëreni të shkojë!''. (Gj11; 25-48)


www.bibla.net

vazhdon-->

[toni77_toni]

"O Zot, nëse ti do, mund të më shërosh."

Kur Jezusi zbriti nga mali, iu vu pas një turmë e madhe populli. Dhe ja, një i gërbulur iu afrua, ra përmbys para tij e i tha: "O Zot, nëse ti do, mund të më shërosh."

Atëherë Jezusi e shtriu dorën, e preku dhe i tha:

"Dua, shërohu!"

Dhe përnjëherë u shërua gërbula e tij.

Jezusi i tha:

"Ruaju se i tregon kujt! Por shko, paraqitu te prifti e kushtoje flinë që ka urdhëruar Moisiu, t’u vlejë atyre për dëshmi." (Mt 8, 1-4)


www.bibla.net

vazhdon-->

[Gjyka]

"O Zot, nëse ti do, mund të më shërosh."

Kur Jezusi zbriti nga mali, iu vu pas një turmë e madhe populli. Dhe ja, një i gërbulur iu afrua, ra përmbys para tij e i tha: "O Zot, nëse ti do, mund të më shërosh."

Atëherë Jezusi e shtriu dorën, e preku dhe i tha:

"Dua, shërohu!"

Dhe përnjëherë u shërua gërbula e tij.

Jezusi i tha:

"Ruaju se i tregon kujt! Por shko, paraqitu te prifti e kushtoje flinë që ka urdhëruar Moisiu, t’u vlejë atyre për dëshmi." (Mt 8, 1-4)


www.bibla.net

vazhdon-->

Po Jezusi gjithmone do, po jemi ne qe e refuzojme, mjerisht.

[toni77_toni]

"Zotëri, ki mëshirë për djalin tim"

Kur mbërritën te populli, iu afrua një njeri, ra në gjunj para tij dhe i tha: "Zotëri, ki mëshirë për djalin tim: i bie e tokës dhe po vuan shumë. Shpesh bie herë në zjarr e herë në ujë! E solla te nxënësit e tu, por ata s’mundën ta shërojnë."
"O brezni e pafe dhe e prishur u përgjigj Jezusi deri kur do të jetoj mes jush? Po deri kur do t’ju duroj? Ma bini këtu!"

Atëherë Jezusi e urdhëroi djallin e ky doli prej djaloshit, që u shërua në atë çast. (Mt 17, 14-18 )


www.bibla.net

vazhdon-->

[toni77_toni]

"Fisnike, ja, u shërove prej sëmundjes sate!"

Dhe, ja, një grua që kishte tash tetëmbëdhjetë vjet në trup djallin shkaktarin e sëmundjes: ishte e kërrusur dhe s’mund të drejtohej drejt assesi.

Kur Jezusi e pa, e thirri afër vetes dhe i tha: "Fisnike, ja, u shërove prej sëmundjes sate!" I vuri duart mbi të, ajo përnjëherë u drejtua dhe zuri të lavdërojë Hyjin. (Lk 13, 11-13)


www.bibla.net

vazhdon-->

[toni77_toni]

"Duke shëruar në popull"!

Jezusi shkonte prej një vendi në një vend tjetër nëpër mbarë Galilenë, duke mësuar në sinagogat e tyre, duke predikuar Ungjillin e Mbretërisë e duke shëruar në popull çdo sëmundje e çdo pamundësi. (Mt 4;23)


www.bibla.net

vazhdon-->

[toni77_toni]

"A besoni se mund ta bëj këtë gjë?"

Kur Jezusi u nis prej andej, shkonin pas tij dy të verbër duke bërtitur e thoshin: "Ki mëshirë për ne!" Kur arriti në shtëpi, të verbërit iu afruan e Jezusi u tha: "A besoni se mund ta bëj këtë gjë?" Ata iu përgjigjën: "Po, Zotëri!" Atëherë ua preku sytë e tha: "U bëftë sipas besimit tuaj!" Dhe atyre iu çelën sytë. (Mt 9, 27-31)

www.bibla.net

vazhdon-->

[toni77_toni]

Jezusi u urdhëroi erërave dhe detit e u bë qetësi e madhe!

