Shqiperia sot ku po shkon ?????????

[Xhino_B]

Shqiperia sot ku po shkon ?????????
Thene me sakte : Ku po e çojne keta qe ç' "drejtojne" Shtetin.

[Anton]

"Ne Shqiperi "nivelet e larte te korrupsionit dhe
krimit" - perfshire trafikun ne shkalle te gjere te drogave dhe
qenieve
njerezore - kane lene shumicen e popullsise "te demoralizuar dhe
apatike
ndaj vete konceptit te demokracise", sipas Grupit Nderkombetar te
Krizave."


Nir Rosen eshte nje gazetar i pavarur i vendosur ne Washington, i
specializuar ne ceshtjet Ballkanike.



IWPR ON-LINE: www.iwpr.net

( ky eshte percaktimi me i sakte per te gjendjen sot ne RSH)

[Shanon]

Bobobobob Anton sa pesimist je o njeri!!!!!!


Ku po shkon Shqiperia?. Cdo dite (per mendimin tim si nacionaliste e cmendur qe jam) po ecen perpara, mos harroni se ata qe kane pare bote me sy e duan shqiperine si Franca, Italia apo Gjermania po keto shtete kane 200 vjet dhe perparimi nuk arrihet "me katapulte". prisni pak e duroni se se ka thene kot populli yne i nderuar:i duruari i fituari



E bindur se Shqiperia eshte si shpirt pavaresisht nga problemet qe ka

[glaukus 001]

He se mire thote Shanon , te mos jemi aq pesimiste se ajo "gota" jone nuk eshte gjysem bosh po gjysme plot.
Te mos shohim Itali e Gjermani por Tunizi e Algjeri qe i kemi komshij te katit te poshtem.
Se edhe cmimi i kallashit ne Shqiperi ka shku lart gje qe tregon se ekonomia dhe ligjet po forcohen megjithese edhe oferta po pakesohet .
Italianet thone se "Duracell"- dura di piu . Varianti i ri eshte "Albacel" - ma quanto duri ?

nejse se nuk po vazhdoj me se do akuzohem per ulje morali

[Eni]

me duket se megjithese ke ndryshuar ate nofken prape humorin se ke ndryshuar

ç'ti shtoj une atyre qe ka thene miku yne Glaukus....

ah po "no comment"... se s'ka lezet

se te tera qendron

Albacel ma quando duri

hahahahahaha

[iliria e para]

mendoj se sikur te behet rend e paqe qe te mund bota edhe
diaspora te vijne ne Shqiperi behet mire.

Secili shqipetare pa marr parasysh nga vjen ka deshire te kalojepushime atje e poashtu te investojne por jo sa te kete
trazira e plackites rrugve te Shqiperise.

[baobabi]

Ajo qe arrij te kuptoj une se ku po shkon shqiperia eshte se

Shqiperia po shkon ne Shqiperi

[Estella]

Shume njerez sidomos politikanet dhe pushtetaret e sotem ne Shqiperi mendojne se ne po shkojme drejt civilizimit. Per mendimin tim kjo eshte krejt e kunderta.
Civilizimi eshte nje progres kundrejt nje shoqerie private, eshte Egzistenca e publikut duke ndjekur rregullat qe jane vendosur nga ata vete. Eshte krejt e kunderta me c'ka po ndondh sot ne shqiperi. ne nje shoqeri me njerez te civilizuar nuk perdoret forca por thjesht mirekuptimi, respekti deshira vullnetare per tu marreveshur. E theksoj se ne shqiperi po ndodh krejt e kunderta
Me ne popullin Shqipetar po ndodh nje fenomen i pa perjetuar nga nje popull tjeter. Vetem koha do e tregoje fundin tone.
Pushtetaret tane jane aty per te mbushur xhepat e tyre (me perjashtim te disave mund te thuash).

Prejardhesit tane ilirat kane qene djepi i kultures se ballkanit. Kjo ka rrjedhur nga bashkimi i ideve dhe koncepteve te njerzve intelektuale, kurse intelektualet e sotem jane shume egoiste. Ata mendojne se idete e tyre jane ideale per popullin por harojne fjalet e Skenderbeut, "bashkimi ben fuqine"!
Kjo teme diskutohet shpesh ne familjet intelektuale shqipetare jashte atdheut dhe me vjen mire qe na u dha mundesia te bejme ndonje debat ketu ne forum dhe jo vetem me njerzit e shtepise dhe ata qe njohim.
Paqe te gjitheve!

