Vargu biblik i ditës

[toni77_toni]

"Gratë le t’u binden burrave të vet - Ju, o burra, duajini gratë tuaja"!

Gratë le t’u binden burrave të vet sikurse Zotit. Sepse burri është kryet e gruas sikurse edhe Krishti është kryet e Kishës ‑ Ai, Shëlbuesi i Trupit. Pra, sikurse Kisha i nënshtrohet Krishtit, ashtu edhe gratë le t’u binden burrave të vet në gjithçka.

Ju, o burra, duajini gratë tuaja sikurse Krishti e ka dashur Kishën dhe e ka flijuar vetveten për të për ta bërë të shenjtë duke e pastruar me larje dhe me fjalë, që të bënte gati për vete një Kishë të lavdishme, të panjollë, të parrudhë, pa ndonjë gjë si këto, të jetë e shenjtë dhe e patëmetë.

Në këtë mënyrë duhet që edhe burrat t’i duan gratë e veta ‑ porsi trupin e vet. Kush e do gruan e vet, do vetveten.

Shkurt, për sa u përket juve, secili prej jush le ta dojë gruan e vet porsi vetveten e gruaja le ta nderojë burrin e vet. (Ef 5; 22-33)


www.bibla.net

vazhdon-->

[toni77_toni]

“Ndero babain tënd dhe nënën”!

Fëmijë, dëgjojini prindërit tuaj në Zotin, sepse është e drejtë. “Ndero babain tënd dhe nënën” ‑ është urdhri i parë me premtim: ”që të jesh mirë e të jetosh gjatë mbi dhe!”

Ju, o prindër, mos i hidhëroni fëmijët tuaj, por edukojini me disiplinë e me këshilla që vijnë prej Zotit. (Ef 6; 1-4)


www.bibla.net

vazhdon-->

[toni77_toni]

"Eprorëve, ruajeni grigjën e Hyjit - edhe ju të rinj, dëgjojini eprorët"!

Eprorëve, pra, që janë tek ju u jap vërejtje unë, epror edhe vetë bashkë me ta, dëshmitar i mundimeve të Krishtit dhe pjesëtar i Lavdisë që do të zbulohet:

ruajeni grigjën e Hyjit që ju është lënë në kujdes, mbikëqyreni jo përdhuni, por vullnetarisht, si do Hyji; jo për hir të fitesës së ndytë, por me shpirt gatishmërie, jo si zotërues mbi ata që ju janë besuar, por si shembull i grigjës.

Gjithashtu edhe ju të rinj, dëgjojini eprorët. Dhe të gjithë së bashku, në marrëdhënie me njëri-tjetrin, vishuni me përvujtëri, sepse: »Hyji u kundërshton madhështorëve, kurse të përvuajturve u jep hirin«. (1 e Pje; 1-5)


www.bibla.net

vazhdon-->

[toni77_toni]

"Ligji nuk është dhënë për njeriun e drejtë, por për të këqijtë"!

Vërtet, ne e dimë se Ligji është i mirë kur ndokush e përdor si duhet, i bindur për këtë se Ligji nuk është dhënë për njeriun e drejtë, por për të këqijtë, për të padëgjueshmit, për të
mbrapshtët, për
mëkatarët,
pa-fetë,
blasfemuesit,
atë-vrasësit,
mëmë-vrasësit,
njeri-vrasësit,
fëlligështarët,
homoseksualët,
tregtarët me njerëz,
gënjeshtarët,
për beshtrembërit dhe për çdo vepër tjetër që është kundër mësimit të shëndoshë ‑ sipas Ungjillit të Lavdisë së Hyjit të lumtur, që më është besuar. (1 e Tim 1; 8-11)


www.bibla.net

vazhdon-->

[toni77_toni]

"Ai na shëlboi, jo në saje të veprave tona që ne i bëmë në drjetësi...."!

Sepse edhe ne dikur ishim të pamendë, të padëgjueshëm; endeshim larg së vërtetës, robër të dëshirave dhe të prirjeve të ndryshme; kemi jetuar, në të këqija dhe në smirë, të denjë për të qenë të përbuzur; kemi urryer njëri-tjetrin.

