Elton Deda - Ky gjeni qe i mungon Shqiperise

[D&G Feminine]

Une po ve kengen e pare qe ka kenduar. Me duket se kompozitor i kesaj ka qene i jati Ferdi po s'jam e sigurt.

[sirena_adria]

Kenge si " Nuk kerkoj tjeter njeri " e " Qyteti i Vjeter " jane thjeshtesisht te mrekullueshme, te pakoha , plot emocion e ndjenje !!! TE PAPERSERITSHME ! MJESHTERORE !!!

[[Perla]]

Mbreme startoi The Voice of Albania, ku Elton Deda ishte nje prej 4 perzgjedhesave te zerave me te bukur. Uroj qe profesionalitetin e tij ta shpalose me se miri, per te lindur keshtu nje rryme e re artistesh te vertete ne Shqiperi.

[shigjeta]

Elton Deda rikthehet në Festivalin e Këngës

Siç edhe e pamë dje në mbrëmje në programin “The voice”, këngëtari Elton Deda është një nga anëtarët më pikantë të jurisë së këtij programi. Por siç edhe mësuam, për Eltonin zhvendosja në Tiranë nuk është vetëm kjo juri, por edhe një impenjim i madh muzikor. Këngëtari që ka shënuar suksese të pafundme në skenën e Festivalit të RTSH-së, do të marrë pjesë në këtë garë në këtë edicion të 50-të të tij. Lajmin na e konfirmojnë miq të Eltonit, i cili rikthehet në këtë kompeticion gati pas një dekade. Në skenën e këtij festivali janë shënuar edhe sukseset më të mëdha të Dedës, dhe madje këngët e tij ‘hit’, të cilat janë të preferuara edhe sot nga audienca. Gjithashtu, ai është vlerësuar edhe me çmime. Kthimi i tij në skenë mirëpritet nga çdo fans i tij.

MAPO

[sirena_adria]

Elton Deda: Jam kthyer në Shqipëri për muzikën, por s’kam ndër mend të braktis familjen

Panorama Plus

Kantautori flet për herë të parë pas rikthimit, pjesëmarrja në Festivalin e RTSH pas shumë vitesh, eksperienca te “The voice” dhe marrëdhënia me familjen

Nuk e ndien shkëputjen në kohë dhe shpesh i duket si një vazhdim i jetës aty ku e ka lënë. Edhe pse ka kaluar shtate vite larg Tiranës, jeta e re që krijoi në Shtetet e Bashkuara të Amerikës nuk ia ndryshoi qëllimet. Spektakli “Vokali” ishte një arsye për të sjellë në tregun e muzikës zërat e vërtetë, ku Elton Deda do të jetë një nga përzgjedhësit. Por kantautori i njohur i pas viteve ’90-të, si një artist që i zë vend zëri dhe fjala, kësaj here është rikthyer me një axhendë të plotë profesionale. Jep intervistën e parë në Tiranë për gazetën “Panorama”, ku flet për arsyen e rikthimit si konkurrent në Festivalin e RTSH-së pas 13 vitesh, projektet në muzikë, dhe jetën e tij private.

Rikthehesh të jetosh në Tiranë pas shtatë vitesh në SHBA. Ishte një vendim i menduar gjatë?

T’ju them të drejtën, ishte një vendim i marrë jo rastësisht nga unë, apo i nxituar. Përpara se t’i rikthehesha Tiranës, unë gjatë këtij viti që po mbyllet, e kisha frekuentuar shpesh. Kisha bërë kalkulimet e mia dhe mendoja që do gjeja terren të përshtatshëm për të punuar dhe kontribuar më tej në muzikë. T’i rikthehesh Tiranës, nuk është mëkat, përkundrazi është detyrim shpirtëror dhe artistik. Unë jam duke shpresuar dhe, madje duke besuar që është zgjedhje e mirë, sidomos pas një eksperience në një vend tjetër, siç janë Shtetet e Bashkuara të Amerikës. Koha do ta tregojë, tani për tani është ende herët për të folur.

Për çfarë kontributesh në muzikë bëhet fjalë? Mund të na zbulosh disa nga planet e tua?

