14 janar: Protestuesit e "Vetëvendosje" përplasen me policine e Kosovës

[Pika-Kufi.1-31]

MPB: Policia do të ketë zero tolerancë ndaj bllokimit ilegal të rrugëve
Prishtinë, (Kosovapress) 06 Janar 2012 16:17

E drejta e disa qytetarëve për të protestuar dhe shprehur pakënaqësinë, nuk do të lejohet të abuzohet në dëm të lëvizjes së lirë të qytetarëve tjerë dhe mallrave në territorin e Republikës së Kosovës. Është thënë në takimin qw ministri Punëve të Brendshme, Bajram Rexhepi, mbajti me menaxhmentin e lartë të Policisë së Kosovës, pas paralajëmrimeve të Lëvizjes Vetëvendosje se do t’i bllokojnë pikat kufitare në Merdarë dhe Dheu i Bardhë.

Në një komunikatë të lëshuar nga Ministria e Punëve të Brendshme, thuhet se mes tjerash

në takim u diskutua lidhur me paralajmërimet e subjektit politik Vetëvendosje për bllokimin e pikave kufitare në Merdarë dhe Dheu i Bardhë.

“Me këtë rast dëshirojmë të njoftojmë opinionin se Policia e Kosovës sikurse në të kaluarën do të ushtrojë detyrat e saj, si garantues i zbatimit të ligjit, në përputhje me mandatin dhe përgjegjësinë që i takon.

E drejta e disa qytetarëve për të protestuar dhe shprehur pakënaqësinë nuk do të lejohet të abuzohet në dëm të lëvizjes së lirë të qytetarëve tjerë dhe mallrave në territorin e Republikës së Kosovës.

Rrjedhimisht, Policia e Kosovës ka përgatitur planin operativ për parandalimin e bllokimit të pikave kufitare Merdarë dhe Dheu i Bardhë, si dhe rrugëve magjistrale të cilat shpijnë në këto pika kufitare.

Ministria e Punëve të Brendshme kërkon nga të gjithë qytetarët e Republikës së Kosovës, të mos përkrahin forma jo ligjore të shfaqjes së pakënaqësisë. Policia e Kosovës do të ketë zero tolerancë ndaj bllokimit ilegal të rrugëve dhe do të jetë në gatishmëri të plotë për t’u përballur me të gjithë ata që janë të përfshirë në aktivitete të jashtëligjshme me forcën e ligjit, forcë kjo që buron nga Kushtetuta më moderne dhe që respekton të drejtat e njeriut”, thuhetnë njoftimin e lëshuar nga MPB.

Zyrtarët e Lëvizjës Vetëvendosje, gjatë një konference të mbajtur dje, kanë paralajëmruar se Vetëvendosja më 14 janar do të bllokojë dy pikat kufitare me Serbinë, Merdarë dhe Dheu i Bardhë, dhe nuk do të hiqen nga këto pika, derisa Qeveria ta zbatojë të plotë mocionin e Kuvendit të Kosovës, për vendosjen e masave të reciprocitetit me Serbinë.

[Antiproanti]

...

Per bllokimin e kufijve, une mendoj se policia e shtetit te Thacit apo e shtetit te kuislingo-kolonialisteve me perkrahje te antishqiptareve ne mbare boten, edhe paralajmirimin per "bllokimin e vendkalimeve" do ta festoje. Sepse, aty e shohin shansin dhe mundesine me te volitshme dhe optimale per ta treguar forcen dhe dhunen kunder qytetareve shqipetare. As vrasja e ndonjerit prej tyre nuk do ti pengonte ata per ti perdorur te gjitha mjetet e dhunes policore. Perdorimi i forces dhe dhunes do te pershendetej si zakonisht nga Kryeministri, Presidentja, KFOR-i, EULEX-i, NATO, SHBA, GJermania, BE...
Une nuk besoj se do te lejohet Vetevendosje ti bllokoje vendkalimet kufitare. Regjimi i Thacit dhe perkrahesit e tij nderkombetare me gjase te madhe do te ishin ne gjendje te pushkatonin edhe qindra demostrues shqipetare, nese do tiu vertete rrezikoheshin interesat e tyre. Bllokimi "afatgjate" i vendkalimeve ne fjale, eshte rrezikim i qarte i interesave te tyre...

Rexhepi paralajmëron Vetëvendosjen
06-01-2012 16:51 CET

...
Plani operativ është përgatitur pas paralajmërimeve të subjektit politik “Vetëvendosje” për bllokimin e këtyre pikave kufitare, me qëllim të siç thuhet: “Zbatimit të mocionit të Kuvendit të Kosovës për vendosjen e masave të reciprocitetit në raport me mallrat e Serbisë”.
...

