Per Hipoteken

[Brari]

Kush merr vesh nga punet me Hipotekat.. Le te diskutojme..
'
---------


Për hipotekën, ndryshon skema e shitjes së pasurive të paluajtshme

Aktualitet e Enjte, Dhjetor 8th, 2011

Opozita: Ndryshimet do shtojnë burokracitë për qytetarin.

Noteri shkon në ZRPP dhe tërheq aktin e pronësisë së qytetarit.

Qeveria ndryshon procedurën e shitjes së pasurive të paluajtshme. Drafti i ri, i cili u miratua në fillim të muajit tetor në Këshillin e Ministrave, është diskutuar dje në Komisionin e Ligjeve, ku opozita u shpreh skeptike për rregullat e reja dhe abstenoi (vetëm Arben Isaraj votoi kundër). Pas miratimit vetëm me votat e maxhorancës, akti do të kalojë në seancën parlamentare dhe do të presë datën 1 mars kur do të hyjë në fuqi. Sipas përfaqësuesve të qeverisë, dixhitalizimi i procesit përfundon brenda marsit edhe në Durrës dhe deri në fund të 2012-s do të përfundojë në të gjithë vendin.
Procedura e re
Ministri i Drejtësisë, Eduard Halimi, sqaroi në mbledhjen e Komisionit të gjithë hapat që do të ndiqen nga qytetarët që blejnë pasuritë e paluajtshme dhe aplikojnë në Zyrën e Regjistrimit të Pasurive (ZRPP) për ndryshimin e emrit në aktin e pronësisë. Sipas procedurave aktuale, fillimisht shitësi i pasurisë së paluajtshme bën rifreskimin e kartelës, e paraqet atë te noteri, ku së bashku me blerësin, nënshkruajnë kontratën. Më pasi, kur blerësi ka derdhur të gjitha detyrimet financiare te shitësi, shkon në ZRPP për të ndryshuar emrin në aktin e pronësisë. Me ligjin e ri, të gjitha këto procedura tashmë do t’i bëjë noteri. “Me procedurën e re do të kemi një model krejt tjetër të kësaj veprimtarie. Shitësi, bashkë me blerësin do të paraqiten te noteri. Nuk ka nevojë që shitësi të ketë rifreskuar vërtetimin e pronësisë, por do të paraqitet vetëm me një vërtetim të vjetër të tij. Noteri në atë moment do të futet nëpërmjet sistemit online, që është i lidhur me ZRPP, brenda pak sekondave do të vërtetojë që shitësi është apo jo pronar real i kësaj pasurie dhe do të kryejë kontratën. Noteri duhet të ketë një llogari bankare dhe blerësi kalon në llogarinë e noterit shumën me të cilën do të blihet pasuria. Noteri, pasi ka bërë verifikimin online dhe nëse nuk ka asnjë pengesë ligjore për të kryer transaksionin, do të marrë edhe vërtetimin e pronësisë në ZRPP në emër të blerësit, do të kthehet te palët dhe do t’i çojë blerësit aktin e pronësisë”, tha ministri Halimi.
Debatet
Nga ana e saj opozita u shpreh skeptike për këtë procedurë. Nënkryetari socialist i Komisionit të Ligjeve, Fatmir Xhafaj, u shpreh se me ligjin e ri do të jetë noteri që do të vihet përballë burokracive të administratës. “Sa kohë që ky proces nuk është mbyllur, qytetari do të jetë përballë dy vuajtjeve: një përballë noterit dhe një që do ta transferojë noteri te qytetari për shkak të problemeve që do të ketë noteri te ZRPP-ja. Instrumentet që na bëjnë bindëse në interes të qytetarit nuk janë që të më bindin që unë ta votoj pro këtë ligj, prandaj, si hap i parë, duke ndjekur dhe duke parë diskutimet, duke njohur dhe ligjin, ndoshta mund të evoluojë. Unë do të abstenoj”, tha Xhafaj. Në përgjigje të skepticizmit të opozitës, Halimi theksoi se “skepticizmi në një proces të tillë nuk ka pikë kuptimi, sepse së pari ne kemi ndërmarrë një nismë që e ofron shërbimin e noterisë në Shqipëri me shërbimin e noterisë në vendet e BE-së, e bën shërbimin e noterisë në Shqipëri lider në rajon. Asnjë nga vendet e rajonit nuk ka filluar ta implementojnë procesin e dixhitalizimit”.

