Roli i gjykates kushtetuese

[vlora]

Vendimi i fundit i gjykates kushtetuese na ka habitur te gjitheve.

N.q.se. parlamenti se bashku me presidentin nuk kane fuqine te shkarkojne nje prokuror te pergjithshem atehere kush e ka kete kompetence?


A ka njeri ne forum qe njeh disi kushtetuten tone?


Ju lutem vetem diskutime serioze.

[Anton]

NJË VENDIM PËR FATOS KLOSIN
Arjan VASJARI

Gjykata Kushtetuese vendosi dje të rrëzoje votimin e Parlamentit për shkarkimin e ish-Kryeprokurorit Arben Rakipi, duke provokuar për herë të parë në historinë post komuniste të Shqipërisë një krizë të qartë sistemi. Prej ditës së djeshme, Kushtetuta e Shqipërise është rrëzuar në mënyrën më të paprecedentë në historinë politiko-juridike, prej institucionit që e bazon ekzistencën e tij, pikërisht në respektimin ligjit kushtetues. Askush tashmë nuk ka më argumentin që ja jepte neni 1 i Kushtetutës, se Shqipëria është një Republikë Parlamentare. Ne mund të rrimë dhe të shpikim modele, por askush nuk është më në gjendje të gjejë formën e republikanizmit shqiptar. Vendimi i djeshëm i Gjykatës Kushtetuese, ka të gjithë elementët e domosdoshëm për t’u definuar si një akt i kulluar politik. Këtu nuk është shqetësues fakti se, nga dita e djeshme një njeri i identifikuar si një topuz politik në duart e kryetarit të Partisë Socialiste, ka motive juridike për të pretenduar rikthimin si Kryeprokuror i shtetit. Ajo që sjell shqetësim, është fakti se loja me Rakipin është në thelb një trysni që ushtrohet ndaj opozitës për të mos tentuar rrëzimin e Fatos Klosit.Asgjë nuk më bëri më tepër përshtypje në ligjeratën e Fehmi Abdiut, se sa theksi logjik me të cilin ai artikuloi fundin e saj, i cili lidhej me fuqinë prapavepruese të vendimit.

Pra,me efektin retroaktiv,vendimi i Abdiut nuk synon thjesht të kthejë në inegzistent një vendim te Parlamentit, apo aq më pak të mbajë gjallë ëndrat e Rakipit,por të paralajmërojë kryeministrin Majko se ky është një precedent, i cili nuk mund të injorohet për rastin e Fatos Klosit. Me pak fjalë,çdo tentativë për të larguar Klosin,është një “irracionalitet” që nuk ja vlen të konsumohet, sepse Fehmi Abdiu ndjehet një institucion mbiparlamentar me një sovranitet absolut.Kështu që edhe Pandeli Majko si një kundërshtar i hershëm i Klosit, edhe opozita si nje viktimë e hershme e tij nuk duhet ta prekin “Kainin”. Nuk është hipotezë se pas një shkarkimi të mundshëm,Shefi Shërbimit Sekret mund të aplikojë në mënyrë te ngjashme të njëjtin operacion si të ish-Kryeprokurorit,pra t’i drejtohet Kushtetutës e cila, tashmë do ta ketë edhe më të thjeshtë sepse do t’i duhet të rrëzojë një vendim”te paragjykuar” te kryeministrit .Pra, respektimi i kësaj skeme llogjike shumë probabël, zhvlerëson automatikisht çdo lëvizje të detyruar politiko-institucionale duke iu dorëzuar vullnetit politik te Fehmi Abdiut.Po të mendosh normalisht mund të duket absurde, se nje kryetar i Gjykatës Kushtetuese të jetë kaq recidiv në marrëzitë e tij,por Abdiu është gati-gati një rast klinik.Mbas çdo mandati që u falte socialistëve, ne shpresonim se do të ishte i fundit,por ai vazhdoi sa i bëri 84 copë. Mbas çdo vendimi që shkelte kushtetutën, ne shpresonim se tek vendimi tjetër, ai do t’i thërriste rradakes. Edhe pas abdikimit gati një mujor në rastin e Arben Rakipit, ne të gjithë u provuam si me “budallenjtë” kur nuk menduam se ky njeri i apasionuar pas litarit,e kishte lënë atë qëllimisht jashtë.

Pikërisht për këtë anormalitet sistematik, vendimi i djeshëm i Fehmi Abdiut nuk duhet lexuar si një tentativë për të “ringjallur”Arben Rakipin, por si një paralajmërim për ata që kanë dënuar me “vdekje” Fatos Klosin.

Marre nga Tema

[Albo]

Incidentet e fundit politike ne Shqiperi jane tragjike dhe te japin pershtypjen e nje katastrofe institucionale. Shteti shqiptar tashme nuk ndryshon shume nga shteti i ri i Afganistanit. Ashtu si ne Afganistan, edhe ne Shqiperi nuk e merr vesh i pari te dytin. Qeveria e Afganistanit mezi mbahet ne kembe, ashtu si mezi mbahen ne kembe qeveria shqiptare. Ndryshimi i vetem mids te dyjave eshte se ne Shqiperi kapot e klaneve nuk mbajne veshje ushtarake si ne Afganistan, por veshin kostum e kollaro. Dhe keta kapo kane edhe zagare si puna e Rakipit, Klosit, Abdiut qe jane gati te bejne cdo gje, pavaresisht se shkojne tej limitit te arsyes,

- Gjykata kushtetuese hedh poshte nje vendim kuvendi, edhe pse kuvendi eshte institucioni me fuqiplote ne Shqiperi, pasi kemi te bejme nje nje republike parlamentare.

- Kryetari i sigurimit te shtetit Klosi, akuzohet nga nje ish i denuar se u perpoq ti bente atentat liderit te opozites Berish dhe i pranon publikisht akuzat, dhe te gjitha faktet e servirura nga akuzuesi. Klosi eshte ende ne detyre, asnje mase kunder tij.

- Kryetari i Parlamentit ka vendosur te japi doreheqjen, dhe Nano kerkon doreheqjen edhe te Mejdanit meqenese Kushtetuesja e kapi ne gabim.

- Te gjitha spektret politike jane te pakenaqur nga Kushtetuta dhe kerkojne ta ndryshojme ate. Pra "kushtetua qenka thelbi i telasheve" sipas politikaneve shqiptare.

- Shqiperia paralajmerohet ne menyre te drejtperdrejte se po i largohet integrimit nga BE, fale luftes se deshtuar kunder korrupsionit dhe krizes se thelle politike qe mbreteron ne vend.

