Kuriozitete ne Islam !!!

[miska]

I lartësuar qoftë Allahu. Arra i përngjan së tepërmi formës së trurit me dy hemisferat e tij! Studimet vërtetojnë se ngrënia e arrës ndikon në rritjen e shumë qelizave nervore të cilat ndihmojnë veprimtarinë e trurit…


Fasuleja u ndihmon veshkëve në kryerjen e punës së tyre…; ajo i përngjan formës së tyre…


Selino i përngjan formës së eshtrave, madje është e dobishme për to. Sasia e sodiumit në selino është 23 %; e njëjta përqindje gjendet në eshtra.

[miska]

Avokado, patëlxhani dhe dardha janë të domosdoshme për shëndetin e mitrës së gruas. Studimet tregojnë se nëse gruaja ha një kokërr avokado për çdo javë, një gjë e tillë ndihmon në barazpeshën e hormoneve të mitrës si dhe pakëson gjasat e sëmundjes së kancerit të qafës së mitrës. Është me rëndësi të përmendim faktin se avokado ka nevojë për 9 muaj që të piqet plotësisht.



Fiku.. Është pemë e mbushur plotë e përplotë me fara, dhe se përdorimi i tij është i dobishëm për burrat, pasi rrit numrin e spermatozoidëve si dhe pakëson gjasat e sterilitetit.

Ulliri është i dobishëm për shëndetin dhe punën e vezoreve të gruas… I lartësuar qoftë Allahu.

Allahu është betuar në këto dy fruta, dhe pas betimit vazhdon me fjalët e Tij:

1.Pasha fikun dhe ullirin,
2.Edhe Turi Sinanë,
3.Edhe këtë vend të siguruar!
4.Ne e kemi krijuar njeriun në formën më të bukur,
5.Pastaj e shtyjmë në fund të fundit,
6.Përveç atyre të cilët besojnë dhe bëjnë vepra të mira. Ata i pret shpërblim i vazhdueshëm.
7.E çka po të shtyn pra të përgënjeshtrosh botën tjetër?
8.A nuk është All-llahu më i drejti gjykatës?!

[miska]

Patateja e ëmbël për nga forma i përngjan pankreasit dhe ndihmon në barazpeshën e sheqerit në gjak.


Portokalli, limoni dhe agrumet tjera u përngjajnë gjëndrave të cilat tajitin qumështin në gjoksin e gruas, madje ato janë të rendësishme për shëndetin e gjirit…

Qepa… u përngjan qelizave të trupit… Studimet tregojnë se qepa ndihmon në pastrimin e trupit nga sekrecionet, si dhe i bën sytë të lotojnë, me ç'rast lotët bëjnë pastrimin e shtresave të syve.

Subhana'All-llah - I lartësuar qoftë Allahu.


La ilahe il All-llah - Nuk ka Zot tjetër përveç Allahut.

[fisniku-student]

"Femra ne Moshen e Pleqeris ,nuk e ka Obligim Shamin"


"Babai i Ibrahimit a.s. quhej Azer. "


"Muhammedi a.s. e ka bërë umrën katër herë. "


" Allahu xh.sh. në Luften Bedërit pati dërguar një mijë engjëj. "

[dallendyshi]

[fisniku-student]

ARTİSTËT E ZBUKURİMEVE: ZOGU TENDË

A e dinit ju që këta zogj zbukurojnë foletë e tyre? Ashtu si qeniet njerëzore që stolisin vendin ku jetojnë, disa lloje zogjsh zbukurojnë foletë e tyre. Sjellja e këtyre zogjve është e mrekullueshme. Ndonjëherë ata stolisin foletë e tyre me objekte zbukuruese që mbledhin andej-këndej ose pikturojnë muret e foleve të tyre me fruta me ngjyrë.




Zogu tendë, një lloj zogu australian që është një nga shpendët që pikturon folenë e tij është me të vërtetë “ekspert i arkitekturës”. Masa e mashkullit është sa e një pëllumbi. Ndërsa ndërtojnë folenë e tyre, ata ndërthurin dhjetëra degë të holla në dy radhë, secila përballë tjetrës, siç shihet edhe në figurë. Në këtë mënyrë, ata ndërtojnë një lloj tende. Zogu i grumbullon të gjitha materialet e marra nga mjedisi rrethues përballë kësaj tende. Materialet janë nga më të ndryshmet. Ato mund të jenë krahu i një fluture, penda e ndonjë zogu, çelësat e një makine ose disa letra paketimi. Ky lloj zogu është i interesuar veçanërisht për objektet në ngjyrë të kaltër. Siç mund ta shihni edhe në figurë, ai ka grumbulluar në folenë e tij të gjitha objektet e kaltra që ka gjetur.

Përveç kësaj, ai përdor edhe disa mënyra të tjera stolisjeje. Zogu tendë pikturon muret e folesë se tij. Doni ta dini se si? Ai mbledh bimë të ngjyrave të ndryshme dhe pikturon muret duke përdorur copa prej tyre. Ndonjëherë përdor qymyr që e përzien me jargët e veta. Ai i pikturon muret e folesë se tij, të ndërtuara me degë, edhe me një copë lëvore druri që mban në gojë.