[Niko D'Angelo]

Mos ja hidhni fajin vetem politikaneve. Ne kemi faj gjithashtu. Ne jemi populli qe heshtim dhe nuk ngrihemi ndaj padrejtesive dhe kushteve te keqija qe jetojme. Mire qe po dergojme nje peticion, nisme qe e vleresoj shume, dhe shume njerezve u duket ndonje gje e madhe.
Megjithate, Shqiperia po shkon drejt nje te ardhmeje te ndritur

[Brari]

Balkanweb na tregon rrugen.
----------
TIRANE (18 Maj) - Për më shumë se pesë muaj e ka mashtruar dhe mbajtur për qëllim prostitucioni një 16-vjeçare. E ka detyrar që të braktisë foshnjen e saj 7-muajshe dhe e kishte paracaktuar fatin e viktimës së tij, prostitutë në trotuaret e Italisë. Agim Prifti, 37-vjeçar nga Divjaka, është arrestuar nga agjentët e Zyrës Rajonale të Antitrafikut në kryeqytet, mbrëmjen e së enjtes rreth orës 20.00. Ai së bashku me viktimën e tij janë kapur në momentet e fundit para se të niseshin me një skaf nga Vlora.
Viktima
Viktima e Agim Priftit ka qenë një 16-vjeçare me banim në rrethin e Lushnjes. Rreth pesë muaj më parë, Prifti, ka hyrë në jetën e saj, që në një farë mënyre ishte e çoroditur. 16-vjeçarja N.Z. kishte qenë e martuar fillimisht me një shqiptarë dhe kishte jetuar në Greqi. Nga kjo martesë ajo kishte patur një vajzë. Martesa e saj e parë me shqiptarin nuk zgjati shumë, por e detyruar nga kushtet e rënda ekonomike të familjes së saj ajo martohet sërish, por kësaj here me një shtetas italian rreth të 60-ave. N.Z. jeton rreth 2 muaj me italianin dhe më pas ndahet dhe nga ai. Pikërisht në këtë kohë në jetën e saj shfaqet Agim Prifti.
Arrestimi
Pak përpara se të vinin këmbët në gomone dhe 16-vjeçarja të nisej për në fatin e saj të caktuar nga Agim Prifti, policia ka arritur që t'i kapë në qytetin e Vlorës. Sipas burimeve zyrtare të policisë, gjatë pesë muajve të "bashkëjetesës" së N.Z. dhe Priftit, 16-vjeçarja ka kaluar ferrin. Ajo gjatë gjithë kësaj kohe ka qenë e mashtruar për qëllime prostitucioni dhe sikur të mos mjaftonte kjo, pikërisht në momentet e fundit, gjatë rrugës për në Vlorë, Agim Prifti, ka arritur që t'i mbushë mendjen që të braktisë vajzën e saj 7-muajshe në derën e një pallati në qytetin e Fierit, në afërsi të kishës katolike. Sapo janë kapur nga policia, vajza ka rrëfyer çdo gjë rreth ditëve të saj dhe më pas ajo është dërguar në një qendër rehabilitimi, ndërsa tutori i saj 37-vjeçari Agim Prifti, është prangosur menjëherë. dxh/an (Gazeta Shqiptare/BalkanWeb)
-----------------
Elbasan: Vetëhelmohen tre vetë me bar miu një me valium, enigmë motivet
Lajmi i ores 10:45 AM

