Ndryshimet e zgjuarsisë midis femrave dhe meshkujve!

[DI_ANA]

Femra dhe meshkuj, ndryshimet që mbase i kemi injoruar!


Femrat kanë një mendje më elastike dhe një energji më të madhe. Por ka edhe ndryshime të tjera me meshkujt. Venera dhe Marsi: dy planete të shndërruar në metafora të largësisë mes universit mashkullor dhe femëror. Me këtë merret edhe një libër që ka dalë së fundi në tregun europian “Gratë, politika dhe stereotipe. Përse e natyrshmja nuk ndryshon?”. Libri nxjerr në dritë faktin e ndryshimeve mes meshkujve dhe femrave, duke penalizuar afirmimin social të këtyre të fundit. Dhe sigurisht jo vetëm në politikë. Nga këndvështrimi social, gratë janë gjithmonë një hap pas. Për fat të keq, sepse pa u hequr asgjë meshkujve, femrat mund t’i ftojnë ata në duel. Mes femrave dhe meshkujve ka ndryshime thelbësore përsa i përket qoftë shëndetit, qoftë mënyrës së të menduarit apo të të vepruarit. Dhe nuk bëhet fjalë për seks të dobët, ndryshe nga ç’thuhet për seksin femëror. Bëhet fjalë vetëm për një seks tjetër. Ndryshimet përsa i takon
shëndetit
Zbulimet e fundit kanë treguar se gjenet, lidhjet me substancat farmakologjike dhe shumë shqetësime të shëndetit, janë të ndryshme mes meshkujve dhe femrave. Femrat janë një hap përpara, nga momenti që ende sot, shpesh, shkencëtarët i përjashtojnë gratë nga kërkimet mjekësore, mjafton të mendosh që në vitin 2000 përfaqësonin vetëm 38 % të pacientëve të përfshirë në studime për të verifikuar parimet aktive të farmaceutikëve. Një konfirmim ky, i miratuar në shumicë, që mes dy sekseve ka ndryshime anatomie, por jo biologjike. Por nuk është kështu. Për të gjithë vlen një studim i universitetit të Oksfordit, që përdorimi i simvastatinës, një bari për të ulur nivelin e kolesterolit, ka 1/3 rrezik për sëmundje kardio-vaskulare te femrat dhe 1/4 te meshkujt. Pavarësisht farmacistëve, meshkujt dhe femrat janë të ndryshëm përsa i takon aksidenteve të sëmundjeve të zemrës. Femrave rrallëherë u ndodh të kenë një infarkt përpara menopauzës, ndryshe nga meshkujt, mosha e rrezikshme për të cilët është mes 45 dhe 55 vjetëve. Arsyeja e këtij ndryshimi qëndron te prania në organizmin femëror të hormoneve, që në moshën fertile veprojnë si mbrojtës natyrorë, ekstrogjenet, të cilat mbajnë nën kontroll lipidet e gjakut dhe rikthejnë rrezikun e hiperkolesteromisë (tejkalim i kolesterolit). Veç të tjerash, në këtë mënyrë venat dhe arteriet nisin të konsumohen pak nga pak më vonë, kur ndalet prodhimi i ekstrogjeneve dhe femra e humbet këtë “mburojë mbrojtëse” të natyrshme. Sigurisht, përveç kësaj, femrat janë të prirura të rrojnë më shumë, shtatë vjet më tepër krahasuar me meshkujt për arsye jo krejt të qarta.
Të parat në parandalime
Është gjithashtu e qartë se femra është më e vëmendshme për mirëqenien e saj. Të dhëna të fundit (Eurisko, janar 2006) provojnë se femrat italiane, për shembull, ndihen mjaft mirë. Gjashtë në dhjetë prej tyre kanë shëndet të mirë, sepse edhe pijnë më pak duhan. Sot vajzat i nënshtrohen vizitës së parë gjinekologjike kur janë 18 vjeçe dhe nga ky moment e më pas gjysma e femrave respekton mesatarisht skadencat e kontrolleve. Për burrat është e kundërta. Fjala “parandalim” as nuk ekziston në fjalor, siç edhe thuhet në të dhënat paraprake të projektit të andrologjisë në Universitetin e Padovas. Për të bërë një krahasim, femrat janë mësuar me faktin që vetëkontrolli paraqet një ndihmë kundër tumoreve të gjirit, ndërsa burrat nuk e dinë që e njëjta praktikë, e zbatuar te testikujt, do të lejonte të grumbullonte shenjat e para të një prej tumoreve më të shpeshta te të rinjtë. Janë të ndryshme dhe shijet në tryezë. Femra parapëlqen jeshillëqet, kosin, pi shpesh ujë mineral gjatë ditës. Dhe është e kujdesshme të përziejë ushqimet që i bëjnë mirë organizmit të saj. Meshkujt, përkundrazi, pijnë më shpesh pije alkoolike, konsumojnë pak fruta dhe perime, në përgjithësi kanë një ushqim të çrregullt, veçanërisht nëse nuk kanë dikë t’u gatuajë dhe parapëlqejnë ushqime të konservuara. Ndryshime këto jo aq të parëndësishme dhe që përfundojnë për shembull të përkthyera në më shumë kilogramë: në mbipeshë të 41.8 % të burrave përkundrejt 25.7% të grave.
Dhembja, një përballim i ndryshëm
