Close
Faqja 0 prej 6 FillimFillim 12 ... FunditFundit
Duke shfaqur rezultatin -19 deri 0 prej 114
  1. #1
    zhapik buster Maska e drity
    Anëtarësuar
    11-01-2006
    Postime
    1,237

    Kosova në festë, feston shpalljen e pavarësisë

    Sejdiu: Pavarësia brenda disa ditësh

    Presidenti i Kosovës Fatmir Sejdiu thotë për BBC-në se shpallja e pavarësisë është vetëm çështje ditësh.
    Zoti Sejdiu tha se është përgatitur çdo gjë për shpalljen e pavarësisë në koordinim me faktorin ndërkombëtar.

    Janë edhe pak ditë, s'mund ta saktësoj edhe sot nga ky moment, por mbase për pak kohë do të kemi edhe një qëndrim të prerë e të qartë.

    BBC


    Kosova në festë në Ditën e Pavarësisë
    Lajmi më i fundit nga Kosova e Pavarur
    Deklara e Pavaresise se Kosoves dhe reagimet e botes shqiptare mbi te.
    Fjala juaj për këtë ditë historike
    Albumi Fotografik i Pavarësisës së Kosovës
    Qëndrimi zyrtar i shteteve të huaja mbi pavarësinë e Kosovës
    Shtypi i huaj mbi pavarësinë e Kosovës
    Reagimet kundër pavarësisë së Kosovës
    Ndryshuar për herë të fundit nga Albo : 17-02-2008 më 18:26
    When you are in it up to your ears, keep your mouth shut.

  2. #2
    Feniks. Maska e niktironci
    Anëtarësuar
    25-03-2007
    Vendndodhja
    Aty ku jetohet.
    Postime
    337
    Me ne fund.
    He mer burra se na plaset.

  3. #3
    i/e regjistruar
    Anëtarësuar
    30-08-2006
    Vendndodhja
    askund
    Postime
    9,007
    Po Pra Enderrojne Kot Brenda Disa Ditesh
    JO SEKS PARA MARTESE

  4. #4
    i/e regjistruar Maska e BARAT
    Anëtarësuar
    20-07-2006
    Vendndodhja
    Himarjot jet' e jet', Zot mbi male Hyll mbi det
    Postime
    2,565
    Kosova në shënjestër të intrigave raciste antishqiptare

    Nga Baki Ymeri

    Bukuresht

    Thonë se shpifja shëmbëllen me një thes puplash që i mer era dhe është e pamundur për ti shuar me zjarr e barot. Sa herë shqiptarët dalin para botës me kërkesa legjitime për sovranitet kombëtar, del në shesh Dhelpra e Ballkanit me intriga raciste kundër kombit shqiptar. Ç'kërkojnë serbrit në Kosovë, pyeste Shqiptari i Bukureshtit para 119 vitesh, duke e karakterizuar Serbinë si një dhelpër dinake që e mashtron botën sot e kësaj dite me shpifje gjoja se shqiptarët qenkan myslimanë dhe myslimanët nuk kanë ç'kërkojnë në Europë. Të mashtrosh opinionin me kesonofobi konfesionale, të jesh antiislamik apo antiikrishterë, don të thotë të jesh racist. Po qe se anketon shpirtin shqiptar në Kosovë, pikëpyetje në mbushet një autobus shqiptarësh që e qesin fenë para kombit, pos atyre që ishin kundër ngritjes së Katedrales së Kombit në zemër të Dardanisë.

    Po qe se e shfleton numrin më të ri të revistës bukureshtare Lumea (janar 2008), revistë e cila shpërndahet në të gjitha kancelaritë qeveritare e presidenciale, mund të krijosh përshtypjen se autori i artikullit "Gjarpëri" e ka gëlltitur Kosovën" (Emil Neakshu), është ndonjë mashë e shërbimeve të fshehta serbe, për të konstatuar më në fund se nuk e njeh as serbishten dhe as historinë, por shkruan si ndonjë robot ballkanik, duke transmetuar publicitet mashtrues, duke hedhur mesazhe ksenofobe, duke i ripërsitur të njëjta sintagma banale të huazuara ad/hoc nga shtypi i Beogradit, duke e konsideruar Kosovën si "vatër e seksit, drogës dhe krimit", duke e përmendur shtatë herë sintagëm "terrorist" për një personalitet kosovar, duke e konsideruar Kosovën si "provincës serbe", duke përmendur Fatos Klosin sipas të cilit Osama Bin Laden paska qenë në Tiranë (1995), duke shpifur gjoja se guerilat kosovare "ishin të inspiruara nga metodat e përdorura nga Al-Qaeda, duke shpifur gjoja se divizioni Skënderbeu paska bërë pastrime etnike në Kosovë, në kohën e Fyhrerit, "jo vetëm kundër serbëve por edhe kundër minriteteve tjera, ndër të cilat edhe hebrenj", duke mos e përmendur të vërtetën se derisa serbët dhe sllavët e Maqedonisë kanë shitur mbi pesëmijë hebrenj, Shqipëria është i vetmi vend në botë që i ka mbrojtur duke mos e dorëzuar asnjë në duart vrastare të çetnikëve serbë apo nazistëve italo/gjermanë.

    Pasi hedh një garniturë intrigash të montuara kundër kryeminstrit Thaçi, autori Neakshu (rum.Emil Neacsu) ia zë për të madhe minsitrit të Jashtëm të Ukrainës që do ta përkrahë shpalljen e pavarësisë së Kosovës dhe sovranitetin e saj, duke hedhur më tej propaganda antiamerikane, veti kjo e udbashëve të Bukureshtit që kanë kryer shkollat sovjetike të spiunazhit. Dhe më në fund, në katër faqet e artikullit në fjalë, autorit i bien brekët, duke bërë fjalë për gadishmërinë që kishte Serbia për të instaluar raketa ruse në territorin e saj, si "stopim i një aventure tjetër ushtarake të NATO-s në Ballkan". Në këtë kontekst të gazetarisë mashtrimtare rrëshqet nga provimi i publicistikës ballkanike edhe drejtori i të përjavshmes independente Natiunea, Alexandru Paduraru, sipas të cilit në të gjitha enciklopeditë Kosova qenka "provincë serbe", duke e konsideruar elementin shqiptar si një grup etnik, gjegjësisht si një "rritje demografike" në krahasim me atë serb, duke parashtruar pyetjen banale "Vallë është normale që një grup etnik të mundë të shpallë pavarësinë (...), pa i lejuar vendit respektiv të intervenojë për të mbrojtur sovranitetin ndaj një territori që i përket? (Natiunea, nr.440, 16-22 janar 2008). Mos vallë rumunët e Besarabisë (Moldovës) qernkan "grup etnik" që u shkëputën nga Bashkimi Sovjetik para 16 vitesh (1992)?

