Komente nga Gazeta Java mbi kosoven sot.

[Brari]

Kosova Sot Ne Gazeten JAVA

--------------------------------------------------------------------------------

Disa shkrime per politiken ne kosove sipas gazetes JaVa

---


HASHIM THAÇI DHE BATON HAXHIU BEJNE PAZAR ME PASURINE KOMBËTARE TE KOSOVES?
Nga JAVA
May 12, 2008, 20:14

Email'o
Print'o



Përkundër përpjekjeve personale të botuesit të gazetës, që të vë kontakt me kryeministrin Thaçi për t’i davaritur spekulimet që kanë përfshi botën e mediave të Kosovës, se Hashim Thaçi dhe Baton Haxhiu tashmë i kanë hy realizimit të projektit që ka për qëllim dhurimin e frekuencave nacionale të Kosovës dy projekteve televizive të Shqipërisë, kjo gjë u vërtetua e pamundur.



Po çfarë përmban në vete ky spekulim që ka tallazitur botën e medias në Kosovë.

Si gjithmonë, sa here bëhet fjalë për televizionet e Shqipërisë dhe qeverinë e Kosovës, e pashmangshme në këto relata na paraqitet figura (kryesisht e tallur) edhe në Tiranë edhe në Prishtinë – Baton Haxhiu. I zgjedhur nga klane të dyshimta e në rrugë të dyshimta të qarqeve mediale të Shqipërisë, Baton Haxhiu sot është bërë reprezentuesi i interesave të dyshimta të disa qarqeve mediale që kanë për ambicie abuzimin me pasurinë kombëtare të Kosovës, në rastin konkret – frekuencat televizive.

Spekulimi thotë se kryeministri i Kosovës Hashim Thaçi, ministri i ministrisë respektive Limaj, Baton Haxhiu dhe pronari i Top Channel Dritan Hoxha, tashmë e kanë ngrënë “darkën” e këtij pazari, i cili i garanton ndihmën e pakursyer të Qeverisë Thaçi që Top Channel të sigurojë të paktën frekuencë lokale në Prishtinë (sic!). Kjo duhet të fillojë së pari me hapjen e një studioje të vocërr në Prishtinë, sa për t’u instaluar. Dritan Hoxha, nga ana tjetër, i ka trullu edhe kryeministrin edhe ministrin respektiv se do t’i investojë, si thotë spekulimi - 10 milionë euro n’Kosovë.

Kjo shumë parash duket e thënë me aso lehtësie me të cilën prindët i mashtrojnë fëmijtë për dhurata, sepse kur Qeveria Berisha i kërkoi po këtij njeriu që në emër të taksave të abuzuara t’i paguaj shtetit aprx.11 milionë euro, pronari Hoxha publikisht doli duke thënë se kjo do e bankrotonte firmën. Ku i ka këto 10 milionë euro të premtuara z.Hoxha, këte me gjasë e di vetëm kryeministri Thaçi.



Frekuencat nacionale, si një kafshatë më e madhe, sipas të njëjtit spekulim, kanë mbetur që të ndërtohen më me kopili e përgatitje më të gjata, brenda një projekti që si kulisë do ta kishte një fantom kompani kosovare, ku përflitet se B.Haxhiu do e themelonte, po që në të vërtetë, prapa këtij fantomi do fshiheshin dy emra – Aleksandër Frangaj dhe Blendi Fevziu, si dy nga aksionerët kryesorë të Televizionit KLAN nga Tirana.

Baton Haxhiu qysh sot menaxhon një pajisje për shtypje të posterave gjigandë, që ka për pronarë njerëz nga Shqipëria të afërt me Ilir Metën dhe gruan e tij, por që në Kosovë janë regjistru si kompani e tij, të cilat pasi kishin kryer punë në zgjedhjet e fundit në Shqipëri, u transferuan në Kosovë që të jenë në dispozicion të kampanjës së PDK dhe zotit Thaçi, si dhe të Baton Haxhiut, i cili pos Thaçit, ia kishte fut mirë çmimin edhe Behxhet Pacollit, duke ja marrë mbi 70 mijë euro për shtypje pllakatesh dhe për fushatën.



“Pastrimi i Terenit”



Ky penetrim dhe abuzim me eterin mbi Kosovë, të cilin e organizojnë dhe udhëheqin Hashim Thaçi dhe Baton Haxhiu, nuk do mbetej i vetmuar, thotë spekulimi. Krejt kjo “dallavare hashim-batoniane” si e kualifikuan, do përcillej me përgatitje tereni, ose si thuhet në këtë spekulim, me ‘pastrim tereni’.

Po çfarë nënkupton “Pastrimi i Terenit”?

Strategjia e instalimit të 2 televizioneve të Shqipërisë, do përcillej me atë pjesë të kësaj strategjia e cila ka për qëllim dobësimin e tri televizioneve që përdorin frekuencë nacionale RTK, KTV dhe RTV21, si dhe ndërtimin e një muri administrativ ndaj të gjitha projekteve tjera kosovare që do kishin për ambicie këto frekuenca.

Kështu, sipas spekulimit, kjo detyrë e flliqtë dhe e padenjë për cilëndo qeveri, i ka ra hise Qeverisë Thaçi. Ky skenar do fillonte me destabilizimin finansiar dhe dobësimin e ndikimit që redaksia e lajmeve në RTK ka në publikun e Kosovës. Edhe pse sot për sot RTK është një servis në duart e Qeverisë Thaçi, ku ose ai personalisht ose dikush nga bashkëpunëtorët mund të telefonojë në këtë shtëpi dhe të kërkojë hapësirë sa të dojë, si thonë burimet brenda RTK, si në “bashqe t’babës”. Një takim i kryeministrit Thaçi me qytetarët këto ditë, që ishte mendu vetëm për efekte mediale, u përcollë me paraqitjen “live” të RTK nga kryeministria ku intervistoheshin qytetarët në hall që kishin ardhur për ta taku kryemnistrin, dhe ku reporteri lavdonte gjestin e kryeministrit dhe i pyeste qytetarët “kryeministri është i mirë apo jo(sic!)”. As televizioni i babës nuk ja kishte siguru kësi komoditeti këtij kryeministri. Atëherë, prej nga kjo ambicie që RTK të destabilizohet finansiarisht dhe të dobësohen “Lajmet” e orës 19:30? Si spjegojnë burimet brenda RTK, po kështu siç ka mundësi që Thaçi ta marrë në telefon Agim Zatriqin, drejtorin e përgjithshëm të RTK, të njëjtën mundësi e ka dhe e gëzon edhe rivali i zotiti Thaçi, Ramush Haradinaj. Duke mos pasur kontroll të plotë mbi këtë medium, sepse po këtë mundësi e ka edhe rivali Ramush Haradinaj, Qeveria Thaçi kërkon edhe në mënyra direkte – dobësimin e ndikimit të “Lajmeve” të orës 19:30 që ato kanë në publikun e Kosovës dhe përgjithësisht destabilizimin finansiar të këtij mediumi. (Këto telefonata dhe ky flirt i liderave të partive me një menaxher të një servisi publik flasin vetë për vete, por kjo le të mbetet për ndonjë eksplorim tjetër të “Javës”).

Ky skenar vazhdon më tej me destabilizimin finansiar edhe të dy projekteve tjera RTV21 dhe KTV, duke i zhvendosur nga hapësirat që i kanë shfrytëzuar deri sot. (Stafi i KTV tashmë është njoftuar se do shpërngulen me zyre diku n’Ajvali, afër Prishtinës, shumë shpejtë.) Edhe pse, mbetet një e vërtetë e madhe se këto dy projekte kanë gëzuar privilegje të papara në Kosovë, duke u trajtuar jo si dy projekte të rëndomta komerciale që i nënshtrohen konkurencës së tregut, po si edhe dy Servise Publike tjera (për gjithë këtë kohë, këto dy projekte janë donatuar me nga 4 milionë dollarë secila dhe imagjinoni: deri sot nuk kanë pagu qirra në Kosovë?!!!), prapëseprapë, zhvendosja e këtyre dy projekteve nga hapësirat e tyre do t’i destabilizonte për një kohë dhe do t’i traumatizonte. Për sa kohë? Për njaq kohë sa do i nevojitej dy projekteve televizive nga Shqipëria që të infiltrohen dhe të instalohen në Kosovë.





Le ta zëvendësojmë Hashim Thaçin e Drenicës, me Edi Ramën e Tiranës



Ky spekulim, edhe pse mbetet në domenin e spekulimit, ka një bazë. Sepse si i tillë vjen pas njërit nga turpet më të mëdha, që mundet një qeveri me ia leju vetes dhe me ia bë interesave dhe publikut të vet (si u kualifikua nga media e Kosovës, shih “Koha Ditore” dhe komentet e Televizionit RROKUM nga Dita e Pavarësisë së Kosovës), ashtu si veproi Qeveria Thaçi për Ditën e Shpalljes së Pavarësisë. Si e dini, Qeveria Thaçi e ka mbajtur sekret edhe modelin e flamurit që është zgjedhur, edhe vendin prej nga do nisej për t’u dërgu në parlamentin e Kosovës në ceremoninë solemne, edhe orën edhe gjithçka tjetër që lidhet për ato momente historike. I vetmi medium që ishte njoftuar për këto sekrete ka qenë një medium i Shqipërisë: Televizioni KLAN(sic!)

Pas këtij ”turpi e kësaj tradhtie”, si u kualifikua ky gjest flagrant e i pajustifikueshëm, kjo Qeveri ka qenë dashur të bojkotohej me javë nga të gjitha mediumet e Kosovës. Qeveria e Kosovës e cila nuk ka respekt për mediumet e Kosovës, nuk e meriton të mbulohet e transmetohet nga këto mediume. Qeveria e Kosovës e cila ka për detyrë ta stimulojë, garantojë, zhvillojë dhe kultivojë Shtypin e Lirë të Kosovës, flerton dhe “tradhton” me një medium nga Shqipëria.



Sipas burimeve shumë të afërta me kryeministrin Thaçi dhe ministrinë respektive, arsyeja e këtij flirti dhe ‘tradhtie’ për Ditën e Pavarësisë e kryeministrit Thaçi, si dhe kjo ambicie për t’i sjell televizionet e Shqipërisë në Kosovë, buron nga një bindje e pjekur e zotit Thaçi, dhe jo vetëm e tij, se Televizionet e Shqipërisë disi janë shumë më të mira. Kanë gjuhë më të mirë, po duken më mirë, etj. Ose si e tha Baton Haxhiu, “televizionet e Shqipërisë kanë kryer një Revolucion Kulturor” (sic!)

Krejt ky percepcion provincial i një qeverie provinciale gjen pak mbështetje kur ke parasysh vetëm raportin e fundit të Freedom House, ku media e Shqipërisë kualifikohet si më së paku e emancipuar e profesionale n’Ballkan. Ku e shohin avansimin e kësaj medie kryeministri dhe qeveria e tij, kjo mbetet një çështje për t’u diskutuar.