Femra ka më shumë simptoma dhembjesh krahasuar me meshkujt. Këtë e tregon sërish një sondazh i fundit, i drejtuar nga Demoskopea. Në harkun e gjashtë muajve, 51 % e grave ka pasur një ngjarje të dhembshme, përkundrejt 39 % të burrave. Arsyet e këtyre ndryshimeve tani për tani nuk janë krejt të qarta. Duket megjithatë e mundshme që kjo lidhet me ndjeshmërinë më të madhe femërore, aq sa edhe me qëndrimin superior te femrat, krahasuar me meshkujt, për t’i bërë kujdes trupit dhe sinjaleve të tij..
Zgjuarsia
Truri mashkullor ka një peshë superiore prej 10-15 % krahasuar me atë femëror, por ky nuk është tregues i një grade më të madhe zgjuarsie. Përkundrazi, falë një prove të quajtur Pet, ka rezultuar se hemisferat cerebrale të femrës janë më të lagura (nga gjaku dhe kështu më të oksigjenuara që i bën qelizat më efikase) krahasuar me ato të meshkujve dhe femra ka një sasi më të madhe të materies gri. Kjo do të thotë se pjesa më e brendshme e trurit është e formuar nga qeliza nervore. Është e ndryshme pastaj aftësia e arsyetimit dhe, më në përgjithësi, mekanizmat që rregullojnë zgjuarsinë nuk janë të barabartë. Para së gjithash, femrat i besojnë më shumë intuitës dhe kanë aftësinë të çojnë përpara shumë ngjarje bashkëkohore. Dhe kjo për një arsye fiziologjike. Truri është i ndarë në dy hemisfera: ajo e majtë është përgjegjëse për arsyetime të tipit logjik dhe linear, që janë karakteristikë për meshkujt; ndërsa ana e djathtë është e lidhur me krijimtarinë, arsyetimet e zhvilluara paralelisht, që do të thotë se prodhohen më shumë gjëra bashkëkohore. Në tru është i pranishëm një trup i përbërë nga fibra që i lejon hemisferës së djathtë të komunikojë me atë të majtën. Te femrat ky trup është më i shpeshtë: kjo u lejon dy hemisferave të komunikojnë mes tyre më lehtë dhe të shpjegojnë mënyrën e tyre të ndryshme të të arsyetuarit. Në praktikë, nëse mes dy hemisferave ka më shumë lidhje, jo vetëm mënyra e të menduarit “e përzier” mes tyre ka karakteristikat e dy hemisferave, që do të thotë arsyetim dhe krijimtari, por arsyetimet paralele tipike të hemisferës së djathtë kanë më shumë mundësi të arrijnë hemisferën e majtë dhe të ndikojnë te vendimet. Në këtë mënyrë, zgjidhjet mashkullore janë më logjike, por më pak komplekse dhe krijuese sesa ato femërore.
Mendim emotiv, zgjidhje më të lehta
Por ka edhe më, për të shpjeguar disa sjellje femërore. Te gruaja ka një trashësi më të madhe një zonë qendrore lobesh frontale, që koordinon kujtesën, programimin dhe vlerësimin e procedurave për të arritur një qëllim. Kjo pjesë është e lidhur me hapësira limbike, që do të thotë me ato zona që janë vendqëndrim i emotivitetit dhe që te gruaja aktivizohen më intensivisht. Gjinia femërore mund “të ndihet” kështu në nivelin emocional në një seri të ndryshueshme që gjinia mashkullore nuk është në gjendje ta perceptojë. Për këtë, arsyetimet që sjellin marrjen e vendimeve janë së shumti të ndikuara nga aspekti emotiv krahasuar me meshkujt dhe mund të çojnë në zgjedhje që një mashkull do t’ia mbathte me vrap, por që në fund mund të rezultojnë ato fitimtaret. Ndryshimet nuk mbarojnë këtu. Falë karakteristikave të tij, truri femëror është edhe më elastik krahasuar me atë mashkullor. Aftësia për të konsideruar më shumë elementë dhe për të njëjtësuar me lehtësi më të madhe dhe efikasitet logjikën me emocionin, e lejon femrën të analizojë një spektër më të gjerë përpara se të marrë një vendim.
E ndryshme edhe kujtesa
Femra lëviz sigurisht me autonomi më të madhe, edhe kur gjendet në vende të panjohura.
Gjithmonë nga ndryshimet cerebrale. Në trurin femëror, në fakt, është më e zhvilluar zona përgjegjëse e kujtesës, e quajtur fotografike. Kjo është arsyeja për të cilën femra ia del mbanë të rigjejë një rrugë ku ka qenë një herë, pa përdorur një kartë rrugore, por thjesht duke u besuar pikave të referimit.

Përgatiti
Anilejda Gjeta

Gazeta Albania

Do te desha mendimin tuaj per kete artikull!


Respekte

[Gimi3]

Filozofët dhe anatomistët gjithashtu kanë theksuar dallimet të cilat ekzistojnë në sistemet autonome nervore të mashkullit dhe femrës. Për shembull, është konstatuar në mënyrë anatomike se truri i mashkullit është më i madh dhe mesatarisht 100 gramë më i rëndë se ai i femrës. Gjithashtu, pjesa e përparme e trurit të femrës është më se 50 cm më i vogël se te mashkulli. Përveç kësaj, me analizën e pjesëve përbërëse të trurit të dy gjinive, fiziologët kanë konstatuar se truri tek te dy gjinite në aspektin anatomik dallohet me shprehjen e shenjave të intelegjencës dhe të zhvillimit mental superior.