Debati në Komision
Eduard Halimi (ministër i Drejtësisë): Sot, për të kryer një transaksion blerësi dhe shitësi, para se të shkojnë te noteri, shitësi duhet të shkojë në Zyrën e Regjistrimit të Pasurive të Paluajtshme të rifreskojë aktin e vet të pronësisë. Pasi ka shkuar dhe ka bërë kërkesën në ZRPP, do të presë edhe rifreskimin që janë jo më pak se 10 ditë, do të paraqiten te noteri, do të nënshkruajnë kontratën te noteri, do të përfundojnë kontratën, do të kryejnë pagesat respektive siç është ligji aktual, më pas blerësi do të paraqitet në një moment tjetër në ZRPP, do të bëjë kërkesë për ta regjistruar dhe në rastin më të mirë blerësi do të marrë prej andej, në ditën e 30-të, një vërtetim pronësie. Kjo është praktika e derisotme. Me procedurën e re do të kemi një model krejt tjetër të kësaj veprimtarie. Shitësi bashkë me blerësin do të paraqiten te noteri. Nuk ka nevojë që shitësi të ketë rifreskuar vërtetimin e pronësisë, por do të paraqitet vetëm me një vërtetim të vjetër të tij. Noteri në atë moment do të futet nëpërmjet sistemit online, që është i lidhur me ZRPP, brenda pak sekondave do të vërtetojë që shitësi është apo jo pronar real i kësaj pasurie dhe do të kryejë kontratën. Noteri duhet të ketë një llogari bankare dhe blerësi kalon në llogarinë e noterit shumën që do të blihet pasuria. Noteri, pasi ka bërë verifikimin online dhe nëse nuk ka asnjë pengesë ligjore për të kryer transaksionin, do të marrë edhe vërtetimin e pronësisë në ZRPP në emër të blerësit, do të kthehet te palët dhe do t’i çojë blerësit aktin e pronësisë.
Shega Ligori: Qytetarët e kanë të detyruar këtë mënyrë veprimi, apo është alternative?
Eduard Halimi: Për idenë e veprimeve online ne iu referuam eksperiencës me dëshmitë e penalitetit. Ne hoqëm radhët dhe e kthyem në një shërbim online. Thamë se me shenjat e gishtave mund të verifikohet gjendja e kriminalitetit të gjithsecilit. Këtë mënyrë të vepruari e morëm dhe e implementuam edhe këtu. Qytetarët do të shkojnë te noteri sepse e kërkon Kodi Civil, dhe paratë do t’i derdhin te llogaria e noterit. Për të shkuar në hipotekë, qytetarët mund të shkojnë vetë. Për këtë rast mund të ketë një shërbim dhe një tarifë ekstra, për shembull 10 euro, që noteri të shkojë në ZRPP. Por qytetari edhe mund të mos dojë dhe të shkojë vetë në ZRPP.
Fatmir Xhafaj: Sa kohë që ky proces nuk është mbyllur, qytetari do të jetë përballë dy vuajtjeve, një përballë noterit dhe një që do ta transferojë noteri te qytetari për shkak të problemeve që do të ketë noteri te ZRPP-ja. Instrumentet që na bëjnë bindëse në interes të qytetarit nuk janë që të më bindin që unë ta votoj pro këtë ligj, prandaj, si hap i parë, duke ndjekur dhe duke parë diskutimet, duke njohur dhe ligjin ndoshta mund të evoluojë, unë do të abstenoj.
Shega Ligori: Të paktën Kryeministri apo të tjerë nuk do shpifin me pasuritë e opozitarëve sepse do t’i shohë online dhe do të ndizet flamuri i kuq apo blu. Por, në fakt, opozita ka diçka që nuk i shkon sepse duke klikuar nuk gjen dot sekserët.
Eduard Halimi: Skepticizmi në një proces të tillë nuk ka pikë kuptimi sepse së pari ne kemi ndërmarrë një nismë që e ofron shërbimin e noterisë në Shqipëri me shërbimin e noterisë në vendet e BE-së, e bën shërbimin e noterisë në Shqipëri lider në rajon. Asnjë nga vendet e rajonit nuk ka filluar ta implementojnë procesin e dixhitalizimit.

