Finalizohet Kushtetuta e Kosovës

[Davius]

Kushtetuta e Kosovës është finalizuar. Ajo e parasheh Kosovën si shtet sovran dhe të pavarur. Në këtë Kushtetutë nuk ka asnjë nen të pazgjidhur ngase gjithçka është e sqaruar ka thënë bashkëhartuesi i Kushtetutës, Arsim Bajrami.

Kjo kushtetutë për nga karakteri është konstituive, ndërsa forma e qeverisjes së shtetit do të jetë – republikë parlamentare duke avancuar rolin e Presidentit. Me Kushtetutën e Kosovës do të themelohen institucionet e reja të cilat deri tash i kanë munguar Kosovës, siç janë: Gjykata Kushtetuese, Shërbimi i Inteligjencës dhe një varg Institucionesh tjera. Ushtria e ardhshme e Kosovës do të quhet Forca e Sigurisë së Kosovës, por më vonë do t’i nënshtrohet një transizioni, e cila do të shndërrohet në ushtri.

[Davius]

Xhonson: Kushtetuta e Kosoves, nje nder me te avancuarat ne Europe

Përfaqësuesi i posaçëm i BE në Kosovë, Jonas Xhonson deklaroi se Kushtetuta e Kosovës do të ishte një nga më të avancuarat në Europë për sa i përket mbrojtjes së të drejtave të njeriut, Version multimedial i ketij lajmi

Përfaqësuesi i posaçëm i BE-në në Kosovë, Jonas Xhonson deklaroi se përfaqësuesit e Bashkimit Europian po marrin pjesë në përgatitjen e kushtetutës së Kosovës, duke shtuar se arsyeja kryesore për një angazhim më të shpejtë të një misioni të ardhshëm europian është statusi i pazgjidhur i Kosovës dhe vendosja e rendit dhe ligjit. Duke folur përpara një paneli në Çagllavicë lidhur me përgatitjet për praninë civile të komunitetit ndërkombëtar në të ardhmen në Kosovë, Xhonson deklaroi se Kushtetuta e Kosovës do të ishte me mbase një nga më të avancuarat në Europë për sa i përket mbrojtjes së të drejtave të njeriut, komuniteteve dhe trashëgimisë kulturore fetare. Ky është prioriteti ynë kryesor, deklaroi Xhonson, i cili kryeson gjithashtu grupin përgatitor të Zyrës Ndërkombëtare Civile në Kosovë. Xhonson deklaroi se BE-ja nuk po shkel ligjin ndërkombëtar duke u angazhuar në përgatitjen e Kushtetutës së Kosovës, megjithëse statusi i saj vazhdon të jetë i pazgjidhur. Nderkaq në tavolinën e Grupit të përzgjedhjes së simboleve shtetërore të Kosovës, ndodhen 1.736 propozime për flamurin dhe stemën. Këtë e bëri të ditur zv.kryeministri Hajredin Kuçi, që kryesoi edhe grupin për simbolet dhe është kryetar i Komisionit të Kushtetutës së re. "Unë mendoj se tani jemi në fazën përfundimtare. Zgjedhja e jurisë tanimë është bërë, besoj do ta bëjë punën e vet, pra do zgjedhë e shumta tri propozime, që do shkojnë për miratim në Kuvendin e Kosovës. Më pas, Kuvendi me dy të tretat, do zgjedhë ato që do jenë simbolet shtetërore të Kosovës", tha zv.kryeministri Kuçi, pas takimit që u mbajt me dyer të mbyllura dhe ku mori pjesë edhe kryeministri Hashim Thaçi. Lidhur me diskutimin publik për Kushtetutën e re të Kosovës, Kuçi sqaroi se ky diskutim është i ndarë në dy faza. "Faza e parë është më shumë për t’u njohur me procesin e miratimit të Kushtetutës së Kosovës. Faza e dytë është për përmbajtjen. Gjërat kanë filluar mirë. Njerëzit po informohen, është një proces në përfundim e sipër. Shumë shpejt qytetarët do kenë projektin e kushtetutës dhe mundësinë për të dhënë vërejtjet dhe sugjerimet e tyre", tha ai.

(VOA)

[RaPSouL]

Pavarësia, 1 milion euro për festën

Qeveria e Kosovës ka ndarë 1 milion euro për festën e pavarësisë. Lajmin e ka bërë të ditur vetë ministri i Ekonomisë dhe Financave, Ahmet Shala. Këto para do të shpenzohen sipas projektit të grupit koordinues që vepron pranë Kryeministrisë. "Do të jemi tepër të kursyeshëm, por natyrisht do të jemi të përgatitur që të bëjmë atë siç na ka hije. Këto 1 milion euro nuk do të thotë se do të shpenzohen të gjitha", ka thënë

ministri Shala. Por nga ana tjetër, qeveria është e vendosur që të mos ketë ndonjë festë të madhe. Organizimi i ceremonisë sipas burimeve pranë qeverisë do të bëhet disa ditë pas shpalljes, pasi të menaxhohet kriza e mundshme dhe rebelimi i pritshëm i serbëve. Nga ana tjetër, KFOR ka filluar një fushatë në të gjitha komunat e Kosovës që të përgatisë qytetarët të jenë të kujdesshëm gjatë festës së pavarësisë, në mënyrë që të mos shkaktojnë incidente. Policia ka bërë thirrje të mos përdoren armë për të festuar, por edhe grumbullimet e mëdha të njerëzve nuk janë të pëlqyeshme për organet e sigurisë.

Shqip

[RaPSouL]

Intervista/ Flet Kryetari i Kuvendit, Jakup Krasniqi: BE ka pasur rol përcaktues edhe në zhvillimet e deritanishme

"Pavarësia zgjidh edhe krizën serbe"

Gati të kryejmë përgjegjësitë ndaj qytetarëve e ndërkombëtarëve


Kryetari i Kuvendit të Kosovës, Jakup Krasniqi, thotë se shpallja e pavarësisë do të zgjidhte edhe krizën në Serbi. "Moszgjidhja dhe shtyrja e statusit politik të Kosovës edhe gjatë këtyre viteve, jam i bindur që e ka penguar edhe zhvillimin e demokracisë në Serbi", është shprehur Krasniqi gjatë një interviste për radion "Evropa e Lirë".

Çështja e shpalljes së pavarësisë së Kosovës keni deklaruar se do të ndodhë brenda këtij muaji. Mund të jepni më shumë detaje?

