Dhuna ekstreme në Xhami

[Anesti_55]

#1
Arb





Dhuna ekstreme në Xhami


Nga Artan Behrami më 22.01.2010 në ora 8:11
Menjëherë pas faljes së namazit, pesë persona kanë rrahur rëndë imamin e xhamisë së Tunelit të Parë në Komunën e Mitrovicës. Këta persona, së pari e kanë mbyllur imamin, Hamit Kamberin në xhami, më pas kanë filluar të godasin me grushte në kokë.

“Kam dëgjuar që disa persona e mbyllën derën e xhamisë. Dhe më pas më kanë sulmuar fizikisht. Personat në fjalë i di kush janë, familjet ua njoh”, thotë imami Hamit Kamberi, për Express.

Tash e disa javë, sulmuesit nuk janë të kënaqur me ritet fetare që praktikohen në këtë xhami. Ata disa herë kanë kërkuar largimin e imamit nga Xhamia. Këtë e pohon vetë imami.

“Unë i respektoj rregulloret e Bashkësisë Islame, sipas Medh'hebit Hanefi. Ata duan të tjera rite me i krye”, thotë Imami i rrahur.

Sipas tij, kjo është edhe arsyeja e vetme që është sulmuar nga një pjesë e vogël e xhematit. Imami Kamberi thotë se asnjëherë nuk ka pas probleme personale me sulmuesit, por atyre iu kanë penguar vetëm rregullat e përcaktuara nga Bashkësia Islame e Kosovës.

Imam Hamiti tregon se është sulmuar në kokë, dhe nga goditjet ka pësuar lëndime të jashtme dhe brendshme. “Tash do të shkoj në Prishtinë m’u mjeku. Duhet patjetër të shkoj te neurologu. Kam lëndime të brendshme dhe të jashtme, sepse kam lëndime në tru, në kokë dhe qafë”, tregon ai.

Sipas tij, ngjarja ka ndodhur kur njeri nga sulmuesit e kishte thirrur për të biseduar me të diçka. Derisa ishte duke biseduar, ai thotë se prapa shpinës është sulmuar nga katër persona të tjerë. Imam Hamiti pranon se njëri nga ta ka pasur mjekër të gjatë, derisa të tjetër ishin me veshje jo të zakonshme për myslimanët që zbatojnë rregullat, sipas Medh'hebit Hanefit.

“Unë kam mbështetjen e xhematit edhe të institucioneve dhe kam ende. Sulmi është tinëzar, qyqar, sepse trimi del përpara e jo pas shpine. Ata kishin pantallona të shkurtra”, shpjegon imam Hamit Kamberi.

Ndërkohë, Jetish Berisha, kryetar i Bashkësisë Islame në Mitrovicë e ka dënuar sulmin fizik ndaj Hamit Kamberit, imamit të xhamisë në Tunelin e Parë në këtë qytet.
Berisha thotë se sulmet ndaj zyrtarëve të Bashkësisë Islame janë duke vazhduar dhe duke u ashpërsuar çdo ditë e më shumë. Ai konfirmon sulmin ndaj Kamberit dhe kërkon nga hetuesia dhe policia që të ndriçohet ky rast.

“Pasi ky është një sulm në vazhdën e sulmeve që po i bëhen zyrtarëve të Bashkësisë Islame, siç ka qenë më herët me rastin e mulla Musliut në Drenas, mendoj që prapë të njëjtit njerëz, me të njëjtën ideologji, kanë vazhduar me asi lloj sulmesh”, thekson Berisha.

Sulmi sipas tij, është edhe më i rëndë, ngase ka ndodhur në shtëpinë e Zotit, ku gjithmonë lutet për paqe dhe marrëdhënie të mira ndër njerëzore.

“Disa persona mendojnë që me dhunë mund të merren objektet fetare. Ato ideologji nuk janë parime të shëndosha islame, çfarë na takon neve si myslimanë shqiptarë–kosovarë”, vlerëson Berisha. Ai tregon se imami Hamit Kamberi edhe më herët ka pasur probleme të vogla me sulmuesit, por ato kanë qenë mosmarrëveshje që janë lidhur me ritet fetare.