ELBASAN (18 Maj) - Ndryshon harta e vetëhelmimeve në masë. Nga zona e Myzeqesë, tashmë ajo ka "gllabëruar" rrethin e Elbasanit. Dhe, vetëm brenda një dite ka marrë tri jetë njerëzish. Tre persona, dy vajza dhe një djalë i kanë dhënë fund jetës në qytetin e Elbasanit, dy prej tyre me Fostoksinë (bar miu) dhe një me ilaçe farmacie, Valium e Loran. Dy vajzat janë vetëhelmuar mbrëmjen e së enjtes, ndërsa i riu të premten në mesditë. Dy vajzat, janë gjetur të vdekura në dhomat e tyre, kohë e vende të ndryshme, ndërsa djali ka vdekur në spital, me gjithë ndihmën e mjekëve. Rasti i parë ka ndodhur në familjen Hasa, banuese në një apartament të lagjes "5 Maji". Burime zyrtare nga Drejtoria e Policisë së Elbasanit kanë bërë të ditur se, prindërit kanë gjetur pa jetë në dhomën e saj, 29-vjeçaren Miranda Hasa, beqare e papunë. Ndërsa pranë saj kanë gjetur një qese me kokrra Fostoksine, gjysma e të cilave mungonin. Po sipas policisë, shkaqet që e kanë çuar vajzën në vetëhelmim janë ende të paqarta, pasi prindërit e saj dhe të afërmit kanë pohuar, "se vajza nuk ka pasur ndonjë problem". Ngjarja e dytë ka ndodhur në të njëjtën lagje, në familjen Prifti. Shqiponja Prifti, 18 vjeçe, maturante, është gjetur dje në mëngjes pa jetë nga prindërit e saj. Këta të fundit kanë shkuar për ta zgjuar që ta nisnin për shkollë, por kjo nuk ka ndodhur. Trupi i saj ishte i ftohur. Ajo kishte pirë të gjitha ilaçet që i kishte për kurim, Valium dhe Loran. Menjëherë është lajmëruar policia dhe bluzat e bardha. Sipas uniformave blu, edhe rasti i adoleshentes është enigmë, pasi prindërit "ngrenë supet" lidhur me motivet. Vetëflijimi i tretë ka ndodhur dje më mesditë në lagjen "Skënderbej", në familjen Cenollari. Djali i kësaj familje, 23-vjeçari Kujtim Cenollari, ka pirë disa kokrra bar miu. Të afërmit e kanë gjetur në njërën nga dhomat duke u dridhur e nxjerrë shkumë. Menjëherë është çuar për në spital dhe me gjithë ndihmën e mjekëve, ai ka ndërruar jetë. Shkak për këtë, mendohet të ketë qenë, pasi gjithë pjesëtarët e familjes ishin pa punë dhe muajt e fundit u ishte hequr edhe përkrahja sociale. Kështu, tri jetë janë shuar brenda një dite nga helmet që shiten lirshëm rrugës dhe ilaçet, duke bërë që Elbasani të jetë në hartën e rretheve me numër të madh vetëflijimesh.
Rasti 1
Mirana Hasa, 29 vjeçe, banuese në lagjen "5 Maji", e papunë. Vetëhelmohet me Fostoksinë në dhomën e saj, në një apartament, për arsye të panjohura. Prindërit e gjejnë pa jetë.
Rasti 2
Shqiponja Prifti, 18 vjeçe, maturante në gjimnaz, banuese në lagjen "5 Maji". I ka dhënë fund jetës me Valium e Loran, të cilat i përdorte për kurim. Familjarët e gjejnë në mëngjes dhe shkaqet kanë ikur bashkë me të.
Rasti 3
Kujtim Cenollari, 23 vjeç, banues në lagjen "Skënderbej". Vetëhelmohet me bar miu. Sipas policisë, shkaku është varfëria, pasi pjesëtarët e familjes ishin pa punë dhe u kishin hequr përkrahjen sociale. dxh/an (Gazeta Shqiptare/BalkanWeb)

---------------
Mjaftonte qe PS-ja si "Partia e idealeve njerzore" me Parate qe ka paguar Drekat e Nanos ne Korfuz te paguante Buken e Gojes per Miranden dhe Kujtimin ata nuk e kishin vrare veten.

E mbani mend para disa kohesh ketu postova nji lajm ku thuhej se prane kishes ne Fier ishte gjetur nji foshnje e braktisur... Ja ku doli nena e saje dhe autori i kesaj poshtersie Agim Prifti.


O BELAMI o lej fen i Ins..qerem cabeu..i gjirokastres...kur do Flasi Poeti yt Dallkauku i i nderuar AGOLLI.?????