Po si zakonisht, plane jo jashtëtokësore. Mendoj që Eltoni artist ka disa kritere të thjeshta, por kërkuese. Kontributi në muzikë fillon me pjesëmarrjen time nëpër aktivitete të ndryshme, që kanë lidhje direkte me muzikën, me koncerte, me mësimdhënie dhe me shumë angazhime të tjera. Po ashtu, lidhet me incizime në studio, produksione live, zbulim talentesh dhe ridrejtim i tyre në muzikë. Të shprehura me fjalë duken ndoshta pak, por puna për të arritur aty ku dëshiroj unë, ka për të qenë kolosale.

Ndërkohë që do i rikthehesh konkurrimit në Festivalin e 50-të të RTSH-së. Pas sa vitesh ringjitesh në atë skenë dhe pse?

Pyetje e drejtë dhe madje për shumë miq që më njohin, ka qenë shumë e papritur. Të them të drejtën, në shumë njerëz kam parë nënvleftësim për atë aktivitet dhe përse ta fsheh, unë i premtova vetes në vitin ‘98-të që nuk do merrja pjesë më në Festivalin e RTSH-së. Arsyeja dihet, si gjithmonë i zhgënjyer nga juritë apo nga filmat që mund të bëheshin aty. Kalova vite pa u interesuar për këtë aktivitet dhe ju betohem që nuk ndieja dhe nuk ndiej asnjë peng. Koha tregoi që këngët e mia jetuan gjatë, sepse unë dihet publikisht që nuk kam shkruar kurrë për çmim, megjithëse do isha gëzuar po të kisha marrë ndonjë të tillë në atë kohë.

Po tani, pas kaq vitesh, do i gëzoheshe një çmimi, apo tashmë i sheh gjërat ndryshe?

Jo, tani më pëlqen çmimi i publikut më shumë se i jurisë. E çuditshme si vijnë vitet. Gjithsesi, për pjesëmarrjen time ishte thjesht ftesa e mikut tim, Shpëtim Saraçi, për të marrë pjesë, për më tepër është 50-vjetori i Festivalit dhe dihet kontributi i babait tim aty, Ferdinand Dedës. M’u duk me vend që qoftë edhe për të nderuar figurën e tij të madhërishme, të merrja pjesë, qoftë edhe si konkurrent.

Dhe ç’mund të na tregosh për këngën me të cilën konkurron? Ku e gjete frymëzimin?

Poezinë e ka shkruar miku im i vjetër, Sokol Marsi. Unë mund ta shkruaja edhe vetë duke u besuar instinkteve të mia, por m’u duk e arsyeshme ta fusja miqësinë e vjetër në valle. Dhe Koli si zakonisht nuk zhgënjeu. Frymëzimi është diçka që nuk shpjegohet, ai thjesht vjen në momentin e duhur dhe qëllova që atë ditë isha te shtëpia e babait tim dhe e kisha pianon përballë. U ula, sistemova notat në kokën time dhe për një orë pothuajse ishte gati. Gjërat teknike i punova më vonë, ato kanë vendin e tyre, por asnjëherë si krijimtaria. Ajo del nga shpirti i artistit për të mos u kthyer kurrë mbrapsht, pasi u takon njerëzve.

Por shumë do të të kishin imagjinuar në juri me shumë sesa në skenë. Cila është më e vështirë për ty?

Kjo puna e jurisë s’më tërheq fare. Unë kam shumë gjëra për të dhënë ende, përse të kaloj në një burokrat që fryhet, ndërkohë që ende mund të përleshem me notat e muzikës dhe të performoj?! Unë jam muzikant dhe jo njeri i ditur, që të vlerësoj të tjerët. Motoja ime është “Gjithçka në shërbim të muzikës”, dhe prandaj pozicioni real e më komodi për mua është duke i rënë pianos në stage. Gjërat e tjera ia lëmë Eltonit kur të plaket dhe t’i dridhen duart. Tani për tani gëzoj formë të shkëlqyer artistike dhe s’kam ndër mend të lë stolin e pianos për atë të jurisë.

