FESTA E NËNTORIT
Ka hapëruar nëntori,
Me hapa të sigurt;
Shndërit porsi meteori –
Gëzime si dardha shkund!
Qytetet...janë zbukuruzar,
Sheshe me plankarta plot;
Fëmijët e të moshuar –
Lumturinë se fshehin dot!
Kënga deri në kup të qiellit,
Këndohet me plot mall;
Hareja si rrezet e diellit –
Qytetarëve u rri në ball!
Në Kosovën e lirë,
Me besa-besë të burrit;
Festohet me kengë e dëshirë –
Festa e madhe e FLAMURIT!
Ilustrimi i Demush R. Avdimetaj
Ndryshuar për herë të fundit nga Agim Metbala : 26-11-2015 më 04:09
Urime ditëlindja syri i gjyshit, gjyshi të dëshiron shumë shëndet, rritje të lumtur, suksese e të ardhen të ndritshme...
ORBITA JOTE NË ZEMRAT TONA
(Akrostik nipit Leon për ditëlindje)
Lindja jote na gëzoi shumë
Erdhe hareshëm si pranvera
Orbita jote në zemrat tona
Ndriçimi i jetës sonë të mbetur
Marshon guximshëm e në drejtpeshim
Eleganca jote josh edhe të panjohur
Të mbash në mend e shqipe të mbetesh
Botës tregoju bardhësinë e bardhësisë
Atje larg në vendin e vikingëve
Lartësoje e lakoje emrin tëndë
Ardhmërisë t’i lësh diagrame në rritje...
@ Agim METBALA
Prezantim në një grup në FB...
hot_prinz (02-12-2015)
DËSHIROJ
Dëshiroj n'tërë botën -
Hareja të mbretëroj,
Dëshiroj n'tërë botën -
Të mos ket robëri,
Dëshiroj n'tërë botën -
Dielli i paqes të rrezoj,
Dëshiroj n'tërë botën -
Prore të ket liri!
11.12.1970
@ Agim METBALA
Kjo vjershë është botuar në revistën letrare shumë simpatike të kohës "Fatosi", që atëbot botohej në Shkup, para dyzet e dy vitesh...
@ Agim METBALA
NËNËS
Para dashurisë sate,
Unë shtangem si mumi’;
Para urtësisë sate –
Unë shkrihem në dashuri.
Me miklimën tënde,
Livadheve çelin lulet;
Me puthjen tënde -
Ylberi zbret e përkulet.
Para dhimbjes sate,
Kometa bjenë nga qielli,
Para lotëve tu –
Nën re fshehet dielli.
2000
@ Agim METBALA
Video e përgatitur nga Vahdet KOLLARI...
Ndryshuar për herë të fundit nga Agim Metbala : 19-12-2015 më 08:56
Fideon e punoi Vahdet KOLLARI...
https://youtu.be/7BQKsZXruuA
Videon e punoi Vahdet KOLLARI...
Aforizëm foto...
Aforizëm foto...
NË SHKOLLË
Leximin, nderimin,
Shoqërinë, diturinë...
Në shkollë i fitova!
Atdheut, Skëndërbeut,
Nënës, hënës...
Në shkollë i këndova!
24.08.1971
@ Agim METBALA
MË PUTH NESËR BABI
- Babi, më jep një Euro e të blej një shnallë?
- Jo zogëza e babit, babi ende s’ka marrë rrogë!
- Babi, atëherë më jep gjysmë euro e të blej një byrek!
- Nesër t’jep babi shpirt!
- Po ti më thua se më do!?
- Po, të dua shumë shpirt! Eja të të puthi!
- Babi!...
- Urdhëro pëllumbeshë!
- Asi, puthëm nesër babi!
Babit iu qeshë fytyra, nxorri portofolin dhe Arnesës i dha një euro.
@ Agim METBALA
Ilustrimi i Demush R. AVDIMETAJ
ERDHE NË JETË SI PRINCESHË
(Akrostik mbesës Edea)
Erdhe në jetë si princeshë
Dritë e lumturi na solle
Erdhe dimrit me plot acar
Ardhmëria jonë e ngrohtë
Metaforë e jetës sonë u bëre
Edhe pse akoma s'i hape syçkat
Të gjitha zemrat na i pushtove
Buzëgazi ytë aguliçe e njomë
Aroma jote na dehu këndshëm
Lulëbora jonë e bardhë
Afresku jonë e papërshkruar...
21.01.2016
@ Agim METBALA
Sot mbesa ime Medina ka ditëlindje e me po të njëjtën ditë, vdiq nëna ime e pavdekshme...malli e dhimbja bashkuar në një vend...
Mbesa ime e dashur, urime, shumë urime, gjyshi të dëshiron rritje të lumtur me prindër, fat në jetë e jetëgjatësi...
Gjyshi të puthë nga larg...
Në të njejtën kohë, mbesa ime sot më përkujtoi se e kam përvjetorin e nënës, do e kujtoj me mall e dashuri, derisa të përpiqemi në botën e përtejme...
MALLI I GJYSHIT
Medina e vogël, jeton në Gjermani,
Gjyshi nuk e përcjell rritën e saj;
Ajo nga larg e gëzon me dashuri -
I buzëqeshë ëmbël në celular!
Edhe pse akoma s'di asnjë fjalë,
Gjyshi me ajfon orë të tëra i flet;
Ajo i bënë lëvizje të ndryshme me mall -
E fytyra i bëhet si hëna pesëmbëdhjetë!
Kështu përditë gjyshi çmallet,
Me mbesën që e ka princeshë;
E pret verën me ditë të nxehtë -
Ta marrë në grykë atë hyjneshë!
20.06.2014
@ Agim METBALA
FËMIJËS QË MËSON
Bukurinë e vet,
Ylberi i shkruar;
Fëmijës që mëson -
Ia ka dhuruar!
Krenarinë e vet,
I bukuri mal;
Fëmijës që mëson -
Ia ka fal!
Dlirësinë e vet,
Përroi i dlirë;
Fëmijës që mëson -
Ia fali me dëshirë!
Njëmësinë e vet,
Zambaku i praruar,
Fëmijës që mëson -
Ia ka dhuruar!
14.03.1971
P.Sjo vjershë është botuar në !Rindja për fëmijë"...
- Ilaçi më i mirë për shërimin e gjyshit/es, janë miklimat dhe puthjet e mbesave dhe nipave!
@ Agim METBALA
- Fëmija është kozmos në vete, që shkrimtari për fëmijë, vazhdimisht duhet ta eksploroj!
@ Agim METBALA
- Kopertina është fytyra e librit!
@ Agim METBALA
DËSHIROJ TË SHETIS
Dëshiroj të shetisi,
Në livadhin e vlertë;
Që aty t'i sodis -
Fluturat krahëlehtë!
Dëshiroj të shetisi,
Në kopshtin e argjent;
Që aty t'i sodisi -
Bletat... me rend!
Dëshiroj të shetisi,
Në malin e art;
Që aty t'i sodisi -
Lisat... e lart!
Dëshiroj të sheztisi,
Nëpër lëndina;
Që aty t'i sodisi -
Vjollca e trëndalina!
17.06.1971
@ Agim METBALA
Regullat e Postimit
Përgjigju Duke Cituar
Krijoni Kontakt