Disa receta per ushqim

[RaPSouL]

Ëmbëlsirë me çokollatë

Përbërësit:

* 1 tas me çokollata të copëtuara ( rreth 9 copëza çokollate)
* 1 lugë gjelle gjalpë, e shkrirë
* 2 copa krem djathi i butë
* 1 cope krem djathi me 1/3 më pak i butë
* 1 gotë sheqer
* 3 lugë gjelle miell
* 1 lugë gjelle përbërje vanilje
* 3 të bardha vezësh
* 1 vezë
* 30g çokollatë

Përgatitja:

1 - Ngroheni paraprakisht furrën në 325 gradë.
2 - Vendosni copëzat e çokollatës në një tigan duke i ngrohur dhe duke i shkrirë me gjalpë. Përziejeni atë derisa të shkrihet. I fusni në 325 gradë për 8 minuta.
Hidhni në një tas të madh kremin e djathit, përziejeni mirë, shtoni miellin, të bardhat e vezëve, vezën, përziejeni masën derisa të bëhet një përzierje e njëtrajt¬shme. Hidhni përzierjen e sapo bërë në tiganin me çokollatë.
Vendosni çokollatën në një mikrovalë të vogël, në ‘High’1, 1/2 minuta, dhe e përziejmë për 45 sekonda (çokollata nuk duhet të shkrihet plotësisht). Përziejeni derisa të zbutet. Hidhni çokollatë të shkrirë në përzierjen e miellit për të formuar 9 pjesëza. Hidheni çokollatën sipër përzierjes së miellit dhe i piqni për 35 minuta në 325 gradë.
Ftoheni duke e vendosur në një letër alumini dhe e lini për 2 orë, pastaj servireni.

[RaPSouL]

Karkaleca me salcë hudhrash

Karkalecat dhe kopra e freskët, i bashkojmë dhe i përziejmë me verë të bardhë, duke i hedhur dhe barëra aromatizuese. Mos harroni të përzieni limonin në fund të recetës, është përzierja e orizit që i bashkon verën dhe ushqimin së bashku.

Përbërësit:

* 1 lugë gjelle vaj ulliri
* 3,5 gota me kopër të prera në copëza
* 1/4 lugë çaji me kripë
* 1/8 luge çaji me piper te zi
* 4 hudhra të prera në copëza të vogla
* 1 fletë dafine
* 1/2 luge çaji me piper të kuq
* 3/4 kg karkaleca të prerë
* 2 lugë gjelle lëng limoni i freskët

Përgatitja:

Ngrohim vajin në një tigan të gjerë në mënyrë të pandërprerë në një nxehtësi mesatare. Shtoni koprën e prerë, kripën, piperin e zi, hudhrat dhe gjethen e dafinës; e lini 5 minuta sa kopra të bëhet e brishtë duke e përzierë vazhdimisht. Shtoni piper të kuq dhe karkalecat në tigan; i lini 3 minuta ose derisa karkalecat të bëhen, duke i përzierë vazhdimisht. Hidhini lën¬gun e limonit ose mund ta shërbeni me limon në feta.
Shoqërohet me verë të bardhë.

[RaPSouL]

Mish viçi i pjekur

Përbërësit për 2 persona:

• 300 gr. mish viçi i pjekur
• 200 gr. qepë
• 1 lugë gjalpë
• sos domatesh
• 2 lugë të vogla vaj
• 2 lugë të vogla sheqer pluhur
• 50 ml verë e kuqe
• 25 ml uthull
• kripë, piper
• bar kamfuri*

Përgatitja: 20 min

Pastroni qepët. Lërini me ujë të zier për disa minuta. Pritini qepët në dysh ose në katërsh sipas madhësisë. Nxehni gjalpin dhe vajin në një tenxhere dhe zverdhni qepët. Pudrosini me sheqer dhe lërini të karamelizohen për disa minuta. Shtoni mishin e pjekur në tenxhere dhe shuajeni me verë dhe uthull deh sos domatesh. Hidhini kripë, piper. Lëreni të ziejë i mbuluar në zjarr të avashëm për 40-45 min. Lëngu duhet të jetë i trashë. Priteni mishin e pjekur në feta dhe vendoseni në pjatë. Servireni me salcën e qepëve përreth dhe bar kamfuri.