Kjo qeveri ia ka lejua vetes komoditetin t’i gjykojë e kualifikojë mediat e Kosovës si primitive dhe të pazhvilluara, dhe prandaj ka konkluduar se u dashka që t’i sjellim nga jashtë. Po ta ndjekësh vijën e kësaj logjike atëherë u dashka edhe ne si qytetarë që të sjellim një qeveri më të përgjegjshme, më pak provinciale, që ka dinjitet e vetërespekt, e jo t’i durojmë këta që të trajnohen, eksperimentojnë e tregtojnë me interesat e qytetarëve të Kosovës.

Nëse u dashka që t’i sjellim mediat nga Shqipëria, atëhere le ta sjellim edhe një qeveri ma të mirë prej andej! Le ta zëvendësojmë Hashim Thaçin e Drenicës, me Edi Ramën e Tiranës. Ide shumë e mirë, apo jo?





“Klanizimi” i hapësirës mediale të Kosovës





Jo aq shumë Top Channel sa Televizioni KLAN janë modele flagrante të abuzimit të interesit publik, dhe një gazetarie e cila në Serbinë e Milosevicit njihej si Gazetari Milanoviciane.

Po kush është ky Milanovic?

Milanovic ishte drejtori i Radio Televizionit të Serbisë (RTS), emëruar nga Milosevic. Ishte model i një gazetari i cili fund e majë kredon e tij e fuste në funksion të Milosevicit dhe interesave të ngushta të partisë së tij SPS. Deri në atë masë sa në fund, pas bombardimeve të NATOs dhe rënies së Milosevicit, këtë gazetar njerëzit e Beogradit aq shumë e urrejnë sa e ndjekin rrugëve të qytetit dhe e rrahin publikisht. Më vonë, Milanovic edhe denohet me 10 vjet burg, ku gjindet edhe sot.

Në Shqipërinë berishiane dhe nanoiane, nuk është servisi publik ai që e kryen këtë punë të flliqtë për qeverinë. Jo, në Shqipëri vetimponohet një tjetër projekt medial që quhet KLAN. KLAN që nga dita e parë e tij, promovohet si projekt i cili është kryekreje në funksion të qeverive, cilado që të jetë ajo. Kujtojeni vetëm salto-mortalen e fundit të këtij mediumi i cili, i themeluar dhe lansuar nga Qeveria Nano, kapërcen në taborin e Qeverisë Berisha, dhe mund ta keni pak-a-shumë të qartë profilin edhe profesional edhe kredon e themeluesve dhe reprezentëve të këtij mediumi.

Ky botëkuptim gazetarie dhe ky profil nuk është i ditur n’Kosovë. Në Kosovë sidoqoftë, shitet mend duke i bërë watchdog qeverive, e jo duke e futur hundën n’prapanicën e kryeministrave. Në Kosovë dihen mirë gazetat dhe mediumet që e kanë ‘brown nose’ si thuhet, dhe pak e hiq njerëzit kanë respekt për to.

Duke pasur parasysh vetëm dy pikëpjekjet e fundit të kryeministrit Hashim Thaçi dhe ministrit Fatmir Limajt me këtë medium (KLAN), ju e kuptoni se viktimat e para të këtij mediumi janë dhe sidomos kanë me qenë vetë këta.

Në emisionin e televizionit KLAN, ku ishin ftuar dy kryeministrat Berisha dhe Thaçi, ky i fundit tallej edhe nga analistat e ftuar në studion në Tiranë, edhe nga Haxhiu në Prishtinë. Ai prezentim i zotiti Thaçi ishte një tallje me te. E ai i shkreti, e mendonte këte si favor dhe mundësi për t’u parë(sic!)

Moment tjetër që mund të kujtojmë është intervista e këtyre ditëve e ministrit të Telekomunikacionit Fatmir Limaj në emisionin e Blendi Fevziut “Opinion Plus”. Nuk është e rastit që ministri ftohet mu pas asaj “darke të hangërme të frekuancave televizive” aq shumë të spekuluar, që me grua e me vlla t’ia bëjnë një vizitë Televizionit KLAN. Fatkeqësia e këtyre personazheve ministrore kosovare në përvojat e tyre me këtë televizion (Klan) gjithmonë dalin të disfavorshme për këta vetë. Intervista e zotit Limaj n’Klan mbeti e humbur nën efektin medial që shkaktoi në Prishtinë publikimi i fotos së makinës zyrtare të Ministrisë së Telekomunikacionit që e voziste i vëllai i ministrit Limaj gjatë atij qëndrimi në Tiranë si mysafir i KLAN. Kush e solli foton në “Kohën Ditore”?



Le të mbeten këto dy momente televizive si momente reflektimi për Qeverinë Thaçi sa për të nxjerrë përfundimin se kush mund të jenë viktimat e para të infiltrimit të këtyre mediumeve n’Kosovë dhe për “klanizimin” e hapësirës mediale në Kosovë.





Po ku mund të jetë interesi i Hashim Thaçit për ta bërë këtë shkelje flagrante të interesit kombëtar të Kosovës dhe për ta kryer “klanizimin” e hapësirës mediale kosovare?





Me parallogari të gabuara, Hashim Thaçi parasheh se me ardhjen e këtyre mediumeve në Kosovë ai do përforconte pozicionin e tij mediatik dhe të qeverisë tij, dhe do amortizonte kanonadat e medias që kanë nisur qysh tash ta akuzojnë për mungesë programi dhe vizioni për Kosovën dhe për përpjekjet për të instaluar njerëzit e tij në postet kryesore në Kosovë.

Me ambicien për të kontrolluar gjithçka, dhe me centralizim informate ashtu siç e ka bërë në Qeveri, duke e mbyllur çdo informacion tek zëvendësi i tij dhe duke mos emëruar portparol të Qeverisë, Thaçi i percepton këto mediume si aleate dhe mike të tij, duke mos e parë elefantin në dhomë se, këto mediume vijnë jo për miqësi e për të sjellë para n’Kosovë, por - për të marrë para nga Kosova. Asnjë kompani mediale nuk hyn në një treg nga humanizmi e ambiciet për t’i iluminuar, andaj as media e Shqipërisë nuk vjen në Kosovë për t’i mësuar kosovarzijtë ta flasin Gjuhën Standarde, po për ta rritur fitimin.

Shembulli eklatant që dëshmon këtë logjikë të këtyre mediumeve është çmimi shpërblyes në Top Fest 5 prej 10000 eurosh, që sot televizionit Top Channel ia paguan një kompani nga Prishtina. Ky zhvleftësim dhe diskreditim i medias kosovare që bëhet nga Qeveria Thaçi e bënë biznisin kosovar që të investojë në televizionet e Shqipërisë, dhe kjo është e vetmja arsye e këtij infiltrimi e kurrëfar miqësie e ambicie iluministe. Me këtë qëndrim të Qeverisë Thaçi ndaj medias kosovare kjo qeveri nuk mund të konsiderohet e Kosovës sepse bën që parat të dalin nga Kosova e jo të hyjnë në Kosovë. Dhe, urgjentisht do duhej që të binte.

Duhet të jesh shumë naiv të besosh ne mediumet si KLAN, të besosh besnikërinë dhe miqësinë e tyre. Pyteni Salën e vitit 1995, dhe pyteni Nanon e vitit 2005 se a ka kuptim të flasësh për nocionet “miqësi” e “besnikëri” kur flitet për KLAN ose Top Channel.







Historia e penetrimeve mediale shqiptaro-shqiptare





Le ta kujtojmë shkurt historinë e njëkëso ambicieje të ngjajshme që kishte dikur një ekip i gazetës “Rilindja” dhe Televizionit të Prishtinës, që në vitet 90ta u instaluan në Tiranën postkomuniste me ambicien se do e iluminojnë hapësirën mediale atje. Tirana i heshti, i talli dhe i margjinalizoi në një mënyrë të merituar. Njësoj, media e shkruar e Tiranës si Shekulli, Korrieri, Klan, etj, u përfshi nga i njëjti kompleks iluminimi e inflitrimi duke ardhur në Prishtinë, pas NATOs, por dështoi dhe pësoi fijasko njësoj sikur Rilindja e TVP në Tiranë. Kjo histori e penetrimeve dhe ambicieve për të iluminuar e përfituar nga hapësirat reciproke është një histori e dështimit dhe përpjekjes për të përfituar nga një hallakamë e pështjellim i përgjithshëm i kësaj hapësire mediale shqiptare, që sot e kësaj dite nuk ka kritere të caktuara dhe të sanksionuara ligjore që do e regullonin këtë hapësirë si një hapësirë e veprimit të lirë konkurent mediatik.

Sot, po guxoi ndonjë medium i Kosovës vetëm t’i shkonte mendja se lëre më të kërkonte frekuenca televizive nacionale në Shqipëri, do talleshin me te si me ma të mbramin budall.







2 mënyrat e qorrimit të publikut





Por, ajo që të bën me qesh në Shqipëri – një medium kosovar të kërkonte frekuenca nacionale – nuk ta vë buzën në gaz në Prishtinë. Në Prishtinë, një medium i Shqipërisë jo vetëm guxon, por edhe i premtohen frekuencat nacionale(sic!). Nëse ky spekulim për infiltrimin e dy televizioneve të Shqipërisë do na provohet vetëm pak i vërtetë, interesi kombëtar i Kosovës do jetë para një rreziku të madh, dhe ky do jetë fillimi i fundit i Qeverisë Thaçi. Sepse, tevona, këto frekuenca janë pasuri kombëtare e qytetarëve të Kosovës dhe vetëm në mënyrë ligjore mund të fitohen, e jo me darka hashim-batoniane.

Le ta marrim se ky spekulim ka baza për t’u besur i vërtetë.

Pse kjo çashtje do inicializonte fundin e Qeverisë Thaçi?

E para, vetëm ideja se një kryeministër flet dhe premton nëpër darka pasuri kombëtare të Kosovës demaskon deri n’fund se sa ky kryeministër respekton qytetarin, pozitën e vet dhe interesin kombëtar.

E dyta, të flasësh për pasurinë kombëtare të Kosovës nëpër darka dhe ta premtosh, kjo flet dhe zbulon një natyrë të fshehur dhe ambicie diktatoriale të kryeministrit Thaçi, që do e kompromitonte figurën e tij publike përfundimisht.

E treta dhe më e zeza, një këso darke dëshmon se sa kryeministri i këtij vendi respektoka qytetarët dhe intelegjencën e tyre. Kjo demaskon gjithë mosrespektin që kryeministri Thaçi e paskërka për qytetarin e Kosovës. Sa shumë po e nënçmoka.



Janë dy mënyra për ta mbajtur një vend në terr: duke e terratisur dhe ndaluar çdo medium; dhe duke e qorruar me dritë të madhe që jua lëshon në sy.

Metodën e parë e përdori Milosevici në Kosovë.

Metodën e dytë, nëse na provohet i vërtetë ky spekulim, e po kemi shumë shpresë se do jetë vetëm një prrallë me dy drenicakë, do që ta përdorë Hashim Thaçi dhe Baton Haxhiu.

Me e qorrue Kosovën me dritën e televizioneve të Shqipërisë!