Mendojmë se kjo çështje vetëm sa ka hyrë në rrugën ku nuk mund të ketë kthim prapa, për faktin se në dhjetor të vitit të kaluar, në Këshillin e Sigurimit është thënë se nuk do të ketë më bisedime për Kosovën. Bashkimi Evropian, mund të them se është duke biseduar seriozisht për përgatitjen e misionit që do të jetë mbikëqyrës në Kosovë për një periudhë. Ne e dimë se ky mision do të ketë përgjegjësi për sigurinë e Kosovës, për zhvillimin e sigurisë në Kosovë, do të ketë përgjegjësi për ristrukturimin e sistemit të drejtësisë, që mendoj se janë segmente mjaft të rëndësishme. Por, natyrisht, Bashkimi Evropian do të ketë një rol edhe si donator në mbështetjen e institucioneve të Kosovës në vitet e ardhshme. Pastaj, edhe një çështje tjetër që duhet ta shohim është se shtyrja e problemit ose e mosnjohjes ndërkombëtare të pavarësisë, nuk është më zgjidhje. Vendimi duhet të merret dhe vendimi do të ishte sukses jo vetëm për institucionet e Kosovës, por do të ishte një sukses i madh për administratën ndërkombëtare, për BE-në, për SHBA-në, që gjatë këtyre viteve kanë investuar shumë në Kosovë. Janë të gjitha këto rrethana që na çojnë në atë që ky muaj është muaj që duhet t‘i përcaktojë zhvillimet e reja në Kosovë.

A mund të kenë zhvillimet aktuale në Serbi, kriza qeveritare atje, ndonjë ndikim në përcaktimin e dinamikës së shpalljes së pavarësisë?

Mendojmë se vetëm përshpejtimi i shpalljes së pavarësisë dhe i njohjes ndërkombëtare të saj është ajo që do të stabilizojë edhe krizën në Serbi. Moszgjidhja dhe shtyrja e statusit politik të Kosovës edhe gjatë këtyre viteve, jam i bindur që e ka penguar edhe zhvillimin e demokracisë në Serbi. Jam i bindur se pa definimin dhe pa qartësimin e statusit të Kosovës, do të thotë njohjen ndërkombëtare të shtetit të pavarur e sovran të Kosovës, jo vetëm që nuk do të ketë zhvillim të duhur në Kosovë, jo vetëm që nuk do të ketë zhvillim të demokracisë në Kosovë, por mendoj se para së gjithash edhe demokracia në Serbi do të jetë tepër e brishtë dhe Serbia do të merret më tepër me çështje që nuk i takojnë asaj dhe faktikisht do të mbetet larg zhvillimeve jo vetëm të demokracisë, por edhe të zhvillimeve tjera. Me një fjalë, definimi i statusit politik të Kosovës do ta ndihmonte edhe Serbinë, por do të ndihmonte edhe shumë procese të tjera integruese drejt BE-së.

Deri ku ka arritur Kuvendi i Kosovës me përgatitjet e nevojshme, për sa i përket shpalljes së pavarësisë?

Mund të them se Kuvendi i Kosovës është i përgatitur. I ka rrumbullakuar të gjitha trupat e vet të punës, duke përfshirë edhe komisionet parlamentare. Ka mbajtur seanca të rregullta dhe mendoj se kanë qenë mjaft të suksesshme. Kuvendi i Kosovës është duke u përgatitur që për disa ligje dhe për disa çështje të rëndësishme, siç është Kushtetuta dhe simbolet, të përdorë një procedurë të përshpejtuar për t‘i kryer obligimet e veta karshi qytetarëve, por edhe obligimet që ka marrë nga dokumenti i Presidentit Ahtisari. Me një fjalë, Kuvendi i Kosovës është i gatshëm t‘i kryejë përgjegjësitë që ka në raport me qytetarët, por edhe në raport me komunitetin ndërkombëtar.

Si mendoni t‘i akomodoni kërkesat e serbëve të Kosovës në këtë periudhë, veçanërisht të atyre që janë të përfshirë në Parlament? Këta të fundit kanë deklaruar se do të tërhiqen nga institucionet nëse shpallet pavarësia...

Akomodimi më i mirë i serbëve jo vetëm atyre që janë në institucione, por i serbëve në përgjithësi, është dokumenti i Ahtisarit, i cili ka krijuar privilegje dhe standarde të reja për pakica. Deputetët që kanë ardhur në Parlament, ne i kemi pritur, ua kemi dhënë hapësirën e mjaftueshme. Ata, në një formë, kanë qenë të bindur se ky vit do të jetë vit i pavarësisë dhe i definimit të statusit politik të Kosovës. Mendoj se kjo nuk ka qenë e paditur për ta. Nëse ka ndonjë pakënaqësi nga ndonjë deputet që është vërejtur gjatë këtyre ditëve, më tepër është për shkak të jostabilitetit të tyre në raport me proceset apo ndonjë pakënaqësi tjetër që nuk janë në ekzekutiv. Por, mendoj se shumica e deputetëve serbë që janë në Kuvendin e Kosovës janë të mirakomoduar, janë mirëpritur dhe kanë treguar gatishmëri për të qenë përkrah gjithë proceseve që janë duke u zhvilluar dhe përkrah shumicës në Kosovë.

Njëkohësisht, ka shqetësime edhe për format e tjera të reagimit të serbëve në Kosovë kundër shpalljes së pavarësisë. A shihni ndonjë rrezik në këtë drejtim?

Mendojmë se zgjidhja e statusit politik të Kosovës, shpallja e pavarësisë dhe njohja ndërkombëtare e kësaj pavarësie, është e mirë jo vetëm e shumicës së qytetarëve të Kosovës, por edhe e qytetarëve serbë të Kosovës, të cilëve vërtet u garanton shumë të drejta dhe shumë liri. Mendoj se institucionet e Kosovës edhe tani, por edhe në të ardhmen, do të ofrojnë siguri të mjaftueshme për jetë të lirë, qarkullim të lirë, mandej edhe për një integrim në institucione, në jetën publike dhe shoqërore në Kosovë. Ne mendojmë se qytetarët serbë të Kosovës duhet të mendojnë kthjelltë. Faktikisht, shteti i pavarur dhe sovran i Kosovës hap perspektiva të reja për të gjithë qytetarët e Kosovës. Do të thotë, zgjidhja e problemit është duke e lënë prapa historinë e dhimbshme, në rend të parë, të shumicës shqiptare, pastaj edhe të pakicave dhe është në interesin e të gjithëve që të krijojnë një vizion të ri për jetën e tyre dhe për të ardhmen e tyre, në bashkëjetesë, në paqe, duke u integruar në jetën politike dhe institucionale në Kosovë. Do të thotë, është në interesin e serbëve dhe mendoj se duhet ta shfrytëzojnë këtë ofertë serioze që u është bërë edhe nga faktori shqiptar, por edhe nga faktori ndërkombëtar.