“Policia e Kosovës do të ketë zero tolerancë ndaj bllokimit ilegal të rrugëve dhe do të jetë në gatishmëri të plotë për t’u përballur me të gjithë ata që janë të përfshirë në aktivitete të jashtëligjshme me forcën e ligjit, forcë kjo që buron nga Kushtetuta më moderne dhe që respekton të drejtat e njeriut”, theksohet në komunikatë. /Zëri/
http://www.zeri.info/artikulli/1/1/4...vetevendosjen/

[Gogi]

Normalisht se duhet pergaditur plan operativ, ne rast kur rrezikohet stabiliteti i vendit. Dihet we vetevendosja qellim primar ka destabilizimin e vendit dhe mos zbatimin e ligjit.

Une e perkrah planin operativ te policise qe te mos lejohet bllokimi i rrugeve, policia dhe ministria e puneve te brendshme kryen pune te shkelqyer.





.

[ARIANI_TB]

Normalisht se duhet pergaditur plan operativ, ne rast kur rrezikohet stabiliteti i vendit. Dihet we vetevendosja qellim primar ka destabilizimin e vendit dhe mos zbatimin e ligjit.

Une e perkrah planin operativ te policise qe te mos lejohet bllokimi i rrugeve, policia dhe ministria e puneve te brendshme kryen pune te shkelqyer.
.

Ore Gogi,

Ne nje Shtet normal me situate normale – mund te pajtohet me ate plan te ministrit te brendshem. Mirepo duke pasur parasysh se cfare Shteti dhe ne cfare situate jemi ateherash kjo deklarat e ministrit te brendshem dhe perkrahja e juaj per kete deklarate te ministrit te brendshem jane abnormale ne kete situate jo normale.

Une do ju pyesja qe te dyte si ty ashtu edhe ministrin Rexhepin. A e konsideroni Veriun e Kosoves si pjese integrale te Shtetit te Kosoves. Nese Po ateherash pse Ministri Rexhepi nuk nderhyn edhe ne ate pjese e ku boterisht dihet se atje ka bllokade te hapur totale qe 6 muaj e me teper, ndersa bllokade qysh nga viti 1999. Dhe asnejherash askush as nga UNMIKU, KFORI, EULEXI e Qeverite e Kosoves nuk ka pase nderhyrje per te siguruar lirine e qytetareve dhe mallrave. Por tani kur Shqiptaret po mundoht ta paraqesin ta shprehin pakenaqesine e tyre per cdo gje qe ndodhe ne Kosove, pa mar parasysh se cilja parti apo levizje I organizon keto protesta apo bllokime te rrugeve na paska plane e plane per te reagur. E per Veriun nuk ka asnje plan qe thuajse 13 vjet pas perfundimit te luftes.

Kjo deklarate e ministrit Rexhepit dhe perkrahja e juaj ndaj kesaj deklarate vetem sa e perfocojne bindjen time se Kosova me kete Pako te Ahtisarit edhe ndare ne dysh – ne dy Kosova. Edhe pse Shqiptaret jane shumice absolute – ata nuk pyeten fare per asgje.
Me kete pako te Ahtisarit Kosova (Veriu I saj dhe enklavat tjera ku jane serbet) I perket Shtetit Serb. Ndersa pjesa tjeter ku jane shumica Shqiptare ne ate pjese kontroll kane nderkombetaret dhe pushtetaret servile e te korruptuar e shantazhuar.

Edhe ky eshte nje fakt qe Kosova nuk eshte Shtet I Shqiptareve !!!!

[Alti Elezi]

Si gjithandej shqiptaret POPULL KOTI,si ata te Shqiperise dhe ata te Krahines se Kosoves!!!!
Kosova duhet te mbylle fare Kufrin me Serbine,dhe te mbaje hapur ate me M.e Zi,Maqedonine,dhe me Shqiperine pa diskutim.
Te tjerat jane vec llafe kot.................

[ARIANI_TB]

[halla mine]

Si gjithandej shqiptaret POPULL KOTI,si ata te Shqiperise dhe ata te Krahines se Kosoves!!!!
Kosova duhet te mbylle fare Kufrin me Serbine,dhe te mbaje hapur ate me M.e Zi,Maqedonine,dhe me Shqiperine pa diskutim.
Te tjerat jane vec llafe kot.................