[Eda H]

Pershendetje. po e cojne drejt ferit. as feri nuk eshte besoj si shqiperia. shqiperia eshte nje vend kunshullimi per vendet e tjera, tregon qe keqja eshte e pafund, shqiperi eshte shembulli i ksaj. e ne keqesin e pafundesin e saj e tregojme e vertetojme cdo sekond.
me shume respekt
eda

[baobabi]

As qe mos shpresoni se do ndodhe mrekullia
Shqiptaret e kane treguar tere kohen se jane me te zotet per te gjetur zgjidhjet me te dhjera te mundeshme

[gunman]

Duhet te merret nje kthese 180`G,se kjo rruga eshte e gabuar me plot kuptimin e fjales "gabuar"

Me respekt : gunman

[illiriani]

Mendoj se sikur te ishte Shqiperia, sikur pershkrueht ketu ne forum, as nje vit nuk behet dhe shuhet me ka krejt!

Nje fjale e lasht thot: kur je i pezmatuem, mos shkruej, se plaga qe len fjala asht a e rande se plaga qe len shpata!

Keto shkrime sikur i gezojne mergimtaret, qe nuk jane ne atdhe!

Nuk esht ky as vet realiteti!

Deshiroj te dij, ka ketu ne forum ndonje qe shkruan direkt nga Shqiperia?

[Shanon]

ke nevoje te kurohesh e dashur. tek e fundit cfare mund te prese shqiperia nga nje "intelektualeshe" si puna jote qe nuk di akoma as te shkruaje gjuhen shqipe?

[baobabi]

Realiteti eshte nje rezultante e aktiviteteve te individeve ne shoqeri, porse menyrat e interpretimit te tij te ndryshme

Pohimi i mesiperm eshte i implementuar ne sistemet politike
Ne kohen e Xhaxhit kishte vetem nje menyre te ligjshme interpretimi dhe kjo ishte menyra marksit-leniniste

Ne shqiperine e sotme ku ka pluralizem politik ka te pakten dy menyra interpretimi

Njera eshte menyra qeveritare, pra ajo e atyre qe kane pushtetin
Nje menyre tjeter eshte ajo opozitare, pra ajo e atyre qe nuk e kane pushtetin

Ka edhe menyra te tjera por qe perqindja e tyre eshte e praktikisht e pakonsiderueshme

Duke u nisur nga sa me lart del se qendrimi i atyre qe i shohin gjerat me optimizem buron ne fakt nga pikepamja e tyre e njejte me politiken qeveritare

Po pesimistet nga e kane kete burim
Po nje pjese jane pesimiste sepse nuk shohin qe pikepamjet e tyre per perparimin te gjejne rrugen e zbatimit dhe kjo sepse e shohin se opozita nuk ka fuqi qe te vije ne pushtet dhe keshtu te marrin drite idete e tyre

Ndersa nje pjese tjeter qe eshte shume e vogel nuk sheh shprese tek ndonjera nga palet vec e vec porse mungon dicka e ndermjetme qe nuk ekziston ne jeten shqiptare

Veprimtaria e njerezve eshte e perditeshme dhe kjo ben qe realiteti ne fakt si rezultante e ketyre aktiviteteve te ndjeke keto ndryshime

Keshtu qe njerezit ne fakt me veprimet e tyre e kane ne dore realitetin e tyre
Pra ata mund ta bejne qe realiteti i tyre te prodhoje sherbim per nje shumice te themi 90%, ose psh 60% ose psh 20%

Duke pare te kaluaret e larget dhe te afert te shqiperise dhe duke bere krahasime me ketej nga perendimi une them se nga realiteti shqiptar ka perfituar nje pjese shume e vogel shqiptaresh

Pjesa me e madhe perkohesisht ka menduar se ka perfituar por pas ca kohe i ka dale ne te kundert

Duke u nisur nga keto njeriu fiton largpamesi ne nje shkalle te caktuar

Sa me shume te njohesh ligjesite e nje fenomeni aq me shume rritet perqindja e suksesit ne parashikimin e se ardhmes

Ja lete marrim nje shembull

Zgjedhja e presidentit

Ne baze te kushtetutes ajo i takon shumices ne parlament
Dhe deri ketu po te mos degjoje se cpo ndodh brenda mazhorances ska asgje te keqe

