Lekë Gjoka - Poeti mërgimtar që premton shumë.

[Kallmeti]

Ne mergim takoj Shqipnine
poezi
Larg ku varferine kam vrare
shoh Shqipnine kete Zane te bardhe!..
Dhe ngadale nis t'kuvendoj
n'udhe t'mergimit e takoj !.
Heej Shqipni moj nane baroti
ktheje koken t'flasim pak
turivaruna rete prej soti
kanë me ikun prej teje larg !.
Qesh nanemadhja psheretin
dhe me dore flokeve iu jep
ah more bire ketu n'mergim
ajri n'fyt se si me djeg !..
Ah moj nane mos u psherit
ti veç bijte ke ardhe me pa
prape n'shine tane ke me ik
here tu qesh e here tu kja !..
Eh more bire m!-prape m'kthehet nana
unë po kthehem me rete në qiell
s'kam nevoje per vize a gjana
e prape tek bijte kam me erdhe!..
T'lutem nane mos ik dhe pak
se unë mallin du me vra
iken nana se n'shpi bijte kanë ba shamate
e shume dasina jane tu ba !..
(në qiell rete filluan me kja !..)

Lek Gjoka - Kallmeti
Jacksonville Florida 2002,
Në kete poezin time (botuar edhe ne gazeten Illyria ne Amerike ) deshiroj qe te hap nje teme te re :a është mire dhe perse politikanet shqiptare ne te tera trevet Shqiperi,Kosove,Maqedoni dhe Mal te zi krijone qindra partia sapo ngaterrohen me parine meme parti qe nuk po i sherbejne Shqiperise por vetem gjepave te tyre.....me respek Kallmeti

[Fiori]

Sa me shume lexoj aq me shume po e humbas interesin ne gjerat e shkruara. Por poezi si kjo e jotja, do vazhdojne te me trondisin gjithmone.

Pershendetje.

[Estella]

Mire se erdhe ne forum Kallmeti

"Larg ku varferine kam vrare
shoh Shqipnine kete Zane te bardhe!.. "
Nuk e di a vertet eshte nje Zane e Bardhe apo nje vend qe e kane mallkuar prej shekujsh, dhe spo del dot nga llumet thithese.

[shigjeta]

Kallmeti
Mire se erdhe ne forum. E lexova me deshire poezine tuaj dhe me pelqeu shume. Urime. Ne pritje te pjeseve te tjera letrare prej jush.
Pershendetje

[macia_blu]

hej, e ke qene ndoj her' ne fishte?
se ne lezhe e di qe me siguri ke qene.
une prej kesaj te dytes ,
kujtimin e permallur po e qes...
e po te baj nje mireserdhje me te.
Patriot, urime... njeheresh.

[Kallmeti]

cikel poetik nga Lek Gjoka -Kallmeti

Lotet e Puthjes

Larg në dhe te huaj
kur syte veç në enderr ti pashë
në buze qendrijnë pakez lote te puthjes
pakez lote te puthjes se thate !..
Nata rend mbi dallge te lodhjes
ndienjat marrin udhe të gjate
qëndrojnë pak në oborr te shkolles
Ne vjeshte pemet s'di pse qajnë?
(Mos kjo stine iu vodhi rrobat ?!
Ah e dashur buzët qajnë
këtu larg në dhe te huaj
kater stinet vjeshte jane
s'po shterojnë lotet e puthjes !..


Një vajze ecen neper shi !..

Ecen një vajze neper shi si në legjende
s'ecen me kembe ecen me zemer
dhe s'pyet nese gjiri i rejes rrjedh
shi,bore apo breshër !

Ecën ajo si legjenda drejt legjendës
vezullimi i syve te saj të gjitha rete i zhduku
e di,shumë larg rri fshehur një zemer
që pulson njëhërësh me zemrën tende flutur !..


Kush e solli dashurinë ?

Mëngjesi i lau faqet
mesdita i krehu floket
era ia shkundi mendimet
dhe ia thau lotet !

Ora ia dha vrapit
sytë me qiellin nderrohen
detrat po bertasin
detrat zemerohen !.

