Dhimbja e Qafës!

[DI_ANA]

Si te shmangesh rishfaqjen e dhimbjes se qafes

Mjekët tërheqin vëmendjen të tregoheni të kujdesshëm në drejtim të stilit të jetës dhe rekomandimeve të mjekëve, në mënyrë që të mund të shmangni rishfaqjen e sëmundjes. Por si mund të ndalohet rikthimi i sëmundjes dhe çfarë këshillash mund t’u jepen këtyre personave gjatë kësaj periudhe të vitit? Ja çfarë thotë në një intervistë për gazetën, mjekja reumatologe Aida Nica:
Doktoreshë, pse gjatë stinës së vjeshtës riaktivizohen rastet e spondiloatrozave?
Stina e vjeshtë përkon me ndryshimet klimaterike dhe rritjen e nivelit të lagështirës në ajër. Kjo e fundit së bashku me ndryshimin e presionit të ajrit, ndikojnë në ndryshimin e kripërave në kocka dhe për pasojë dhe rishfaqjen e dhimbjeve. Megjithatë përveç efektit të klimës, në rishfaqjen e dhimbjeve ndikojnë dhe një sërë faktorësh të tjerë, të tillë janë: ngritja e peshave të rënda, mungesa e aktivitetit fizik, korrentet e ajrit etj.
Si rishfaqet sëmundja?
Fillimisht sëmundja nis me kërcitjen e kockave, që pason me dhimbjen që është dhe tipar dallues i sëmundjes. Përveç kësaj mund të ndodhë të shfaqen probleme me ekuilibrin, gjë që zgjat pak sekonda dhe më pas zhduket. Në të njëjtën kohë mund të shfaqet temperaturë lokale në vendin ku shfaqet dhimbja.
Çfarë ndërlikimesh mund të shfaqin?
Kjo është një sëmundje degjenerative kronike dhe qëllimi ynë është shmangia sa të jetë e mundur e përkeqësimit të saj. Megjithatë ndër ndërlikimet që mund të shfaqen janë invaliditeti dhe pamundësia e pacientit për të lëvizur dhe kryer një jetë normale.
Çfarë rekomandohet për të parandaluar rishfaqjen në këtë periudhë të vitit?
Së pari, rekomandohet eliminimi i faktorëve që ndikojnë në shfaqjen e sëmundjes. Kështu, së pari, rekomandohet kujdes gjatë sforcimeve fizike dhe ngritjeve të peshave. Duhet treguar kujdes për mbajtjen nën kontroll të peshës trupore, që të evitohet mbipesha, e cila është një faktor që ndikon në shfaqjen dhe acarimin e sëmundjes. Po ashtu rekomandohen trajtime me kalcium dhe vitaminë D për gati 3 muaj. Në të njëjtën kohë rekomandohet fizioterapi, e cila bëhet dy herë në vit, me seanca nga 7-10 ditë. Fizioterapia është mjaft efikase në trajtimin e kësaj sëmundjeje, veçse nuk mund të përdoret nga personat që përveç spondiloatrozës kanë probleme kardiake.
Mund të shkojnë në llixha këta persona?
Po. Llixhat janë mjaft të rekomandueshme, sidomos gjatë muajit tetor, që është dhe periudha më e përshtatshme për të shkuar.
Në momentin që shfaqen dhimbjet, çfarë mund të përdoret për t’u qetësuar?
Së pari, mund të përdoren qetësues si: paracetamol, kodein etj., antiinflamator josteroidë dhe qetësues për muskujt. Ndërkohë rekomandohet vendosja e akullit dy herë në ditë, për nga 10 minuta në vendin ku shfaqet dhimbja.