Porse kur lexon perdite se u zune e u pergjaken ne mbledhje, apo se jane korruptuar ketu e korruptuar atje, fillon e lekundet besimi se keta jane te qarte midis tyre per ate se si duhet qeverisur

Me cpo shoh une PS nuk eshte me nje parti porse ka dy klane

Njeri i Nanos dhe tjetri i Metes dhe keta e kane treguar se kane divergjenca

Prandaj them une se mire do ishte qe te merreshin vesh me opoziten per nje president qe t'e mos e kundershtonin te dyja palet

Do digjej ndonjeri si psh Nano po per te miren e te gjitheve ska pse te mos behej

Porse shoh qe Nano nuk po terhiqet dhe loja mund te perfundoje keq

Se kush mund te garantoje se Nano me te marre pushtetin do e rregulloje shqiperine

Nano ka qene kryeminister edhe dy here te tjera dhe ka hapur krahun se nuk e ka perballuar dot

Po kur shikoj une se Nano i vuri shkelmin familjes se vet 30 vjecare, si mund te mendoj une se nuk do i vere shkelmin shqiperise

E them me plot besim se ata qe perfitojne nga qeverisja kane aresye te madhe te thone se realiteti shqiptar eshe nje fushe e lulezuar

Une e kam thene dhe me pare Nano sukses te qeverise se tij ka per te konsideruar moskrijimin e urise dhe firmave piramide. Ata qe duan vetem kaq mire e kane imoralin Nano

Kur dikush i sheh gjerat me pesimizem kjo nuk do te thote se ai mendon se shqiperia do zhduket ore jo

Kjo do te thote se shqiperia nuk do jete ashtu sic e mendon ai po shqiperi do kete, ashtu si do iu dale shqiptareve.

Nuk zhduket kombi pse deshtoi Nano miq te dashur

Iken Nano vjen nje tjeter, kombi dhe shqiperia vazhdojne rrugen

Problemi eshte i shtruar si te jetosh dhe jo te jetosh apo jo

Se ka jete edhe dukeu zvarritur e duke u qurravitur porse ka edhe jete duke punuar dhe gezuar

Po te shihnim ne se shqiptaret iu perveshen punes dhe i lane tregetite e prostitutave, kurdeve dhe kanabisit do thoshim se PS eshte e mire dhe se kjo eshte rruga qe duhet ndjekur

Nuk na duhet perpjekja na duhet suksesi

[Eda H]

Pershendetje. vete vrasja mendoje se nuk ka shume lidhje me gjendjen ne shqiperi pasi vete vrasja eshte nje semundej mendore, eshte grada e fundit qe arin jeriu ku cdo gje esthe e erret e nuk ka rrugezgjidhje, vetet vrasja mund te kete motive te ndryshme, motive personale pa patur ndoje lidhje me gjendjen shteterore por me gjendjen shpirterore mendore e shoqerore.. por ama tergetia e vajzave ne shqiperi kjo ka te beje se ku po shkon shqiperia. ka te beje me gjendjen e shqiperise, e rrungen qe ajo po ndjek. sa e fort eshte qeveri e sheti. po ne shqiperi eshte me i forte deri tani femija se sa qeveria e policia. ligji ndryshon e varet nga tipi i personit. sheti e mafja jan nje, qeveritaret nuk jan ne pune per te bere detyren po si te vjedhin e si ti mbushin xhepat. pra mafja = qeverin & shetin . me e keq ja eshte se nuk na ka ardh as greku as italiani por vete shqipetari shkateron shqiperine, shqipetari shet shqipetarin. eshte turp me te vertet per ne shqipetaret.
me shume respekt
eda

[Brari]

shkruan ne Shekulli..

--------
A do të lejojnë politikanët një katastrofë ekonomike?
Nga Dr. Eduard Zaloshnja