Si e shihni Bashkimin Evropian përballë procesit që po zhvillohet aktualisht në Kosovë?

Mendoj se BE-ja ka pasur një rol përcaktues edhe në zhvillimet e deritashme. Tani, pasi që BE-ja do të marrë përgjegjësi të reja dhe përgjegjësitë kryesore për të mbikëqyrur funksionimin e institucioneve demokratike në Kosovë, për të bërë një mbikëqyrje mbi shtetin e Kosovës, sigurisht që merr obligime për t‘i ndihmuar proceset politike, por edhe zhvillimore në Kosovë, ne jemi të bindur se BE-ja do të jetë një nga donatorët më të fuqishëm për të ndihmuar Kosovën dhe institucionet e saj, për t‘i mundur pakënaqësitë sociale që mund të dalin. Mendojmë së BE-ja do të kontribuojë shumë në integrimin e të gjithëve në Kosovë.

[RaPSouL]

Thaçi: E kemi përcaktuar datën e pavarësisë

Kryeministri i Kosovës: është një uikend i rëndësishëm para shpalljes


Kryeministri i Kosovës, Hashim Thaçi, deklaroi dje se datën e shpalljes së pavarësisë tashmë e dinë të gjithë dhe se ky uikend që po kalojmë "është një uikend i rëndësishëm para shpalljes së pavarësisë". "E kemi të përcaktuar datën. Unë e kam theksuar gjithmonë, e ritheksoj edhe sot, tashmë këtë datë e dinë të gjithë. Me rëndësi ka qenë që të sigurojmë njohjen dhe kjo është arritur, pasi institucionet e Kosovës kanë konfirmimin për njohje nga rreth 100 shtete. Prandaj, tani mund të ecim më shpejt dhe mund të them lirisht se ky uikend që po kalojmë është një uikend i rëndësishëm para shpalljes së pavarësisë", u shpreh ai.

Shtypi i Prishtinës shkruante dje se janë shtuar burimet që konfirmojnë shpalljen e pavarësisë fundjavën që vjen dhe sipas kësaj, pavarësia shpallet më 17 shkurt dhe hyn në fuqi në mars. "17 dhe 18 shkurti, dy datat më të preferuara për shpalljen e pavarësisë", "Publikimi i datës dy-tri ditë para shpalljes, deklarimi i pavarësisë para Samitit të BE-së - Të dielën e tretë të shkurtit", "Pavarësia po, por problem veriu", janë disa nga kryetitujt e shtypit të djeshëm. Sipas Televizionit Publik të Kosovës, i cili në raportin nga Brukseli u referohej "burimeve brenda BE-së dhe disa burimeve nga shtete anëtare", data e shpalljes së pavarësisë së Kosovës është 17 shkurti, por deklarata e pavarësisë do të hyjë në fuqi në mars.

Sipas deklaratës së djeshme të Thaçit, institucionet në Kosovë mund ta bëjnë publike zyrtarisht datën e pavarësisë, mbase javën e ardhshme. "Kosova është në prag të rideklarimit të pavarësisë", tha dje Presidenti i Kosovës, Fatmir Sejdiu, ndërsa kryeparlamentari Krasniqi vërejti se "është me rëndësi që pavarësia do të ndodhë në muajin shkurt".

Dje, Thaçi pati një takim me përfaqësuesit e shoqatave të dala nga lufta e UÇK-së, të cilët i njoftoi për "hollësitë rreth ditës së shpalljes së pavarësisë, organizimin në nivelin e institucioneve qendrore e lokale dhe për festimin dinjitoz nga qytetarët e Kosovës". "Kemi besim të plotë se gjërat po shkojnë ashtu siç është planifikuar nga institucionet e vendit dhe miqtë ndërkombëtarë. Tani Kosova po i afrohet ditës së shpalljes së pavarësisë, po krijojmë të gjitha hapësirat e duhura dhe po marrim përgjegjësitë që të kemi ditë të qeta, festim dinjitoz, tolerancë ndëretnike, rend demokratik dhe kjo festë të japë mesazhin nga populli i Kosovës për gjithë botën demokratike, se meritojmë fillimin e njohjes masive nga bota demokratike", theksoi Thaçi.



Shqip

[RaPSouL]

Prag- pavaresia, Thaci: Po kalojme nje fundjave te rendesishme

Kryeministri i Kosovës perseriti se janë bërë të gjitha përgatitjet për njohjen e pavarësisë nga 100 shtete dhe se festimi do të bëhet në mënyrë dinjitoze, demokratike dhe tolerante për të gjithë qytetarët e Kosovës

Fundjava që po kalojmë është shumë e rëndësishme sepse është një fundjavë e rëndësishme para shpalljes së pavarësisë së Kosovës. Ka qene kjo deklarata e kryeministrit te Kosovës Hashim Thaçi pas takimit që pati me shoqatat e dala nga lufta. Ai perseriti se janë bërë të gjitha përgatitjet për njohjen e pavarësisë nga 100 shtete dhe se festimi do të bëhet në mënyrë dinjitoze, demokratike dhe tolerante për të gjithë qytetarët e Kosovës.

Kryeministri Hashim Hashim Thaçi priti përfaqësuesit e Shoqatave të dala nga lufta e UÇK-së. Temë e bisedimeve ishin përgatitjet që janë bërë për shpalljen e pavarësisë së Kosovës. Kryeministri Thaçi tha se të gjitha institucionet vendore dhe ndërkombëtare janë tashmë të njoftuar për datën e shpalljes së pavarësisë, mirëpo ai këtë datë nuk e bëri publike.

Mrekullisht ka dalë në sipërfaqe një garë nga ana e shteteve demokratike për njohjen e pavarësinë e Kosovës dhe për hyrjen në historinë botërore me veprimet e tyre njohëse të shtetit më të ri në botë.