Ndryshimet në ligj
Neni 26 ishte
Për kryerjen e akteve e të veprimeve noteriale paguhet një tarifë, e cila caktohet nga Ministria e Drejtësisë, duke marrë edhe mendimin e Ministrisë së Financave dhe të Këshillit Kombëtar të Noterisë.
Neni 26 bëhet
Për kryerjen e akteve e të veprimeve noteriale si dhe për shërbimin noterial të regjistrimit të akteve për tjetërsimin e pasurisë së paluajtshme pranë zyrës së regjistrimit të pasurive të paluajtshme paguhet një tarifë, e cila caktohet nga Ministria e Drejtësisë, duke marrë edhe mendimin e Ministrisë së Financave dhe të Këshillit Kombëtar të Noterisë.
Neni 49 shtohet një paragraf
Në rastet e tjetërsimit të pasurisë së paluajtshme tregohen verifikimi i noterit në regjistrin elektronik të pasurive të paluajtshme, si dhe mënyra e derdhjes së çmimit të tjetërsimit në llogarinë bankare të tij. Procedura teknike për derdhjen e pagesës përcaktohet me udhëzim të përbashkët të ministrit të Drejtësisë dhe të ministrit të Financave.
Neni 54 ishte
Akti noterial për tjetërsimin ose njohjen e pronësisë mbi sende të paluajtshme, ose të një të drejte reale mbi to, kryhet nga noteri, pasi të ketë verifikuar pronësinë e palës mbi sendin e paluajtshëm. Për këtë qëllim ajo i paraqet noterit dokumentet e pronësisë të lëshuara nga organi kompetent dhe, kur sendi nuk figuron i regjistruar, një vendim gjyqësor detyrimi për vërtetim pronësie. Noteri duhet të shënojë në akt verifikimin e bërë.
Neni 54 bëhet
Akti noterial për tjetërsimin ose njohjen e pronësisë mbi sendet e paluajtshme ose të një të drejte reale mbi to kryhet nga noteri, pasi të ketë verifikuar pronësinë e palës mbi sendin e paluajtshëm. Për këtë qëllim, pala i paraqet noterit dokumentet e pronësisë dhe noteri, me pëlqimin e saj, verifikon gjendjen juridike të pronësisë në regjistrin elektronik të pasurive të paluajtshme. Noteri duhet të shënojë në aktin noterial për tjetërsimin e pasurisë së paluajtshme verifikimin e bërë dhe t’i bashkëlidhë rezultatin e verifikimit.
Dispozitë tranzitore
Dispozitat e këtij ligji janë të zbatueshme për zyrat e regjistrimit të pasurive të paluajtshme, ku funksionon regjistri elektronik i pasurive të paluajtshme. Deri në krijimin dhe funksionimin e regjistrit elektronik, tjetërsimi i pasurive të paluajtshme kryhet sipas procedurave ligjore të mëparshme.
Hyrja në fuqi
Ky ligj hyn në fuqi më 1 mars 2012.

panorama

[EuroStar1]

