KF Elbasani, Tigrat verdh e blu në sezonin 2008-2009.

[ChAoS_DrAgOn]

www.KFElbasani.com

Arrestohet presidenti i klubit të futbollit të Elbasanit, Arben Laze. Bashkë me Lazen, Drejtoria e Antikrimit të Organizuar ka arrestuar edhe vëllanë e tij, Fatjon Laze si dhe 2 persona nga qyteti i Fierit, Arben Prifti dhe Shkëlqim Hyzmo. Mbi të arrestuarit rëndon akuza e organizatës kriminale dhe trafikut ndërkombëtar të drogës. Të arrestuarit ishin vënë nën hetim nga ana e policisë që prej 5 muajsh.

Ngjarja
Bota e futbollit shqiptar është tronditur dje nga një ngjarje e rëndë. Presidenti i klubit të Elbasanit, Arben Laze, është arrestuar nëpërmjet një operacioni special të Drejtorisë së Antikrimit të Organizuar, ku janë vënë në pranga 4 persona. Mesditën e djeshme, në rrugë zyrtare, policia e shtetit njoftoi për arrestimin e shtetasit Shkëlqim Ago Hyzmo, 43 vjeç, lindur dhe banues në fshatin Çermë Sektor, Lushnje. Ai është kapur dje në orën 17:30, në flagrancë në vendin e quajtur Kthesa e Divjakës–Sektor Çermë, në Lushnje. Gjatë kontrollit në automjetin e tij tip “Benz”, me targë TR 5260 G, është gjetur një sasi prej 1 kilogramë lëndë narkotike e tipit heroinë. Prokuroria e Krimeve të Rënda prej disa muajsh kishte filluar hetimet për këtë çështje. Në bazë të hetimeve që vazhdonin, organi i hetimit për krime të rënda ka arritur të zbardhë gjithë mekanizmin e trafikimit të heroinës së bllokuar ditën e djeshme. Sipas burimeve nga prokuroria, heroina e sekuestruar është porositur nga shtetasi Arben Prifti nga Fieri. Ai e ka kërkuar drogën për blerje te Fatjon Laze, vëllai i Presidentit të Elbasanit. për marrjen e drogës në dorëzim, shtetasi Prifti nga Fieri ka përdorur Shkëlqim Hyzmon, të cilit i është dorëzuar droga nga vëllai i Arben Lazes.
Akuzat
Ndërkohë që sipas përgjimeve telefonike dhe dëshmive të mbledhura nga prokuroria, lënda narkotike ishte në pronësi të kreut të klubit të futbollit të Elbasanit. Menjëherë pas verifikimit të mekanizmit të lëvizjes së heroinës dhe zbardhjes së telefonatave të zhvilluara mes personave të dyshuar, Prokuroria e Krimeve të Rënda ka urdhëruar arrestimin e të implikuarve. Pas kapjes së Shkëlqim Hyzmos në Lushnjë bashkë me drogën, me urdhër të Krimeve të Rënda, policia ka vënë në pranga Arben Priftin nga Fieri.
Më pas aksioni ka vazhduar në Elbasan, ku janë vendosur në pranga Presidenti i klubit të Elbasanit Arben Laze dhe vëllai i tij Fatjon Laze. Presidenti i klubit të Elbasanit mësohet se është arrestuar ndërsa po kthehej nga një udhëtim në Maqedoni, ku kishte qëndruar gjatë ditëve të fundit. Ndaj të arrestuarve, Prokuroria e Krimeve të Rënda ka ngritur akuzën e “trafikimit të narkotikëve” dhe “grupit të strukturuar kriminal”. Numri një i klubit verdheblu nuk ka pasur asnjë precedent penal dhe njihej nga të gjithë si një njeri mjaft popullor. Arrestimi i Lazes ka tronditur botën e futbollit në Elbasan, ndërsa pritet që ky arrestim të ndikojë në mënyrë direkte edhe në ecurinë e klubit verdheblu.

“Skuadra s’rrezikon shpërbërjen”