(news24/balkanweb)

[RaPSouL]

Kosove- Kane filluar te degjohen tingujt e festes se pavaresise

Këshillat organizativë për festën e pavarësisë janë ngritur nëpër qytete të ndryshme të Kosovës qe ngjarja e madhe te festohet ne menyre dinjitoze

Tingujt e koncertit festiv të ditës së pavarësisë së Kosovës kanë filluar të dëgjohen në Prishtinë, në ambientet e Filarmonisë së Kosovës, që ka filluar përgatitjet. "Ne po punojmë që Dita e Pavarësisë të mos na gjejë të papërgatitur", ka thënë drejtori i Filarmonisë, Baki Jashari, për mediat në Prishtinë. "Skënderbeu", poemë dramatike e Fahri Beqirit, si një himn i festës së pavarësisë dhe "Oda e gëzimit“ e Bethovenit, për Kosovën drejt Evropës, do të jenë pjesë e programeve artistike në kryeqytet, Prishtinë, dhe në zona të tjera të Kosovës. Tashmë këshillat organizativë për festën e pavarësisë, siç bëhet e ditur, janë ngritur nëpër qytete të ndryshme të Kosovës, përfshirë Mitrovicën, qytetin më të madh verior. "Ne kemi arsye të festojmë, por këtë duhet ta bëjmë në mënyrë dinjitoze", ka thënë kryetari i Komunës së Mitrovicës, Bajram Rexhepi.

(ATA/balkanweb)

[RaPSouL]

KD: Pavarësia shpallet më 17 shkurt – hyn në fuqi në mars

Disa burime diplomatike të së përditshmes "Koha Ditore", nga vendet e BE-së dhe NATO-s kanë konfirmuar të premten se tashmë është pothuajse e sigurt se Kuvendi i Kosovës do të shpallë pavarësinë më 17 shkurt. Megjithatë këto burime kanë shtuar se pavarësia do të hyjë në fuqi në mars.Kjo periudhë në mes, sipas këtyre burimeve, do të shfrytëzohet për fuqizimin e ligjeve nga Pakoja e Ahtisaarit, miratimin e Kushtetutës nga ana e kosovarëve, si dhe kryerja e procedurave të nevojshme për shtetet që do ta njohin pavarësinë. Sipas po të njëjtit skenar, një ditë pas shpalljes së pavarësisë, në takimin e ministrave të jashtëm të BE-së, nëse ndërkohë nuk do të ketë ndryshime, do të formalizohet një qëndrim për një platformë të përbashkët të BE-së për Kosovën. Në këtë takim pritet që BE-ja t’u lë shteteve anëtare të saj, që në mënyrë individuale, që është edhe praktikë e BE-së, të veprojnë lidhur me njohjen e pavarësisë së Kosovës, shkruan ndër të tjera në numrin e sotëm të kësaj gazete.

(telegraf)

[RaPSouL]

Volker: Kosova se shpejti do shpalle pavaresine

"Nuk pres qe te vije te ndonje kataklizme. Mendoj se shumica e njerezve ne Kosove deshirojne qetesi", ka thene ai per agjencine Reuters.

Kosova se shpejti do te shpalle pavaresine, te cilen do ta njohin "nje numer i konsiderueshem vendesh".Keshtu eshte shprehur zyrtari i Departamentit te Shtetit Kurt Volker sipas te cilit me percaktimin e statusit te Kosoves ai nuk trazira apo destabilizim te rajonit. "Do te jete nje vend mjaft stabil. Nuk pres qe te vije te ndonje kataklizme. Mendoj se shumica e njerezve ne Kosove deshirojne qetesi", ka thene ai per agjencine Reuters.
Volkers gjithashtu ka vleresuar se Kroacia, Shqiperia dhe Maqedonia do te marrin ftese per anetaresim ne NATO ne samitin e Bukureshtit.
Zv/sekretari i shtetit per çeshtjet Europiane dhe Euro-aziatike, Kurt Volker, eshte emeruar ambasador i ri ne NATO, por vendimi ende nuk eshte konfirmuar ne Senat.

Balkan

[RaPSouL]

McCain: Kosova e pavarur te integrohet ne BE e NATO

Nje nder pikat e platformes se toij ka qene dhe Kosova ku kandidati per Shtepine e Bardhe ben thirrje qe Kosoves ti jepet pavaresia dhe me pas te integrohet ne strukturat europiane.

McCain ka bere thirrje për integrimin e Kosovës së Pavarur në Bashkimin Europian dhe NATO. Sipas gazetës gjermane “Süddeutsche Zeitung”, e cila ka botuar pjesë të fjalimit që McCain do të mbajë në konferencën e NATO-s, ku kandidati republikan ka shpalosur disa nga pikat e platformës së tij nëse do të zgjidhet president i SHBA-së. Nje nder pikat e platformes se toij ka qene dhe Kosova ku kandidati per Shtepine e Bardhe ben thirrje qe Kosoves ti jepet pavaresia dhe me pas te integrohet ne strukturat europiane.
Nder te tjera kandidati republikan për Shtepine e Bardhe, John McCain i ka bërë thirrje NATO-s, për të ftuar Kroacinë, Shqipërinë dhe Maqedoninë të bëhen pjesë e Aleancës Euroatlantike në samitin e Bukureshtit.

Balkan

[RaPSouL]

Mediat amerikane: Pavarësia e Kosoves do te shpallet ne daten 18 shkurt

New York- Mediat amerikane i kane kushtuar ditet e fundit nje rendesi te vecante ceshtjes se Kosoves për të theksuar se ajo gjendet në prag të shkëputjes, para shpalljes tashmë të vonuar të pavarësisë së saj. E përditshmja amerikna “The New York Times” duke cituar burime serbe thotë se udhëheqja shqiptare e Kosovës do të shpallë pavarësinë më 17 shkurt, pra të dielën e ardhshme. Ndërkaq, një burim tjetër perëndimor i thotë gazetës se shpallja do të ndodhë më daten 18, në ora 4 të mëngjesit sipas ores në New York, duke e bërë të pamundur në atë kohë thirrjen nga ana e Rusisë të seancës së jashtëzakonshme të Këshillit të Sigurimit të Kombeve të Bashkuara për ta bllokuar një vendim të tillë.
“The New York Times” citon pastaj dhe deklaratën e kryeministrit Hashim Thaci se "100 vende janë të gatshme të njohin pavarësinë sapo të shpallet', deklaratë kjo që përputhet me një të ngjashme që vjen nga Departmenti Amerikan i Shtetit se pas shpalljes nga ana e kosovarëve “pavarësinë do ta njohin një numër i konsiderueshëm vendesh”. Zëvendës ndihmësekretari i Shtetit për çështjet Europiane dhe Euroaziatike, Kurt Volker citohet të ketë thënë se Kosova shtet i pavarur “do të jetë një vend mjaft stabil' dhe se 'shumica e njerëzve në Kosovë dëshirojnë qetësi”.

