Operon bajamet, vdes 17-vjeçarja

[RaPSouL]

Familjarët, akuza doktorit: Ai është fajtori. Prokuroria nis hetimet


Shënohet rasti i dytë në historinë e mjekësisë shqiptare për humbjen e jetës së pacientit pas operacionit të bajameve. 17-vjeçarja Matilda Petriti ka vdekur në spitalin francez, në qendrën spitalore universitare, konkretisht në reanimacionin e shërbimit të ORL-së, mbrëmjen e së dielës. 17-vjeçarja kishte kryer rreth një muaj më parë një ndërhyrje kirurgjikale, në një klinikë private në Pogradec. Mjeku, i cili i kishte operuar bajamet në klinikën e Pogradecit punon që prej një viti edhe si specialist në shërbimin e ORL-së, në spitalin "Nënë Tereza". Aktualisht, mjeku Xhevahir Hoxhallari, është 40 vjeç dhe ka më shumë se 10 vjet që punon si specialist në këtë fushë.

Historia që tregojnë kolegët e Hoxhallarit ka qenë kjo: Pas kryerjes së ekzaminimeve komplete, analiza "rutinë" para çdo ndërhyrjeje kirurgjikale, vajza 17-vjeçare ka hequr bajamet në klinikën private. Pas pak ditësh ajo ka pasur hemorragji. Mjeku ka arritur që të qetësojë gjendjen, dy herë radhazi, pasi hemorragjia është përsëritur. Ndërsa të dielën, të afërmit bashkë me pacienten e re, janë drejtuar urgjent në spitalin "Nënë Tereza" pas gjendjes së rënduar të pacientes. Ajo ka pasur hemorragji të pandërprerë. Në spital është pritur nga mjeku i rojës dhe fill pas paraqitjes së saj në këtë qendër kanë mbërritur mjeku që i ka kryer ndërhyrjen së bashku me shefin e shërbimit.

Sipas mjekëve, të dhënat e para tregojnë se ajo që i ka ndodhur vajzës ka qenë fatalitet dhe jo gabim mjekësor. Por për të zbardhur më tej ngjarjen pritet fjala e fundit nga ekspertiza e sektorit të Mjekësisë Ligjore. Kanë qenë vetë mjekët, ata që kanë kërkuar të bëhet autopsia. Sipas kolegëve të mjekut, përjashtohet mundësia e një gabimi mjekësor, por, nga ana tjetër, të afërmit e pacientes janë ankuar se fëmija e tyre nuk ka marrë ndihmën e duhur mjekësore dhe ka vdekur për faj të një gabimi të mjekut që ka kryer operacionin për heqjen e bajameve.

Sipas babait të 17-vjeçares, Besim Petriti, vajza pas operacionit ka ndenjur rreth dy orë në klinikë e pastaj është larguar në shtëpi. "Ishte vetëm me një krevat. S‘kam ç‘të them. Klinikë pa asnjë kusht, vetëm kasaphanë mund t‘i thuash. Na priste doktor Xhevahiri këtu, ai që e ka operuar. E futi në sallë edhe tha ‘ia kapa venën‘. Kishte një venë të këputur". Kështu sqaron babai i vajzës, duke fajësuar mjekun për prerjen e një vene gjatë operacionit, që dyshohet se shkaktoi më pas edhe hemorragjinë që i mori jetën 17-vjeçares. Ai shton më tej se "pasi kaluan tri ditë që ishte shtruar, vajzën e nxora nga spitali dhe e shpura në shtëpi. Pasi kaloi një ditë, vajza nxori hemorragji të madhe. E solla në Tiranë, takova doktor Xhevairin". Ai tregon më tej pakënaqësinë e tij të madhe për mënyrën se si është trajtuar e bija edhe në Tiranë. Vajzën nuk e futi në reanimacion, por e ka lënë katër ditë në një dhomë lart", tha i ati i Matildës. Sipas tij, të dielën shëndeti i vajzës është përkeqësuar edhe ajo ka pësuar hemorragjinë e radhës. Më pas është transportuar në spitalin francez në Tiranë ku është kontrolluar nga një grup prej pesë mjekësh, të cilët kanë deklaruar se vajza nuk ka probleme. Por në orët që pasuan, Matilda ka pasur përsëri hemorragji, derisa në mbrëmje, rreth orës 20:00 ajo ndërroi jetë. Të afërmit tregojnë se në momentin e hemorragjisë së fundit që shkaktoi vdekjen në spital, aty nuk ka pasur asnjë mjek.

Kolegët mbrojnë kolegun, të afërmit hedhin dyshime për gabim mjekësor. Mjekësia Ligjore ende nuk ka thënë përfundimisht se cili është shkaku i vdekjes së 17-vjeçares. Të afërmit e Matildës që humbi jetën thonë se klinika nuk i plotësonte kushtet. Ministria e Shëndetësisë thotë se kushtet e klinikës ishin të përshtatshme për këtë i është dhënë edhe licenca.



Akuza

Hap dyert e mortit, shtëpia e Matilda Petritit, në fshatin Libonik të Korçës


Familjarët: Mjeku, fajtor për vdekjen e vajzës


"Matilda Petriti vdiq për faj të mjekut". Ky është pretendimi i të afërmve të 17-vjeçares që ndërroi jetë, pas një operacioni në një klinikë private. Sipas tyre, mjeku pogradecar, Xhevahir Hoxhallari, i ka prerë vajzës, nga fshati Libonik, një damar gjatë operacionit në fyt, duke shkaktuar hemorragjinë vdekjeprurëse. Të afërmit thonë se pas operacionit që vajza kishte kryer në Pogradec e kanë çuar disa herë në Korçë dhe në Tiranë, për shkak të komplikacioneve. Xhaxhai i 17-vjeçares, Fatos Petriti, thotë se pas përkeqësimit të gjendjes shëndetësore të vajzës mjeku që e operoi po interesohej më shumë. Ai pohon se mjeku u është përgjigjur familjarëve duke thënë se: "Unë e bëra detyrën time dhe në rast se ka hemorragji nuk është për fajin tim si doktor". Xhaxhai i viktimës shton se mjeku na garantoi se operacioni ishte kryer në rregull. "Ne dyshojmë se ai i ka prerë vajzës një damar. Është e çuditshme të vdesësh nga bajamet dhe po aq absurde ta mendosh. Kjo na bëri të dyshojmë që në fillim që është faji i mjekut. Matilda u bë keq pas operacionit dhe kishte shumë hemorragji nga goja. E çuam vajzën në Korçë dhe në Tiranë, por pas çdo ndërhyrjeje mjekësore kishte hemorragji", tregon ai. Të afërmit të tronditur nga lajmi se Matilda, vetëm 17 vjeç, ka vdekur, janë mbledhur në shtëpinë e saj në fshatin Libonik për të pritur edhe trupin e pajetë, që është marrë nga morgu prej prindërve të saj. Matilda Petriti, gjatë natës së djeshme mësohet se i është nënshtruar edhe ekspertizave mjeko-ligjore për të vërtetuar shkakun e vdekjes. Kjo, pas pretendimeve të prindërve të saj se ka qenë një mjekim i pakujdesshëm, që e ka çuar drejt vdekjes vajzën e tyre. Ajo ndërroi jetë të dielën pasdite, pasi të afërmit e dërguan atë në Tiranë. Por duket se edhe aty nuk është treguar kujdesi i duhur. "Edhe në Tiranë, pasi u shtrua nuk u trajtua menjëherë, por me vonesë, pasi mjekët aty pengoheshin nga vetë doktori që e operoi. Ne i kemi të gjitha dyshimet se vajza ka vdekur për shkak të tij. Vajza u nis nga Korça me një ambulancë të spitalit dhe pa mjekë apo infermierë te koka që ta shikonin gjatë rrugës. Kjo mund të ketë bërë që ajo gjatë rrugës të bëhet edhe më keq përderisa vdiq në Tiranë. Doktori e shoqëroi nga pas me makinë. Ajo ishte shumë keq, por vetë doktori edhe pse u shqetësua nuk ka marrë përsipër se është përgjegjës, pasi sipas tij, e ka kryer operacionin në rregull", sqaron më tej rrethanat e kësaj ngjarjeje, Fatos Petriti. Ai thekson se "ne duam drejtësi dhe mjeku si përgjegjës të vihet para hetimeve". Po kështu edhe daja e 17-vjeçares, Nuri Shena, kërkon drejtësi, duke i konsideruar të zeza, bluzat e bardha. "Matilda u operua rreth një muaj më parë. Dy ditë pas operacionit asaj iu shfaqën probleme. Ne e çuam në Pogradec për t‘u operuar nga bajamet, se na kishin thënë se është një mjek i mirë. Paguam sa na kërkoi doktori për operacionin se ishte klinikë private. Dy ditë më vonë, vajza u bë keq dhe kishte hemorragji. "Për ne faji i mbetet doktorit. Ai duhet të mbajë përgjegjësi dhe drejtësia të vihet në vend se i ka marrë jetën një 17-vjeçareje", thotë Nuri Shena.