Bar kamfuri (Artemisia abrotanum) është bimë në familjen e Pelinit. Rritet buzë lumenjve dhe përrojeve dhe nëpër djerrina, me lartësi deri një metër. Kultivohet edhe në kopsht. Ka lule të verdha.

Bar kamfuri eshte kjo fotoja e pare ndersa e dyta eshte vet perfundimi i suksesshem i kesaj recete.

[RaPSouL]

Lazanja me perime

Për 4-6 persona

● 1 patëllxhan, 2 kunguj, 2 presh*, 1 spec jeshil, 1 spec i kuq, 30 gram mashurka** të pastruar dhe të prera në formë shkopinjsh
● 2 lugë gjelle majdanoz të prerë hollë
● 2 lugë gjelle margarinë
● 1 lugë gjelle gjalpë
● 8 petë byreku (lazanja)

Përgatitja

1 - Vendosni perimet në një tenxhere ku më parë keni hedhur margarinën dhe gjalpin. I lini deri sa të zbuten. Hidhini nga pak kripë dhe piper, majdanoz dhe 2-3 lugë gjelle djathë dhe hiqeni tenxheren nga zjarri.
2 - Për kremin beshamel, shkrini në një tenxhere margarinën, shtoni sasinë e miellit të nevojshëm dhe vazhdoni ta përzieni deri sa të shkrijë i gjithi. Hidhni pak nga pak qumështin e nxehtë, duke e përzier vazhdimisht, në mënyrë që të mos bëhet topa-topa. E lini për pak minuta në zjarr dhe ndërsa e hiqni e lini për pak momente që të ftohet. Më pas hidhni në të vezët, kripën, piperin dhe djathin e grirë, përveç 2 lugëve. E përzieni masën me kujdes.
3 - Vini fletët në një formë të lyer me parë me gjalpë dhe hapni në to gati gjysmën e masës me perime. I mbuloni përsëri me fletë, duke vendosur edhe gjysmën tjetër të mbushjes me perime dhe në fund i mbuloni me fletët e mbetura. Hidhni përsipër kremin beshamel, duke i spërkatur me 2 lugët e gjellës me djathë të grirë.
I lini të piqen në temperaturën 200 gradë celsius për rreth 40 minuta. I servoni menjëherë pas pjekjes.

[RaPSouL]

Patëllxhanë të mbështjellë

Për 6 persona

● 3-4 patëllxhanë* të mëdhenj
● ½ kg mish i grirë viçi
● 1 qepë me madhësi mesatare e grirë
● 3 lugë gjelle margarinë
● 2-3 domate të prera hollë
● 2 lugë majdanoz të prerë hollë
● 2 lugë gjelle arne (fara nga boça e pishës)
● 3 lugë gjelle rrush të thatë të bardhë
● 2-3 lugë gjelle djathë (parmezan), kripë dhe piper

Përgatitja

1 - Prisni patëllxhanët në feta të holla të gjata dhe i vendosni për rreth një orë në ujë me kripë, për të larguar shijen e hidhur që kanë. I shpëlani, i shtrydhni lehtë dhe i skuqni. Pas skuqjes i lini të kullojnë.
2 - Hidhni mishin e grirë, qepen e grirë dhe margarinën në një tenxhere. Shtoni domatet, majdanozin, pak ujë (nëse është e nevojshme), kripën dhe piperin dhe e lini kimën të ziejë disi. Pak përpara se ta hiqni nga zjarri, shtoni arnenë (farat nga boça e pishës) dhe rrushin e thatë.
3 - Vendosni pak nga masa e kimës në çdo fetë patëllxhani dhe i mbështillni rolo.
4 - I vini në një tepsi lyer më parë me gjalpë, i mbuloni me djathin e grirë dhe i lini të piqen në temperaturën 200 gradë celsius, për rreth 45 minuta.
Mund t'i servoni të nxehta të shoqëruara me salcë domatesh.

[RaPSouL]

Luleshtrydhe (dredhëza) me krem qumështi

Materialet për 4 persona

• 500 gr. luleshtrydhe
• ½ litër kos
• 3 lugë gjelle sheqer
• 2 lugë gjelle liker
• 1 lugë ëmbëlsirë vanilje

Përgatitja:

1 - Rrihni në mikser kosin derisa të bëhet një masë e shkumëzuar
2 - Shtoni sheqerin pak nga pak dhe në vazhdim vaniljen.
3 - I prisni luleshtrydhet në katërsh dhe i përzieni me kosin e rrahur dhe likerin.
4 - E hidhni masën nëpër gota dhe e zbukuroni me luleshtrydhet e mbetura.