www.KFElbasani.com

Pas arrestimit të presidentit të Elbasanit mbrëmjen e djeshme, ka lindur pyetja se çfarë do të ndodhë me ekipin në vazhdim të kampionatit e më tej. Kryebashkiaku i Elbasanit, Qazim Sejdini, njëkohësisht një nga aksionerët kryesorë të klubit verdheblu, ka bërë të ditur se skuadra nuk rrezikon të shpërbëhet dhe pse presidenti Laze është i arrestuar. Sejdini u shpreh për “Panorama Sport” se, “financat klubi i Elbasanit i ka të garantuara dhe se për asnjë moment situata nuk ka për të qenë problematike, që të rrezikojë shpërbërjen e ekipit. Aktualisht, pjesa më e madhe e futbollistëve verdheblu i kanë marrë paratë deri në fund të muajit janar. Kurse, përsa i përket pagesave që duhet të marrin pas janarit, është Bashkia e Elbasanit ajo që do të mbulojë të gjitha shpenzimet në mënyrë absolute”. Kryebashkiaku deklaroi se skuadra do të vazhdojë punën për ndeshjen e radhës, sikur nuk ka ndodhur asgjë. Po ashtu, mes aksionerëve do të diskutohet në lidhje me largimet e afrimet që do të bëhen në muajin janar, por dhe fazën përgatitore që mësohet se do të nisë të zhvillohet më datë 12 janar, në shtetin fqinj të Maqedonisë, më saktë në Strugë. Përsa i përket dyshes tjetër të aksionerëve të klubit verdheblu, Bashkia e Elbasanit dhe Gentian Çërraga, pritet që të ketë një takim ditën e sotme edhe me ekipin, me qëllim që të marrin në dorë situatën në këtë moment aspak të këndshëm, i cili mund të ndikojë në demoralizimin e skuadrës, tashmë kur përpara është një ndeshje shumë e vështirë ndaj Besës në “Ruzhdi Bizhuta”. Takimi pritet të bëhet sot, përpara stërvitjes që do të zhvillojë ekipi verdheblu për javën e fundit të këtij viti. Në të, lojtarëve të Elbasanit do t’u sigurohet nga ana e dy aksionerëve të tjerë se financat janë të garantuara dhe se nuk do të ketë as më të voglin problem në këtë drejtim, çka përbën dhe pikën kyçe sot në botën e futbollit. Ndërkohë të njëjtën gjë ka pohuar për “www.KFElbasani.com” dhe kryetari i Bashkisë së Elbasanit, Qazim Sejdini. I kontaktuar nga gazeta, ai ka deklaruar se përsa i përket çështjes së arrestimit të Lazes, “ky është një lajm i keq për botën e futbollit në Elbasan, ndërsa përsa i takon financave mund t’ju them se ato janë të garantuara”.


Arrestimet e bujshme në botën e futbollit

Arben Laze nuk është i pari president i një klubi futbolli në Shqipëri që përfundon në pranga. Në të kaluarën, edhe Albert Xhani, presidenti i klubit të Partizanit, është ndeshur me organet e drejtësisë, madje ka përfunduar edhe në qeli me akuzën për tjetërsim prone e mashtrim. Mihal Delijorgji, ish-presidenti i klubit të Dinamos, aktualisht është në burg. Ndaj tij rëndon akuza për afera të pista në lidhje me tragjedinë që ndodhi në Gërdec në muajin mars të këtij viti, ku humbën jetën shumë persona. Delijorgji është arrestuar edhe në prill të vitit 2004, asokohe president i klubit të Dinamos. Ai akuzohej për falsifikim dokumentesh dhe për evazion fiskal. Ylli Keli është i treti në listën e presidentëve të Sport Klub “Tomorit”, që implikohet në afera të paligjshme. Ai u emërua në krye të klubit të futbollit pas vrasjes së Edmond Malollarit. Por vetëm pak kohë më pas, Keli u arrestua në Itali nën akuzën e trafikut të lëndëve narkotike. Edhe për ish-presidentin e klubit të Tiranës, El Sajed, shpeshherë ka pasur dyshime se ka qenë i lidhur me afera të pista dhe korruptive. Egjiptiani, që vepronte edhe si sipërmarrës në fushën e ndërtimeve, disa herë është lakuar për veprimtari jo të ligjshme. Madje, vetëm dy ditë më parë është bërë e ditur se një nga apartamentet që ai i kishte dhënë ish-futbollistit të Tiranës, Redi Jupit, rezultonte i shitur dy herë. Një tjetër person përveç futbollistit pretendon se disponon dokumente të rregullta për këtë apartament. Je.Ha.


Pesë vitet në krye të klubit të Elbasanit

Në vitin 2003, kur Arben Laze do të merrte drejtimin e klubit të Elbasanit, duke pasuar presidentin në largim Refik Kumuria, pakkush në qytet e njihte mirë atë. Laze u prezantua si një biznesmen i fuqishëm, edhe pse aktivitetet e tij kanë qenë gjithmonë enigmatike. Në atë kohë ai u zgjodh presidenti i Elbasanit, pas një vendimi që u mor nga mbledhja e këshillit mbikëqyrës të klubit. Asokohe, Arben Laze kishte një dyqan veshjesh sportive, ndërkohë që përflitej se merrej edhe me biznesin e ndërtimit dhe se po ndërtonte një hotel në qytetin e Elbasanit. Mirëpo, brenda një periudhe të shkurtër, ai njeri do të shndërrohej në një personazh mjaft popullor në botën e futbollit shqiptar. Që me ardhjen e tij në postin e presidentit, Laze, që zotëron 49% të aksioneve, klubi i Elbasanit filloi të ecte me ritme shumë të shpejta. Madje, duke synuar, që në kohën e marrjes së ekipit nga Laze, vendet e para të kampionatit. Ky president fitoi një popullaritet shumë të madh në qytetin e Elbasanit, kur në verën e vitit 2004 do të afronte në skuadrën verdheblu shumë lojtarë cilësorë, siç ishin Nevil Dede, Endri Vrapi, Safet Osja, Skerdi Bejzade, Ilir Qorri, Juljan Ahmataj e të tjerë. Një ekip që brenda një periudhe dyvjeçare do të ngjitej në majat e futbollit shqiptar. Në fund të sezonit 2004-2005, ekipi i Elbasanit do të shpallej nënkampion i Shqipërisë dhe kjo për meritën personale të presidentit Arben Laze. Një vit më vonë do të ndodhë ajo që pritje, ose më mirë ajo çfarë Laze i kishte vënë synim vetes dhe premtuar atyre që e kishin zgjedhur si president të klubit. Elbasani do të shpallej kampion. Pra, në sezonin 2005-2006, pas 22 vitesh, ekipi verdheblu arrin të kurorëzohet me titullin kampion i Shqipërisë. Arritje këto që i dhanë Lazes një reputacion të jashtëzakonshëm në mbarë opinionin qytetar në Elbasan. Kryesisht në botën e futbollit, ai do të quhej si presidenti më i guximshëm, pasi arriti synimet që i vuri vetes brenda një periudhe shumë të shkurtër. Pas shpalljes së Elbasanit kampion i vendit për të dytën herë në histori, Laze do ta bëjë të njohur këtë skuadër edhe jashtë trojeve shqiptare. Ai së bashku me drejtues të tjerë arrijnë të licencojnë klubin e Elbasanit në UEFA, duke qenë automatikisht anëtarë të forumit evropian të klubeve. Kreu i klubit elbasanas, Arben Laze, njihet edhe për miqësinë që kishte me disa presidentë klubesh në Maqedoni. Kryesisht me ato të Vardarit, Rabotniçkit, por dhe mjaft të tjerë, të cilët bënë që klubi i Elbasanit të ketë një emër të madh në arenën evropiane. Laze kalonte një pjesë të mirë të kohës në Maqedoni, edhe pse nuk dihej mirë se çfarë bënte saktësisht atje, apo çfarë aktivitetesh kryente. Gjithsesi, periudha e shkëlqimit do të zgjaste pak, teksa viti 2008 do të ishte shumë problematik për presidentin e Elbasanit. Probleme që kishin të bënin me anën financiare, pasi edhe “bizneset” e tij nuk do të shkonin mirë. Dhe kjo reflektohej edhe në krizën që po kalonte klubi i Elbasanit, që pas ngjarjes së djeshme duket se rrezikon shumë. www.KFElbasani.com