Ndërkohë që të shohim në jurinë e programit “Vokali” në “Top Channel”, duke iu rikthyer një eksperience të ngjashme si ajo e “Etheve”…

Kjo duhet saktësuar. Unë e pranova atë pozicion pikërisht sepse nuk është “juri”, por ne jemi pjesa më aktive bashkë me konkurrentët e “Vokalit”. Aty ne nuk jemi për të gjykuar djem e vajza, por për të punuar me ta, për t’i drejtuar, me ego, me ambicie dhe sigurisht me dashuri për këngën. Është krejtësisht gjë tjetër nga formatet e jurive që bënin gallatë me konkurrentët, këtu nuk mund të lejohet kurrë ajo gjë, pasi i bie të bëjmë gallatë me veten tonë. Unë personalisht ndihem shumë më rehat këtu, sesa në ndonjë vend tjetër. Këtu ka shumë aksion dhe ne, përveçse jemi trajnerë
të këtyre të rinjve, do performojmë vetë shumë herë. Do këndojmë me ta, do këndojmë me njëri-tjetrin etj. Ka shumë ambient të këndshëm për një muzikant apo këngëtar.

Flet me kaq pasion, dikush mund të pyeste se si ka mundësi që Amerika s’e paska ndryshuar aspak Elton Dedën…

Unë shkova në atë vend, jo i vogël, jo i ri fare. Shkova në një periudhë që njihja shumë gjëra dhe kisha kaluar shumë në jetën time. Përveç përsosjes, ndryshimi do ishte vrasës. Jam munduar të jem edhe atje vetvetja, ndonëse me kosto të lartë, pasi dihet si është ai vend…i ashpër dhe tepër strikt. Megjithatë, pjesa pas punës ishte shumë qejf edhe atje. Për miqtë e mi që më njohin mirë, unë s’kam për të ndryshuar kurrë.

Dhe rikthehesh për ta vazhduar jetën aty ku e kishe lënë. Po Amerikën e le përgjithmonë?

“Përgjithmonë” është fjala më e rëndë që perceptoj, përfytyro; asnjëri nga ne nuk di saktësisht ditën e vdekjes, dhe marrim guximin të themi “përgjithmonë”. Kjo fjalë nuk duhet të ekzistojë në një vendosje të njeriut në hapësirë, pasi në këtë jetë gjëja më e sigurt që dihet, është që nuk dihet asgjë. Kështu që unë thjesht mundohem të marr jetën time hap pas hapi, sepse vërtet nuk e di se ç’do të ndodhë më tej, sado strategji të ketë njeriu. Sidomos duke menduar që kam më të shtrenjtin tim atje, djalin.

Ky rikthim do të të mbajë larg nga familja. Ishte i vështirë ky largim nga ata?

Largim? Tingëllon si braktisje, ndërkohë që unë as që e çoj atë gjë ndër mend. Njerëzit kanë dëshirë dhe ambicie të ndryshme në jetë, unë largohem tani, afrohem më vonë. Planet e mia nuk janë të përhershme. Por që të bëhem aq egoist saqë t’u propozoj një kthim atyre në Shqipëri, nuk do ta bëja dot. Jeta ime mund të jetë e ndarë mes dy kontinenteve, por kjo është një kosto që unë e kam marrë parasysh.

Do të thotë kjo që po i jep më shumë prioritet jetës personale?

Jeta ime personale në këtë moment as për mua nuk ka më pikë rëndësie. E vetmja gjë që më rreh truri dhe më merr energji, është si t’i shërbej më mirë muzikës. Kam aq shumë ide në kokë, punë për të bërë dhe akumulim nga 7 vjet në USA, saqë më rrëmben gjithçka.

Atëherë, a mund të cilësohet kjo një fazë e re në jetën tënde?

Them që po, pasi investimi që dua të bëj në Shqipëri, nuk do jetë i pakët apo afatshkurtër. Megjithatë, nga ngrohtësia e njerëzve, më duket disa herë sikur është ende vazhdimi i asaj që lashë. Nëse do vendos që të mos kthehem më në Amerikë, sigurisht që do ta merrni vesh menjëherë. Siç ju thashë, është herët për të folur me “përgjithmonë… “. Domethënë, unë dua të punoj dhe jo të shoh jetë personale, që, të them të drejtën, e njoh në të gjitha fazat.