"Mbyllet" klinika private në Pogradec


Klinika e specialistit ORL, në Pogradec, ka qenë e mbyllur prej dy ditësh. Një i afërm i doktor Xhevahir Hoxhallarit ka thënë se ai e ka mbyllur klinikën, pasi ndodhej në kryeqytet, ndërsa sqaron se klinika private ka vite që funksionon dhe është e rregullt dhe e licencuar nga Ministria e Shëndetësisë.

Në qytetin e Pogradecit lajmi se doktor Xhevahiri mund të ketë bërë një gabim gjatë një ndërhyrjeje kirurgjikale është përhapur shumë shpejt. Në qytetin e tij ku ka dhe një klinikë private të hapur në vitet e fundit në katin e parë të shtëpisë së tij private pas shkëputjes nga spitali civil, doktor Xhevahir Hoxhallari njihet si një nga mjekët më të mirë dhe më të rregullt në këtë zonë. Ai gëzon opinion të mirë te qytetarët e vet, për shkak të eksperiencës dhe specializimeve jashtë vendit. Edhe pse kjo nuk e përjashton mundësinë e një gabimi të tij gjatë operacionit, sipas banorëve, ai ka shumë vite që punon në qytet si një mjek i aftë, madje kryen vizita dhe operacione për banorë të zonës juglindore.

Vdekja e vajzës, prokuroria hetim mjekëve


Vdekja e 16-vjeçares Matilda Petriti, në qendrën spitalore "Nënë Tereza" në Tiranë, ka vënë në lëvizje edhe Prokurorinë e Tiranës. Përgjatë ditës së djeshme, hetues të çështjes kanë shkuar në spital për të sekuestruar kartelën e shtrimit. Paraprakisht, grupi hetimor tha se mjekët e spitalit francez në Tiranë janë vënë nën akuzë. Matilda ndërroi jetë dy net më parë, pasi ishte operuar nga bajamet në një klinikë private në Pogradec, pronë e një mjeku që punon edhe në spitalin francez në Tiranë. Pas operacionit ajo kishte pasur disa herë hemorragji, derisa humbi jetën, në vetmi të plotë, duke qenë se asnjë mjek nuk i ishte gjendur pranë në momentet e fundit. Praktika e dezhurnit të mjekëve në spitalin "Nënë Tereza" do të vihet nën hetim nga organi i akuzës. Gjithsesi, duke pritur raportin mjekoligjor, ku dyshohet se mjekët i kanë prerë një venë vajzës, hetuesit e çështjes kanë marrë në pyetje mjekët dhe të afërmit e vajzës. Prokuroria, deri pasditen e djeshme, ringriti të gjithë ngjarjen, bazuar nga të dhënat e marra nga spitali dhe të afërmit. Sipas tyre, historia e Matildës daton më 7 prill, të këtij viti. Për shkak të problemeve të shpeshta me bajamet, prindërit e saj u drejtuan në një klinikë private në Pogradec, pronë e mjekut Xhevahir Hoxhallari, i cili punon edhe në spitalin francez në Tiranë. Kundrejt pagesës prej 11 mijë lekësh, vajza ka kryer operacionin dhe pas dy orësh mjeku ka rekomanduar dërgimin e saj në shtëpi, pasi, sipas tij, nuk kishte probleme. Dy ditë pas vizitës në spital, vajza është rivizituar në spitalin e Korçës, për shkak të problemeve të hemorragjisë. Dy ditë më parë, shëndeti i Matildës është përkeqësuar edhe ajo ka pësuar hemorragjinë e radhës. Më pas është transportuar në spitalin francez në Tiranë ku është kontrolluar nga një grup prej pesë mjekësh, të cilët kanë deklaruar se vajza nuk ka probleme. Por në orët që pasuan vajza ka pasur përsëri hemorragji, derisa në mbrëmjen e së dielës, rreth orës 20:00 ajo ndërroi jetë. Prokuroria ka marrë të gjithë procedurën, që nga shtrimi, mosfutja e vajzës në reanimacion, si dhe mungesa e ndihmës në momentet e fundit. Të afërmit e saj kanë treguar për hetuesit se në momentin e hemorragjisë së fundit që shkaktoi vdekjen në spital, nuk ka pasur asnjë mjek.



Doktori që kreu operacionin e adoleshentes, Xhevahir Hoxhallari, mohon çdo gabim mjekësor, apo prerje të venës


Mjeku: Hemorragjia? E pashpjegueshme


Tension në QSUT. Policia "shpëton" bluzat e bardha



"Hemorragji pas ndërhyrjes kirurgjikale dhe më pas vdekje e pacientit ka ndodhur dhe herë tjetër. Hemorragjia e nisur katër ditë pas operacionit dhe e përsëritur edhe dy herë të tjera më pas ndodh për të parën herë". I kontaktuar nga gazeta "Shqip" mjeku i ORL-së, Xhevahir Hoxhallari, ka shpjeguar se pavarësisht punës së tij dhe ndjekjes së vazhdueshme të pacientes 17-vjeçare, hemorragjia që ka pasur ajo nuk është shpjeguar në asnjë literaturë që ai ka lexuar. "Më vjen keq për vajzën dhe reagimi i familjarëve të saj është normal pas humbjes së të afërmit, por nuk është e vërtetë që ka pasur një gabim mjekësor, një prerje të venës. Po të kthehesha në kohë do të bëja të njëjtat procedura, të njëjtën punë", thotë Hoxhallari. Sipas tij, ekzistojnë të gjitha dokumentacionet që vajza ka bërë ekzaminimet dhe i gjithë protokolli që është ndjekur.

Sipas rrëfimit të mjekut, vajza pas heqjes së bajameve ka ndenjur në Pogradec për të qenë afër mjekut në rast komplikacionesh. Kur ka pasur hemorragjinë e parë është drejtuar në spitalin e Korçës. Ndërsa kur hemorragjia i është përsëritur për herë të dytë Hoxhallari sqaron se ka pasur kontakte me mjekët e tjerë dhe i ka kërkuar atyre që ta sillnin në Tiranë. Një javë më parë, ajo ka ndenjur disa ditë e shtruar në spital, është mjekuar dhe më pas është kthyer në shtëpi. Dy ditë më parë, ajo ka ardhur në spitalin e QSUT-së. "Erdhi në spital, e shtruam, pak para se të ndodhte hemorragjia. Unë e kam parë, më pas jam larguar. Mjeku i rojës na ka njoftuar dhe bashkë me dy reanimatorë të tjerë dhe shefin e shërbimit jemi munduar të trajtojmë pacienten. Hemorragjia ishte e madhe, e pashpjegueshme. Kam qenë i pari që kërkova të bëhej autopsia", sqaroi mjeku. Ai duke dashur të sqaronte edhe njëherë se rasti nuk ka të bëjë me një gabim mjekësor tha se: "Gabimet mjekësore ndodhin, por në këtë rast nëse do të kishte prerje të venës hemorragjia do të niste pas ndërhyrjes dhe jo katër ditë më pas", sqaroi Hoxhallari.

Sipas tij, pas vdekjes së pacientes, situata në spital ka qenë shumë e nderë dhe është kërkuar ndihma e policisë. Dy furgona të policisë kanë shkuar në spital dhe kanë shoqëruar mjekët në shtëpi, pasi të afërmit e vajzës që humbi jetën kanë qenë tepër të revoltuar. Nisur nga ngjarja e dy javëve më parë, kur shefi i kardiokirurgjisë u sulmua me thikë nga i afërmi i një pacienti, mjekët kanë menduar të parandalojnë konflikte mes mjekut dhe pacientëve. Pas njoftimit, efektivët e policisë kanë mbërritur në spital dhe kanë qetësuar gjendjen, duke shoqëruar mjekët dhe duke ulur tensionin. Ndërkaq, ministri i Shëndetësisë, Nard Ndoka, ka urdhëruar ngritjen e një grupi të veçantë pune për zbardhjen e shkakut të vdekjes së 17-vjeçares nga (Korça), e cila ndërroi jetë mbrëmjen e kaluar pas një operacioni në bajame.

