O dashuri , Ti ske pleqni!

[Brari]

..Dashuri te bukur i urojme ciftit..



Reporteri i "Reportazh" na raporton...

------------


Si u njoh sheruesja popullore me kreun e ish-te burgosurve








Halili: Ajo ndihmon të gjallët dhe të vdekurit .

Çfarë pëlqeni më shumë tek Sadetja?
"Eshtë një grua e pastër e sjellshme dhe punëtore. Ajo është një besimatare e devotshme dhe një shëruese e shumë sëmundjeve. Eshtë gjithashtu një grua bamirëse dhe me zemër të madhe. Ajo shëron njerëzit falas dhe bën sevap duke larë të vdekurit pa asnjë shpërblim. Por mbi të gjitha ajo din të ndihmojë të gjallët. Për këtë arsye të gjithë e respektojnë".
Disa mendojnë se në moshën 70-vjeçare është tepër vonë për të bashkëjetuar me ndonjë grua...
"Këtë e thonë ata që nuk kanë mbrritur në këtë moshë. Mjafton të them këtu se unë takohem çdo ditë me politikanë të ndryshëm dhe kam nevojë për shërbim, larje, shplarje, hekurosje, etj".

70 vjeç. Çfarë ndodh në këtë moshë me ndjenjat e dashurisë ndaj gruas
"Pleqëria është rinia e dytë. Njeriu mund të dashurojë në çdo moshë, por ndjenjat nuk mund t'i komandojë siç bën me arsyetimet. Kur lind afrimiteti, njeriu duhet të japë vendimin. Një libër i fundit që ka bërë bujë nëpër botë titullohet "Thuaji zemrës 'po". Unë vetë nuk e kam mbaruar së lexuari por mund të them se është ndër më të mirët".
Nëse Sadetja nuk do ta pranonte propozimin tuaj, si do të vepronit?
"Faktikisht ajo e pranoi, sepse arsyetonte dhe ndjente njëlloj si unë".

Sadetja: Halili, njeriu që kam ëndërruar

Përse vendosët të lidheshit me Halilin, në moshën 65 vjeçare?

"Mua më ka vdekur burri para 35 vjetësh. Gjatë gjithë kësaj kohe kam punuar me nder për të rritur dy fëmijët e mi. Duke pasur besimin e plotë tek Zoti i madh që është në qiell, këtë gjë e kam arritur, duke ruajtur besnikërisht nderin e tim-shoqi. Por erdhi një moment kur vetmia nuk është e lehtë për t'u përballuar. Erdhi pra, momenti kur unë kam nevojë për të bashkëpunuar me një njeri, në mëmyrë që të konsultoj me të, veprimet dhe gjykimet e mia".
A keni gjetur tek Halili, karakteristikat e njeriut që keni ëndërruar?
"Po. Halili është një njeri paqësor dhe i përkryer. Atë e duan të gjithë shokët dhe çdo njeri që e njeh e vlerëson pozitivisht. E them me plot gojën se jam shumë e kënaqur me të".
Si e kaloni kohën e lirë së bashku?
"Ne nuk kemi shumë kohë të lirë, sepse unë jam e zënë gjatë gjithë ditës me vizita ndaj të sëmurëve, të cilët i shëroj dhe i rikthej në gjendjen e tyre të përditshme. Edhe Halili është i zënë me punët e shoqatës dhe vazhdimisht është i shoqëruar me gazetarë e politikanë".
A jeni zënë ndonjëherë deri në atë masë sa t'ju dëgjojnë komshijtë?
"Asnjëherë. Të gjithë e dinë mirë dhe mund t'ju thonë se sa harmoni ka familja jonë".




Atë mbrëmje ai vinte nga Parlamenti, ku politikanët i falen ligjit. Ndërsa ajo vinte nga Xhamia e Etem Beut, ku myslimanët i falen Zotit. Ishte pikërisht muaji janar i vitit 2002, ora 18.00, kur dy të dashuruarit filluan të masin kohën me rrahjet e zemrave, ashtu siç kishte ndodhur dikur në rininë e tyre të hershme. Halil Kurti ishte 70 vjeç, ndërsa Sadetje Tukiçi, 65 vjeç. Ata që kundërshtojnë proverbin se "dashuria nuk njeh moshë", duhet të trokasin në shtëpinë e tyre për të kuptuar se në pleqëri emocionet e dashurisë janë më të shumta se sa në rini, ndërsa puthjet janë po aq drithëruese sa edhe në moshën 16-vjeçare. Sepse çdo dashuri e re është në fund të fundit një arsye e plotë për të menduar që jeta është e bukur.