(rtk/balkanweb)

[RaPSouL]

Pavaresia e Kosoves, Gates: Reagimi rus do te jete i kujdesshem

Deklarata e sekretarit amerikan te mbrojtjes erdhi gjate konferences se 44-et mbi sigurine qe po zhvillohet ne Mynih te Gjermanise.

Sekretari amerikan I mbrojtjes, Robert Gates, beson se Rusia nuk do te beje zhurme te madhe per pavaresine e Kosoves. Deklarata erdhi gjate konferences se 44-et mbi sigurine qe po zhvillohet ne Mynih te Gjermanise. Gejts tha menjehere pas takimit me zevendes kryeministrin Rus Sergei Ivanov se priste qe Moska te reagonte ne menyre te kujdesshme nese Kosova shpall pavaresine nga Serbia. “Mendimi im personal eshte se ndonese Ruset jane kunder pavaresise se Kosoves, ata do te reagojne ne menyre te kujdesshme” tha Gejts I cili pranoi se gjate takimit me Ivanov nuk e kishte hapur fare çeshtjen e Kosoves. Nderkaq, kryetari I komitetit per punet e jashtme ne dumen ruse Konstantin Kosaçev I cili merr pjese ne konferencen e Mynihut riperseriti qendrimin e vendit te tij kunder pavaresise se Kosoves.

Balkan

[RaPSouL]

Kenge e re per Pavaresin e Kosoves.

http://youtube.com/watch?v=Wi-nR-0BahM

[Dita]

Gazeta austriake Der Standard ka sot nje artikull me titullin "Pergatitje per pavaresi". Gjeja me interesante ne artikull ishte fotografia me te cilen e shoqeronin.

Ajo mbante dicituren:

"Warten auf den 17. Februar: "Glückliche Unabhängigkeit" steht auf dem riesigen Transparent in der südkosovarischen Stadt Kaçanik."

Fotoja flet vete dhe s'ka nevoje per perkthim te dicitures. Kjo per te sqaruar njehere e mire dhe dyshuesit mbi c'kane ne zemer vertet shqiptaret e Kosoves.

[xani1]

Të shtunën e kaluar i kam parë disa njerëz ( të rinj) , të cilët e vizatonin shqiponjën në murin mbrojtës, ku vitin e kaluar rrëshqiste dheu.
Vërtet u ndjeva mirë.

[RaPSouL]

Sarkozy: Me Kosoven ndryshon harta e Evropes

"Duhet ta ndryshoni harten e Evropes, ku duhet te jete dhe Kosova", tha presidenti francez. Sarkozy dhe here te tjera eshte shprehur se Franca do te mbeshtese Kosoven

Presidenti francez, Nicholas Sarkozy ka bere te qarte mbeshtetjen per pavaresine e Kosoves. “Duhet te mesoheni se si duket harta e re e Evropes”, tha Sarkozy duke folur per Kosoven ne nje shkolle.
"Duhet ta ndryshoni harten e Evropes, ku duhet te jete dhe Kosova", tha presidenti francez. Sarkozy dhe here te tjera eshte shprehur se Franca do te mbeshtese Kosoven dhe do te kerkojen vazhdimisht unitet ne BE persa I perket zgjidhjes se ceshtjes se saj.

Balkanweb

[RaPSouL]

Kosova mban frymën deri nesër

Shpallja, Thaçi anulon papritur deklarimin e datës dhe orës


Një telefonatë "diplomatike" ka ndryshuar papritur planin e Kryeministrit të Kosovës, Hashim Thaçi, për të bërë publike datën dhe orën e shpalljes së pavarësisë së Kosovës. Një bombë e shpërthyer pranë zyrës së Bashkimit Evropian në Mitrovicën veriore ka qenë një nga shkaqet kryesore që ka rritur frikën te komuniteti ndërkombëtar, i cili nuk ka "lejuar" kosovarët të nisin festimet që ditën e djeshme. Gjithçka ishte përgatitur në mëngjes, nëpërmjet njoftimeve nga zëdhënësi i Kryeministrit Thaçi. Agjencitë e lajmeve përhapën lajmin se data do të shpallet në orën 13.30 nga kreu i qeverisë së Kosovës, në Qendrën Ndërkombëtare të Shtypit. Një prej zyrtarëve të qeverisë bëri të ditur për "Shqip" se konferenca e Thaçit do të përbënte lajmin e ditës. Stacioni prestigjioz botëror BBC ndërpreu transmetimet për të dhënë direkt evenimentin që ishte paralajmëruar nga Prishtina... Por, Kryeministri Thaçi ka "zhgënjyer" mediat, duke mos e përmendur sërish datën dhe orën e shpalljes së krijimit të shtetit më të ri në Evropë. Zyrtarisht, Thaçi publikoi se do të njoftonte ngritjen e zyrës për mbrojtjen e minoriteteve, që në fakt ishte marrë disa ditë më parë. Pyetjes së gazetës "Shqip" se a ka ndryshim nga axhenda e përcaktuar në lidhje me pavarësinë, Kryeministri Thaçi iu përgjigj se "nuk ka asnjë ndryshim të axhendës, sepse ne po punojmë sipas planit ditor të përcaktuar që më përpara". Një zyrtar i afërt me Kryeministrin, bëri të ditur se ka qenë ndërhyrja e qarqeve diplomatike të Perëndimit, të cilat kanë sugjeruar Thaçin të mos e shpallte festën, duke e argumentuar këtë si një masë sigurie paraprake nga incidentet, por edhe për të pritur takimin mes Presidentit të Shteteve të Bashkuara të Amerikës, George W. Bush me Sekretarin e Përgjithshëm të Organizatës së Kombeve të Bashkuara, Ban Ki Moon, i cili u mbajt dje pasdite (me orën lokale të Shqipërisë) në Shtëpinë e Bardhë.