keshilla

• kujdes në ngritjen e peshave të rënda

• kujdes me korrentet e ajrit

• përdorni medikamente antidhimbje dhe antiinflamatore, kur ju shfaqen dhimbjet

• eliminoni mbipeshën

• mbanin nën kontroll peshën trupore

• bëni fizioterapi

• shkoni në llixha

• shkoni rregullisht te mjeku specialist

Vera e kuqe, “aleate” për të luftuar kancerin në prostat

Vera e kuqe arrin të ulë rrezikun për shfaqjen e kancerit të prostatës. Duket se efekti mbrojtës i pijes është më efikas kundër formave më të avancuara të sëmundjes. Të paktën ky është përfundimi i një studimi të kryer nga “Cancer Research Center” në SHBA. Gjatë studimit janë intervistuar 1623 pacientë, të cilëve u ishte diagnostifikuar kanceri në prostat. Studiuesit kanë vërejtur se te burrat që pinin 4 gota vera në javë, rreziku ulej me 50 për qind, rezultat që nuk ishte vënë re për pijet tjera alkoolike, përfshi dhe verën e bardhë. Kjo, sipas studiuesve, shpjegohet me faktin se substanca që i atribuohej efekti mbrojtës “resveratroli”, ndodhet vetëm në rrushin e kuq. Substanca gjendet dhe në formën e përbërësve dietik që rekomandohen për mbrojtjen nga sëmundjet kardiovaskulare. Substanca ka efekt antioksidant, anti-radikaleve të lira, vepron në procesin e shkatërrimit të qelizave që mund të çojë në shfaqjen e tumorit dhe ndihmon trupin të eliminojë qelizat tumorale. Kjo mund të ndikojë në uljen e hormoneve mashkullore, si testosteroni që ndikon në shfaqjen e kancerit të prostatës.
Studiuesit nënvizojnë faktin se avantazhet e verës mund të bëhen vetëm nga konsumi i moderuar i kësaj pijeje, ndërkohë që konsumi i tepruar mund të çonte në shfaqjen e efekteve negative, si p.sh., përshpejtimin e kancerit. Rezultatet e studimit do të përsëriten në një numër më të madh personash dhe me mosha të ndryshme, në mënyrë që të arrihet në përfundime më të sakta.

Don Imeraj

[Agon_xh]

Diana mos e studion Mjeksin ?

[DI_ANA]

Diana mos e studion Mjeksin ?

Lol...

Jo jo kam tjeter profesion,por me pelqen te di shume gjera rreth saj!

Respekte

[DI_ANA]

Trashëgimia, faktori numër një në shfaqjen e artrozës


Me kalimin e moshës shtohet rreziku për t’u prekur nga artroza. Megjithatë shenjat e para të artrozës mund të shfaqen edhe që në moshën 20-vjeçare. Por veç peshës së viteve, të tjerë faktorë ndërhyjnë në shfaqjen e dhimbjeve, që sjellin një shqetësim funksional: trashëgimia, keqformimi i artikulacioneve dhe traumatizmat e llojeve të ndryshme. Artroza nuk është vetëm çështje moshe. Kjo sëmundje është brerja me kalimin e viteve e kërcit që është në zonën ku bashkohen kockat midis tyre. Nga artroza njerëzit vuajnë në përgjithësi pas moshës 50-vjeçare, edhe pse simptomat mund të shfaqen vite me parë. Por jo vetëm mosha tregon gjithçka rreth kësaj sëmundje. Në moshën 70-vjeçare, sipas statistikave më pesimiste, vetëm 40 % e njerëzve kanë artroze në gju. Pra, elemente të tjerë ndërhyjnë në formimin e artrozës dhe në këta, veç trashëgimisë, janë dhe faktorët mekanikë.
Faktorë të tjerë që ndikojnë në shfaqjen e artrozës:
- Mbingarkesa profesionale dhe sportive
Shembujt janë të panumërt. Artroza e gjunjëve është më e përhapura tek sportistët e peshave të rënda. Tek balerinët vërehen artrozat e këllqeve, ndërsa tek ata që luajnë tenis apo vrapuesit, vihet re artroza e gjunjëve dhe e këllqeve, e cila është dy herë më e shpeshtë.
- Keqformimet artikulare
Në moshën kur duhet te shfaqet artroza, ajo favorizohet tek personat që kanë pasur keqformime të kockave pas lindjes, siç janë për shembull njerëzit shkurtabiq, etj. të cilët vuajnë nga artrozat.
- Mikro-traumat
Mikro-traumat e përsëritura janë gjithashtu shkaktare të artrozave. Kjo ndodh shpesh tek punëtorët që përdorin pistoletat që shpojnë asfaltin e rrugëve, të cilët përgjithësisht vuajnë nga artroza e bërrylave. Tek futbollistët vërehen re artrozat e këmbëve, ndërsa tek hedhësit e çekiçit, artroza e bërrylit. Por artroza mund të shfaqet dhe si pasojë e një traumatizmi të rëndësishëm, si kur ndodh një thyerje e kockës së artikulimit. Një faktor tjetër është dhe « hiperlaksiteti ligamentar », ku ka një përkulje të fortë artikulare, siç e shohim tek disa akrobate që vënë këmbët pas qafës, etj.
- Sporti dhe artroza
Për të mos u prekur nga artroza mjekët këshillojnë një jetë aktive, pak vrap e shëtitje. Në këtë mënyrë trupi do të jetë në lëvizje. Por ka njerëz që edhe pse nuk janë marrë asnjëherë me sport nuk kanë shenja të shfaqjes së artrozës.
- Menopauza
Artroza prek si burrin, ashtu dhe gruan. Megjithatë rastet më të shumta vihen re tek gratë, veçanërisht artrozat e duarve dhe deri diku dhe të gjunjëve. Shumë femra fillojnë të vuajnë nga artroza në kohën e menopauzës. Menopauza korrespondon me një ndalim të prodhimit nga organizmi të estrogjeneve nga vezoret. Qelizat e kërcit lidhës kanë disa receptorë të estrogjeneve dhe veprimi i tyre varet nga sasia e estrogjeneve të prodhuara. Gjatë menopauzës, gratë humbin lëndë kockore në mënyrë të ndjeshme dhe kjo është e lidhur pikërisht me mungesën e estrogjeneve.

