Vargu biblik i ditës

[toni77_toni]

"...që të gjithë të nderojnë Birin siç e nderojnë Atin."

Atëherë Jezusi u tha:

“Përnjëmend, përnjëmend po ju them: Biri s’mund të bëjë asgjë prej vetvetes, përveç çka sheh se bën Ati; çka bën Ai, po atë gjë bën edhe Biri.

Sepse Ati e do Birin dhe i zbulon gjithçka bën ai.

Do t’i zbulojë edhe vepra më të mëdha se këto që të mbeteni të habitur.

Dhe, sikurse Ati i ngjall të vdekurit e i bën të jetojnë, ashtu edhe Biri i bën të jetojnë ata që do.

Ati në të vërtetë nuk gjykon askënd, pse krejt gjykimin ia la në dorë Birit, që të gjithë të nderojnë Birin siç e nderojnë Atin.

Kush nuk e nderon Birin, nuk e nderon as Atin që e dërgoi.

Përnjëmend, përnjëmend po ju them: kush e dëgjon fjalën time dhe beson në atë që më dërgoi, ka jetën e pasosur dhe ai nuk del në gjyq, por tashmë kaloi prej vdekjes në jetë.
Përnjëmend, përnjëmend po ju them: po vjen koha ‑ tani është ‑ kur të vdekurit do ta dëgjojnë zërin e Birit të Hyjit dhe ata që ta dëgjojnë, do të jetojnë.

Dhe, sikurse Ati e ka jetën në vetvete, po ashtu i dha zotësinë edhe Birit ta ketë jetën në vetvete. (Gjn 5; 19-26)


www.bibla.net

[toni77_toni]

"Kush ka etje le të vijë tek unë!"

Ditën e fundit, në ditën e madhe të festës, Jezusi u ngrit dhe tha me zë të lartë:

“Kush ka etje le të vijë tek unë!

Le të pijë kush beson në mua!

Siç thotë Shkrimi i shenjtë:

‘Lumenj uji të gjallë do të rrjedhin prej barkut të tij!’“

Këtë e tha për Shpirtin, që kishin për ta marrë ata, që besojnë në të. Asohere, në të vërtetë, Shpirti nuk ishte dhënë ende, sepse Jezusi ende nuk kishte hyrë në lavdi.
Disa prej popullit, kur i dëgjuan këto fjalë, thoshin:

“Ky është me të vërtetë Profeti!”

Të tjerë thoshin:

“Ky është Mesia!”

Prapë disa të tjerë thoshin:

“Vallë, a prej Galilesë do të dalë Mesia? Po a nuk thotë Shkrimi i shenjtë se Mesia vjen nga pasardhësit e Davidit, mu nga Betlehemi, prej vendit nga ishte Davidi?”

Kështu u bë përçarje në popull për shkak të tij. (Gjn 7; 37-43)

www.bibla.net

[toni77_toni]

"Kush vjen pas meje nuk do të ecë në errësirë"

Atëherë Jezusi u tha përsëri:

“Unë jam drita e botës.

Kush vjen pas meje, nuk do të ecë në errësirë, por do ta ketë dritën e jetës.”

Atëherë farisenjtë i thanë:

“Ti vetë po bën dëshmi për vetveten: dëshmia jote s’mund të jetë e vërtetë.”

Jezusi u përgjigj:

“Po qe se unë bëj dëshmi edhe për vetveten, prapë se prapë dëshmia ime është e vërtetë, sepse e di se prej nga erdha e kah shkoj.

Ndërsa ju nuk dini as prej nga vij as kah shkoj.

Ju gjykoni siç dukem përjashta, (gjn 8; 12-15)


www.bibla.net

[toni77_toni]

"Do të vdisni në mëkatet tuaja nëse nuk besoni se UNË JAM"

E Jezusi u tha:

“Ju jeni prej këtu poshtë kurse unë jam prej së Larti. Ju jeni prej kësaj bote kurse unë nuk jam prej kësaj bote.