Se s'ka më uje lotesh
se u shterr trishtimi
s'kanë si mbushen botet
e ketij zemerimi !.

Nuk shterrojnë dot kënget
por buruan puthjet
dita lind per syte
nata lind per buzet!...

Ora ia tha vrapit
dhe në planetin tjeter
u takua më djalin
e me puthjen e vjeter !..


Në ëndërr !..

Kur dielli u shtri te flerë
strukur në gji te maleve
e hena permes reve shkonte
lozonjare
se kush vjen e troket në dritaren-ëndërr!..
Unë s'e kisha ndiere kur më mbuloji në gjume
si dikur kur zbulohesha nga ethet e matures
veç gjaku ia dha vrapit në dejet e ngushtë,
e balli mori zjarr nga embelsia e puthjes !....
Ah për bese s'po rrej
Sonte në Athine pashe në enderr nënen !..


Vajzave gjokset po iu shkrijnë ...

Po shkrijnë ajzberget
me nje shperthim lulevjollce
vajzet kane zjarrmi te tmerrshme në gjokse !..
Dhe shkojnë në kisha a gjami qe Zoti tiu sjelle fat
që gjoksin a trupin te mos iu shkrije vapa !...
Ah,sikur të isha djale:Sa vajzave do iu shkrihesha
në gjokse,buze a trup si stalaktik pranveror
nëpër ujvara.....


Ç'm'u rishfaq Migjeni udheve te Athines

Ishte çmendur makina e pronarit dhe me vrap
si kale i hazdisur rende autostrates
por semafori i kuq per krahu e kap
dhe ia nxierr kllapine.
Kokën kthej mënjanë,sytë shohin në dritare në vocerrak
qe asnje pike gjaku në fytyre s'i kish mbire!.
-Më fal pesë lekë se dua te jetoj-më tha ai shqip
Zgjata paret e ia dhashe u mbyllen vete syte
perpara Migjeni i zverdhur m'u fanit.
Është ca e lasuar Athina dhe bën zhurmë
s'i bie ndermend se ka ndonje vocerrak shqiptar
që për shtepi ka lulishten
e për mbuloje ajrin e veres
Vallë vargjet kush per fyti po m'i kap
lotët e zemres ?
-Ik në Shqiperi !-mu duk se i thashe
se vetem atje do të të falin ndonjë cope jete
se si m'u zhduk papritmas ai vocerrak
se makina serishmi mu çmend !...

Ëndërr vajzerore ..

Padashje tej xhamit
hyre ti tere ngrohtesi
hyre mu në zemer të fustanit
me një afsh të madh në gji.

E syte anash i hodhe
të shihje ndonjë dhëndërr
por syve s'di pse s'iu besoje
s'e dije gjithshka ishte ëndërr......

Im bire Donaldi lindi me 30 qershor 1997

Përjashta spitalit këngë e zakonshme armesh
si vajtim mortor a kush djallin e di
qershori i lodhur çapitej ngadale
diktatura në shtratin e vdekjes u shtri.
E dashura ime në salle të operacionit gjumë flë
Doktorat i kishin prehur thikat e jetes
qajnë ndienjat,e prape vetja më thote:"Hë mo burrë je?
....por jo s'i ndaloj dot lotet e zemrës.
Dhe vargjet pikojnë lot
se lot boron etërë Shqiperia
se dhe nuset në të zeza ndërruan njyren e vellos sot
e per orkester kishin vajtime e krisma!.
Sot me 30 qeshor 1997 doli nga "burgu" im bire Donaldi
e tamli i nanes që pi ka aromë baroti
dy oresh më thote: "babe ç'po ngjet kështu në Shqiperi
apo na ka mallkuar zoti!?::
Përkëdhel tim bire që trokiti në jete
ditën e pare te riçlirimit të tretë,
zemra e tij e virgjer pulson e duket sikur flet:
"Ishalla ripushtim tjetër të vetvetes s'do të ketë !".....




të dashur miq keto jane disa prej poezive te Lek Gjokes-Kallmeti(te mijat)te vellimit poetik "LOTET E PUTHJES" te shkruera para 1998 vit qe unë emigrova Familjerisht ne Amerike.Ne të ardhem do tiu dergoj edhe poezi te tjere te botuara në organe te ndryshme si dhe poezi te reja qe po i bej gadi per nje vellim tjeter poetik.Dëshiroj qe paqjq dhe mirkuptimi te udhetojne në ëdo çast si ne jeten tuaj ashtu edhe në mbarvajtjen e ketij forumi Shqiptar në internet. Faliminderit !...