- Nano nga ana tjeter lepin te vjellat e tij mbi Finon dhe Anastas Angjelin, pa harruar kundershtarin Ilir Meta. Nese dje i shante dhe hidhte vrer mbi ta, sot i perkedhel dhe i mban prane. Vetem qente i lepijne te vjellat e tyre por kjo nuk do te thote qe shoku Nano eshte qen.


Shqiperia eshte kthyer si ajo kenga:

Bir Selman i nenes
ke te qaj me pare...

[reflektim]

Presidenti ka kompetence sipas kushtetutes qe te shkarkoje Prokurorin e pergjithshem

Neni 149

1. Prokurori i Përgjithshëm emërohet nga Presidenti i Republikës me pëlqimin e Kuvendit.

2. Prokurori i Përgjithshëm mund të shkarkohet nga Presidenti i Republikës, me propozim të Kuvendit, për shkelje të Kushtetutës ose për shkelje të rënda të ligjit gjatë ushtrimit të funksioneve të tij, për paaftësi mendore a fizike, për akte e sjellje që diskreditojnë rëndë pozitën dhe figurën e Prokurorit.

__________________________________________________ __
Arben Rakipi e ka sfiduar vendimin e Presidenit mbi bazen e parregullsive proceduriale ne shkarkimin e tij

Persa i perket kompetences se Gjykates Kushtetuese neni 132 pohon si me poshte:

Neni 132

1. Vendimet e Gjykatës Kushtetuese kanë fuqi detyruese të përgjithshme dhe janë përfundimtare. Gjykata Kushtetuese ka vetëm të drejtën e shfuqizimit të akteve që shqyrton.

2. Vendimet e Gjykatës Kushtetuese hyjnë në fuqi ditën e botimit në Fletoren Zyrtare. Gjykata Kushtetuese mund të vendosë që ligji ose akti tjetër normativ të shfuqizohet në një datë tjetër. Mendimi i pakicës botohet bashkë me vendimin
__________________________________________________ __
Termi "shfuqizim i nje akti" sipas meje ne perkufizimin ligjor do te thote se ky akt eshte i pavlefshem, dmth nuk ka ndodhur kurre.

Ne perkthimin anglisht te kushtetutes per shfuqizim eshte perdorur "invalidate" ndersa ne terminologjine ligjore anglo-saksone perdoret fraza "to render a legal act null and void"

Pra nuk jam i sigurte nese behet fjale per te njejtin koncept juridik ne rastin e ketyre dy termave ligjore.

Nderkohe nje akt tjeter ligjor ka ndodhur, emerimi i Prokurorit te Ri. Pyetja ime nga ana juridike eshte. A presupozon shfuqizimi i vendimit 1 te Presidentit edhe shfuqizimin e vendimit 2 te tij ?

Sidoqofte kjo eshte vetem nje perqasje teknike ndaj problemit pasi gjithe corba ne Shqiperi krijohet prej nje banditi qe aspiron per President

[Shqiptar]

Gjykata Kushtetuese u krijua ne nje kohe qe Shqiperia nuk kish kushtetute por "pakete ligjesh kushtetuese". Ne Shqiperi vepron edhe nje institucion i quajtur "Gjykata e Larte" qe eshte maja e drejtesise shqiptare mos gaboj.

Jo vetem qe socialistet e ndriten me kushtetuten qe hartuan (sot ata jane te paret qe kerkojne ndryshime themelore te saj) por lane ende ne veprim gjykata si kjo kushtetuese qe i ka ikur edhe koha edhe funksioni. Gjykata e larte mund te interpretoje te gjitha nenet e kushtetues me mire se cdo gjyqtar tjeter ne Shqiperi. Ne te njejten kohe, presidenti i vendit nje nga funksionet e tij ka pikerisht, ruajtjen e kushtetueshmerise te ligjeve dhe dekreteve qe leshon parlamenti.

Mesa duket, Abdiu po i tregon Mejdanit dhe shqiptareve se "Une e njoh me mire kushtetuten se ty Z. President". Ka ardhur koha qe keta qen e mace cirqesh te mbyllen neper kafaze pasi nuk te bejne me as per te qeshur dhe as per te qare.

[bursa33]

Ta rikthejme temen tek pyetja e VLORA( jo se dikush ka dale nga tema ) por pyetja e shtruar eshte kjo :

Nese parlamenti me presidentin nuk e shkarkojne dot nje prokuror te pergjithshem,kush mund ta shkarkoje ate ?

Per tu sqaruar kjo eshte sqaruar fare qarte nga Albo -i cili ka dhene tablone politike te sotme dhe nga reflektim i cili ka bere analizen juridike.

Me duhet te shtoj se formulimi i pyetjes nga kolegu nuk presupozon te ngaterroje njeri,dhe as nuk duhet lexuar fjale per fjale.
Eshte e qarte procedura e shkarkimit dhe emerimit te nje funksionari si Prokurori i Pergjithshem.Dihet qarte se politika tek ne eshte lemsh,por nese do interpretojme nje ligj a procedure legale kjo duhet bere pa emocione.

A eshte e mundur kjo ?

Eshte e veshtire por jo e pamundur,ne nje demokraci te brishte si kjo e jona,ka shume precedente kur politika i ka marre frymen ligjit.
Nga ana tjeter ata gjyqtare qe dhane nje vendim te tille thuhet se kane patur motive politike.

Duhen lene keto menjane !
Pavaresisht rrethanave apo shkaqeve qe prune ne kete vendim,ku eshte vendim.Ne cdo vend me demokraci te zhvilluar Gjykata kushtetuese apo ekuivalenti i saj,kane pikerisht kete qellim-SQARIMIN e jo BLLOKIMIN.

Tek ne kjo ndodh sepse:

*Mungon kultura ligjore.Kuptoj me kete precedente te qarte legale.
*Politika dhe individe te caktuar manipulojne eventet ne fjale,duke perfituar nga kjo e para.

Sic thuhet ne hapjen e temes kush mund ta heqe Prokurorin?
Neni 149 /1 thote si emerohet ai,ndersa neni 149/2 si shkarkohet ai.

Si u gatua nje corbe e tille?
Sigurisht qe kuvendi ka juriste per te argumentuar vendimet qe merr.Por mendimi i tyre ose nuk eshte marre ose eshte injoruar para marrjes se ketij vendimi.

Qarte nese juristi i thote Kryetarit te kuvendit ( a sekretarit te tij ) se mocini i paraqitur nga PD -per shkarkimin e Prokur. eshte i pa bazuar ne ligj - Kjo nuk duhet te hynte fare ne rendin e dites.

Ashtu sic dihet tashme qe Berisha u bashkua me Meten,Rakipi do ndiqte kete apo ate,Tosi dashuronte Rakipin etj etj etj.