Mjeku sqaroi se do të prononcohet publikisht për ngjarjen. "Akuzat nuk janë të vërteta, unë jam i ndërgjegjshëm për punën time dhe kam kërkuar i pari që Mjekësia Ligjore të zbulojë shkakun e vërtetë të hemorragjisë, për të cilën në asnjë literaturë nuk kam lexuar për një rast të tillë", përfundoi Hoxhallari.

Shumë shpejt pritet që specialistët e mjekësisë të japin edhe të dhëna më të sakta për zbardhjen e ngjarjes.



Ministri i Shëndetësisë urdhëron ngritje të një grupi të veçantë "hetimi"


Ndoka: Të gjendet shkaku i vdekjes


Ministri i Shëndetësisë, Nard Ndoka, ka urdhëruar ngritjen e një grupi të veçantë pune për zbardhjen e shkakut të vdekjes së 17-vjeçares nga Korça, e cila ndërroi jetë mbrëmjen e kaluar pas një operacioni në bajame. "Grupi i posaçëm i punës po mbledh të gjithë informacionin e nevojshëm mbi mënyrën e ndërhyrjes në bajame (tonsilit palatine) me qëllim gjetjen e shkakut të vdekjes së Matilda Petritit", tha drejtori i Përgjithshëm i Politikave dhe Planifikimit Shëndetësor në Ministrinë e Shëndetësisë, Edmond Stojku. Sipas tij, klinika e mjekut ashtu si dhe mjeku janë të licencuar dhe plotësojnë të gjitha kushtet për mbajtjen e këtij "dokumenti". Nesër pritet që Ministria e Shëndetësisë të përgatisë një raport të detajuar për ngjarjen, zbardhja e të cilës ka nisur edhe nga mjekësia ligjore", sqaroi Stojku. Sipas drejtorit të planifikimit, klinika është kontrolluar nëse përmbushte kushtet apo jo.


Shqip

[donna76]

Sa fat i keq . jan gjera dhe pakujdesi qe ndodhin dhe jashte Shqiperise keto.
Malasanita ka kudo .
Ngushellime familjes

[ThE_DaRk_NiGhT]

Keqardhje per familjaret e tij

[RaPSouL]

"Mjeku Xhevahir Hoxhallari, me vdiq vajzen"

Perpiqet t'i mbaje lotet, edhe pse vajza e tij humbi jeten per shkak te nje gabimi te mjekut. Edhe pse ekspertiza ende nuk e ka vertetuar nje gje te tille, babai i Matilda Petritit, Besniku, eshte i bindur qe prerja e venes nga ana e doktor Xhevahir Hoxhallarit ka bere qe vajza e tij sot te mos jete gjalle. Teksa ka pritur per 20 dite me radhe qe e bija te permiresohej, gjithcka ka marre fund per te. Teksa e ka percjelle trupin e vajzes se tij 17-vjecare te veshur nuse, ai ka premtuar se nuk do t'ia fale kurre mjekut Xhevahir Hoxhallari qe operacioni eshte kryer shkel e shko. "Do te ndjek rrugen ligjore per te vene drejtesine ne vend", premtoi dje me lot ne sy Besnik Petriti.

Cili mendoni qe eshte shkaku qe vajza juaj humbi jeten?

Une akuzoj direkt mjekun qe e ka operuar vajzen, para tre javesh. Kjo, sepse vetem tri dite me pas, ajo pati shume hemorragji. Jemi te bindur se doktor Xhevahir Hoxhallari i ka prere nje vene ne fyt. Pas operacionit e kam derguar tre here ne spitalin e Korces per shkak te hemorragjise, sepse nuk kisha mundesi ta ndiqja ne Tirane.

Pasi e derguat ne spital heren e pare, a pati permiresime?

Per momentin permiresohej paksa, por serish kishte hemorragji te vazhdueshme. Nuk eshte degjuar ndonjehere qe te vdese njeri nga operacioni ne bajame. Pas hemorragjive dhe dhimbjeve te tmerrshme, jemi interesuar qe ta nisim jashte shtetit, por mjeku qe i kreu operacionin ne fyt na ka thene se vajza nuk kishte probleme dhe se do te permiresohej.

Si vazhdoi gjendja e bijes suaj pasi e vizituat disa here ne spitalin e Korces?

Sigurisht qe perkeqesohej dita-dites. Para 10 ditesh e solla urgjentisht ne Tirane me ambulance, brenda se ciles ishte edhe nje doktor dhe nje infermiere. Ketu, na priste doktor Xhevahiri, i cili e kishte operuar ne kliniken e tij ne Pogradec. E futi ne salle dhe na tha qe vajza kishte nje vene te prere dhe na tha se ia kishte qepur. E mbajti vajzen tri dite ketu te operuar. Me pas e nxorem nga spitali dhe e cuam serish ne shtepi.

C'shqetesime pati vajza pas operacionit tjeter?

Te njejtat shqetesime si pas operacionit te pare. Gjakrrjedhja filloi t'i shtohej dhe e sollem prape ne Tirane. Pasi doktori nderhyri prape ne fytin e vajzes sime, iku ne oren 5 te pasdites. Dy ore me pas ajo vetem derdhte gjak dhe pas disa minutash dha shpirt.

Pse e operuat pikerisht te ky mjek?

Sepse mesuam se ai e ushtron kete profesion edhe ne Tirane nga e hena deri ne te premte. Ndersa cdo te shtune dhe te diel ai kthehej ne kliniken e tij ne Pogradec. Menduam se njesoj do ta beje punen si ne Tiranes ashtu edhe ne kliniken e tij.

Si reagonte doktori gjate ketyre tre javeve?

Nderhynte sa here qe vajza ime kishte probleme dhe na thoshte se do te permiresohej. Nuk e di pse e beri aq keq operacionin, se une i kam dhene edhe leke. Fillimisht i kam dhene 110 mije leke per operacionin, e me pas i kam dhene vazhdimisht edhe leke te tjera. Me pas, ai filloi te mos merrte me. Me siguri, sepse nuk e dinte c'kishte bere tamam me fytin e vajzes time.

Cili do te jete veprimi juaj per kete ngjarje te rende?

Do ta ndjek ligjerisht. Si pasoje e operacioni te kryer nga ai vajza ime nuk jeton me dhe asnjeri nuk mund t'ia ktheje serish jeten. Pergjegjesia per kete vdekje eshte teresisht e mjekut te ORL-se, Xhevahir Hoxhallari. Ai ka marre persiper te shoqeroje vajzen e operuar prej tij ne Tirane, ku eshte trajtuar vetem me serume dhe nuk i eshte gjetur diagnoza e sakte qe te nderhyhej ne kohe per t'i shpetuar jeten.



K.J

[RaPSouL]

Ekspertiza, pergjigje brenda 40 diteve

Diagnoza perfundimtare qe ka cuar ne vdekjen e 17-vjecares Matilda Petriti pritet qe te dale pas 40 diteve. Brenda kesaj kohe, ekspertet mjeko-ligjore do te kryejne te gjitha analizat si dhe autopsine, ne menyre qe te gjejne nje pergjigje te vertete dhe ligjore per kete ngjarje te rende. Deri tani, mjeket kane dhene diagnozen paraprake "shok hemorragjik", por arsyet qe cuan ne kete hemorragji do te sqarohen brenda 40 diteve. Vetem atehere do9 te zbulohet nese mjeku Xhevahir Hoxhallari ka qene pergjegjes i drejtperdrejte i vdekjes se 17-vjecares, e si rezultat te merren edhe masat konkrete ligjore. Nderkaq, mesohet se ministri i Shendetesise Nard Ndoka ka urdheruar dje ngritjen e nje grupi pune i cili do te hetoje ne lidhje me kete ngjarje te rende. Nga ana tjeter, te gjitha klinikat private pritet t'u nenshtrohen kontrolleve te menjehershme ne te gjithe territorin e Republikes se Shqiperise. Keshtu, sipas burimeve nga Ministria e Shendetesise, kontrollet do te perqendrohen kryesisht ne dokumentacionin qe posedojne keto klinika, ne siperfaqen e tyre, ne vendndodhjen, por edhe ne aparaturat me te cilat mjeket ushtrojne profesionin e tyre ne rrethe dhe ne kryeqytet. Perpos gabimit njerezor, mendohet se ne shume raste, probleme vijne edhe nga aparaturat qe perdoren, nga gjendja higjienike e mjedisit dhe e veglave te punes se mjekeve, etj. Ne fakt, kontrolle te tilla trumbetohen sa here qe ndodh ndonje problem madhor me bilance tragjike. Ndersa gjithe pjesen tjeter te vitit, klinikat private ushtrojne aktivitetin ne pjesen me te madhe te rasteve, duke kryer shkelje te renda si me dokumentacionin, si me kushtet ne te cilat ushtrojne misionin e mjekut, ashtu edhe me permbushjen e detyrimeve te tjera ligjore. Megjithate, burime nga Ministria e Shendetesise u "justifikuan" dje se mjaft leje jane dhene edhe nga stafe te meparshme te ketij dikasteri. Ne fakt, nje gje e tille eshte e vertete, por kjo nuk duhet t'i ndaloje specialistet qe te kryejne kontrolle ne te gjitha klinikat, te cilat jane kthyer ne nje biznes shume fitimprures, duke lene menjane misionin per t'u kujdesur per shendetin e njerezve.