[denku]

Shume te bukura!

[shigjeta]

Ju uroj suksese ne vellimin e ri poetik qe doni te botoni
Poezit e mesiperme jane vertet te bukura

pershendetje

[Redi]

Forumi Shqiptar...

-pershendetje

Perjashta dritaresh shiu është merzitur
dhe qan me buleza loti
në internet shpresa ka trokitur
mergimin në lumë ta hedhe prej soti!..

Dhe rrjedhin fjalet,diskutimet
taman në gjuhën e kastriotit
u hapën kufijtë e kercejnë gezimet
forumi i thjeshte i bekuar prej zotit.

Të gjithe mundohet të thonë diçka
dhe pa e ditur kane thenë çdo gje
perzijne çdo dite në magje fjale
e të gjithe i shijojme me nge...






i nderuar Redi!.

Megjithese jam i regjistruar me emrin Kallmeti por ngaqe mundesia ime është e kufizuar ngaqe kam mjaft punë dhe kohen e lire e kam si me pikatore por me kete poezi te thjeshte desha tiu falenderoja juve dhe tere pjesmaresit.

Sigurisht qe me quajnë Lek Gjoka dhe jetoj në JAX. Florida të
Amerikes qe ne 1998,jam i martuar dhe me dy femije.
Pelqej poezinë(po pergadis librin e dyte me poezi) dhe jam antar i shoqates se shkrimtareve shqiptaro-amerikane si dhe bej pjese në mjaft programe në internet.
Desha tia dergoja forumit direkt por nuk e dija se në çfare teme ta fusja ndaj ta dergova ty qe ta fusesh...Pershendetje nga Leka....

2 gusht 2002...Jacksonville-Florida

[Redi]

Shkrimi i mesiperm eshte nje nga ato mesazhe dhe emaile te shumte qe marrim nga bashkatdhetare shqiptare nga te gjitha anet e globit.

Pra publikova kete poezi te thjeshte qe autori e ka bere enkas per Forumin Shqiptar me kerkesen e tij dhe sinqerisht me behet qejfi kur shoh qe ka shqiptare qe na vleresojne mundin dhe kohen e shpenzuar per te krijuar dicka me vlere.

Meqe eshte edhe rasti dua qe te pershendes te gjithe anetaret dhe vizitoret e Forumit Shqiptar te cilet me kontributin, seriozitetin dhe angazhimin e tyre po i japin jete ketij Forumi Mbarekombetar dhe pa kufij.


Pershendetje te gjitheve

Redi

[Kallmeti]

Syte e tu !....

Pak çaste syte e tu
me fluturuan një buzeqeshje
zemerimi vdiq dhe ra në perru
ashtu i zhurshem e pa heshtje !..

Afroju pra si dikur
kur naten e gjuanim me shkelma
e mallit i vinim një gur
kur në apelin e mbrembjeve ishte mungesa !...

Pas krahevezhurme femijore
dhe tym mergimi me oke
rrëshqasin ca perqafime gojore
qe trupin t'mos na e kapi ndoj i ftohtë !..

Stuhi dikur kishin syte
stuhi dhe epshe dashurie
qe shkrinin asbejger perdite
e në pritje të puthjes rrije !..

Serishmi naten e vrame
dhe trupin e kaploi flaka
ndienjat në krevatin shpirtëror ranë
që ashtu ngadalë të shuhej shtrëngata !..

