Universiteti Amerikan në Liqenas

[Korcar-L1]

Universiteti Amerikan ne Liqenas

Për herë të parë, në një zonë rurale me minoritet maqedonas vendoset të çelet një shkollë e arsimit të lartë

Liqenasi, me universitet privat amerikan

Kryetari i komunës: Do të jetë më i madhi në Evropën Juglindore


Liqenasi është komuna e parë në vend që do të ketë një universitet. Për të parën herë në vendin tonë, arsimi i lartë do të zhvendoset edhe në fshat. Edhe pse duket e çuditshme, zona me banorë të minoritetit maqedonas do të ketë një universitet, që i pozicionuar në një komunë kufitare, pritet të sjellë edhe studentë nga shteti fqinj i Maqedonisë, krahas vendasve, që do të arsimohen këtu. Lajmi është bërë i ditur nga kryetari i Komunës së Liqenasit, Edmond Themelko. Ai ka deklaruar se shumë shpejt 5000 banorët e kësaj komune, me nëntë fshatra, do të kenë mundësinë që të kryejnë arsimin e lartë në zonën e tyre. "Banorët e zonës e kanë pasur ëndërr të kenë një universitet në afërsi dhe ky institucion pritet të ndërtohet së shpejti. Për ndërtimin e universitetit në Liqenas është siguruar një investim prej 40 milionë eurosh nga një universitet amerikan. Aktualisht, po kryhen procedurat dhe dokumentacioni për t‘i hapur rrugë punimeve të ndërtimit. Pala amerikane ka kontaktuar edhe me Kryeministrin e vendit për të bërë realitet sa më parë një investim të tillë, që në fakt do të shërbejë si një universitet ballkanik. Është zgjedhur zona e Liqenasit, jo vetëm për shkak të afërsisë me kufirin, por një nga kushtet e investimit ishte dhe kërkesa nga ana e investitorëve të huaj, që një institucion i tillë për arsimin e lartë të ngrihej në një zonë, larg qendrave industriale. "Pala amerikane ishte e interesuar për të ngritur një universitet në Evropën Juglindore dhe tashmë ka vendosur pikërisht për zonën tonë", thotë Themelko. Kryetari i komunës, që është optimist për këtë projekt të ri në zonën e tij, tregon se nga kontaktet me Universitetin amerikan të Makashirit, ky i fundit ka marrë përsipër që universiteti i planifikuar për Evropën Juglindore të çelet në zonën e Liqenasit. Themelko tregon se universiteti do të ketë edhe qytezën e vet, ku do të strehohen të ardhurit nga vendet e tjera. Sipas tij, qyteza e re do të ketë 36 ndërtesa, ndërsa kapaciteti paraprak bën fjalë për 2500 studentë të planifikuar për të vazhduar studimin e lartë në këtë vend. Siç bën të ditur Themelko, nga ana e qeverisë shqiptare është marrë miratimi për të ngritur tashmë një universitet të tillë. Ai thotë se pjesë e stafit akademik do të jenë pedagogë nga SHBA-të dhe pjesa tjetër vendas. Themelko sqaron se nga ana e përfaqësuesve amerikanë janë studiuar jo vetëm kushtet për territorin, por edhe ato klimaterike dhe zona është përzgjedhur edhe në sajë të potencialeve natyrore që ka si vend me interes turistik, por edhe nga prodhimet e veçanta të saj. "Pas kontakteve të para dhe akordit, që është vendosur me qeverinë shqiptare ka filluar hartimi i procedurave për përgatitjen e dokumenteve dhe pritet që projekti të miratohet nga ana e KRRT-së", thotë kryetari i komunës. Kontaktet janë vënë me universitetin amerikan 6 muaj më parë dhe para pak kohësh një ekip specialistësh nga SHBA-të kanë parë në vend terrenin. Themelko thotë se janë parë tri zona, ku mund të ndërtohet ky kompleks universitar. Sipas tij, nuk është përjashtuar as mundësia që ai të ngrihet në një sipërfaqe prej 100 ha, që është në afërsi të parkut kombëtar, sepse nuk ka konflikte pronësie pasi është pronë shtetërore. Universiteti, që pritet të ngrihet këtë vit, pas procedurave dhe tenderëve me firmat shqiptare do të punësojë një numër të konsiderueshëm personash, pasi krahas stafit pedagogjik, do të hapen vende pune edhe për konviktet dhe mensat. Universiteti, qëllimin parësor do të ketë atë të arsimimit të banorëve jo vetëm të zonës, por nga i gjithë vendi e më tej edhe nga shteti fqinj maqedonas. Të tilla universitete me interes të investitorëve amerikanë janë hapur edhe në vende të tjera dhe kryesisht në zona rurale, por pritet që në Europën Juglindore ky kompleks të jetë më i madhi. Nga të dhënat që disponon Komuna e Liqenasit bëhet fjalë për hapjen e 13 degëve. Institucioni i Arsimit të Lartë do të ketë edhe katër magjistratura dhe dy doktorata. Ai do të funksionojë si universitet privat me pagesë.