“Arbeni s’është trafikant dhe as kriminel”
Menjëherë, dje në mbrëmje ka reaguar edhe familja e presidentit të ekipit të futbollit të Elbasanit, Arben Laze, duke deklaruar se “Arbeni nuk është trafikant e as pjesëmarrës në organizatat kriminale”. Ndër të tjera, familjarë të Lazes kanë pohuar: “Arrestimi i tij ka qenë i kurdisur nga ndonjë person i veçantë, ose mund të jetë ndonjë keqkuptim, pasi ai nuk është marrë ndonjëherë me punë të tilla”. Kaq janë mjaftuar të thonë familjarët e Arben Lazes, të traumatizuar nga buja që ka bërë lajmi në mediat vizive. Të afërm të Lazes u kanë kërkuar gazetarëve që të jenë të saktë në përcjelljen e informacioneve dhe të mos bëjnë bujë në kurrizin e një njeriu, i cili ka nderuar një qytet të tërë. www.KFElbasani.com

Zyrtarët verdheblu, heshtje për arrestimin

Heshtje totale ka qenë dje pas mësimit të lajmit për arrestimin e presidentit të klubit të futbollit të Elbasanit, Arben Laze. Askush nga drejtuesit e kontaktuar nuk është shprehur në lidhje me këtë, ndonëse të gjithëve u ka rënë si një rrufe kjo ngjarje. Ndërkohë, në çdo ambient të qytetit është diskutuar gjatë në lidhje me këtë arrestim dhe me pasojat që mund të ketë, përsa i takon ekipit të futbollit. Me arrestimin e Lazes, bota e futbollit në Elbasan ka marrë një goditje shumë të rëndë. Askush nuk u beson ende titrave të televizioneve shqiptare se presidenti, njeri që i ka dhuruar qytetit të Elbasanit një titull kampion, por edhe të mira të tjera që e kanë bërë futbollin elbasanas të jetë në elitën shqiptare, është i prangosur nga ana e policisë për trafik droge. Gjithsesi, drejtuesit e lartë të klubit verdheblu kanë qëndruar pasivë ndaj arrestimit të presidentit, pasi nuk kanë dashur kurrsesi të prononcohen për këtë problem. Fundja nuk ka të bëjë aspak me drejtimin e Lazes në botën e futbollit, është çështje që nuk ka të bëjë absolutisht me të. Ndërkohë, zyrtarë të klubit të Elbasanit pritet të dalin gjatë këtyre ditëve në një prononcim zyrtar në lidhje me vazhdimësinë që do të ketë klubi i futbollit, pasi tashmë pas arrestimit të presidentit Laze mund të ketë thashetheme nga më të ndryshmet, të cilat mund të ndikojnë negativisht te grupi i futbollistëve. As nga ekipi elbasanas ende nuk është parë ndonjë reagim, pasi stërvitja e djeshme është zhvilluar përpara disa orësh se të ndodhte arrestimi i presidentit. Reagime pritet të ketë ditën e sotme, kur të kryhet dhe seanca stërvitore e radhës. www.KFElbasani.com

[Qerim]

Mbrojtësi maqedonas Nikola Karçev do të jetë pjesë e Elbasanit për pjesën e dytë të sezonit 2008-2009. Karcev, i cili bëri një sezon të pelqyeshëm në kampionatin e kaluar me verdheblutë (29 ndeshje, 4 gola), firmosi një kontratë 6-mujore me 2-herë kampionët e Shqipërisë.