Sulmin ndaj imam Hamit Kamberit e ka konfirmuar edhe Policia e Kosovës. “Imami i xhamisë, ka pësuar lëndime të dukshme sipërfaqësore në pjesë të fytyrës dhe të kokës, ndërsa për ndihmë të parë është trajtuar në Shtëpinë e Shëndetit në Mitrovicë”, thotë Besim Hoti, zëdhënës i Policisë së Kosovës për rajonin e Mitrovicës.

“Ai është dërguar në QKUK në Prishtinë për një kontroll të detajuar, pasi ankohej për dhembje koke si rezultat i goditjeve të pranuara”, sqaron Hoti, në një komunikatë për media.

Policia e Kosovës ka mbledhur informatat mbi sulmuesit e imamit dhe është në kërkim të sulmuesve, të cilët ende nuk janë lokalizuar. Përveç imamit të xhamisë, i cili është intervistuar në cilësi të viktimës, policia ka siguruar edhe deklarata të dëshmitarëve të mundshëm të këtij rasti.

“Në bazë të informatave preliminare të rastit të raportuar, besohet se motivet e këtij sulmi qëndrojnë prapa kundërshtimit të një grupi të personave për caktimin e tij si imam në këtë xhami”, thuhet në këtë komunikatë.

Për këtë sulm, ka reaguar edhe Bashkësia Islame e Kosovës, e cila përmes një komunikate për media thotë se është e shqetësuar pas këtij rasti.

“Kryesia e Bashkësisë Islame të Kosovës, sulmin ndaj imamit e konsideron atak në institucionet e Bashkësisë Islame, dhunim të institucioneve dhe sulm në vendin e punës”, thuhet në komunikatën për media të institucionit më të lartë fetar islam në Kosovë.

Më tej thuhet se akte të tilla me elemente kriminale e banditeske janë të papranueshme për shoqërinë që pretendojmë ta ndërtojmë.

Kryesia e Bashkësisë Islame gjithashtu apelon dhe kërkon nga xhemati i xhamisë që të ruajë qetësinë dhe mos të bjerë pre e provokimeve të ulëta e të errëta dhe të distancohen nga ky akt vandal e kriminal.

Në komunikatën e cila mund të cilësohet si më e ashpra deri më tash e lëshuar nga BIK-u pas rasteve të tilla, kryesia fton xhematin të solidarizohet me imanin dhe institucionin që ai përfaqëson, duke e ruajtur unitetin, doktrinën dhe respektimin e vijës institucionale.

“Ata që dhunojnë institucione, ata që dhunojnë vendet e adhurimit, ata që dhunojnë imamët a zyrtarë në vendin e punës, nuk ia duan të mirën këtij vendi e këtij populli.
Kryesia e BIK-ut angazhohet për rend, qetësi e ligj, e jo për anarki e banditizëm”, thuhet në këtë komunikatë të BIK-ut.

Brenda pak muajsh kanë ndodhur disa sulme mbi imamët nga persona që konsiderohen më radikalë. Para imamit të një xhamie në komunën e Drenasit, ishte sulmuar edhe një zyrtar i lartë i Bashkësisë Islame në Prishtinë, i cili kishte pësuar edhe lëndime në fytyrë.

G. Express

[Anesti_55]

Tashti pas nje viti e kusur , a mund te na sjelle kush nje lajm, se si perfundoi kjo ngjarje?

[The_Capital]

Tashti pas nje viti e kusur , a mund te na sjelle kush nje lajm, se si perfundoi kjo ngjarje?

Qyh, qyh !

Njeriu ketu ne Kosove del para kamerave dhe thote: "Kam vrare kete person, kam vrare ate person" e nuk denohet !!

Tash shtrohet pyetja, po t'i ç'fare kerkon ??

[bani]

vete te ashtoquajturit myslimane bien ndesh me veten e tyre sepse eshte e ndaluar te protestohet kunder udheheqesve "sikur thone ata",

[Anesti_55]

Une do ti thoja Hamit Kamberit, te kthej ne besimin e te pareve dhe do te shpetoje njere dhe pergjithmone nga dajaku.Islami eshte dhune.them te verteten,ketu po ben palle Janullatus qe eshte grek dhe jo me te flitet per te dhunuar nje teolog shqiptar.Islamiket shqiptare po ushtrojen dhune dhe terror te vazhdueshem dhe si qeveria dhe populli, bejne te pa diturin.Vrasja e Tivarit,rrahjet ne xhamine e Durresit, ,ky rasti ne Kosove, vrasja e amerikane neGjermani, grupe te tjera te kapura ne flagrance, te tjere ne Maqedoni, e pra keto mjaftojne,qe secili ti therrase mendjes dhe te gjej rrugen e vertete, e ti lene keto mbeturina te pellasin ne xhamite e tyre vetem,si peshku pa uje.Sa shume kemi folur ,por sa pak ndjene shqiptaret.