Lek Gjoka -Kallmeti Florida 2002

[Kallmeti]

Ënderr amerikane apo djall?..
tregim.(nga Lek Gjoka)
Një mjergull e dendur ia kishte behtur papritur duke ia turrullosur me shume ate koken e vogel tullaqe ku ca cime te holla flokesh kishin mbire ne menyre te çrregullt si vete jeta e çrregut e Syri Matrizit.As vete nuk e dinte se si ishin rrokullisur aq shpejt ne dyshezen e mergimit ato kater vjet plot me halle dhe strese.Rreshqiste me padurim me ate fordin e lodhur rruges qe te dergonte tek banka.Ishte lebetitur fare duhet te pagonte plot dy mije dollare qe te nxirrte te ashtequajtur gruan e tij Sandra Smith nga burgu.-Djalli e marrte-bebezoi si neper dhembe duke hedhur nje veshtrim ashtu koturu perjashte xhamit te makines.Në të dale te Mandarinit dalloi nje vene gri me nje flamur te madh shqiptar dhe pa e kuptuar as vete sesi iu rrokullisen ndienjat larg shume larg ne Shqiperi...Era e ngrohte e Adriatikut se si ti fryente mushkerinjte.Pranvera ashtu pa ndroje kishte trokitur ne lulet e pemeve por as vete Syri nuk po e kuptonte dot kete pranvere.Diçka si turullime ia kishte kapluar mendimet.-Oh zot-psheretiu si me vete duke tehequr vemendjen e Pjeter Currit shokut te tij te ngushte .Pjetri e shikoi drejt e ne sy disi i habitur dhe pa humbur kohe iu drejtua.
-Çfare kemi Syri?
-Hiç-ia ktheu gjoja si i qete.
-Ahaahhaaa- qeshi si nëper dhembe Pjetri-me duket se pas pranveres vjen vjeshta pra..
-Çfare vjeshte -e nderpreu ne mes ai duke e ngritur zerin me vale si nje radio e lodhur
-Vjeshta pra -ia kthei serishmi i qete Pjetri -te korrurat
AAAA!-bebezoi si nëper dhembe Syri
-Të dashuruarit e pranveres e korrin dashurine ne vjeshte me martese-nuk iu durua me Pjetrit dhe kelthiti me te madhe troç.
Syri qeshi si me ironi.- kush djallin me paske pare mua me Luljeten-i foli pakez vetes-a thua di çdo gje ai?Si u kthjellua disi i hodhi nje veshtrim si enigmatik atij e kapi per krahu dhe u nisen drejt kafes.
-Për ku?-s'iu durua atij-dhe iu drejtua gjoja si i habitur
-Per kafe,birra -ia ktheu i qete Syri-te korrurat duan urime
-Aahaaa!-qeshi si neper dhembe Pjetri
Piiiiiiiiip!Piiiiiiiiiiiiiip!.Buria e makines prapa ti se si ia treti ato kujtime te largeta te perzier me pak pluhur harresa nga tere ato vite qe kishin kaluar me rrapullime.I hodhi nje veshtrim makines pas ,i ngriti doren duke i kekuar falje ngaqe ishte harruar ne kujtime dhe nuk e kishte pare qe ishte ndezur semafori i jeshilte.E shkeli pedalen e gazit me force tëre nerva dhe e ndali vrapin përpara bankes.Si mori parate ngaqe avokati nuk donte chek por vetem kesh u kthye në
Sauthsajte.Trokiti si me rrembim në deren e apartamentit ku banonin qe prej tre vjetesh me Luljeten dhe dy femijet Donaldin dhe Danielen.Si me nje kercitje te vajtueshme ajo hapi deren dhe disi e merzitur iu leshua ne krah te Syrit si dikur në breg te Adriatikut.Pa e kuptuar e puthi.Ai e veshtroi një copez here dhe gadi sa siu rrokullisen lote nëper faqe.Të lutem te me falesh-iu duk se si i folen syte e ti.Një heshtje varri kishte rënduar dhe çuditerisht asnjeri nuk po guxonte qe ta vriste kete heshtje.Vetem zhurma e kondishes dhe zeri i televizorit sikur ishin pronaret e vertete te kesaj heshtje te gjate.-Babi!- u degjua nga dhome tjeter zeri i Donaldit-i cili erdhi me vrap dhe iu ledhua në krah te Syrit.
-Babi -kelthiti ai me nje shikim embelsues femijeror-a do të me blesh kaseten me skupindu-se mami me tha se nuk kemi leke,he babi fol.Ajo tha se do te pagojme shume leke per te nxierre teta Sandren nga burgu!..