Incidentet

Pak pas orës 22.30, një sasi tritoli ka shpërthyer në lagjen "Çeta e Minatorëve" në Mitrovicën e veriut, matanë Ibrit, e cila banohet nga serbët. Shpërthimi ka qenë i fuqishëm dhe ka alarmuar menjëherë KFOR-in, UNMIK-un, si dhe institucionet e tjera ndërkombëtare që ndodhen në Kosovë. Me gjithë qetësimet e Shërbimit Policor të Kosovës, zëdhënësi i të cilit, Veton Elshani, tha për "Shqip" se është një ngjarje e izoluar pranë banesës së një qytetari, incidenti nuk kaloi pa lënë gjurmë, pasi ndodhi fare pranë zyrës së observatorëve të Bashkimit Evropian në Mitrovicën e Veriut. Sot në mëngjes mbërrin në Prishtinë kontingjenti i parë i misionit civil të BE-së prej 1800 punonjësish civilë e policë, të cilët duhet të instalohen në të gjitha anët e Kosovës, e veçanërisht në enklavat e banuara nga serbët. Pikërisht hyrja e misionit të Bashkimit Evropian ka qenë një nga shkaqet e tjera të tërheqjes së Thaçit për ta deklaruar datën dhe orën e shpalljes së pavarësinë. Ndërkaq, për të qetësuar situatën, zëdhënësi i Partisë Demokratike të Kosovës citon pikërisht Kryeministrin Thaçi në përgjigjen e dhënë për "Shqip", që "axhenda e pavarësisë nuk ka ndryshuar". Pra, të dielën pasdite, Kuvendi i Kosovës do të mblidhet për të votuar deklaratën e sovranitetit dhe lindjen e shtetit më të ri në botë.

Alarmi

"Edhe pse nuk do të bëjë dëm të madh, Beogradi nuk do të qëndrojë duarkryq", thotë Edita Tahiri, një nga deputetet kryesore të Partisë Demokratike të Kosovës, në pushtet. Një fakt që na e konfirmojnë edhe zyrtarët e qeverisë, të cilët bëjnë të ditur se bllokada e paralajmëruar nga Kryeministri Koshtunica, do të vihet në fuqi që të hënën në mëngjes, por që nuk do të ketë efekt. Por Prishtina nuk ka qëndruar duarkryq për të marrë masat antibllokadë. Qeveria e Kosovës e ka shpallur vendin në "krizë emergjence" për sa i përket furnizimit me energji elektrike, duke autorizuar Korporatën Elektroenergjetike të Kosovës, që të sigurojë sasinë e duhur të energjisë që mund të ndërpritet nga Serbia. Ndërkaq, Ministria e Shëndetësisë po bën analiza të përditshme për ujin që furnizon një pjesë të veriut të Kosovës, i cili vjen nga pjesa ku jetojnë serbët. Të dhëna nga shërbimet inteligjente nuk e kanë përjashtuar mundësinë e kontaminimit, por këto zëra nuk janë verifikuar nga burime zyrtare. Ndërkaq, Ministria e Brendshme, që prej ditës së sotme, do ta mbyllë kufirin me Serbinë në pikat kufitare të Mitrovicës dhe të Merdarës për të parandaluar hyrjen e kontingjenteve të rrezikshme. Zëdhënësi i SHPK-së, Veton Elshani, duke folur për "Shqip", tha se nuk ka vendim zyrtar për mbylljen e kufijve, duke mohuar kështu disa lajme të përhapura, që kanë preokupuar edhe kufirin me Shqipërinë. Elshani tha se kufiri me Shqipërinë jo vetëm që nuk do të mbyllet, por do të shtohet personeli për të pritur një numër sa më të madh qytetarësh që duan të vijnë në Kosovë, me rastin e shpalljes së pavarësisë. Të gjithë rrinë me frymën të mbajtur deri nesër pasdite. Me sytë nga Uashingtoni dhe Brukseli...


Shqip

[RaPSouL]

Solana i telefonon Thaçit: Prit të dielën

Zyrtari i lartë i BE-së këshillon Kryeministrin e Kosovës


Kryeministri i Kosovës, Hashim Thaçi, ka zhvilluar një bisedë telefonike me shefin e politikës së jashtme dhe të sigurisë së BE-së, Havier Solana, ku pikërisht situata aktuale në Kosovë dhe kujdesi për të parandaluar incidentet e mundshme ka qenë thelbi i bisedës. Solana ka folur për gjendjen aktuale në Kosovë, përgatitjet për shpalljen e pavarësisë së Kosovës, bashkëpunimin e mëtejmë ndërmjet Brukselit e Prishtinës, si dhe për stabilitetin në rajon. Nga burime pranë Kryeministrit të Kosovës, bëhet e ditur se ka qenë pikërisht biseda me Solanën që ka shtyrë publikimin e datës së pavarësisë.

Bashkimi Evropian e pret deklaratën për shpalljen e pavarësisë me qëndrime të ndara. Shtetet e BE-së nuk pritet që ta njohin bashkërisht pavarësinë e Kosovës, që, sipas të gjitha gjasave, do të shpallet më 17 shkurt. Qipro thotë jo, Rumania, Sllovakia dhe Spanja kanë rezerva. Kreu i Komisionit Evropian, Zhoze Manuel Barrozo, shfaqi shpresën se të gjitha vendet anëtare të BE-së do të jenë sa më shumë unike në përgjigjen e tyre ndaj shpalljes së pritshme të pavarësisë së Kosovës. "Në rast se autoritetet kosovare shpallin pavarësinë e Kosovës, ne shpresojmë se Bashkimi Evropian të veprojë në mënyrë sa më koherente", deklaroi Barrozo. Një gjë është e sigurt nga pikëpamja jonë: Kosova dhe Serbia janë në Evropë dhe e ardhmja e tyre është në Evropë", tha Barrozo në konferencën për shtyp me Kryeministrin e Suedisë, Fredrik Rajsend.



Shqip

[RaPSouL]

Ligjet nga "Ahtisari", miratim pa debat

Kuvendi i Kosovës do t‘i kalojë me procedurë të përshpejtuar


Kuvendi i Kosovës do të kalojë me procedurë të përshpejtuar ligjet që rrjedhin nga paketa e Ahtisarit. Me dy të tretat e votave deputetët miratuan një mocion të ngritur nga gjashtë grupe parlamentare, me të cilin anashkalohet rregollorja e Kuvendit për mënyrën e miratimit të ligjeve. Në fakt, ka ditë që flitet se Kushtetuta e Kosovës, e cila nuk është bërë publike deri tani, mund të miratohet pa debat, pikërisht se brenda saj bëjnë pjesë ligjet që rrjedhin nga paketa e Ahtisarit. Partitë parlamentare janë marrë vesh paraprakisht të miratojnë gjithçka që ka të bëjë me këtë paketë, pasi kjo është pjesë e kompromisit për pavarësinë e Kosovës.

Mësohet se presioni nga zyrat e huaja, veçanërisht nga ajo amerikane, ka qenë mjaft i madh nëpër komisionet e ekspertëvë që i ka shqyrtuar këto ligje, megjithë gabimet e shumta. Ato kanë insistuar që të kalohet me shpejtësi. Një pjesë e deputetëve të opozitës e justifikuan këtë veprim me faktin se janë zotuar të mbështesin pakon e Ahtisarit dhe se Kosova nuk është në situtatë normale politike.