K.J

[RaPSouL]

Fatos Petriti: Mbesa vdiq per faj te mjekut

Fatos Petriti, xhaxhai i vajzes, qe ka vdekur ne spital, pohon per "KJ" se mbesa e tij eshte operuar nje muaj me pare ne kliniken private te mjekut Xhevahir Hoxhallari. Sipas tij, vajzes duhet t'i jete prere ndonje vene gjate nderhyrjes kirurgjikale ne kliniken private, sepse pas operacionit gjendja e saj shendetesore eshte renduar. Sipas tij, mjeku specialist i ORL-se me kliniken private ne qytetin e Pogradecit ka kryer nje mjekim te pakujdesshem. Ai dhe te afermit e tjere te vajzes hedhin dyshime nese ka qene apo jo e licencuar klinika private e mjekut pogradecar. Fatos Petriti, xhaxhai i vajzes, shton se ditet e fundit gjendja e mbeses se tij eshte renduar edhe me shume nga hemorragjia e brendshme e gjakut dhe jane detyruar te kerkojne perseri ndihmen e mjekut Xhevahir Hoxhallari. Ky i fundit ka marre persiper te shoqeroje vajzen e operuar prej tij ne Tirane, ku, sipas te afermve, Matilda Petriti eshte trajtuar vetem me serume dhe nuk i eshte gjetur diagnoza e sakte qe t'i shpetohej jeta.


K.J

[RaPSouL]

"S'kemi kompetenca te merremi me mjekun"

Drejtori i Qendres Spitalore Universitare te Tiranes, Mati Pepa, ka deklaruar dje se institucioni qe ai drejton nuk ka kompetenca qe te marre masa ndaj mjekut Xhevahir Hoxhallari. "Kjo nuk eshte nje ceshtje administrative dhe nuk kemi asnje kompetence qe te merremi me te. Jane specialistet e mjekesise, e me konkretisht ata te Institutit te Mjekesise Ligjore si dhe te Ministrise se Shendetesise qe do te merren me zbardhjen e ketij incidenti", deklaroi dje Pepa. Sipas tij, nje gje e tille do te ndodhe edhe per faktin se operacioni eshte kryer ne nje klinike private ne Pogradec dhe jo ne spitalet e Qendres Spitalore Universitare "Nene Tereza", drejtor i se cilit eshte. Kreu i QSUT-se, kujtoi edhe nje here se eshte pikerisht Ministria e Shendetesise ajo qe licencon dhe kontrollon kushtet e klinikave private, dhe qe ka per detyre te garantoje jeten e te gjithe pacienteve. Ne fakt mesohet se klinika e Hoxhallarit nuk ishte kontrolluar ndonjehere. Specialistet e Ministrise se Shendetesise nuk kishin asnje informacion ne lidhje me kete klinike. Ata thjesht hamendesuan se me siguri kur i eshte dhena licenca ketij mjeku per te hapur klinike ne Pogradec, ishin marre parasysh kriteret e parashikuara ne ligj. Ndersa, sipas disa deshmive nga qyteti i Pogradecit, mjeku Hoxhallari ka te pakten 10 vjet qe ka hapur kliniken e tij private dhe shumekush nuk e ve ne diskutim qe ai ka punuar i licencuar dhe si nje specialist. Pas nje specializimi jashte shtetit, mjeku Hoxhallari eshte terhequr nga puna e tij ne spitalin e Pogradecit dhe ka ushtruar profesionin kryesisht ne klinikat e tij private. Opinioni pogradecar ka shprehur vleresime te mira per punen e ketij mjeku, por nderkaq jane familjaret e vajzes 17-vjecare qe vdiq nje muaj pas operacionit te bajameve, ata qe pretendojne se nderhyrja e tij e pakujdesshme mjekesore i ka sjelle vdekjen vajzes 17-vjecare nga Maliqi. Nese vertetohet se ka ndodhur keshtu, atehere autoritetet shteterore duhet te reflektojne dhe te marrin masa urgjente per te kontrolluar klinikat private, qofte edhe te licencuara, ne menyre qe te shmangen ngjarje te tilla aq te renda.

Masat pas perfundimeve te ekspertizes

Drejtori i QSUT-se, Mati Pepa, deklaroi dje se vetem pasi te dale ekspertiza e specializuar, do te jene struktura si Ministria e Shendetesise apo Mjekesia Ligjore qe do te japin nje vendim nese me te vertete kemi te bejme me nje gabim nga ana e mjekut, apo vetem duket si i tille. Megjithate, sipas Pepes, edhe mjekesia me e perparuar boterore njeh gabime njerezore gjate nderhyrjeve kirurgjikale dhe ky nuk eshte nje rast qe ndodh vetem te ne.


K.J

[Blue_sky]

Gabimet ne mjekesi(nese jane vertete te mjekut) ndodhin kudo, jo vetem ne Shqiperi. Ajo qe duhet te kuptojne njerezit ne Shqiperi eshte nje nderhyrje kirurgjikale mban perhere rreziqe dhe gabimet njerezore jane pjese e cdo sistemi.

[RaPSouL]

Vdekja e adoleshentes, flet mjeku i akuzuar

Mjeku i akuzuar, Xhevahir Hoxhallari ka shpjeguar për gazetën të gjitha detajet e ngjarjes për Matilada Petritin

Hoxhallari: Për fajtorët, le të vendosin hetimet

Gjatë operacionit pacientja 17-vjeçare nuk ka patur asnjë komplikacion. Hemorragjia i ka filluar 4 ditë pas ndërhyrjes kirurgjikale. Ky ka qenë një ndër justifikimet e mjekut Xhevahir Hoxhallari, i akuzuar për vdekjen e pacientes nga Korça, Matilda Petriti. Në një intervistë dhënë në linjë telefonike për gazetën "Shekulli", Hoxhallari ka shpjeguar të gjitha detajet e ngjarjes. Ai thekson se nuk e di nga se ka ardhur vdekja e pacientes, por është i bindur se nuk ka bërë asnjë gabim profesional. Madje ai pohon se ka qenë i pari që ka njoftuar policinë për këtë ngjarje, duke lënë të nënkuptojë se faji mund të jetë i dikujt tjetri.

Familjarët e 17-vjeçares Matilda Petriti ju akuzojnë se jeni përgjegjës i vdekjes së saj. Çfarë mund të na thoni në lidhje me këtë ngjarje?

Para rreth 25 ditësh, pacientes i kam realizuar operacionin për heqjen e bajameve. Gjatë operacionit vajza nuk ka patur asnjë komplikacion. Madje komplikacionet i kanë filluar 4 ditë pas ndërhyrjes kirurgjikale dhe konkretisht hemorragjia. Është dërguar në spitalin e Korçës për mjekim. Mjekët e këtij spitali më thanë se pacientes i është hequr gjak i mpiksur në plagën ku është bërë operacioni, por pas kësaj gjendja është normalizuar dhe është dërguar në shtëpi. Pas dërgimit në shtëpi marr vesh që ajo ka pësuar hemorragji më të madhe.

Mendoni se gabimi mund të ketë ndodhur në spitalin e Korçës?

Unë nuk mendoj asgjë. Po e ritheksoj edhe njëherë, hemorragjia i ka filluar 4 ditë pas operacionit, çka do të thotë se ndërhyrja ka qenë korrekte. Për gabimet apo fajtorët, do të flasin hetimet.