    E përjavshmja bukureshter Natiunea, përndryshe ka botuar edhe artikuj me karakter konstruktiv, siç janë ato të zt. Tiberius Puiu, Xhelku Maksuti, autorit të këtij shkrimi dhe të zt. Zamfir Mihai, ky i fundit duke botuar në numrin e fundit (Pranojmë në redaksi, nr. 440/2007, fq.6-7) një letër prej një faqe e gjysmë me Kosovën në dritën e së vërtetës historike, duke e nxjerrë në pah lashtësinë trako/ilire, parasllave e paralatine, kur shqiptarët dhe rumunët ishin fqinj të parë, duke përdorur sintagmën Kosova (rum. Cosova) në vend të sintagmës Kosovo apo Moldovo, duke demaskuar poltikën serbe të diskriminimit të rumunëve të Luginës së Timokut, duke ia bërë më dije lexuesit se më tolerantë ishin turqit e një feje tjetër ndaj rumunëve të Ballkanit të cilëve ua mbyllën shkollat dhe kishat sivëllezërit e tyre ortodoksë, grekët, serbët dhe bullgarët (që nga viti 1913 e këndej). Autori Zamfir Mihai hedh poshtë idetë filoserbe të drejtorit të gazetës, duke i thënë: "Mos vallë doni që komuniteti ndërkombëtar të solidarizohet me pushtuesit serbë kundër kombit shqiptar"!

    Shqiptarët e pregadisin shtetin e ardhshëm

    Sipas lajmeve të kahershme bukureshtaretë huazuara nga Reuters, liderët e shqiptarëve të Kosovës po bëjnë pregaditjet për pavarësinë e regjionit, përkundër mahnitjeve të Perëndimit se Moskva mund ta mënjanojë, modifikojë apo blokojë planin eë OKB-së lidhur me pavarësimin nga Serbia . Me ndihmën e ekspertëve britanikë, kosovarët kanë përpiluar një skicë prej 140 faqesh lidhur me një ministri të ardhshme të Jashtme, si dhe një rrjetë ambasadash në 14 vende të Ballkanit dhe Europës perëndimore. Kyeqendra e parë, e paraparë për hapjen e një misioni diplomatik është Washingtoni, pas të cilit pasojnë Londra, Parisi, Berlini, Roma, Berna dhe Vjena, shqiptarët e Kosovës duke qënë të sigurtë se këto vende do ta pranojnë shtetin e tyre të ardhshëm. Janë duke u bërë përpjekje edhe për krijimin e një armate te Kosovës, hartimi i kushtetutës dhe realizimi i flamurit, liderët kosovarë duke premtuar madje edhe një konkurs për emblemën e flamurit të Kosovës. (Ziua (www.ziua.ro - mars 2007). Si i konsideronte para një muaji mass/media bukureshtare përpjekjet shqiptare për pavarësi?

    Rrugë e lirë për independencën e Kosovës, është titulli i artikullit të Bogdan Munteanut që e botoi e përditshmja Gandul (Mendimi), më 29 nëntor 2007. Në fotografi Frank Wisner (SHBA), Wolfang Ischinger (BE) dhe Alexandr Botsan-Kharchenko (Rusi), duke lajmëruar botën mbi dështimin e negociatave serbo/shqiptare. Kosova është Besarabia e Shqipërisë. Me gjithë kërcënimet e Tadicit se "pavarësia nuk do ta destabilizojë vetëm Serbinë por tëtë regjionin, madje edhe Europën", Kosova ka protekcion ndërkombëtar, kurse shqiptarët nuk militojnë për myslimanizëm dhe terrorizëm, siç shpifte Millosheviqi, por për independencë, në konformitet me të drejtën internacionale, për një shtet me kufinj të hapur ndaj Shqipërisë, Serbisë, Europës dhe Amerikës. Me të gjitha përpjekjet e kota të atyre që e përkrahin propagandën serbe lidhur me Kosovën, rumunët që e njohin historinë, e dinë se jemi vëllezër, dhe se gjaku ujë nuk bëhet.

    gazeta Ndryshe - E Marte, 22 Janar 2008

  5. #5
    i/e regjistruar Maska e BARAT
    Anëtarësuar
    20-07-2006
    Vendndodhja
    Himarjot jet' e jet', Zot mbi male Hyll mbi det
    Postime
    2,565
    Rusia: Kosova kurrë nuk do të antarësohet në OKB, nëse shpall pavarësi të njëanshme


    Rusia ka paralajmëruar Kosovën se nuk do të bëhet kurrë anëtare e Kombeve të Bashkuara nëse udhëheqësit e saj shpallin pavarësinë nga Serbia. Ambasadori rus në OKB, Vitali Çurkin theksoi dje gjithashtu se Kosova nuk do të lejohej të antarësohej në asnjë organizatë tjetër politike ndërkombëtare nëse shpall në mënyrë të njëanshme pavarësinë. Ai i bëri këto komente pasi kryeministri serb Boris Tadiç i tha Këshillit të Sigurimit se Serbia nuk do ta njohë kurrë sovranitetin e Kosovës. Serbia u kërkoi Kombeve të Bashkuara që të hedhin poshtë çdo shpallje të njëanshme të pavarësisë nga udhëheqësit shqiptarë të Kosovës dhe të mbështesin vazhdimin e negociatave për zgjiidhjen e statusit:

    Procesi për zgjidhjen e statusit të Kosovës nuk shënoi ndonjë hap përpara në sesionin e fundit të Këshillit të Sigurimit të Kombeve të Bashkuara. Presidenti i Serbisë Boris Tadiç foli dje në sesionin me dyer të hapura, ku theksoi para Këshillit të Sigurimit se Beogradi nuk do ta njihte kurrë pavarësinë e Kosovës. Ai tha se Serbia do të përdorte të gjitha argumentet ligjore dhe diplomacinë për të mbrojtur tërësinë e saj territoriale. Zoti Tadic i bëri thirrje Këshillit të Sigurimit që të mos pranonte shpalljen e njëanshme të pavarësisë. “Një njohje e njëanshme e pavarësisë së Kosovës pa dyshim që do të përbënte një precedent. Askush nuk ka të drejtën që të destabilizojë Serbinë dhe Ballkanin me vendime të nxituara dhe të njëanshme që do të kishin pasoja të paparashikueshme për rajone të tjera me probleme separatizmi etnik. Ne e kemi bërë të qartë qëndrimin tonë në një numër rastesh, që zgjidhja duhet të jetë në përputhje me ligjin ndërkombëtar, një rezultat i kompromisit të pranuar për të dyja palët dhe se duhet të sjellë paqe afatgjatë dhe mirëqenie për të gjithë qytetarët e vendit tim dhe rajonit”.

    Zoti Tadic bëri thirrje për përpjekje të mëtejshme për një zgjidhje përmes negociatave.

    Udhëheqësit e Kosovës pritet të shpallin pavarësinë në javët e ardhshme, pas dështimit të përpjekjeve ndërkombëtare për të arritur një marrëveshje me Serbinë. Shtetet e Bashkuara dhe disa vende evropiane pritet ta miratojnë këtë veprim, por Serbia dhe aleatja e saj Rusia, anëtare me të drejtë vetojë në Këshillin e Sigurimit, janë zotuar ta kundërshtojnë atë.

    Kryeministri i Kosovës Hashim Thaçi foli gjithashtu para Këshillit, në një sesion me dyer të mbyllura. Më pas ai doli para gazetarëve. “Kosova është gati, është e bashkuar. Shumë shpejt ne do të marrim një vendim dhe shpresojmë që komuniteti ndërkombëtar të na njohë shumë shpejt”.