© by Gazetajava.com


TE GJITHË - NJERËZIT E THAÇIT

Nga JAVA
Jun 22, 2008, 16:26

Email'o
Print'o



Baton Haxhiu dhe Arianit Koci

Foto: Java
Baton Haxhiu, ‘zëvendëskryeministri’ i Qeverisë Thaçi, i autorizuar nga Kryeministri për punë të dyshimta (dhe për lidhjet me Sali Berishën, që Haxhiu i mban përmes Blendi Fevziut), po zhvillon takime dhe bisedime intenzive për të caktuar dhe identifikuar emrin që duhet Kryeministri më pastaj ta përkrah dhe eventualisht ta propozojë si shefin e Shërbimit Intelegjent të Kosovës edhe para ndërkombëtarëve.

Emrat që shtypi kosovar i hodhi në publik si Arianit Koci, Ylber Hysa, Dukagjin Gorani…njëkohësisht po ky shtyp (sidomos Koha ditore) i prezentoi si emra që do jenë më të afërt e më lojalë me ndërkombëtarët, sesa me Kryeministrin dhe Qeverinë e tij. Por, Hashim Thaçi nuk do ishte Hashim Thaçi po të mos ishte gjithmonë dy hapa më para se opinioni kosovar dhe ndërkombëtarët (e sidomos Koha ditore!).

Emri që më së shumti u përfolë dhe u lakua si propozimi më i dashur dhe më i afërt për Kryeministrin, Kadri Veseli, me emrin konspirativ “Luli”, që jo vetëm gjatë luftës, po gjithmonë ishte pjesa e padukshme e Hashim Thaçit, engjulli mbrojtës i Thaçit, guximi dhe trimnia e të cilit nuk kontestohet nga askush brenda PDK, si për habi të opinionit, papritmas vullnetarisht dhe publikisht hoqi dorë nga ky oportunitet. Me një prononcim ekskluziv në RTK, lexoi një shpërbërje publike të një shërbimi sekret për të cilin të gjithë e dinin, por vetëm me këtë akt shpërbërjeje u mësua publikisht dhe zyrtarisht se – paska ekzistuar!

Kryeministri Thaçi, nga ana tjetër, me këtë lëvizje taktike të zhvendosjes së emrit të

Veselit si kryespiun i mundshëm, në të vërtetë fitonte dy herë: plotësonte kërkesat e ndërkombëtarëve që i kandiduari për këtë post të mos jetë në asnjë mënyrë njeri i partisë së tij, si dhe në anën tjetër, hapte rrugë për disa emra që njihen si “të pavarur”, si Hysa, Gorani, Koci…që opinioni dhe ndërkombëtarët e kanë të vështirë t’i lidhin drejtpërdrejtë me Kryeministrin Thaçi, po që në të vërtetë për të informuarit njihen si “Njerëzit e Thaçit”. Si lidhen këta emra Gorani, Koci, Hysa…me Kryeministrin?



Dukagjin Gorani është mik i studimeve dhe i rinisë i Hashim Thaçit. Cimera! Aktualisht këshilltar zyrtar i tij. Kur Hashim Thaçi si shef politik i UÇK kishte hyrë në Prishtinë pas çlirimit nga NATO, njëra nga shtëpitë ku Thaçi ka qëndruar është edhe shtëpia e babait të Goranit, një tregim që Gorani e tregon gjithandej, sa për të theksuar lidhjet dhe afërsinë që ka ai me Thaçin, si “shokë të luftës”.

Vetë fakti se Gorani në përgjithësi është i prirur për t’i bërë publike sekretet, si këtë afërsi me Thaçin, i zvoglon mundësitë që ky të jetë kandidat serioz për këtë post të ‘rojtarit të sekreteve’.



Ylber Hysa, emër që përmendej shumë kohë më parë sesa këta emra shpërthyen në media, si kandidat shumë serioz për këtë post, është një nga tregimet ma spektakulare të jetës partiake kosovare, nëse spekulimet që ndjekin Hysën provohen vetëm pak si të vërtetë.

Si lidhet njeriu i dytë i partisë “ORA”, miku më i ngushtë i Veton Surroit, me Hashim Thaçin?

Sipas burimeve të “Javës”, Hysa nuk lidhet direkt me Thaçin, por Hysa lidhet me elemente të shërbimit intelegjent që udhëhiqej nga Kadri Veseli. Elemente brenda këtij shërbimi, e kanë suportuar e kanë bindur dhe e kanë përkrahur Hysën në idenë që t’ia plasojë dhe sugjerojë idenë e themelimit të një partie politike, njërit nga reprezentët më të shquar të shoqërisë civile të Kosovës, Veton Surroit. Sipas këtyre burimeve, themelues i vërtetë i partisë “ORA” gjatë gjithë kohës ishte tërthorazi – Hashim Thaçi - me idenë e tij për të përkrahur çfarëdo partish e inciativash qytetare, të cilat do kishin mundësi që ta zvogëlonin përkrahjen e qytetareve që gëzonte LDK dhe Ibrahim Rugova asokohe.

Sipas këtyre burimeve, Ylber Hysa, pak muaj para themelimit të partisë “ORA”, është parë “natë për natë” në shoqëri rakie e miqësie me elemente brenda shërbimit intelegjent të udhëhequr nga Kadri Veseli. Në këto takime, Hysa shpesheherë është parë në këto kafe me një pjesëtar të SHIK-ut - i njohur për redaksinë – ku në këto ndeja shumëherë ka qenë i pranishëm edhe ish nënkryetari i KMDLNJ-së, Ibrahim Makolli, sot nënkryetar i AKR-së. Hysa e kishte për detyrë ta bindte Surroin të krijonte parti. Hysa, Makolli dhe pjesëtari i SHIK-ut ( i njohur për redaksinë) janë parë bashkë shpeshëherë edhe pas formimit të Partisë “Ora” – në kafiterinë “Strip-Depo”, një kafiteri e njohur në kryeqytet, ku rrijnë themeluesit dhe drejtuesit e gazetës “Express” dhe reprezentë të PDK, që simbas burimeve të “Javës”, janë finansuesit dhe themeluesit e gazetës “Express”. Në fakt, ideja dhe të gjitha mbledhjet për themelimin e gazetës “Express” janë mbajtur në këtë kafiteri. Një nga ftuesit që ka ftuar gazetarë të redaksive, disa prej këtyre emrave të ditur edhe për redaksinë, e që janë ysht që t’i lëshojnë redaksitë e tyre e t’i bashkohen gazetës “Express” është vetë - Kryeministri Thaçi.



Po Arianit Koci? Nga lindi Koci?

Koci nuk ka lidhje me Thaçin, thonë burimet e “Javës”. Koci ka lidhje me Baton Haxhiun. Haxhiu është i autorizuar nga Kryeministri që ta përpunojë Kocin, si emrin më të panjohur dhe më të mundshëm për kryespiun, sepse që të gjithë emrat tjerë disi ‘kompromitohen’ shkaku i afërsisë direkte apo indirekte me Kryeministrin.

Arianit Koci, i biri i kompozitorit Akil Koci, që ka filluar karierën si argjentar, për të vazhduar më pas studimet e muzikës dhe për të përfunduar si avokat, është propozimi ‘gjenial’ i Haxhiut. Koci ishte avokati që reprezentonte gazetën “Express” në seanca gjyqsore, gjatë kohës sa ishte Haxhiu drejtor i kësaj gazete (të gjitha proceset Koci zakonisht i ka humbur!). Si politikisht virgjin, aspak i lidhur me ndonjë parti a lider, një autsajder i përkryer, shihet dhe propozohet nga Haxhiu si një kandidat i gjetur, të cilin janë të bindur Thaçi e Haxhiu se disi do ta kapërcejnë nëpër “detektorin e rrenave” të ndërkombëtarëve që ta shesin si ‘të pavarur”, e ta ‘mjelin’ si të vetin.

Haxhiu këto ditë po zhvillon bisedime intenzive jo vetëm me Kocin (shif foton), po edhe me persona tjerë që shihen nga Haxhiu, si i angazhuar nga Kryeministri, për t’ia propozuar ndonjë emër që kishte për ta kaluar ‘detektorin e rrenave’ të ndërkombëtarëve dhe njëkohësisht do mbetej i tyre.

Kush do kapërcejë nëpër ‘detekorin e rrenave’ për t’u bërë Kryespiuni i Kosovës, njëri nga emrat e lakuar, apo ndonjëri nga emrat që s’u lakuan në këtë eksplorim, mbetet të shihet. Të gjithë po e presin Tinën.



Pse është i rëndësishëm drejtimi i Agjencisë së Ardhshme të Intelegjencës?

SHIK-u ka qenë më i sukseshëm në Kosovë sesa shërbimet e partive tjera politike në Kosovë, falë lidhjeve të krijuara me SHIK-un e Shqipërisë gjatë kohës së luftës. Sot SHIK-u (Shërbimi Informativ Kombëtar) i Shqipërisë është konvertuar në SHISH (Shërbimi Informativ i Shqipërisë). SHISH, në fakt, edhe i ka hapur rrugën SHIK-ut për zhvillimin e kontakteve të mëtutjshme me vendet e huaja. SHIK dhe SHISH edhe sot mbajnë marrëdhënie të mira. Konsiderohet se SHISH i ka krijuar “Lulit” dhe SHIK-ut të tij marrëdheniet e mira me shërbimet izraelite – ku janë trajnuar një pjesë e “agjentëve” të SHIK-ut.

Por, megjithatë, Shërbimet Informative të partive, deri tash, gati kryesisht janë marrë me kontrollin e bizneseve të mëdha në Kosovë, si biznesi i naftës, alkoolit dhe duhanit - sesa me informacionin në shërbim të qytetarëve ose shtetit. Shërbimi Informativ Kombëtar, i njohur si SHIK, është formuar gjatë kohës së luftës në Kosovë – i cili më shumë është marrë me fondet e “Vendlindjes Thërret”, sesa me zbulimin e informacioneve në dobi të luftës së UÇK-së. Në atë kohë, Kadri Veseli, i njohur si “LULI”, kishte krijuar një Njësit të Shërbimit të tij Informativ - të quajtur ZKZ (Zbulim Kundër Zbulimit), një Njësit i udhëhequr dhe përbërë kryesisht nga studentë të asaj kohe, të gatshëm për t’i ndihmuar UÇK-së. Njësit i cili merrej me mbledhjen e informacioneve, kryesisht, nga zonat dhe qytetet ku nuk vepronte UÇK. Kurse, vetë SHIK-u, më shumë merrej me “transferimin” e fondeve nga “Fondi i Tre Përqindëshit” në fondin “Vendlindja Thërret”. Një “aksion” që pati sukses sidomos në disa vende të Europës dhe te një pjesë të shqiptarëve të Amerikës. Pas luftës, ky Shërbim është marrë me krijimin e “dosjeve të zeza” të partive rivale, sikur rasti i krijimit të “Dosjes” kundër LDK, të cilën ky shërbim e lansoi pikërisht përmes gazetës së saponisurt asokohe – “Express”. Në fakt, kundër Ramë Marajt dhe Shërbimit të tij, i cili më vonë është hetuar nga policia ndërkombëtare për veprimtari të dyshimta.