Më pas e kam futur përsëri në operacion, i është bërë një kapje në vendin e plagës, ku i shpërthente gjaku. Pas këtij operacioni, pacientja është normalizuar dhe komplikacionet e tjera i kanë filluar 25 ditë pas operacionit. Është dërguar në spitalin e Korçës rreth orës 5 të pasdites. Unë, duke e patur vetë merak këtë rast, kam vajtur në spitalin e Korçës rreth orës 8 të mëngjesit dhe vura re se gjendja ishte e stabilizuar. Megjithatë mendova se pacientja kishte nevojë për ndjekje më të specializuar dhe e sollëm në Tiranë, dhe konkretisht në shërbimin e ORL-së pranë QSUT-së. E kam shoqëruar vetë pacienten me ambulancë nga Korça dhe kemi mbërritur rreth orës 2 të pasdites. Sapo e sollëm në shërbimin e ORL-së bëmë të gjitha analizat dhe iu nënshtrua një tjetër ndërhyrjeje nga mjekët e këtij shërbimi. Pasdite, deri nga ora 6, kur unë kam qenë i pranishëm, pacientja nuk kishte hemorragji dhe ishte stabilizuar. Pas kësaj ore unë u largova dhe nga ora 7 e 15 minuta të mesditës, mjekët e QSUT-së më morën në telefon dhe më thanë se pacientja kishte hemorragji dhe se gjaku ishte i vrullshëm. Për fat të keq, ajo nuk mundi të mbijetonte.

Cili është shkaku i vdekjes së pacientes Matilda Petriti, sipas mendimit tuaj?

Është e vështirë të jap një përgjigje se nga i kanë ardhur komplikacionet dhe më pas vdekja e pacientes. Për këtë do të vendosin hetimet. Unë e them me përgjegjësi të plotë se jam i ndërgjegjshëm se nuk kam bërë asnjë gabim profesional, pasi gjatë operacionit dhe 4 ditë pas operacionit, pacientja nuk ka patur asnjë komplikacion.

Sapo pacientja ndërroi jetë, unë lajmërova policinë dhe Mjekësinë Ligjore në mënyrë që çështja të shqyrtohet nga organet kompetente dhe të nxjerrë në pah të vërtetën.



Shekulli

[pseudo]

Kur degjon kete histori , thua se jeta e njeriut varet nga nje fije qe mund te keputet kollaj nga maja e nje bisturiu.
E tmerrshme.

[AnGeL_DeViL]

E tmerrshme me te vertete

[alda09]

Vdesin dhe duke hequr nje dhemb por gjithmon per fajin e mjekut(jo se do ta vdes po i nenvleresojn gjerat.he se tonsila jane)

[RaPSouL]

Babai i Matildës: Po nuk veproi shteti, e vendos vetë drejtësinë

Mjeku Hoxhallari: E kam ndërgjegjen të pastër, nuk kam bërë gabim


"Mjeku është vrasësi i vajzës sime". Kështu është shprehur babai i 17-vjeçares Matilda Petriti, e cila humbi jetën si pasojë e një ndërhyrjeje të gabuar kirurgjikale në bajame. Vajza, viktimë e bluzave të bardha, që ka shëtitur për më shumë se një muaj nga një klinikë te tjetra, pa mundur të gjejë shpëtim, është përcjellë dje paradite për në banesën e fundit. Shtëpinë e 17-vjeçares e ka mbuluar zia. Prindërit vajtojnë për humbjen e saj, por edhe për faktin se u besuan verbërisht mjekëve. Babai i Matildës, Besimi, thotë se mjeku është vrasës që nuk merr përsipër përgjegjësinë. Sipas Besimit, vajza e tij vdiq për faj të bluzave të bardha, që nuk ditën ta shpëtojnë. Por për më keq, sipas babait të vajzës, ai thotë se nuk duhet t‘u besonte mjekëve në kushtet kur Matilda nuk e kishte shumë të domosdoshme një ndërhyrje me operacion. "Nisur nga përvoja e mjekut, ne menduam ta çojmë vajzën tek ai, por në fakt Matilda nuk e kishte të domosdoshëm operacionin. Ajo kishte problem kur e kapte gripi dhe meqë na e rekomanduan si mjek të mirë e çuam atje, por na doli vrasës. Ai ma vrau vajzën dhe nuk merr përsipër asgjë. Kur ne morëm vesh se vajza kishte vdekur në spital, ai iku fshehurazi nga pjesa e pasme e spitalit, pasi u hodh nga dritarja dhe nuk erdhi të na takojë fare, se e dinte që ishte fajtor. Na mbante me shpresa se vajza do të bëhet mirë. Por për 25 ditë me radhë ajo ka parë tmerr me sy dhe ka hequr plot katër operacione pas atij që i bëri doktori në bajame. Kur do iknim për në Tiranë, pasi e morëm vajzën me ambulancë nga spitali i Korçës, ai na shoqëroi me makinë, në vend që të qëndronte në ambulancë. Kam bërë vetë doktorin dhe infermierin për vajzën, se vetëm unë isha në ambulancë gjatë transportimit. Ai nuk ka treguar aspak kujdes që në momentin kur ne e çuam në klinikën e tij, ku e la dy orë në krevat dhe pastaj na tha ta largonim që aty, edhe pse nuk e kontrollonte fare. I kam dhënë sa para më kërkoi, por pas operacionit të parë nuk i pranonte më dhe që këtu kam dyshuar se nuk kishte garanci për jetën e vajzës sime", tregon mes lotëve babai i 17-vjeçares, e cila gjeti vdekjen nga hemorragjia. Sipas tij, mjeku i ka prerë një venë dhe kjo ka qenë e pariparueshme, me gjithë ndërhyrjet e shumta të mjekëve të ndryshëm në Korçë. Por ndërsa tregon për fatin e vajzës që nuk e ka më në shtëpi, Besimi thotë se në rast se shteti nuk vë para përgjegjësisë duke dënuar mjekun, ai do të kalojë në vetëgjyqësi. "I kërkoj shtetit të verë drejtësinë në vend. Mua vajzën ma vrau mjeku dhe ai duhet dënuar. Po nuk mori shteti masa, ne do të kalojmë në vetëgjyqësi për të vënë në vend drejtësinë", thotë Besimi. Ndërsa daja i 17-vjeçares, Luan Adili, konfirmon se prokuroria dhe policia janë angazhuar për fillimin e çështjes penale, duke zhvilluar hetime edhe në Pogradec e Korçë.



Vdekja

Në një kartelë, kopje e aktit paraprak të ekspertizës mjekoligjore, që e disponojnë edhe të afërmit e Matildës, është shënuar si shkak i vdekjes shoku hemorragjik



HETIMI


Klinika

Dje në mëngjes, një ekip nga prokuroria e kryeqytetit ka bllokuar klinikën e Xhevahir Hoxhallarit në Pogradec, ndërsa ka marrë në cilësinë e provës të gjitha dokumentet dhe kartelat e vajzës


Doktori

Bashkë me grupin hetimor për këtë rast ka qenë edhe vetë mjeku Hoxhallari, që ka shoqëruar, për të parë dhe inspektuar ambientet e klinikës private dhe për të treguar se si ka rrjedhur ngjarja


Kolegët

Mjekët e spitalit të Korçës thonë se vajza ka mbërritur në spital në gjendje të rëndë shëndetësore për shkak të hemorragjisë, çka i detyroi ta transportojnë 17-vjeçaren drejt kryeqytetit



Të dhëna



Operacioni

17-vjeçarja ka kryer një operacion rreth një muaj më parë në klinikën private të mjekut Xhevahir Hoxhallari. 4 ditë pas ndërhyrjes ka pasur hemorragji, që janë përsëritur 3 herë rresht


Vdekja

17-vjeçarja nga qyteti i Korçës ka humbur jetën rreth orës 20:00, ditën e diel, në spitalin "Nënë Tereza". Prindërit e të ndjerës kanë thënë që vajza s‘ka marrë ndihmën e duhur në kohë



Përgjegjësi

Sipas familjarëve, përgjegjësi është doktori që e operoi. Mjeku thotë që e ka ndërgjegjen e pastër. Rezultati përfundimtar, nëse ka qenë gabim mjekësor, do të jepet nga ekspertiza e Mjekësisë Ligjore



Gjakderdhja

Hemorragjia që i ka marrë jetën vajzës është përsëritur për herë të tretë brenda një muaji. Shkaku i gjakderdhjes që i ka marrë jetën adoleshentes nuk është shpjeguar dot as nga mjeku Hoxhallari



