Kosovës i duhen 2 miliardë USD për shtetin, SHBA jep 25 përqind

[Cimo]

Zyrtari i lartë i Departamentit Amerikan të Shtetit tha se Kosovës i duhen rreth 2 miliardë dollarë ndihma nga jashtë deri në fund të vitit, ndërsa Shtetet e Bashkuara do të kontribojnë me 25 përqind të shumës Bashkimi Evropian duhet të mbulojë pjesën tjetër Version multimedial i ketij lajmi

Zyrtari i lartë i Departamentit Amerikan të Shtetit, Daniel Fried tha se Kosova ka nisur një fillim të mbarë që nga shpallja e pavarësisë nga Serbia. Pas kësaj Daniel Fried shtoi se vendit i duhet edhe më tutje ndihmë e madhe për t’u bërë një shtet i aftë. Ai i bëri këto komente para Komitetit për Marrëdhënie me Jashtë të Senatit amerikan. Fried tha se Shtetet e Bashkuara nuk duhet të largojnë vëmendjen e tyre nga zhvillimet në Kosovë. Daniel Fried shtoi se Kosovës i duhen rreth 2 miliardë dollarë ndihma nga jashtë deri në fund të vitit. Ai tha se Shtetet e Bashkuara do të kontribojnë me 25 përqind të shumës ndërkaq pret që Bashkimi Evropian të mbulojë pjesën tjetër. Duke përsëritur kritikat e ashpra të SHBA-ve ndaj Serbisë për nxitjen e dhunës ndaj Kosovës, Frid tha se Shtetet e Bashkuara shpresojnë se Serbia do ta ndryshojnë kursin në mënyrë vendimtare drejt integrimeve me Evropën Perendimore. Edhe kryesuesi i Komitetit për Marrëdhënie me Jashtë, senatori Jozef Biden po ashtu i tërhoqi vërejtjen Serbisë për qëndrimin që po mban. “Qeveria e Serbisë duhet ta ndalë shfrytëzimin e pavarësisë së Kosovës që mos ti shkaktojë më tepër dëme këtij vendi”, tha senatori Biden duke shtuar se “Serbia duhet të fillojë të ndryshojë politikën e saj të dështuar në 15 vitet e fundit dhe ta shohë të ardhmën si pjesë e Evropës” ka thënë Biden.
(Radio Europa e Lirë/Balkanweb)

[benseven11]

Po fitoi zgjedhjet per president MCcain jua garantoj qe ka per tju fut me tanke serbit.lol

[extreme]

ishalla si qesin nprivatizim ato 2 miliard euro ahahha

[Cimo]

Ndihma financiare e Bashkimit Evropian pёr Kosovёn nё periudhёn e viteve 2007-2010 pёrmbanё shifrёn prej 1 miliardё euro, ku pёrfshihet edhe përkrahja pёr proceset politike dhe ekonomike por edhe pёr prezencën e BE-sё nё vend.

Stabiliteti afatgjatë nё rajon mund tё garantohet vetëm me forcimin e perspektivës evropiane tё vendeve tё rajonit. Keshtu thuhet nё raportin e Komisionit Evropian per integrimin ne BE te vendeve te Ballkanit Perendimor qe u publikua sot. Ne raport nenvizohet domosdoshmëria e zgjidhjes sё statusit tё Kosovës dhe lidhjet qё ka Ballkani Perëndimor me Bashkimin Evropian, duke parashtruar ketu rendesine e ruajtjes se paqes dhe stabiliteti nё rajon.

Duke u ndalur tek Kosova, KE rendit ne raportin e saj sfidat qё e presin shtetin e ri ne te ardhmen. Keto sfida jane forcimi i rendit dhe ligjit, lufta kundër krimit tё organizuar dhe korrupsionit, si dhe përkrahja pёr zhvillimet ekonomike. Ndihma financiare e Bashkimit Evropian pёr Kosovёn nё periudhёn e viteve 2007-2010 pёrmbanё shifrёn prej 1 miliardё euro, ku pёrfshihet edhe përkrahja pёr proceset politike dhe ekonomike por edhe pёr prezencën e BE-sё nё vend. Sipas raportit tё publikuar, Kosova ka bёrё përparim drejt krijimit tё njё shoqёrie demokratike dhe shumetnike. “Kosova, ashtu sikurse edhe vendet e tjera tё Ballkanit ka perspektiven e qartë evropiane” thuhet nё raport si dhe rikonfirmohet se Komisioni Evropian do tё intensifikojë përkrahjen pёr ndёrtimin e institucioneve ndaj edhe do organizohet konferenca e donatorëve ku do mobilizohen fondet pёr tё ndihmuar nevojat urgjente tё Kosovës.

Nderkaq duke iu referuar ngjarjeve pas 17 shkurtit, nё raport thuhet se ёshtё shumё e rёndёsishme qё Prishtina dhe Beogradi tё përmbahen nga aktivitete apo deklarata qё mund ta rrezikojnë situatën e sigurisë.

INA