Allahu është Krijuesi i të gjitha llojeve të zogjve, qofshin këta të rrallë si zogjtë tendë, qofshin ndër ata që i shohim më shpesh, si pëllumbat dhe harabelat. Allahu i Gjithëlavdishëm u mëson zogjve të vegjël si të ndërtojnë dhe zbukurojnë folenë e tyre. Ajo çka neve na takon të bëjmë është të mendojmë në mënyrë të veçantë mbi këto karakteristika të kafshëve për të kuptuar më mirë fuqinë e madhe të Allahut, i Cili thotë në një ajet kuranor:

Ai ka bërë gjithçka në qiej dhe në tokë të dobishme për ju. Gjithçka është nga Ai. Në këtë fakt ka argumente për njerëzit që mendojnë. (El-Xhathije: 13)

[fisniku-student]

" Zinaja (Prostitucioni) do te jet ajo qe do ti fut me se shumti Njerzit ne Xhehennem "


"Surja El-Enfal flet për betejën e Bedrit."


" Dënimi i të pamartuarit-/ës për prostitucion është njëqind goditje dhe dëbim nga vendbanimi për një vit. "


" Dënimi për homoseksualin dhe për marrëdhënie me kafshë është vdekja, pa marrë parasysh nëse është i martuar apo jo. "

[[Perla]]

Nje sixhade qe ishte porositur 150 vjet me pare ne Indi per te dekoruar varrin e profetit Muhamed ne Medine, u shit per rreth 5,5 milione dollare ne nje ankand ne Doha.

Identiteti i bleresit nuk eshte zbuluar, pasi ai kerkoi te mbetej anonim, njoftoi shtepia e ankandeve, Sotheby’s. Sixhadja ishte punuar me 2 milione perla dhe ishte dekoruar me gure te cmuar si diamante, zafir, apo smerald.

Sipas parashikimit fillestar, sixhadja duhej te shitej per 5 milione dollare. Sixhadja ishte pjese e pasurise se Muharazhait te Barodas, si nje dhurate per varrin e Muhamedit, por qe me vdekjen e tij nuk u dergua kurre ne Medine.

Kronika

Top-channel

[fisniku-student]

MREKULLIA E KRIJUESIT - BIMA MIZËGJUAJTËSE

Përveç krijesave të panumërta që krijoi Krijuesi i Plotfuqishëm ekzistojnë edhe bimë që "gjuajnë" duke u shërbye me metoda vërtet të jashtëzakonshme.

Njëra prej këtyre është bima mizëgjuajtëse e cila i ngrënë insektet që vendosen në të.





Sistemi i gjuajtjes i kësaj bime vepron në këtë mënyrë: miza e cila kërkon ushqimin në mesin e bimëve shpejtë vendoset në bimën e cila është shumë tërheqëse- mizëgjuajtësa.

Kjo bimë, ngjason në duar që mbajnë pjatën, është shumë tërheqëse ngjyra e saj kuqe, dhe që është me rëndësi, aroma e ëmbël që lëshojnë gjëndrat të renditura rreth petaleve të saj.

Miza e tërhequr nga kjo aromë e këndshme pa u luhatur fluturon dhe ateron te kjo bimë. Duke lëvizur kah burim i ushqimit, ajo patjetër prekë në shikim të parë qimet e parrezikshme të bimës. Shpejtë pas kësaj, bima menjëherë mbyllë petalet e saja.Miza ngecë e ndrydhur fuqishëm në mes dy petaleve. Bima mizëgjuajtëse atëherë fillon të tajojë lëng për "zbërthimin e indeve" e cila bën që miza të transformohet në një substancë xhelatinoze, të cilën e thithë bima.

Shpejtësia me të cilën kjo bimë e kapë mizën është e pabesueshme. Shpejtësia me të cilën ajo mbyllë petalet e saj është më e madhe se shpejtësia e mbylljes së shuplakës të cilën mund ta bëjë njeriu.

A thua si kjo bimë, e cila nuk ka muskuj as eshtra, mund ta bëjë këtë lëvizje kaq të shpejtë?

Hulumtimet shkencore treguan se brenda bimës mizëgjuajtëse ekziston një sistem elektrik i cili funksionon në këtë mënyrë: prekja e qimeve të kësaj bime, përcillet deri te receptorët nën qime. Nëse prekja mekanike është mjaft e fuqishme, këta receptor dërgojnë sinjale elektrike, si valët e ujit deri te petalet.

Këto sinjale transmetohen deri te qelizat e motorit i cili lëvizë petalet, dhe kështu përfundimisht aktivizojnë sistemin i cili rrëmben mizën.

Sistemi mekanik me të cilin kurthi mbyllet gjithashtu është konstruktuar në mënyrë të përkryer. Në brendinë e bimës pasi pranohet stimuluesi elektrik, qelizat e ndryshojnë koncentrimin e ujit në të. Atëherë qelizat në brendinë e kurthit e lëshojnë ujin nga trupi i saj. Në anën tjetër qelizat nga ana e jashtme e kurthit e pranojnë tepricën e ujit dhe rriten. Kështu kurthi mbyllet në të njëjtën mënyrë sikurse njeriu kur shtrëngon shuplakën, një muskul tkurret e tjetri relaksohet. Miza e kapur brenda bimës padyshim shumë herë prekë qimet, duke kontribuar që forca elektrike përsëri të lirohet, dhe kurthi edhe më fort mbyllet. Në ndërkohë aktivizohen gjëndrat për tretje, që ekzistojnë në kurth. Si rezultat i stimulimit këto gjëndra e mbysin insektin dhe fillojnë ta tretin. Kështu bima thithë lëngun e begatë me albuminë. Në fund të tretjes, mekanizmi i cili bëri që kurthi të mbyllet, përsëri aktivizohet dhe hapet.