    Ambasadori i Shteteve të Bashkuara në OKB nënvizoi se Këshilli i Sigurimit ende nuk kishte arritur një qëndrim unik dhe shtoi se nuk ka shumë kohë për të pritur. Ai i kërkoi Serbisë që të vepronte me maturi për të mos dëmtuar marrëdhëniet afatgjata me Bashkimin Evropian dhe Shtetet e Bashkuara. “Ishte një diskutim pozitiv. Ne e dimë se çfarë ka përpara. Nuk ka ndryshime përsa i përket faktit që këshilli është i bllokuar. Përcaktimi i statusit përfundimtar është shumë i rëndësishëm dhe në një mënyrë apo një tjetër kjo çështje duhet të zgjidhet. Ne përshëndesim gatishmërinë e Bashkimit Evropian për të luajtur rolin e tij. Natyrisht që zgjidhja përfundimtare për problemin e atij rajoni është integrimi në institucionet evropiane, veçanërisht në Bashkimin Evropian, kjo është e ardhmja e këtij rajoni”. Por Ambasadori i Rusisë në Kombet e Bashkuara, Vitaly Churkin, paralajmëroi se një Kosovë e pavarur nuk do të bëhej kurrë anëtare e Kombeve të Bashkuara. “Duke zgjedhur rrugën e veprimeve të njëanshme, Kosova nuk do të futet në radhët e anëtarëve të komunitetit ndërkombëtarë që gëzojnë njohje të plotë. Për fat të keq, disa vende do ta njohin, megjithëse do të ishte një shkelje e rezolutës 1244 dhe Kartës së Kombeve të Bashkuara, por nuk do të vijë dot këtu në OKB si anëtare me të drejta të plota. Nuk do të jetë në gjendje që të anëtarësohet në institucione të tjera politike dhe ndërkombëtare”. Seanca e djeshme e Këshillit të Sigurimit kishte si synim të përqendrohej tek veprimtaria e misionit të OKB-së në Kosovë dhe jo tek diskutimet për statusin. Joachim Rucker, Përfaqësuesi i Posaçëm i Sekretarit të Përgjithshëm të OKB-së informoi Këshillin për misionin e OKB-së. Ai u tha gazetarëve më pas se UNMIK-u ka bërë ç’ka mundur duke pasur parasysh rrethanat, por se çështja e Kosovës duhet zgjidhur.

    Zëri i Amerikës



    Çertof: Evropa po

    bëhet terren i terrorizmit

    Nga Tendai Mafoza



    Zëri i Amerikës

    Sekretari i Sigurisë Kombëtare Majkël Çertof, thotë se në Shtetet e Bashkuara ka një rritje të kërcënimit për sulme terroriste nga Evropa Perëndimore.

    Duke folur për radion BBC, Majkël Çertof vuri në dukje rritjen e terrorizmit me burim nga brenda Evropës dhe paralajmëroi se Evropa Perëndimore mund të bëhet gjithnjë e më shumë një terren për zhvillimin e terrorizmit.

    Në një intervistë, zoti Çertof tha se Shtetet e Bashkuara po shqyrtojnë mundësinë për të forcuar masat e sigurisë, përfshirë kontrollin ndaj udhëtarëve që vijnë në Shtetet e Bashkuara nga Evropa Perëndimore. Ai tha se kontrolle të tilla janë të nevojshme.

    “Ne kemi një program që lejon shumicën e evropianëve që vijnë si turistë, që të udhëtojnë pa viza. Kjo do të thotë, që kontakti ynë i parë me ta është kur ata hyjnë në Shtetet e Bashkuara dhe kjo krijon një dritare fare të vogël mundësie për t’i kontrolluar”.

    Zoti Çertof nuk tha konkretisht se çfarë masash mund të merren në përpjekje për të zbuluar terroristët, por shtoi se do të merren masa, që udhëtimet dhe biznesi të mos preken negativisht.

    “Ne po përpiqemi të gjejmë një rrugë, që të kontrollojmë njerëzit të cilët vijnë nga Evropa pa penguar rrjedhën e udhëtimit dhe tregëtisë, që është një pjesë shumë e rëndësishme e ekonomisë sonë”.

    Zoti Çertof përmendi shpërthimet me bomba në Madrid në vitin 2004 dhe sulme të tjera të mëpasshme, ose tentativa për sulme në Britani, si prova që terroristët gjithnjë e më shumë po e shohin Evropën edhe si objektiv, por edhe si pikënisje për sulme.

    Por analisti i çështjeve ndërkombëtare Majkëll Coks i Fakultetit të Ekonomisë në Londër, i tha Zërit të Anerikës se megjithëse ai i kupon shqetësimet e Shteteve të Bashkuara, ai nuk beson se qeveria amerikane do të arrijë deri aty, sa t’u kërkojë udhëtarëve nga Evropa Perëndimore, që të kërkojnë viza për të vizituar Shtetet e Bashkuara.

    “Ata nuk do të heqin dorë nga programi për shmangien e vizave. Do të ishte shumë problematike dhe e vështirë dhe do të dërgonte një sinjal të gabuar politik. Së dyti, do t’i ngadalësonte shumë gjërat. Shtetet e Bashkuara do të kërkojnë që njerëzit të regjistrohen. Kështuqë besoj se do të jetë një procedurë që 48 apo 72 orë para nisjes, ose edhe më parë, udhëtarët të regjistrohen në një sistem qendror kompjuteri që u jep zyrtarëve më shumë kohë që të kryejnë kontrolle”.

    Prof. Koks thotë se nuk beson që një program i tillë të ketë një ndikim të madh tek marrëdhëniet mes Evropës dhe Shteteve të Bashkuara, nëse zbatohet. Ai tha se për udhëtarët kjo mund të sjellë pak probleme, por shtoi se njerëzit janë mësuar tani me kufizime të tilla.

    gazeta Ndryshe - E Premte, 18 Janar 2008

  6. #6
    Thaçi kishte kërkuar dje një datë zyrtare në Bruksel. Marrëveshja ishte bërë më parë, dje thjesht po ratifikohej. Me ç'merret vesh nga brenda bëhet fjalë për datën 6 shkurt. Dje ishte shpreh dhe Robert Bund, komandanti gjerman në Dardani, se s'ka më shtyrje, si dhe Kondoliza Rajs pardje në Berlin.

    Kosovo to declare independence on 6 February
    Pristina /23/01/ 16:08

    The independence of Kosovo will be declared on 6 February, Radio Kosovo cited sources close to the Kosovo's PM Hashim Thaci as saying.

    Radio Kosovo said that the document on declaration of independence will be adopted on 6 February in the Kosovo's Parliament, which would be followed by recognition by other countries.

