- Kur shkruaj për fëmijë, gjërat dhe ngjarjet i shikoj nëpërmjet syrit të fimijës e i ndjej nëpërmjet shpirtit dhe zemrës së fëmijës!
@ Agim METBALA
- Kur shkruaj për fëmijë, gjërat dhe ngjarjet i shikoj nëpërmjet syrit të fimijës e i ndjej nëpërmjet shpirtit dhe zemrës së fëmijës!
@ Agim METBALA
- Jeta e mësueses, u bëft kopsht me lule!
@ Agim METBALA
- Buzëqeshja e fëmijës, shëron edhe zemrën më të thyer!
@ Agim METBALA
I KËNDOJ
I këndoj bujkut n'arë -
Që punon me gëzim,
I këndoj fëmijës me mall -
Që mëson pa pritim,
I këndoj bareshës n'mal -
Që kullot delet me ëmbëlsi,
I këndoj nënës krenar -
Që i jep fëmijës gji,
I këndoj botës mbarë -
Me këngën time si ar!
02.04.1971
@ Agim METBALA
Ndryshuar për herë të fundit nga Agim Metbala : 23-05-2016 më 08:36
SERAFIM DILO (10-09-2016)
- Fëmijët janë pranverë e përhershme!
@ Agim METBALA
DËSHIRAT E FËMIJËVE
Fëmijët dëshirojnë:
- Të lozin tërë ditën,
Prore të këndojnë,
T'i hajnë gurabitë,
Të vrapojnë n'livadh,
T'i varrin n'vesh qershitë,
Të lahen n'Dri të Bardhë...
T'i lëshojnë balonat,
Ta sodisin hënën,
T'i lëpijnë mombonat,
Ta përqafojnë nënën,
Me laps të bëjnë lara,
T'ëndërrojnë në gjumë,
E të ndëgjojnë përralla...
Fëmijët dëshirojnë shumë!
20.11.1971
@ Agim METBALA
(Dy nipat e mi - Erioni dhe Altini)
SERAFIM DILO (10-09-2016)
Natyrë e bukur, aromë e këndshme e luleve, zukatja e insekteve, cicërrimat e nduarnduarshme të zogjëve...frymëzimet e pashtershme për shpirtin poetik!
@ Agim METBALA
DUA...
Dua vogëlushin -
Që mëson, punon,
Dua...
Dua vogëlushin-
Që lexon, këndon,
Dua...
Dua vogëlushin -
Me nder, me vlerë,
Dua...
15.06.1971
@ Agim METBALA
- I vetmi person që në shpirtin tim nuk vdiq kurrë, është nëna ime!
@ Agim METBALA
SHIU NË KORRIK
Shiu në korrik i gëzon:
- Edhe lulet n'livadh,
Edhe barin n'ograje,
Edhe misrin n'arë,
Edhe dredhzat n'lëndinë,
Edhe lisat n'mal,
Edhe kopshtet e shkruar,
Edhe parqet e zbukuruar...
Shiu në korrik i gëzon!
02.07.1972
@ Agim METBALA
- Shkrimet më të pastërta të shkruar nga të gjithë shkrimtarët nëpër kohë, janë shkrimet kushtuar fëmijëve!
@ Agim METBALA
b.q.
Agim Metbala (11-07-2016)
- Është detyrë parësore e secilit prind që fëmijën ta ushqej me ndjenjën e atdhedashurisë!
@ Agim METBALA
- Vetëm letërsia për fëmijë, nuk ka moshë, ajo përherë mbetet fëmijërore!
@ Agim METBALA
DITA E PARË NË SHKOLLË
Fustan të kuqë si fluturë
Mami fitores i ka vesh
Flokë të pregaditur bukur –
Fytyra si dielli i qesh.
Me babin dorë për dore-
Rrugës paradojnë,
Sa ora në oborr shkolle –
Me tjerë gëzimin zmadhojn.
Mësuesi thërret me emër,
Me lehtësi koridorit hapërojn;
Drejtori i përshëndet me zemër:
Ju jeni ardhmëria jonë.
Nga gëzimi të hutuar fare
Prindërve fytyra u qesh;
Thanë nga zemra më të madhe:
Sa mir fillestar të jesh.
Dikur nxënësit shqiptarë...
@ Agim METBALA
SERAFIM DILO (10-09-2016)
SH T A T O R I T
Retë shpeshë grinden e i qeshin Diellit-
E qinda sallto bëjnë qiellit,
Dallandyshet lazdrane nuk zejnë vend-
Nostalgjia i ka kap për troje t’nxehtë,
Lejlekun monotonia e ka lodhë moj mike
Duhet t’marrë rrugën tejoqeanike,
Milingonat n’vrapim, fare pa u lodhë-
Mbushë kanë me grurë, furgonat nëntokësor
Lepuroshi, bukuroshi e bishtcubel-
N’butik fjalën e fundit të modës përcjell,
Arrusha për dimër nuk ka aspak frikë-
Bundën e ka pastruar n’pastrim kimik,
Gjinkalla pritueshëm po i bie flautës-
E di mirë se dimri i vie n’maje t’hundës,
Piktori magjik, pikturon fusha...n’targjent-
Zilinë do t’ia kishte edhe Pikaso vet.
Kështu shtatorin e vërrenë çdo kush –
Bënë ndryshime sa të du’sh!
Shtator 2001
#AgimMETBALA
SERAFIM DILO (10-09-2016)
GJYSHJA IME
Gjyshja ime shumë di:
- Përralla të tregoj,
Foshnjen ta vë në gjumë,
Ëmbël të këndoj,
Djepin ta përkund,
T'mi ruaj bombonat,
T'mi shkund mollat,
T'mi lidh balonat,
T'mi thurë dorëzat...
Gjyshja ime di shumë!
12.03.1973
@ Agim METBALA
Ndryshuar për herë të fundit nga Agim Metbala : 10-09-2016 më 14:00
SERAFIM DILO (10-09-2016)
- Qengjat dhe fëmijët, oh sa shumë më japin energji pozitive!
@ Agim METBALA
KUR TI VOGËLUSHE
Kur ti vogëlushe,
Flokët i kreh;
Telat e mandolinës -
Bilbili i ngreh.
Kur ti vogëlushe,
Nënën e ndëgjon;
Era prej gëzimit -
Vallëzon e vallëzon.
Kur ti vogëlushe,
Mëson mirë;
Hëna bukuroshe -
Shndërit me dëshirë...
06.07.1972
@ Agim METBALA
Në fytyrën e fëmijës, zbresin të gjithë engjuj!
@ Agim METBALA
Krijoni Kontakt