Ky sistem e ka edhe një veçori kryesore interesante: për tu aktivizua kurthi, qimet duhet të preken dy herë radhazi. Prekja e parë shkakton ndryshim elektrik statik, por kurthi nuk mbyllet. Kurthi mbyllet vetëm gjatë prekjes së dytë, pasi që ndryshimi statik arrin një vlerë të caktuar dhe paraqitet zbrazja. Pra, meqë kemi të bëjmë me sistem të dyfishtë të aktivizimit, bima mizëgjuajtëse asnjëherë nuk mbyllet pa arsye.

P.sh: Kurthi nuk aktivizohet kur në të bie pika e shiut.

Të mendojmë tani këtë sistem, të jashtëzakonshëm që krijoi Krijuesi i Plotfuqishëm.

Tërë ky sistem që ekziston te kjo bimë, e ne e dimë se bimët nuk janë insektngrënëse, për ta kapur gjahun e saj dhe ta tretë në mënyrë adekuate. Mungesa vetëm e një elementi do të thoshte vdekje për këtë bimë.P.sh: nëse në brendinë e petaleve nuk do të kishte qime bima nuk do të mbyllej, sepse reaksioni asnjëherë nuk do të fillonte pa marrë parasysh që insekti do të sillej rreth dhe brenda bimës.

Nëse sistemi për mbyllje do të ekzistonte, por bima nuk do të kishte veçorinë e tajitjes së substancës për tretjen e insektit, tërë sistemi do të ishte i pavlerë. Shkurtimisht mungesa e cilit do element të sistemit do të thoshte vdekje për bimën. Kjo bimë, që nga momenti kur është krijuar, ka pasur gjithnjë karakteristikat e përmendura. Dhe me siguri as "aktet magjike të rastësishme" nuk e kanë bërë këtë bimë të jetë gjuajtës profesional.

Dr Ali Iljazi

[Arber gerguri]

MREKULLIA E KRIJUESIT - BIMA MIZËGJUAJTËSE

Do t'i bashkangjitja kesaj teme edhe dy video qe te shikoni! Vertet intresant......

[fisniku-student]

Misvaku - ilaç preventiv për dhëmbë


Njëra prej mënyrave më efikase për mbrojtjen e dhëmbëve është misvaku i cili është përmendur disa herë në hadithet e Pejgamberit s.a.v.s..

Misvaku është shkop i cili përdoret për masazhin e brendisë së gojës dhe ka marrë emrin nga fjala arabe "judlik", që bukvalisht mund të përkthehet në kuptimin "masazh" (që d.m.th. masazhi i brendisë së gojës).

Lloji më i mirë i misvakut është druri "arak" (Salvadora persica). Misvaku i Pejgamberit s.a.v.s. ka qenë nga ky dru. Misvaku është degëz e forcuar me minerale natyrore që ndihmojnë në pastrimin e dhëmbëve, pastaj me inkibitorë tjerë të cilët pengojnë gjakderdhjen nga mishi i dhëmbëve, materie që mbysin mikrobet (baktericid) me aromë natyrale të freskët.

Misvaku është brushë ideale, natyrale e cila përmban më shumë përbërës kimik se çdo pastë tjetër artificiale për dhëmbë.

Sikur brusha për dhëmbë, misvaku pastron në mes dhëmbëve dhe nuk thehet nën asnjë presion, bile është më i fortë dhe fleksibil. Palca e misvakut formësohet në formë të përshtatshme duke pastruar bile edhe ushqimin e mbetur në mes dhëmbëve, njëkohësisht duke mos e dëmtuar mishin e dhëmbëve.

Pejgamberi s.a.v.s. para 14 shekujve na ka mësuar ta përdorim misvakun për t'i pastruar dhëmbët dhe gojës duke i dhënë aromë të këndshme.

Enesi r.a. transmeton që Pejgamberi s.a.v.s. ka thënë: "Sa herë që Xhibrili më vizitonte më këshillonte të shërbehem me misvak."
Ngecjet e ushqimit në mes dhëmbëve ofrojnë mjedis ideal për zhvillimin e miliona baktereve që mund të shkaktojnë sëmundje qelbuese të mishit të dhëmbëve dhe cistë. Në rastet më të rënda mund të vijë deri te inflamimi i maksilës ose mandibulës.

Bakteret gjithashtu prodhojnë enzime të dëmshme që tretin kalciumin nga dhëmbët duke shkaktuar karies. Në raste serioze, bakteret krijojnë gazra që shkaktojnë kundërmim nga goja. Para pak kohësh studimet zbuluan që misvaku posedon minerale natyrore që mbysin mikrobet dhe mënjanojnë pllakëzat.

Pejgamberi s.a.v.s. e kishte zakon të fërkojë misvakun me gjuhën, dhëmbët dhe mishin e dhëmbëve.

Ebu Musa el-Esh'ariu r.a. ka thënë: "E kam vizituar Pejgamberin s.a.v.s. ndërsa misvakun e kishte në majën e gjuhës."


Përbërësit kimik të misvakut

Misvaku përbën 19 përbërës efikas veprues. Më të rëndësishmit në mesin e tyre janë:

1. Inkibitorët e acidit antibakterial. Këta janë materie natyrale dhe mund të përdoren për ndaljen e gjakderdhjes. Këta pastrojnë edhe plagën më të vogël ekzistuese në mishin e dhëmbëve. Gjatë përdorimit të parë misvaku mund të ketë shije të djegës, ngase në të është gjetur substanca e ngjashme me senfin, i cili lufton qelbosjet në sojë dhe shkatërron bakteret.

2. Minerale sikur natriumi, klori, kaliumi, bikarbonati i natriumit, dhe oksidi i kalciumit. Këta pastrojnë dhëmbët. P.sh. asociacioni dental Amerikan mendon se bikarbonati i natriumit është përbërës i dëshiruar i pastave të dhëmbëve.