    The same source added that the Parliament has already embarked upon preparations for that historic event, but did not specify whether will the European Union act in package or the recognition would be carried out by each country individually.

    http://www.makfax.com.mk/look/novina...4&NrSection=20

  7. #7
    i/e regjistruar Maska e Llapi
    Anëtarësuar
    08-08-2002
    Postime
    10,979

    Qeveria e Kosovës: Po bëjmë përgatitjet për shpalljen e pavarësisë

    Thaçi thotë se shpejt do t’u bëjë me dije qytetarëve kohën e shpalljes së pavarësisë


    Prishtinë, 3 shkurt 2008 (Kosovapress) Koha 20:12

    Thaçi thotë se shpejt do t’u bëjë me dije qytetarëve kohën e shpalljes së pavarësisë

    Kryeministri i Kosovës, Hashim Thaçi tha të dielën se periudha kohore për shpalljen e pavarësisë veç është e ditur dhe shumë shpejt atë do t’ua proklamojë edhe qytetarëve të Kosovës, ndërsa ministri i Punëve të Jashtme të Shqipërisë, Lulzim Basha tha se Kosova me plot vetëbesim, me maturi dhe vizion evropian po ecën jo vetëm drejt pavarësisë...
    Do t´i luftoj spiunet dhe tradhtaret e kombit deri ne vdekje.

  8. #8
    i/e regjistruar Maska e Llapi
    Anëtarësuar
    08-08-2002
    Postime
    10,979
    Jakup Krasniqi: Kuvendi i Kosovës në bashkërendim me SHBA-të dhe Unionin Evropian, brenda muajit do të shpallë pavarësinë

    - Nuk ka argumente të tjera për arsyetimin e ndonjë propozimi eventual për shtyrje

    Jakup Krasniqi
    Kryetar i Kuvendit të Kosovës


    Musli Krasniqi
    Prishtinë, 4 shkurt

    Zvarritja e definimit të statusit politik të Kosovës deri në këtë periudhë, nga faktorët vendimmarrës është arsyetuar në forma të ndryshme. “Nevoja” për procese të njëpasnjëshme negociatore qe arsyetuar me domosdoshmërinë e kërkimit të çdo alternative për kompromis ndërmjet palëve, dhe për të “bindur” kundërshtarët e pavarësisë se kjo është zgjidhja e vetme e mundshme për Kosovën. Jo më pak se tri herë, arsyetime të shtyrjeve kanë qëlluar të jenë zgjedhjet në Serbi, herë parlamentare e herë presidenciale. Këto, më shumë janë nënkuptuar në kuadër të procesit dhe janë vlerësuar si të tilla nga këndi i analistëve dhe potencuar nga zyrtarë anonimë në qendrat e vendosjes, por nuk janë pranuar zyrtarisht. Nga liderët vendorë është vlerësuar shumë herë se zgjedhjet në Serbi nuk kanë kurrfarë ndërlidhjeje me Kosovën dhe statusin e saj. Sido që të jetë, duke e pasur parasysh rolin e Serbisë në gjithë këtë proces, faktorëve vendimmarrës ndërkombëtarë iu nevojitet një stabilitet i qëndrueshëm politik dhe një adresë e qartë edhe në Beograd.

    Mst: Brenda shkurtit

    Zgjedhjet e fundit serbe, ato për president, veçmas balotazhi i së dielës dhe fitorja e Boris Tadiqit, nga analistët është vlerësuar si eliminimi i pengesës së fundit për ta miratuar Deklaratën e Pavarësisë në Kuvendin e Kosovës. Udhëheqësit politikë të Kosovës kanë thënë se rruga e pavarësimit të Kosovës nuk mund të kushtëzohet nga proceset politike në Serbi. Ajo, sipas tyre, është hartuar në bashkëpunim me faktorin ndërkombëtar. Sidoqoftë, ata kanë vlerësuar se demokratizimi i Serbisë dhe integrimi në strukturat euroatlantike, është në interes të paqes dhe stabilitetit në rajon. Kryetari i Kuvendit të Kosovës, Jakup Krasniqi, ka thënë të hënën se është e udhës që Serbia të pranojë rrjedhat demokratike dhe realitetin e ri që është krijuar në Kosovë. Ndërkaq, proceset që zhvillohen në Serbi, sipas tij, janë të ndara nga proceset që janë duke u zhvilluar në Kosovë.
    Sa i përket datës së shpalljes së pavarësisë së Kosovës, Krasniqi ka thënë se Kuvendi i Kosovës në bashkërendim me SHBA-të dhe Unionin Evropian, brenda muajit do të shpallë pavarësinë, për të cilën ai tashmë është i gatshëm.
    Në anën tjetër, serbët e Kosovës kanë thënë se në raport me Kosovën nuk do të ndryshojë asnjë gjë pavarësisht nga fitorja e cilitdo kandidat.

    Mst: Argumentet e paqëndrueshme

    Analistët vendorë vlerësojnë se zgjedhjet në Serbi e kanë hequr edhe një dilemë të komunitetit ndërkombëtar lidhur me kohën e përshtatshme për shpalljen e pavarësisë së Kosovës. Analisti Milazim Krasniqi, thotë se është konfirmuar presidenti i ri i Serbisë, edhe si një person i cili llogaritet më i moderuar dhe me prirje më proevropiane, dhe në këtë aspekt nuk ka argumente të tjera për arsyetimin e ndonjë propozimi eventual për shtyrje.
    Ai thotë se disa zëra të fundit ndërkombëtarë për shtyrje 30 apo 60-ditëshe të shpalljes së pavarësisë, nën arsyetimin se Tadiqit i duhet konsolidim i pushtetit, janë absolutisht të paqëndrueshme. Presidenti serb, sipas tij, është president në detyrë dhe e ka të gjithë infrastrukturën e pushtetit në duart e veta. “Prandaj, kushdo që thirret në një nevojë të tillë të tij, vetëm bën lojë të pamoralshme, sepse ai ishte president edhe në mandatin e kaluar. Kështu që nuk ka asnjë lloj arsyetimi të kësaj natyre”, tha për “Infopress” Krasniqi. Ai shprehet i inkurajuar nga deklarata e kryetarit të Kuvendit të Kosovës, Jakup Krasniqit, i cili ka deklaruar të hënën se pavarësia do të shpallet gjatë shkurtit. “Le të shpallet edhe ditën e fundit të shkurtit nëse është e domosdoshme, por është mirë që po fiksohet së paku muaji, dhe pastaj ditët kalojnë dhe ne jemi në një situatë që gjatë këtij muaji të mbyllet ky proces”, tha ai.

    Mst: Sfidat

    Këto zgjedhje nga analistët janë vlerësuar si një lloj referendumi për Serbinë, e cila para vetes ka pasur dy rrugë: integrimin apo izolimin. Ishte vlerësuar se fitorja eventuale e Nikoliqit do ta kthente Serbinë e kohës së Milosheviqit, me pasojë izolimin ndërkombëtar. Ndërkaq, rizgjedhja e Boris Tadiqit është përshëndetur nga Perëndimi dhe është vlerësuar si shenjë se shumica e qytetarëve të Serbisë dëshirojnë që të vazhdojnë rrugën për në Evropë. Tri sfidat e radhës për Tadiqin vlerësohen rishikimi i pushtetit dhe raporteve me kryeministrin aktual Vojislav Koshtunica, i cili nuk i dha mbështetje në garën presidenciale, gjë e cila mund ta çojë Serbinë në krizë qeveritare dhe zgjedhje të parakohshme; ballafaqimi me çështjen e shpalljes së pavarësisë së Kosovës, dhe me përpjekjet për të çuar përpara procesin e përafrimit me Bashkimin Evropian. Nga Moska, ka dalë qëndrimi se “në zgjedhje të Serbisë kanë fituar dy gjysma, përkatësisht lideri formal dhe joformal, meqë dallimi në vota mes kryetarit Boris Tadiq dhe kandidatit Tomislav Nikoliq ka qenë minimal”.
    Do t´i luftoj spiunet dhe tradhtaret e kombit deri ne vdekje.