Ahmet Isufi, nënkryetari i Aleancës për Ardhmërinë e Kosovës, tha se rregullorja e Parlamentit e lejon shmangien nga procedura. "Jemi në një situatë jonormale, sepse jemi para shpalljes së pavarësisë dhe ngutja për të përmbyllur këtë proces është edhe e arsyeshme", tha ai. Ndërsa Nexhat Daci, kryetari LDD-së, tha se nuk po u jepet informacioni i duhur deputetëve. Sipas tij, përbërja e kaluar e Parlamentit i ka bërë lëshimet e dhimbshme e të pakuptimta dhe e kanë miratuar propozimin e Ahtisarit. "Duhet të thuhet se ky është një obligim që lidhet me deklaratën e pavarësisë", deklaroi ai.

Ibrahim Makolli i AKR-së tha se, draftimi i këtyre ligjeve ka filluar menjeherë pas miratimit të paketës së Ahtisarit në Kuvend dhe se nuk po kalojnë pa diskutim. Janë pesë ligje problematikë që kanë në bazë të tyre paketën e Ahtisarit: Ligji që ka të bëjë me kufijtë e rinj komunalë, ku do të krijohen disa komuna me shumicë serbe; ligji për zonat e mbrojtura, që ka të bëjë me manastiret serbe dhe objekte te tjera kulturore; ligji mbi përdorimin e simboleve shtetërore. Këto ligje pritet të miratohen pa debat dhe menjëherë pas shpalljes së pavarësisë. E vetmja që kundërshton këtë veprim të Kuvendit është Lëvizja "Vetëvendosje", e cila nëpërmjet një deklarate shtypi ka kërkuar të mbrohet e drejta e popullit.


Shqip

[RaPSouL]

"Dekikat" e fundit para festës së madhe

REPORTAZH/ Kosova, në pritje të pavarësisë. Udhëtimi drejt Prishtinës, rrëfimi për tortën gjigante dhe premtimi i kryebashkiakut


Makina jonë e ka kaluar me mund atë distancën fare të shkurtër, që ndan Kukësin nga pika kufitare e Morinit. Punimet për superstradën e re e kanë vështirësuar edhe më udhëtimin. "Po këtu tani qënkan vetëm shqiptarë. Ndërkombëtarët paskan ikur!". Njëri prej nesh, që është njohës i mirë i Kosovës, i KFOR-it, UNMIK-ut, bën habi teksa në kufi na përshëndetnin me buzagaz policët e rinj të Kosovës, të gjithë shqiptarë. Të jetë shenja e parë e pavarësisë së vërtetë? A thua do të jemi vërtet dëshmitarë të njërës prej ngjarjeve më të rëndësishme të shqiptarëve apo do të vazhdojmë të presim radhën e gjatë të deklaratave, të cilat prej ditësh bëjnë fjalë për pragje?

Në Prizren mbërrijmë me ditë. Një kioskë në anë të lumit thuajse ka humbur nën morinë e flamujve kuqezi, të cilët valëviten pareshtur. Në fillim qyteti duket ka një tjetër ditë për të shënuar, Shën Valentinin. Të rinjtë e Prizrenit nuk duken edhe aq të interesuar për muhabete të rënda politike, por janë bashkuar grupe-grupe në lokalet e shumtë. E kuqja sot na duket më shumë si ditë e të dashuruarve se sa si ngjyrë që të ngjall kujtime patriotike. Ca nga ca bie muzgu. Tani edhe flamujt, edhe grupet e të rinjve nisin të marrin ca nga ca të njëjtën ngjyrë që mbështjell zakonisht figurat që lëvizin në muzg.

Njëri prej nesh përfiton nga rasti të takojë një mik të vjetër, Mehmet Kodrën, një mjek prizrenas, të cilin e pat strehuar në kohën e luftës së 1999-ës. "Kur po e shpallni Pavarësinë?", është pyetja e parë pas përshëndetjeve të rastit. Mehmeti thjesht ngre supet. "Paj, as vetë nuk po e dimë. U shty shumë kjo punë - na përgjigjet mjeku - Ishalla këtë fundjavë. Po andej nga Tirana si po i përcillni këto ditë pritjeje? Nga që kemi qenë të paqartë as nuk po e dimë mirë se me ba ndonjë plan për ndonjë festë. Ani, s‘ka gja. Vetëm kjo pritje të marrë fund". Mbase ca nga që tashmë nata është bërë e plotë e ca nga që qarkullimi në rrugë ka rënë disi, Prishtina na duket më e heshtur se ditët e tjera. Ndoshta kemi marrë me vete pak nga qetësia e Prizrenit. Natën vonë ikin dritat. Një ndryshim i krerëve të korporatës së këtushme energjetike e ka çuar vendin në krizë dritash. "Nuk u nda errësira edhe këtu", bën shaka njëri prej nesh. Të nesërmen do të njohim një Prishtinë krejt ndryshe, por në ditën e parë të udhëtimit tonë kosovar garën mes dy festave e ka "fituar" Shën Valentini. Akomodohemi në një nga hotelet e reja të kryeqytetit të Kosovës. Në këtë pjesë të qytetit ka ndodhur një bum i vërtetë ndërtimesh. Në fillim ngrehina të thjeshta dhe më pas hotele të vogla janë shtuar në këtë pjesë të qytetit porsa u rrit interesimi i vizitorëve për ngjarjet e këtushme. Miqtë tanë na thonë se me rastin e festës së Pavarësisë priten që të vijnë në Prishtinë më shumë se 800 mijë vetë, ndërsa vetë qyteti ka tashmë 500 mijë banorë. Vonë mbyllim sytë të lodhur nga udha e gjatë. Poshtë nesh, nga një shtëpi e stolisur me flamurin kuqezi, vjen jehona e këngës "Për ty Atdhe…".