SHIK-u i “Lulit” edhe pse i titulluar si Shërbim… Kombëtar, i ka shërbyer vetëm interesave të Hashim Thaçit (Cimerit), madje as partisë (PDK). Meqenëse Kadri Veseli, në Kosovë është identifikuar, botërisht, si njeri shumë i afërt me Hashim Thaçin, me siguri se edhe nuk do të jetë në krye të Agjencisë së Ardhshme të Intelegjencës së Kosovës. Mirëpo, “Luli” enigmatikë qysh sot lakohet si emër i mundshëm për – Ministër të Mbrojtjes.



© by Gazetajava.com

JEHONA E ARTIKULLIT “Klanizimi i Kosovës” – “Hashim Thaçi dhe Baton Haxhiu bëjnë pazar me pasurinë kombëtare të Kosovës?”
Nga Migjen Kelmendi
May 26, 2008, 14:42

Email'o
Print'o


E kishim marrë përsipër dhe e kishim kalkulue rrezikun e botimit dhe shpalosjes së nji spekulimi dhe presupozimeve të tij në kryeartikullin e numrit 239 të gazetës JAVA me titull “Klanizimi i Kosovës” - “Hashim Thaçi dhe Baton Haxhiu bëjnë pazar me pasurinë kombëtare të Kosovës?”

Burimet që i kishim në dispozicion si dhe biseda telefonike me ministrin Fatmir Limaj para botimit të artikullit, ishin të mjaftueshme sa me e marrë këte rrezik, sepse menduem se botimi ose e ndriçon krejt, ose e mohon krejt këte spekulim me krejt presupozimet që përmbante.

Para botimit të artikullit kishim provue edhe si redaksi edhe une personalisht me e kontaktue kryeministrin Thaçi, por nuk kishim gjegje.

Vendosëm me e botue, sepse interesi publik dhe interesi qytetar ishte aq i madh në këte spekulim sa, po them, e arsyetonte rrezikun.

Mbas botimit, si edhe kishim llogaritë, dy burime autentike, në bisedë me mue e konfirmuen fije e për pe këte spekulim si të vërtetë:





DESHMIA E PARE: Nji nga telefonatat e shumta që kisha marr si kryeredaktor i Gazetës JAVA për guximin e demaskimit të kësaj “dallavere hashim-batoniane”, si kualifikohet n‘artikull, ishte edhe nji telefonatë e njanës nga pronaret e nji kompanie të njoftun kosovare, e cila ma konfirmon edhe me telefon, edhe në takimin që kërkova për me e analizue deri në fund dëshminë, se ajo asht kontaktue nga reprezentë të televizionit nga Tirana - Top Channel - dhe i asht ofrue me qenë fillimisht sponzorizuese, bashkë edhe me pesë kompani tjera kosovare, që kishin me themelue diçka si “Top Kosova” dhe me konkurue ma vonë për frekuenca lokale, sepse Top Channel edhe në Shqipni asht TV lokal.





DESHMIA E DYTE: Burimi tjetër më konfirmon prapë personalisht se persona emnat e të cilëve dihen për redaksinë, t’afërt me AMPEK dhe USAID, janë kontaktue nga kryepersonazhi i kësaj dallavere, Baton Haxhiu, i cili i ka ofrue me qenë n’ekipin që ai pretendonte se po e formon për nji kompani mediale, e cila fillimisht kishte me qenë modeste, por ma vonë, si thotë burimi, atyne kishte me ju ndihmue TV KLAN nga Tirana, e sa i përket frekuencave nacionale, ato ia kishte garantue kryeministri Thaçi, citon burimi fjalët e B. Haxhiut.



BISEDA ME MINISTRIN LIMAJ. Biseda telefonike që kisha me ministrin Limaj, që u zhvillue para botimit t’artikullit, ishte bisedë mes miqsh, ku analizuem mundësinë e vërtetësisë së nji spekulimi të këtillë. Ministri Limaj mohonte nji pjesë të presupozimeve të spekulimit, por nuk e mohonte mundësinë se n’Kosovë mund të formohen kompani fantome mediale të cilat mandej kishin me konkurue për frekuenca, edhe pse nuk u tha a janë premtue a jo frekuencat.



BISEDA ME KRYEMINISTRIN THAÇI. Në bisedën telefonike me kryeministrin Thaçi, e cila u zhvillue vetëm mbas botimit t’artikullit, zoti Thaçi nuk i jepte shumë randësi spekulimit sa nji fakti tjetër: futjen në të njajtin thes me – Baton Haxhiun! Ai ishte ofendue shumë që artikulli e qet bashkë me B. Haxhiun, sidomos që e tall si të manipuluem nga B. Haxhiu. “Qysh m’boni me Batonin, pash Zotin?!!!”, reagonte sa me humor aq edhe i ofenduem. Ai poashtu mohonte pjesë të mëdha të spekulimit, por nuk e mohonte se ka hangër darkë me pronarin e Top Channel, Dritan Hoxha.



Këto katër burime mjaftojnë sa për me konfirmue dhe me justifikue guximin me botue dhe me shpalue nji spekulim deri në fund, sepse në fund, spekulimi u vërtetue në pikat kryesore të tij – i vërtetë.





NJA 2 FJALË TË ZGATUNA PËR SHKELZEN MALIQIN





Ndaj këtij artikulli nuk reagoi publikisht as kryeministri e as Haxhiu si kryeprotagonistat e artikullit, as ministri Limaj që përmendet n’artikull, as pronarët e Top Channel (pos që e kishin angazhue Rudina Xhungan që t’i kërkonte artikujt e botuem nga une), e as ata të KLAN…askush, pos nji njeriu – Shkelzen Maliqi (shih artikullin”Beteja e re për hapësirën mediale”, Express, 12 Maj 08). Kishte reague edhe Arian Çani n’emisionin e tij “Zona e Lirë”, por tue i tallë krejt protagonistat e artikullit për nja gjysëm ore



Meqenëse interesi publik n’ate spekulim të vërtetuem ishte shumë i madh, natyrisht që të drejtë reagimi kanë të gjithë ata që kishin ose me e mohue me argumente ose me e ndihmue ndriçimin dhe zbardhjen e tij. Kështu edhe vepruen dy burimet që kontaktuen me mue, të cytun nga interesi publik.

A ishte interesi publik ai që e kishte ba Maliqin me reague? Artikulli i Maliqit a sjelli momente të reja, a ndriçoi diçka, a kishte kundërargumente? A kishte krye Maliqi ndonji hulumtim ma të thellë sesa JAVA sa me mujt me iu kundrvue artikullit dhe presupozimeve të spekulimit shpalue nga JAVA? A i kishte kontaktue bile kryeministrin e ministrin para se me reague?





ÇKA JU DESHT ME RREJT SHKELZEN MALIQIT



Me leximin e parë t’artikullit dëshmohet se Maliqi jo se nuk cytet nga interesi publik, nga interesi qytetar e kombëtar, po n’ate relacion mes Interesit Qytetar që në këte rast reprezenton JAVA, dhe atij Grupor e Klanor që simbas spekulimit e kryenin Thaçi dhe Haxhiu, Maliqi pa asnji fije dyshimi, pa krye asnji përpjekje vërtetimi a hulumtimi, i del n’krah dhe në ndihmë Interesit Klanor. Po citoj: “Më shumë zhurmë bëjnë pronarët e mediave xhuxhe, si p.sh. botuesi i Javës dhe redaktori i TV Rrokum, Migjen Kelmendi, i cili numrin e fundi të gazetës e mbush me shkrime kundër RTK-së dhe spekulime ashiqare të konstruktuara për komplotin e madh të kryeministrit Thaçi me bosët e mafive të Shqipërisë, që, sipas tij, kanë për synim “klanizimin e Kosovës” (fund i citatit).



Ndaj të gjitha pyetjeve që ngriten n’artikujt e “Javës” nr.239, po i risjelli vetëm disa:

- A e përmbush misionin e tij si servis publik RTK?

- Kujt i shërben sot RTK?

- A e ka zhvendosë kryeministri Thaçi kabinetin e tij n’RTK?

- Cilat janë raportet e drejtorit Zatriqi me kompaninë Eurokoha, Top-Shop, CMB dhe Jeta n’Kosovë?

- Sa janë të bazueme presupozimet se Top Channel dhe Klan kanë ambicie me u instalue n’Kosovë dhe a ju ka premtue kryeministri Thaçi ndihmë për fitimin e frekuencave?

- A asht taku Thaçi me pronarët e Klan dhe Top Channel?

- Etj. (shih JAVA Nr.239)

Ndaj të gjitha këtyne pyetjeve, Maliqi ka vetëm nji përgjegje dhe ‘argument’: Java s’ka tirazh (sic!). Asht gazetë xhuxhe! Imaxhinoni njeriun e rritun, bile plak, tue abuzue me fjalën publike dhe tue e përdorë ate jo me zbulue, ndihmue dhe argumentue interesin publik, po tue e përdorë për me mjegullue, kualifikue dhe përçmue argumentet, pyetjet dhe kredon e atyne që mundohen me e mbrojtë ate interes. Ndaj krejt çashtjeve që ngrisin artikujt e nr. 239 të Gazetës JAVA, Maliqi ka si kundërargument dhe gjegje vetëm – tirazhin(sic)! Dhe kush flet për tirazhin? Punëtori i gazetës “Express”, e cila në tana sondazhet e derisotme ka dalë si gazeta ditore me tirazhin ma të vocërr n’Kosovë!

“Tirazhi si argument” besoj mjafton sa me e pa e konstatue vetdemaskimin e Maliqit si abuzues, rrenc, njeri që ma s’pari s’ka respekt për veten, e mandej për krejt dynjanë, se lene ma për fjalën publike, lexuesin dhe opinionin. (Po muj me e mendue se si e paska përjetue Maliqi lajmin për shpërblimin e parë ndërkombëtar në historinë e shtypit në gjuhën shqipe që e ka fitue gazeta JAVA. Paj po get nja 10 vjet ymër ja paska hangër Kush janë “Reporters Without Borders” dhe ai shpërblim “Press Freedom Award”? Me siguri sipas Maliqit – xhuxha





Riinterpretimi i “Migjen Kelmendit”



Kisha vendosë ka diku 7 vjet nji embargo ndaj këtij emni dhe njeriu, e para falë nji afërsie të dikurshme, dhe e dyta, aq shumë e aq keq u soll fati me këte njeri, kryesisht pa meritë, por në shumë pjesë edhe me meritë të tij, sa kisha vendosë mos me ju gjegjë provokimeve dhe përçmimeve publike që i bante Atitudës seme publike, dorëheqjes seme nga RTK, debateve që kisha lansue, mediumeve që kisha ndërtue…gjithçkaje që lidhet me mue dhe punën teme publike. Nga ana tjetër, ky njeri, prejse kisha dhanë dorëheqje n’RTK, i ka rezervue vetvetes rolin komod të nji arbitri, i cili gjithmonë i paftuem ndërmjetëson mes Atitudës seme publike dhe Opinionit, kryesisht tue riinterpretue këte Atitudë, tue e minimizue, pakue, përçmue, tall, tue e kualifikue si ‘pa tirazh’, donkishoteske, xhuxhe…dhe gjithmonë tue u gjend n’krah me ata që kanë Numër, t’Fortit, Qeverinë, Thaçin e Limajn, Mediat e Shqipërisë, Pacollat…EkremLlukat…Klanat…TopChannelat…Goliatat. Për krejt këte kohë, që kisha evitue dhe hesht këte emën, Maliqi ofrohej si mercenar i fjalës publike, i cili asht gjithmonë i gatshëm me përdorë erudicionin kundër kësaj Atitude, me u prostituue publikisht n’aso përmasa sa kishte konsumue krejt durimin tem dhe edukatën teme. Maliqi që në pleqni të vet ka zbulue dashninë për Shqipninë, me gjasë e ka të paditun nji shembul nga tradita shqiptare se nuk ka diçka ma të turpshme dhe ma të padinjitetshme se – Plaku që Rren. Për Plakun që Rren ndër shqiptarë humbet çdo respekt, çdo skrupull, çdo abstenim.