27-vjeçari Karçev, i cili më parë ka luajtur edhe për Rabotnickin, ishte së fundi pjesë Terek Groznin në kampionatin rus, skuadër me të cilin aktivizohet portieri shqiptar Ilion Lika. Elbasani është skuadra më aktive në merkaton dimërore, pasi ka firmosur edhe me Nevil Deden, Ilir Qorri dhe Eleandro Pemën.


E Shtune, 10 Janar 2009

[goldian]

jane kujtu pak si vone
se psh erjon merxhen kan ba gabim qe e kan hek
edhe per deden nuk e shoh nej perforcim te hatashem se fundja aj ne kine shoj per lek e j per karriere
qorri po te teuta sdi sa min ka lujt
pema te flamurtari e njejta gja
per karcev skam info hic

[Ka Vetem DINAMO]

Bashkohem me Goldianin, vecse urojme qe gjithsesi te permiresohen e vlejne si perforcime, sa te heqin minjte nga kupa.

[Qerim]

Toni Meglenski, blerja e Elbasanit

Sipas “Metropol Sport”, edhe Viktor Gjyla e Egert Kuci janë pjesë e verdhbluve. Elbasani ka blerë deri tani shtatë lojtarë, përfshirë edhe Deden, Pemën, Qorrin e Karchev.





Maqedonasi Toni Meglenski është lojtar i Elbasanit. Lajmi konfirmohet nga gazeta sportive “Metropol Sport”. Mesfushori Meglenski (27 vjec, 169 ndeshje me Pobeda, 7 ndeshje me Vardar) ishte pjesë e Elbasanit në sezonin 2007-2008 (14 ndeshje).

Sipas “Metropol Sport”, edhe Viktor Gjyla e Egert Kuci janë pjesë e verdhbluve. Elbasani ka blerë deri tani shtatë lojtarë, përfshirë edhe Deden, Pemën, Qorrin e Karchev.


E Marte, 13 Janar 2009

[Qerim]

Verdheblut zgjedhin trajnerin

Klevis BEJKOLLI



Trajneri i mirëjohur Faruk Sejdini do të jetë në krye të skuadrës së Elbasanit që në ditën e nesërme.Drejtuesit e klubit kanë rënë dakort me trajnerin dhe kanë firmosur një kontratë e cila përfundon në fund të sezonit.Ditën e nesërme kur do bëhet dhe prezantimi, profesor Faruku mbush 59-vjeç të cilin do e festoj si verdheblu tashmë.Në Elbasanit tashmë janë ‘Dopio Sejdin” të cilët do mundohen të arrijnë objektivat e klubit.Njëri duke financuar atë dhe tjetri duke e drejtuar në fushën e lojës.

[King_Arthur]

KLASIFIKIMI KATEGORIA E I

Renditja e Kategorisë së Parë pas javës së 15-të

1. Bylis 37 pike
2. Lushnja 32 pike
3. Elbasani 32 pike
4. Ada 28 pike
5. Kamza 27 pike
6. Pogradeci 25 pike
7. Partizani 22 pike
8. Bilisht Sport 20 pike
9. Luftetari 19 pike
10. Burreli 19 pike
11. Gramshi 16 pike
12. Turbina 15 pike
13. Beselidhja 12 pike
14. Sopoti 10 pike
15. Memaliaj 10 pike
16. Skrapari 9 pike

[goldian]

uroj qe elbasani vitin tjeter te jete ne superlige sepse eshte qytet me tradita dhe ka tifoze te zjarrte

[King_Arthur]

të shtunën, u luajt edhe java e 15-të e kategorisë së parë, ku spikaste sfida e dy skuadrave kryesuese, Bylis dhe Elbasani. Në këtë ndeshje, të luajtur në stadiumin e Ballshit, ka triumfuar skuadra e drejtuar nga Ilir Spahiu, që kryeson garën qysh në fillim, falë një goli, duke u distancuar edhe më nga Elbasani dhe hedhur një hap të madh drejt ngjitjes në superligë. Një ndeshje mjaft e fortë është luajtur në Ballsh, ku vendasit e kanë gjetur shpejt golin, cka i ka cliruar psikologjikisht. Mirëpo, elbasanasit nuk janë pajtuar gjatë 90-minutave me këtë rezultat, ndaj kanë sulmuar dendur drejt portës së Bylisit, ku janë ndeshur me një mbrojtje dhe portier të pakalueshëm. Bylisi i ka kushtuar vëmendje të madhe ruajtjes së golit të shënuar, ndërkohë që ka aplikuar kundërsulmin, për ta zënë sërish në befasi Elbasanin. Por përpjekjet e të dyja palëve, pas golit të Bylisit, kanë rezultuar të kota, pasi fitorja 1-0 i ka buzëqeshur skuadrës vendase, e cila tashmë konsolidon pozitat kryesuese, duke mundur në ndeshje direkte skuadrën që e ndiqte nga afër. Fitore kanë arritur edhe skuadrat e tjera, të konsideruara pretendente për t’u ngjitur në superligë. Kështu, Lushnja ka fituar 3-1 në Lezhë, duke ruajtur vendin e tretë, por tashmë me pikë të barabarta me Elbasanin e vendit të dytë, ndërkohë që Kamza ka mundur 2-1 në shtëpi Turbinën. Ada ka fituar 1-0 ndaj Pogradecit në Velipojë, ndërkohë që Partizani, me drejtues të rinj, ka mundur thellë 4-1 Skraparin në Corovodë. Fitore shprese ka marrë Memaliaj në Librazhd, teksa ka triumfuar 1-0 ndaj Sopotit vendas, duke ia lënë vendin e fundit në renditje Skraparit, që rrezikon më shumë se askush. Më poshtë, në mënyrë telegrafike, ja edhe pasqyra e plotë e ndeshjeve të javës së 15-të të kategorisë së parë