Por, kur, u dëftua mirësia e Hyjit, Shëlbuesit tonë, dhe dashuria e tij ndaj njerëzve Ai na shëlboi, jo në saje të veprave tona që ne i bëmë në drjetësi, por në saje të mëshirës së vet: me anë të larjes së rilindjes dhe të ripërtëritjes që jep Shpirti Shenjt, të cilin me begati e ndikoi në ne nëpër Jezu Krishtin, Shëlbuesin tonë, që, të shfajësuar me anë të hirit të tij të jemi, në saje të shpresës, trashëgimtarë të jetës së pasosur. (Ti 3; 3-7)


www.bibla.net

vazhdon-->

[Seminarist]

Pershnetje Ton (me kangen 'mori cike..')! Qka je tui ba?

Jakobi 2

14 Ç’dobi, o vëllezërit e mi, nëse ndokush thotë se ka fe, në qoftë se nuk i ka veprat? A thua mund ta shpëtojë vetëm feja?

[toni77_toni]

Pershnetje Ton (me kangen 'mori cike..')! Qka je tui ba?

hahaha, ah more Seminarist, çka nuk te shkon ne mend edhe ty!!


Kur isha fëmijë flisja si fëmijë, mendoja si fëmijë, arsyetoja si fëmijë. Kur u bëra njeri i pjekur, flaka çka i përket fëmijërisë.

Vërtet, tani shikojmë si në pasqyrë e në mënyrë të errët, por atëherë do të shohim faqe‑faqas!

Tani njohuria ime është e kufizuar, atëherë do të njoh plotësisht, siç jam i njohur.

Tani, veç, mbetet feja, shpresa e dashuria ‑ këto të tria ‑ porse më e madhja ndër to është dashuria. (1 Kor 13; 11-13)

www.bibla.net

vazhdon-->

[Seminarist]

Po ti ishe kon bylbyl, besa! Isha ka tue mos me e besue.


Gal 6



7 Mos u gënjeni: Hyji nuk lejon të vihet në lojë! Atë që njeriu mbjell, atë edhe do të korrë! 8 Kush mbjell në trup të vet, nga trupi do të korrë shkatërrimin, e kush mbjell në Shpirt, nga Shpirti do të korrë jetën e pasosur.

9 Mos të lodhemi kurrë duke bërë mirë; për të vërtetë, nëse nuk do të mejmë, patjetër në kohën e duhur, do të korrim. 10 Prandaj, derisa të kemi kohë, t’i bëjmë mirë gjithkujt

[toni77_toni]

"Prandaj vuajmë dhe luftojmë pse shpresojmë në Hyjin e gjallë"!

Në qoftë se ua mëson vëllezërve këto të vërteta do të jesh mbarështues i mirë i Krishtit Jezus, i ushqyer mirë me fjalë feje dhe me mësimin e mirë që vazhdimisht e ndjek.

Hiqju përrallave të shekullit e të plakave! Më mirë ushtrohu në përshpirtëri! Vërtet, ushtrimi trupor pak ka vlerë, kurse përshpirtëria është e dobishme për gjithçka, sepse sjell me vete premtimin e jetës së tashme dhe të asaj të ardhshmes.

Kjo fjalë është e denjë të besohet dhe të pranohet prej të gjithëve: prandaj vuajmë dhe luftojmë pse shpresojmë në Hyjin e gjallë që është Shëlbuesi i të gjithëve, sidomos i besimtarëve. Këto gjëra urdhëroj dhe mësoj! (1 e Tim 4; 6-11)

www.bibla.net

vazhdon-->

[GANGO of SG]

"Hyji nuk na ka grishur për të bërë fëlligështi"!

Patjetër i dini urdhërimet që ju kemi dhënë prej anës së Zotit Jezus. Vullneti i Hyjit është ky: shenjtërimi juaj të ruheni nga fëlligështia që secili të dijë të jetojë me gruan e vet në shenjtëri e me nder dhe jo në prirje të ulëta porsi paganët që nuk e njohin Hyjin, sepse Zoti është hakmarrës për të gjitha këto, siç ju kemi thënë më parë dhe jua kemi dëshmuar.

Jo po, Hyji nuk na ka grishur për të bërë fëlligështi, por për të jetuar në shenjtëri.

Prandaj, kush i përbuz këto urdhërime, nuk përbuz një njeri çfarëdo, por vetë Hyjin që ju jep Shpirtin Shenjt të vetin. (1 e Sel 4; 2-9)

www.bibla.net

vazhdon-->

Ne ket pasazh qe ka sjell vlla toni, Bibla e Shenjt na kujton me ju rujt flligshtis e deshirave tye trupit se perndryshe trhjekum mallkimin e ferrit.
Deshirat e trupit e flligshtia e bajn njerin qorr a sykryq! Epshi e flligshtia jo vetem qe na prishin shikimin me dallu te keqen prej t'mirs, por na axhitojn shpirtin. Virtytet harrohen kur zemra ndjen epsh. mjegulla mbulon e bllokon zemren e syt e ballit si shtres pluhunit, ashtu kur korrupsioni ja fiton zemren gjyqtarit e sdin me dallu ma fajsin prej pafajsis.