Intervistoi : Klotilda Harka

http://www.panorama.com.al/panorama-...aktis-familjen

[shigjeta]

Elton Deda…për muzikën dhe demonë të tjerë

Nga koha kur tundte flokët e gjatë në skenat e festivaleve shqiptare e kur këndonte e ëndërronte për ta çuar vendin drejt Europës, për Elton Dedën kanë kaluar shumë vite. I rikthyer pas shumë vitesh publikut dhe skenës shqiptare –për të dytin vit radhazi është protagonist në konkursin e talenteve “The Voice” –ai flet për evoluimin e muzikës shqiptare, por sipas tij, më shumë drejt orientalizmit sesa asaj muzike që aspironte brezi i tij. Flet mbi amatorizmin, përçudnimet që i bëhen muzikës, mungesën e profesionalizmit e shumë të tjera. Për një profesionist si ai kritika nuk bën lëshime. Ai i thotë të gjitha, pa kursyer askënd dhe asgjë !

Si e ke përcjellë muzikën shqiptare nga jashtë? Si duket krahasuar me kohën kur ishe shumë aktiv në skenë?

Të mos i ngatërrojmë gjërat. Në kohën kur unë isha aktiv në skenë këndohej me zë, jo me b….. Për aq sa e kam ndjekur gjatë viteve në Shtetet e Bashkuara të Amerikës, me dhimbje kam qenë dëshmitar i torturës së notave nga amatorët.

Po evoluimi 20-vjeçar i saj si ka qenë?

Në 20 vitet e fundit, ajo që ka ndodhur me muzikën shqiptare është vetëm deformimi dhe agonia e saj. Kjo, për meritë edhe të disa strukturave dhe individëve injorantë që nuk kanë pasur as më të voglin vizion për të ardhmen dhe thjesht nga padija dëmtuan disa gjëra që i kishin gati nga breza më përpara.

Sa u përket ndikimeve të huaja, nga priret të përqasë elementë muzika shqiptare, nga Perëndimi apo muzika ballkanike e orientale?

Këtu ka një problem tjetër, pasi nuk di se ku ta marrësh bazën për këtë analizë. Tregu muzikor shqiptar është i përmbytur nga orientalizmat, turqizmat, sllavizmat dhe greqizmat. Stimulimi nga ana e medias është i mbushur me Rap, Techno, Hip-hop dhe RnB duke eliminuar muzikën Pop. Kështu që, sido ta marrësh, i kemi të gjitha në muzikë. Vetëm një gjë e vockël na mungon: ndonjë gjë origjinale, qoftë kjo edhe tallava, por të jetë origjinale.

Po elementët kombëtarë të muzikës? A kemi muzikë tipike shqiptare?

Kam pasur fatin dhe nderin të mësoj në shkollë nga dy profesorë të mrekullueshëm folklori dhe e them me bindje se kemi një folk të pasur dhe të denjë për të krijuar forma alternative muzikore ngritur mbi bazën e tij. Këtu hyjnë në skenë profesionistët, ata që dinë më shumë se bazat e thjeshta muzikore, sepse të përdoresh folk në muzikë- le të themi komerciale- është tepër delikate. Ndryshimi mes amatorit dhe profesionistit është se amatori vjedh, kurse profesionisti krijon. Unë them që tani na duhet të vëmë bazat e muzikës POP, të ecim me botën. Do të vijë koha edhe për folkun tonë të bukur.

Cila nga gjinitë e muzikës mendoni se po ecën në Shqipëri?

Tallavaja dhe RnB-ja e vjedhur dhe e kopjuar. Gjithashtu edhe “striptizmi muzikor” është një gjini në rrugën e duhur të zhvillimit kulturor në Shqipëri.

Kush ka ecur më përpara, muzika popullore apo e lehtë? Mendoj pak më shumë muzika e lehtë, duke parë se ku është katandisur muzika popullore sot.

A mendoni se tregu është orientuesi i muzikës sot?