  9. #9
    i/e regjistruar
    Anëtarësuar
    16-11-2005
    Postime
    8,691
    He pra se mezi po presim, po kujt i plasi se nuk do hyje ne OKB, se ja na u prish gjiza ne.

  10. #10
    i/e regjistruar Maska e Nice_Boy
    Anëtarësuar
    25-01-2004
    Vendndodhja
    Larg vendlindjes i pa shpi..
    Postime
    4,220
    Tani kaluan hic me pak se 3650 dite qe po enderrojm per kete Pavarsi.. dhe cdo dite eshte shpall por kot.. ishalla sa me shpejt behet.. e sa per Rusin sna behet von.. se sa ta kemi Ameriken pran nesh ben si don ajo..
    Më gënjeu pasuria, jeta vrap më iku shpejt dhe u thinja u dergja u plaka në dhe të huaj do të vdes..

  11. #11
    i/e regjistruar Maska e Llapi
    Anëtarësuar
    08-08-2002
    Postime
    10,979

    Qeveria e Kosovës: Po bëjmë përgatitjet për shpalljen e pavarësisë

    Prishtinë, 7 shkurt 2008


    Në mbledhjen e gjashtë të Qeverisë së Kosovës, të cilën sot e ka udhëhequr kryeministri Thaçi, i shoqëruar edhe nga zëvendëskryeministrat Kuçi dhe Manaj, janë diskutuar përgatitjet intensive që po bëhen për ditën e shpalljes së statusit të Kosovës dhe çështjet që lidhen më këtë ditë historike për Kosovën.
    Kryeministri Thaçi ka theksuar para Këshillit të Ministrave se realisht Qeveria e Kosovës po angazhohet me të gjitha kapacitetet dhe me përkushtimin më të madh për përfundimin e suksesshëm të procesit të pavarësimit të Kosovës, si dhe është duke punuar maksimalisht me gjithë formacionin politik të vendit, me bashkëpunim të ngushtë me Uashingtonin dhe Brukselin, për përmbylljen e kësaj çështjeje madhore.
    Kabineti qeveritar në ketë takim të hapur edhe për mediat vendëse dhe të huaja, të cilat gjenden në Kosovë për të përcjellë zhvillimet e fundit, ka miratuar një sërë vendimesh dhe ligjesh, ndër të cilët edhe vendimin për inicimin e procedurës për hartimin e Projektligjit për Presidentin (ZKM), me anë të të cilit do të rregullohen të drejtat e presidentit dhe familjes së tij pas përfundimit të mandatit, si dhe është miratuar projektvendimi për inicimin e procedurës për hartimin e Projektligjit për Diasporën (ZKM), me anë të të cilit njihet roli i diasporës shqiptare në ecurinë e proceseve në vendin tonë.
    Po kështu është miratuar edheplani vjetor të punës së Qeverisë (ZKM), me ç’rastZyra e Kryeministrit të Kosovës ka bërë koordinimin e punëve me të gjitha ministritë për përgatitjen e këtij plani.Me këtë rast është vlerësuar se plani paraqet një pasqyrë reale të mundësive dhe kapaciteteve për realizimin e pjesëve të obligimeve që dalin nga Programi i Qeverisë.
    Gjithashtu është miratuar strategjia legjislative për vitin 2008 (ZKM), e cila është hartuar nga grupi punues qeveritar që është themeluar me Vendimin e Qeverisë nr. 03/2, të datës 17 janar 2008, duke u bazuar në akte dhe dispozitat ligjore, si dhe në bazë të planeve legjislative për vitin 2008, të miratuara dhe të ofruara nga të gjitha ministritë, me qëllim të hartimit të një strategjie në harmoni me rrjedhat politike në Kosovë dhe në harmoni me legjislacionin evropian dhe planin e partneritetit, si dhe është miratuar vendimi për eliminimin e kolizionit ligjor dhe njësimin e ligjeve (ZKM), i cili ka dalë si rezultat i vështirësive të krijuara nëlegjislaturat e kaluara, ku janë miratuar ligje në të cilat ekzistojnë mospërputhje dhe kundërthënie në mes tyre. Me qëllim të zbatimit efikas në praktikë dhe shmangies së paqartësive është propozuar themelimi i një grupi punues me përfshirje të gjerë, i cili do të shqyrtojë të gjitha konfliktet eventuale ndërmjet ligjeve dhe do të rekomandojë veprimet e caktuara. Nga fusha ligjore është miratuar edhe vendimi për themelimin e Komisionit për mbikëqyrjen e zbatimit të ligjeve (ZKM), i cili do të mbikëqyrë një numër të madh të ligjeve që janë në fuqi dhe nuk zbatohen në praktikë ose ka ngecje në zbatimin e tyre, dhe është aprovuar kërkesa për shqyrtimin e ligjeve që janë miratuar nga Kuvendi i Kosovës dhe nuk janë nënshkruar nga PSSP-ja (ZKM).
    Kabineti qeveritar ka miratuar në vazhdim të mbledhjes së sotme edhe vendimin për shënimin e përvjetorit të Epopesë së UÇK-ës (ZKM), me qëllim që manifestimi popullor Epopeja e UÇK-së të organizohet dhe udhëhiqet në mënyrë solemne nga Zyra e Kryeministrit, ndërkaq ka miratuar udhëzimin administrativ për caktimin e shpenzimeve të reprezentacionit për zyrtarë të institucioneve të Qeverisë së Kosovës (MSHP); udhëzimin administrativ për përcaktimin për një pagë të të emëruarve politikë (MSHP); udhëzimin administrativ për përdorimin e automjeteve të Qeverisë së Kosovës (MSHP)dheudhëzimin administrativ për përdorimin e telefonave (fiks dhe mobil) në Qeverinë e Kosovës (MSHP).
    Gjithashtu për riaktivizimin e grupeve për tranzicion kishte një pajtim të përgjithshëm të kabinetit qeveritar, me ç’rast kryeministri Thaçi ka emëruar si koordinator për tranzicion, këshilltarin e tij politik, z. Lirim Grajçevci.
    Do t´i luftoj spiunet dhe tradhtaret e kombit deri ne vdekje.

  12. #12
    ...beyond Maska e Alienated
    Anëtarësuar
    19-09-2005
    Vendndodhja
    Cassiopeia Constellation
    Postime
    3,139

    Pavarësia më 17 Shkurt 2008!