[GANGO of SG]

"Lutju Atit tënd që është në fshehtësi"

“Kur të luteni, mos bëni si shtiracakët, të cilëve u pëlqen të luten në këmbë në sinagoga dhe në sheshe të rrugëve, që t’i shohin njerëzit. Përnjëmend po ju them: u ndanë veç me atë shpërblim!

Ndërsa ti, kur të lutesh, hyr në dhomën tënde, mbylle pas vetes derën e lutju Atit tënd që është në fshehtësi; e Ati yt që sheh në fshehtësi, do të të shpërblejë". (Mt 6; 5-6)


www.bibla.net


vazhdon-->

Asnji lutje nuk asht e plot pa pranin e mendjes.

[Seminarist]

Si e shpjegon Toni kete varg?

Mateu 5


25 Rregullohu shpejt me kundështarin tënd sa të jesh ende në udhëtim me të, që kundërshtari të mos të të dorëzojë te gjykatësi e ky te rojtari i gjyqit, që të mos të ndryejnë në burg. 26 Për të vërtetë po të them: s’do të dalësh prej andej para se ta paguash edhe paranë më të fundit.”

[toni77_toni]

Si e shpjegon Toni kete varg?

Mateu 5


25 Rregullohu shpejt me kundështarin tënd sa të jesh ende në udhëtim me të, që kundërshtari të mos të të dorëzojë te gjykatësi e ky te rojtari i gjyqit, që të mos të ndryejnë në burg. 26 Për të vërtetë po të them: s’do të dalësh prej andej para se ta paguash edhe paranë më të fundit.”

Seminarist, mendoj dhe besoj, njëkohsisht eshte edhe besim i Kishes katolike se;

Në këto qortime Krishti flet për një denim të përkohshëm i cili nuk mund të jetë ferri dhe as Qielli - ky quhet Purgatoti.

Ekzistenca e Purgatorit është një e vërtetë e fesë: Shën Toma i Akuinit thotë që nuk duhet munguar të neglizhohet Purgatori, sepse kjo don të thotë që të neglizhohet Drejtësia e Zotit pra, është një koment kundër fesë. Kjo e vërtetë e fesë është e themeluar mbi mësimin e kjartë të Shkrimit Shenjtë për sa i përket drejtësisë dhe nevoja e një pastërtie perfekte për të hyrë në Qiellë.

Prandaj, nga Katekizmi i Kishës Katolike “Çdo njeri që nga momenti i vdekjës së tijë e pranon në shpirtin e vet të pavdekshëm kthimin kah e amshuara, me nje gjykim të veqantë që e venë jetën e tijë në raport me Krishtin, për këtë ose do të kalojë mbi një pastrim të thellë ose do të hyjë menjëherë në lumturinë e qiellit, ose do të auto denohet përgjithmonë.

[Seminarist]

Je i madh Ton. Je si me pas kon teolog me ton. Atehere, si mendon ti se si ka mundesi qe te gjithe ata ungjillore, qe e kane pranu Krishtin ne zemren e tyre si zot personal, duke pase secili nji zbulese individuale me biblen, nuk arrijne KURR ne te njejtin interpretim, por, ne te kundert, arrijne ne mohim te tij?

A kane ata me te vertete nji zbulese personale, apo bindjet e tyre biblike nuk jane vecse nji personalizim i lavazhos kolektive ne levizjet e tyre komunitare?

[toni77_toni]

"Ju do të bëheni dëshmitarët e mi"!

"Jju do të merrni fuqinë e Shpirtit Shenjt, i cili do të zbresë në ju dhe ju do të bëheni dëshmitarët e mi në Jerusalem, në mbarë Judenë, në Samari, madje dhe deri në skajin e botës". (Vap 1; 8)


www.bibla.net


vazhdon-->

[toni77_toni]

"Ju jeni dëshmitarët"!

“Kështu është në Shkrimin e shenjtë: ‘Mesisë i duhet të pësojë e të ngjallet së vdekuri të tretën ditë. Në Emër të tij do të predikohet ndër të gjithë popujt, duke filluar prej Jerusalemit, kthimi dhe falja e mëkateve. Ju jeni dëshmitarët e kësaj gjëje.