Prandaj edhe ju thashë: ‘Do të vdisni në mëkatet tuaja!’

Për të vërtetë nëse nuk besoni se UNË JAM do të vdisni në mëkatet tuaja.” (Gj 8; 23-24)


www.bibla.net

[toni77_toni]

"Ju nuk më njihni mua.."

Jezusi iu përgjigj:

“Ju nuk më njihni mua as Atin tim.

Po të më njihnit mua do ta njihnit edhe Atin tim!” (Gj 8; 19)



www.bibla.net

[toni77_toni]

"..do të vdisni në mëkatin tuaj"

Jezusi u tha përsëri:

“Unë po shkoj e ju do të më kërkoni dhe do të vdisni në mëkatin tuaj.

Ku unë shkoj, ju s’mund të vini.” (Gj 8; 21)

www.bibla.net

[toni77_toni]

"Po të ishit bijtë e Abrahamit, do të bënit veprat e Abrahamit"

Ata iu përgjigjën:

“Ati ynë është Abrahami.”

Jezusi u tha:

“Po të ishit bijtë e Abrahamit, do të bënit veprat e Abrahamit! Dhe, ja, kërkoni të më vritni mua, që ju fola të vërtetën, që e dëgjova prej Hyjit.

Një gjë të tillë Abrahami s’e bëri kurrë. Ju bëni veprat e babait tuaj.” (Gjn 8; 39-41)


www.bibla.net

[toni77_toni]

"Babai juaj është djalli"

“Po ta kishit Hyjin Atë, do të më donit edhe mua, sepse unë prej Hyjit dola dhe erdha; nuk erdha prej vetvetes, por Ai më dërgoi.

Përse nuk e merrni vesh fjalën time?

Pse nuk jeni të zotët ta dëgjoni fjalën time!

Babai juaj është djalli e ju dëshironi të kryeni vullnetin e babait tuaj.

Ai qe vrastar njerëzish që në fillim, nuk mundi të qëndrojë në të vërtetën, sepse në të nuk ka të vërtetë.

Sa herë gënjen, flet prej natyrës së vet sepse është gënjeshtar dhe babai i gënjeshtrës. (Gj 8; 42-44)

www.bibla.net

[toni77_toni]

"Kush ecën në terr nuk di kah shkon"

Atëherë Jezusi u tha:

“Edhe për pak kohë është drita me ju, ecni derisa të keni dritë që të mos ju zërë terri.

Kush ecën në terr nuk di kah shkon.

Derisa të keni dritë, besoni në dritën, që të bëheni bijtë e dritës.” (GJ 12; 35-36)


www.bibla.net

[toni77_toni]

"Unë jam në Atin dhe Ati është në mua"

Filipi i tha:

“Zotëri, na e dëfto Atin e na mjafton!”

“O Filip ‑ i tha Jezusi ‑ kaq shumë kohë jam me ju e nuk më njohe ende?

Kush më ka parë mua, ka parë edhe Atin.

Si thua, pra: ‘Na e dëfto Atin!’

Po a nuk beson se unë jam në Atin e Ati është në mua?

Fjalët që jua them, nuk jua them prej vetvetes:

Ati që banon në mua i kryen veprat e veta.

Më besoni mua:

Unë jam në Atin dhe Ati është në mua.

Përndryshe, besoni për shkak të vetë veprave! (Gjn 14; 8-11)


www.bibla.net

[toni77_toni]

"... e vetëm nëpër Të fitohet shëlbimi."