U çu Shkelzen Maliqi me e pshtue Hashim Thaçin e Fatmir Limajn prej Migjen Kelmendit e Gazetës JAVA



I paemnuem n’artikull, i paftuem nga askush me dhanë mendim ose me i dal n’mbrojtje, me nji mosnjohje flagrante të situatës mediale shqiptare se jo vetëm kosovare, ai përdorë fjalën publike dhe ofrohet me i dal n’krah Qeverisë dhe me e mbrojtë nga Individi, nga Qytetari dhe Pyetjet. Imagjinoni njeriun që me vokacion asht filozof, që prezentohet se reprezent i shoqnisë civile, si intelektual e qytetar, i cili në relatën Individi versus Shtetit, Qytetari versus Qeverisë, ai, filozofi, qytetari, intelektuali, del me i ndihmue Qeverisë me e pshtue nga pyetjet dhe argumentet e Qytetarit. Dhe sikur ta kishte ndonji kundërargument, hallall, por ai krejt pyetjeve dhe argumenteve që lansohen në disa artikuj të Javës nr.239, ka vetëm nji – tirazhin. Imagjinoni këte katandisje morale e profesionale të njeriut që prezentohet si Filozof e Intelektual. Dhe ajo që i krijon atij justifikim moral për me u zezue kështu publikisht asht fakti se mediumet e Kelmendit kokan - xhuxhe. Dhe Kelmendi s’asht ndonji pretendent serioz sa me ndikue në këto punë frekuencash e televizionesh. (Citat: “Kelmendi sigurisht se nuk është ndonjë lojtar serioz në betejën për kontrollin e frekuencave dhe mediave që do ndodhë së shpejti…”). Për te Qeveritë, të Fortit, Pacollat…Llukat…TopChannelat e Klanat janë lojtarët, njerëzit seriozë, me ndikim, që vendosin. Goliatat janë protagonistat, e jo Xhuxhat, Davidat, riinterpreton mitin e famshëm Maliqi. Simbas riinterpretimit të Maliqit, nuk e mposht Davidi (lexo xhuxhi) Goliatin, po e kundërta. Nuk kanë dijtë hebrejtë me e kallxue këte prrall me Davidin dhe Goliatin.

Nga ana tjetër, Maliqi kurrë s’arriti jo me ndërtu qoftë edhe si xhuxh ndonji medium. E kujtoj përpjekjen e tij dhe të Haxhiut që diku në vitin 2001 me e nis nji TV dhe jo vet, natyrisht, se të dy këta emna, nuk mund qëndrojnë vet në kambë pa jau fut ndonji hu n’prapanicë, po tuj u martue me nji Div, me nji Goliat si biznismeni Ekrem Lluka. Dhe…? Dhe nuk arrijnë as me ja nis, as me e prodhue 1 minut program, as edhe nji milimetër medium, se lene ma me i përgjasue “Javës” ja Televizionit Rrokum. Maliqi e Haxhiu me përpjekjen e tyne që përmes martesave me Goliata me ndërtue medium janë shembull i përkryem dhe kundërargumenti ma i mirë kundër krejt asaj që Maliqi thotë n’artikull se pa Goliata si TopChannel, Lluka e Pacolla nuk ndërtohen e nuk fitohen frekuencat. Maliqi ja fut vetvetes kambën n’gojë me shembullin dhe përpjekjen e vet, pa marr tjerë shembuj se sa i gabuem asht. Nuk ju mjaftoi dhe nuk ju ndihmoi Goliati Ekrem Lluka Maliqit e Haxhiut me krijue medium jo. Krejt ajo përpjekje vetëmsa i demaskoi përfundimisht të dy si të dështuem dhe të pazotë. Andaj edhe të gatshëm njashtu si janë sot, me qenë mercenarë dhe prostituta të fjalës publike.





KOLONELI I PAFAT MALIQI



Këte riinterpretim të mitit për Davidin e Goliatin nuk mun e kuptoni pa e kuptue nji të vërtetë të randë të këtij njeriu – që kurrë nuk mori ndonji ftesë për post publik, kurrë s’u respektue me ndonji çmim kombëtar ja ndërkombëtar as ai e as puna e tij, kurrë s’u ftue për këshilltar a bashkëpunëtor, as për kurgja…. Maliqi asht nji “kolonel” që për tana këto vite askush s’i shkruejti e askush s’e ftoi, askush s’tregoi ndonji fije respekti…si n’ate novelën e famshme të Markesit. I thyem, si njeri, si individ, si burrë, si profesionist, ai ma nuk beson n’akcion qytetar, n’Davida dhe nuk e kupton i shkreti se nëse ka dështue Maliqi, s’ka dështue krejt dynjaja. Ai nuk e din se Goliati i tij që e përmend n’artikull, Behxhet Pacolli, në tri raste m’ka ba mue dhe Televizionit xhuxh Rrokum nji ofertë shumë gjeneroze për me ja udhëheqë projektet mediale që ka. Maliqi i zezuem që o çue me pshtue Thaçin prej Kelmendit, nuk e din se kryeministri Thaçi m’ka ftue në dy raste me ju bashkue si këshilltar, por nuk kam pranue. Maliqi e di mirë se une kam pas post publik si drejtor n’RTK dhe kam dhanë dorëheqje nga parimet dhe përgjegjësia qytetare, por krejt këto ftesa e oportunitete që ai i shkreti kurrë s’i pati e s’i përjetoi, une s’kam lejue që ato të kompromitojnë parimet, kredon profesionale dhe njerzore teme. Mirëpo, njeriu që s’e ka kulturën e JOs, sepse s’ka çka mbron (pos Agim Zatriqin, nuk i beson njeriut që e ka kulturën e JOs. Këtu asht dallimi mes meje, Atitudës seme publike dhe Maliqit publik. Por nji njeri me mentalitet prostitute si Maliqi, i cili fjalën publike nuk e kupton dhe nuk e beson si mjet akcioni qytetar, po si trampolinë që kishte me i ndihmue me u vesh me pushtet, me u respektue ma n’fund n’pleqninë e vet, dhe me u ba me t’Fortit, me Thaçin e Limajn, me ndrrue klasën shoqnore të njerëzve të parespektuem, të kolonelëve që s’u shkruejnë, të njerëzve që kurrë s’arritën me ndërtue diçka të veten, natyrisht se nuk e beson se ka njerëz që i thonë JO t’Fortve, Goliatave, që mundohen me ndërtue diçka, që i thonë JO krejt asaj që ky njeri e ka andrrue e gjakue gjithmonë. Kjo po shpresoj e demaskon dhe vërteton se kush asht ‘xhuxhi’ i njimendtë i jetës publike kosovare.







Maliqi nuk asht vetëm Humbës, por Huqës i Madh



Presupozimet e artikullit nuk i mohon në tanësi as ministri Limaj e as kryeministri Thaçi, që tangohen randë n’artikull, e ky, Maliqi, i paftuem, i paadresuem, çohet e rren publikisht dhe ofrohet me e pshtue Hashim Thaçin e Fatmir Limajn prej Migjen Kelmendit e Gazetës JAVA.

E sa me e kuptue tanë trivialitetin e budallakinë e kësaj oferte publike prej mercenari të fjalës që e ban Maliqi me artikullin e tij, duhet me u kthye nja 10 vjet mbrapa. E thashë, me Maliqin fati luejti keq dhe e theu, në pjesën ma të madhe pa meritë, por edhe në shumë pjesë me meritë të tij.

Në kohën e paraqitjes së UÇK dhe luftës, ka mbetë i i nxanun në shiritat e ekipit tem televiziv nga ajo kohë, fjalia e tij fatkeqe, po e citoj:

“…nuk ka moment ma të pavolitshëm në histori se me e nis tash luftën me Serbinë…” Vetëm disa muej ma vonë se kjo fjali, Kosova pikërisht falë luftës - fiton lirinë.

Këtë fjalë të Maliqit të plotë keni me pas mundësi me e ndjekë në serialin dokumentar “Si Lindi Shteti”, që asht prodhim i Televizioni Rrokum dhe ekipit të Televizionit të Prishtinës që udhëhiqej meje, frik.

Kjo fjali e Maliqit ka mbetë n’analet e publicistikës analitike kosovare si nji - Huqje Monumentale. Maliqi asokohe nuk pushonte jo vetëm tue shkrue, por edhe tue organizue tryeza e tue alarmue se po u nis lufta me Serbinë kena me dal t’humbun. Aq shumë sa filluen me u ndigjue edhe disa zana kërcënues ndaj tij, dhe une asokohe, i afërt me te, vendosa me e shkrue nji letër dhe me kanalet e ekipit tem televiziv me e nis në shtabin e UÇK, ku mundohesha me spjegue se Maliqi po ja fut kot, po fillozofon (me “ll”), e ju e dini se këta fillozofat s’janë gja tjetër po qishtu ja fusin si “kau pelës”, por s’asht i paguem Serbie edhe pse doket si “Draza” Nuk e di fatin e asaj letre, por njeriu që e ka pas detyrë me e çue letrën n’Shtab asht gjallë dhe e dëshmon dorëzimin e saj. Po them, disa muej ma vonë se ajo fjali e famshme “…nuk ka moment ma të pavolitshëm në histori se me e nis tash luftën me Serbinë…”, Kosova fiton lirinë. Fal luftës me Serbinë.

Tashti mundeni me e kuptue këte theqafje e këte prostituim eksplicit të Maliqit, i cili përnjihere ofrohet me e pshtue Hashim Thaçin e Fatmir Limajn nga Migjen Kelmendi.

Ky njeri i zezuem, nuk e ka kuptue, por m’provokoi me i thanë kësaj radhe se gjatë tanë kësaj kohe ka qenë transcendue meje dhe vetëm keqardhja ndaj zezimit të tij edhe profesional edhe moral edhe familjar, m’ka ba mos me shkrue e mos me ja ba të ditun këte pozicion superior temin ndaj tij në relatat Thaçi-Limaj-Maliqi-Kelmendi.