Te dhena

- Trashëgimia
- Mosha
- Mbingarkesa profesionale dhe sportive
- Keqformimet artikulare
- Mikro-traumat
- Mungesa e aktivitetit sportiv
- Menopauza
- Obeziteti

.............

Simptomat me të cilat shfaqet artriti reumatik

Pezmatimi reumatik i nyjeve trupore (kyçeve) ose ndryshe artriti reumatik është një sëmundje, që shpesh nis në nyjet e vogla, në duar dhe këmbë. Kyçet ënjten, të dhembin dhe në rastin e malcimit të madh ato bëhen të nxehta. Malcimi çon në sertësi në kyçe, sidomos kur njeriu çohet në mëngjes apo ka ndenjur në vend për një kohë të gjatë. Më e zakonshmja është që kyçet preken po aq shumë në të dyja anët e trupit. Malcimi nis në indet e kupës së kyçit. Nëse malcimi vazhdon për një kohë të gjatë, mund të dëmtojë pjesë të ndryshme në kyç dhe rreth tij si kërcet e kyçit, kockat, gilcat dhe ligamentet. Lëvizshmëria në kyçe keqësohet dhe kyçi në disa raste mundet të keqvendoset. Në raste të rralla mundet që edhe organe të tjera në trup të malcohen, si për shembull pleura, cipa e zemrës, enët e gjakut dhe sytë.

.............

Periudhat aktive dhe të qeta të sëmundjes

Ai që ka artritin reumatik mund të përjetojë periudha të qeta të kësaj sëmundjeje, por ndonjëherë vijnë disa periudha kur sëmundja është më aktive. Gjatë kësaj kohe njeriu ndjehet edhe më i lodhur. Vështirësitë qëndrojnë shpesh tek veprimet praktike në shtëpi, në punë dhe në kohën e lirë. Për të zgjidhur disa andralla të përditshme ka mjete të ndryshme ndihmëse. Tetë këshilla rekomandojë specialistët, për të lehtësuar dhimbjet reumatizmale për të gjithë njerëzit, kjo sëmundje është shumë e përhapur në vendin tonë, për shkak të klimës dhe kushteve të jetesës. Faktorët hormonalë, por edhe tuhatja mund të ndikojnë në të. Malcimi çon në mpirje në kyçe, sidomos kur njeriu çohet në mëngjes apo ka qëndruar në vend për një kohë të gjatë.

.............

Artroza dhe ndikimet e aktivitetit fizik

Sot ekziston një diskutim i madh lidhur me raportin e sportit me artrozën. Disa që mbrojnë efektin dobiprurës të sportit e kanë të vështirë të pranojnë se sporti shpesh mund të prekë dhe artikulacionet, duke krijuar artrozë. Ndërsa ata që nuk e duan sportin vënë përpara thënien e Çërçillit, të cilën kur e pyeten se cili ishte sekreti i jetëgjatësisë së tij, ai iu përgjigj: “ Sepse s’kam bërë asnjëherë sport!” Por nga ana tjetër, ka tetëdhjetëvjeçarë që bëjnë ende maratonën dhe nuk vuajnë nga artroza, si shkak i përdorimit të shumtë të artikulacioneve Doktorët pohojnë se maratona është e mirë për bashkimet e gjymtyrëve, sepse ajo e parandalon artrozën. Veç kësaj mjekët asnjëherë nuk kanë pohuar që sporti të jetë i rrezikshëm për artrozën, pra sportistët duhet të flenë të qetë.

.............