Megjithë qeverisjen mjerane të Shqipërisë në 10 vjetët e fundit, situata makroekonomike e saj është më e mirë se e shumë vendeve të tjera të varfëra që ndihmohen nga FMN-ja. P.sh, sipas raportit të fundit mbi Shqipërinë te "The Economist Inteligence Unit - EIU", borxhi total publik i qeverisë shqiptare në fund të vitit 2001 ishte afërsisht në nivelin 70 % të Prodhimit të Brendshëm Bruto, (PBB përfaqëson vlerën totale të të gjithë mallrave dhe shërbimeve që realizohen gjatë një viti brenda kufijve të një vendi). Ky nivel është poshtë mesatares së vendeve të varfëra që ndihmohen nga FMN-ja. Aktualisht kjo mesatare është rreth 88%. Defiçiti buxhetor për vitin 2001, që përfaqëson sasinë e shpenzimeve që qeveria nuk i mbulon dot nga të ardhurat e saj, ishte vetëm 9.1% e PBB-së (EIU). Inflacioni, që përfaqëson rritjen mesatare të çmimeve të mallrave të konsumit dhe shërbimeve, është mbajtur vitet e fundit në kufijtë 2-4% në vit (EIU). Leku, pas traumave makroekonomike të viteve 1992 dhe 1997, është stabilizuar në shkëmbimet me valutat kryesore. Ndërkohë, rezervat valutore në Bankën e Shqipërisë në fund të vitit 2001 mjaftonin për të përballuar importin e mallrave përreth 4 muaj (EIU). Pasqyra e mësiperme makroekonomike do të kishte qenë e admirueshme për çdo vend të varfër që në vitin 1992, ishte në kushte të përafërta me Shqipërinë. Fatkeqësisht, në qoftë se qeverisja e Shqipërisë nuk do të ndryshojë për mirë, faktorët që kanë kontribuar për arritjen e kësaj gjendje makroekonomike nuk do të jenë në gjendje të garantojnë një të ardhme të ngjashme. Faktori kryesor qe ka ndikuar në stabilitetin makroekonomik gjatë 10 vjetëve të fundit ka qenë transferimi i kursimeve të
rreth 600.000 emigrantëve shqiptarë në drejtim të familjarëve të tyre në Shqipëri. Sipas vlerësimit që bën EIU, dërgesat e emigrantëve arrijnë në rreth 460 milionë dollarë në vit. Këto dërgesa janë shumë të rëndësishme për stabilitetin makroekonomik po të kihet parasysh që me të ardhurat nga eksporti i mallrave shqiptare mund të blihet vetëm 24% e mallrave që importohen nga jashtë, ndërsa 460 milionë dollarët e sipërpërmendur, mbulojnë rreth 44% të importeve (EIU). Në qoftë së kjo shumë do të mungonte, rezervat valutore do të shkonin drejt zeros dhe leku do të zhvlerësohej në një masë të tillë që shumë shqiptarë nuk do të ishin në gjendje të përballonin blerjen e mallrave të importit. Në një situatë të tillë, qeverisë do t'i duhej të rriste pagat dhe pensionet në mënyrë të ndjeshme. Por kjo rritje do të duhej të mbulohej ose me emetimin e parave, ose me një rritje deri në maksimum të huave që qeveria merr nga bankat shqiptare. Në rastin e parë, spiralja e inflacionit do të njihte vetëm rritje, ndërsa në rastin e dytë, do të shuhej edhe shpresa më e vogël për kreditimin e biznesit privat, që është burimi kryesor i krijimit të vendeve të punës dhe i të ardhurave të buxhetit të shtetit.
Ndërkohë që nuk mund të pritet që dërgesat e emigrantëve të zhduken menjëherë nga skena e ekonomisë shqiptare, është e arsyeshme të presupozohet që dërgesat e emigrantëve do të vijnë duke u pakësuar. Historia e emigracionit të popujve të tjerë ka treguar që në vitet e para lidhjet me vendin dhe familjen janë të fuqishme. Më pas, emigrantët stabilizohen në vendet ku kanë emigruar dhe kujdesen kryesisht për të ardhmen e tyre financiare në ato vende. Në rastin e Shqipërisë, duke parë edhe situatën gjithnjë të pastabilizuar politike, emigrantët jo vetëm që do të pakësojnë gradualisht dërgesat e tyre për familjarët në Shqipëri, por do të shpenzojnë që këta familjarë të bashkohen me ta në emigracion (autori i këtyre