Ish-kongresisti dhe kryetari i Ligës Qytetare Shqiptaro-Amerikan, Josef DioGuardi promovoi kandidaturën e tij brenda radhëve të republikanëve për në Kongresin Amerikan në distriktin 19-të të Nju Jorkut.
Ish-kongresisti me origjinë shqiptare deklaroi se “shqiptarët në zemër janë republikanë, popull që punon dhe që e do shumë vendin e tij, ashtu sikur republikanët amerikanë”.
Ai mbajti një fjalim lidhur me karrierën e tij politike në një Konventë të organizuar
" Westchester G.O.P. " për promovimin e kandidaturës së tij.
DioGuardi, i cili po punon të fitojë mbështetjen republikane në distriktin e 19-të ( zonë elektorale ku përfshihen pesë rrethe: Dutchess, Orange, Rockland, Eastchester dhe Westchester), foli për eksperiencën e tij shumë vjeçare në politikë.
Në Konventë ka marrë pjesë edhe ish-zëdhënësi i Shtëpisë së Bardhë, Ari Fleischer, i cili shprehu mbështetjen për kandidaturën e shqiptaro-amerikanit Josef DioGuardi.
Fleischer shprehur mirënjohje për miqësinë shqiptaro-amerikane dhe rolin e shqiptarëve në politikën globale të SHBA-ve.
Ari Fleischer në cilësinë e zëdhënësit të presidentit amerikan Xhorxh Bush në vitin 2001 lidhur me konfliktin e armatosur në Maqedoni kishte deklaruar se “presidenti Bush është i bindur se kishte vetëm një zgjidhje politike për konfliktin në Maqedoni”.
DioGuardi, ende nuk e ka shpallë kandidaturën zyrtarisht, pasi duhet që partia republikane ta propozojë atë si kandidat të mbështetur prej deputetëve të saj për në zgjedhjet e ardhshme të Kongresit, të cilat do të mbahen më 3 nëntor 2008.
DioGuardi shërbeu dy mandate ne kongresin amerikan nga viti 1985 deri ne vitin 1989 , kur ai u mund nga kongresistja Sue Kelly. (B.Sina/INA)
Krijoni Kontakt