Megjithese vendimi i GJK. (per hir te saktesise) eshte per proceduren e ndodhur (e cila u vleresua e parregullt) vete mocioni ishte jo legal.

Prokurori shkarkohet atehere e vetem atehere :
kur shkel kushtetuten,per shkelje te renda te ligjit,per paaftesi mendore a fizike dhe per sjellje qe diskretitojne rende figuren e tij neni 149 pika 2 (i shkurtuar ) .

Per asnje nga keto nuk pati fakte,prova a argumentim ligjor-sic jemi informuar ne media.U be nga oportuniste politike per qellime qe s`po merremi me to.

Kthehemi te procedura nese GJK kushtetuese e ARSYETON se vendimi i meparshem eshte i paregullt nga ana PROCEDURIALE atehere vendimi i meparshem bie -sic ka then reflektim termi invalidate /eshte i sakte.Megjithate ne kete rast kemi si pune overrule.

Ky term ka kanotime e qarta perdoret kur gjykata me e larte kthen mbrapsh vendimin e nje gjykate me te ulet.
Megjithese rasti jone eshte ndryshe ne nje fare menyre Overrule eshte bere - ka hedhur poshte nje vendim te meparshem duke e bere ate invalid.

Cdo vendim apo akt i bere mbi nje vendim te parregullt eshte i pavlefshem JURIDIKISHT !

Praktikisht (faza teorike kaloi tashme me botimin e vendimit ) prokurori i ri i emeruar eshte i paligjshem,i vjetri duhet te kthehet ne pune pa hezitim.

Nuk behet fjale per nje prokuror a dy,por per pavaresi pushtetesh !
Duhet jo vetem harmoni e bashkeveprim ,por respektim te institucioneve nga cilado pale.GJK tha fjalen e saj ,PAVARESISHT nga rrethanat -vendimi i saj eshte FINAL.

Akoma me thelle ti futemi kesaj pune:
Ekziston frika nga pole te caktuara,ne pavaresine e pushteteve e ne fjalen perfundimtare te ligjit.

Parlamentaret bejne ligje,por nuk jane ligji ,dhe teorine e relatives u intereson ta marrin si teper seriozisht Dikur duhet thene mjaft.Stop ketu kjo pune merr fund.
Pra dolem te frika e tyre ne krijimin e nje precedenti te rrezikshem,pasi cdo vendim ligjor i GJK,behet preceent ligjor ne te ardhmen,e kjo vjen kunder interesave te atyre qe e nisen kete pune.

bursa33

[Anton]

Vendimet e Gjykates Kushtetuese
Nga Agron Alibali, Konstitucionalist, Harvard, SHBA

Vendimet e fundit te Gjykates Kushtetuese te Shqiperise perbejne nje kontribut te rendesishem ne teorine dhe praktiken e se drejtes kushtetuese shqiptare. Gjykata Kushtetuese e Shqiperise, duke vepruar ne menyre te pavarur dhe te paanshme, shfaqi me autoritet e dinjitet rolin e saj te rendesishem si garante e Kushtetutes se vendit. Vendimi Nr. 75, date 19 prill 2002 afirmon parimin e rendesishem te se drejtes kushtetuese per nje proces te rregullt ligjor sipas Nenit 42/1, parim i cili duhet zbatuar edhe ne procedurat per shkarkimin e funksionareve te larte te sistemit gjyqesor dhe te akuzes. Gjykata ne vendimin e saj thekson se i takon ligjvenesit dhe jo asaj te krijoje normen juridike procedurale. Megjithate gjykata identifikon kater elemente baze te procesit te rregull ligjor qe duhen mbajtur parasysh ne percaktimin e normave dhe procedurave te shkarkimit. Keto jane: argumentimi i shkeljeve, parimi i ndarjes se pushteteve gjate shqyrtimit, njohja paraprake me materialet akuzuese dhe e drejta per t'u degjuar dhe mbrojtur. Nga ana tjeter, Vendimi Nr. 76, date 25 prill 2002 vlereson se procedurat e shkarkimit te ndjekura nga Kuvendi dhe Presidenti nuk ishin ne pajtim me parimet kushtetuese dhe kerkesat e Nenit 42/1 te Kushtetutes, dhe per kete arsye Gjykata Kushtetuese i shfuqizoi ato. Te dyja vendimet e Gjykates Kushtetuese perbejne nje kontribut te rendesishem ne te drejten kushtetuese shqiptare dhe ne jurisprudencen perkatese. Per rendesine e tyre te vecante ne permbajtje, per forcen dhe thellesine e argumentimit juridik, per faktin se ato jane marre ne menyre te pavarur dhe te paanshme, pavaresisht nga trysnia e jashtezakonshme politike e ushtruar, keto vendime marrin permasa historike. Gjykata Kushtetuese me keto vendime ripohon autoritetin e saj si garante e Kushtetutes dhe si interpretuesja perfundimtare e saj. Ajo percjell qarte mesazhin se, ne funksion te rolit te saj te rendesishem kushtetues, ajo nuk do te toleroje shkelje apo cenime te Kushtetutes, pavaresisht se nga cilat pale behen ato.

-Sikurse dihet, reagimi i disa qarqeve politike shqiptare ka qene mjaft i ashper dhe nervoz. Por le t'i referohemi per nje moment konfliktit kushtetues lidhur me zgjedhjet presidenciale amerikane te nentorit 2000. Dihet se Al Gore kishte fituar shumicen absolute te votave ne mbare vendin, porse guvernatori Bush kishte nje shumice te vogel ne Florida, gje qe i jepte atij presidencen. Dihet gjithashtu se votimet ne Florida kishin patur mjaft probleme dhe ishin ne diskutim. Gjykata e Larte Amerikane nderhyri dhe mori nje vendim historik, sipas te cilit rinumerimi i votave, po qe se do te behej, duhet te kryhej ne mbare shtetin e Floridas dhe jo ne disa konte te perzgjedhura, sepse kjo do te sillte shkeljen e parimit kushtetues te barazise para ligjit (equal protection clause). Ishte ky vendimi qe hoqi perfundimisht shanset per president kandidatit demokrat.

Por si reagoi Al Gore dhe Partia Demokrate ndaj vendimit? Ata as nuk kerkuan shkakimin e Gjykatesve te Larte Amerikane dhe as kerkuan suprimimin e vete Gjykates. Ata thjesht njohen dhe zbatuan vendimin e Gjykates se Larte. Sigurisht, kjo ceshtje u be objekt debatesh te ashpra politike e juridike. Por, kerkush nuk vuri ne dyshim kompetencen, legjitimitetin dhe dinjitetin e Gjykates se Larte. Edhe ne Shqiperi debatet e ndezura politike heret apo vone do te shterojne dhe vendimi i Gjykates Kushtetuese do te zbatohet, qofte duke sjelle me vete edhe doreheqjet dhe ndjesat e nevojshme.