Mjekësia Ligjore

Për të dhënë një përgjigje përfundimtare, specialistëve të Mjekësisë Ligjore u duhet të pakën 1 javë. Sipas konstatimeve të para, 17-vjeçarja ka vdekur nga hemorragjia. Nuk ka ndodhur koagulimi i gjakut


Koagulimi i gjakut

Është një mekanizëm natyror i mbrojtjes së organizmit nga hemorragjia, një metodë për të parandaluar humbjen e gjakut. Ky mekanizëm nuk funksion te personat me probleme të gjakut, si hemofilikët




Rezultatet paraprake të Mjekësisë Ligjore tregojnë se vajza ka vdekur nga hemorragjia. "Nuk është bërë mpiksja e gjakut"


Mjeku Hoxhallari: E kam ndërgjegjen të pastër, nuk kam bërë gabim



"Ndërgjegjja ime është e pastër, nuk kam bërë gabim mjekësor. Edhe po të kthehesha nga e para, do të veproja në të njëjtën mënyrë", kjo ka qenë deklarata e djeshme e mjekut Xhevahir Hoxhallari. Ai dha versionin e tij për sa u takon akuzave për gabim mjekësor, për mosdhënien e ndihmës në kohën e duhur, si dhe për kushtet e klinikës aq shumë të përfolura. "Klinika është licencuar 3 herë nga Ministria e Shëndetësisë në bazë të kushteve të ofruara. Pacientes i është dhënë ndihma e duhur. Në spital ka pasur mjek, kur ajo ka pasur hemorragji", sqaroi Hoxhallari. Sipas tij, varianti përfundimtar i shkakut të vdekjes do të jepet nga raporti i ekspertizës mjeko-ligjore. I pyetur nëse është e vërtetë që vajza ka qenë vetëm gjatë kohës kur ka vdekur, ashtu siç kanë deklaruar edhe prindërit, mjeku theksoi se ka pasur doktorë. "Kur vajza ka pasur hemorragji, unë kam qenë afër spitalit, jam kthyer menjëherë, por në spital ka pasur edhe mjekë të tjerë".

Të dhënat përfundimtare dhe të gjitha arsyet e vdekjes së vajzës do të jepen pas disa ditësh nga specialistët e Institutit të Mjekësisë Ligjore. Ekspertiza e këtij sektori do të tregojë nëse është një rast i gabimit mjekësor, ku ka ndodhur edhe prerje e gabuar. Megjithatë, sipas të dhënave paraprake të tyre, rezulton se vajza ka vdekur nga një hemorragji e madhe, si pasojë e mosmpiksjes së gjakut. Procesi që në gjuhën mjekësore njihet si koagulimi i gjakut është një mekanizëm natyror i mbrojtjes tonë ndaj hemorragjisë, një metodë për të parandaluar humbjen e gjakut duke mbyllur enën e dëmtuar. Sipas shefit të shërbimit të ORL-së, ky është rasti i dytë i regjistruar që në vitet ‘70. Nga ana tjetër kanë reaguar për ngjarjen drejtori i QSUT-së dhe Ministria e Shëndetësisë.

"Është rasti që Ministria e Shëndetësisë të mendojë seriozisht për një strategji apo platformë, që në rastet kur të shënohet një gabim mjekësor, specialisti të bëjë dëmshpërblimin e familjarëve", tha drejtori Mati Pepa. Ai sqaroi se edhe pse ndërhyrja është kryer në një klinikë private, duke qenë se mjeku punon edhe në spitalin "Nënë Tereza", drejtoria do të vendosë në dispozicion të gjitha materialet e nevojshme për hetimet dhe zbardhjen e ngjarjes. Ministria e Shëndetësisë, me urdhër të ministrit Ndoka, ka ngritur grupin e punës për shqyrtimin dhe hetimin e rastit të vdekjes së Matilda Petritit, 17-vjeçares nga Korça. Grupi i punës po verifikon të gjithë dokumentacionin e mjekut që ka bërë ndërhyrjen, dokumentacionin e klinikës private në Pogradec, ku është kryer dhe operacioni dhe njëkohësisht po shqyrton kartelën e pacientes.


Shqip

[JaCk_DaniELs]

Turp per mjeket shqiptar.

Treguan qe jan shum mbrapa ne fushen e mjeksis.

[RaPSouL]

"Vdekja jo per fajin tim, do ngushelloj familjen"

Mjeku otorino-laringolog Xhevahir Hoxhallari ne nje interviste per gazeten "Koha Jone" tregon te gjithe "historine" e operacionit dhe vdekjen e 17-vjecares nga Maliqi i Korces. Sipas tij, pacientja nuk ka pasur hemorragji deri tri dite pas operacionit, ndersa prerjen e venave, ai e sqaron si nje fenomen te perhershem gjate nderhyrjeve kirurgjikale.

Dy dite me pare, nje nga pacientet tuaja, te cilen e keni operuar ne kliniken tuaj private, ka nderruar jete, a mund te na thoni ate qe ndodhi?

Normalisht, si njeri ndiej nje dhimbje te madhe, per nje vajze qe ka humbur jeten ne moshen me te bukur te saj dhe kjo me vret, me dhemb ne shpirt. Si mjek, sigurisht, me vjen shume keq dhe ndihem i lenduar ne sedren time personale, si nuk arrita te shpetoj nje pacient. Ligjerisht dhe profesionalisht ndihem i qete ne ndergjegjen time, sepse kam bere hap pas hapi, cdo gje qe duhej bere per ndjekjen e pacientes, per operacionin per gjithe mjekimin. Jam i qete gjithashtu ne perballje me ekspertizen ligjore dhe ekspertet, te cilet do te nxjerrin perfundimet se kush eshte shkaku i vertete i vdekjes se vajzes. I pres me qetesi keto perfundime, madje mezi pres te mesoj se kush ishte shkaku i vertete i vdekjes se vajzes.

Familjaret e vajzes kane drejtuar ndaj jush shume akuza, sa te verteta jane ato?

Dua te them se kam degjuar shume akuza keto dite ne media, ndihem shume i lenduar nga nje perbaltje dhe fyerje. I justifikoj familjaret, te cilet kane thene ndoshta edhe plot gjera te paverteta, i justifikoj vertet, sepse kane nje dhimbje te madhe ne shpirt. Edhe une mezi pres qe te qetesohen pak gjerat dhe t'u shpreh ngushellimet e mia direkt familjareve, por nuk mund te pranoj qe eshte faji im.

Kur eshte bere operacioni i vajzes dhe si ka shkuar ai?

Operacioni eshte bere ne kete qe sapo permenda me daten 6 prill, ne kushte shume te mira dhe brenda protokolleve. Po keshtu edhe periudha post-operatore ka qene shume e mire dhe nuk ka pasur asnje nderlikim, asnje dyshim qe vajza mund te kete pasur nje problem. Po keshtu, vajza ka shkuar ne shtepi dhe ka qene shume mire tre-kater ditet e para, dhe diten e katert ka pasur nje hemorragji, e cila nuk ka qene shume e madhe. Normalisht, keto lloj hemorragjish pas dites se katert dhe javes se pare, ne i presim. Keto lloj operacionesh shpeshhere shoqerohen me hemorragji dhe nuk eshte ndonje cudi qe pas operacionit pati gjak. Cudia eshte se si rrodhen gjerat me vone.

Ketu kane filluar edhe problemet e para, si eshte bere kurimi i saj?

Hemorragjia e pare eshte manipuluar ne Korce, ka ndaluar pa probleme eshte rikthyer vajza ne shtepi dhe ka qene shume mire. Para dy ditesh, vajza ka pesuar hemorragjine e fundit ne mengjes heret ku ndihmen e pare mjekesore e ka marre ne spitalin e Korces. Me pas jam lajmeruar nga familjaret, ndersa une vete kam kontaktuar me mjekun e Korces, ku jam interesuar per gjendjen e 17-vjecares. Ata me kane pohuar se ka pasur nje hemorragji jo aq te madh sa ka pasur edhe heret e kaluara dhe nga meraku qe kam pasur kam shkuar per ta pare. Ne kontaktin e pare, kam vene re se gjendja e saj ishte e stabilizuar, por qe duhej ndjekur, sepse hemorragjia mund te perseritej. Duke mos pasur mundesi per ta ndjekur ne Korce pacienten, u kerkova familjareve qe ta trajtoja ne Tirane dhe te gjithe ishin dakord. Me nje autoambulance kam shoqeruar pacienten per ne Tirane dhe e kam shtruar vete, ku kam bere analizat e kam pritur pergjigjen e tyre. Analizat ishin me alternime te lehta qe nuk te linin pershtypjen e nje semundje te rende. Ndersa jam larguar per pak ore nga spitali, pasi pacientja ishte nen kujdesin e mjekut roje, jam rikthyer pas dy oresh dhe kontrolloj perseri vajzen, e cila ishte ne gjendje te stabilizuar. Pasi largohem, duke lene edhe porosite te mjeku i rojes, pas 15 minutash lajmerohem nga mjeku per nje hemorragji shume te vrullshme. Jam rikthyer perseri dhe u futa perseri ne sallen e operacionit per te kryer procedurat e mjekimit, por pacientja nuk mundi te perballonte kete hemorragji.