Tregu nuk mund të japë asnjë lloj orientimi, pasi ai është konsumatori që ble mallin, të cilit i është vënë etiketa e kontrollimit. Në Shqipëri fatkeqësisht mungon një institucion kritike i mirëfilltë për muzikën POP/Rock dhe gjinitë e tjera, mungojnë menaxherët e mirëfilltë, mungojnë agjentët e tregut. Kjo sjell edhe anomalitë e shijeve dhe korruptimin e vlerave artistike.

A shihet kënga si mall në Shqipëri?

Sigurisht! Ajo ashtu është në të gjithë botën. Kënga është si ushqimi i përditshëm, konsumohet përditë dhe rregullisht. Një komb, kushdo qoftë ai, nuk jeton dot pa disa vlera të paracaktuara formash artistike. Problemi është që, shumica e mallit (këngë) është e skaduar dhe e prishur. Konsumatori po ushqehet me ushqim pa vlera.

A ndikon media në evoluimin e muzikës?

Media është funksion i rëndësishëm i zinxhirit të madh të furnizimit me vlera. Ka impakt të padiskutueshëm dhe edukativ. A mund të kishte më shumë në dorë për të bërë? Sigurisht që kishte. Megjithatë po të flasim për masmedia të mirëfilltë dhe jo për media qesharake që nuk di se ç’transmeton, mendoj se roli i saj ka qenë pozitiv.

Muzika komerciale kritikohet, bëhen diferencime të këngëtarëve apo kompozitorëve që bëjnë muzikë komerciale dhe atyre të muzikës ‘cilësore’. Ç’mendon rreth etiketimeve?

Etiketimet janë të dëmshme në këtë rast. Çdokush ka të drejtën të konkurrojë në një shoqëri të lirë. Ky është ligj kapitalist ndërkombëtar. Shoqëritë e zgjuara dhe të emancipuara e bëjnë vetë dallimin midis këtyre gjërave. Jam i bindur se, edhe shoqëria shqiptare do të shkojë në një fazë të tillë dhe do të bëhet e ndërgjegjshme se kush janë prototipat që të etiketohen si të tillë.

A është domosdoshmërisht një këngë komerciale jo e mirë dhe e anasjellta?

Jo! Absolutisht jo! Këngët komerciale i duhen shoqërisë dhe njerëzve. Nuk mund të ishte e bukur bota sikur të gjithë artistët të shkruanin muzikë alla “Pink Floyd” ose vetëm Jazz. Do të ishte e mërzitshme madje. Njerëzit kanë nevojë të argëtohen në disa raste dhe të mendojnë në disa të tjera. Unë jam kundra talljeve me vjedhje të rëndomta, që nuk sjellin asgjë të vlefshme. Muzika duhet të ketë disa pika referimi, dreqi ta hajë! Jo çdokush që zgjohet keq nga gjumi, ngrihet dhe thotë: “Unë do të bëj një album muzikor tani, se e ka bërë edhe komshiu im”. Këtë, vetëm një bord kritikësh muzikorë e zgjidh. Një bord demokratik dhe i hapur ndaj çdolloj rryme që vendos kriteret. Gjermanët kanë një kushtetutë për cilësinë e birrës, ne s’kemi asnjë “patrullë” kritikësh që të drejtojnë pak shijet e shoqërisë drejt një arti më të bukur, më cilësor, më të këndshëm.

Nga klubet me muzikë live te programet televizive me format muzikor dominon repertori i huaj. A duhet përfshirë më shumë muzika shqiptare apo këto formate duhet të vazhdojnë kështu, siç janë në të gjithë botën?

Do të ishte mirë të përfshihej më shumë muzika shqiptare, sigurisht. Por këngëtarët që këndojnë në klube shumë pak këngë të tyre origjinale kanë. Mund të këndonin më shumë cover-a shqip, megjithatë duke parë se në çfarë raportesh janë kualitetet tona me ato botërore, mendoj se argëtimin më cilësor e sjell repertori botëror. Megjithatë, po të shkruajnë shumë kompozitoret dhe grupet, unë do të pranoja të dëgjoja vetëm shqip nëpër Pub-e.

Si ju duket muzika e prodhuar vitet e fundit në vend?

Po rikthehet rock-u dhe popi. Cilësia e incizimeve është përmirësuar ndjeshëm. Ka kompozitorë të rinj që po tentojnë të eksplorojnë nivele të tjera. Unë e shoh me sy pozitiv.