Trashëgimia, faktori kryesor për artrozën

Studimi i dy binjakeve “monozygote”, pra identike, të dalë nga e njëjta vezë, tregon se gjenet janë përgjegjëse në 60-70 % të artrozës së duarve. Ky studim flet gjithashtu dhe për artrozën e gjurit. Disa artroza të këllqeve kanë një karakter familjar, ku njerëz të së njëjtës familje janë me proteza në këllqe. Në Islande, artroza e këllqeve është shumë e përhapur dhe kjo ndoshta si pasojë e një gjeni anormal, ende të pa identifikuar, dhe nga frekuenca e martesave brenda gjakut. Njihen gjithashtu dhe familje që kanë artroza që në moshën 20-vjeçare. Por në këto familje gjeni përgjegjës është identifikuar. Mjaft të njohura në artrozat janë dhe faktorët mekanikë, të cilat i brishtësojnë bashkimet e artikulacioneve. Obeziteti është një shkak i artrozës së gjurit dhe të kofshëve.

Tirana observer

[DI_ANA]

Shfaqja e dhimbjeve të qafës dhe simptomat

Shkruar nga Elberta Spaho

Friday, 14 March 2008

Dhimbja e qafës ndonjëherë është vërtetë e padurueshme, ndonjëherë na bën të ndjehemi keq kur ndodhemi në ambiente me njerëz dhe në të shumtën e rasteve nuk të lejon të kesh një ditë normale pasi duket si një peshë e madhe që i ka zënë rrugën mendimeve. Dhimbja e qafës sot është shumë e përhapur. Pozicionet jo të përshtatshme të qëndrimit në këmbë apo ulur, mbajtja e takave të larta, artrozat apo tensionet nervore janë të gjitha motive për të shkaktuar dhimbje në këtë pjesë të trupit.
Si shfaqet
Dhimbja e qafës shfaqet në forma të ndryshme. Në qoftë se dëshiron të zgjedhësh terapinë më të dobishme, duhet të studiosh me kujdes simptomat. Dhimbja akute, e dhunshme është e pranishme vetëm në një anë dhe shfaqet sidomos kur përpiqemi që të ndryshojmë pozicion. Jemi të detyruar që ta mbajmë kokën të përkulur nga një anë. Të krijohet përshtypja se jemi tërësisht të bllokuar dhe të ngrirë. Dhimbja është e shurdhët, qafa është e ngrirë, muskujt janë të tendosur dhe të krijohet përshtypja se keni një peshë mbi shpatulla. Kjo dhimbje përgjithësisht shkaktohet nga qëndrimi në një pozicion të keq për një kohë të gjatë ose nga stresi dhe tensionet emocionale. Dhimbja është konstante dhe përgjithësisht është në të dyja anët e qafës.
Parandalimi
Duhet të jeni të kujdesshëm dhe kujtoheni gjatë ditës për gjëra të vogla që kanë lidhje me pozicionet e qafës, mund të shmangni një pjesë të mirë të dhimbjeve të shkaktuara pikërisht nga ky shkak. Këshillohet të mbani një qëndrim korrekt. Shprehja e vjetër "shpatullat prapa dhe gjoksin jashtë" është akoma në fuqi. Duhet treguar kujdes në zgjedhjen e karriges së përshtatshme. Karrigia e atij që kalon shumë kohë ulur duhet të jetë e tipit që të rregullojë gjatësinë. Këmbët duhet të qëndrojnë të mbështetura në dysheme dhe kurrizi të jetë i mbështetur në karrige. Duhet të shmanget ideja për të bërë një punë tjetër në kohën që flisni në telefon, sepse do të jeni të detyruar që ta mbështesni atë me shpatull në faqe, pozicion i cili është shumë i disfavorshëm për qafën. Duhet të ngrihesh nga karrigia çdo orë dhe të bësh disa hapa për të ndryshuar pozicionin e kolonës vertebrale. Është një ushtrim i detyrueshëm për ata që kalojnë orë të tëra në tavolinë. Pozicioni gjatë periudhës së gjumit duhet të jetë ai me kurriz poshtë ose të kthyer në anë. Pozicioni me gjoksin poshtë mban në tension vertebrat e qafës dhe mund të shkaktojë dhimbje. Këshillohet të bëni ushtrime të vogla të përditshme. Bëhet fjalë për lëvizje të kujdesshme të qafës në çdo moment të ditës që të ndodheni dhe sa më shpesh që të mundeni për të shmangur ngrirjen e muskujve.
Kur duhet t'i drejtohemi mjekut
Në qoftë se pësoni përplasje me makinë apo një traumë gjatë një aktiviteti sportiv apo duke u rrëzuar për çdo lloj motivi dhe në qoftë se dhimbja në qafë është e shoqëruar me të vjella dhimbje koke, ethe, padurim të dritës dhe mpirje të krahut apo të pjesëve të tjera të trupit; në këto raste është e këshillueshme që t'i drejtoheni mjekut. Vonesat në ndërhyrje mund të shoqërohen me pasoja.