Si shpjegohet kjo nga ana mjekesore? Nga akuzat te cilat nuk jane te specializuara ne kete fushe eshte pohuar se eshte prere nje vene?

Gjate operacioneve gjithmone priten vena, kjo eshte me se normale. Keto ene gjaku trompozohen, mbyllen dhe plaga sherohet dhe gjithcka shkon mire. Here pas here ditet e para mund te hapet ndonje ene gjaku, e cila mund te mbyllet vete. Ne rastin e vajzes eshte hapur nje ene gjaku dhe padyshim nuk eshte hapur ne operacion, sepse gjate operacionit dhe me pas nuk ka pasur pike gjaku. Sepse te presesh nje vene te rendesishme ne operacion do te thote qe gjaku te mos pushoje qe nga koha e operacionit e ne vazhdim. Nuk eshte aspak e vertete qe doktori i preu nje vene qe e coi vajzen ne vdekje, proceset qe kane ndodhur ne organizem kane qene te tilla qe vazhduan te thellojne demtimin e eneve te gjakut. Cfare ka ndodhur ne te vertete e kam shume te veshtire ta them dhe une po pres me padurim ekspertizen mjeko-ligjore dhe mendimin e specialisteve per te dhene nje konkluzion.



Burimi i Lajmit!

[RaPSouL]

"Mjeket te demshperblejne familjaret per gabimet"

Vetem dy dite pas tragjedise se rende, te ndodhur ne Qendren Spitalore Universitare "Nene Tereza", ku nje 17-vjecare humbi jeten pas kryerjes se nje operacioni ne bajame, drejtori i ketij institucioni ka kerkuar me shume masa nga Ministria e Shendetesise. Sipas tij, duhet qe cdo mjek, i cili ushton profesionin e tij ne rast te nje gabimi te demshperbleje familjaret. "Ketu nuk i referohem rastit ne fjale, pasi fjalen e fundit per kete do ta thone organet kompetente, nese ishte gabim apo jo, por Ministria e Shendetesise duhet te mendoje per fillimin e hartimit te rregullores per sigurimin e pergjegjesise profesionale", ka pohuar drejtori i QSUT-se, Mati Pepa. Sipas tij, eshte shume e rendesishme qe Ministria e Shendetesise te mendoje domosdoshmerish per hartimin e nje strategjie per sigurimin profesional ne ushtrimin e profesionit te mjekut. Kjo, per Pepen, eshte shume e rendesishme dhe do te sjelle nje sherbim me te kualifikuar shendetesor dhe me te sigurt.

Nga ana tjeter, drejtori i QSUT-se u ka garantuar familjareve te 17-vjecares se do te vere ne dispozicion te hetuesve cdo material te mundshem mbi personelin qe ndermori persiper kurimin e Matildes. "Pavaresisht se operacioni eshte kryer ne nje klinike private, por nga nje mjek qe punon ne QSUT, ndjehem i detyruar te ngushelloj familjaret e vajzes dhe t'u siguroj atyre se do te ve ne dispozicion te organeve hetimore cdo dokument qe do te me kerkohet, ne baze ligjit dhe te rregullores se QSUT", u shpreh Pepa. Sipas tij, kontrollet mbi klinikat private duhet te jene shume te rrepta e te shpeshta nga ana e strukturave shteterore dhe kriteret e licencimit te tyre duhet te shqyrtohen me vemendje nga organet kompetente. Kjo per te mos pasur probleme te tilla si rasti i fundit, ku nje 17-vjecare humbi jeten pas nje operacioni te thjeshte.



Urdhri i Mjekut kerkon kontroll klinikave private

Drejtues te Urdhrit te Mjekut kane bere thirrje per Ministrine e Shendetesise qe te marre situaten nen kontroll dhe te verifikoje kushtet, ku punojne klinikat mjekesore private. Sipas tyre, shumica e ketyre klinikave nuk i plotesojne kushtet per te ushtruar aktivitete mjekesore dhe aq me teper per te ushtruar nderhyrje kirurgjikale. Nderkohe qe UMSH ka marre ne dore shqyrtimin e rastit te vajzes nga Maliqi i Korces, ndersa pret edhe pergjigjen e eksperteve ligjore te shendetesise.



K.J

[RaPSouL]

"Vdekja nga bajamet, rasti i dyte pas 1977"

Historia e mjekesise shqiptare ne sherbimin e ORL-se (otorino-laringologjise) ka shenuar vetem dy raste me vdekje pas kryerjes se nderhyrjes kirurgjikale ne bajame. Sipas shefit te ketij sherbimi, Pjerin Radovani, rasti i pare eshte shkaktuar nga pakujdesia e vete pacientit te vitin 1977, ne Durres dhe rasti i dyte eshte ai i 17 vjecares nga Maliqi. "Qe ne vitin 1933, kur eshte ngritur per here te pare sherbimi i ORL-se ne vendin tone jane shenuar vetem keto dy raste. Ndersa per sa i perket llojit te operacionit, ai konsiderohet nga me te thjeshtet dhe i parrezikshem per pacientet", ka pohuar Radovani. Sipas tij, te dhenat tregojne se 1 ne 16 mije paciente ne Amerike mund te humbe jeten nga kjo lloj nderhyrje, kurse ne Evrope kjo eshte me pak e rrezikshme, pasi 1 ne 40 mije paciente nuk mund te mbijetoje pas operacionit te bajameve. Edhe per shefin e sherbimit te ORL-se, pacientja nga Maliqi i Korces ka marre te gjithe mjekimin e duhur, ndersa pohon faktin se gjate cdo operacionit priten enet e gjakut. "Normalisht ne cdo operacion priten enet e gjakut, sepse ai organ ushqehet me gjak. Menjehere pas operacionit merren masat per ndalimin e hemorragjise, dhe kaq eshte problemi i operacionit", ka thene Radovani. Sipas tij, operacionet ne bajame jane plage te hapura, te cilet nuk mund te qepen, ndaj edhe hemorragjite jane gjithmone prezente. Pervec shfaqjes se hemorragjive nje tjeter fakt qe vjen ne dukje nga bluzat e bardha eshte dhe kujdesi qe duhet pasur pas kesaj nderhyrje kirurgjikale, ku ushqimet duhet te jene gjithmone te lengeta dhe jo ushqim i forte, i cili provokon hemorragji. "Per ne, hemorragjite pas operacionit jane normale, kurse rastet e vdekjeve jane anormale", ka pohuar Radovani. Sipas tij, rasti i 17- vjecares shihet si nje nga rastet me te vecante, ndaj edhe eshte insistuar per kryerjen e autopsise.


K.J

[RaPSouL]

Dy pistat per vdekjen e Matilda Petritit

Vdekja e 17-vjecares nga Korca, Matilda Petriti, mbetet peng i mospercaktimit ende te shkakut te ngjarjes se rende. Pergjigjet e sakta te analizave per kete ngjarje te rende do te dalin dy jave me vone, pas perfundimit te te gjitha kontrolleve. Lajmi eshte konfirmuar per "Koha Jone", nga burime Mjekesise Ligjore, policise dhe prokurorise, qe jane duke kryer hetimet. Po dje eshte marre ne pyetje edhe mjeku Xhevahir Hoxhallari, i cili ka pranuar se ka kryer operacionin, por jo se ishte gabimi i tij shkak per vdekjen e vajzes. Policia ka sekuestruar te gjitha kartelat mjekesore ne kliniken e Hoxhallarit ne Pogradec, raportet, regjistrat, rezultatet e analizave te Petritit dhe sende te tjera.