Por, nga ana tjeter, cdo levizje politike qe synon ndeshkimin politik te Gjykates Kushtetuese qofte edhe nen vellon e "rishikimit" te kompetencave te saj kushtetuese duhet te marre fund. Perkundrazi, Gjykata duhet te ndihmohet, madje edhe duke i rikthyer asaj kompetencen per t'u vene ne levizje sua sponte, e cila iu hoq me Kushetuten e sotme edhe pse parashikohej ne Ligjin per Dispozitat Kryesore Kushtetuese. Pa dyshim, fakti qe ne Shqiperi ka mekanizma kushtetuese te cilet jane ne gjendje te pengojne dhunen antikushtetuese dhe arbitraritetin e parlamentit, edhe kur kjo shfaqet nen masken e "parlamentarizmit", perben nje arritje te jashtezakonshme te demokracise se sotme shqiptare, arritje e cila duhet konsoliduar e forcuar dhe jo suprimuar.

-Legjislatura e sotme ndofta e ka humbur autoritetin politik e moral, si dhe qetesine, kredibilitetin dhe maturine institucionale per te bere ndryshimet e nevojshme te Kushtetutes. Eshte me se e qarte se ajo cka ndodhi ne 18 mars 2002 perben nje njolle per Kuvendin e Shqiperise dhe parlamentarizmin ne vend. Edhe ne vitet e diktatures, gjate plenumeve famekeqe te KQ te PPSH-se nuk mbahet mend te jene zhvilluar procedura te tilla te urgjente ku, brenda nates dhe per gjashte ore, dikujt t'i behej pretenca dhe t'i jepej denimi politik. Madje edhe ne ato plenume i akuzuari ndodhej gjithmone i pranishem dhe i jepej edhe fjala per te bere "autokritike."

Ndofta roli per rishikimin e Kushtetutes i takon nje Kuvendi te ri, te dale nga zgjedhje te reja, te rregullta e te pakontestuara. Porse, paraprakisht duhen bere disa ndryshime te vete ligjit te zgjedhjeve, qe do te siguronin freskimin dhe shendoshjen e perberjes se Kuvendit, si dhe rritjen e shkalles se llogaridhenies se deputeteve ndaj zgjedhesve. Per shembull, duhen vendosur kritere me rigoroze te vendbanimit te deputetit. Nuk ka pse nje deputet qe banon prej vitesh ne Tirane, te vere kandidature e te perfaqesoje, ta zeme, Kurveleshin apo Petrelen, pa patur nje vendbanim te rregullt e te qendrueshem atje. Ne kete menyre, veprimtaria ligjvenese e deputetit do te ushtrohej duke vjele drejtperdrejte mendimin dhe duke qene nen kontrollin e vazhdueshem edhe te zgjedhesve kurveleshas apo petrelas, nje kusht ky themelor i parlamentarizmit. Ketu del ne pah edhe nje spekullim tjeter i bere ne Shqiperi ne emer te parlamentarizmit. Gazetat kryesore amerikane botojne rregullisht te dhena konkrete per menyren se si kane votuar kongresmenet e shtetit perkates gjate javes per ligje te ndryshme ne Kongres. Eshte nje praktike e konsoliduar demokratike qe kongresmenet te konsultohen edhe me elektoratin e tyre dhe te shprehin vullnetin e tij gjate procesit te votimit te ligjit. Sa u be kjo nga deputetet e Kuvendit te Shqiperise per procedurat e kryera me 18 mars 2002? Fare pak ose aspak.

Po ashtu, duhet te vendoset nje rregull sipas te cilit drejtuesit qendrore dhe vendore te partive politike te perjashtohen nga listat proporcionale. Ne kete menye, keta drejtues do te verifikohen dhe zgjidhen vetem dhe drejtperdrejte nga zgjedhesit dhe po qe se nuk votohen, atehere nuk do te futen ne Kuvend "nga dritarja," domethene nga listat proporcionale. Kjo do te sillte rritjen e pergjegjshmerise se politikes dhe rifreskimin e saj, duke afruar ne te edhe elemente te rinj, te afte e me sens kombetar.

Se treti, ndofta ka ardhur koha qe edhe ne Shqiperi te rritet pragu i hyrjese perfaqesimit ne Kuvend nga 2.5% i sotem, ne 5 %. Pervoja e ketyre viteve te pluralizmit ne Shqiperi tregon se partite me pak te votuara kane marre shume me teper pushtet se sa u ka takuar sipas votes se zgjedhesve. Edhe pse nga keto parti ka ardhur edhe ndonje personalitet i shquar, kjo praktike tashme duhet te marre fund. Vetem nje Kuvend i tille, i perterire, i reformuar dhe i pergjegjshem, do te ishte ne gjendje te bente ato amendamente aq te nevojshme per Kushtetuten e Shqiperise, per te cilat do te rezervohem te flas ne nje rast tjeter.







Per kete piken e fundit ka aq te drejte sa.

Sa me shpejt te behet 5% aq me mire do te jete.

[vlora]

Anton,

kush eshte ky Agron Alibali?

Dhe cdo te thote "Konstitucionalist" ne Harvard. Ky njeri hiqet shume kopetent por me duket se i trajton gjerat ashtu sic i vijne atij per mire. Mos eshte edhe ky nga ata te Kokkalis. Une s'ja gjeta emrin gjekundi ne Harvard.


Vlora

[Berti]

Po kelyshet e Enverit ngriten 2 ministri te reja per te grabitur para nga kontribuesit e nuk jane ne gjendje te bejne te funksionoje ajo e Drejtesise.

Une nuk e di kush mund ta heqe rakipin por di qe prokuroria varet nga ministria e Drejtesise e duhet te jete pikerisht kjo ministri qe duhet ta kontrolloje.

Po me sa duket,shtangisti apo mundesi qe ka uzurpuar karrigen e ministrit ne kete ministri duhet te jete i zene me ndonje tender per kepucet e policeve apo per bojen e ministrise....

[Anton]

Nuk e di se kush eshte jo, koha jone e kishte.

Me siguri ndonje i kokalisit do jete, por per ate 5 % ka te drejte.

Sa per vendimin e kushtetueses nuk di ca te them se vetem lajme gazesh kam e ligjet nuk i di.