Takimi
"Halili po dilte nga Parlamenti me vëllanë e Skënder Gjinushit, ndërsa unë sapo kisha mbaruar lutjet e darkës në Xhaminë e Etem Beut". Kështu e nis rrëfimin e saj për njohjen me Halilin, Sadete Tukiçi, e cila punon si mjeke popullore e shumë sëmundjeve psikologjike e seksuale. Më tej Sadetja thotë se Halili iu drejtua asaj në emër dhe i kërkoi ndihmë për të vizituar e mjekuar një motër që kishte në Krujë. "Për të më siguruar se ishte njeri i ndershëm ai kërkoi që udhëtimi ynë në Krujë të shoqërohej edhe nga ndonjë persone e tretë, por unë nuk pata aspak frikë nga sytë e tij paqësorë dhe prandaj pranova të shkoj e vetme pas tij", vijon Sadetja. Dhe çuditërisht, ndërsa bota është e mbushur me miliona historira përdhunimesh e ngacmimesh seksuale, midis tyre kishte ndodhur ajo që nuk pritej. Halili nuk e kishte ngacmuar në asnjë rast gjatë rrugës, e madje ishte treguar tepër korrekt e xhentil me të. "Pasi shërova motrën e tij në Krujë, u kthyem në Tiranë dhe kur arritëm tek shatërvani unë i kërkova leje të largohesha, pasi kisha një vizitë në rrugën "Bardhyl", por ai më tha, "jo, mos ikë". Kështu rrëfen Sadetja historinë e lidhjes me njeriun e saj të zemrës, me të cilin më vonë kishte vendosur të jetonte e të vdiste në emër të dashurisë, paqes e mirëkuptimit.

Propozimi
"Kur po ktheheshim, pranë shatërvanit ajo më kërkoi leje të largohej, por unë i thashtë të mos ikte sepse kisha dy fjalë të fundit për t'i thënë". Kështu vazhdon rrëfimin e ngjarjes, Halili, pikërisht aty ku e la atë Sadetja. "Për t'i shfaqur propoziminin, tim, në fillim e ftova të pinim një çaj së bashku, por ajo, në fillim nuk pranoi dhe më pas u bind se kisha për t'i thënë diçka të rëndësishme", shton Halili. Më tej biseda e tyre është zhvilluar në tryezë, ku kamarjerët dhe bufetjerët kanë qenë dëshmitarë të një bisede të pazakontë. Në ato tavolina ku të rinjtë e të rejat pinin konjak e putheshin pa druajtje në sy të klientëve të tjerë, një çift simpatik të mosharish kish nisur një bisedë dashurie. "Ne duhet të jetojmë bashkë sepse kemi nevojë për njeri-tjetrin". Ky kishte qenë përfundimi i bisedës. Pastaj ata kishin dalë jashtë, ku binte shi dhe ku vetëtimat shkarravisnin qiellin me dhjetra hieroglife adresash, ndërsa Halili e kish pyetur Sadeten: Cila është adresa e shtëpisë tënde". Por pak kohë më vonë të dy kishin filluar të kërkonin në Tiranë një shtëpi me qera për të lidhur përfundimisht jetën dhe vdekjen me besnikërinë ndaj njeri tjetrit. Dhe pikërisht poshtë një çatie, larg zogjve, dëshmitarëve, parlamentarëve dhe hoxhallarëve, çifti kishte realizuar puthjen e parë.



Halil Kurti, kryetar i shoqatës së ish-të Dënuarve dhe Persekutuarve Ordinerë

Fëmijët

Sadete Tukiçi ka dy fëmijë, një djalë e një vajzë. Me kohë ajo është bërë gjyshe dhe shpeshherë i gëzohet zërave të nipërve e mbesave që i kërkojnë t'i tregojë ndonjë përallë. Burri i ka vdekur para 35 vjetësh, ndërsa gjatë gjithë mungesës së tij, ajo është falur njerëzisht që shpirti i tij paqësor të shkojë në parajsë. Nga ana e tij, Halil Kurti ka 5 fëmijë të martuar e të trashëguar me plot nipër e mbesa. Ai madje ka ende të gjallë gruan e tij në Burrel, ku ajo gjendet e sëmurë dhe lëngon në shtrat prej shumë vitesh. Për këtë, në mënyrë krejtësisht të njerëzishme ajo i ka dhënë leje me kohë Halilit që të martohet, ose të bashkëjetojë me ndonjë grua tjetër. Sepse thonë se në pleqëri, gruaja është më e domosdoshme se sa në rini. "Para se sa të merrja vendimin përfundimtar unë kam pyetur fëmijët dhe gruan, të cilët ranë dakort që të merrja në shtëpi një grua tjetër", thotë Halili. Arsyet e pamundësisë së gruas së parë për t'i shërbyer lidhen me gjendjen e saj shëndetësore.