    Ministri i Jashtem francez Bernard Kushner ka deklaruar se Bashkimi Evropian do te marre se shpejti nje vendim te q arte per te ardhmen e Kosoves, e cila pritet qe shume shpejt te shpalle pavaresine nga Serbia. Sipas Kushner, ky veprim do te behet pavaresisht kundershtimeve te Serbise per pavaresine dhe misionin e BE-se.
    "Ne pritem zgjedhjet presidenciale ne Serbi, qe nxorren ne krye presidentin proevropian Tadic. Serbia nuk ka dale nga procesi i saj zgjedhor. Se shpejti do te marrim nje vendim per Kosoven, meqenese gjithcka ishte e bllokuar", ka pohuar Kushner.

    Nderkohe burime te aferta me qeverine Kosovare kane bere te ditur se presin driten jeshile te BE-se per te shpallur pavaresine, e cila mund te ndodhe nje dite para 18 shkurtit, kur do te zhvillohet nje mbledhje e ministrave te Jashtem te BE.

    Top Channel
    Koha është e maskarenjëve
    Por atdheu i Shqiptarëve

  13. #13
    i/e regjistruar Maska e Llapi
    Anëtarësuar
    08-08-2002
    Postime
    10,979
    I FTOJ QYTETARËT TË ÇOJMË MESAZH PAQEJE NË BOTË

    Nga Vedat Vllasaliu / Petrit Musolli
    Jan 30, 2008, 22:32


    Zenun Pajaziti, minister i Brendshem ne Qeverine Thaci

    JAVA: A jeni përgatitë për Shpalljen e Pavarësisë?



    Zenun Pajaziti: Kosova po shkon pakthyeshëm drejt shpalljes së pavarësisë dhe kjo do të bëhet në koordinim të plotë me partnerët tonë ndërkombëtarë. Si e ka cekur Kryeministri Thaçi dhe PSSP-ja z.Ruecker, në takimin e fundit të Këshillit të Sigurimit, Kosova është e gatshme për hapin e ardhshëm që është shpallja e pavarësisë dhe është e gatshme për të vepruar si shtet i pavarur.

    Kosova ka vite që është e përgatitur për të funksionuar si shtet, tanimë kanë mbetur vetëm procedurat ceremoniale për shpalljen e pavarësisë, e cila do te pasohet nga njohja e shpejtë nga partnerët tanë në Washington dhe vendet kryesore të BE-së.



    JAVA: Si do të menaxhoni me situaten e sigurisë nëse ajo cenohet, sidomos nga komuniteti serb të cilët shumëherë kanë kërcënuar se do të reagojnë në forma të ndryshme nëse shqiptarët shpallin pavarësinë?



    Zenun Pajaziti: Nuk e përjashtojmë faktin se do të ketë njërëz që nuk do të pajtohen me realitetin që do të krijohet pas shpalljes së pavarësisë së Kosovës dhe kjo mund të reflektohet edhe në situatën e përgjithshme të sigurisë në vend. Por ne jemi të përgatitur që së bashku me strukturat relevante vendore dhe ndërkombëtare të ruajmë rendin dhe qetësinë në Kosovë për të gjithë qytetarët pa dallim.



    JAVA: Cilat janë masat konkrete? Na specifikoni?



    Zenun Pajaziti: Çdo strategji e strukturave vendore dhe ndërkombëtare të sigurisë është e mbështetur me plan veprime konkrete te cilat do te zbatohen në rast të prishjes së rendit dhe qetësisë publike.



    JAVA: A ka mundësi të na e përshkruani “Operacionin Statusi”?

    Çka përmban, si është planifikuar të zbatohet. Në çka është përqëndruar…?

    Sa pjesëtarë të policisë do të jenë të përfshirë në këtë operacion?



    Zenun Pajaziti: Hartimi i planeve të tilla dëshmon qasjen tonë proaktive për të ruajtur rendin dhe qetësinë në Kosovë në këte periudhë të rëndësishme. Në këte plan janë paraparë disa masa preventive që të sigurohemi që situata të mos eskalojë. Ne jemi vigjilentë, por nuk besojmë se do të ndodh asgjë e jashtëzakonshme. Sidoqoftë, në rast se ndodh e kundërta institucionet e Kosovës në bashkëpunim me partnerët ndërkombëtarë kanë përgjegje adekuate për situata të tilla.

    Ndërsa, jo vetëm policia, por ne po punojme me tërë mekanizmat institucional që të kemi një mobilizim të përgjithshem që në diten e shpalljes së pavarësisë dhe tutje Kosova të dërgojë mesazhe pozitive në mbarë botën. Në këte kontekst, ftoj edhe qytetarët e Kosovës që t’i bashkohen kësaj fryme dhe të ecim së bashku përpara.



    JAVA: A jeni konsultuar me KFOR-in dhe Policinë ndërkombëtare për zbatimin e këtij operacioni? Kush do ta udhëheqë këtë operacion: kosovarët apo ndërkombëtarët? Cili do të jetë bashkëveprimi me KFOR-in dhe Policinë ndërkombëtare?



    Zenun Pajaziti: Raportet me KFOR-in dhe Policinë ndërkombëtare janë në nivelin me të lartë të mundshëm. Ne kemi kontakte të vazhdueshme dhe të gjitha planet operative janë të harmonizuara në mes strukturave vendore dhe atyre ndërkombëtare. Ne jemi koshientë për përgjegjësitë tona dhe në bashkëpunim me partneret tanë ne do të sigurohemi që secili të jetë në krye të detyrës. Jo më kot ne kemi ndjekur qasjen e shpalljes së koordinuar të pavarësisë.



    JAVA: Nëse serbët në veri shpallin pavarësinë e veriut, si janë kërcënuar në rast se Kosova shpall pavarësinë, si do të reagoni?



    Zenun Pajaziti: Besoj se çdokush është i vetëdijshëm për parimet e Grupit te Kontaktit për tërësinë territoriale të Kosovës. Kosova do ta shpall pavarësinë në tërë territorin e saj dhe si e tillë do të njihet nga SHBA, BE dhe shume vende tjera.



    JAVA: A keni ndonjë strategji si do të veproni në veri apo thjesht do t’ia leni KFOR-it të mirret me këtë situatë dhe ju do të jeni vetëm vëzhgues?



    Zenun Pajaziti: Ne kemi strategji dhe plane operative në bashkëpunim me KFOR-in. Ne kemi marre garancitë e nevojshme nga KFOR-i për sigurimin e tërë territorit të Kosovës.



    JAVA: Pjesëtarët serbë të SHPK-së a do të shërbejnë në vendbanimet serbe e sidomos në veri kur të shpallet pavarësia – apo a keni frikë se ata mund të dezertojnë dhe të solidarizohen me qytetarët e veriut dhe vendeve tjera të banuara me serbë – të cilët parashikohet se do të kundërshtojnë dhe protestojnë kundër shpalljes së pavarësisë? A janë të trajnuar këta policë për raste të këtilla?



    Zenun Pajaziti: SHPK-ja është një institucion multietnik dhe të gjithë pjesëtarët e saj pa dallim kryejnë përgjegjësitë e tyre konform ligjit. Nuk dua të bëj dallime dhe të krijoj dualizma brenda vet SHPK-se. Zërat për dezertim të pjesëtarëve të SHPK-se nga rradhët e komunitetit serb më shumë janë në rrafshin spekulativ. Sidoqoftë, ne i konsiderojmë institucionet si të shenjta dhe çdo sulm mbi to do të jetë i papranueshem dhe ne do të jemi të pakompromis ndaj të gjithë atyre që ndërmarrin akte që janë në kundërshtim me ligjin.