Herët në të gdhirë sodisim nga ballkoni ynë Prishtinën që e ka mbuluar një mjegull e butë. Zëri i muezinit na vjen i fortë nga një xhami që e kemi fare ngjitur. Gjëja e parë që na këshillojnë kolegët e këtushëm është akreditimi në UNMIK. Një numër i madha gazetarësh, shumica të huaj, janë vënë në radhë në pritje për të marrë dokumentin që ua njeh punën edhe zyrtarisht. Dokumentet i marrim shpejt dhe kështu më në fund kemi kohë që të njihemi më mirë me atmosferën e qytetit. Disa prej nesh ndjekin punimet e Kuvendit dhe mundohen të marrin vesh ndonjë gjë më tepër për datën e Pavarësisë. Ca kohë më pas pritet edhe që Kryeministri Thaçi të dalë në konferencë shtypi. Ndërsa vazhdojnë hamendësimet pa fund dalim një copë herë andej nga lagja që vendasit e quajnë "Kodra e Diellit". Është një grumbull shtëpish të ulëta, shumica e të cilave janë ndërtuar këto kohët e fundit. Këtu miqësohemi me një vendas. Është Shemsi Krasniqi. Ekonomist, Shemsiu është larguar për në Finlandë sapo filloi lufta e 1999-ës. "Pavarësia është një gjë fort e mirë, megjithëse një akt formal - thotë Shemsiu - megjithëse mua më duket fitorja më e madhe marrëdhëniet që kanë krijuar kohët e fundit, pas zgjedhjeve liderët e politikës. Kur kam ardhur këtë herë Ksova m‘është dukur edhe më e qetë. Kjo asht shumë e rëndësishme edhe për ditët pas Pavarësisë. Qetësia dhe marrëdhëniet e mira janë ato që na kanë munguar. Pavarësia është një fitore e madhe, por nuk duhet parë si ngjarje me humbës. Vetëm kështu do të jetë një arritje e qëndrueshme". Shemsiu na duket fort optimist ndërsa na shpalos në fillim një tablo të gjatë mbi marrëdhëniet që kanë vendasit finlandezë me të huajt. Përvoja e tij si aktivist i këtyre punëve duket se e ka "zbutur" edhe më ekonomistin që ka qenë i pasionuar pas aktiviteteve kulturore. "Kam pasur shokë serbë. Me ta kam shkuar shumë mirë, jemi rritur bashkë me shumë prej tyre ruaj korrespondencë, por tani jemi larg…".

Në një sokak një burrë i vjetër bën mund të zbresë në një rrëpirë të mbushur me gurë. Është Shaqir Gashi që ka ardhur në Prishtinë vitet e fundit. Ka lindur në një fshat afër Graçanicës, vendit që ende quhet si "tabu", për shkak të përqendrimit të popullsisë serbe. "Unë kam qenë xehtar (minator). Kam punuar për 42 vjet me radhë. Kurr nuk kemi pasur probleme me serbët e thjeshtë. Me qeveritë e tyne po se asnji të drejtë se kem pasë. Pastaj ma von janë mashtru nga Milosheviçi dhe atherë janë armiqësue njerëzit. Politika e prishi ma keq kët punë". "A je bërë gati për me pritë Pavarësinë - e pyesim plakun e urtë - posi more. E kam nji kojshi qi ka shumë flamurë, por nuk kam shkua hala se ka qenë i smuet". Baca Shaqir pat shpëtuar nga tmerret e luftës kur u strehua për disa kohë në Turqi. Djali dhe dy vajzat përfunduan në Norvegji. E ka lënë përfundimisht fshatin e tij në afërsi të Graçanicës. "Tash shehri (qyteti) asht ba edhe ma i madh", bën me kokë poshtë, në drejtim të qendrës së qytetit. Vetëm pak metra më larg, ekonomisti Krasniqi na kishte treguar avantazhet e Pavarësisë. "Nuk asht vetëm një dëshirë e vjetër - na pat thënë - keni me e pa. E kush nuk ka me ardhë me investu këtu. Krahu i punës është i lirë, pastaj fuqia punëtore është afër 70 për qind në moshën 17 vjeç". Plaku nuk është aq ekonomist. "Bahet mirë se kurr nji herë nuk kena pasë të drejta - përsërit - po ishalla nuk del ndonji i marrë e na ban ndonji t‘zezë. Boll kena pa keq. Nuk asht mirë për na shqiptarët". Plaku ka mbërritur në fund të monopatit të gurtë. Shpejton të mbërrijë në xhami në orarin e duhur. Ndër këmbë i ngatërrohen disa fëmijë të vegjël që porsa kanë lënë shkollën. Thuajse të gjithë kanë lindur pas 1999-ës. Kush e di se ç‘do të thotë për ta fjala "Pavarësi".

Flamurët, të cilët në fillim i pamë vetëm ndër pika shitjeje, tani i shohim të shtohen. Prishtinasit, që kanë hipur mbi çatitë e shtëpive bëjnë muhabet me njëri-tjetrin. Ndër lokalet e vogla përzihen bisedat për hallet e përditshme me kronikën e Kuvendit që vjen nga ekrani i vogël në cep të murit. Shumë vetë zhgënjehen sërish. Thaçi ende nuk e ka shpallur datën. Kolegët që merren me politikën na thonë se mbase pritet takimi Bush-Ban Ki Mun dhe ardhja e misionit të BE-së në Kosovë. Flamujt megjithatë, valëviten, mbi kryet e turmës së madhe mbi shëtitoren e Prishtinës.

I largohemi ca bulevardit. Mbërrijmë andej nga "ngrohtorja" (kaldaja qendrore). Këtu na kanë thënë se realizohet një nga kuriozitetet më të mëdha të festës: një tortë gjigante. Ramë Uka është pronari i pastiçerisë "Fellini". Ai na tregon se si do ta realizojë tortën gjigante të festës së madhe. "Ka me qenë me përmasa 5 metra me 5 dhe do të peshojë një ton e gjysëm. Kemi llogaritur që nëse i bëjmë porcionet 25 gramshme, atëherë atë mund ta shijojnë deri në 60 mijë vetë". Uka ka nisur të presë edhe radhën e gazetarëve kuriozë të huaj. "Hidhini nji sy vendit ku po punojmë", bën me kokë nga një grup prej afër 20 vajzash. "Për dy ditë e kemi gati krejt tortën", thotë Rama, duke shpejtuar të ndahet me ne. "Mos po presin tortën që nuk po e shpallin datën?", bëjmë shaka me Ukën. "Mor, po le të mos e presin vetëm ta shpallin", përgjigjet pastiçeri.

Ka ardhur koha e edicionit qendror të lajmeve në stacionet kosovare. Spikerët përsërisin të njëjtat që na kanë thënë më parë kolegët tanë. Këto shënime i mbyllim ndërsa na shoqëron zëri i kryebashkiakut të Gjakovës, i cili u premton qytetarëve të tij dhjetëmijë flamurë kombëtarë falas për "ditën e madhe". "Bashkë me Pavarësinë do të vijë edhe rryma…", e dëgjojmë të thotë.


Shqip