Historia

Kjo është një histori e zakonshme për mijra dhe miliona njerëz në botë, por në kushtet e zhvillimeve shoqërore të Shqipërisë veçohet si e çuditshme. Faktikisht, marëdhëniet e çiftit janë tepër njerëzore me një besnikëri absolute midis njeri-tjetrit. Vetë Halili nuk shikon asnjë femër tjetër në rrugë, ndërsa Sadetja njihet prej kohësh për karakterin e lartë dhe korrektesën e saj. Madje ajo, falë aftësive të saj ka ndihmuar të bashkohen edhe shumë çifte të rinjsh, të cilët në momente të caktuara kanë pasur periudha krizash. Tani gjendja e tyre ekonomike është përmirësuar dhe të dy kanë celular. Por Sadetja e cila ka shumë kërkesa nga të sëmurët, në numrin e saj, 0692384693, pret sidomos të dëgjojë zërin e Halilit. "Ai është shumë i zënë me problemet e shoqatës së ish-të persekutuarve të e dënuarve ordinerë, (jopolitikë), prandaj gjatë gjithë ditës ka takime me zyrtarët e lartë të shtetit, për të zgjidhur hallet e anëtarëve të shoqatës", thotë Sadetja. Në këtë kuadër, Halili thekson se kjo shoqatë kërkon "shpërblimin e punës së papaguar të diktaturës, njohjen e kësaj pune për pensionin dhe integrimin e rehabilitimin e tyre në jetën shoqërore". Vetë Halili është duke përjetuar një periudhë të lumtur të jetës së tij, por ai thotë se shqetësohet për të gjithë anëtarët e tjerë të kësaj shoqate.

Kush është Halil Kurti

Halil Kurti është kryetar i shoqatës së ish-të Dënuarve dhe Persekutuarve Ordinerë. Ai ka lindur në fshatin Karricë të Matit, më 3 mars të vitit 1932. Shkollën fillore e ka kryer në Karicë, ndërsa tetëvjeçaren e të mesmen në Burrel. Më pas Halili ka kryer studimet e larta në Fakultetin Ekonomik, në degën Ekonomi Kontabël, në Tiranë. Pas studimeve ka punuar në Burrel në sektorin e administratës publike. Në vitin 1974 ka kryer dënimin me burg, (me akuzë për vrasje) ku ka dalë në vitin 1986. Menjëherë pas përfundimit të dënimit ka punuar si dizenjator me rrogë në minierën e Kromit në Batër, (atje ku kreu dënimin). Në vitin 1992 themelon shoqatën e ish-të burgosurve ordinerë, (jopolitikë), ndërsa në vitin 2002 ka hedhur kandidaturën për President të Shqipërisë.


Kush është Sadete Tukiçi?

Sadete Tukiçi është një grua rreth 65 vjeç, por datëlindja e saj e saktë nuk dihet, sepse nuk është fiksuar në gjendjen civile. Ajo rrjedh nga një familje me tradita shkodrane dhe është motra e këngëtarit të mirënjohur Ibrahim Tukiçi. Gjatë fëmijërisë së saj ka mësuar si autodidakte turqishten dhe arabishten, ndërkohë që babai dhe nëna kanë qenë hoxhallarë. Ajo ka përvetësuar metodat popullore dhe fetare të shërimit të disa sëmundjeve dhe aktualisht punon në shtëpinë e saj për të vizituar pacientët. Dikur ka punuar në Kombinatin e Tekstileve dhe për shumë kohë është marrë me edukimin e fëmijëve në kopshte e çerdhe. Aktualisht, banon përballë shkollës së mesme të përgjithshme “Partizani” dhe merr një pension të zakonshëm nga shteti.




---------------------


..

[MI CORAZON]

Se shpejti do te kemi nje feste te re!

[Shtojzovallja]

Brari

Ke harruar Tosin dhe Xho-xhonë more ti. Shëmbulli më i freskët i thënies që dashuria nuk ka kufinj moshe apo bukurie.

Me respekt Shtojzoja.