Ka vetem nje problem dhe qe eshte ky :

Shqiptaret nuk i kane te regjistruara pronat pasi asnje qeveri nuk po ja mundeson kete. E vetmja menyre per te regjistruar nje prone eshte ose te jeshe hallke e qeverise ose te paguash nje shume kolosale per ekonomine vendase dhe si te mos mjaftoje kjo, do te duhet te endeshe ne dyert e institucioneve burokratike Shqiptare, duke u ndeshur me mosperfilljen dhe anarshine qe gjendet ne cdo institucion shteterore

[Brari]

mir e ke o euro..

po ligji sotshem cfar thot?

po ne fakt cfar bejn mileti qe te mbarojn ndoj pun neper hipotekat?

kini shembuj?

[EuroStar1]

mir e ke o euro..

po ligji sotshem cfar thot?

po ne fakt cfar bejn mileti qe te mbarojn ndoj pun neper hipotekat?

kini shembuj?

Si do të bëhet hipotekimi?

Sipas udhëzimit, do të regjistrohen në Zyrën e Regjistrimit të Pasurive të Paluajtshme objektet për të cilat nuk është lëshuar leje shfrytëzimi, edhe pse është paraqitur kërkesë nga subjekti i interesuar pranë zyrës apo seksionit të urbanistikës të organit të qeverisjes vendore.

Do të përfitojnë nga regjistrimi të gjitha objektet, për të cilat nuk është lëshuar leje shfrytëzimi dhe nuk është paraqitur kërkesë për leje shfrytëzimi nga subjekti i interesuar pranë zyrës së urbanistikës së organit të qeverisjes vendore dhe objektet për të cilat është lëshuar leje shfrytëzimi, por kjo e fundit nuk rezulton të jetë përcjellë për regjistrim pranë ZRPP-së.

Do të përfitojnë nga hipotekimi edhe objektet, për të cilat është lëshuar leje shfrytëzimi dhe kjo e fundit është përcjellë për regjistrim pranë ZRPP-së. Në rastet kur Drejtoria e Urbanistikës në Bashkinë e Tiranës konstaton se për objektet për të cilat janë lëshuar leje ndërtimi, janë paraqitur kërkesa për lëshimin e lejeve të shfrytëzimit dhe këto të fundit nuk rezultojnë të jenë lëshuar, do të vijohen procedurat e lëshimit të lejes së shfrytëzimit brenda 30 ditëve dhe duhet të njoftohet Drejtoria e Përgjithshme e Tatimeve për detyrimet e papaguara të objektit.

Në një rast tjetër, kur ALUIZNI konstaton se objekti është vetëdeklaruar brenda afateve ligjore dhe disponon aktin e vetëdeklarimit, procedon me regjistrimin.


Para brari para te kesh pa nuk ka gje qe nuk behet

[benseven11]

Cfare eshte kjo"leje shfrytezimi"?

[BlueBaron]

Paskan per t'u bere lorda noteret !!!


Perdorimi i llogarise bankare te noterit eshte nje gje shume e mire, pasi lufton informalitetin dhe evazionin fiskal. Po edhe kesaj do t'ia gjejne anen ne Shqipri ...

[EuroStar1]

Cfare eshte kjo"leje shfrytezimi"?

Leje shfrytezimi eshte qe po nuk plotesove nje thes me letra dhe nuk derdhe ne xhepat e shtetit para, nuk e shfrytezon dot objektin qe ke ndertuar. Kjo leje u nevoitet vetem atyre qe nuk kan qene te paisur kurre me pare. Pra shtepit e reja qofte ato ne pallate apo vila, dyqane objekte biznesi te ndertuara pa leje ndertim dhe te pa kontrolluara nga ndertimoret.

Pagesat varjojne psh mua per shtepin time me nje siperfaqe prej 500 M truall dhe 170 M ndertese me kane kerkuar 3.600.000 lek te vjetra