[Elytony]

vete te ashtoquajturit myslimane bien ndesh me veten e tyre sepse eshte e ndaluar te protestohet kunder udheheqesve "sikur thone ata",

http://www.youtube.com/watch?v=QgnVw..._order&list=UL

Çka do të thuash me këtë?!!! Si e gjykoni ju një komunitet,sepse edhe unë jam i muslimanë po nuk protestoi...apo thënë më shkurt a ka drejtë dikush t'a njollosë kombin dhe kulturën shqiptare shkaku i Hamzajve dhe të Esat Pashajve të më hershëm dhe të sotit?!!!

[Elytony]

Une do ti thoja Hamit Kamberit, te kthej ne besimin e te pareve dhe do te shpetoje njere dhe pergjithmone nga dajaku.Islami eshte dhune.them te verteten,ketu po ben palle Janullatus qe eshte grek dhe jo me te flitet per te dhunuar nje teolog shqiptar.Islamiket shqiptare po ushtrojen dhune dhe terror te vazhdueshem dhe si qe veria dhe populli bejne te pa diturin.Vrasja e Tivarit,rrahjet ne xhamine e Durresit, ,ky rasti ne Kosove, vrasja e amerikane neGjermani, grupe te tjera te kapura ne flagrance, te tjere ne Maqedoni, e pra keto mjaftojne,qe secili ti therrase mendjes dhe te gjej rrugen e vertete, e ti lene keto mbeturina te pellasin ne xhamite e tyre vetem,si peshku pa uje.Sa shume kemi folur ,por sa pak ndjene shqiptaret.

Çfarë kuptoni ju me dhunë dhe terror?!!! Sepse edhe Xhorxh Uashington i cili ishte udhëheqësi i kryengritësve kundër mbetrisë angleze,që kërkonin lirinë e vendit,konsiderohej si njeriu më terrorist në atë kohë...Por Uashington vetëm pak vite më vonë u bë president i Amerikës dhe IMAGJINOJE terroristi numër një president i Amerikës!!!

Hajni kur e sheh sesi polici po zbaton ligjin i duket se polici po ushtron terror mbi të,e kështu po ngjan edhe në mes disa njerëzve të paditur ndaj muslimanëve.

[mia@]

Qyh, qyh !

Njeriu ketu ne Kosove del para kamerave dhe thote: "Kam vrare kete person, kam vrare ate person" e nuk denohet !!

Tash shtrohet pyetja, po t'i ç'fare kerkon ??

Ty te duket normale qe vellezerit e tu te ashtquajtur musliman ushtrojne dhune ndaj imanit? Po behet fjale per persona fetare qe vene e falen ne xhami dhe jo per persona rrugesh qe godasin rastesisht nje iman pa arsye. A eshte e lejueshme kjo sjellje ndaj nje imani per ty?

[celyy]

Ty te duket normale qe vellezerit e tu te ashtquajtur musliman ushtrojne dhune ndaj imanit? Po behet fjale per persona fetare qe vene e falen ne xhami dhe jo per persona rrugesh qe godasin rastesisht nje iman pa arsye. A eshte e lejueshme kjo sjellje ndaj nje imani per ty?

Ndaj imanit a? hahahahaha.

Po he moj si mendon ti, si eksperte e ksaj fushe, eshte e lejueshme apo jo ? , hahahahahha

[mia@]

Ndaj imanit a? hahahahaha.

Po he moj si mendon ti, si eksperte e ksaj fushe, eshte e lejueshme apo jo ? , hahahahahha

O Lere se te rane dhembet. Ndaj imanit e mora vesh, po imamit?
Vdisni ti beni bisht pyetjeve, kur s'ju intereson.