Une do te thoja si andej si kendej kemi QEVERI KOTI.. e jo popull koti.
Siç thote Marksi "baza meteriale percakton nivelin e vetedijes"(me te cilen thenie te gjithe jane dakord, edhe djathtistet me te medhenj).. prandaj prej popullit me te varfer te evropes mos kerko largepamesi strategu. Kete mund ta kerkosh prej qeverive antipopullore e antishqiptare qe jane instaluar ne te dy anet e kufirit.. me sponzor fuqite e medha "mike".

[PLAKU]

http://www.zeri.info/fotot/44805/mai...ve_te_pame.jpg



“Vetëvendosja” hap të pame për Gjakovën
Artan Z. Haraqia | 07-01-2012 11:02 CET





E SHTUNË
7 JANAR 2012
PRISHTINË


“Ekonomisë së Gjakovës i ka mbirë edhe bari”. Këtë fjali e kishte shkruar një qytetar i komunës së Gjakovës në një libër simbolik të zisë, i cili ishte vendosur të premten në qendër të qytetit, në kuadër të një aksioni që lëvizja “Vetëvendosje” e kishte organizuar në këtë qytet, e me të cilin simbolikisht kishte hapur të pame, siç thoshin ata, për vrasjen që pushteti lokal e qëndror i kanë bërë komunës së Gjakovës.

Shprehja “I ka mbirë edhe bari” në Gjakovë përdoret kur përmendet dikush që ka ndërruar jetë qe një kohë të gjatë.

Një karrige gjigante druri me një peshqir e mbi të mbishkrimi ”E pame në Gjakovë”, një letër lajmëtare për vdekje dhe një libër i zisë, ishin mjetet që “Vetëvendosje” i kishte zgjedhur për aksionin e tyre .

“Njoftojmë të afërmit, miqtë dhe dashamirët se nga një sëmundje e gjatë 12-vjeçare, vdiq ekonomia e komunës së Gjakovës”, thuhej në letrën paralajmëruese, ndërsa anekënd karriges kishte shkrime ku flitej për vrasjen, që sipas Vetëvendosjes, pushteti i kishte bërë fushave të tjera në Gjakovë, përfshirë arsimin, kulturën e sportin.

“Nga qyteti më i zhvilluar ekonomikisht, Gjakova sot është kthyer në një qytet të padëshiruar për të jetuar nga qytetarët e vet e sidomos nga të rinjtë, të cilët po e braktisin çdo ditë e më tepër. Gjakova është një qytet që ka vdekur dhe për këtë arsye e kemi hapur këtë të pame simbolike, për të treguar se deri ku ka shkuar e keqja në Gjakovë”, ka thënë Ngadhnjim Haxhosaj nga lëvizja "Vetëvendosje".

Haxhosaj ka hedhur një varg akuzash në drejtim të pushtetit lokal, për të cilin ka thënë se është shkaktari kryesor për krizën ekonomike në Gjakovë.

“Kryetari aktual Pal Lekaj pati dhënë premtime marramendëse, duke përmendur shifra të investimeve prej 600 milionësh. Ato para lëre që nuk u investuan kurrë në Gjakovë, por as që ka ndonjë shenjë që mund të investohen ndonjëherë”, ka thënë Haxhosaj. zeri

[PLAKU]

http://www.zeri.info/fotot/44799/mai...tet_-_r.s..jpg





“Dridhen” profesorët politikanë
Anita Kadriu | 07-01-2012 00:49 CET





Profesorët universitarë kanë filluar t’iu “tremben” rezultateve të monitorimit të procesit mësimor, i cili është kryer nga Parlamenti Studentor (PS) i Universitetit të Prishtinës (UP) këtë semestër (dimëror).

Monitorimi i realizuar në të gjitha njësitë akademike të Universitetit, i përmbyllur me plotësimin e katër mijë pyetësorëve nga studentët, ku janë parashtruar gjithsej 80 mijë pyetje që kanë përfshirë të gjitha aktivitetet akademike e administrative në Universitet, ende pa dhënë rezultatet konkrete është tentuar të manipulohet.

Ndërhyrjet kanë ardhur kryesisht nga profesorët që janë të inkuadruar edhe në jetën politike. Presioni për të ndryshuar rezultatet nuk është mohuar nga udhëheqësit e PS-së. Profesorët kanë kërkuar të hiqen emrat e tyre, që përmenden deri në 50 herë se kanë munguar në ligjërata.

“Do të publikojmë të gjithë emrat e profesorëve që kanë munguar në ligjërata, apo kanë bërë shkelje të ligjit”, ka qenë deklarata e ripërsëritur të enjten nga kryetari i Parlamentit të Studentëve, Mentor Hasani, duke bërë të ditur se kjo do të ndodhë të hënën.