Disa këshilla për të shmangur dhimbjet në qafë

- Tregoni kujdes me pozicionet e qafës
- Mbani një qëndrim të përshtatshëm
- Shpatullat prapa dhe gjoksin jashtë
- Zgjidhni karrigen e përshtatshme
- Këmbët duhet të qëndrojnë të mbështetura në dysheme
- Kurrizi duhet mbështetur në karrige
- Kujdesuni për pozicionin e kolonës vertebrale
- Bëni ushtrime të vogla të përditshme

Shkaktarët më të shpeshtë të dhimbjeve në qafë
Motivet nga të cilat shkaktohet dhimbje në qafë mund të grupohen në katër kategori: Kontraktimet muskulore për shkak të stresit, pozicioneve të këqija apo tensioneve emocionale. Kjo është dhe arsyeja më e shpeshtë e dhimbjeve të qafës. Dhe pse shkaku mund të duket i rëndomtë, bllokimi muskulor mund të çojë dhe në një palëvizshmëri totale të përkohshme.
Sëmundje si artroza apo herni diskale janë shkaku i dytë i dhimbjeve të qafës, por që të dyja situatat mund të jenë aktive njëkohësisht. Kush vuan nga këto sëmundje mundohet t'i shmangë rrotullimet e kokës dhe lëvizjet e shpatullave pikërisht për dhimbjen që i shkakton kjo. Në këtë mënyrë muskujt nuk ushtrohen, mpihen dhe ndonjëherë dhe ngrijnë dhe kështu dhimbjes së shkaktuar nga artroza apo hernia i shtohet dhe ngrirja e muskujve.
Dhimbje të shkaktuara nga trauma apo mikrotrauma, si goditje të ndryshme. Këto mund të jenë dhe goditje të marra gjatë aktiviteteve sportive, lëvizjeve të gabuara apo dhe frakturave të vogla të cilat nuk vihen re për momentin. Pasojat e këtyre goditjeve mund të mbarten me vite dhe mund të shkaktojnë një dhimbje qafe kronike.
Shqetësime të tjera të shkaktuara nga inflamacione të ndryshme. Sëmundje si meningjiti shkaktojnë dhimbje dhe ngrirje të muskulaturës së qafës por që gjithmonë janë të shoqëruara me simptoma të tjera më të rënda.

Ndërhyrjet e dobishme për të mposhtur dhimbjen e qafës
Ndërhyrjet e mëposhtme janë të dobishme në rastet kur dhimbja e qafës është shkaktuar nga kontraktimi i muskujve apo një mpirje e tyre.

Me hidroterapi
Kur qafa ka inflamacion, bëni një kompresë me akull për dhjetë minuta. Në qoftë se nuk keni akull, atëherë merrni ndonjë ushqim të ngrirë, mbështilleni me një copë dhe përdoreni si kompresë. Në këtë kohë përgatisni dhe një çantë uji me ujë të nxehtë, mbështilleni me një peshqir dhe aplikojeni në të njëjtin vend ku vutë akullin, menjëherë pasi ta keni hequr atë dhe mbajeni për dhjetë minuta.

Me anë të akupunkturës
Akupunktura është shumë e dobishme në rastet kur dhimbja e qafës është shkaktuar nga kontraktimet muskulore si ato të shkaktuara nga sëmundja e artrozës.
Me anë të masazhit
Teknikat e masazhit janë të dobishme në të gjitha rastet kur qafa dhe shpatullat kanë ngrirë, qoftë pse keni qëndruar në një pozicion të papërshtatshëm, për shkak të artrozës, për një qëndrim të gjatë në të njëjtin pozicion.

Me aromaterapi
Për të shtuar efikasitetin e masazhit, mund të përdoret një vaj i përftuar në këtë mënyrë: Në 50 ml vaj mandarinash të ëmbla hidh 20-30 pika livandë ose kamomili. Të njëjtat vajra, por me masë 2-5 pika mund të hidhen dhe në vaskën e banjës.

"Tirana Observer"