Komente Bllogu

Atdhe Geci

HIMNI ÇAMËRISË

Çamëri tokë pellazgjike
Pallë Epiri në lashtësi
Je stërgjyshe e shqiptarëve
Në Dodonë e Iliri
Gjokset tua të përgjakura
Drejt fitores në lavdi!

Refreni:

Çamëri vend i bekuar
Plot me vuajtje e histori
Çamëri vend i uruar
Ngrite flamurin kuq e zi

Ti je gjaku i Janinës
Ti je dritë e Shqipërisë
Plagët tua shekullore
Ndritën zjarrin e lirisë...
Këngët tua nuk shterojnë
N´zemrat tona të rinisë






Refreni...

Çamëri vend i bekuar
Plot me vuajtje e histori
Çamëri vend i uruar
Ngrite flamurin kuq e zi

Çamëri fole shqiponjash
Brinjët tua i ke shpatë
Jatagan mbi fustanella
Vendit tonë i dalim zot
Mëmëdheu po na pret
Gjithandej deti buçet,
Çamëri, e jona Çamëriiiii!...

Tekstin; Atdhe Geci,
Muzikën; Izet Kallaba,
Soliste e Himnit:
Ylberina I. Avdyli

p.sh. Himni Çamërisë me zë gjendet
në Yoo Tube në disa adresa; ikv.at


KRYEKËNGËS SË ÇAMËRISË

Sot, më datë 09.09.2017, kemi një lajm shumë të rëndësishëm për kombin, e veçmas për Çamërinë. Qeveria e Republikës së Çamërisë, pas zgjedhjes së Qeverisë së Re, për herë të parë, realizon dy vepra historike:

Kushtetutën dhe Himnin e Republikës së Çamërisë. Të dyja këto vepra janë realizuar për mrekulli e me nivel të lartë cilësor.

Himni Kombëtar i Çamërisë është një Kryekëngë, marsh liriko-epik – ka linjë melodike të ëmbël, e po aq është kumbues e evokues ndaj historisë çame. Në të gjitha vargjet e himnit koncetrohen kulmet e historisë sonë, tragjedita çame, ideali kombëtar i saj...

Evidentohen plagët shekullore, „Gjokset e përgjakura të Nënës Çamëri“ që mëkojnë këngën shqiptare në këto brigje. „Toka çame është e bekuar dhe e uruar, – thotë himni, prandaj ajo është dritë e Shqipërisë“.

Poeti Atdhe Geci në bashkëpunim me kompozitorin Izet Kallaba, solisten Ylberina I. Avdyli, dhe dy veprimtarët kombëtarë – Bekim Bytyqin dhe Xhevdet Hajdarin – janë relizatorët e këtij Himni madhështor për Çamërinë.

Himni Kombëtar i Çamërisë të rrëmben, të deh me atdhetarizëm,

të frymëzon për idealin e drejtësisë dhe aspiratën e Kombit tonë
të Unifikuar.

Është kuptimplotë fakti që këtë himn e realizuan një grup shqiptarësh nga Kosova dardane, çka do të thotë: skaji verior i kombit tonë i këndon skajit tjetër jugor të atdheut… e kjo tregon se dielli ynë etnik sot është në zenitin e tij.

Idajet Jahaj, shkrimtar
Hollandë, Hagë, 09. 09. 2017



















THËRRITJET E NËNAVE

Ju thërrasim kundër heshtjes së gjatë
Ju thërrasim të dalim nga heshtja,
çamët kudo jemi një gjak. Aq sa na
vrau lufta, aq na vrau dhe paslufta.

Prej shpirtit e kemi të kryengritemi:
Janina kërkon Greqia të arrestohet,
Preveza kërkon Çamëria të çlirohet
Arta thërret: -Bashkim me Shqipërinë!

Çamëri, thuaje të pathënën që kurrë
se ke thënë, çasti është të ngritemi,
shpirtin e ke bletë të urtë e punëtore
e gjakun në trup si mjaltë të bimë.

Në qypin e gjakut do të votojmë,
çasti është të çlirohemi nga Greqia,
mjaft kemi vuajtur e fjetur si patate!
Çamëria thërret për liri të ngritemi!