PS-ja më 14 dhjetor, datë kjo kur nisi shpërndarja e pyetësorëve studentëve, kishte paralajmëruar shpalljen e rezultateve të bazuar në opinionin e studentëve për gjendjen në Universitet, në javën e parë të janarit të viti 2012, bashkë me të gjithë emrat e profesorëve që do të shënohen në pyetësorë nga studentët se kanë thyer rregullat.

Kjo deklaratë ka ndezur profesorët të mbulojnë gjurmët e papërgjegjësisë së tyre duke bërë përpjekje për të ndërhyrë tek rezultatet. Hasani ka konfirmuar se në mënyrë indirekte ka pasur presion nga disa profesorë që merren me politikë. “Mirëpo, kam qenë i vetëdijshëm se do të më duhet t’i bëj ballë këtij presioni, sepse kemi nisur një punë shumë të rëndësishme dhe është projekti më i rëndësishëm që ka ndodhur në Universitet”.

Ai ka përmendur si të meta më të mëdha në disa fakultete mungesën e hapësirës, nivelin jo të kënaqshëm të administratës, mungesën e ngrohjes dhe veçanërisht si të metë kryesore të potencuar nga studentët në pyetësorë mungesën e profesorëve në ligjërata. Është cekur se ka edhe korrupsion. Ky monitorim ka pasur efekt.

Hasani ka theksuar se disa profesorë që janë në poste të larta politike me fillimin e shpërndarjes së pyetësorëve kanë filluar të vijnë në ligjërata. Por, ka raste kur profesori vjen sa për sy e faqe në ligjërata dhe e mban atë për 20 minuta, duke mos iu dhënë mundësi studentëve të përfitojnë nga ligjërata e tyre.

“Do të kërkojmë seriozitet më të madh, nga Rektorati hapa konkretë, jo vetëm retorikë apo filozofi ”, ka thënë ai, i vendosur se do të publikohen emrat e profesorëve që kanë munguar dhe mungojnë në proces mësimor.

“Kemi marrë si bazë që profesorit të cilit i është përmendur emri t’i publikohet. Ka edhe profesorë që janë përmendur 10 ose edhe 50 herë nga studentët”. Edhe disa emra që kanë dalë nga monitorimi i vazhdueshëm të publikohen.

“Do të kërkojmë masa ndëshkuese për këta profesorë. Monitorimin do ta bëjmë çdo muaj dhe në rast se nuk ndërmerret diçka, vetë do t’ua ndalojmë këtyre profesorëve që të hyjnë në Universitet. Jemi të vendosur që të vëmë rend dhe profesorët që mbajnë nga dy-tri vende pune të zgjedhin nëse duan të jenë në Universitet, në kolegje private apo qeveri. Nëse duan në Universitet, atëherë le të punojnë në Universitet dhe mos të pësojnë studentët”.

Studentëve, sipas tij, pagesat e semestrave dhe taksat tjera duhet t’iu kthehen me shërbime në favor të tyre. Hasani ka thënë se PS-ja do të kërkojë rritjen e masës së dënimit, konkretisht me uljen e pagës së profesorit përkatës që nuk vjen në ligjërata, pasi konsideron se masa ndëshkuese prej 50 euro nuk ndikon asgjë.

Do të bllokohen fakultetet

“Nëse nuk do të ketë rezultate konkrete (masa ndëshkuese) dhe profesorët do të vazhdojnë me mosseriozitet, atëherë ne do të obligohemi që të bllokojmë fakultetet, të mos lejojmë që ai profesor të hyjë në fakultet, sepse ne e kemi parë në vazhdimësi se këta profesorë e ndjejnë veten superiorë ndaj dekanëve, as dekani nuk ndërmerr asgjë edhe pse kanë munguar. Nëse i shikojmë listat e tyre ata janë të rregullt në listat e pagave, por jo edhe në ligjërata”, ka thënë Hasani.

[PLAKU]

http://www.zeri.info/fotot/44801/main_Ahmet_Shala44.jpg





“Ahmet Shala për pak sa nuk qajti”
Jeton Llapashtica | 07-01-2012 00:51 CET



Anëtarët e Komisionit Parlamentar për Politikë të Jashtme të premten kanë intervistuar një nga një të gjithë kandidatët për ambasadorë të ardhshëm, të cilët pritet që shumë shpejt ta përfaqësojnë Kosovën në vende të ndryshme.