[BaBa]

kingu ame lale ca do bahet do hypim prap lart ne apo poshte do rrin tigrat

ajd pershendetje

[puroshkodran]

kingu ame lale ca do bahet do hypim prap lart ne apo poshte do rrin tigrat

ajd pershendetje

http://www.youtube.com/watch?v=ilrOgDU1z5I

baba e paska ba ket video? ka pas qen nji antar ktu me pseudonimin baba. djale i keq boll ka qen
nuk e ke njofte ti

para elbasani. mbas ades per te baj tifozllek ne inferiore

[BaBa]

puroshkodran... mesashohe qenke ba dhe tifoz i elbasanit he

hallall mbahet qefi

un e bana po ce do kujtimet ngelin


PS: te fala baji ades lol

[King_Arthur]

2009-ta, një vit për t’u harruar për Elbasanin

Verdheblutë fokusohen tek e ardhmja, pasi për vitin që po lëmë pas nuk kanë çfarë të kujtojnë

Viti 2009 do të mbahet mend si një vit famëkeq për Elbasanin. Eshtë një nga vitet me kujtimet më të hidhura në historinë e këtij ekipi, që zbriti nga superliga në kategorinë e parë. Në fundin e vitit, kur është koha e analizave për punën e bërë, te verdheblutë mungon dëshira për të folur, sepse gjërat kanë shkuar vërtet keq, aq keq sa duhen harruar sa më parë.

Deklaratat e drejtuesve dhe lojtarëve fokusohen me të drejtë tek e ardhmja, që në fund të fundit, ka më shumë rëndësi. Sekretari i klubit elbasanas, Artin Kovaçi, duke bërë një përmbledhje të vitit që po lëmë pas, pohon se nuk do ta kujtojë për asnjë çast atë që ndodhi me verdheblutë sezonin e kaluar. Për Kovaçin, kjo pjesë i përket së kaluarës dhe duhet fshirë nga memoria, duke u përqendruar tek e ardhmja.

“Kam folur shumë për shkaqet, që e çuan Elbasanin në kategorinë e parë dhe për pasojat që pati kjo gjë. Ishte një vit i mbrapshtë për ne 2009-ta, ndërsa tani, të gjithë bashkë, me në krye kryebashkiakun Qazim Sejdini, duhet të bëjmë të pamundurën për të ndërruar faqe. Kemi një detyrë të vështirë, që është ngjitja direkte e ekipit në superligë, por besoj se në fund do ta arrijmë objektivin. Eshtë koha të punojmë fuqishëm për ringritjen me hapa të shpejta të klubit tonë, duke nisur me grup-moshat, infrastrukturën e deri te finalja, që është ngjitja në superligë. Viti 2010 do të bëjë klubin tonë mjaft modern dhe për këtë janë hedhur hapat e para.

Me përmirësimin e buxhetit vjetor dhe dashamirësinë e kryebashkiaku dhe administratorit tonë, besoj se do të ecim me ritmin e duhur,” -është shprehur sekretari Kovaçi për “Sportin shqiptar”. Më tej, ai flet edhe për merkaton verdheblu: “Kemi marrë Çapjen, një mesfushor me vlera, ndërkohë që po diskutojmë me sulmuesin Dervishi. Do të marrim patjetër një qendërmbrojtës dhe një portier, që do të jenë “dhuratat” e drejtuesve për Vitin e Ri. Me siguri që 2010-ta do të jetë shumë më ndryshe nga ky që po mbyllim. Përfitoj nga rasti t’u uroj të gjithëve një vit sa më të mbarë.

Një urim të veçantë kam për z. Laze, i cili është pjesë e punës së mirë të klubit tonë vitet e fundit. Të gjithë bashkë do ta kthejmë Elbasanin në nivelet më të larta,” - tha në fund sekretari Artin Kovaçi. Ndërsa kapiteni Erjol Merxha, në emër të ekipit, u shpreh i sigurt për kthimin në superligë: “Duhet të përpiqemi të gjithë që ta çojmë Elbasanin në vendin që i takon. Kemi ditur të ringrihemi edhe ne momente të vështira, kështu që na takon të japim më të mirën për këtë ekip me traditë.”


Dervishi çështje orësh, priten një mbrojtës dhe një portier

Roland Dervishi pritet të zyrtarizohet nga momenti në moment si lojtar i Elbasanit. Bisedimet me të kanë shkuar shumë mirë, por mungon firma në kontratë. Nga klubi elbasanas mësohet se është marrë edhe miratimi i presidencës së Shkumbinit për këtë lëvizje, madje edhe vetë lojtari ka rënë dakord. Tani është çështje procedurash, që sulmuesi Dervishi të konsiderohet pjesë e Elbasanit. Verdheblutë po hasin vështirësi për gjetjen e një qendërmbrojtësi dhe të një portieri. Në skenë ka dalë edhe Bishani i Vllaznisë, por synimi i Elbasanit është një portier me eksperiencë. Ndërsa për mbrojtjen mbeten të hapura bisedimet me Besën, Flamurtarin, Tiranën dhe Vllazninë.

