"Skifteri" italian kap drogë shqiptare!

[DI_ANA]

Një operacion i policise italiane dergoi ne qeli nje grup prej 18 shqiptaresh te implikuar ne trafik lendesh narkotike

Jo pak, por 18 shqiptarë të arrestuar dhe një sasi lënde narkotike që vlerësohet në shumën e 5 milionë eurove është rezultati i një operacioni të kryer dje nga policia italiane. Drejtoria Investigative Antimafia (DIA) e Barit arrestoi dje 21 persona, në kuadër të operacionit të koduar “Skifteri”, si dhe sekuestroi heroinë të ardhur nga Shqipëria, kokainë dhe ekstazi. Emri i operacionit të mbyllur mëngjesin e djeshëm ishte i vendosur në shqip, “Skifteri”, dhe duket se kishte të bënte me faktin se pjesa më e madhe e personave të vënë në hetim dhe të arrestuar dje ishin shqiptarë. Sipas mediave italiane, të paktën 18 shqiptarë u arrestuan, ndërsa tre të tjerë të përfshirë në narkotrafikun ndërkombëtar ishin shtetas italianë. Emrat e 18 shqiptarëve të vënë në pranga nuk u bënë të ditur dje për median. Gjeografia e arrestimeve përfshiu jo vetëm jugun e Italisë, ku nisën hetimet për organizatën shqiptare të narkotrafikut, por dhe Romën, Padovën, Firencën, Pezaron, Ankonën dhe Peruxhian. Kanali i furnizimit me kokainë dyshohet se ishte Amsterdami dhe Roterdami në Holandë, dhe si shitblerja, ashtu dhe transporti i lëndës narkotike, bëhej nga shqiptarë, të cilët kalonin nga veriu i Italisë drejt jugut, e më pas dyshohet se edhe në Greqi. Droga në Itali po arrin muajt e fundit po nëpërmjet detit dhe më së shumti nëpërmjet anijeve të pasagjerëve dhe mallrave. Pas mbërritjes së lëndës narkotike në vendin fqinj, në zonën e Pulias, të tjerë shqiptarë merreshin me shpërndarjen. Ndërsa sipas medias italiane, heroina vinte nga Shqipëria. Sipas hetuesve, nga fitimet e këtij maksi narkotrafiku investoheshin aktivitete ekonomike në Shqipëri. Kokaina dhe heroina me vlerë 5 milionë euro u sekuestruan së bashku me automjete dhe telefona celularë të 18 shqiptarëve të vënë në pranga. Po gjithmonë sipas prononcimeve të dhëna nga hetuesit e dosjes, gjatë hetimit të kryer, prej tyre është evituar edhe një vrasje. Arrestimi i një shqiptari të armatosur me pistoletë që ishte bërë gati të eliminonte një bashkatdhetar në Itali, sipas tyre dyshohet se ishte një larje hesapesh në mes të bandës. Sipas Klaudio Peçiçias, drejtor i DIA-së së Barit, fitimet e mëdha të këtij trafiku droge transferoheshin në Shqipëri dhe investoheshin në aktivitete të rëndësishme ekonomike. Po kreu i DIA-s shtoi se fenomeni i trafikut ndërkombëtar i drogës në zonat e jugut, i drejtuar nga klane e grupe shqiptarësh, ishte nënvlerësuar deri më tani për nga rëndësia që ata kanë marrë. “Ky fenomen për fat të keq, - tha dje në një konferencë shtypi kreu i Drejtorisë Investigative Antimafia, Peçiçia, - arrin në kufijtë e emergjencës së shkaktuar në vitet e kaluara me kontrabandën e cigareve”.

Marre nga "Korrieri"


Ps....ja dhe keta te shkretet nga halli e paten....Ej zot!
Si bien lopates aty po merren me "skiftera"!!

[IL__SANTO]

DI_ANA po cte bejne te shkretet.Kishin pyetur por vendet e lopates ishin te zene.

Megjithate tregon se jemi popull qe e kuptojme situaten.Ska vende punde,gjejme alternativa!

[DI_ANA]

DI_ANA po cte bejne te shkretet.Kishin pyetur por vendet e lopates ishin te zene.

Megjithate tregon se jemi popull qe e kuptojme situaten.Ska vende punde,gjejme alternativa!

E di qe e kane mire keta,te pakten jane burra dhe rrezikojne,por jo si ata deputete qe vetem llafe e llafe dhe i mbajne ato apo si mbajne prape fitimin e kane ne xhep!
Kurse keta te tjeret i pret burgu!

[DI_ANA]

Kokaina 5 milione euro, pranga biznesmenit shqiptar

E Shtune, 15 Mars 2008

Nje biznesmen shqiptar ne Itali eshte kapur me nje sasi prej 5,5 kilograme kokaine e paster me vlere 5 milione euro. Orest Stavro, banues ne Tirane, eshte arrestuar ne flagrance nga policia italiane ne autostraden jugore te Riminit, gjate nje kontrolli te zakonshem. Ai ka pretenduar se po udhetonte ne Itali, ndersa karabinieret i kerkuan dokumentet e makines qe mbante targa spanjolle. Kontrolli u krye ne autostrade, ndersa droga u gjet ne serbatorin e mjetit tip "Ford".