[RaPSouL]

Byrek me djathë dhe qepë

Materialet për 8 persona

● 1 pako petë të gatshme
● 100 ml. krem qumështi
● 1 filxhan çaji gjalpë
● 200 gr. djathë (preferohet dy llojesh)
● 1 qepë e freskët
● 2 presh
● 6 vezë
● 150 gr. djathë kaçkavall, kripë, piper i freskët.

Përgatitja

Vendosni qepët dhe preshtë në një enë ku keni hedhur ujë dhe kripë e i lini për 10 minuta. Më pas i kulloni dhe i skuqni. Në vazhdim i hiqni nga zjarri dhe shtoni djathin të shkrirë me pirun dhe kaçkavallin e grirë.

Rrihni vezët me kremin e qumështit dhe i shtoni në masën e mësipërme. E përzieni mirë dhe hidhni kripë e piper. Shtroni gjysmën e petëve (të lyera me gjalpë) në një tepsi të rrumbullakët dhe vendosni mbi të masën e përgatitur. Më pas shtroni edhe gjysmën tjetër të petëve, duke i lyer një nga një me gjalpë. Me petët që dalin jashtë tepsisë krijoni një kore të trashë rreth e rrotull. E lyeni byrekun me pjesën e mbetur të gjalpit dhe më pas e piqni në furrë në temperaturë 200 gradë celsius për rreth 1 orë.

[RaPSouL]

Makarona me salcë salmoni

Materialet për 4 persona

● 300 gr. makarona, rryla
● lëkurë dhe lëng nga 1 limon
● 8 lugë gjelle krem qumështi
● 3 lugë gjelle vodkë
● 300 gr. salmon*, i prerë në forma rrethore
● 3 lugë gjelle gjalpë
● 2 lugë gjelle qepë të njoma, të prera hollë, kripë, piper i zi, i sapobluar
● fetë limoni dhe gjethe kopre për zbukurim.

Përgatitja

1 - Zieni makaronat sipas udhëzimeve që shkruhen në letrën ambalazhuese dhe në vazhdim i kulloni.
2 - Në një tigan që nuk ngjit shkrini gjalpin dhe skuqni qepët. Në vazhdim, i shuani me vodkë.
3 - Përzieni lëkurën dhe lëngun e limonit me kremin e qumështit. Shtoni gjysmën e sasisë së salmonit dhe të koprës dhe i përzieni mirë.
4 - Masën e përgatitur e hidhni në tigan dhe e zieni derisa salca të mpikset. Pasi të jetë gati, e hidhni këtë masë tek makaronat dhe i përzieni me kujdes. Përsipër hidhni piper të zi të sapobluar.
Më pas e zbukuroni ushqimin me pjesën tjetër të salmonit, fetat e limonit dhe gjethet e koprës. E servoni menjëherë.

[RaPSouL]

Filetë pule me djathë të bardhë

Materialet për 6 persona

● 1 filetë pule (gjoks, pa lëkurë dhe kocka)
● 250 gr. djathë i bardhë i copëtuar
● 4 lugë gjelle vaj ulliri
● 1 qepë e prerë hollë
● 1 tufë selino* e prerë hollë
● 1/2 lugë kafeje rigon*
● lëng nga 1 limon
● kripë, piper i sapobluar

Përgatitja

1 - E rrihni fileton me çekiçin e kuzhinës. I hidhni kripë e piper dhe vendosni mbi të djathë të bardhë.
2 - Skuqni qepen dhe selinon derisa të marrin ngjyrë të errët. Shtrini nëpër filetën e pulës qepen e selinon dhe më pas shtoni rigon. E mbështillni filetën në formë cilindrike dhe e skuqni derisa të marrë ngjyrë nga të gjitha anët.
3 - Më pas, fileton e mbushur e vendosni në tepsi që nuk ngjit.
Shtoni pak ujë të nxehtë e menjëherë më pas lëngun e limonit. Zieni ushqimin për rreth 1 orë (të mbuluar me letër alumini). E lini të ftohet dhe e prisni në feta me trashësi 1.5 cm.
4 - E servoni menjëherë, duke e shoqëruar me verë të bardhë.