3. Vajra aromatike natyrale që janë të shijshëm dhe kanë aromë të këndshme duke i dhënë edhe gojës aromë. Këta përbëjnë rreth 1% të misvakut.

4. Enzimet që pengojnë krijimin e pllakëzave që shkaktojnë sëmundjet e mishit të dhëmbëve. Pllakëzat janë shkas numër një i humbjes së hershme të dhëmbit.

5. Përbërësit që parapengojnë qelbosjen dhe bakteret, e që veprojnë si një lloj antibiotiku duke zvogëluar sasinë e baktereve në gojë.

Disa shkencëtarë kanë zbuluar se përdorimi i brushës së thatë shkakton dëmtimin e shpejtë të dhëmbëve, ndërsa brusha e lagësht zbut dëmtimin e dhëmbëve. Për këtë misvaku duhet lagur para përdorimit. Nëse nuk ka alternativë, mjafton pështyma për ta lagur drurin. Misvaku gjithashtu përmban kemikale që shtojnë sasinë e pështymës në gojë e cila ofron mbrojtje natyrale dhe pastrim.


Përktheu dhe përshtati:
Prim.dr.med.sc. Ali F. Iljazi

[fisniku-student]

Genjeshtra ne Islam Arsyetohet(Lejohet) Vetem ne 3 Raste:


1. Në luftë



2. Në pajtimin e dy personave dhe



3. Gënjeshtra e burrit ndaj gruas dhe anasjelltas me qëllim që të mos ndahen dhe të shtohet dashuria mes tyre.

[fisniku-student]

Ky Lloj Namazi ,Personalisht Mendoj se Eshte Vete Mrekullia qe mund ta shijoj qdo Musliman . Mrekullia e ketij Namazi eshte e Prekshme dhe Rezultatet e ketij Namazi jan poaq ftrytedhenese sa qe mund ta ndjesh Keshillen dhe Udhezimi e Allahut drejt nje zgjedhje qe ti ke Dilema per të. Kush deshiron qe te mos Gaboj ne Jete ,qoft ne Jeten Private apo edhe ne Lamit e jetes qe kan te bejne rreth Shkollimit,Punes dhe Profesionit etj..ateher duhet te ju drejtohet qdo Besimtar ketij Namazi qe pastaj ,ta ndjej dhe praktikoj Keshillen per nje Dilemë qe ke ne Jete.

Istiharja



Ka thene i Derguari i Allahut - Muhamedi a.s.:

"Lumturia e birit te Ademit varet nga te qenurit i lumtur me çka Allahu i ka dhene atij,

mërzia e birit te Ademit vjen nga mosfalja e Isti'hares,

dhe pakenaqesia e birit te Ademit rezulton nga qenia jo i kenaqur me çfare Allahu i ka dhene atij."

Hadith - al-Tirmidhi # 2151. [I cilesuar si Sahih dhe Hasen]

* Duaja e Istihares eshte transmetuar nga Xhabir Ibn 'Abdullah i cili ka thene se: "Profeti, alejhi selam (paqja qofte mbi te), na mesonte te bejme Istiharen per gjithe çeshtjet/punet tona, ashtu siç na mesonte suret e Kuranit. Ai (profeti) na thoshte: 'Nese ndonjeri prej jush mendon te beje diçka, le te fale dy rekate namaz (jo prej namazit farz) dhe te thoje (pas namazit) duane e Istihares..."

* Pra, Namazi i Istihares eshte ai namaz ne te cilen ne myslimanet pyesim Allahun e gjitheditur dhe qe i ka shkruar tashme ceshtjet tona, se cilen rruge duhet te marrim. Per te falur namazin e Istihares, njeriu duhet te fale dy rekate namaz (jo-farz), dmth ato mund te jene dy rekate sunet ose nafile dhe mund te falet ne çdo kohe te dites apo nates. Si i tille mund te sherbeje edhe nje namaz sunnet i ndonje vakti, por duke i vene si nijet pervec namazit te synetit edhe nijetin e Istihares.
Per shembull, le ta zeme se do te falesh namazin e sabahut (synetin), atehere ver ne zemren tende si nijet " Une po fal synetin e sabahut dhe njekohesisht edhe namazin e istihares". Ne kete namaz, pasi ke falur dy rekate te zakonshem me Fatihane, nje sure dhe te gjitha te tjerat sipas rregullit, ulu ne uljen e fundit tek "Etehijatu..." ,thuaj ato qe thua zakonisht dhe pasi te japesh selam dhe te besh pak dhikr pas selamit si psh. estagfirullah, estagfirullah, estagfirullah, Subhanallahi uel hamdulilahi ue la ilahe ilallah uallahu ekber, etj. thuaj kete dua , qe quhet "Duaja e istihares" (ne qofte se nuk e dime permendesh, por desherojme te falim kete namaz, atehere mund ta mbajme copen e letres me duane te shkruar afer vetes dhe pastaj, pas selamit, ta marrim letren ne gjunje dhe ta lexojme duane.