Si hyri në barkë, pas tij u nisën edhe nxënësit e tij. Dhe ja, në det u çua një stuhi e madhe aq sa valët po e mbulonin barkën; e ai flinte. Atëherë nxënësit iu afruan, e zgjuan dhe i thanë: "Ndore tënde, o Zot, se u mbytëm!" "Pse po frikësoheni, o fepakët?" u tha dhe atëherë u ngrit, u urdhëroi erërave dhe detit e u bë qetësi e madhe. Njerëzit të habitur thoshin: "Kush është ky që po i nënshtrohen erërat dhe deti?" (Mt 8; 23-27)

www.bibla.net

vazhdon-->

[toni77_toni]

"Hesht dhe dil prej tij!"

Pikërisht atëherë ishte në sinagogën e tyre një njeri i pushtuar prej shpirtit të ndytë dhe bërtiti: "Çka ke me ne, o Jezu Nazareni? A erdhe të na shfarosësh? Unë e di kush je: Shenjti i Hyjit!"

Jezusi iu kërcënua: "Hesht dhe dil prej tij!" Shpirti i ndytë, si e përplasi pa mëshirë dhe si lëshoi një britmë të madhe, doli prej tij. (Mk 1, 23-26)

www.bibla.net

vazhdon-->

[toni77_toni]

"Shtrije dorën tënde!

Pastaj, mbasi u largua që andej, hyri në sinagogën e tyre; dhe ja, aty ishte një burrë të cilit i qe tharë dora. Ata e pyetën Jezusin, me qëllim që ta padisin më pas: "A është e lejueshme që dikush të shërojë ditën e shtunë?".

Dhe Jezusi u tha atyre:
"A ka ndonjë prej jush që ka një dele, dhe ajo bie në një gropë ditën e shtunë, dhe e ai nuk shkon ta nxjerrë jashtë? E, pra, sa më i vlefshëm është njeriu se delja! A është, pra, e lejueshme të bësh të mirën të shtunën?``.

Atëherë ai i tha atij burri: "Shtrije dorën tënde!". Dhe ai e shtriu dhe ajo iu shëndosh si tjetra. Por farisenjtë, mbasi dolën jashtë, bënin këshill kundër tij si ta vrasin. (Mt 12; 9/14)

www.bibla.net

vazhdon-->

[toni77_toni]

"Pasi e nxori djallin, memeci foli.."

Posa dolën këta, ja se i sollën një memec të djallosur. Pasi e nxori djallin, memeci foli. Njerëzit të mrekulluar, thoshin: "Kurrë s’u pa një gjë e tillë në Izrael!" Ndërsa farisenjtë thoshin: "Ai i nxjerr djajtë me fuqinë e kryetarit të djajve." . (Mt 9, 32-33)

www.bibla.net

vazhdon-->

[toni77_toni]

Fytyra e tij shkëlqeu si dielli

Mbas gjashtë ditësh Jezusi mori me vete Pjetrin, Jakobin dhe Gjonin, vëllanë e tij, dhe i çoi mbi një mal të lartë, në vetmi; dhe u shpërfytyrua (shndërrua) përpara tyre: fytyra e tij shkëlqeu si dielli dhe rrobat e tij u bënë të bardha si drita. Dhe ja, iu shfaqën atyre Moisiu dhe Elia, të cilët bisedonin me të. Atëherë Pjetri, duke marrë fjalën, i tha Jezusit: "Zot, është mirë që ne jemi këtu; po të duash, do të ngremë këtu tri çadra: një për ty, një për Moisiun dhe një për Elian". Ndërsa ai fliste akoma, ja një re plot dritë i mbuloi; dhe nga reja u dëgjua një zë që thoshte: "Ky është Biri im i dashur, në të jam kënaqur: dëgjojeni!". (Mt 17; 1/9)

www.bibla.net

vazhdon-->

[toni77_toni]

Të vdekurit po ngjallen

Atëherë Jezusi iu përgjigj:
“Shkoni e tregojini Gjonit çka patë e çka dëgjuat:
‘të verbërit po fitojnë dritën e syve’, të shqeptët po ecin drejt, të gërbulurit po pastrohen, të shurdhërit po dëgjojnë, të vdekurit po ngjallen e ‘skamnorëve u shpallet Ungjilli’. I lumi ai që nuk do ta bjerrë besimin në mua!”(Lk 7; 22-23)


www.bibla.net

vazhdon-->