shqip

[brooklyn2007]

Mire pra, meqe ti pe Korce na e sqarove po e ndryshoj dhe une kete postim Megjithate do me pelqente sikur te shihja nje universitet te madh diku ne ndonje pjese me te rendesishme te Shqiperise, pra aty ku ka me teper urbanizim dhe lehtesira ne transport. Meqe s'jane paret e mia qe po investohen po e mbyll ketu

[Korcar-L1]

Minoriteti eshte thjesht nje rastesi...por qe mund te perdoret per te thene se "investohet dhe tek ju" lol... bej shaka... minoriteti nuk ka te beje fare ketu... ai thjesht ndodhet atje ku do te behet ky projekt. Ambjenti atje eshte i mrekullueshem.
Ky invenstim...do te thote me shume arsim, kulture, vende pune dhe ngritje te nivelit intelektual te zones (shqiperi, fyrom, greqi)

[Dita]

Brooklyn, po ku i dihet, behen mbare amerikanet e me kete rast investojne dhe per ndertimin e rrugeve deri ne Liqenas.

Sipas fjaleve me te cilat po ngopemi, nuk besoj te jete me i madhi ne Evropen Juglindore. Se po sipas fjaleve del se do te jete universiteti teknik qe do te ndertojne turqit ne Prishtine qe do te jete me i madhi. Investimi shkonte sipas fjaleve ne 100 milione euro.

Kjo eshte metoda e re qe po ta shihni po ndiqet me sukses ne Ballkan. Fillimisht me UEJL ne Tetove, nje plan ekziston dhe per nje universitet te tille ne Mitrovice (mesa di une) dhe tani ky ne Liqenas. Jane qe jane, nje duhet ta bejne amerikanet dhe ne Himare. Problemi ndoshta ne Himare eshte ku? Se ndoshta gabohem, po aty s'ka vend per ndertesa te medha te natyres se universitetit. Imagjinoni c'do te behej.

[dodoni]

Univerzitet ne fshat????

Univerzitetet hapen ne qendra te medha urbane sepse ka me shume rini, me shume infrastrukture si biznese (ku studentet mund te punojne part-time dhe te mbeshtesin financat e tyre), restorane (ku studentet mund te hane sepse shumica nuk dijne te gatuajne e edhe nuk kane kohe te gatuajne gjate studimeve), teatro, kinema, kafene, etj. per argetim.

Hera e pare qe degjoj qe dikush deshiron apo konsideron hapjen e univerzitetit ne fshat, bile as ne Amerike nuk di asnje qytet qe ka me pak se 100 mije banore qe ka univerzitet, edhe te gjithe i dijme dallimet ndermjet standardit amerikan te jeteses dhe atij shqiptar.

Dmth. eshte nje nisme e deshtuar qe ne fillim.

[Korcar-L1]

Ashtu eshte dodon....amerikanet kane qef te hedhin ne ere nja 40 mill $....

[Breshka]

Cdo bejne studentet per kater vjet ne ate humbetire???!!!!
Si do defrehen 2500 student + staf ???? Ne ate humbetire nuk besoj se ka pub, clube nate vende argetimi etj.
Ne universitet/kolegj nuk shkohet per te mesuar vetem, bile me thene te drejten vitet e para shkohet vetem per wild sex, alkol, parti...... tip qensh te zgjidhur nga zinxhiret...... pastaj dhe pak mesim..
Dhe vecanerisht amerikanet e dine mire kete....

Sorry Korca......