DUAJA E ISTIHARES (Arabisht)



* "Allahumme in-ni estekhiruke bi ilmike. Ue estakdiruke bi kudretike, ue es'eluke min fadlikel-adhim.
Fe inneke takdiru ue la akdiru, ue ta'lemu ue la a'ëlemu, ue ente 'allamul - gujub.
Allahumme, in kunte ta'ëlamu enne hadheI emru (emerton ketu nevojen tende) hairun li fi dini ue ma'ashi ue akibeti emri ue 'axhilihi ue axhilihi fakdirhu li ue jes-sirhu li thumme barik li fihi.
Ue in kunte ta'ëlemu en-ne hadhel emru sherrun li fi dini ue me'ashi ue akibeti amri ue 'axhilihi ue axhilihi fasrifhu anni uesrifni anhu uakdir li al-hajre haithu kana thum-ma ardini bihi"



DUAJA E ISTIHARES (Shqip)

* " O Zot, me diturine Tende kerkoj hajrin! Kerkoj ndihme prej fuqise Sate, kerkoj prej te mirave te Tua te shumta, sepse Ti je
i gjithefuqishem, e une jam i dobet, Ti di cdo gje e une nuk di, Ti je Ai qe i di te fshehtat.
O Zot, nese kjo pune e imja (emeron ketu deshiren, hallin, etj) eshte hajr per fene dhe jeten time, per kohen e tashme dhe te ardhmen, bej te mundshme qe te realizohet, lehteso dhe beko.
E nese kjo pune eshte e demshme per fene dhe jeten time , per te tashmen dhe te ardhmen dhe per ne ahiret, largoje prej meje dhe me largo mua nga ajo, me percakto hajrin kudo qofte, pastaj me bej te kenaqur me te."

* Pergjigja e lutjes se ketij namazi mund te vije ne menyra te ndryshme, si psh. dikush (mysliman) te keshillon me nje keshille te çmuar ne lidhje me çeshtjen tende, ne enderr ndoshta, apo ne zemer ndihesh e frymezuar dhe e qete ne vendimin tend dhe se kjo eshte rruga e drejte dhe qe do Allahu.

* Pejgamberi a.s. ua mesonte as'habeve duane e istihares siç ua mesonte suret e Kuranit dhe i porosiste qe ta bejne praktike per cdo pune te rendesishme. Thoshte : "Kur ndokush prej jush deshiron te vendose per ndonje pune te rendesishme, le t'i fale dy rekate namaz e pastaj te thote: ....dhe u thoshte duane e istihares.

* Rastet per te cilat perdoret duaja e Istihares jane ta panumerta, si psh para se te niseni ne ndonje udhetim, para se te vendosni per martese, per fushen e studimeve qe duhet te ndjeke, etj, dmth ne çdo situate qe ke te besh me pasiguri dhe duhet te marresh vendim.

* Dhe se fundi theksojme se eshte e rendesishme te kesh besim dhe te mbeshtetesh tek Allahu:

"... e kur të vendosësh, atëherë mbështetu në Allahun, se Allahu i do ata që i mbështeten (Atij)."
(Sure Ali Imran, 3:159)

[ILMGAP]

Salaam Aleikum
Vëlla i Nderuar : fisniku-student do dëshiroja që unë të falëndëroja për këto kuriozitete ( ISLAME ) dhe do dëshiroja që All-llahu Xh.Sh të shpërblente për mundin e bërë në fenë e tij.
InshAll-llah dëshiron All-llahu Xh.Sh e shumëfishohen njerëzit sikur ti që ndihmojnë në zhvillimin e diturisë ( aq më pak ISLAME ) .
All-llahu i Lartëmadhëruar të Shpërbleft në botën tjetër ( Xhennetin )

Salaam Aleikum
Me Rrespekt : ILMGAP

[IntiFad@]

“Edhe në tokë ka argumente për ata të bindurit. Po edhe në veten tuaj. A nuk po mendoni?” (Dharijat, 20-21)



Në Kuranin famëmadh ka shumë ajete që tregojnë se Islami është e vetmja fe e vërtetë, fe e cila ngërthen të dhëna të shumta shkencore. Shkenca bashkëkohore është fushë e veçantë për shpjegimin e tyre. Nga ajete e përmendura më sipër, Allahu i Madhëruar tërheq vëmendjen e njeriut që t’i vështojë, të mendojë dhe t’i studiojë argumentet e shumta që ndodhen në tokë, por edhe më tepër, tek vetë njeriu.

Sot njihen shkencërisht mbi 1.5 milion lloje shtazësh dhe mbi 500 mijë lloje bimësh të shpërndara në sipërfaqen e tokës. Ndaj Kurani nxit vazhdimisht njeriun që të shfrytëzojë begatinë e mendjes, pasi sipas të dhënave shkencore bashkëkohore, njeriu e shfrytëzon vetëm 10 % energjinë e trurit. Për ta shfrytëzuar pjesën tjetër të energjisë intelektuale, njeriu duhet të mobilizojë edhe pjesën tjetër të trurit të quajtur nënvetëdije. Kjo është një “bankë” e vërtetë që në kasafortën e vet ruan 90 % të energjisë dhe të talentit njerëzor. Kjo energji madhështore e sistemit nervor qëndror mund të krahasohet me një ajsberg që noton mbi ujë. Apo, siç bën krahasimin një shkencëtar, nënvetëdija i përngjan një beduini që ecën në shkretëtirë. Ai duket i varfër nga jashtë, por nën të ndodhet pasuria e papërshkruar, ari i zi apo nafta.

Profesori i mirënjohur, Line thotë: “Zoti është pa fillim e pa mbarim. Ai i sheh të gjitha gjërat dhe mbi të gjitha është i Gjithëfuqishëm. Mua më paraqitet me veprat e Tij fenomenale, të cilat më mahnisin, më habisin dhe më bëjnë të klith: Ç’është kjo fuqi e madhe, çfarë mençurie dhe diturie, çfarë krijimi i përsosur, të cilin Zoti e tregon në veprat e Tij në mënyrë të përpiktë, në barazpeshë të plotë, në harmoni të përsosur deri në detaje të imta! Vërtet, shfrytëzimi i kozmosit nga njeriu tregon mënyrët e pafund të Zotit, që çdo gjë ia ka dhënë në dorë njeriut. Gjithashtu, edhe bukuria e harmonia e papërshkruar e kozmosit dëshmojnë për mençurinë e pafund të Krijuesit, ndërsa mbajtja dhe ruajtja e kozmosit nga shkatërrimi, vërtetojnë madhërinë dhe fuqinë e Tij.”