Mesfushori është dakord të veshë fanellën cërrikase për fazën e dytë të kampionatit

Erjald Balla kthehet te Turbina

Ashtu sikundër është folur ditët e fundit, drejtuesit e klubit cërrikas i kanë bërë një ftesë të veçantë mesfushorit Erjald Balla, i cili aktualisht është i Elbasanit. Ai nuk ka mundur të luajë me skuadrën fqinje gjatë fazës së parë, ndërsa sezonin e kaluar ai ra në sy me paraqitjet e mira te Turbina. 19-vjeçari, pas ftesës së bërë për futbollistët vendës nga drejtuesit e klubit cërrikas, pohon se e ndien veten pjesë të Turbinës, edhe pse kanë mbetur për t’u bërë formalitetet e rastit. “Jam dakord për të veshur fanellën e Turbinës dhe dua ta ndohmoj sadopak këtë skuadër.

Më pëlqen mënyra e organizimit nga ana e drejtuesve të klubit dhe besoj se grupi i futbollistëve cërrikas është solidarizuar plotësisht për të qenë pjesë e Turbinës gjatë fazës së dytë të kampionatit,” - thotë Balla. Ndërkaq, burime pranë zyrës së shtypit në bashki, bëjnë me dije se financuesit do të mblidhen pas festave të fundvitit, ndërsa kryebashkiaku Arben Ruçi do të rezervojë disa orë për grupin e futbollistëve vendës, ku do t’u bëjë të ditura ofertat.

Gjithashtu, financuesit e Turbinës po i kushtojnë një rëndësi të madhe fazës përgatitore, që mendohet të zhvillohet jashtë vendit. “Ka ardhur koha, të paktën për ne futbollistët cërrikas, të ankorohemi për një kohë të gjatë te Turbina, pasi ajo ka shumë nevojë për kontributin tonë. E vlerësojmë shumë bashkëpunimin midis drejtuesve të lartë të klubit, të cilët tashmë po na vlerësojnë si duhet. Dëshiroj që gjatë fazës së dytë Turbina të ngjitet aty ku duhet të jetë,” - ka përfunduar Balla. Përveç tij, në fazën e dytë pritet të luajnë me fanellën e Turbinës edhe disa futbollistë të tjerë cërrikas.

[King_Arthur]

Elbasani, vetëm lojtarë nga superliga

Trajneri Dosti kërkon elementë që bëjnë diferencën në fushë dhe jo nga ata që rrinë në stol

Drejtuesit e Elbasanit kanë vendosur të marrin lojtarë nga më cilësorët për fazën e dytë, të cilët duhet të kenë një eksperiencë të konsiderueshme në kampionatin shqiptar. Fakti që klubi ka siguruar një buxhet të mjaftueshëm financiar për fazën e dytë, ka bërë që të projektohen lëvizjet e duhura në merkato. Kushti i vënë nga stafi teknik dhe i miratuar nga drejtuesit e skuadrës, me në krye kryebashkiakun Sejdini, është që të sigurohet një fond i veçantë për ofertat që do t’u bëhen 4 lojtarëve që do të vijnë në Elbasan.

Ndoshta diferenca e kontratave të atyre që do të vijnë me lojtarët aktualë mund jetë shkak për pakënaqësi, pasi drejtuesit kanë saktësuar se nuk do të ketë ndryshime rrënjësore të kontratave aktuale. Në këtë mënyrë, gjërat mund të sheshohen vetëm nëse të ardhurit do të jenë më të mirë. Trajneri Muharrem Dosti, për “Sportin shqiptar” thekson se do të pranojë në skuadër vetëm lojtarë që mund të bëjnë diferencën: “Kam kërkuar lojtarë cilësorë dhe më është premtuar se kështu do të ndodhë. Dua lojtarë me eksperiencë, të cilët mund të bëjnë diferencën dhe të jenë liderë në skuadër.

Nuk dua lojtarë që të ngrohin stolin apo që të luajnë pak minuta. Nuk do të më pëlqente gjithashtu të vinin lojtarë të rinj, që mund të kenë talent, por me pak përvojë në një kampionat të vështirë si ky i kategorisë së parë,” - ka bërë të ditur trajneri elbasanas. Ai është shprehur më parë se për Elbasanin është domosdoshmëri ardhja e të paktën 4 lojtarëve me peshë. Tani që bashkia ka zgjidhur “qesen” dhe ka akorduar plot 36 milionë lekë për buxhetin e vitit 2010, atmosfera është mjaft pozitive. E vetmja vështirësi është gjetja e elementëve cilësorë, që janë të paktë. Verdheblutë janë të orientuar drejt skuadrave të superligës për marrjen e lojtarëve që dëshirojnë.

Ata mund të tentojnë të bëjnë “pazar” te Flamurtari, Apolonia, Dinamo, Vllaznia dhe Besa. Ndërkohë, në mes është edhe dëshira e lojtarëve për të luajtur në kategorinë e parë. Por, duke parë se bëhet fjalë për një klub të rëndësishëm dhe për oferta të larta, gjithçka është e mundur. Drejtuesit e Elbasanit kanë pohuar se janë të gatshëm të bisedojnë me çdo futbollist të lirë, ndërkohë që do të provohet edhe pista e huazimit. Sipas Artin Kovaçit, sekretarit të klubit elbasanas, parashikohet që deri më 8 janar të ketë marrë fund nënshkrimi i kontratëve me 4 lojtarë cilësorë.