Arrestimi

"Jam ne nje udhetim per qejf ne Rimini", ka deklaruar per policine biznesmeni 36-vjecar nga Shqiperia, i cili sipas medias italiane eshte nje sipermarres qe punon mes dy vendeve, por nuk saktesuan linjen e tregtise. Por kjo nuk eshte besuar nga policia, e cila ka nisur te beje nje kontroll makines me te cilen po udhetonte i riu, nje "Ford Focus". Kontrolli i imresishem ka bere qe ne serbatorin e karburantit, ne nje shtrese dyfishe, policia te gjeje lenden narkotike, ne nje sasi te konsiderueshme prej 5,5 kilograme kokaine te paster. Menjehere mbi biznesmenin shqiptar kane rene prangat, duke e shoqeruar per ne qeli. Stavro udhetonte me nje makine me targa spanjolle dhe eshte ndaluar per nje kontroll dokumentesh. Ndalimi mesohet se eshte bere mengjesin e dy diteve me pare, fill pasi ishin nxjerre pakot e kokaines nga serbatori, ne jug te qytetit te Riminit.

Cifti

Po dje, ne Itali, ne qytetin e Kremonas, policia ka vene ne pranga nje shqiptar se bashku me gruan e tij boshnjake, pasi gjate kontrollit u jane gjetur ne sendet e tualetit te gruas, dy kilograme kokaine e paster. Cifti se bashku me dy persona te tjere jane vene ne pranga, pasi u eshte gjetur lenda narkotike. Ata ishin duke udhetuar me nje makine "Alfa Romeo", ne autostraden A21, kur jane ndaluar u eshte gjetur droga dhe jane vene ne pranga. Emrat e tyre nuk behen te ditur, pasi ende nuk kane mbaruar hetimet.

Operacion ne Oksford

Nderkohe qe nje operacion antidroge i zhvilluar ne Angli, ka vene ne pranga dhjete persona, nder te cilet tete jane shqiptare. Media britanike ka bere te ditur se, nje operacion i policise se qytetit te Oksfordit ka cuar ne zbulimin e nje grupi trafikantesh droge, te perbere nga qytetare shqiptare dhe britanike. Shqiptaret e arrestuar jane Elton Celbeqiri, Oltjon Nezha, Leon Cohadari, Gentian Harizaj, Elmond Koshaj, Ulijan Nelku, Klodian Kono dhe Albert Kovaci. Gjithashtu gjate ketij operacioni kane rene ne pranga edhe dy qytetare britanike, emrat e te cileve nuk behen te ditur. Ne perfundim te aksionit policia angleze sekuestroi dy laboratore droge, nje sasi kokaine, perzieres dhe disa mijera paund. Sipas saj, sasia e lendes narkotike mberrinte ne Britani nga Italia dhe Holanda dhe pasi perpunohej dhe shitej ne qytete te ndryshme.

Perg. A. Cena


"Koha Jone"

[DI_ANA]

Abuzimet e doganiereve, hetim tre firmave

E Shtune, 15 Mars 2008

Kreu i doganes se dhe nje doganier ne Berat jane vene ne pranga, pasi akuzohen se kane favorizuar te pakten tre firma te ndryshme te artikujve industriale dhe ushqimore. Kete fakt e kane bere te ditur burime zyrtare te Policise se Shtetit, diten e djeshme, per gazeten "KJ". Sipas tyre, arrestimi i drejtorit Hodo Hasani, 34 vjec dhe doganierit te pranimit te deges, Shaban Danushi, 45 vjec, eshte bere ne ambientet e firmes "Center Shqiptare" sh.p.k, ne operacionin e koduar "Fason", pasi i kishin marre nje biznesmeni nje sasi parash, ne kembim qe te mos sillnin pengesa dhe vonesa gjate kryerjes te procedurave doganore. Por, pervec ketij biznesmeni, dyshohet se dy te arrestuarit kane favorizuar dhe firma te tjera, gjithmone ne kembim te shumave te parave.

Burime nga grupi hetimor kane bere te ditur se dy te arrestuarit kishin vene dhe nje date fikse qe biznesmenet te paguanin leket. Dy zyrtaret kishin me shume se nje vit qe i kishin caktuar nje kuote mujore biznesmenit, duke e detyruar ate ta paguante ne daten 10 te cdo muaji. Gjate operacionit u sekuestruan 275 mije leke 300 euro, tre celulare, dy automjete, praktika doganore qe implikonin ne kryerjen e veprimeve korruptive dy personat e mesiperm. Grupi hetimor eshte duke hetuar per zbardhjen e rasteve te tjera te mitmarrjes nga keta dy zyrtare edhe ndaj biznesmeneve te tjere te qytetit. Mbi dy te arrestuarit rendon akuza e "korrupsionit pasiv nga punonjes qe ushtrojne funksione publike".

A.Cena



"Koha Jone"

Ps....nje gabim ne titullin e pare....me falni!