Pra, siç lajmëron Kuranit në ajetin vijues: “Po edhe në veten tuaj (ka argument). A nuk po e shihni?” (Dharijat, 21)



Në këtë ajet të shkurtër të Kuranit të lavdishëm por shumë të madh për nga kuptimi, Allahu i Madhëruar tërheq vëmendjen njeriut për të vështruar, hulumtuar dhe analizuar argumentet e Krijuesit. Pra, së pari, Kurani na nxit të shikojmë argumentet në tokë. Nëse nuk mund ta bëjmë këtë, na drejtohet e na këshillon që të vështrojmë vetveten.

Më poshtë po përshkruajmë disa të dhëna nga mjeksia për njeriun:

Zemra jonë është pompa më precize në botë. Për çdo 23 sekonda nëpër zemër kalojnë 5 litra gjak. Për një ditë zemra shtie në qarkullim 19 mijë litra gjak. Për 60 vjet qarkullojnë 480 milion litra gjak. Kjo pompë tejet e përsosur me automatizëm special peshon mesatarisht 230 gram te femrat dhe 280 gram te meshkujt.

Gjaku qarkullon nëpër enët e gjakut 100 mijë kilometra për 23 sekonda. Kjo shpejtësi e qarkullimit të gjakut është 215 herë më e madhe se shpejtësia e anijeve kozmike.

Kjo mrekulli e Krijuesit mund të shpjegohet në mënyrë më spektakulare: për 11 sekonda, 25 miliardë kamion transportues të ngarkuar me oksigjen dhe materie ushqyese të domosdoshme (rruazat e kuqe të gjakut) shkarkojnë barrën e tyre nëpër qeliza të uritura të kapilarëve të gjakut.

Jeta e rruazave të kuqe zgjat 42 ditë, ndonëse ato me rezistencë më të madhe jetojnë deri në 127 ditë. Kjo do të thotë se gjaku ynë ripërtërihet çdo dy muaj; konkretisht 200 miliardë ruaza të kuqe të gjakut lindin dhe vdesin për çdo ditë. Për këtë Allahu i Madhëruar na drejtohet në çdo kohë dhe në çdo moment me pyetje: “A nuk po e shihni?”

Shkëputur nga libri me titull “Kurani dhe shkenca bashkëkohore”
Ali Iljazi

[altruisti_ek84]

Si i ka ndihmuar Evropës kultura islame?

Si i ka ndihmuar kultura islame Perëndimit që nga Ndërkoha të kalojë në Renesansë…

Pikërisht shkenca arabe shumëshekullore ka mundësuar që Koperniku, Galileo, Njutni, Ajnshtajni dhe nxënësit e tyre më vonë ta zhvillojnë matematikën dhe kozmologjinë. Është ironike që Bagdadi, kryeqyteti i Irakut i cili u shkatërrua brenda pak viteve të fundit, është themeluar para 1246 vitesh dhe shumë shpejt u pat bërë qendër e arsimimit intelektual ndërkombëtar.

Halifi Ebu Xhafer el-Mensuri, themeluesi i Bagdadit, pat ndërtuar një bibliotekë shumë të madhe në Bagdad, sipas modelit të bibliotekave të mbretërve të mëdhenj persian. Kronikëshkruesit (kronikët) arabë më vonë e patën lavdëruar shkathtësinë e tij të logjikës dhe drejtësis, si dhe interesimin e tij për filozofi dhe astronomi. E kanë konsideruar meritor për organizimin e përkthimit në gjuhën arabe të shumë veprave të rëndësishme greke, persiane dhe indiane të filozofëve dhe shkenctarëve. Për shkenctarët e Bagdadit janë mbledhur informacinone nga mbarë Perandoria islame në mënyrë që ata t’i përpunojnë më tutje. Biblioteka e tij u quajt Shtëpia e urtësisë.

Arabët kanë përvetësuar sistemin decimal indian efikas, me nëntë numra dhe zeron të cilin sot e përdorim. Në bazë të gjeometrisë së Euklidit dhe astronomisë së Ptolomeos, arabët e kanë shpikur algjebrën dhe trigonometrinë, dhe vetë i kanë kryer observimet astronomike. Në kohën kur të krishterët e Evropës besonin se Toka është e rrumbullakët dhe kishin vështirësi në caktimin e datës së Pashkëve, madje nuk kanë mundur ta dinin çfarë kohe e ditës është, arabët përmes instalimit të quajtur astrolab kryenin matje astronomike dhe tokësore, pastaj zbuluan se toka jonë ka formën e sferës, madje, ata arritën që ta bëjnë edhe matjen precize të madhësisë së tokës.

Astrolabi ka qenë një instrument i vyeshëm navigacioni për përcaktimin e gjerësisë gjeografike.
Arabët janë zhvilluar në hartografi, kimi dhe medicinë në kohën kur Kisha krishtere pjestarëve të saj u fliste se sëmundjet janë dënim i Zotit për mëkatet e njerëzve. Rrahja me kamxhik ishte njëra nga mënyrat e fajshlyerjes për shpëtim nga murtaja e cila bënte kërdi në Evropë.

