Informacione te nevojshme rreth shendetit

[RaPSouL]

Mungesa e vitaminës B12, zvogëlim i trurit

Zvogëlimi i absorbimit të vitaminës B12 është i lidhur me disa çrregullime nervore.

Një studim i ri britanik sugjeron se sasia e pamjaftueshme e vitaminës B12 në gjak te të moshuarit shkakton zvogëlimin e masës trunore.

Këto pohime ata i bazojnë në një studim pesëvjeçar me disa qindra të moshuar, të moshë mbi 70-vjeçare, i cili ka treguar se personat të cilët kishin pasur nivele më të ulëta të vitaminës B12 në gjak, kishin pasur vëllim më të vogël trunor.

[RaPSouL]

Ushqimi mediteran mjaft i shёndetshёm

Nutricionistёt, specialistёt e ushqimit, pajtohen se ushqimi mediteran ёshtё i përkryer, ndërsa hulumtimet e reja kanё treguar se ёshtё edhe mё i dobishëm se sa ёshtё menduar deri tani.

Tё dhënat e bashkuara nga 12 studime ndёrkombёtare, pёrfshirё mbi njё milion e gjysmё tё hulumtuar (1 547 299), ka treguar se personat qё ushqehen me ushqim mediteran, kanё shkallё mё tё ulёt tё vdekjes pёr 9%.

Personat qё ushqehen me ushqim mediteran, kanё edhe 6% mё pak gjasa pёr karcinomё, 9% mё pak vdekje nga sëmundjet kardiovaskulare dhe 13% mё pak gjasa pёr tu prekur nga sëmundjet e Alzheimerit dhe Parkinsonit.

[RaPSouL]

Femrat, sporti dhe inkontinenca

Për shkak të fshikëzës së dobët të urinës, femrat nuk janë në gjendje të merren me sportet amatore, ka treguar një hulumtim në Itali.

10% e femrave të anketuara kanë deklaruar se kanë qenë të detyruara të heqin dorë nga sporti për shkak të inkontinecës (pamundësisë së mbajtjes) së urinës si pasojë e stresit.

Autorët e studimit pohojnë se sportet kryesore nga të cilat femrat është dashur të heqin dorë kanë qenë basketbolli, atletika, tenisi dhe mundja.

Studiuesit me tutje rekomandojnë që këto femra nuk duhet hequr dorë nga sporti i cili iu pëlqen, porse duhet të paraqiten te mjeku për ta diagnostikuar dhe mjekuar gjendjen e tyre.

[RaPSouL]

Ndikimi i aktivitetit fizik në apetit

Në numrin më të ri të revistës "International Journal of Obesity", ofrohet një studim i problemit me të cilin përballen të gjithë ata që dëshirojnë të bien në peshë përmes ushtrimeve të fuqishme trupore.

Duket se kontroll më të mirë mbi apetitin kanë personat të cilët janë fizikisht aktivë, në krahasim me ata joaktivë. Mekanizmi i veprimit nuk është i qartë, por mendohet se rol kyç kanë peptidet të cilat lirohen pas ushqimit dhe krijojnë ndjenjë të ngopjes.

Edhe më herët është e ditur se aktiviteti i rregullt fizik, krahas ushqyerjes së duhur, është kyç për ruajtjen e masës së ulur trupore, ndërsa mendohet se në këtë mjaft ndihmon edhe ndikimi i stërvitjeve trupore në apetit.

[RaPSouL]

Vera mbron nga pasojat e rrezatimit

Antioksiduesi resveratrol i pranishëm në verën e zezë dhe në pemë, mund të ofrojë mbrojtje nga pasojat ekspozimit ndaj rrezatimit, pohojnë shkencëtarët amerikanë.

Testimet në minj, të realizuara nga Universiteti Johns Hopkins kanë treguar mënyrën si resveratroli i acetiluar mund të pengojë disa nga dëmtimet të cilat shkaktohen nga rrezatimi.

Shkencëtarët besojnë se ky zbulim do të mundësojë zhvillimin e terapive të reja për trajtimin e viktimave të incidenteve radiologjike dhe nukleare.

Aktualisht nuk ekzistojnë barna të padëmshme dhe jo-toksike të cilat do të siguronin mbrojtje të ngjashme me resveratrolin e acetiluar.

[RaPSouL]

Asnjë lloj i rrezitjes nuk është i sigurt

Tre studime kanë treguar se rrezet ultravjollcë të cilat lëshohen nga solariumi, nuk janë më të mira sesa rrezet e diellit.

Të dhënat tregojnë se nuk ekziston asnjë fakt i cili ofron rrezitje të sigurt.