Si protagonist i një talent-show, si duken të rinjtë shqiptarë që aspirojnë për karrierë muzikore?

Me plot gojën mund ta them që të rinjtë tanë janë plotësisht të aftë të barazohen me nivele të larta interpretimi. Janë jashtëzakonisht të talentuar, me ambicie e vullnet. Sa për përgatitjen e tyre te “The Voice” kam mbetur pa fjalë. Pavarësisht mungesës së theksuar në literaturë dhe kulturë muzikore, janë padyshim një brez që do të sjellin risi dhe do të bëjnë diferencën më vonë. Madje pres akoma më shumë.

Po entuziazmi është po ai që ka pasur brezi juaj në vitet ’90?

Sa për entuziazëm, do të thosha që brezi im, i viteve 90’, kishte gjëra të tjera plus, faktorin revolucion, ndërrimin e sistemeve, ide të reja. Sot komercializimi global është mbytës dhe këtu rinia jonë nuk ka asnjë faj. Nuk është faji i saj që bota ndryshon për keq.

Po përgatitjet e përvitshme për “Eurosong” si ju duken?

Për “Eurovizionin” nuk kam asnjë lloj konsiderate dhe këtë e kam thënë edhe herë të tjera. Nuk jam njeri që shtirem dhe bëj komplimente për gjëra që i shoh larg vizionit tim artistik. Sa për përgatitjet e stafit që shkon në ‘Eurovizion’, vlerësoj jashtë mase punën që bën për t’u paraqitur sa më denjësisht në këtë aktivitet pa pikë rëndësie. Këtu them me veten time që profesionistët e mirë duhet të vlerësojnë artin e tyre dhe jo aktivitetin. Sa herë jemi paraqitur në Eurovizion, jemi paraqitur denjësisht dhe e keni parë vetë sesi jemi vlerësuar. Ai aktivitet duhet hedhur në recycle bin.

MAPO

[Pa_doreza2]

Do te behem pak lokalist,se rocku , dhe popi ne te Mitrovices, e mbajme vendin e par ne trojet shqiptare

[Prudence]

Me kerkoi nje e huaj se ku mund te degjonte ca kenge shqip.Ishte shume kureshtare.I thashe,'' Do te te tregoje se si te futesh ne internet dhe te degjosh kenge shqiptare".U futa vet ne fillim .Kisha kohe pa degjuar kenge me thene te drejten.Vetem c'degjoja radion kur ikja ne pune.Si perfundim nuk ja tregova se si te futej .Me erdhi turp ,kur degjova lloj-lloj zhgarravinash ,pseudokengetaret tane.Nuk desha te krijonte nje imazh te gabuar per muziken tone.I dhashe nje disk qe e kisha bere vet me kenge te zgjedhura.

P.S Zenith jam kureshtare te di ke quan kengetar ti ,kur Eltoni si kengetar dhe i ati i Eltonit si dirigjent nuk ta mbushin syrin.

Po ti a derbardh ,keng te bukura para '90 ka plot ne youtube...je vene ne siklet kot.

[Plaku me kostum]

Mbreme startoi The Voice of Albania, ku Elton Deda ishte nje prej 4 perzgjedhesave te zerave me te bukur. Uroj qe profesionalitetin e tij ta shpalose me se miri, per te lindur keshtu nje rryme e re artistesh te vertete ne Shqiperi.

Mire keta kromashet, po edhe ti moj Perla? Po jo keshtu moj vajze, ti mjaft bukur e flet/shkruan.

[vagabondo_nyc]

une se kuptoj ca ka bo ky qe na qenka gjeni?

....ka gjithe kto vite ne Amerike dhe nje kenge te veteme se ka be? Duke pi kafe gjihte diten neper bronx sqet gjo ne drite as ky as ai beni vogel :P

[xhori]

hahaha tani e kuptova pse shqiperia ka ber shume perpara,, se i kemi gjeni te tere si ky

[murik]

gjeniu i kokaines

[sirena_adria]

[sirena_adria]

ARTI mbetet Art ne cilindo vit te ngjitet ne skene !