[Korcar-L1]

Cdo bejne studentet per kater vjet ne ate humbetire???!!!!
Si do defrehen 2500 student + staf ???? Ne ate humbetire nuk besoj se ka pub, clube nate vende argetimi etj.
Ne universitet/kolegj nuk shkohet per te mesuar vetem, bile me thene te drejten vitet e para shkohet vetem per wild sex, alkol, parti...... tip qensh te zgjidhur nga zinxhiret...... pastaj dhe pak mesim..
Dhe vecanerisht amerikanet e dine mire kete....

Sorry Korca......

breshke, thashe dhe une cfare do te na theshe?!
Haj se po ta bej qefin dhe po te them 2-3 fjale per defrimin..... 36 ndertesa do ngrihen, si thua ti... nuk do kete asnje vend defrimi?
po investimet e vendasve?
Po afersia me qytetin e Korces?
po lehtesia per te kaluar ne 2 shtete fqinje? me pare vete ne greqi e maqedoni se sa ne Korce.

"sorry Korca" ?!?!
perse?
sepse do kete nje institucion me shume te dijes dhe kultures?
sepse afro 3000 njerez do kalojne nje dite ne jave ne Korce?
sepse do punesohen gjith ata vete?
sepse do shtohen gjith ata turiste? ...ketu fut dhe prinderit e tyre qe do vine njehere per vizite.

breshke.... ky eshte nje invenstim shume pozitiv (po te behet)...... madje do uroja dhe shpresoja qe qarku i Korces te kishte vetem investime ne kete kategori.

Une personalisht, nuk dua qe Korca te kthehet ne nje qender defrimi dhe shfryrje e epsheve njerzore.

[Breshka]

Une personalisht, nuk dua qe Korca te kthehet ne nje qender defrimi dhe shfryrje e epsheve njerzore.

Po pse mo korca do sharrojne korcaret/et e shkrete......
Ku do ti cojne ato "epshet njerzore" no pogradec???? apo ne maliq??
Une thashe "sorry" sepse nuk me duket se do te behet, personalisht mendoj qe eshte vendi me i papershtshem per nje universitet, universiteti do levizje , gjalleri, sport, defrim, jete nate....... Mbase aty mund te jete mire per ndonje institut mendor qe ka nevoje per qetesi absolute....... ose dhe hotele per pushime te shkurtra mund te ndertohen, por jo te rinj qe te jetojne aty 4-5 vjet!!!!!
Ato americanet duhet te ken qene high.....

[Korcar-L1]

miro o breshke ti ke opinionin tend, amerikanet te tyre, e une timin lol

[DYDRINAS]

Zona e liqeneve te Ohrit dhe te Prespes ka qene dhe mbetet nje nga zonat me te bukura te Ballkanit.
Njehere TV gjerman transmetoi nje emision per kete zone dhe mbeta i mahnitur.

Nje universitet ne ate zone do te ishte ndoshta nje lajm i cuditshem, mirepo kur mendon se aty ndahen tri shtete, shtrihen dy liqene fantastike, rrethohet nga nje bukuri natyrore e rralle, mbart nje histori qe nga koherat e lashta e deri ne ditet e sotme, jetohet nga popuj te ndryshem por dhe te ngjashem, te ben te besosh ne cudine e ketij lajmi.

Dikush shfaqi shqetesim se si do te mbushet jeta e e rinjve aty?
Nese ndertohet universiteti, aty parashikohen te gjitha dhe ketu nuk ben perjashtim as koha e lire.
Pse cfare kohe te lire kalojne studentet ne Tirane, Shkoder apo Vlore?
Kafe, kafe dhe vetem kafe!

Zona ne fjale eshte shume e njohur dhe per kulture, multietnicitet dhe tolerance.

Kur kujton Voskopojen e famshme, nuk ke pse te mos besosh tek Liqenasi!

[DYDRINAS]

Universitet amerikan në Liqenas

• Zona minoritare e Liqenasit do të bëhet me universitet privat. Investitorë amerikanë kanë pranuar të hedhin në komunën buzë liqenit të Prespës 40 milionë euro, pasi kanë verifikuar kushtet në terren pak ditë më parë.