Rrezet ultravjollcë pavarësisht se nga e kanë burimin, shkaktojnë kancer të lëkurës, ndërsa supozimet për dobinë nga këto rreze (siç është prodhimi i vitaminës D), janë të tepërta.

Kanceri i lëkurës është njëra nga sëmundjet më të shpeshta malinje në SHBA me miliona raste të reja të diagnostikuara gjatë vitit 2008, ndërsa llogaritet se në të ardhmen 1/5 e njerëzve do të zhvillojnë një lloj kanceri gjatë jetës së tyre.

Shkaktar kryesor i rrezikut për të gjitha llojet e kancerit të lëkurës janë rrezet ultravjollcë.

[RaPSouL]

Të shkëlqyeshmit konsumojnë pemë dhe perime

Një studim kanadez, ku janë përfshirë 325 nxënës të shkollave të mesme, ka treguar se nxënësit me nota më të larta, janë konsumues të shpeshtë të pemëve dhe perimeve.

Nxënësit shkëlqyeshëm kishin konsumuar sasi më të mëdha të pemëve dhe perimeve në raport me vlerën mesatare që rekomandohet.

Nga ana tjetër, konsumimi i qumështit ka qenë pothuajse i ngjashëm te nxënësit e suksesshëm dhe ata të dobëtit.

Autorët e studimit tani për tani nuk mund ta shpjegojnë lidhshmërinë ndërmjet konsumimit të pemëve dhe perimeve dhe suksesit në shkollë.

[RaPSouL]

Jeta pas kancerit të gjirit

Femrat të cilat i kanë mbijetuar kancerit të gjirit pohojnë se kanë kualitet të lartë jetësor.

Vetëm 15 vite pas largimit të tumorit nga gjiri dhe pas rrezatimit, më pak se 5% e tyre ankohen në dhimbje.

Femrat të cilat kanë bërë ndërhyrje kirurgjike për ta larguar tumorin nga gjiri dhe pas kësaj i janë nënshtruar terapisë me rrezatim, në përgjithësi kanë kualitet të ngjashëm jetësor për më shumë vite, ngjashëm sikurse femrat të cilat nuk e kanë përjetuar sëmundjen.

[RaPSouL]

Me Omega-3 kundër njollave të verdha

Nëse dëshironi ta ruani të pamurit dhe ta shmangni rrezikun nga degjenerimi si dhe paraqitja e njollave të verdha, tipike për njerëzit e moshuar, atëherë në ushqimin tuaj duhet të ketë edhe peshk të pasur me omega-3, acide yndyrore të pangopura, së paku një herë në javë.

Shkencëtarët i kanë analizuar të dhënat për ushqyeshmërinë e 150 pacientëve dhe 2.170 personave të shëndoshë të moshës së njëjtë. Rezultatet kanë treguar se personat të cilët konsumojnë peshk, të pasur me omega-3, kanë për 50% gjasa më të vogla të vuajnë nga njollat e verdha.

Veprim të ngjashëm kanë edhe antioksiduesit siç është luteina, i pranishëm tek perimet e gjelbra si dhe vitamina C. Edhe pse hulumtimet rreth kësaj problematike ende nuk kanë përfunduar, ekspertët këshillojnë se antioksiduesit mund të paraqesin një plotësim për terapinë e parandalimit të kësaj sëmundje të syve.

[RaPSouL]

Vitamina C mund tё ulё efektin e barnave antikanceroze

Pёrdorimi i tepërt i vitaminës C mund ta zvogëlojё efektin e barnave tё cilat përdorёn nё terapinë e pengimit tё zhvillimit tё tumorit.

Hulumtimet kanё teguar se pas konsumimit tё barit i cili shkatërron qelizat tumorale sё bashku me vitaminën C nё formё tabletave, njё e treta deri nё 70% e qelizave tumorale kanё mbijetuar.

Shumё studime nё tё kaluarёn iu kanё rekomanduar pacientёve tё përdorin vitaminën C, pasi qё bёhet fjalё pёr njё antioksidues natyral i cili mund tё veprojё nё qelizat tumorale.

Por studimet e reja kanё treguar se barnat antikanceroze kanё pasur efekt mё tё dobët kur pacienti i ka konsumuar ata nё kombinim me vitaminën C.

Kjo ndodh pasi qё vitamina C i mbron strukturat brenda qelizës tumorale, tё njëjtat tё cilat duhet tё shkatërrohen nga barnat. Nё studimet mё tё reja janë shfrytëzuar doza tё mёdha tё vitaminës C.