[RaPSouL]

Picë me brumë shtëpie

Çdo moment dhe pa mundim mund të shijojmë picën tonë të preferuar të përgatitur me "teknikën tonë”.


Materialet për 8 persona

Për brumin

● 1/2 kg. miell
● 30 gr. tharmë birre
● 1 vezë
● 2 lugë gjelle vaj ulliri
● 1 lugë gjelle qumësht
● 1 lugë ëmbëlsire sheqer
● 1/2 lugë ëmbëlsire kripë.

Për mbushjen

● 350 gr. djathë kaçkavall (i butë që shkrin lehtë), i grirë trashë
● ½ filxhan çaji salcë domateje
● 1 spec jeshil i prerë në forma rrethore
● 8-10 sallam i prerë në forma rrethore
● ullinj të prerë në forma rrethore


Në një enë të madhe përzieni miellin, sheqerin dhe kripën. Në gropëzën që do të hapni në mes, në qendër të masës, hidhni qumësh¬tin, vezën, 1 lugë gjelle vaj ulliri si dhe tharmin e birrës, të shkrirë me parë në ujë të vakët.

Përzieni me kujdes materialet që hodhët në gropëzën në mes të miellit derisa të krijohet një masë brumi e fortë (Fig. 2) dhe më pas e lini për 15 minuta që të "shlodhet", duke e mbuluar me pecetë.

Pasi të kenë kaluar 15 minuta e punoni përsëri masën e brumit dhe krijoni me të dy petë. Në vazhdim i shtroni ato në dy tepsi, të lyeja me pjesën e mbetur të vajit të ullirit.

Në çdonjërën nga petët shtroni salcë domateje, djathërat kaçkavall dhe sallamin. I zbukuroni me rrathët prej speci dhe ullinjtë. I vini të piqen në temperaturë 200 gradë celsius për 35-40 minuta.

[RaPSouL]

Mish viçi me salcë të kuqe

Mish viçi me salcë të kuqe
Materialet për 4 persona

● 800 gr. mish viçi i prerë në rripa të gjatë dhe të ngushtë
● 1 qepë e prerë hollë
● 1/2 e shishes me verë të kuqe
● 400 gr. domate të prera hollë
● 3-4 lugë gjelle lëng domateje i përqendruar
● 1-2 thelpinj hudhre
● 4-5 lugë gjelle vaj ulliri
● 1 gjethe dafine*
● 250 gr. kërpudha të vogla, majdanoz i prerë hollë, kripë, piper i sapobluar, spec djegës i grirë.

Përgatitja

1 - Pastroni kërpudhat dhe iu prisni "bishtat".
2 - Në vajin e ullirit skuqni mishin, qepen dhe kërpudhat.
3 - Prisni hollë thelpinjtë e hudhrës dhe i shtoni në tenxhere. E shuani masën me verë të kuqe dhe menjëherë më pas shtoni specin djegës, domatet e prera hollë, lëngun e domates, gjethen e dafinës si dhe kripë e piper.
4 - E lini ushqimin që të zieje për rreth 1 orë e 30 minuta, derisa në tenxhere të mbeten vetëm 2/3 e sasisë së verës që hodhët në fillim.
5 - E servoni ushqimin duke e zbukuruar me maj¬danoz, pasi më parë të keni hequr gjethen e dafinës prej saj. E shoqëroni me verë të kuqe.

[RaPSouL]

Shpresoj tju kene pelqyer recetat, ju befte mire!


Rapsoul

[jessi89]

Recetat i lexova te gjitha dhe duken shume praktike dhe te perdorshme.Te bejne te te leshoje goja leng me te lexume e jo me te gatume..lol
Kremi me luleshtrydhe eshte shume i shijshem..mmm....
thnx per te gjitha,eshte ndihme e madhe ne nje moment te caktuar...

[RaPSouL]

Faleminderit jessi per komentin, ja edhe nje per te gjithe ju anetare te nderuar.