Hetlem Çapja, zyrtarisht i Elbasanit

Që nga dita e diel, mesfushori Hetlem Çapja është zyrtarisht lojtar i Elbasanit. Lajmi është konfirmuar për “Sportin shqiptar” nga sekretari i klubit, Artin Kovaçi. Çapja ka marrë letrat nga skuadra e Shkumbinit, ku luajti fazën e parë, për t’u kthyer tek Elbasani si lojtar i lirë, pa asnjë detyrim. Ai ka bërë bisedat përkatëse me drejtuesit e Elbasanit dhe ka gjetur gjuhën e përbashkët. Nuk ka qenë vetëm dëshira e Çapjes që ka ndikuar për t’u rikthyer në qytetin e tij, por edhe oferta financiare. Marrëveshja parashikon që mesfushori, i cili ka luajtur edhe me Tiranën, Dinamon dhe Shkumbinin, të luajë me Elbasanin deri në fund të sezonit, me të drejtën e rinovimit të kontratës. Vërtetohet kështu premtimi i sekretarit Kovaçi për afrimin e 4 lojtarëve cilësorë, që duhet të vijnë nga superliga.

[puroshkodran]

puroshkodran... mesashohe qenke ba dhe tifoz i elbasanit he

hallall mbahet qefi

un e bana po ce do kujtimet ngelin


PS: te fala baji ades lol

ahahahahaahah
sa desha me te thane mos trego se kush je por te paskan zbulu. ka shume spiuna ktu lool

[King_Arthur]

pershendes gjithe tigrat verdheblu krijuar nga une

puro shkodran shikoje me vemendje kete vidion tregon dhe miqesine e tifozeve elbasanas dhe aty shkodrane

[King_Arthur]

Mesfushori verdheblu, Endri Dalipi, thekson se forca e skuadrës është rritur ndjeshëm

Ardhja e dy futbollistëve nga Shkumbini, e mesfushorit Çapja dhe e sulmuesit Dervishi, e ka rritur ndjeshëm optimizmin tek Elbasani. Ndërkohë, fakti që drejtuesit e skuadrës verdheblu po këmbëngulin për të marrë edhe 2-3 futbollistë të tjerë, bën që shpresat për ngjitjen direkte në superligë të jenë më të mëdha.

Elbasani natyrisht që do të jetë më i fortë në fazën e dytë dhe janë të gjitha mundësitë jo vetëm për vendin e dytë, por edhe për titullin kampion të kategorisë së parë. Me përforcimet e fundit dhe ato që pritet të bëhen, është rritur edhe konkurrenca brenda grupit. Tashmë elbasanasit duken më të qetë, sepse skuadra e tyre nuk do të ketë asgjë më pak në krahasim me Lushnjën dhe Bylisin, dy rivalët kryesorë të tyre. Disa prej titullarëve verdheblu besojnë se tashmë skuadra ka atë nivel, që i lejon të kërkojë fitoren në çdo fushë të kampionatit, jo vetëm në “Ruzhdi Bizhuta”.

Eksperienca e Çapjes dhe e Dervishit i bën shumë punë Elbasanit. Këtë e pohon edhe golashënuesi më i mirë i skuadrës deri tani, mesfushori Endri Dalipi, i cili thekson gjithashtu se merkatoja ishte e domosdoshme për Elbasanin, që hasi vështirësi gjatë fazës së parë. “Pa dyshim që jemi të kënaqur me faktin se kanë ardhur në skuadër futbollistë me nivel si Çapja dhe Dervishi. Aftësitë e tyre unë dhe shokët e skuadrës i njohim mirë, pasi kemi luajtur përkrah tyre. Me eksperiencën e madhe që ata kanë, them se do t’i bëjnë shumë punë Elbasanin në ndeshjet e fazës së dytë. Ky është një ogur i mirë për ta nisur mbarë fazën e dytë,” - thekson Endri Dalipi për “Sportin shqiptar”.

Më tej, duke ditur edhe planet e zyrtarëve të klubit për të sjellë në Elbasan edhe futbollistë të tjerë nga superliga, Dalipi shprehet se superliga është e sigurt për skuadrën e tij. “Nuk dua të jem euforik, por, nëse vijnë edhe disa elementë, siç është premtuar nga drejtuesit tanë, nuk duhet ta diskutojmë ngjitjen direkte në superligë, pse jo dhe vendin e parë.

Edhe kalendari është premtues për Elbasanin, pasi me rivalët direktë, Bylisin dhe Lushnjën, do të luajmë në fushën tonë. Kjo na jep të drejtën të mendojmë jo vetëm për vendin e dytë, por edhe për të parin. Këto gjëra arrihen avash‑avash, duke punuar mirë edhe në këtë minifazë të janarit e më tej,” - ka shtuar mesfushori verdheblu, autori i 7 golave deri tani për Elbasanin.

[goldian]

ca u ba me ben lazen
vazhdon me ken ne burg?