Mjekёt thonё se doza e madhe e antioksiduesve e zvogëlon veprimin e barnave. Andaj preferohet qё pacientёt ta marrin atё me anё tё ushqimit tё shёndetshёm, dhe jo me anё tё medikamenteve tё pasura me vitaminё C.

[RaPSouL]

Me brokoli merrni frymë lehtë

Një studim i ri ka treguar se brokoli ka ndikim pozitiv te sëmundjet kronike të mushkërive.

Duhanpirësit të cilët vuajnë nga sëmundjet kronike obstruktive të mushkërive kanë nivel të ulët të antioksiduesit të quajtur NRF-2.

NRF-2 mbron mushkëritë nga proceset inflamatore, ndërsa brokoli pengon shkatërrimin e NRF-2, dhe në këtë mënyrë mbron dëmtimi e mushkërive.

[RaPSouL]

Mbipesha dhe aborti

Femrat e trasha të cilat kanë abortuar spontanisht, janë të prira që sërish të abortojnë në krahasim me femrat me peshë normale trupore.

Në një studim ku kanë marrë pjesë 696 femra të cilat kanë pasur abort të pashpjegueshëm, është zbuluar se rreziku për një tjetër abort ka qenë 73% më i madh për femrat me mbipeshë trupore në raport me femrat me peshë normale.

Autorët e studimit kanë pohuar se ky hulumtim është i pari i këtij lloji i cili shpjegon lidhshmërinë ndërmjet indeksit të masës trupore (BMI) dhe abortit.

Kështu, është treguar se femrat e trasha të cilat kanë aborte të përsëritshme, vazhdimisht janë të rrezikuara për një abort tjetër, dhe për këtë arsye ato kanë nevojë që të dobësohen nëse dëshirojnë ta mbajnë shtatzëninë deri në fund.

[RaPSouL]

Shafrani mbron nga sulmet në tru

Studimet e reja kanë zbuluar se përbërësit aktiv të mëlmesave indiane mund të jetë shumë ndihmues në parandalimin ose para terapisë së sulmeve në tru.

Përbërësit e shafranit indian mund të jenë mjaft të dobishëm në parandalimit e gjakderdhjeve në tru, që janë ndër shkaktarët kryesor të vdekjeve, duke penguar mpiksjen e gjakut në enë.

Hulumtuesit ende nuk kanë kuptuar mënyrën e veprimit të shafranit, por mendohet se kjo vjen falë efektit antioksidues dhe antiinflamator.

Shafrani indian është dëshmuar të jetë i dobishëm edhe në parandalimin e kancerit dhe sëmundjes Alzheimer.

[RaPSouL]

Luftoni gjenet, qëndroni tё dobёt

Sipas studimeve tё reja, madje edhe ata persona tё cilёt janë gjenetikisht tё predisponuar tё kenё kilogramё tё tepërta, mund tё jenё tё dobët nёse janë fizikisht aktiv.

Personat tё cilat kanё dy kopje tё gjenit tё trashёsisё, kanё 70 % gjasa pёr tё qenё obesё (tё shёndoshё).

Por, hulumtimet e reja kanё treguar se personat me gjenin e rezikshёm tё trashёsisё, tё cilёt vazhdimisht angazhohen fizikisht, kanё masё trupore si edhe ata pa kёtё gjen tё pakёndshёm.

Obeziteti nuk ёshtё vetëm problem fizik, por edhe shëndetësorё. Personat e trashё kanё prirje mё tё mёdha pёr tu prekur nga sëmundjet e zemrës dhe diabeti.

[RaPSouL]

Ushqejeni trurin

Aktiviteti intelektual nxit apetitin për ushqim për shkak të kërkesë së organizimit për glukozë, pohojnë shkencëtarët.

Disa nga participantët vullnetarë është dashur ta përshkruajnë një tekst të cilin e kanë lexuar paraprakisht dhe grupi tjetër ka zgjidhur disa teste kompjuterike, ndërsa grupi i kontrollit gjatë gjithë kohës ka pushuar.

Pas një kohe të gjithëve u është ofruar ushqim. Grupi i cili kishte përshkruar tesktin e lexuar kishte konsumuar 203 kcal, ndërsa zgjidhësit e testeve 253 kcal më shumë sesa ata që kishin pushuar.

[RaPSouL]

Gjidhënia zvogëlon rrezikun për kancer

Femrat të cilat në fazën më të hershme jetësore japin gji janë më pak të rrezikuara për t’u sëmurë nga kanceri i gjirit.