Mish viçi me piper jeshil

Për 6 persona

Materialet:

• 6 fileta viçi me trashësi rreth 2 centimetër
• 50 gr gjalpë
• 1 thelb hudhër e grirë
• 1 qepë e grirë hollë
• 3 lugë gjelle miell I zakonshëm
• ¼ e filxhanit me ‘Brandi’
• 1 filxhan lëng mishi
• 2 lugë gjelle me piper jeshil në kokrra
• ½ e filxhanit me krem qumështi
• Pak majdanoz për zbukurim

Përgatitja

Hapi i parë

Kërkoni nga kasapi që filetat e mishit të viçit të kenë trashësi paksa të madhe. Hiqni cipën e tejdukshme si dhe çdo gjurmë dhjami që ekziston në to. Vini gjalpin të shkrijë në një tigan të madh; shtoni qepën dhe hudhrën dhe i skuqni për 1 minutë. Më pas shtoni filetat dhe i skuqni edhe ato për 2 minuta nga çdo anë.

Hapi i dytë

Largoni tiganin nga zjarri dhe duke përdorur një pirun të madh hiqni filetat. Kryeni të njëjtën procedurë edhe në filetat e tjera. Kur t’i keni skuqur të gjitha e vini përsëri tiganin në zjarr; e ngrohni për pak dhe hidhni në të vaj, miell, hudhër. I përzieni mirë të gjitha këto materiale.

Hapi i tretë

Shtoni në tigan ‘brand-in” dhe lëngun e mishit dhe e lini masën që të ziejë për 8 minuta. Në fund shtoni piper jeshil dhe krem qumështi. I përzieni për disa minuta, duke I shtypur kokrrat e piperit me një lugë të drunjtë, me qëllim që t’ju dalë shija që kanë Brenda.

Hapi i katërt

I hidhni përsëri në tigan filetat dhe i zini me salcën për 8-12 minuta. I shërbeni ato menjëherë, duke I shoqëruar me patate dhe qepë ose me një specialitet zarzavatesh.

[^_BIM_BUM_BAM_^]

A te lumt re qe ke apur dhe receta per Gatim ketu
do i them dhe Plakes te vij te regjistrohet
Qe te mesoi si te gatuaj keto dhoi gjerash qe jan kaq
te mira pa i porvuar
Te lumte dora per keto qe ke postuar

[RaPSouL]

Sallatë me mollë, portokall e qepë

Për 1 person nevojiten:

· 1 portokall e ndarë në thela
· ½ mollë jeshile e athët, fetat e holla të së cilës I ndajmë përgjysmë
· 1 qepë e vogël e kuqe e prerë hollë në feta rrethore
· Lëngu I ½ limoni për të lyer fetat e mollës që të mos oksidohen
· 1 lugë gjelle lëng portokalli ose uthull molle ose ½ luge gjelle prej secilës që përzihen bashkë
· Pak vaj ulliri e kripë
Për të shërbyer mund të dekorohet me 6-8 fleta sallatë jeshile ose gjethekuqe.

Përgatitni portokallin në thela, mollët në feta e qepa në feta rrethore dhe shërbehen në formën e treguar në pjatë. Mos harroni të lyeni fetat e mollës me lëng limoni që ato të mos oksidohen (të mos marrin ngjyrë kafe). Hidhni lëngun e portokallit dhe/ose uthullën e mollës dhe në fund shtoni vajin e ullirit e kripën.


Ju befte mire.


Rapsoul

[drague]

HAHAHA na u bone dhe kuzhunjer.marshalla
ps. po na e merr profesionin.

[RaPSouL]

HAHAHA na u bone dhe kuzhunjer.marshalla
ps. po na e merr profesionin.

Po nuk na tregove mer, a te pelqyen apo jo

[drague]

KUSHTRIM shume receta te mira ,vetem shume gjera nuk i gjen, psh. ne Shqiperi

[RaPSouL]

KUSHTRIM shume receta te mira ,vetem shume gjera nuk i gjen, psh. ne Shqiperi

Me ato gjera, mendon gjerat qe te duhen per te gatuar ose krijuar nje ushqim nga recetat qe kam sjellur apo?

Nese ke menduar kete ke te drejte, sepse askund ne vendet tona Kosove/Iliride/Shqiperi, nuk i gjen ato te gjithat ndoshta vetem 50%, por ato qe jetojne jasht si psh Itali, USA , Anglit etj etj, mund ti gjejne...

Mirepo edhe disa nga recetat jane shume te thjeshta dhe permbajtja e tyre gjendet gati ne cdo shitore.