Maliqi nuk e humbi vetëm luftën. Maliqi e humbi edhe paqen, edhe Flamurin, edhe Identitetin, edhe Shtetin. Maliqi nuk asht vetëm Humbës i Madh. Maliqi asht edhe Huqës i Madh. Nga ma të mëdhejt që i kam njoftë deri sot. Koxha filozof duhesh me qenë e me e huq Luftën, me e huq Paqen, me e huq Flamurin, Identitetin, Shtetin…Ka edhe shumë tjerë që i kanë huq këto momente, por ka edhe tjerë që nuk i kanë huq, dhe kjo spjegon këte nervozë dhe reagim të Maliqit ndaj Atitudës seme publike. Se në pasqyrën e kësaj Atitude, ky njeri e sheh paq si loti krejt katandinë e tij si Qytetar, si Intelektual, si Analist, si Profesionist, si Publicist…

Andaj gjithmonë mundohet me e thy Pasqyrën për me e pshtue Ftyrën e vet.

Ani me çka: me tirazhin si argument, me kualifikime si ‘xhuxh’, sepse – Argumente s’ka.







SHQIPNIA E MADHE E SHKELZEN MALIQIT DHE ASTRIT SALIHUT!



Disa muej para 17 Frorit 2008, në nji drekë shtrue nga kryeministri Çeku, ku isha ftue edhe une e disa tjerë, Maliqi e Astrit Salihu pledonin ndamjen e Kosovës dhe krijimin e nji Shqipnie të Madhe. Astrit Salihu si kanakari i Maliqit dhe si “pomocnik Narodnog Heroja”, ishte bile edhe entuziast e u rrëmbye njaq sa Maliqi, si “Narodni Heroj”, e zbuste Salihun tue i thanë jo Shqipni e Madhe, po Konfederatë. Disa muej ma vonë, nga ajo drekë shtrue e pague qeverie të Kosovës, Kosova lindi si shtet qytetar, me flamur të vet, me himn të vet, me Kushtetutë të vet, me identitet të vet, me kufij të vet dhe u njoh nga 40 shtetet ma të zhvillueme n’botë si entitet i veçantë shtetnor, e jo pjesë e ndonji Shqipnie të Madhe.

Prap ky njeri u gjet n’anën tjetër prej meje, i humbun, i traumatizuem me vërtetësinë dhe fuqinë e realizimit të parashimikimeve të mia dhe Atitudës seme publike. Aq e fuqishme asht sot kjo Atitudë, sa nuk ka nevojë për kurrëfar fjale shtesë. Me e krahasue Atitudën e cila në detaje pledoi dhe propagoi këte shoqni vlerash dhe këte shtet qytetar njashtu si portretizohet në përmbajtjen e Deklaratës për Pamvarësi dhe në Projekt-Kushtetutën e Kosovës, plot 7 vjet, me Atitudën e vonueme të Maliqit prej nji nacionalisti që pledon në pleqni të vet Shtete të Mëdhaja etnike, i bjen si me e vra mizën me çekiq.





POR KUSH PO FLET PËR SHQIPNINË: MALIQI?!





Imagjinoni njeriun si Maliqi, i cili se egziston nji splin, nji dashni iracionale për “Shqipninë” si koncept, si fjalë tjetër për “Atdheun”, e kishte mësue dhe lexue nga kangët e mia (“Gjurmët”) dhe nga librat e mi (“Mungesa e Atdheut”, “P’ej Shpije”…), me pledue sot - Shqipninë e Madhe. Ky Huqës i Madh prap u gjend n’anën e gabueme të historisë, edhe pse u mundue me tanë fuqinë e vet kësaj here mos me huq. Edhe kësaj here, si gjatë luftës kur u gjetëm rastësisht UÇK dhe une në njanën anë, e Maliqi n’anën tjetër, njisoj edhe sot, prap u gjetëm në të njajtën anë une, mediumet e mia xhuxhe, Thaçi e Limaj me Kosovën Qytetare bashkë, e Maliqi n’anën tjetër me Shqipninë e Madhe dhe “pomocnikun e Narodnog Heroja” e Goliatat e tij të Shqipnisë së Madhe.



Kisha me e kuptue nëse Maliqi n’pleqni të tij e ka zbulue dashninë për “Shqipninë”, “Shqipninë” si koncept, si fjalë tjetër për “Atdheun”, por dashninë për Shqipninë e Madhe (!) këte s’e kuptoj dhe dyshoj shumë, aq shumë sa mos t’isha i bindun se asht i zezuem boll, kisha me ja demaskue edhe kete dashni të vonueme.

E ndërtova krejt këte kontekst vetëm sa me e vue dhe me e pa në krejt tragjikomiken e vet Shkelzen Maliqin që o çue me pshtue Thaçin e Limajn prej Kelmendit – ME RRENA.



I shkruva këto 2 fjalë të zgatuna për Maliqin mbas nji embargoje prej 7 vjete, tue e njoftue edhe Maliqin edhe lexuesin e JAVËS se në numrat e ardhshëm të gazetës tash e tutje kanë me pasë mundësi me e lexue edhe (ri)interpretimin tem të Maliqit, me nji fjalor t’adaptuem për nji Plak Që Rren, edhe shumëçka interesante që lidhet me këte figurë për keqardhje të jetës publike kosovare.



Po shpresoj se Maliqi ka me jetue njaq gjatë sa me e mësue versionin e njimendtë të mitit për Davidin kundër Goliatit.



© by Gazetajava.com
__________________

[Duaje Siveten]

hashim thaqi ishte ne Tirane, dhe kuvendoi me drejtuesit e RSH - do te kete mare premtime e sugjerime te "dobishme" prej sal, ram, top e kudiuna ...


Shekulli, 18 Jun 2008

Ekzekutimet e PD-së

Nga Arben Rrozhani

Dekretet e Presidentit të Republikës për anëtarët e rinj të Gjykatës së Lartë, nuk do të ishin bërë lajmi më trazues për politikën dhe sistemin gjyqësor në Shqipëri, sikur kreu i shtetit të kishte qëndruar në linjën e piketuar nga partia në pushtet.

Kësisoj, Bamir Topi nuk do të ishte, (si rrallëherë) një kryetar shteti, të cilit i rrëzohen në bllok dekretet nga deputetët e partisë së cilës i ka shërbyer si një nga drejtuesit për kaq vite. Ajo që ndodhi mbrëmjen e 16 qershorit në Kuvend, ishte vetëm ekzekutimi i një skenari që ishte paralajmëruar mëse një muaj më parë. Ndodhte kur qetësisht dhe zyrtarisht Presidenca njoftonte më 15 maj 2008 se kishte dekretuar pesë anëtarët e Gjykatës së Lartë. Një procedurë që kishte ndjekur të gjitha kriteret që parashikon Kushtetuta. Një procedurë e kaluar me atributet që Libri Themeltar i Shtetit i jep Presidentit.

Por ndodhte pa pjesëmarrjen e partisë-shtet. Dhe partia-shtet dëshmoi se në votimin e 20 korrikut 2007 për të zgjedhur si President të vendit, nënkryetarin e PD-së dhe njëherësh kryetarin e grupit parlamentar të partisë më të madhe të shumicës qeverisëse, nuk e ka bërë me qëllimin për të kurorëzuar Topin si president, por për të rrëmbyer institucionin e radhës nën sqetull.

Kreu i shtetit kishte zbatuar thjesht procedurën dhe ishte mbështetur në nenin 136 të Kushtetutës, se: “Anëtarët e Gjykatës së Lartë emërohen nga Presidenti i Republikës me pëlqimin e Kuvendit”. Interpretimi i këtij neni në PD, ashtu si dhe në partitë e tjera sunduese, më parë ka qenë ndryshe: “Partia i propozon emrat, Presidenti i dekreton dhe deputetët e partisë pastaj votojnë pro në Kuvend”.

Kjo linjë nuk u zbatua. Se pse, nuk u zbatua skenari i parapërgatitur i partisë-shtet e shpjegonte Presidenti dje, në Konferencën e Përgjithshme të Prokurorëve:

“Sot, me cilësinë që kam, fatmirësisht jam i çliruar jo vetëm nga detyrimet e një karriere të gjatë politike, jam i çliruar edhe psikologjikisht dhe sot jam i motivuar që së bashku me ju të përballim një situatë që ka të bëjë me konsolidimin e shtetit ligjor”.

Por partia në pushtet nuk do një President të dalë nga binarët e PD-së, nuk do një shtet ligjor, por shtetin që drejtohet nga njerëzit e rekrutuar prej saj. Gjyqtarët e nderuar të dekretuar nga presidenti Topi, nga Kristaq Traja, që kishte përfaqësuar për nëntë vite Shqipërinë në Gjykatën Europiane në Strasburg, deri te Medi Bici, që ishte veshur gjyqtar pas kursit të famshëm të “Plepave”, nuk janë më njerëzit e partisë së drejtuar nga kryeministri Berisha.

Se çfarë njerëzish nuk do partia-shtet e tha Presidenti po dje para prokurorëve: “Ne sot dëshirojmë të promovojmë figura, të cilat nuk tentojnë të gjejnë lidhje të shkurtra të influencës dhe të politikës, por bazohen mbi staturën e vet. Statura presupozon ndershmëri, integritet, profesionalizëm”.

E ka treguar historia e kaluar e qeverisjes së PD-së, kur kryetari i PD-së ishte kreu i gjithëpushtetshëm i shtetit. Atëherë kur çmontonte Prokurorin e Përgjithshëm për ta zëvendësuar me një të vetin. Kur frikësonte deri në eliminim fizik, Kryetarin e Gjykatës së Kasacionit dhe ndërsa ai merrte rrugën e ekzilit matanë Atlantikut, vinte në vend të tij një kukull që t’ia lëvizte fijet nga selia e Presidencës.

Nuk ishte një betejë parimore, ajo e dekreteve. As lufta e njëshit të të djathtëve, që ka në jetëshkrim një teserë të kuqe partie, kundër gjyqtarëve që paskan milituar për regjimin monist, kur ligji për Gjykatën e Lartë kërkon minimumi një përvojë të shquar profesionale prej 15 vjetësh.

Ishte një betejë mes partisë-shtet që është gati të shkrijë gjithçka për të blerë vota deputetësh. Njëlloj si në vitet e shkuara kur qeverisnin të majtët, që arrinin të blinin jo vetëm vota KPD-je, por edhe mandate gjyqtarësh, me të cilat bëhej jo vetëm trafik influence, amnistohej krimi dhe figurat e tij, por edhe konsolidohej pushteti, jo ai ligjor, por ai i partisë-shtet.

Presidenti i Republikës nuk do të ishte ndoshta ai i dekreteve të rrëzuara mbrëmjen e 16 qershorit 2008, por të kishte bërë lojën e kryetarit të PD-së. Të kishte mbledhur grupin e atyre deputetëve që rëndom etiketohen si mbështetës të tij, t’u kishte kërkuar emrat që donin të promovonin dhe në këmbim t’u merrte votën pro. Ai nuk e bëri këtë lojë blerjeje, duke marrë drejtpërdrejt emrat që kishin kaluar sipas ligjit Kushtetues në filtrat e Presidencës dhe jo të PD-së. Ai ia la kryetarit të PD-së ta luante këtë lojë dhe ai si në votimin e shkuar të korrikut 2007, tregoi se është joshësi i përkryer për të blerë kartonë dhe për të ekzekutuar skenarin për partinë-shtet.

