Postuar më parë nga Elian70
shume e bukur............................................. .............................vetem se............................ne 1971 mund te kete qene princeshe......................................por ne 214 nena quhet mbretereshe
Ashtu e kam shkruar atëherë, shumë më e fuqishme MBRETËRESHË...
Mbrëmje të këndshme i nderuar....
MOS PROVO VOGËLUSH
Mos provo të gënjesh,
O i dashur vogëlush!
Kështu më tha një drenushë.
Mos provo të vjedhish,
O i dashur vogëlush!
Kështu më tha bilbili n'fushë.
Mos provo të fjalosesh,
O i dashur vogëlush!
Kështu më tha xha Alush.
02.08.1971
@ Agim METBALA
VJESHTA
Gjethet janë tharë,
Shiu bjen pa pra;
Era lodron krenare -
Dielli rrallë shihet më!
Lejleku sqepgjatë,
Me dallandyshet janë tret;
Kanë marrë rrugë të gjatë -
Për në vende t'nxehtë!
Dhe bariu i gëzuar,
Me kopenë e vet;
Dalëngadalë duke kënduar -
Prej bjeshkës zbret!
Edhe bujku në fushë,
Me këngë e gëzim;
Banë misër vjel rrush...
Me sa mundet me nxitim!
14.11.1970
@ Agim METBALA
LAKITAKI (22-10-2014)
ME KËTO DUAR
Me këto duar,
Sa e sa herë mësueses-
Lulet i kam dhuruar!
Me këto duar,
Sa e sa herë nënën -
Ngrohtë e kam përqafuar!
Me këto duar,
Sa e sa herë qingjin -
Me dashuri e kam mikluar!
14.06.1972
@ Agim METBALA
- Të gjitha boshllëqet e jetës, t’i plotësojnë fëmijët!
@ Agim METBALA
- Në daçit besoni e në daçit mos besoni, botën e mbajnë fëmijët!
@ Agim METBALA
- Po mos të ishin fëmijët, botën do ta rrokullisnim përditë!
@ Agim METBALA
- Fëmijët dhe të ndershmit, mbajnë barazpeshën e kësaj bote të pist!
@ Agim METBALA
FËMIJËS I KËNDOJNË
Fëmijës zemërdlirë,
I këndojnë me dëshirë:
- Puhiza në pyll,
Bilbili me shend,
Bariu me fy'll,
Përroi me lezet,
Nëna me dëshirë,
Qengjat në bregore,
Poeti me këngë të dlirë,
Jeta pranverore...
I këndojnë fëmijës -
Këngët madhështore!
12.06.1972
@ Agim METBALA
KUJT I BUZËQESHË HËNA
Hëna i buzëqeshë:
- Fëmijës në shtrat,
Xixëllojës së art...
Hëna i buzëqeshë!
Hëna i buzëqeshë:
Prore lakuriqit,
N'strofull lakuriqit...
Hëna i buzëqeshë!
Hëna i buzëqeshë:
- Valëve të liqenit,
Anijeve të detit...
Hëna i buzëqeshë!
04.07.1972
@ Agim METBALA
SIKUR T'KISHA FUQI
Për sytë e ballit,
Sikur t'kisha fuqi -
Me këngën e mallit;
N'tërë këtë botë,
Padrejtësitë i kisha fshi!
Për sytë e ballit,
Sikur t'kisha fuqi -
Me këngën e mallit;
T'gjithëve n'këtë botë,
U kisha fal liri!
Për sytë e ballit,
Sikur t'kisha fuqi -
Me këngën e mallit;
N'tërë këtë botë,
Vëllavrasjen e kisha fshi!
Për sytë e ballit!
24.07.1972
@ Agim METBALA
Ç'THANË...
Harrusha e madhe,
Tha me të shpejt:
- Dëshiroj tërë fusha, male...
T'mbushen me dardha t'sheqertë!
- Dëshiroj tërë fusha e male,
Me lakra t'jenë përherë;
Lepuri veshëgjatë...
Tha me shënd e verë!
- Çdo kund mjaft grurë,
Tha milingona punëtore;
Kam dëshirë shumë -
Me bollëk të ket prore!
E një vogëlushë...
Tha nga dashuria:
- Dëshiroj çdo kund -
Të ket gurabia!
28. 07.1971
@ Agim METBALA
SIKUR T'ISHA
Sukur t'isha zog i malit,
Unë i gëzuar:
- Në krahërorin e fëmijës -
Ëmbël kisha kënduar!
Sikur t'isha trëndafil,
Unë me dëshirë:
- Fëmijës i kisha fal -
Aromën e dlirë!
Sikur t'isha diell,
Unë i gëzuar:
- Me rreze të arta -
Fëmijën e kisha praruar!
Sikur t'isha ylber,
Unë i gëzuar:
- Faqet e fëmijës -
Do i kisha zbukuruar!
26.03.1971
@ Agim METBALA
OH, SA MIQTË KAM UNË
Oh, sa miqtë kam unë:
- Tërë vogëlushët e botës,
Qingjat në bregore,
Fluturat në livadh,
Milingonat punëtore,
Peshqit n'Dri të Bardhë,
Lepuj ndër ograje,
Bilbilat n'plepishte,
Drenushat ndër male,
Lulet në lulishte...
Oh, sa miqt kam unë!
03.08.1971
@ Agim METBALA
- Sa më pëlqen qiltërsia e fëmijëve e urtësia e të moshuarve!
@ Agim METBALA
- Syrit të fëmijës, nuk i shpëton as e mira dhe as e keqja më e vogël!
@ Agim METBALA
- Vetëm me shkrimet që i bëjë për fëmijë, jam i çiltër si poet e si njeri!
@ Agim METBALA
MË GËZON*
Më gëzon kënga -
Kur jehon,
Më gëzon era -
Kur lodron,
Më gëzon lulja -
Kur lulëzon,
Më gëzon dielli -
Kur rrezaton,
Më gëzon vesa -
Kur sbardhon,
Më gëzon lumi -
Kur gurgullon,
Më gëzon....
Më gëzon nxënësi -
Kur prore mëson!
*Kjo vjershë është botuar në revistën letrare për fëmijë "PIONIERI" dhe në libër lexim të klasës së dytë në Republikën e Maqedonisë...
17.11.1970
@ Agim METBALA
- Buzëqeshjet e fëmijëve, janë frymëmarrja e njerëzimit!
@ Agim METBALA
Ndryshuar për herë të fundit nga Agim Metbala : 27-12-2014 më 13:49
MALLI I GJYSHIT
Unë si gjysh për Vitin e Ri,
Thuase mbeta fare pa dashuri;
E coptova në disa fragmente -
Dhe e nisa në shumë shtete...
Një të tretën në Nyrenberg e ndala,
Tre nipave engjuj ua fala;
Një të tretën në Naumburg e nisa -
Te mbesa që më flet me shqisa!
Një të tretën e nisa në Norvegji,
Me ëndje ia lash në ball nipit flori;
Mua s'më mbeti gjë tjetër -
Mora lapsin dhe fletoren e vjetër!
Gjysh si unë, ka shumë ndër shiptarë,
Fundvitin e presin pa nipa... me mall;
Me dëshirë që ata të ecin përpara -
E në jetë prore, t'u prift e mbara!
@ Agim METBALA
Regullat e Postimit
Përgjigju Duke Cituar
Krijoni Kontakt