Atëherë Pjetri, plot me Shpirt Shenjt, u tha:

“Kryetarë të popullit dhe pleq! Pasi ju sot po na merrni në gjykim për një vepër të mirë që ia bëmë një të sëmuri e po na pyesni si ky njeri u shërua; le ta dijë secili prej jush dhe mbarë populli i Izraelit: ky njeri qëndron para jush shëndosh në saje të Emrit të Jezu Krishtit Nazarenas, që ju e kryqëzuat, por që Hyji e ngjalli prej së vdekuri. Jezusi është

‘guri që ju, ndërtues,

e qitët jashtë përdorimit,

por që u bë gur i këndit,’

e vetëm nëpër Të fitohet shëlbimi. (Veprat e Apostujve: 4; 8-12)

www.bibla.net


vazhdon-->

[Noku Ymeri]

Sepse edhe Biri i njeriut nuk erdhi që t`i shërbejnë, por për të shërbyer dhe për të dhënë jetën e tij si çmim për shpengimin e shumë vetëve.Mateu 20:28

[zef malsia]

Shtiracak, nxirre më parë traun nga syri yt


“A mund t’i prijë i verbëri të verbërit? A thua s’do të bien të dy në gropë? Nuk është nxënësi më i aftë se mësuesi; por, çdo nxënës plotësisht i aftësuar, do të jetë si mësuesi i vet.

Po pse e shikon lëmishten në sy të vëllait tënd e nuk e sheh traun në syrin tënd?

Si mund t’i thuash vëllait tënd: ‘Vëlla, ndal ta heq lëmishtën, që ke në sy, ti që nuk e sheh traun në sy tënd? Shtiracak, nxirre më parë traun nga syri yt dhe atëherë do të shohësh qartë ta nxjerrësh lëmishten nga syri i vëllait tënd.”

Lk 6: 39-42

[toni77_toni]

Jo, por vetëm në saje të besimit!

Tani veç, pavarësisht nga Ligji, u dëftua vepra shëlbimtare e Hyjit, e dëshmuar prej Ligjit e prej Profetëve, vepra shëlbimtare e Hyjit me anë të besimit në Jezu Krishtin për të gjithë ata që besojnë ‑ pa farë dallimi, sepse të gjithë mëkatuan dhe u përjashtuan nga lumturia e Hyjit ‑ e me hirin e tij, të gjithë e fituan falas drejtësinë, në saje të shpërblimit që bëri Jezu Krishti. Atë Hyji e caktoi të jetë, në saje të fesë, fli pajtuese me anë të gjakut të vet. Deshi kështu të tregojë drejtësinë e vet, sepse i la pa ndëshkuar mëkatet e mëparshme në kohën e durimit të vet ‑ e në kohën e tashme e dëfton drejtësinë e vet për të qenë i drejtë e për të shfajësuar atë që është në fenë e Jezusit.

A ka, pra, arsye për t’u krenuar?

‑ Kurrsesi!

‑ Në saje të cilit Ligj? Në saje të veprave?

‑ Jo, por vetëm në saje të besimit! Sepse ne mendojmë se njeriu shfajësohet me anë të besimit, pa veprat e Ligjit. (Romakeve 3;21-28)

www.bibla.net


vazhdon-->

[toni77_toni]

"Hyji i Abrahamit, Hyji i Izakut, Hyji i Jakobit"

“Bijtë e kësaj bote marrin gra ose burra. Kurse, ata që u gjetën të denjë të kenë pjesë në atë botë e në ringjallje të të vdekurve, as s’marrin gra as s’marrin burra.

Ata as që mund të vdesin më: janë porsi engjëjt e, për arsye se e rifituan jetën me ringjallje, janë bijtë e Hyjit.

E se të vdekurit do të ringjallen vetë Moisiu e shënoi në fragmentin ‘mbi kaçubën’, në të cilin e quan Zotin ‘Hyji i Abrahamit, Hyji i Izakut, Hyji i Jakobit.’ Hyji nuk është Hyj i të vdekurve, por i të gjallëve, sepse të gjithë për të jetojnë.” (Lk 20; 34-38)


www.bibla.net


vazhdon-->

[toni77_toni]

"O Hyj, ki mëshirë për mua mëkatarin!"

“Dy njerëz u ngjitën në Tempull për t’u lutur: njëri farise e tjetri tagrambledhës.