Ekspertet e Mjekesise Ligjore kane hedhur poshte versionin e prerjes gabimisht nga mjeku te arteries kryesore te 17-vjecares nga Korca. Por kjo nuk eshte pergjigjja perfundimtare qe shpall fajtor, ose jo, mjekun Hoxhallari. Analizat tani jane perqendruar ne dy dyshime kryesore. Pista e pare eshte se vdekja e adoleshentes mund te jete shkaktuar nga nje prerje e pakujdesshme e indeve jo ne pozicionin e tyre normal te nje operacioni bajamesh. Pista e dyte eshte ajo e reagimit negativ te organizmit te pacientes pas operacionit. Sipas Mjekesise Ligjore, keto pergjigje do te dalin brenda dy javesh. Ndersa Urdhri i Mjekut kerkon mbylljen e cdo klinike private qe nuk ploteson standardet. Nderkohe policia e Tiranes pohon se ka marre ne pyetje dy mjeke otorinologe qe kane kryer nderhyrjen kirurgjikale dhe kane ndjekur ecurine shendetesore te vajzes.

Prokuroria e Tiranes dhe oficere te Policise Gjyqesore kane bllokuar kliniken "Xhevahir Hoxhallari" ne Pogradec, ne te cilen u operuan bajamet e 17-vjecares nga Maliqi. Jane sekuestruar te gjitha kartelat mjekesore, ku jane te shenuara procedurat e nderhyrjeve kirurgjikale. Burime theksuan se nen hetim per mjekim te pakujdesshem eshte pronari i klinikes private e po ashtu mjek i ORL-se ne Tirane, Xhevahir Hoxhallari. Se bashku me te po hetohet edhe ekipi prej pese mjekesh qe nderhyne se fundmi per te korrigjuar gabimin e kolegut te tyre ne kurimin vajzes. "E kam vizituar vajzen pas operacionit dhe kam vene re se cdo dy dite ajo kishte hemorragji. Pas kontrolleve qe kemi bere ne Spitalin e Korces, ku ishte derguar, e kam sjelle pacienten ne Tirane per ta mbajtur nen kontroll. Por hemorragjia nuk po ndalej dhe ende nuk e dime cila eshte semundja qe e kishte kapur 17-vjecaren", ka deklaruar gjate marrjes ne pyetje mjeku Hoxhallari. Hetuesit po verifikojne te gjitha procedurat qe jane ndjekur, nga operacioni i pare ne fillim te muajit prill dhe deri tek i fundit ne Spitalin Francez, ne Tirane.



ORL pa bllok reanimator

Shtrimi i pacientes ne nje dhome te zakonshme te spitalit te ORL-se sqarohet me faktin se ky sherbim ende sot nuk ka nje bllok reanimator per kurimin e pacienteve pas daljes nga operacioni. Ka qene vete shefi i ketij sherbimi, Pjerin Radovani, i cili ka pohuar faktin se, megjithese kerkesat e tyre kane qene te herepashershme, ato nuk jane marre parasysh. Kjo ka bere qe pacientja te mos kete marre trajtimin ashtu sikurse marrin te gjithe pacientet pas daljes nga operacioni ne pavijonet e reanimacionit. Hetuesit po vleresojne edhe kete fakt.


K.J

[J@mes]

Natyrisht qe kudo ne bote ndodhin fenomene te tilla.
Nese flasim per Shqiperine, gabimeve njerezore i shtohen edhe indiferenca e paskrupullt e mjekeve dhe kualifikimi i dobet.
Mungesa e motivacionit dhe e deshires per te ushtruar kete profesion kaq sublim dhe njerezore, i ka kthyer pergjithsisht "njerezit me te bardha" ne individe te pabesueshem dhe te papergjegjshem, ndaj mases se gjere.

[RaPSouL]

Vdekja e 17-vjeçares, zbulohet shkaku

Kolegët e mjekut përpiqen ta mbrojnë duke nxjerrë justifikime për shkakun e vdekjes së vajzës

KORÇË- Familjarët e vajzës 17-vjeçare Matilda Petriti që gjeti vdekjen tre ditë më parë pas komplikacioneve të një operacioni të thjeshtë për heqjen e bajameve, kanë akuzuar sërish mjekun Hoxhallari. Ditën e djeshme, në fshatin e saj të lindjes, është zhvilluar ceremonia mortore e vajzës dhe të afërmit kanë hedhur akuza se mjeku nuk ka bërë siç duhet punën e tij duke lënë vajzën që të vdiste. Ndërkohë, kolegët e doktorit janë përpjekur që ta mbrojnë atë duke thënë se Xhevahir Hoxhallari nuk mund të dinte se venat e gjakut të vajzës në zonën e bajameve, ishin shumë delikate. Një ditë përpara vdekjes ajo ka qenë në spitalin e Korçës dhe mjekët lokalë përpiqen të mbulojnë gabimet e kolegut të tyre duke deklaruar se ajo ishte me parametra normalë.

Varrimi

Fshati Libonik në rrethin e Korçës është veshur dje me të zeza teksa të gjithë banorët kanë dalë të përshëndesin për herë të fundit 17- vjeçaren Matilda Petriti. E veshur si nuse por në një arkivol, vajza ka dalë nga shtëpia e saj për herë të fundit dhe është drejtuar për në varrezat e fshatit. E gjithë rruga nga shtëpia e familjes Petriti, deri në varrezat e fshatit ishte mbushur me njerëz, të cilët mbanin në dorë kurorat mortore. Dalë nga dalë kortezhi i shoqëruar nga i gjithë fshati ka përshkuar rrugën për në banesën e fundit të 17-vjeçares që gjeti vdekjen pak ditë pasi kishte kryer një operacion të thjeshtë për heqjen e bajameve. Gjatë ceremonisë mortore, mes vajit dhe lotëve, familjarët kanë akuzuar sërish mjekun se është njeriu përgjegjës për vdekjen. Sipas tyre, ai ka bërë operacionin në klinikën private por pa zbatuar asnjë rregull e për pasojë solli këtë tragjedi. Ndërkohë daja i i vajzës, Luan Adili, është shprehur se operacioni duhej bërë patjetër pasi vajza kishte për shkak të bajameve të infektuara shqetësime të vazhdueshme të shoqëruara me dhimbje fyti dhe me temperaturë. Kjo gjë e bënte atë që të mungonte në shkollë dhe të qëndronte shtrirë me temperaturë të lartë. "Në këto kushte menduam t'i bënim një operacion të thjeshtë për heqjen e bajameve por gjithçka shkoi keq",- thotë mes lotëve daja i vajzës.

Mjekët

Por në mbrojtje të kolegut të tyre janë vënë dje një pjesë e madhe e mjekëve të spitalit të Korçës. Nëndrejtori i spitalit në Korçë, mjeku Ilir Koroveshi, është shprehur se shkaku që solli vdekjen, është një anomali individuale e vajzës që ka të bëjë me enët e gjakut. "Pjesa e enëve të gjakut të pacientes ka qenë problematike, pikërisht në zonën që është kryer operacioni. Ishte pikërisht reaksioni i organizmit të pacientes pas operacionit që ndikoi në zonën anomalike,"- ka pohuar Koroveshi. Sipas tij, para operacionit të bajameve nuk bëhen analiza të enëve të gjakut që mund të parandalonin çarjen e tyre. "Në këtë logjikë mjeku që bëri ndërhyrjen kirurgjikale as që mund ta dinte se enët e gjakut në fytin e pacientes së re, pikërisht tek vendi ku do të kryhej operacioni ishin të dobëta",- thotë mjeku në ndihmë të kolegut të tij. Kolegët e tjerë shpjegojnë se 17- vjeçarja ka shkuar në spitalin e Korcës për herë të fundit një ditë para vdekjes së saj. "Ajo ka qenë e shoqëruar nga mjeku Hoxhallari, ndërsa ka pasur një hemorragji të theksuar dhe i është bërë ndërhyrja e nevojshme për ndalimin e gjakut",- pohojnë mjekët. Sipas shefit të repartit të ORL-së në spitalin e Korçës, Maksi Lubonja, vajza është paraqitur me hemorragji, gjë që pas ndërhyrjes së mjekëve në këtë spital, ajo është ndërprerë. "Madje vajzës i është dhënë edhe gjak për të zëvendësuar humbjen e tij. Për mendimin tim shkaku i vdekjes është shoku hemorragjik",- thotë Lubonja, i cili pohon se vajza është nisur nga spitali i Korçës drejt Tiranës me parametra normalë.


Shekulli