Në secilën disiplinë, shkencëtarët arabë kanë gëzuar favorin e prodhimit të letrës, për derisa ata pak shkenctarë të Evropës që ekzistonin atëbotë shkruanin në pergamentin e shtrejtë dhe të mundimshëm. Në atë kohë bibliotekat islame përmbanin me qindra mijëra vëllime, derisa në Evropë librat ishin gjë e rrallë.

Jonathan Lyons, autor i librit "Shtëpia e urtësisë: Si e kanë transformuar arabët kulturën perëndimore”, e përcjell ndikimin e Platonit, Aristotelit, Toma Akvinit tek arabët. Sot një shumicë e shohin religjionin si armik të progresit shkencor, shkruan Lyons. Mirëpo, Islami i hershëm haptazi i ka nxitur dhe kultivuar hulumtimet intelektuale të çdo lloji. Vetë i Dërguari Muhammed (s.a.w.s) ka thënë: Kërko diturinë, qoftë edhe në Kinë.

Për dallim nga kryqtarët të cilët kanë bërë barbari nëpër Tokën e shenjtë në mbarim të shekullit 11, kishte shkenctarë evropianë sikurse Adelard von Bath dhe Micheala Scot, të cilët patën udhëtuar në botën islame dhe prej andej i patën sjellë tekste arabe për përkthim në gjuhën latine dhe në gjuhë të tjera. Muslimanët në Sicili dhe në Spanjë përmes bartjes së diturive i kontribuan këmbimit kulturologjik të cilin e ka prodhuar Lindja dhe Perëndimi



Përktheu: Miftar AJDINI


Burimi: IslamBosna.ba

[Xhenneta-Morina]

MREKULLI NË TRUPIN TËND

Gjatë procesit të frymëmarrjes mbushen me oksigjen 400 milionë alveola në mushkëritë tona. Sipërfaqja e alveolave është 150 m2. Diafragma, muskuli që ndan zgavrën e kraharorit nga ajo e barkut është organi muskulor më aktiv gjatë jetës së njeriut. Ky organ nuk pushon asnjëherë. Ky muskul tkurret e lëshohet (kontrakton) 11 mijë herë në orë, afro 264 mijë herë gjatë ditës, afro 670 milion herë për 70 vjet jetë.
Truri ynë është kompjuteri më i përsosur në botë. Ai përbëhet nga 100 miliardë qelizash të përhimëta e barabartë me një potencial mbi 10 mijë programe kompjuterike në veprim të përhershëm. Sipërfaqja e këtyre kompjuterëve është 250 mijë km2 (sa gjysma e sipërfaqes së Francës). Të shtojmë edhe diçka: nevojitet pak dashuri dhe intimitet për të lindur krijesën e re, njeriun. Këtë nuk mund ta realizojë kurrë asnjë kompjuter.
Çdo ditë shkenca zbulon gjëra të reja tek njeriu. Biologët e universitetit të Miçiganit zbuluan në lëkurë dhe në flokë të njeriut metale si: argjendi, plumbi, kallaji, zinku, hekuri, bakri dhe alumini.
Ciklonet dhe anticiklonet rrallë herë kalojnë shpejtësinë 130 deri 140 km në orë, kurse shpejtësia e ajrit që del prej mushkërive nëpër kordhat zanore gjatë teshtitjes arrin shpejtësinë 390 km në orë. Çfarë mrekullie e Krijuesit!
Në realitet ne jemi “qenie elektrike” ngase që të 60.000 miliardë qelizat e njeriut funksionojnë në saje të elektricitetit natyror të tyre, që i dhuroi Mjeshtri i përsosur, Allahu i Gjithëfuqishëm dhe i Gjithëdijshëm.
Shkenca e mjekësisë thotë se çdo qelizë e trupit tonë është një uzinë në miniaturë, nga brendia e elektrizuar me elektricitet negativ, ndërsa nga jashtë me elektricitet pozitiv.
Në këtë sistem gjenial bazohet metabolizmi ynë. Me anë të elektrokardiogramit (EKG) dhe elektroencefalogramit (EEG) ne sot mund të regjistrojmë elektricitetin që emiton zemra dhe truri.
Allahu i Lartësuar në Kur’an thotë: “Po edhe në veten tuaj. A nuk po e shihni?” (Dharijatë, 21).
Shumë njerëz e lexojnë këtë ajet pa u thelluar shumë në fjalët kuptimplota që i përmban ai. Duke analizuar me vëmendje këtë ajet dhe duke vështruar vetveten do të gjejmë shumë shenja dhe argumente në veten tonë.
Ndodh që dikush thotë: unë jam zotërues i vetvetes, unë e kontrolloj vetveten dhe bëj çfarë të dua e ç’të më teket. Kjo nuk është e vërtetë, sepse trupi i njeriut është pronë e Allahut të Plotfuqishëm.
A thua mund ta detyrosh të pushojë pak zemrën që rrah pa ndërprerë? Ose nëse ndalet rastësisht, a mund ta bësh të lëvizë përsëri? Si ke guxim të pohosh se e ke nën kontroll dhe ia ke nënshtruar zemrën vullnetit tënd. Kur fle, zemra rrah pa u ndalur.
Po frymëmarrja? A thua ti merr frymë me vullnetin tënd? Duhet ta dish se frymëmarrja është një veprim që kryhet instinktivisht 16 herë në minutë, pa dëshirën dhe insistimin tënd. Kur asaj i jepet urdhri hyjnor për t’u ndalur, atëherë atë nuk mund ta rikthejë kush përsëri.
Po stomaku dhe gjithë ajo që gjendet në të, shqetësimet dhe reaksionet gjatë tretjes së ushqimit. Po lëngjet që tajiten nga gjëndrat e shumta endokrine, a thua të gjithë këto kryen sipas vullnetit tënd?
Po zorrët dhe lëvizja e ushqimit nëpër to, mënyra si i absorbojmë materiet e dobishme për organizimin dhe zhvillimin e tij dhe si i nxjerrim jashtë materiet e dëmshme. A thua të gjitha këto veprime kryen sipas vullnetit tënd, a po kryen pa i hetuar fare?
Po rruazat e bardha të gjakut (leukocitet) të cilat konfrontohen me mikrobet në çastin kur ato hyjnë në trup? Leukocitet, së pari, e përcaktojnë mënyrën se si t’i shkatërrojnë mikrobet, në mënyrë që palca kurrizore të stimulojë tajimin e materieve të mjaftueshme imunitive për t’i mbytur mikrobet. A mos jep urdhër ti për këtë operim të brendshëm, i cili i ngjan një beteje të vërtetë vetëmbrojtëse? A mos i përcakton ti me mijëra procese biokimike që zhvillohen për çdo sekondë në trupin tënd?
Pra, të gjitha këto i nënshtrohen vullnetit të Zotit. Ato e kryejnë misionin e tyre pa u ndalur, kurse ti nuk e heton fare këtë.
Allahu i Lartësuar ishte tejet i mëshirshëm ndaj nesh kur i krijoi të gjitha këto funksione vitale për trupin tonë dhe ua nënshtroi vetëm vullnetit të vet, përndryshe njeriu as nuk do të mund të jetonte, as nuk do të mund të punonte, as nuk do të mund të kryente misionin e tij në ndërtimin dhe rregullimin e kësaj ekzistence - gjithësie.
Po ç’do të ndodhte sikur zemra t’i nënshtrohej vullnetit tonë? Sigurisht se do të mbeteshim gjithmonë zgjuar për t’u kujdesur që zemra jonë të rrah normalisht.
Po t’i nënshtrohej stomaku vullnetit tonë, atëherë do të na ishin dashur shumë orë që pas çdo racioni të ushqimit ta përcjellim operacionin tretës të ushqimit. Kurse, po t’i nënshtrohej qarkullimi i gjakut vullnetit tonë, truri nuk do të mund të vazhdonte kurrsesi misionin në këtë jetë, sepse ai është i zënë dhe i preokupuar me qindra e mijëra funksione, të cilat kryen çdo minutë.
Të gjithë shembujt që sollëm më sipër, njihen nga njerëzit dhe këtë Allahu i Lartësuar e ka bërë me qëllim që t’ua tërheq vërejtjen se nuk kemi subjektivitet personal, por çdo gjë është në kompetencë të Allahut të Plotfuqishëm.
Allahu i Lartësuar thotë duke na përkujtuar vazhdimisht: “A nuk menduan ata në veten e tyre...” (Rrumë, 8).