[puroshkodran]

http://www.youtube.com/watch?v=3tjB2AFgykU


pershendes gjithe tigrat verdheblu krijuar nga une

puro shkodran shikoje me vemendje kete vidion tregon dhe miqesine e tifozeve elbasanas dhe aty shkodrane

Po e di. Eshte finalja e Kupes Tirana-Vlaznia (0-2) qe u zhvillu ne Elbasan. Tigrat kan ba tifozllek per Vllaznine gjithe lojen

[King_Arthur]

Bashkia e Elbasanit, 24 milionë për futbollin

Kryebashkiaku Qazim Sejdini thekson se tani gjithçka e kanë në dorë lojtarët dhe stafi teknik

Në buxhetin e vitit 2010, për futbollin elbasanas janë dhënë 24 milionë lekë, një shumë e konsiderueshme. Këtë lajm e pohon kryebashkiaku i Elbasanit, Qazim Sejdini. Institucioni që ka gati 33% të aksioneve të klubit verdheblu, ka përpiluar hartën e shpenzimeve të futbollit për vitin 2010 në Elbasan dhe tani mbetet që për procedurë kjo gjë të kalojë nëpërmjet këshillit bashkiak. Pozitiv është fakti se në bashki, kur bëhet fjalë për futbollin, ngjyrat partiake shuhen dhe votimi është unanim. Vitet e mëparshme janë akorduar shifra të përafërta me këtë të vitit 2010, që tregon se bashkëpunimi në pushtetin vendor është për t’u marrë shembull.

Kryebashkiaku Sejdini pohon se është kënaqësi, kur të gjithë tregohen të gatshëm për ta ndihmuar futbollin dhe, sipas tij, kjo jep garanci për objektivin e këtij sezoni. Ai ka theksuar se tashmë gjithçka është në dorë të lojtarëve dhe stafit teknik: “Futbolli do të përfitojë 24 milionë lekë nga bashkia dhe për këtë dua t’i falënderoj të gjithë për bashkëpunimin.

Tani nuk na mbetet gjë tjetër, veçse të presim çfarë do të bëjë skuadra, për të cilën po jepen gjithë këto para. Ia kemi plotësuar kushtet skuadrës në çdo aspekt dhe kemi treguar korrektësi. Besoj se tani kemi të drejtë të presim rezultate sa më të mira nga Elbasani. Për këtë kemi punuar dhe po vazhdojmë të punojmë në merkato,” - u shpreh kryebashkiaku Sejdini, të cilin e kënaq edhe fakti se Elbasani tani është i përbërë më së shumti prej lojtarëve vendës dhe po bën një paraqitje të mirë. Gjithsesi, kryebashkiaku i Elbasanit nuk i kursen edhe kritikat për skuadrën, duke theksuar se ajo nuk ka marrë më të mirën gjatë fazës së parë, sidomos jashtë fushe.

“Nuk mund të themi se Elbasani ka marrë maksimumin, sepse jashtë fushe ka shfaqur dobësi. Gabimet duhet të bëhen mësim për fazën e dytë. Shumë mirë që nuk kemi gabuar në fushën tonë, por lojtarët duhet të jenë më profesionistë dhe ta kuptojnë se është e nevojshme të fitojmë edhe në transfertë për ta arritur objektivin për ngjitjen në superligë. Nuk është justifikim fatki se jashtë fushe ka shumë presion, për më tepër që pjesa më e madhe e lojtarëve kanë luajtur në superligë dhe nuk vijnë nga nivelet e ulta të futbollit shqiptar,” - tha më tej kryebashkiaku Sejdini, një njeri mjaft i përkushtuar pas sportit dhe veçanërisht pas futbollit.

Në fund ai përmendi edhe faktin se shumë shpejt skuadra elbasanase do të ketë mundësi të stërvitet dhe të luajë në mjedise moderne. “Në bazë të kontratave që kemi me firmat që po bëjnë punimet, jo vetëm për tribunën dhe ndriçimin e stadiumit “Ruzhdi Bizhuta”, por edhe fushën me bar sintetik, gjithçka do të jetë gati shumë shpejt. Duke rregulluar infrastrukturën, do të rrisim cilësisë e skuadrës dhe do të hedhim baza të forta për të ardhmen e Elbasanit,” - përfundoi kryebashkiaku Qazim Sejdini.


Bërdufi: Nuk largohem nga Elbasani

Ka pasur shumë zëra ditët e fundit në lidhje me largimin e disa lojtarëve nga Elbasani këtë javë. Kur ka afrime, ka edhe largime, por deri tani nuk ka asgjë zyrtare. Njëri prej portierëve të skuadrës verdheblu, Parid Bërdufi, emri i të cilit është përmenduar shpesh për një largim të mundshëm, thekson se nuk dëshiron ta lërë Elbasanin. “Askush nuk më ka thënë se duhet të largohem, të paktën deri tani. Pastaj, nuk e kuptoj pse duhet të largohem. Dua të vazhdoj me këtë skuadër dhe besoj se me punë mund ta zë vendin e titullarit,” - ka thënë dje portieri Bërdufi. Ndërkohë, administratori Bejtja, i pyetur në lidhje me largimet, ka pohuar: “Nuk kemi bërë asnjë listë për lojtarët që duhet të largohen. Emrat do t’i bëjmë të ditur publikisht në kohën e duhur, pasi të kemi afruar lojtarë cilësorë.”