Ky pohim mbështetet në të dhënat e grumbulluara nga World Cancer Research Fund, nga 7.000 studime të realizuara më parë.

Nga këto studime është treguar se gjidhënia zvogëlon prirjen për zhvillimin e kancerit për afër 4.8%

Studimet e mëparshme kanë treguar se gjidhënia zvogëlon prirjen për mbipeshë te fëmijët që pinë qumështin e nënës dhe ndikon pozitivisht në mbrojtjen e infeksioneve

Rekomandohet që së paku gjashtë muajt e parë të jetës, fëmijët të ushqehen kryesisht me gji, ndërsa më pastaj të fillojë kombinimi i qumështit të nënës me ushqime tjera.

[RaPSouL]

Ushqimi i tepërt e dëmton trurin

Një studim i ri ka zbuluar se ushqimi i tepërt nuk ndikon negativisht vetëm në linjën trupore, por mund ta çrregullojë seriozisht funksionin e trurit.

Studimet e mëparshme kanë treguar se konsumimi i tepërt i ushqimit ndikon në shfaqjen e proceseve inflamatore në indin muskulor dhe të mëlçisë, që për pasojë kanë zhvillimin e sëmundjeve metabolike.

Ndërsa studimi i ri ka zbuluar se procese të ngjashme inflamatore vërehen edhe në tru pas ngopjes së tepruar.

Ky ndryshim është vërejtur në trurin e minjve, mirëpo nëse e njëjta gjë vërehet edhe te njerëzit, atëherë ky studim mund të sjellë deri te njohuritë e reja për t’i luftuar sëmundjet e zemrës dhe diabetin.

[RaPSouL]

Edhe vera edhe lëngu i rrushit të dobishëm

Studimet e reja tregojnë se ngjashëm sikurse vera, edhe lëngu i rrushit nga ndikim pozitiv në mbrojtjen e zemrës dhe parandalimin sëmundjeve kardiovaskulare.

Alkooli zgjeron enët e gjakut dhe rrit nivelin e HDL-kolesterolit (“kolesterolit të mirë”), mirëpo rolin kryesor në shëndetin e zemrës dhe enëve të gjakut, e kanë përbërësit e verës, flavonidet dhe resveratroli.

Studimet më të reja tregojnë se lëngu nga rrushi, ngjashëm me verën, mbron zemrën, duke zvogëluar rrezikun e paraqitjes së ngjizjes së gjakut dhe ngjitjes së LDL-kolesterolit (‘kolesterolit të keq”) në muret e enëve të gjakut.

[RaPSouL]

Shtatzënia dhe skizofrenia

Stresi në shtatzëni është i lidhur me paraqitjen e skizofrenisë.

Shpeshtësia e paraqitjes së skizofrenisë është më e lartë te fëmijët nënat e të cilëve në stadet e hershme të shtatzënisë kanë qenë nën stres.

Skizofrenia shpesh është pasojë e stresit të nënës gjatë jetës intrauterine, kur nëna është e ndikuar nga humbja e ndonjë të dashuri, përjetimi i ndonjë tragjedie apo pengesa ndryshme socio-ekonomike.

Skizofrenia është gjendej psikiatrike e cila përshkruhet si çrregullim mendor i cili karakterizohet me anomali në perceptimin dhe shprehjen e realitetit.

[RaPSouL]

Leximi ndihmon humbjen në peshë?

Një hulumtim i shkencëtarëve amerikanë nga Universiteti Duke sugjeron se leximi mund t’u ndihmojë vajzave që të humbin në peshë.

Në studim janë analizuar 31 vajza të moshave ndërmjet 9 dhe 13-vjeçare të cilat kanë lexuar një libër, ku protagonisti kryesor ka qenë i trashë dhe ka pasur vështirësi me vetëkontrollin, ndërsa 33 vajza tjera me moshë të ngjashme kanë lexuar një tjetër libër, i cili nuk ka përmbajtur karaktere me mbipeshë trupore.

Ndërsa një grup prej 17 vajzash nuk kanë lexuar asnjë libër, dhe ky grup është konsideruar si grup i kontrollit.

Pas gjashtë muajsh të këtij programi është vërejtur zvogëlim i peshës trupore te të gjitha grupet, mirëpo rezultate më të mira janë vërejtur te grupi i vajzave të cilat e kishin lexuar librin me personazhin me mbipeshë trupore.

Te këto vajza humbja në peshë ka qenë dyfish më e madhe sesa ato vajza të cilat e kanë lexuar librin pa personazh të trashë, ndërkohë humbja në peshë te vajzat të cilat nuk kanë lexuar aspak, ka qenë shumë e vogël.