Por mendoj se ai eshte hequr thjesht taktikisht. Po mendoj Berisha ka menduar se do te mund ti percante socialistat me shume duke e hequr se ligjerisht une nuk di se cfare akuze i behet.
Deri tani kam lexuar vetem gjera te pergjithshme.

[Brari]

Alibali gjykon si jurist.Nejse.

"kur ske pula mos bej ish" thot populli.
PD-ja u kruajt kot me Rakipin ose desh me ba si thon shkodranet "me u duk Kola ne Pun" pra me tregu se ka ndonji rol ne jeten politike.
PD perderisa pranoi te futej ne zgjedhjet e fundit, te qendronte ne diten e votimi dhe te hynte ne diskutime mbas votimit se "e lagu se lagu dhelpra bishtin" jo po aty fituam e jo po dushk e jo lis etj etj ..dhe perderisa pranoi te futet ne Parlament me statusin e Partise Humbese ajo ka firmosur automatikisht legjitimitetin e hajdutve..dhe rolin e saje "kontorno" ne keto 4-5 vjet pra rolin e mullirit pa uje ose te bidonit bosh..
Ne Parlament vendos kartoni e jo arsyeja dhe perderisa kartonat i ka Nano e gramozi Z. Berisha kot grin sallat.
Te jemi realiste se po te ish thjesht Deshire e Berishes dhe PD-se shkarkimi Rakipit me siguri matematike qe Rakipin nuk e kishin hequr.

Rakipin e shkarkuan Grupi Mafioz anti Nano ne Parlament ose Shoket e Ilir Metes te cileve Nano papritur ja prishi qetesine dhe komoditetin me te ashtu quajturen "khatharsis".

Zhurma kunder Abdiut nga ana e PD-se eshte cfaqje e tradites se PD-se per te mos qene kurre principiale.
Te nxjerresh sot per Abdiun muhabetet e Poetit te varur Havzi Nela shte interesante ndoshta per lexusin e paditur por per PD-ne eshte nji turp.
Lind pyetja..
-Pse PD e dashur kur e paske ditur ABDIUN si vrases Poetesh ke bashkjetuar me Kte njeri tash 10 vjet???
Dihet qe Abdiu (ashtu si dhe Klosi) kan qene gjate demokracise dhe neper komisione qendrore te zgjedhjeve...
-Pse PD e dashur ke shkuar dem votat e demokrateve duke i cuar si bageti ne votime ku rezultatin e votimit e vendosnin vrases si Abdiu e dallkauk si Klosi???
Nga padituria eshte bere kjo??
JOOOO...ktu ka nji hile..

Prandaj PD ben sikur lufton ne Parlament dhe gjoja po shpartallon shkalle shkalle pushtetin e socialistave..

Mungesa e principeve e beri qesharake lojen e PD-se..
Pra ...jo lufte Rakipit kur ai arrestonte veprimtare demokrate por lufte totale Rakipit pikerisht kur RAKIPI fillon Godet grupin mafioz Angjeli, Braho, Meta e co.
Dhe lufta ndaj Abdiut nuk fillon qe kur vrasesi Abdiu merr ne dore fatet e Demokracise por vetem kur Abdiu mbron Rakipin kur ky i fundit rrezohet nga Metistet e Mejdanistet. Klosi e Mejdani e Islami i kafkave jane nje.

Krokodili eshte i keq si ke dhembet si ke bishti si ke ganxhat.
Krokodili e vret Sorkadhen ose Lopen te bregu lumit kur vjen te pije uje si me bisht si me ganxhat si me nofullat e tmershme..
Ne se PD eshte Bariu dhe Sorkadhja eshte populli e demokracia dhe krokodili eshte PS-ja athere smund te behesh sot me nofullat e Krokodilit e kunder bishtit e neser me ganxhat e krokodilit e kunder dhembeve te krokodilit..

Kesaj i thone pune..muti.

[sn0m]

Pershendetje si fillim, kjo eshte hera e pare qe jap pergjigje ne kete forum.
Mendimi im eshte se pavarsisht se gjykata kushtetuese dha nje vendim qe nuk i pelqen shumices, kjo s'do te thote se ne duhet te cmontojme organet qe perbejne shtetin shqiptar.
Demokracia, pavaresisht se ajo qe ekziston ne shqiperi eshte me shume mafiokraci, bazohet ne respektin dhe kontrollin e ndermjetem qe ushtrohet ndermjet parlamentit, gjyk kusht presid ect. E vetmja rruge eshte qe te respektohen institucionet dhe jo anullimi ityre nga nje pale apo tjetra se nuk i pelqen vendimi. Deri tani kemi bere nja 30 revolucione me arme e pa arme( perfshire ketu dhe revoluc qe ish komand Sali BErisha bente sa here qe si pelqente ndokush, a e mbani mend Zef Brocin). E vetmja pasuri qe na dallon ne shqiptaret nga Kongolezet eshte se kemi nje shtet, pavaresisht se eshte gjysmak. Ne duhet qe ta ruajme dhe te mundohemi ta permirsojne, por jo duke cmontuar institucione se nuk na pelqejne individed. Duhet zbatuar rregullat e lojes, ska rruge tjeterperpara.
Persa i perket vend te gjyk kushtet, vertet aty mund te ket doza politike, por mos harroni se e ghithe loja eshte nje loj mafiozesh te djatht e te majt qe luftojne per kontroll trafiqesh.
Persa i perket Prok RAkipi, pa u futur ne diskutim per aktivitetin e tij, une mendoj se shkarkimi i tij ishte nje veprim i nxituar nga te frikesuarit se mos po e hapte kapakun e gjirizit dhe do ndoste gjithe dynjane.
Me vjen shume keq po ky eshte realiteti. Nese ndonje nga ju eshte jashte, keni iformacion nga shtypi ketu se ne Shqiperi vashdon shteti i llojit te gangstereve, zoti na mbrofte
Me respekt
sn0m

[reflektim]

eshte e pamundur qe ligji te mos ndikohet nga politika. edhe nje demokraci e stabilizuar si USA ishte teater i levizjeve politike me mbulese ligjore ne zgjedhjet e fundit presidenciale.

ne rastin tone, nuk eshte problemi duhet apo nuk duhet gjykata kushtetuese (per mendimin tim duhet) por diktati i plote i politikes mbi gjyqesorin shqiptar.

gjykata kushtetuese eshte institucion shume i rendesihem dhe me vendimet qe merr krijon fizionomine institucionale dhe percakton kompetencat ligjore te cdo dege te qeverisjes jo per nje apo dy vite po per dekadat qe do te vijne. Problemi eshte se Gjykata Kushtetuese ne Shqiperi eshte po ashtu si institucionet e tjere nje zyre tjeter e partise ne pushtet dhe si e tille e pabesueshme. Zgjedhjet e qershorit te 2001 e kompromentuan keq kete Gjykate (kjo eshte vene ne dukje edhe ne raportin e OSBE)

Nuk jam dakord me Brarin qe mundohet t'i gjeje gjynahe PD-se edhe atje ku nuk ka. Nuk e di se c'mund te bente PD-ja me Abdiun meqe ka bashkejetuar 10 vite. Kur ishte PD-ja ne pushtet Abdiu ishte deputet ne parlament dhe ishte i mbrojtur me imunitet. Po ta fusnin ne burg do te kishim edhe nje "hero burgu" me shume dhe nje argument tjeter te te majteve se PD bente gjueti shtrigash. Per pjesen tjeter te ketyre 10 viteve PD-ja ishte jashte pushtetit dhe jashte parlamentit, si rezultat pa kurrfare ndikimi ne qenien ose jo te Abdiut atje ku eshte.

eshte jashte cdo etike morale e profesionale qe nje njeri i tille te jete ne krye te nje institucioni te tille, por kjo eshte krejtesisht per turpin e asaj partie qe e ka vene atje.


Abdiu dhe te tjere si ai mund te vihen para drejtesise nepermjet nje aktakuze ligjore te bazuar. Per kete nevojitet nje nisme e zbardhjes se krimeve specifike ne kohen e komunizmit, me personat pergjegjes dhe viktimat e tyre.

E kete kane detyre morale ta bejne ata qe e ndjene thiken deri ne palce, qe pane burgjet, ata qe iu jane vrare te afermit dhe qe u privuan edhe nga te drejtat me minimale

[Albo]

Mund te me shpjegoje ndonjeri mua se cili eshte funksioni i Gjykates se Larte, kur roli i gjykates kushtetuese qenka interpretimi i kushtetutes?

Dhe pyetja tjeter qe une kam ne lidhje me kete problem eshte:

A mundet cdo shtetas apo cdo punonjes administrate te ankohet ne gjykaten kushtetuese?

Vendimi qe kjo gjykate jep eshte vendim konsultativ apo i formes se prere. A ka pushtet gjykata kushtetuese dhe cili eshte ky?

[reflektim]

Alb, ketu ke disa nene te kushtetutes qe jane mbi kompetencat e dy gjykatave


GJYKATA KUSHTETUESE

Neni 124

1. Gjykata Kushtetuese garanton respektimin e Kushtetutës dhe bën interpretimin përfundimtar të saj.


Neni 131
Gjykata Kushtetuese vendos për:

a) pajtueshmërinë e ligjit me Kushtetutën ose me marrëveshjet ndërkombëtare, siç parashikohet në nenin 122;

b) pajtueshmërinë e marrëveshjeve ndërkombëtare me Kushtetutën para ratifikimit të tyre;

c) pajtueshmërinë e akteve normative të organeve qendrore dhe vendore me Kushtetutën dhe me marrëveshjet ndërkombëtare;

ç) mosmarrëveshjet e kompetencës ndërmjet pushteteve, si dhe ndërmjet pushtetit qendror dhe qeverisjes vendore;

d) kushtetutshmërinë e partive dhe të organizatave të tjera politike, si dhe të veprimtarisë së tyre, sipas nenit 9 të kësaj Kushtetute;

dh) shkarkimin nga detyra të Presidentit të Republikës dhe vërtetimin e pamundësisë së ushtrimit të funksioneve të tij;

e) çështjet që lidhen me zgjedhshmërinë dhe papajtueshmëritë në ushtrimin e funksioneve të Presidentit të Republikës dhe të deputetëve, si dhe me verifikimin e zgjedhjes së tyre;

ë) kushtetutshmerinë e referendumit dhe verifikimin e rezultateve të tij;

f) gjykimin përfundimtar të ankesave të individëve për shkeljen e të drejtave të tyre kushtetuese për një proces të rregullt ligjor, pasi të jenë shteruar të gjitha mjetet juridike për mbrojtjen e këtyre të drejtave.


Neni 132

1. Vendimet e Gjykatës Kushtetuese kanë fuqi detyruese të përgjithshme dhe janë përfundimtare. Gjykata Kushtetuese ka vetëm të drejtën e shfuqizimit të akteve që shqyrton


Neni 134

1. Gjykata Kushtetuese vihet në lëvizje vetëm me kërkesë të:

a) Presidentit të Republikës;

b) Kryeministrit;

c) jo më pak se një së pestës së deputetëve;

ç) Kryetarit të Kontrollit të Lartë të Shtetit;

d) çdo gjykate sipas rastit të nenit 145 pika 2 të kësaj Kushtetute;

dh) Avokatit të Popullit;

e) organeve të qeverisjes vendore;

ë) organeve të bashkësive fetare;

f) partive politike dhe organizatave të tjera;

g) individëve.

2. Subjektet e parashikuara nga nënparagrafët dh, e, ë, f dhe g të paragrafit 1 të këtij neni mund të bëjnë kërkesë vetëm për çështje që lidhen me interesat e tyre.
__________________________________________________ __
GJYKATA E LARTE

Neni 135

1. Pushteti gjyqësor ushtrohet nga Gjykata e Lartë, si dhe nga gjykatat e apelit e gjykatat e shkallës së parë, të cilat krijohen me ligj.

Neni 141

1. Gjykata e Lartë ka juridiksion fillestar dhe rishikues. Ajo ka juridiksion fillestar kur gjykon akuzat penale kundër Presidentit të Republikës, Kryetarit dhe anëtarëve të Këshillit të Ministrave, deputetëve, gjyqtarëve të Gjykatës së Lartë dhe gjyqtarëve të Gjykatës Kushtetuese.

Neni 145

2. Kur gjyqtarët çmojnë se ligjet vijnë në kundërshtim me Kushtetutën, nuk i zbatojnë ato. Në këtë rast, ata pezullojnë gjykimin dhe ia dërgojnë çështjen Gjykatës Kushtetuese. Vendimet e Gjykatës Kushtetuese janë të detyrueshme për të gjitha gjykatat.

[Anton]

Deklarata e doreheqjes se Kryetarit te Kuvendit te Shqiperise
Te nderuar kolege deputete,

Po dal perpara jush per here te fundit si Kryetar i Kuvendit te Republikes se Shqiperise, te cilin pata nderin ta kryesoj qe nga 4 shtatori i vitit 2001. E bej kete jo per te luajtur heroin dhe as per t'u paraqitur perpara jush dhe opinionit publik si viktime. Natyrisht nuk e bej kete as per te paguar ndonje bast te humbur me ate qe ende quhet Gjykate Kushtetuese.

Nje arsye, dhe vetem nje, me obligon te vij drejt ketij vendimi: ruajtja e dinjitetit te Kuvendit te Republikes se Shqiperise dhe mbrojtja e moralit te tij. Ngjarjet qe kane ndodhur e kane cenuar rende kete dinjitet. Dhe ne moralin tim (e besoj se nuk jam i gabuar), eshte kultivuar parimi se i pari te cilit i takon ta mbroj dinjitetin e nje institucioni, kur ai sulmohet padrejtesisht, eshte kryetari i tij. Qofte edhe duke dhene doreheqje, per t'u treguar Togave te zeza dhe kujtdo tjeter se pushteti eshte i perkohshem ndersa morali i perjetshem.

Dikujt mund t'i tingelloje pak absurde; e di. Por absurditeti nuk buron se brendshmi; ai eshte imponuar se jashtmi. Absurditeti vjen nga obligimi per te zbatuar vendimet e Togave te zeza edhe atehere kur ato nuk jane te drejta; edhe atehere kur ato jane sponsorizuar nga politika dhe barone e saj, apo edhe nga barone te tjere me te fuqishem. Dhe ju e dini qe ne kemi pranuar edhe ate lloj vendimi, per te cilin edhe nxenesit e fillores do te na konsideronin se paku te paditur. Kemi zbatuar vendimin e Gjykates Kushtetuese per neglizhimin e afatit 10 ditor per shqyrtimin e dekreteve per emerim dhe shkarkim ministrash, te percaktuar ne menyren me te qarte ne nenin 98, pika 2 te Kushtetutes. Ndersa, sipas Togave te zeza, numri 10 mund te jete edhe 11, edhe 111. Ne kokat e tyre paska nje sistem tjeter numerimi! E c'rendesi ka kjo per Togat e zeza?! Duhej rrezuar qeveria e Ilir Metes dhe ata, si cifuti, konkluduan se nje edhe nje mund te bejne edhe tre. Sipas kesaj logjike te palogjikshme afatet kushtetuese jane nul dhe Parlamenti qe ka mandat 4-vjecar mund te rrije edhe 5 vjet presidenti qe ka mandat 5 vjecar mund te rrije edhe 7 vjet dhe natyrisht ata, Togat e zeza, mund te rrine edhe perjetesisht!

Me tej, ne votebesimin e qeverise Majko, duke traumatizuar situaten ata na cuan ne nje absurd tjeter: moren guximin te pezullojne edhe parlamentin, duke treguar analfabetizem te plote ne leximin e nenit 1 te Kushtetutes ("Shqiperia eshte republike parlamentare"), dhe te nenit 2 te saj: ("Populli e ushtron sovranitetin nepermjet perfaqesuesve te tij...")

Dhe tani arrijne kulmin: i japin urdhera Kuvendit se si te punoje, si te sillet, si te marre fryme, si ta zbatoje dhe interpretoje Rregulloren e vet. E veshin kete urdher me gjoja kushtetueshmeri, kur e gjithe ceshtja ka te beje me Rregulloren dhe jo me Kushtetuten. Madje arrijne deri aty sa t'i rekomandojne Kuvendit edhe metoden e punes se nje gjykate, ciladoqofte ajo! Duke u rrekur ta bejne kete, nga megallomania (apo nga padia, zoti hetues!) bien dhe brenda. Bien brenda, sepse kur ka vakum Rregullorja, i vetmi organ qe vendos se si mund te procedohet, eshte Kuvendi. Dhe ne kete rast Kuvendi ka vendosur tre here, ne seancat e dates 4, 7 dhe 18 mars, po me te njejten fryme, po me te njejten qartesi!

Sa i takon Kushtetutes, dua te nenvizoj nje parim themelor, te sanksionuar ne Nenin 4, pika 3 te saj: Dispozitat e Kushtetutes zbatohen drejtpersedrejti, pervec rasteve kur Kushtetuta parashikon ndryshe. Per shkarkimin e Prokurorit te Pergjithshem ka vetem nje nen (149, pika 2) dhe ai eshte zbatuar ne menyren me adekuate, drejtpersedrejti nga Kuvendi i Republikes se Shqiperise. Te gjitha te tjerat jane sofizma qe nxjerrin ne reliev marredhenie te dyshimta ne labirinthet politiko-juridike; labirinthe qe i kthejne gjerat me kokeposhte, e thene me troc, qe legjislativi te behet gjyqesor dhe gjyqesori te behet legjislativ.

Absurditeti me i madh i kushtetutes i asaj qe ende quhet Gjykate Kushtetuese arrin deri aty sa te jap interpretim identik per tre nene te Kushtetutes, nderkohe qe ato kane objekte te ndryshme e per pasoje edhe ndjekin parime te ndryshme. Konkretisht behet fjale per nenin 128, 140 dhe 149. I pari per shkarkimin e anetarit te Gjykates Kushtetuese, i dyti per anetarin e Gjykates se Larte dhe i treti per Prokurorin e Pergjithshem. Ne te tre rastet eshte e drejta e Kuvendit te vendos dhe propozoje shkarkimin. Por menyra e shkarkimit dhe mbrojtja kushtetuese pas shkarkimit ndryshojne kryekeput.

Se pari; ne rastin e anetarit te Gjykates Kushtetuese dhe te anetarit te Gjykates se Larte vendimi ne Kuvend merret me 2/3 e votave, ndersa per Prokurorin e Pergjithshem votimi eshte i thjeshte.

Se dyti; Ne rastin e anetarit te Gjykates Kushtetuese dhe te anetarit te Gjykates se Larte, "Vendimi i Kuvendit shqyrtohet nga Gjykata Kushtetuese, e cila, kur verteton se ekziston nje nga shkaqet e mesiperme, deklaron shkarkimin nga detyra te anetarit..." te Gjykates Kushtetuese, apo te anetarit te Gjykates se Larte...Per te dy gjykatat, formulimi eshte i njejte pike e presje!

Krejt ndryshe eshte shprehur Kushtetuta per Prokurorin e Pergjithshem, i cili mund te shkarkohet nga Presidenti i Republikes me propozim te Kuvendit. Pra duket shume qarte se Gjykata Kushtetuese nuk ka hapesire kushtetuese per te nderhyre ne procesin e emerimit dhe te shkarkimit te Prokurorit te Pergjithshem. Cuditerisht Gjykata Kushtetuese keto parime krejt te vecanta i ka futu ne nje thes. Mbetet vetem te pyesim: eshte prokurori ne thesin e gjykates, apo gjykata ne thesin e prokurorit.

Sa i perket "teorizmeve" te Gjykates Kushtetuese per te drejtat e njeriut; ato marrin pergjigje nga Gjykata e te Drejtave te Njeriut ne Strasburg e cila, me precedentet e gjykuar, nuk e konsideron shkelje te se drejtes se njeriut uljen apo ngritjen ne pergjegjesi te nje zyrtari, as venien apo heqjen e gradave te nje gjenerali!

Dhe per ta mbyllur komedine kushtetuese, Togat e zeza, ne vendimin e tyre te dates 25 prill 2002 i referohen disa here nje vendimi te tyre te meparshem, te dates 19 prill 2002 i cili, ende edhe sot, nuk ka hyre ne fuqi. Keta jane gjykatesit tane kushtetues! Kerkojne zbatimin e nenit 132, pika 1 te Kushtetutes dhe shkelin piken 2 te po atij neni.

U perqendrova ne keta elemente te ceshtjes, te nderuar deputete, per te evidentuar shqetesimin tim, si shtetas i ketij vendi, se mekanizmi qe prodhon mentalitet antidemokratike ende nuk eshte ndaluar. Te gjithe e dime se diktatura burgosi dhe pushkatoi, shkaterroi jete njerezish te pafajshem, varferoi shtepite dhe shpirtrat e shqiptareve, shkaterroi aspiraten properendimore te tyre. Por nje nga elementet me fondamentale te demokracise qe u godit nga diktatura ishte parlamentarizmi. Jo rastesisht njeriu i pare i pushkatuar ishte nje deputet qe mbrojti lirine ne parlament! Vit pas viti, diktatura polli dhe rriti mentalitetin se parlamenti mund te terhiqet per hunde nga sekretaret politike, se qeveria eshte fuqi ekzekutuese edhe mbi parlamentin, se cfaredolloj prokurori mund te kercenoje deputetet, se edhe nje hetues apo spiun gjirizesh vlen me shume se ai te cilit shtetasit e vet i kane dhene mandatin e perfaqesimit.

Metastazat e ketij mentaliteti kanceroz per demokracine veprojne ende, sot e gjithe diten. Perndryshe s'do te derdhej kaq shume merak gjoja per te drjetat e nje apo njezete prokuroreve, para se ata te pergjigjeshin per disa pyetje te thjeshta: Po ju zoterinj sa dhe si i keni mbrojtur te drejtat e shqiptareve? A keni zbuluar dhe denuar ndonje nga vrasesit e djemve te Vlores apo te Tropojes, te Permetit apo te Fierit? A keni zbuluar apo denuar ndonje nga grabitesit e pasurise se shqiptareve? A keni zbuluar dhe denuar ndonje nga kodoshet qe shesin vajzat shqiptare neper rruget e botes? A keni zbuluar dhe denuar ndonje nga baronet e droges qe kane punuar perdite nen hundet tuaja? A keni denoncuar ndonjehere ndonje gjykates qe ka falur dhe liruar keta trafikante apo bashkepunetoret e tyre? A keni zbuluar dhe denoncuar qofte edhe nje here, qofte edhe nje vile prokurori apo gjykatesi te ndertuar mbi themelet e ketyre pislleqeve? Dhe me ne fund, e njeheresh me ne krye, a e dini se cfare demi i keni sjelle imazhit te Shqiperise dhe aspirates se saj per t'u integruar ne strukturat euro-atlantike?

Vete ish Prokurori i Pergjithshem ne dhjetra raste dhe ne menyre te drejtperdrejte i ka shfaqur metastazat antiparlamentare. Edhe diten qe u diskutua mocioni ndaj tij. Tre here eshte thirrur te vije ate dite ne parlament dhe ka refuzuar me goje e me shkrim. Dhe tani ankohet pse nuk eshte degjuar! Edhe pse eshte pyetur e degjuar nga Kryetari i Shtetit, ai kete e quan takim jozyrtar! Edhe ka guxuar te deklaroje publikisht se kam dosje per deputetet duke shkelur ne menyre flagrante te drejten kushtetuese te Kuvendit dhe tani ankohet kunder tij! Metastazen antiparlamentare dhe antikushtetuese ai e kashfaqur edhe ne komunikimin e fundit zyrtar me Kuvendin, pak dite perpara shkarkimit. Ne nje kerkese te tij, ndersa eshte brenda normaliteitt marrja e autorizimit per heqje imuniteti te nje deputeti; eshte totalisht antikushtetuese kerkesa per arrestimin e tij, sepse neni 73, pika 2 e Kushtetutes e percakton ne menyre taksative qe kjo gje mund te behet vetem pas investigimit mbi ceshtjen konkrete ne menyre te drejtperdrejte me deputetin.

Keto sulme kunder parlamentarizmit, ne thelb, jane sulme kunder demokracise.

Natyrshem lind pyetja: pse ndodhin keto dhe pikerisht ne keto momente?

Gjithsecili ka nje shpjegim individual dhe cdo shpjegim i tille, sigurisht, eshte i pamjaftueshem, por komplementar. Une do te kufizohem vetem duke u treguar titullin e nje libri dokumentar te shkruar nga nobelisti i famshem Gabriel Garsia Marquez, qe sic e dini eshte nga Kolumbia. "Lajmi per nje sekuestro" titullohet libri dhe tregon se si banoret kolumbiane te droges, sekuestruan gazetare e politikane, gjykates e prifterinj, balerina dhe ministra...Dikush po perpiqet te na sekuestroje edhe ne, te dashur kolege deputete, te sekuestroje parlamentarizmin, te sekuestroje Kushtetuten e Republikes, te sekuestroje aspiraten tone per demokraci.

Kjo dore duhet te ndalet! Ne radhe te pare kjo i takon Kuvendit te Shqiperise. Prandaj sot une po jap doreheqjen nga detyra e kryetarit te Kuvendit per te mbrojtur ne menyren me modeste dinjitetin e Kuvendit dhe per te shmangur cdo rrezik te krizes midis institucioneve. Per ata qe ende nuk e kane kuptuar thelbin e aktit tim, po u them se ceshtja eshte teper e thjeshte:

-duke qene se Gjykata Kushtetuese ka marre nje vendim antikushtetues;

-duke qene se ajo i kerkon Kuvendit, te rishqyrtoje vendimin e tij te vonuar me shumice;

-duke qene i obliguar si kryetar i Kuvendit te filloj kete procedure, ne kundershtim me bindjet e mia;

Doreheqjen time e konsideroj si nje akt te plote te pajtimit te bindjeve te mia me Kushtetuten e Republikes se Shqiperise.

Ju faleminderit!

[verior]

Mendoj se ajo kushtetuta ashtu siç u miratua dhe është prandaj nuk duhet të habitemi se ç`po ndodhe tani.....