KORÇE/ JORGJETA GJANÇI

Aktualisht, në këtë komunë jetojnë 5 mijë banorë, por ngritja e qytezës universitare pritet t’i jap një hov të madh zhvillimi. “Makarishi Center Universitet” do të realizojë projektin, nisja e të cilit, sipas kryekomunarit Edmond Themelko, është çështje përgatitje dokumentacioni. Në këtë universitet, çdo student mund të zgjedhë mes 13 degësh, kundrejt një tarife mesatare prej 12 mijë dollarësh. Në një intervistë, Themelko jep detajet për ngritjen e qytezës universitare, sipas projektit, ndër më të mëdhatë në Evropën Lindore.

Zoti Themelko, kur do të fillojë ndërtimi i mjediseve të universitetit?

Me përfundimin e përgatitjes së dokumentacionit dhe marrjen e vendimeve në organet vendimmarrëse do të fillojë ndërtimi. Deri tani është marrë vendimi i Këshillit të Komunës, Ministria e Arsimit e ka miratuar këtë investim dhe ia ka dërguar Këshillit të Qarkut, Ministria e Mjedisit është shprehur pozitivisht sepse në territorin prej 100 ha ku do të ndërtohet universiteti është Park Kombëtar dhe ky institucion nuk e dëmton mjedisin. Pritet vendimi i Këshillit të Ministrave dhe i KKRTRSH-së, që të plotësohet tërësisht dokumentacioni. Kemi rënë dakord me investuesit që të përzgjidhen në tender disa firma ndërtimi, të cilat do të punojnë paralel me qëllim që objekti të ndërtohet sa më parë. Investuesit ishin të mendimit që në shtator të këtij viti universiteti të çelej, por është gjithë procedura përgatitore e përgatitjes së dokumenteve, që do kohën e vet për t’u realizuar.

Janë evidentuar probleme nga pronësia mbi truallin?

Nuk ka të probleme të tilla, sepse toka prej 100 ha është pronë e shtetit shqiptar dhe është e lirë.

Personeli pedagogjik si do të sigurohet?

Do të ketë personel e pedagogë nga qendra e universitetit investues, por edhe nga komuna, qarku i Korçës dhe gjithë Shqipëria. Në këtë universitet do të ketë shumë të punësuar të tjerë nëpër konvikte, mensa e gjithë veprimtarinë e përditshme të këtij institucioni.

A do të ketë ndonjë drejtim të caktuar në degët e këtij universiteti?

Do të jetë universitet i përzier, do të ketë 13 degë, 4 magjistratura dhe 2 doktorata.

Çfarë kapaciteti do të ketë universiteti?

Në auditorët e tij do të kenë fatin të studiojnë 2500 studentë. U theksua edhe në takimin që investuesit zhvilluan me kryeministrin Sali Berisha që Shqipëria do të mburret me këtë universitet, sepse do të jetë më i madhi në vendet e Evropës Lindore dhe fakti që “Makarishi Center Universitet” zgjodhi vendin tonë dhe konkretisht Liqenasin, për këtë investim, përbën një nder dhe shans shumë të madh.

Për të interesuarit ky universitet është privat dhe sa është kostoja e studimeve në të?

Po është universitet privat, kushdo mund të studiojë aty, kam parë edhe çmimin për një student, që shkon në 12.000 dollarë.

Qyteza

Në bazë të projektit të hartuar nga investitorët amerikanë, qyteza e këtij universiteti që do të ndërtohet në Liqenas do të ketë 36 ndërtesa dhe kapaciteti i tij do të jetë 2500 studentë. Ata do të paguajnë mesatarisht për studimet 12 mijë dollarë.

Ushqimi

Produktet ushqimore për gjithë studentët dhe trupën mësimore do të sigurohen nga prodhimet e zonës së Liqenasit. Komuna buzë liqenit të Prespës ka një natyrë të bukur dhe kushte natyrore dhe klimaterike për zhvillimin e bujqësisë dhe blegtorisë.

Gazeta Panorama

[DYDRINAS]

Nje qender universitare e Maharishi University Center" ne SHBA.

[Dita]

Kjo shkon shume mire dhe me zbulimet arkeologjike qe jane bere keto kohe ne zonen juglindore te Shqiperise. Zere se e shikojme me grafik ne mendje rritjen ekonomike te kesaj zone. Me investime ne infrastrukture qe mbeshtet turizmin, e keto investime per universitetin, aty rritja ekonomike per vitet e ardhshem do mund te pasqyrohej me zhvendosje paralele te kurbes. S'do te ishte me pune perqindjesh njeshifrore.