rreshtave është një shembull konkret i këtij fenomeni). Një faktor tjetër stabilizues gjatë 10 vjetëve të fundit kanë qenë dhurimet financiare dhe kreditë me kushte favorizuese nga komuniteti ndërkombëtar. Por edhe ky burim do të vijë duke shterruar. FMN-ja parashikon që në vitin 2004 financimet nga komuniteti ndërkombëtar do të jenë në nivelin 1.9% të PBB-së, krahasuar me 2.3% që ishin në vitin 2001 (EIU). Ndërkohë, pagesat për shlyerjen e borxhit të huaj të akumuluar deri më sot, do të rriten nga viti në vit. P.sh. gjatë vitit 2002, qeverisë do t'i duhet të paguajë 20 milionë dollarë për shlyerjen e pjesshme të borxhit të huaj, krahasuar me 9 milionë dollarë që pagoi në 2001.
Dhe së fundi, por jo më së pakti, një burim i rëndësishëm për valutën e huaj gjatë 10 vjetëve të fundit ka qenë trafiku ilegal i të gjitha llojeve. Në qoftë se qeverisja e vendit nuk ndryshon për mirë, ky burim ka prespektivën që të rritet me ritme të shpejta. Por është një rritje kjo që jo shumë shqiptarë do t'a dëshironin. Një rritje e tillë, në vend që të na çojë drejt Europës, na çon me siguri drejt Kolumbisë. Megjithëse pasqyra e mësipërme nuk i ezauron të gjitha shtigjet e mundshme nëpër të cilat mund të kalojë ekonomia shqiptare në të ardhmen, ajo është mëse e mjaftueshme për të dhënë idenë se e ardhmja ekonomike e Shqipërisë do të ishte shumë e zymtë në qoftë se politikanët e pozitës dhe të opozitës, nuk do të nënshkruanin një pakt politik, objektiv i të cilit të ishte thirrja e dhjetorit 1990 "E duam Shqipërinë si gjithë Europa!". Në themel të këtij pakti do të duhej të ishte njohja nga ana e opozitës e faktit që zgjedhjet e fundit i fitoi Partia Socialiste, dhe nga ana e pozitës, njohja e faktit që nuk fitoi realisht aq vota sa ç'i nevojiten për të zgjedhur Presidentin e Republikës nga radhët e veta.
Pas pranimit të këtyre dy fakteve, të dy palët do duhej të gjenin mirëkuptimin e duhur për të caktuar në krye të shtetit një njeri që është mbi partitë, dhe që ka kredibilitetin e mjaftueshëm, si në sytë e opinionit
të brendshëm, ashtu dhe atij të jashtëm. Ky do të ishte një sinjal për investitorët shqiptarë dhe të huaj, si dhe për qeveritë dhe institucionet perëndimore, që na ndihmojnë financiarisht, se gjërat po ndryshojnë për mirë në Shqipëri. Në vazhdim, ky pakt do të duhej t'i jepte opozitës një rol real në mbikëqyrjen e qeverisjes socialiste nëpërmjet mekanizmave parlamentare dhe jashtëparlamentare. P.sh. opozitës mund t'i jepet më tepër peshë në komisionin parlamentar që mbikëqyr luftën që bën qeveria ndaj trafiqeve ilegale dhe krimit të organizuar. Ndërsa kalimi i Kontrollit të Lartë të Shtetit nën varësine reale të opozitës dhe rritja e kompetencave të tij, do t'a bënin atë një nga mekanizmat më efikas jashtëparlamentar, për përmirësimin e qeverisjes, kufizimin e korrupsionit, dhe për eliminimin e trajtimeve preferenciale ndaj një grushti oligarkësh. Pakti politik midis pozitës dhe opozitës do duhej gjithashtu të përcaktonte një grafik kohor për disa ndryshime institucionale në infrastukturën zgjedhore dhe në administratë, me synimin që zgjedhjet e ardhshme të jenë të pakontenstueshme dhe, në rast të një fitore të opozitës, transferimi i pushtetit të bëhet pa trauma për administratën. Eshtë e qartë për këdo që një pakt i tillë është shumë më i lehtë të paraqitet në letër, sesa të arrihet në realitet. Por duket se jo për çdo njeri është e qartë se arritja e tij është ndoshta e vetmja shpresë që ekonomia shqiptare të mos rrëshkasë prapë mbrapsht drejt 1997-ës.
------------------

[safinator]

Shqiperia sot po i drejtohet Europes ndonese me hapa te ngadalte.