Të mësojmë të shkruajmë pa gabime

[iliria e para]

STIHI f. sh.
1. libr. Dukuri e vrullshme dhe e
papërmbajtur, që zhvillohet vetiu dhe që
nuk mund të drejtohet sipas dëshirës.
Stihitë e natyrës. Nuk e la në mëshirën e
stihisë.
2. fig. libr. Vrull i brendshëm, forcë
shpirtërore e papërmbajtur. Stihia e poetit.
3. mit. Figurë e përrallave popullore, e cila
përfytyrohet zakonisht si një qenie me
krahë, që nxjerr flakë nga goja ose si një
gjarpër që ruan thesaret e fshehura nën
dhe.
4. fig. Njeri ose diçka tjetër me përmasa
tepër të mëdha e të parregullta.

[iliria e para]

Ishte diskutur per kete fjale dhe pe ate e solla ketu.

[symphony]

E di qe jam larg akoma ne te shkruarit shqip,por mendoj qe fale forumit jam permisuar,ka dikush te me kritikoj?

Je përmisuar apo përmirësuar?
Më gëzon fakti që me guxim edhe vullnet ke arritur të përmirësosh drejtshkrimin e gjuhës amtare. (-:
Megjithëse nuk e di se si ke qenë në fillim :d

[kapllani]

Kam disa pyetje për sa i përket drejtshkrimit:

1. Mbiemri "shkurtër" në shumësin femëror, a shkruhet "të shkurtëra" a "të shkurtra"? Sepse duke lexuar i has të dyja format dhe dua të di se cili variant është si sakti. E njëjta gjë vlen edhe për gjithë ato mbiemra, që mbarojnë me -ët: a thuhet p.s. "të dobëta" a "të dobta"; "të largëta" a "të largta" etj.

2. Dhe n.q.s. nominalizohet ato, a shkruhet pastaj p. s. "të dobëtit" a "të dobtit".

Faleminderit për sqarime.

[Ermedin]

Kam disa pyetje për sa i përket drejtshkrimit:

1. Mbiemri "shkurtër" në shumësin femëror, a shkruhet "të shkurtëra" a "të shkurtra"? Sepse duke lexuar i has të dyja format dhe dua të di se cili variant është si sakti. E njëjta gjë vlen edhe për gjithë ato mbiemra, që mbarojnë me -ët: a thuhet p.s. "të dobëta" a "të dobta"; "të largëta" a "të largta" etj.

2. Dhe n.q.s. nominalizohet ato, a shkruhet pastaj p. s. "të dobëtit" a "të dobtit".

Faleminderit për sqarime.

Sa kam dituri, e sakta është "të shkurtra", pra bëhet fjalë vetëm për shumësin në trajtën e shquar,
ndërkaq trajtën e pashquar madje edhe në njëjës bën ashtu siç e ke cekur, pra "e shkurtër/të shkurtër".

[Ermedin]

Më lejoni të bëj vetëm edhe një pyetje. Cila nga këto shprehje, me më shumë apo më me shumë, është korrekt?
Unë mendoj se e para (me më shumë), duhet të jetë korrekt por që nuk jam shumë i sigurt pasi shot tek shkruhet edhe më me shumë.
Ju përshëndes.

Më shumë kos, më pak ujë.

Me më shumë kos, e me më pak ujë bëhet dhallë.

Pra, kemi shkallë-shkallë rritje komparative: shumë, më shumë.

Me është parafjalë.

[jarigas]

Më shumë kos, më pak ujë.

Me më shumë kos, e me më pak ujë bëhet dhallë.

Eshtë krejt e kundërta, i dashur Ermedin: Me më shumë ujë, e me më pak kos bëhet dhallë!

Pra, kemi shkallë-shkallë rritje komparative: shumë, më shumë.

Me është parafjalë.

Në shqip kemi fjalën "krahasuese" ne vend të fjalës së huaj "komparative"!

[kapllani]

Sa kam dituri, e sakta është "të shkurtra", pra bëhet fjalë vetëm për shumësin në trajtën e shquar,
ndërkaq trajtën e pashquar madje edhe në njëjës bën ashtu siç e ke cekur, pra "e shkurtër/të shkurtër".

Po mbiemrat qe mbarojne me -ët? Do te mireprisja edhe pergjigje te tjera

[Sami Hyseni]

Eshtë krejt e kundërta, i dashur Ermedin: Me më shumë ujë, e me më pak kos bëhet dhallë!

Në shqip kemi fjalën "krahasuese" ne vend të fjalës së huaj "komparative"!

Po pra, me ty jam Jarigas, ne duhet te dijme/mesojme se pari te shkruajme ne gjuhen shqipe, e pastaj (mundesisht) te mesojme ta shkruajm drejt. Mua me shume me pengon perdorimi i fjaleve te huaja ne vend te fjaleve tona, se sa mynyra, forma apo trajta e fjaleve.

Ne rastin e Kapllanit, p.sh. me lart, per mendimin tim nuk ka fare rendesi, a duhet te shkruhet/thuhet shkurtera apo shkutra, kuptimi eshte i njejt-Shqip, ndersa problem, per mua eshte, te perdoret fjala "cinque" ne vend te "pese apo "komperative" ne vend te "krahasuese", e shume e shume fjale te tjera te huaja...

[Ermedin]

Eshtë krejt e kundërta, i dashur Ermedin: Me më shumë ujë, e me më pak kos bëhet dhallë!

Në shqip kemi fjalën "krahasuese" ne vend të fjalës së huaj "komparative"!

Në gjuhën e pastër shqipe nuk ka fjalë "eshtë" e as "krejt". Mos shit shumë mend, se s'kam para t'i blej!