Fariseu, si qiri në këmbë, lutej në vetvete kështu: ‘Të falënderoj, o Hyj, që nuk jam porsi njerëzit e tjerë: cuba, të padrejtë, kurorëshkelës, ose ‑ si ky tagrambledhës. Agjëroj dy herë në javë, jap të dhjetën e krejt fitesës.’

Kurse tagrambledhësi zuri vend në fund, nuk i bëhej as sytë t’i ngrejë drejtë qiellit, por rrihte kraharorin e vet e thoshte: ‘O Hyj, ki mëshirë për mua mëkatarin!’

Unë po ju them: ky u kthye në shtëpinë e vet i shfajësuar e jo ai, sepse: kushdo krenohet, do të përvujtërohet ndërsa kush përvujtërohet, do të lartësohet.” (LK 18; 10-14)


www.bibla.net


vazhdon-->

[toni77_toni]

"Mos u betoni; as me Qiell, sepse ai është froni i Hyjit"

“Keni dëgjuar gjithashtu se u qe thënë të vjetërve: ‘Mos e the betimin, por zbato çka i ke premtuar Zotit me betim!’ E unë po ju them:

assesi mos u betoni; as me Qiell, sepse ai është froni i Hyjit,

as me Tokë, sepse ajo është shtroja e këmbëve të tij,

as me Jerusalem, sepse ai është qyteti i Mbretit të madh.

Mos bëj be as në kokën tënde, sepse nuk je i zoti as një fije floku ta bësh të bardhë ose të zezë.

Fjala juaj le të jetë: Po, po; jo, jo! Çkado që është më tepër se kaq, vjen prej Qoftëlargut.”


www.bibla.net


vazhdon-->

[toni77_toni]

"Ati juaj që është në qiell, do t’u japë gjëra të mira atyre që ia lypin".

“Lypni e do t’ju jepet, kërkoni dhe do të gjeni, trokitni e do t’ju çelet! Sepse, kush lyp, i jepet, kush kërkon gjen, e kush troket, i çelet.

Dhe, a gjendet njeri ndër ju, që po i lypi i biri bukë, i jep gur? Ose, po i lypi peshk, i jep gjarpër?

Po ja, pra, nëse ju që jeni të këqij, dini t’u jepni gjëra të mira bijve tuaj, aq më tepër Ati juaj që është në qiell, do t’u japë gjëra të mira atyre që ia lypin.

Gjithçka dëshironi t’ju bëjnë juve njerëzit, bëjuani edhe ju atyre! Ja, vërtet Ligji e Profetët!” (Mt 7; 7-12)


www.bibla.net


vazhdon-->

[toni77_toni]

"Lutju Atit tënd që është në fshehtësi"

“Kur të luteni, mos bëni si shtiracakët, të cilëve u pëlqen të luten në këmbë në sinagoga dhe në sheshe të rrugëve, që t’i shohin njerëzit. Përnjëmend po ju them: u ndanë veç me atë shpërblim!

Ndërsa ti, kur të lutesh, hyr në dhomën tënde, mbylle pas vetes derën e lutju Atit tënd që është në fshehtësi; e Ati yt që sheh në fshehtësi, do të të shpërblejë". (Mt 6; 5-6)


www.bibla.net


vazhdon-->

[toni77_toni]

"Kur të agjëroni, mos u mërrolni ...për t’u treguar njerëzve se agjërojnë"

“Edhe kur të agjëroni, mos u mërrolni porsi shtiracakët, të cilët marrin një hije të rëndë në fytyrë për t’u treguar njerëzve se agjërojnë: përnjëmend po ju them: u ndanë veç me atë shpërblim!

Ti, përkundrazi, kur të agjërosh, përeroje kokën tënde dhe laje fytyrën tënde, që të mos e vënë re njerëzit se po agjëron, por Ati yt, që është në fshehtësi. Ati yt që sheh në fshehtësi, do të të shpërblejë.” (Mt 6 16-18)


www.bibla.net


vazhdon-->