Komisioni që drejtohet nga deputeti i Lëvizjes “Vetëvendosje”, Albin Kurti, gjatë këtij procesi ka pyetur ambasadorët e ardhshëm për shtetin në të cilin do të shërbejnë, për specifikat e tij, për historinë si dhe për çështje tjera që ndërlidhen me aktivitetin diplomatik.

Gazeta “Zëri” gjatë ditës ka bërë përpjekje që të marrë qëndrimin zyrtar të komisionit, mbledhja e të cilit ka qenë e mbyllur për gazetarë, por shumica e anëtarëve të kontaktuar kanë deklaruar se ekziston një marrëveshje e brendshme që nuk bën të shkelet, e cila e saktëson se gjithçka që ndodh në mbledhje duhet të mbahet e mbyllur për publikun.

Megjithatë, burime brenda komisionit kanë treguar detaje nga mbledhja që ka zgjatur tërë ditën, përfshirë edhe fërkimet mes kryetarit të Komisionit, Albin Kurti dhe deputetit të Partisë Demokratike të Kosovës, që është anëtar i këtij komisioni, Shaip Muja.

“Albini i ka pyetur anëtarët për çështje që kanë të bëjnë me reputacionin. Ua ka nxjerrë përpara ato që janë thënë për ta nëpër gazeta, pra, për keqpërdorimet që i kanë bërë, për dyshimet se janë të përfshirë në korrupsion, e shumë të tjera. Kjo i ka vënë në siklet disa nga anëtarët”, ka thënë ky person.

Ai ka sqaruar gjithashtu se në momentin që janë përballur me atë që kanë shkruar gazetat, disa nga kandidatët që presin të bëhen ambasadorë janë nxjerrë lehtë nga kjo situatë, ndërsa disa të tjerë janë mundur të arsyetohen.

“Më i miri ka qenë Ylber Hysa. Kur është pyetur për këtë çështje (reputacionin), ai ka thënë se jam i edukuar që të mos flas në veten e parë. Ndërsa më i dobëti në këtë pikë ka qenë Ahmet Shala, i cili vetëm sa nuk ia ka nisur vajit duke thënë vazhdimisht se kjo është fushatë e medieve dhe e gazetarëve që nuk e duan atë, e që duan ta diskreditojnë”, ka shtuar ai.

Sipas këtij burimi, pikërisht këto pyetje kanë përplasur disa herë deputetin e “Vetëvendosjes”, Albin Kurti dhe atë të PDK-së, Shaip Muja. “Përsëri ka pasur fërkime mes Shaipit me Albinin.

Shaipi iu thoshte kandidatëve se ti nuk ke nevojë t’i japësh përgjigje këtij, sepse këto janë punë personale tuat (çështja e reputacionit, kritikat e medieve, përfshirja në korrupsion). I thoshte Albinit se ti po ngrit tema personale të cilat nuk janë qëndrime të komisionit, edhe ti egon dhe komplekset tua po i shfaq në raport me këta”, ka bërë të ditur burimi.

Sipas tij, kandidatja Vjosa Dobruna ka qenë më e mira nga të gjitha femrat, ndërsa Bukurije Gjonbalaj më e dobëta. “Në shumë pyetje ajo nuk ka ditur të përgjigjet, edhe në atëherë kur është përgjigjur ka dhënë përgjigje të mangëta”, ka thënë burimi.

Burimi tregon se anëtarët e komisionit në fjalë kanë mospajtime edhe për çështje të tjera, të cilat mund ta zvarrisin edhe më shumë procesin e emërimit të ambasadorëve.

“Tash brenda javës që vjen do të bëhet një raport nga komisioni dhe i dërgohet presidentes. Problemi është se nuk ka konsensus mes anëtarëve. Shaip Muja thotë se këta janë të mirë dhe se duhet të notohen pozitivisht, Albini thotë se këta janë katastrofë. Ne megjithatë jemi të obliguar të mbërrijmë një konsensus, tekefundit mund t’i japim qëndrimet individuale në rekomandime”, ka thënë ai.

Deputeti intervistohet i pari

Burime brenda komisionit kanë bërë të ditur se personi i vetëm në komision që nuk ka pasur të drejtë të bëjë asnjë pyetje është deputeti i Partisë së Drejtësisë, Amir Ahmeti, i cili është kandidat për ambasador në Arabi.

“Deputeti Amir Ahmeti është intervistuar i pari. Më pas i kemi kërkuar që ta lirojë komisionin, ai nuk e bëri këtë, këmbënguli të rrijë, atëherë i kërkuam që të mos bëjë pyetje”, ka thënë burimi.
zeri



Albini ju ka dale daredhe me bishte qevaijrritareve!