[Borix]

hashim thaqi ishte ne Tirane, dhe kuvendoi me drejtuesit e RSH - do te kete mare premtime e sugjerime te "dobishme" prej sal, ram, top e kudiuna ...

Kudiuna nuk ishte prezent me duket...

[Brari]

duj siv.. ketej hiqesh si anti hoxh kapo gjon.. ketej po ulerin se nuk u emeruan kapohoxhiste te tjere qe ta kapohoxh-onin 100% gjykaten shqiptare..

sillesh sillesh dhe e zbulon prapanicen ku te duket targa..kphgj.. lol..

[Duaje Siveten]

citue brej brarisha:

duj siv.. ketej hiqesh si anti hoxh kapo gjon.. ketej po ulerin se nuk u emeruan kapohoxhiste te tjere qe ta kapohoxh-onin 100% gjykaten shqiptare..

sillesh sillesh dhe e zbulon prapanicen ku te duket targa..kphgj.. lol..

ne vend qe te trajtosh problemin, kerkon te "rremosh" ne kripte imagjinare, "zbulime" boshe dhe pa vend ...

vendit i duhet stabilitet, dhe jo konflikte, sherre me pasoja per vendin, qe sajohen dhe behen vetem e vetem per te mbuluar bithen e liderit klepto-nomenklaturist qe ti e ke aq per zemer ... por nuk mund te mbulohen tragjedi si ajo e Gerdecit me ato "bemat" dhe "ianugurimat" staliniste ...

perse nuk te bejne pershtypje kontrabanda karburanti e armesh, duke filluar per ne Serbi e me tutje ...?

perse nuk kerkon ti shkohet '97 deri ne fund investigimi, apo pse sali ka instiguesit e atij kaosi ne kabinet, duke filluar nga vetja ...

perse nuk po kerkon ti gjendet fillin e vrasjes se azemit ...

kerkon me tej pika te erreta qe diskreditojne keq dhe zbulojne implikimin e drejtperdrejt te salis e zarave te tjere te perbashket me nanon ne ngjarjet me aq pasoja te renda per popullin Shqiptar ... ja tani edhe fotokopja me edverin ...

ate thaqin qe e keni anatemuar an'e kend, perse nuk kerkon tia perplasesh te "vertetat" e tua ...?

keto e te tjera nuk preken nga ty, duhen vetem "sherre" e "shamata" per te mbuluar m*tin me sh*rre ...

e kam thene, po e perseris: saliu e shpura e tij e ngushte, kane gelltitur shume luge nga ajo çorba sigurimso-puniste kapogjoniste ... si çdo gje, edhe kjo do te kete nje fund ... dhe ai fund, aq i erret, meron salen, dhe "shpura" e shtyn ate edhe me tutje ne udhen e ndyre ...

qashtu bre ...

[Brari]

cmendim ke per banden hakmarrja o dujsiv..

?

[Duaje Siveten]

po pvete brarisha,

cmendim ke per banden hakmarrja o dujsiv..
?

mendim? mejtoj se banda hakmarrja eshte rivale e bandes se ustait tend, shokit sali ...

mund edhe te beni sikur ziheni, sikur grindeni, sikur gjykatoseni, sikur sikletoseni ... ne fund te fundit, koken do tia hani njeri-jatrit ... ashtu siç ndodh zakonisht me banda te llojit tuaj ...

[Brari]

cmendim ke per jaho salihin o dujsiv..

te ishe gjykates sa ose si do e denoje jahon..?

[Llapi]

brari
a i ke gati ti zbulosh vrasjet e te gjith shpiunave more haaaaaaaa

[Brari]

llap..

ne se jini te bindur se kini vra spiuna.. pse i fshihni vrasesit..
na i kallxoni qe te organizojm festival me kenge e cifteli e tupan.. e valle.. kushtuar trimave qe kan vra spijuna..
bujrum..

asnjiher nuk e kini ba kete.. perkundrazi kul.l e cakic kini ngrit me i fsheh ata te pabese..sepse ata nuk jan trima por lahpera te paguar nga kupola polpotiste enveriste per te likujduar atdhetaret e shquar e per te friksuar te tjeret qe ju te realizonit planet e akademise serbe..per nji kosove pa shqiptar..

kjo eshte..

avni rustemi e kish nji bindje..se po vret nji tradhtar.. e si burrat u perball me akuzen..
asnji prej jush nuk e beri kte..

kur rasimi ju akuzoj burrnisht juve me ne kry sali veselin e lim llapushnik jakup pojates.. se kini vra komandant drinin.. ne te pabese duke paguar nji ningje lahper pronar bordelosh.. ju papiken e turpit e akuzuat rasimin ne gjykat nderkombetare se..rasimi gjat luftes ka vra serb..

kulmi..

kulmi..

[Breshka]

cmendim ke per jaho salihin o dujsiv..

te ishe gjykates sa ose si do e denoje jahon..?

do dilte i pafajshem.

Ka qene nje kamera ne dhomen e pyetjes te njerit prej antarve te "hakmarrjes" , te arrestuar mbas bombes qe vune ne marketin "Vefa". Eshte dhene ne tv; pergjigjia e terroristit (ishte nje nga vllezerit) ,kur u pyet se pse e vune bomben,
ishte rrenqethese. Me nje qetesi te habiteshme, ze te ulet dhe te rrjedhshem tha:
"se urrej gjithcka qe ka sjell sistemi juaj i qelbur, qeveria juaj e qelbur".
Ishte kaq i vendosur sa nje kamikaz islamik do ta kishte zili.
Une e kuptoj se c'far do te nxjerresh me pyetjet e tua o brar, po ti e di pergjigjen already.
Eshte tamam si rasti i mesiper....urrejtje e terbuar deri ne fund per Berishen dhe PD. Te tjeret, si Nano/Rama & co, urrehen pse nuk qeruan apo nuk po qerojne Salen. Eshte PATHOLOGJIKE.
Ndoshta ti po i ben pyetjen njerit prej simpatizanteve te "hakmarrjes", e ndoshta dhe me shume se aq...........

[Duaje Siveten]

Shekulli 27 Jun 2008

Pishtarët e djegur, pishtarët e ndezur

Nga Alba Çela

Minatorët që ndodhen në grevën e urisë ndërmorën dje një akt të fuqishëm simbolik, duke djegur dekoratën “Pishtar i Demokracisë”, akorduar nga Presidenti i dikurshëm dhe Kryeministri i sotshëm. Kjo dekoratë e marrë për të nderuar kontributin e tyre në grevat masive të viteve ‘90 që ndryshuan rrjedhën e fatit politik të vendit, ishte bërë tashmë për këta minatorë një dëshmi e premtimeve të pambajtura, e zhgënjimit të thellë për një sakrificë që ka ngelur pa përgjigje, për një dinjitet të nëpërkëmbur.

Në deklaratën që shpjegonte këtë akt, ata kërkonin ndjesë. Ndiheshin në faj që kishin sakrifikuar aq shumë, për të vënë forcën vendimmarrëse në duart e atyre që më vonë do ju merrnin nga duart gjithçka.

Në Shqipërinë e tejmbushur me paradokse dhe absurditete, me ironi të thella dhe të dhimbshme, me pishtarë fizikë dhe metafizikë që digjen dhe që rrezikojnë të shpërthejnë nga çasti në çast, djegia në mënyrë protestuese e një medaljeje demokracie nga disa minatorë në grevë, ka mundësi të anashkalohet.

Sepse ndihemi të gjithë të rraskapitur dhe ndoshta imunë ndaj dhimbjes, protestës dhe rezistencës. Kjo është për të ardhur keq!

Greva e viteve ‘90 ku u ngujuan për herë të parë këta minatorë, bëhej në rrethana të tjera. E megjithatë reagimi i qytetarëve, duke e njohur kauzën e drejtë, bëri që kjo grevë të ishte një ndër mekanizmat vepruese të suksesshme që përmbysën një ndër sistemet më totalitare në kontinent.

Në fund të dekadës së parë të mijëvjeçarit të ri, e njëjta popullatë, megjithëse me shumë më tepër mjete komunikimi, ndihet e mpirë politikisht dhe nuk mund të bëjë asgjë veçse të numërojë ditët e mbetura nga autoritarizmi tragjik. Ironi fatale prej atij që duhet të ishte bashkudhëtari i luftëtarëve të lirisë.

Medalja “Pishtar i Demokracisë” do të thotë shumë për punëtorët që e ngrysin ditën në errësirën e galerive të nëndheut. Shpresa-dritë në fund të tunelit për ta nuk është metafora e radhës. Nuk e kuptojnë se si pikërisht qeveria demokratike të cilën e sollën në jetë, një ditë do të ishte qëllimisht e shurdhër dhe e verbër ndaj problemeve që ata kanë, do të përcillte me një indiferencë dhe arrogancë të ulët vdekjet e përjavshme në gropat e ferrit në Bulqizë, do të vazhdonte të firmoste kontrata dhe koncesione vdekjeprurëse.

Heqja dorë nga kjo medalje në mënyrë demonstrative, është një akt i hidhur për ta. Por e djeshmja, mbi të gjitha, është një ditë me simbolikë të hidhur për Kryeministrin. Refuzimi me përbuzje i flamurit të një beteje për të cilën ai me kohë është hequr si komandant - atë të demokracisë - është caku i tij. E tillë është edhe dhimbja e atyre që dikur ishin bashkëluftëtarët e një kauze fisnike dhe sot shohin te ai shkakun e vuajtjes, skamjes dhe dëshpërimit.

Sot ai pishtar i demokracisë ndizet për të shuar pikërisht aureolat e një figure që mëtoi të ishte një ndër personazhet më të rëndësishme të ndërrimit të sistemit komunist. Sot pishtari i demokracisë digjet për të shkrumbuar kotësinë e bëmave pa lidership, pa vizion dhe së fundi pa humanizëm. Kamerat që filmuan, në fakt dokumentuan një moment historik.

[Nice_Boy]

TE GJITHË - NJERËZIT E THAÇIT

SI NEGOCION BATON HAXHIU NË EMËR TË KRYEMINISTRIT THAÇI PËR KRYESPIUNIN E KOSOVES


Baton Haxhiu dhe Arianit Koci

Foto: Java

Baton Haxhiu, ‘zëvendëskryeministri’ i Qeverisë Thaçi, i autorizuar nga Kryeministri për punë të dyshimta (dhe për lidhjet me Sali Berishën, që Haxhiu i mban përmes Blendi Fevziut), po zhvillon takime dhe bisedime intenzive për të caktuar dhe identifikuar emrin që duhet Kryeministri më pastaj ta përkrah dhe eventualisht ta propozojë si shefin e Shërbimit Intelegjent të Kosovës edhe para ndërkombëtarëve.

Emrat që shtypi kosovar i hodhi në publik si Arianit Koci, Ylber Hysa, Dukagjin Gorani…njëkohësisht po ky shtyp (sidomos Koha ditore) i prezentoi si emra që do jenë më të afërt e më lojalë me ndërkombëtarët, sesa me Kryeministrin dhe Qeverinë e tij. Por, Hashim Thaçi nuk do ishte Hashim Thaçi po të mos ishte gjithmonë dy hapa më para se opinioni kosovar dhe ndërkombëtarët (e sidomos Koha ditore!).