Dhe, ja, unë do ta dërgoj mbi ju Premtimin e Atit tim. Qëndroni, prandaj, në qytet derisa të visheni me Fuqinë prej së Larti.” (Lk 24; 46-49)


www.bibla.net


vazhdon-->

[toni77_toni]

"por ju nuk deshët"!

“Jerusalem, Jerusalem, vrastar i profetëve e që me gurë i mbyt ata që Hyji i dërgoi te ti!

Sa herë desha t’i bashkoj fëmijët e tu sikurse klloçka i bashkon zogjtë e vet nën krahë... por ju nuk deshët! Ja, shtëpia juaj po ju lihet juve e shkretë!

Jo, po, unë po ju them: nuk do të më shihni më që tani e derisa të thoni:

‘Bekuar qoftë ai që vjen në Emër të Zotit!’“ (Mt 23; 37-39)


www.bibla.net


vazhdon-->

[Shkodrani_79]

Ne fund iu shfaq te njembedhjeteve, ndersa po hanin, dhe i qortoi per mosbesimin e tyre dhe per ngurtesimin e zemres, ngaqe nuk kishin besuar atyre qe e kishin pare te ngjallur.
Jezui tha:
"Shkoni ne te gjithe boten dhe i predikoni ungjillin cdo krijese.Ai qe do te besoje dhe do te pagezohet do te shpetoje, por ai qe nuk do te besoje, do te denohet. Keto do te jene shejat qe do te shoqerojne ata qe besojne:
Do te debojne djajte ne emrin tim
Do te flasin gjuhe te reja
Do te marrin gjarprij ne duar dhe nese do te pijne ndonje helm, nuk do t'u beje dem
Do te vene duart mbi te semuret dhe keto do te sherohen"
Marku 16.fq.111

[toni77_toni]

"Ju nuk jeni nën ndikimin e mishit, por nën atë të Shpirtit Shenjt"

E në të vërtetë: ata që jetojnë nën ndikimin e trupit, jepen pas gjërave të trupit, e ata që jetojnë nën ndikimin e Shpirtit Shenjt, jepen pas gjërave shpirtërore: të bësh çka dëshiron trupi, sjell vdekjen e të bësh çka dëshiron Shpirti Shenjt, sjell jetën e paqen. Sepse, prirja e trupit është kundër Hyjit: nuk i bindet Ligjit të Hyjit, madje as nuk mundet. Ata që jetojnë nën ndikimin e trupit, nuk mund t’i pëlqejnë Hyjit. Ju nuk jeni nën ndikimin e mishit, por nën atë të Shpirtit Shenjt, në qoftë se Shpirti i Hyjit banon në ju. Nëse ndokush nuk e ka Shpirtin e Krishtit, ai nuk i përket Atij. E nëse Krishti është në ju, trupi është patjetër i vdekur për shkak të mëkatit e Shpirti është jetë për shkak të drejtësisë. Nëse Shpirti i Atij që e ngjalli nga të vdekurit Jezusin banon në ju, atëherë Ai që ngjalli Krishtin prej të vdekurve, do t’i japë jetë edhe trupit tuaj të vdekshëm me anë të Shpirtit të vet që banon në ju. (Rom 8; 5-11)

www.bibla.net


vazhdon-->

[Seminarist]

Ton, pershendetje



Ne kete pjese te Bibles duhet patur kujdes. Nqs e mban mend, ungjilloret e forumit mbeshtesin herezine se Jezu Krishti nuk u be NJERI/U, por se Ai vetem u be i perngjajtur si Njeri. Sepse, per keta ungjillore, NJERIU, TRUPI jane te KEQ, keshtu qe Perendia nuk ka se si te behet NJERI me te vertete.

Kjo eshte ZEMRA e herezive Gnostike dualiste por edhe e Paulit te Samosates, kryeautorit te levizjeve Ariane e Nestoriane.
Po jo, thone, nuk ka rendesi nje VOGELSI e tille, se ne fund te fundit e pranojne Jezusin si shpetimtar te vetem, keshtu qe nuk kane se si te quhen heretike.

Cfare NAIVITETI!

Ne pasazhin ne fjale te Bibles termi trup (soma) ka te beje me aspektin e rene te njeriut dhe jo me trupin fizik, sikurse fryma me natyren e riperterire te tij.


Gezuar dhe festoje sa me mire Vitin e Ri me te gjitha traditat e krishterizuara, ashtu sic na kane ardhur deri sot.