[Xhenneta-Morina]

FËMIJËT E ÇIFTEVE QË PIJNË DUHAN QAJNË MË SHUMË

Nëse nëna dhe babai pijnë duhan, bebet qajnë më shumë. Nëse babai pi më tepër se një paketë në ditë, ose nëse nëna gjatë muajve të shtatzënisë ka pirë maksimumi 10 cigare në ditë, lotët e bebes dyfishohen.
Lajmërimi vjen nga një studim holandez i publikuar në revistën “Acta Paediatrica”. Sipas autorit, Sijmen A. Reijneveld, që punon pranë Universitetit të Groningenit, lidhja që ekziston mes të qarave të shpeshta të bebeve dhe vesit të duhanit, mund të gjendet në faktin se ekspozimi ndaj tymit të duhanit mund të shtojë dhimbjet e barkut tek i vogli.
Në një studim të mëparshëm, i njëjti studiues kishte arritur të tregonte se te të sapolindurit, si duhani i nënës, ashtu dhe ai i babait, favorizon problemet intestinale, ndoshta për shkak të substancave irrituese që prodhon duhani. Autorët kanë studiuar rastet e 3.670 të sapolindurve nën 3 muaj dhe prindërve u është kërkuar të shënonin se sa kohë kishin qarë të vegjlit javën para intervistës dhe sasia është quajtur relativisht e konsiderueshme nëse kalonte tre orë për të paktën 3 nga 6 ditët që ishin marrë nën vëzhgim.
Të dhënat kanë treguar se fëmijët, prindërit e të cilit pinin duhan, kishin një propabilitet 69% më të lartë në krahasim me fëmijët e prindërve që nuk pinin duhan. E jo vetëm kaq. Rreziku për të qarë më shumë dyfishohej nëse babai i bebes pinte më shumë se 15 cigare në ditë dhe më tepër nëse nënat gjatë shtatzënisë kishin pirë të paktën 10 cigare në ditë.

Marrë nga:
Revista periodike fetare kulturore shkencore “Drita e besimit” nr.8, mars 2007
Organ i Unionit të Studentëve Shqiptar në Medinë

[fisniku-student]

"Dënimi për prostitucion theksohet në suren Nur. "



"Në synetin e namazit të sabahut është sunet të lexohen suret Kafirun dhe Ihlas. "



" Dënimi për konsumim të alkoolit është dyzet goditje, kurse kadiu mund ta shtojë deri në tetëdhjetë. "



" Të vdekurin deri tek varri e përcjellin tri gjëra: familja, pasuria dhe veprat. Vetëm veprat ngelin me të. "

[presHeva-Lee]

kjo mu duk shum interesant dhe me faktee
ju lutem shikojeni
http://www.youtube.com/watch?v=qHpBV...layer_embedded