Emri që më së shumti u përfolë dhe u lakua si propozimi më i dashur dhe më i afërt për Kryeministrin, Kadri Veseli, me emrin konspirativ “Luli”, që jo vetëm gjatë luftës, po gjithmonë ishte pjesa e padukshme e Hashim Thaçit, engjulli mbrojtës i Thaçit, guximi dhe trimnia e të cilit nuk kontestohet nga askush brenda PDK, si për habi të opinionit, papritmas vullnetarisht dhe publikisht hoqi dorë nga ky oportunitet. Me një prononcim ekskluziv në RTK, lexoi një shpërbërje publike të një shërbimi sekret për të cilin të gjithë e dinin, por vetëm me këtë akt shpërbërjeje u mësua publikisht dhe zyrtarisht se – paska ekzistuar!

Kryeministri Thaçi, nga ana tjetër, me këtë lëvizje taktike të zhvendosjes së emrit të

Veselit si kryespiun i mundshëm, në të vërtetë fitonte dy herë: plotësonte kërkesat e ndërkombëtarëve që i kandiduari për këtë post të mos jetë në asnjë mënyrë njeri i partisë së tij, si dhe në anën tjetër, hapte rrugë për disa emra që njihen si “të pavarur”, si Hysa, Gorani, Koci…që opinioni dhe ndërkombëtarët e kanë të vështirë t’i lidhin drejtpërdrejtë me Kryeministrin Thaçi, po që në të vërtetë për të informuarit njihen si “Njerëzit e Thaçit”. Si lidhen këta emra Gorani, Koci, Hysa…me Kryeministrin?



Dukagjin Gorani është mik i studimeve dhe i rinisë i Hashim Thaçit. Cimera! Aktualisht këshilltar zyrtar i tij. Kur Hashim Thaçi si shef politik i UÇK kishte hyrë në Prishtinë pas çlirimit nga NATO, njëra nga shtëpitë ku Thaçi ka qëndruar është edhe shtëpia e babait të Goranit, një tregim që Gorani e tregon gjithandej, sa për të theksuar lidhjet dhe afërsinë që ka ai me Thaçin, si “shokë të luftës”.

Vetë fakti se Gorani në përgjithësi është i prirur për t’i bërë publike sekretet, si këtë afërsi me Thaçin, i zvoglon mundësitë që ky të jetë kandidat serioz për këtë post të ‘rojtarit të sekreteve’.



Ylber Hysa, emër që përmendej shumë kohë më parë sesa këta emra shpërthyen në media, si kandidat shumë serioz për këtë post, është një nga tregimet ma spektakulare të jetës partiake kosovare, nëse spekulimet që ndjekin Hysën provohen vetëm pak si të vërtetë.

Si lidhet njeriu i dytë i partisë “ORA”, miku më i ngushtë i Veton Surroit, me Hashim Thaçin?

Sipas burimeve të “Javës”, Hysa nuk lidhet direkt me Thaçin, por Hysa lidhet me elemente të shërbimit intelegjent që udhëhiqej nga Kadri Veseli. Elemente brenda këtij shërbimi, e kanë suportuar e kanë bindur dhe e kanë përkrahur Hysën në idenë që t’ia plasojë dhe sugjerojë idenë e themelimit të një partie politike, njërit nga reprezentët më të shquar të shoqërisë civile të Kosovës, Veton Surroit. Sipas këtyre burimeve, themelues i vërtetë i partisë “ORA” gjatë gjithë kohës ishte tërthorazi – Hashim Thaçi - me idenë e tij për të përkrahur çfarëdo partish e inciativash qytetare, të cilat do kishin mundësi që ta zvogëlonin përkrahjen e qytetareve që gëzonte LDK dhe Ibrahim Rugova asokohe.

Sipas këtyre burimeve, Ylber Hysa, pak muaj para themelimit të partisë “ORA”, është parë “natë për natë” në shoqëri rakie e miqësie me elemente brenda shërbimit intelegjent të udhëhequr nga Kadri Veseli. Në këto takime, Hysa shpesheherë është parë në këto kafe me një pjesëtar të SHIK-ut - i njohur për redaksinë – ku në këto ndeja shumëherë ka qenë i pranishëm edhe ish nënkryetari i KMDLNJ-së, Ibrahim Makolli, sot nënkryetar i AKR-së. Hysa e kishte për detyrë ta bindte Surroin të krijonte parti. Hysa, Makolli dhe pjesëtari i SHIK-ut ( i njohur për redaksinë) janë parë bashkë shpeshëherë edhe pas formimit të Partisë “Ora” – në kafiterinë “Strip-Depo”, një kafiteri e njohur në kryeqytet, ku rrijnë themeluesit dhe drejtuesit e gazetës “Express” dhe reprezentë të PDK, që simbas burimeve të “Javës”, janë finansuesit dhe themeluesit e gazetës “Express”. Në fakt, ideja dhe të gjitha mbledhjet për themelimin e gazetës “Express” janë mbajtur në këtë kafiteri. Një nga ftuesit që ka ftuar gazetarë të redaksive, disa prej këtyre emrave të ditur edhe për redaksinë, e që janë ysht që t’i lëshojnë redaksitë e tyre e t’i bashkohen gazetës “Express” është vetë - Kryeministri Thaçi.



Po Arianit Koci? Nga lindi Koci?

Koci nuk ka lidhje me Thaçin, thonë burimet e “Javës”. Koci ka lidhje me Baton Haxhiun. Haxhiu është i autorizuar nga Kryeministri që ta përpunojë Kocin, si emrin më të panjohur dhe më të mundshëm për kryespiun, sepse që të gjithë emrat tjerë disi ‘kompromitohen’ shkaku i afërsisë direkte apo indirekte me Kryeministrin.

Arianit Koci, i biri i kompozitorit Akil Koci, që ka filluar karierën si argjentar, për të vazhduar më pas studimet e muzikës dhe për të përfunduar si avokat, është propozimi ‘gjenial’ i Haxhiut. Koci ishte avokati që reprezentonte gazetën “Express” në seanca gjyqsore, gjatë kohës sa ishte Haxhiu drejtor i kësaj gazete (të gjitha proceset Koci zakonisht i ka humbur!). Si politikisht virgjin, aspak i lidhur me ndonjë parti a lider, një autsajder i përkryer, shihet dhe propozohet nga Haxhiu si një kandidat i gjetur, të cilin janë të bindur Thaçi e Haxhiu se disi do ta kapërcejnë nëpër “detektorin e rrenave” të ndërkombëtarëve që ta shesin si ‘të pavarur”, e ta ‘mjelin’ si të vetin.

Haxhiu këto ditë po zhvillon bisedime intenzive jo vetëm me Kocin (shif foton), po edhe me persona tjerë që shihen nga Haxhiu, si i angazhuar nga Kryeministri, për t’ia propozuar ndonjë emër që kishte për ta kaluar ‘detektorin e rrenave’ të ndërkombëtarëve dhe njëkohësisht do mbetej i tyre.

Kush do kapërcejë nëpër ‘detekorin e rrenave’ për t’u bërë Kryespiuni i Kosovës, njëri nga emrat e lakuar, apo ndonjëri nga emrat që s’u lakuan në këtë eksplorim, mbetet të shihet. Të gjithë po e presin Tinën.



Pse është i rëndësishëm drejtimi i Agjencisë së Ardhshme të Intelegjencës?

SHIK-u ka qenë më i sukseshëm në Kosovë sesa shërbimet e partive tjera politike në Kosovë, falë lidhjeve të krijuara me SHIK-un e Shqipërisë gjatë kohës së luftës. Sot SHIK-u (Shërbimi Informativ Kombëtar) i Shqipërisë është konvertuar në SHISH (Shërbimi Informativ i Shqipërisë). SHISH, në fakt, edhe i ka hapur rrugën SHIK-ut për zhvillimin e kontakteve të mëtutjshme me vendet e huaja. SHIK dhe SHISH edhe sot mbajnë marrëdhënie të mira. Konsiderohet se SHISH i ka krijuar “Lulit” dhe SHIK-ut të tij marrëdheniet e mira me shërbimet izraelite – ku janë trajnuar një pjesë e “agjentëve” të SHIK-ut.

Por, megjithatë, Shërbimet Informative të partive, deri tash, gati kryesisht janë marrë me kontrollin e bizneseve të mëdha në Kosovë, si biznesi i naftës, alkoolit dhe duhanit - sesa me informacionin në shërbim të qytetarëve ose shtetit. Shërbimi Informativ Kombëtar, i njohur si SHIK, është formuar gjatë kohës së luftës në Kosovë – i cili më shumë është marrë me fondet e “Vendlindjes Thërret”, sesa me zbulimin e informacioneve në dobi të luftës së UÇK-së. Në atë kohë, Kadri Veseli, i njohur si “LULI”, kishte krijuar një Njësit të Shërbimit të tij Informativ - të quajtur ZKZ (Zbulim Kundër Zbulimit), një Njësit i udhëhequr dhe përbërë kryesisht nga studentë të asaj kohe, të gatshëm për t’i ndihmuar UÇK-së. Njësit i cili merrej me mbledhjen e informacioneve, kryesisht, nga zonat dhe qytetet ku nuk vepronte UÇK. Kurse, vetë SHIK-u, më shumë merrej me “transferimin” e fondeve nga “Fondi i Tre Përqindëshit” në fondin “Vendlindja Thërret”. Një “aksion” që pati sukses sidomos në disa vende të Europës dhe te një pjesë të shqiptarëve të Amerikës. Pas luftës, ky Shërbim është marrë me krijimin e “dosjeve të zeza” të partive rivale, sikur rasti i krijimit të “Dosjes” kundër LDK, të cilën ky shërbim e lansoi pikërisht përmes gazetës së saponisurt asokohe – “Express”. Në fakt, kundër Ramë Marajt dhe Shërbimit të tij, i cili më vonë është hetuar nga policia ndërkombëtare për veprimtari të dyshimta.

SHIK-u i “Lulit” edhe pse i titulluar si Shërbim… Kombëtar, i ka shërbyer vetëm interesave të Hashim Thaçit (Cimerit), madje as partisë (PDK). Meqenëse Kadri Veseli, në Kosovë është identifikuar, botërisht, si njeri shumë i afërt me Hashim Thaçin, me siguri se edhe nuk do të jetë në krye të Agjencisë së Ardhshme të Intelegjencës së Kosovës. Mirëpo, “Luli” enigmatikë qysh sot lakohet si emër i mundshëm për – Ministër të Mbrojtjes.


© by Gazetajava.com

[Brari]

breshk.. si gjithmone..je teper i sakte..

te lumte fjala e mendja..

njimand..

cfar lidhje ka kadri veseli i shikut polpotist.. me sali veselin.. gjeneralin e tmk-se se thaq qose jakupit.. qe pagoj ningjen me para per te vrare ne pabesi.. komandant drinin?

[Duaje Siveten]

keni tejkalua parashikimet e pllanet ne m*sturbim ...

ashtu si ne zgjedhje, nga 100 votues, keni mare 115 vota

he, ju lumsha!