-Po-psheretiu e qete ai dhe beri sikur s'ia vuri veshin fjaleve te fundit.
-I love you!-babi-unë te dua shume ty por edhe mamin e dua edhe motren-dhe nisi ti perqafonte te dy njeheresh.Nga jashte nje ere e lehte lozte me perden e dritare se hapur.Heshtja kishte kohe qe kishte vdekur.Luljeta e veshtroi drejt e ne sy dhe s'iu durua dot me dhe iu drejtua disi nervoze dhe si me ironi sikur nuk dinte gje.
-Ç'kemi ndonje te re?
-Hiç-ia priti ftohte ai
-Si e kam gruan e burrit tim?-e thumboi ajo si pa dashje
-Shko e shihe-ia ktheu qete ai-ne burg në qytet e ke?
-Ne qoftese te kam merzitu po shkoj te jetoj me te ne burg-ia priti serisht Syri dhe u shtri rate ne divan duke i hedhur nje veshtrim te shpejte kujtimeve te kaluare plot idhnim ne Amerike...Duke pire ngadale nje kafe expres vetem nje ne kafe te vogel ne nje cep te San jose bulevard dëgjoi ca hapa qe i ndaluan pas shpine.Ktheu koken dhe nje cast i hodhi nje veshtrim mosperfilles Gezim Cukut.Ia beri me shenje qe te ulet dhe i porositi nje birre ngaqe ai kishte zet nga kafet.
-He Syri -ia priti ai tere humor duke gerthitur-qesh se shpejt po te bej edhe ty me letra me te..
-Si!-e nderpreu ne mes ai dhe syte i moren nje shkelqim tjeter.Oh zot -i foli vetes-me duket se shpetova.
-Po,po -s'iu durua Gezimit-te kame gjetur nje amerikane qe te martohesh nja tre-kater vjet sa te besh letrat.Është pak e moshuar por shume e mbajtur si tridhjete e pese vjeqe duket.
Ai u step.I hodhi nje veshtrim mosperfilles atij dhe qeshi si me ironi
-Hahaha!-levizi lehte filxhanin e kafes dhe iu drejtua serish-do te me besh me dy gra ?
-Në Amerike je beqar -ia priti i qeteGezimi-dhe ke nevoje si çdo mashkull për nje grua qe..
-Po-e nderpreu ne mes-por vetem per Luljeten gruan time dhe femijet e mi.Sakaq buleza loti i rreshqiten nëper faqe.
Kishte nje vit qe s'i kishte pare ato fytyra te pa zevendesueshe per te dhe lotet serishmi i rridhnin çurk.
-Mbaje vetem bre -nuk iu durua me gjate Gezimit dhe bertiti me te madhe duke terhequr vemendjen e te tjereve qe pinin në kafe-a je burre a femi,ty te erdhi shanci ne dere;dhe si per çudi ia befti ne prag te deres Sandra Smith
bashkshortja e re qe do tia ndryshonte tere rrjedhen e jetes ne Amerike.
-Hi-pershendeti ftohte dhe porositi nje birre.Syri e veshtroi si me habi dhe qeshi me vete si me ze.
-Haahaa!-grueja ime pika birre,oj oj paska edhe malboro ne gjep,pa ma flliqka shtepine -fliste si me vete ngaqe nuk pinte duhan i kishte zet ato qe e pinin..............Ejjjjjjjjjj-bertiti me te madhe Luljeta duke iu shkundur kujtimet e mykura-çfarë po kujton ngrihi te flesh ne krevar se u be shume vone dhe neser ke shume punë.U ngrit si dikur ne rini kur mezi priste qe ta takonte,ta mirrte në krah dhe ta puthte mu ne buze te Adriatikut ato buze hollake por teper perveluse.
Ashtu si duke u rrokullisur u leshuan ne krevat.Për nje çast qendruan në heshtje dhe papritma ai ia dha nje te qeshure me te madhe duke i dhene nje te puthur te forte ne faqe.
-Ore-iu drejtua Luljeta -perse qesh ?Gruaje jote legale Sandra Smith ndodhet në burg se e kane kapur me droge dhe ti harrove fare.
-Ne djall te veje grueja e letrave Amerikane!-dhe iu leshua me tere egesine mashkullore sikur ta kishte per here te pare-une ja ku e kam dashurine time paçka qe eshte ilegale ne Amerike por ne i kemi dy deshmitaret tone kryesor te legaizimit tone Donaldin dhe Danielen.Ne djall te veje endrra dhe jeta Amerikane.................
Kishte kaluar mesi i nates.Zhurmat e makineve godisnin pa pushim kete nate te lodhur plot me halle dhe ilegalitet!....

[Eagle]

Tregim i bukur...realitet i hidhur..Urime

[shpresa]

Mua me pelqen proza dhe po te them se u ndjeva mire kur e lexova dhembjen e vertete te ketij tregimi.Titulli eshte perfekt,sikur vetem titulli te ishte dhe ne qe jetojme ne U.s.a do ta shihnim tregimin tuaj si ne nje ekran. Sa keq per ne shqiptaret,akoma po vuajme,po poshteohemi dhe perse?...

[Kallmeti]

****

[Kallmeti]

Ëndërr e varrosur
-bashkfshatareve te mi që humben jeten
aksidentalisht në mergim!..

Shtrij duart e shpreses pertej dritare së trishtimit
qe të ledhatoj sadopak shpirtrat e eres
ndienjat shperthejnë në rreke merziteje
e shpirtin e ka kapluar vapa e veres !..

Ku jam në ketë botë të dehur
nga avujt e trishtimit e të varferisë
nga lotët qe varen në sytë e heshtjes
n'arkivola kthehet shpesh herë shpresa e djalerise !..

Kallmeti në maje të bjeshkes Vela në dorën mbi sy
sodit bijte në skafet e fatit në shpinë të Adriatikut
kthen kokën edhe në bjeshket e Olimpit
ku djemtë me shprese të përgjakur rendin në të ikur !..

Sakaq telefonat burojnë lajme
dhe lot
një tjeter djale kishtë trokitur në portën e vdekjes
shperthen kuja buzë Drinit e deri në maje të Veles sot
e lisat ia keputën në mes buzeqeshjen eres !..

Shperthen Kallmeti në kuje e vajtime
e fshatrat per rreth iu drithen misht e shperthejnë në lot
erdhi makina morde me vdekjen në shpinë
e në bjeshken Vele tallazohën rete e dhimbjes
e shperthejnë lumejne plot!...

tetor 2002




Në stacion zemer !...


Jashtë shiu mbush lotët e zbrazura të trishtimit
dhe nata mundohet te jetoje mes nesh
qe pak idhnim ia shton edhe mergimi
e ti pranë meje të mos jesh!..

Por shikimet e turrullosen mergimin
dhe dielli i syve shiun në çeles mbyll
rend nata të mbytet në lume prej zemerimit
dhe ja ti në ndienja ke hyre symbyll!..

Sakaq antenat e dashurise zgjohën nga kllapia
era e ngrohte e puthjes në qeliza rreshqet vale-vale
ndienjat askush s'do të na i hedhe nga gremina
në stacionin zemer dashuria t'ka trokitur o vajze!..
2002,,,

Në mergim takoj Shqipnine

Larg ku varferinë kam vrare
shoh Shqipninë kete zane të bardhe !.
Dhe ngadale nis t'kuvendoj
n'udhë t'mergimit e takoj !.

Heej Shqipni moj nane baroti
ktheje koken t'flasim pak
turivaruna retë prej soti
kanë me ikun prej teje larg!

Qesh nanamadhja psheretin
dhe me dore flokeve iu jep
ah more bire këtu n'mergim
ajri n'fyt se si me djeg !..

Ah moj nane mos u pshterit
ti veç bijte ke erdhe me pa
prape n'shpine tane ke me ike
here tu qesh e here tu kja !..

Eh more bire!-prape m'kthehet nana
unë po kthehem me rete në qiell
s'kam nevoje për vize a gjana
e prape tek bijte kam me erdhe!..

T'lutem nanë mos ik dhe pak
se unë mallin du me vra
iken nana se n'shpi bijtë kanë ba shamate


Hamalli !.....

Hamalli tere diten ngarkuar
me ngarkese hamalli
psheretin e shikon te vulosurat duar
dhe prape rreshqet në udhe persepari!..

E shoh nga larg te çfilitur
afrohem dhe në kuvend shtrohem gjate
i them te paguaj shtrenjte e ai në kembe është ngritur
e serishmi u ul prape!..

-Çdo mall unë mbaj!-ma kthen i merzitur
çdo mall qe peshohet në peshore
s'kam problem pesha te renda per te ngritur
por jo pesha shpirterore!..

S'mund ta mbaj dot mergimin
e n'maunë ta ngarkoj ajo në gjunjë bie
e pi pastaj ilaqe per te vrare trishtimin
në diell e ne hije !..

Oh zot !psheretis si me vete
e hamalli me shikon me shikim hamalli
sikur me thote hamall ma te mirë se une s'gjete.,,..
e di në Shqiperi mergimi vdes perse gjalli !..
Lamtumire o i huaj hamall...
dhe rreshqas ne rrotullat e ndryshkura te mergimit
unë mergimtari !...

Lek Gjoka

[Brari]

E ku je o Lek Kallmeti ...mirse erdhe !

Mos harro ka ndrru Sahati sot. Mos harro me e kurdis.

Urime per Poezite.. shume te bukura..

[Kallmeti]

Kushtrim Kosoves
-ndal vellavrasjes

Hej Kosove shihe diellin
qe shkjau në kafaz ta mbylli
e prape përçarjen mbjelli
dhe sherri nëper gjak hyni!..

Kush jam unë,kush je ti?
e ç'rendesi ka
jemi të gjithe nji
jena shqiptare e jo shkja!

Po pse atehere djalli ta mbushi
pushken e vellavrasjes shoq me shoq
harruat gjakun e deshmoreve qe token e skuqi
harruat ku ishit dje e ku jeni sot?!..

Zgjohu pra Kosove se Shqipnia loton
se trupin ia shkyen shekujt qe rendin
me morden në shpine
shihe pra Kosove vellaun qe për ty jeten flijon
qe t'mos na e mbyllin prape në kafaz lirine!...
(qan qielli me lot të trishte tue prite pavarsinë!!...)

LEK GJOKA
FLORIDA
TETOR 2002

[Kallmeti]

Gjuha Shqipe...

Qesh fytyra e Bjeshkeve të Nalta
kur shqip era nis e flet
dhe u nisen n'udhna t'largta
rrokullimthi në kurbet !..

Shtriqet fusha e pergjumur
dhe një sy pakez e hap
shqip iu nis kanges dhe lumi
shqip nis t'flasin rrruezat në gjak!..

Shqip nis flet dhe shija e puthjes
ku dashnia nis e rrjedh
shqip nis flet dhe loti i humbjes
kur shpresa n'rrugë na ka ngel !..

Por..iken shqipja në mergim
se varfnia duhet vra
nis femija tue psheretim
edhe shqip ai nis me kja!..

Qesh fytyra me vogelushin
sa mire shqip ai din me kja
malet jashta frymen ndalin
deti syte hapi tu pa!..

Ç'ashtë ky za,kjo gjuhe qe mbjell
diamante rreth e qark
e vransinen në det e hedh
vetem diellin sjell në prag ?!..

Që sheron malle e trishtime
t'fohtin n'shpirt në vend ta heq
e me ty rri n'halle e n'gezime
e kurre s'lodhet,kurre s'thotë dreq !..

Gjuhes shqipe i qeshin syte
në mergim bijte ledhaton
shqip prapë flasin dhe dashurite
dhe era e shpirtit veç shqip kendon!..


Lek Gjoka 30 nentor 2002

[Brari]

Heu ..t'lumt pena o Lek Gjoka !

Per at shna Nue hic spo ka lezet ajo Lovju-ja..


Urime !