Bush pret Meidanin e Majkon

[Anton]

Bush pret Meidanin e Majkon
Takimi në Shtëpinë e Bardhë në mesjavë


--------------------------------------------------------------------------------

al.kre.

TIRANE

Majko e Meidani do të jenë njëkohësisht në SHBA për një vizitë ku pritet të takohen me Presidentin amerikan. Këtë e bëjnë të ditur burime diplomatike. Ndërsa njoftimet zyrtare nga Kryeministria, Presidenca dhe Ministria e Jashtme nuk e përmendin një takim të tillë. Gjithçka është konfirmuar por gjithsesi tregohet kujdes për ndonjë mosrealizim për shkak të impenjimeve që mund të ketë Presidenti amerikan Xhorxh W Bush.

Dy vizitat, e Majkos dhe Meidanit, me ftesë nga Shtëpia e Bardhë dhe nga OKB-ja, si dhe takimet e përgatitura nga diplomatët shqiptarë në SHBA, bëhen vetëm pak javë para nisjes në Shqipëri të procesit të zgjedhjes së presidentit të ri. Ministrja e Jashtme, Arta Dade, e cila do ta shoqërojë presidentin Meidani gjatë vizitave të tij në SHBA, ka treguar dje takimet që do të zhvillohen. Sipas saj, presidenti Meidani dhe delegacioni që e shoqëron do të bëjë takime edhe në Shtëpinë e Bardhë. Një pjesë e mirë e kësaj vizite do të jetë në shtetin e Luizianës, ku do të realizohen disa takime të përgatitura nga konsulli shqiptar në SHBA. Meidani do të nderohet edhe nga mjediset akademike të këtij shteti amerikan. Nga Presidenca njoftohet se këto nderime për Meidanin do të bëhen për aktivitetin e tij politik dhe social. Meidani dhe Dade do të nisen sot për në SHBA, ndërsa Majko duhet të jetë në datën 9 maj në Shtëpinë e Bardhë. Presidenti Meidani dhe delegacioni që e shoqëron, do të marrë pjesë në samitin e OKB-së për çështjet e fëmijëve, më pas ai do të udhëtojë drejt shtetit të Luizianës. Vizitat në këtë shtet amerikan janë përgatitur nga ambasada shqiptare në SHBA dhe Meidani, sipas Dades, do të zhvillojë takime me autoritetet lokale, me mjediset akademike, me investitorë, si dhe me një komunitet arbëresho-amerikan të pranishëm në këtë shtet. Dade tha dje në një konferencë për shtyp, se "presidenti Meidani dhe delegacioni që e shoqëron do të kenë takime edhe në nivelin e marrëdhënieve dypalëshe". Më tej ajo shton se këto takime do t'i japin një impuls të ri marrëdhënieve të dy vendeve. Temat që do të trajtohen, do të jenë zhvillimet dhe reformat në vend, problemet në rajon dhe ruajtja e paqes. Sipas një njoftimi zyrtar të Presidencës, thuhet se Meidani do të zhvillojë takime edhe në Shtëpinë e Bardhë. Ndërsa gjatë qëndrimit të tij në Nju-Jork, në selinë e OKB-së, ku do bëhet samiti për fëmijët, presidenti Meidani pritet që të takojë edhe homologë nga vende të ndryshme të botës, të pranishëm në këtë samit. Majko pritet që të jetë në datën 9 maj atje, për të zhvilluar vizitën e tij zyrtare. Kjo është vizita e parë e kryeministrit Majko që bëhet në SHBA, që nga momenti i zgjedhjes së tij në këtë post. Ndërsa për Meidanin kjo s'është vizita e parë, sepse ai disa herë gjatë mandatit të tij presidencial ka zhvilluar vizita në SHBA. Këtë herë për të përgatitur turneun e tij të gjatë në shtetet amerikane ka kontribuar edhe diplomacia shqiptare.


Po kjo pune?

I lumte!

[Albo]

Meqenese Mejdani do te "largohet nga politika" (kur ka qene ndonjehere ne politike?) pasi i mbaron mandati, "diplomacia shqiptare" po i pergatit ceremonine para largimit. Edhe nje vizite e re e gjate per Mejdanin, por kesaj here jo ne Pekin por ne Washington.

Nese do te takohet me presidentin amerikan, kjo eshte pak e besueshme por edhe nese takohet, diplomacia amerikane e dha mesazhin e saj per Shqiperine vetem para pak ditesh ne evenimentin me te madh te organizuar nga lobi shqiptar ne US. Kjo vizite e "rufeshme", pasi nuk ka qene e planifikuar me pare, vjen fill pas njoftimit mbi emerimin e ambasadorit te ri amerikane ne Shqiperi nga Bush.

Kurse Majko, ndryshe nga Mejdani qe del se shpejti nga skena, do marri "leksione" te reja ne Washington dhe do te jete interesant te shohim se me cfare optimizmi do te largohet Majko per ne atdhe. Ardhja e ketyre dy figurave ne US, i shton mornicat ne trupin e Nanos dhe Metes, pasi mesazhi per Mejdanin do kete lidhje me zgjedhjen e presidentit, kurse ai per Majkon do kete lidhje indirekte me fatin e PS-se.

Kriza shqiptare u shty deri ne kete pike nga perendimoret pasi ka patur preokupime te tjera me prioritet me te madh ne bote. Por tashme kjo krize ka arritur stacionin e saj te fundit, dhe nuk mund te shtyhet me ne tej, por kerkon zgjidhje.