    JAVA: Zakonisht në çdo protestë situatën e kanë udhëhequr ndërkombëtarët?



    Zenun Pajaziti: Do theksoja edhe njëherë se përgjegjes për sigurinë në Kosovë janë SHPK-ja, KFOR-i dhe Policia e UNMIK-ut. Përgjegjësitë e tyre janë të ndara dhe të kjarta. Por ne ndajmë interesa dhe përgjegjësi të përbashkëta.



    JAVA: Ju i keni ftuar serbët që të bashkëpunojnë më ngushtë me institucionet kosovare për ndërtimin një të ardhme europerendimore. A mendoni se mundet të realizohet kjo duke pasur parasysh të kaluemën e shqiptarëve dhe serbëve?



    Zenun Pajaziti: Nuk bëj apele të tilla po të mos kisha besuar se një gjë e tillë është e mundshme. Është botërisht e njohur aspirata e qytetarëve të Kosovës, për një shtet të pavarur e sovran, të integruar në sturkturat Euro-Atlantike. Se kendejmi, konsiderojme se Pavarësia e Kosovës është vetëm fillimi i fundit dhe jo përfundim i tërë procesit. Misionin do ta shpallim të përmbushur ditën kur anëtarsohemi në Bashkimin Europian. E ardhmja europiane nuk do te mbetet peng e së kaluarës.



    JAVA: Në disa anketa me serbë –ata janë shprehur se nuk i besojnë SHPK-së, a mendoni se do të bashkëpunojnë me ju si keni kërkuar ju nga ta?



    Zenun Pajaziti: SHPK-ja është duke u funksionalizuar dhe është duke i ngritur kapacitetet e veta për ushtrimin e përgjegjësive. Ne jemi të përkushtuar që të sigurohemi se SHPK-ja të jetë në shërbim të gjithë qytetarëve pa dallim. Ndërsa edhe roli i qytetarëve është jo më pak i rëndësishëm. Ata duhet të bashkëpunojnë dhe t’i besojnë SHPK-se, në mënyrë që të sigurojmë një ambient të qetë për të gjithë.



    JAVA: A ka mundësi që qytetarët e Kosovës të provokohen nga shteti i Serbisë kur të shpallet pavarësia? Nëse ndodh kjo a do të ballafaqohet edhe SHPK-ja me këtë situatë spo jeni këshilluar nga KFOR-i që të mos reagoni dhe ta leni komplet në duar të KFOR-it këtë situatë. A e keni diskutuar më KFOR-in dhe policinë ndërkombëtare si do të reagoni në një situartë të tillë edhe pse kjo është një pyetje hipotetike – por shumë e parashikueshme?



    Zenun Pajaziti: Është për keqardhje që Serbia ende po vazhdon me një qasje e cila nuk ndryshon shumë nga parktikat e kaluara. Kosova po shkon pakthyeshëm drejt shpalljes së pavarësisë dhe kjo do të bëhet në koordinim të plotë me partnerët tonë ndërkombëtarë. Ne do të levizim përpara dhe do të jemi të gatshëm të bashkëpunojmë si dy shtete fqinjë në të ardhmen. Por në asnjë rast nuk do të lejojmë që të cenohet siguria e qytetarëve të Kosovës dhe këte do ta bëjme në bashkëpunim me KFOR-i dhe mekanizmat tjerë relevantë.





    JAVA: A keni zhvilluar takime edhe me qytetarë shqiptarë të Kosovës se si të reagojnë në ditën e shpalljes së pavarësisë? Duke u bazuar në përvojat e festimeve të mëhershme shpesh dijmë me huq si me festue në mënyrë normale?

    Si me e normalizue festimin e shpalljes? A keni ndonji plan-program?



    Zenun Pajaziti: Ne fillim të intervistës e ceka se jemi në pregaditje të procedurave ceremoniale për shpallje të pavarësisë. Ne po mbajme takime dhe vizita në të gjitha anët e Kosovës dhe me të gjitha komunitetet. Poashtu, i bëj thirrje edhe mediave, shoqërisë civile dhe qytetarëve në përgjithësi që të kultivojnë këte frymë të sjelljes me dinjitet si vlera civilizuese të botës së qytetëruar.



    E tërë bota është duke përcjellur me vemendje zhvillimet në Kosovë. Ne duhet të kemi kujdes se çfarë mesazhi dërgojmë te miqtë tanë.



    Ne i ftojme qytetarët e Kosoves të na bashkohen në angazhimet tona dhe të festojmë këte akt historik me dinjitet. Ne kemi qenë dinjitoz, kemi sakrifikuar, çdo qytetar i Kosovës ka hise në këte proces historik, prandaj si të tille duhet të sillemi edhe në ditën e shpalljes së pavarsisë së Kosovës.
    Do t´i luftoj spiunet dhe tradhtaret e kombit deri ne vdekje.

  14. #14
    i/e regjistruar Maska e Llapi
    Anëtarësuar
    08-08-2002
    Postime
    10,979
    POLITIKË Shpallje dhe festë dinjitoze


    Deklaratat kundër pavarësisë, kreu i ekzekutivit i ka injoruar, duke thënë se ai do të vazhdojë të punojë me të gjithë ata që punojnë për pavarësi

    Bajram Lani
    Prishtinë, 7 shkurt

    Zëra për shtyrje të shpalljes së pavarësisë mund të ketë vetëm në Beograd, ngase në Prishtinë, në Bruksel dhe Uashington gjithçka është e përfunduar. Kështu është shprehur kryeministri i Kosovës Hashim Thaçi, të enjten pas mbledhjes së Qeverisë, duke hequr dilemat rreth shpalljes së pavarësisë brenda një periudhe shumë të shpejtë. Ai ka thënë se nuk ka çka të diskutohet më për pavarësinë, ngase është punë e kryer dhe vetëm kërkohet përfundimi i përgatitjeve për shpallje. Deklaratat kundër pavarësisë, kreu i ekzekutivit i ka injoruar, duke thënë se ai do të vazhdojë të punojë me të gjithë ata që punojnë për pavarësi.

    Mst; Festim dinjitoz

    Kryeministri Thaçi ka thënë se gjithçka për shpalljen e pavarësisë është e kryer, vetëm kanë mbetur edhe disa detaje të vogla. Ai ka shprehur angazhimin e të gjitha institucioneve të Kosovës në nivelin qendror dhe lokal për përfundimin sa më të shpejtë të procesit dhe për përgatitjen dinjitoze për ta festuar ditën e pavarësisë. “Dita e vendimit për shpalljen e pavarësisë së Kosovës duhet të jetë ditë e festimit dinjitoz. Si popull dhe si vend kemi investuar më se një shekull për këtë ditë historike të madhështisë, pas çlirimit të Kosovës në qershor të vitit 1999. Unë jam i bindur se ne do të kemi sukses me shpallje dinjitoze, me kremten e festës dinjitoze dhe me një sjellje shumë të civilizuar”, është shprehur Thaçi. Për ta festuar këtë ditë, Qeveria e Kosovës ka ndarë një milion euro dhe ka formuar një komision të veçantë për koordinimin e punëve rreth përgatitjeve.

    Mst; Ligji për presidentin dhe për diasporën

    Qeveria e Kosovës në mbledhjen e saj të hapur për media ka miratuar projektvendimin për fillimin e hartimit të ligjit për presidentin dhe ligjit për diasporën. Me ligjin për presidentin, i cili është iniciuar nga Zyra e Kryeministrit, do të rregullohen të drejtat e presidentit dhe familjes së tij pas përfundimit të mandatit, ndërkaq me ligjin për diasporën, gjithashtu nga Zyra e Kryeministrit, do të njihet roli i diasporës shqiptare në ecurinë e proceseve në Kosovë. Në mbledhjen e Qeverisë, është miratuar edhe plani vjetor i punës së Qeverisë, me ç’rast Zyra e Kryeministrit të Kosovës ka bërë koordinimin e punëve me të gjitha ministritë për përgatitjen e këtij plani, ndërkaq është vlerësuar se plani paraqet një pasqyrë reale të mundësive dhe kapaciteteve për realizimin e pjesëve të obligimeve që dalin nga Programi i Qeverisë. Gjithashtu është diskutuar edhe për përgatitjet rreth manifestimit të Epopesë së Ushtrisë Çlirimtare të Kosovës (UÇK), e cila mbahet më 5, 6 dhe 7 mars. Epopeja e UÇK-së do të organizohet dhe udhëhiqet në mënyrë solemne nga Zyra e Kryeministrit.

    BOX:
    Zvogëlimi i shpenzimeve jep rezultat

    Qeveria ka vlerësuar se janë shënuar rezultatet e para në zbatimin e zvogëlimit të shpenzimeve buxhetore. Me këtë rast, në mbledhjen e radhës Qeveria ka miratuar udhëzimet administrative për caktimin e shpenzimeve të reprezentacionit për zyrtarë të institucioneve të Qeverisë së Kosovës, për përcaktimin për një pagë të të emëruarve politikë, për përdorimin e automjeteve të Qeverisë së Kosovës dhe udhëzimin administrativ për përdorimin e telefonave fiks dhe mobil në Qeverinë e Kosovës, të gjitha të dala nga Ministria e Shërbimeve Publike. Veç tjerash, kryeministri Thaçi ka bërë të ditur se ka emëruar këshilltarin e tij politik Lirim Greiçevcin, në detyrën e koordinatorit të grupeve për tranzicion.
    Do t´i luftoj spiunet dhe tradhtaret e kombit deri ne vdekje.

  15. #15

    Shpallja e pavarësisë më 17 shkurt

    Shpallja e pavarësisë do të bëhet më 17 shkurt, bënë të ditur agjencia italiane e lajmeve ANSA, duke u thirrur në një burim të afërt të kryeministrit kosovar Hashim Thaçi.

    Agjencia italiane shkruan se kjo datë është përmendur edhe nga mediat kosovare. Sipas agjencisë ANSA shtetet e para që do të njohin pavarësinë do të jenë SHBA, Gjermania, Franca dhe Anglia.

    Kryeministri i Kosovës, Hashim Thaçi sot sërish nuk përcaktoi një datë rreth shpalljes së pavarësisë, por ai tha se kanë përfunduar përgaditjet për shpalljen e saj.

    “Në Prishtinë, Bruksel dhe Uashington gjithçka është e përfunduar dhe zëra për shtyerje mund të ketë vetëm në Beograd”, ka deklaruar Thaçi, pas një séance të rregullt të Qeverisë.(ANSA)

    ¿Quién ganará la Champions? = BARÇA

  16. #16
    Për një Shqipëri të madhe Maska e ment
    Anëtarësuar
    14-06-2004
    Postime
    202
    Hajde te shpresojm se fort afer eshte afrue kjo date mirpo aq shum ka humbur besimi te ish qeveritaret e kaluar me ato data te pa kuptimta ,te shohim se si do te na dalin keta te qeverise se re te Thaqit njiher pernjiher mir jan kah shkojn te shohim me tutje shpresojm pra te je 17 shkurti 2008 data dhe dita me e mir dhe me e madhe qe i ka ndodhur kosoves ndonjiher pra Pamvarsia njiher e pergjithmon, nga thundrrat e huaja.
    URIME FITOREN PDK

  17. #17
    LIVERPOOL FC Maska e geezer
    Anëtarësuar
    29-09-2007
    Vendndodhja
    Windy City Chicago.USA
    Postime
    836
    ishalla more Zot eshte me 17 booll ma kan lodh kryt tu e shty ...

  18. #18
    i/e regjistruar Maska e Vinjol
    Anëtarësuar
    28-04-2002
    Vendndodhja
    Fier
    Postime
    1,540

    Post vendoset data perfundimtare e pavaresise se kosoves

    po eshte mese e vertet shqipe
    vendoset data perfundimtare e pamvaresise se kosoves
    ajo do te jete me 17 shkurt 2008
    cika e djem te kosoves me ne fund shqipnia do te mare
    fryme lirisht
    pasi zemra e saj tani ka nisur te punoje
    e tani duhet qe dhe cameria te jete e jona
    qe te kete mundesi te punojne edhe mushkrite tamam
    Mos u mundo te behesh njeri i suksesshem por me mire te behesh i vlefshem..

  19. #19
    DaJeTiRoNe SOP Maska e Visushi
    Anëtarësuar
    28-01-2003
    Vendndodhja
    Tirane
    Postime
    20
    Menoj se ka ardh momenti qe te themi "Rrofte Kosova e Lire"

    E punofshin me shnet e me SHTET ....!

    Visi
    Shqiptar ne shpirt ...
    Tironc ne zemer...

  20. #20
    Perhajer na kofte Kosova e Lire, por do te kisha dashur te di se si kan ngel disha ceshte kryesore si Emri (Kosove apo Dardani), Flamuri, Hymni, Stema etc. Ju lutem kush ka info te sakta te tregon jo ti thoni idete e juaja se si duhet te jene se ka shume tema te tilla, por meqe data eshte caktuar besoj se edhe ket detaje me vec duhet te jene caktuar?

Faqja 0 prej 6 FillimFillim 12 ... FunditFundit

Tema të Ngjashme

  1. Dardani apo Kosovë
    Nga Statovci në forumin Çështja kombëtare
    Përgjigje: 167
    Postimi i Fundit: 15-06-2018, 11:31
  2. Kombin shqiptar 7 milionësh në Ballkan e kanë mbuluar retë e zeza
    Nga Davius në forumin Çështja kombëtare
    Përgjigje: 29
    Postimi i Fundit: 01-08-2010, 13:18
  3. Kosova: unjust politics
    Nga bqato në forumin Problemet ndërkombëtare
    Përgjigje: 1
    Postimi i Fundit: 06-10-2006, 08:07
  4. Platform For The Resolution Of The Albanian National Question
    Nga saimiri-uk në forumin Çështja kombëtare
    Përgjigje: 0
    Postimi i Fundit: 06-02-2003, 15:52

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •