Bregedeti shqipetar vend pushim apo vend semundje

[Qendi]

Velipoja, Shengjini, Durresi, Vlora... vendet ku rekomandojn pushim (plazh) deti

Stafillokoku, streptokoku, gonokoku krijesa qe me bollesi gjenden ne keto ujera..

Rinofaringiti, semundjet e veshit, lekures e deri tek meningjiti i trurit dhurata nga keto krijesa

Problemet e para e deri tek pasojat per jete dhurata jetesore qe njeriu mund ti fitoj nga nje plazh ne bregdetin shqipetar.

A jane apo jo te verteta keto pohime? Nese jane si mund ti bindim pushuesit e ketyre hapsirave qe te 'devijojn" drejt hapsirave me te pasterta seq mund ti hasin ne bregdetin shipetar

Qka mund te bejm ne si diskutues te kesaj forme qe gjerat te ndryshojn per se mbari, qe spitalet dhe klinikat tona te mos mbushen me pacient te "rastit"

[Qendi]

Në bregdetin shqiptarë janë pikat turistike të cilat ndihmojnë shumë shëndetin e njeriut, sidomos është Plazhi i Durrësit .... Në Shqipëri duhet zhvilluar industrin e turizmit sepse përmes këtijë zhvillimi ndihmojmë edhe punsimin. Bukurit natyrore dhe ekologjia e cila është në Shqipëri janë përparësit të cilat i lejon të gjitha llojet e turizmit .....

Pritet që në të ardhmen të bëhen investime në të gjitha pikat turistike kryesore nëpër Shqipëri për më tepër lexone këtë shkrim në vijim.


ZONA BREGDETARE, kryesisht zona midis Velipojës ne veri dhe Karavastasë në qender dhe zona nga Gjiri i Vlorës dhe bregdeti jonian deri në kufirin grek në jug.

ZONA E BRENDSHME, kryesisht zonat pranë liqeneve dhe lumenjve.

Projektet në këto zona monitorohen nga Ministria e Turizmit dhe e Rregullimit të Territorit.

Sipas strategjisë së Bankës Europiane për Rindërtim dhe Zhvillim, parashikohet që të shtohen rreth 100 000 shtretër deri në vitin 2010.


Idetë për Investime

- Peshkimi dhe Gjuetia

- Qendrat kulturore për festivale muzike dhe folklorike

- Zonat turistike, hotelet, fshatrat turistike dhe qendrat e konferencave

- Qendrat e kampingjeve në zonat malore

- Vizitat në zonat arkeologjike

- Mundësitë për të udhëtuar me anije dhe jahte

- Qendra golfi dhe tenisi

- Krijimi i zonave turistike malore dhe pranë liqeneve, veçanërisht në zonën perëndimore dhe jugore të vendit.


Gjatë viteve të ardhshme do të zhvillohet një infrastrukturë e përshtatshme në bashkëpunim me investitorët.


"Turizmi elitar" është një çështje shumë e rëndësishme për planifikimin kombëtar. Synimi kryesor është krijimi i një turizmi të klasit të parë që të mund të konkurojë me vendet e zhvilluara mesdhetare. Investimi total arrin në 150 milionë dollarë, që përfshin edhe Europapark Hotel (me katër yje) ndërtuar nga Rogner (Austri) dhe rindërtimin e Hotel Tiranës nga D.V Alba (Itali), një motel në Linzë, pranë Tiranës dhe 20 vila në kryeqytetet të ndërtuara nga Mak Albania, degë e M.A Kharafi. Të tjera projekte për hotele do të përfundojnë së shpejti në Golem në Adriatik, në Drilon të Ohrit dhe në Llogara. Disa projekte kanë nisur, përfshi këtu edhe një projekt për ndërtimin e dy fshatrave turistike në Ksamil, në jug të vendit me vlerë 43 milionë dollarë dhe 10 milionë dollarë. Mak-Albanian do të ndërtojë dy fshatra turistike Ksamil dhe Golem. Ndërsa pritet të realizohet edhe një projekt prej 2 milionë dollarësh për një zonë turistike në Orikum të Vlorës.

Në afërsi të Vlorës ndodhet një nga zonat më të bukura në Shqipëri. Bregdeti Llogara-Qeparo ka një plazh të pastër, ujë të pastër si dhe male e pemë ullinjsh në afësi të tyre. Pas zhvillimit, në këtë zonë mund të pushojnë 6 150, pa përfshirë këtu vizitorët e ditës. Rreth 4 650 persona mund të qëndrojnë në komplekset e akomodimit dhe të tjerët në hotele më të vogla. Komplekset e hoteleve në Palasë do të kenë 1 300 dhoma, ndërsa në Dhërmi rreth 300 të tilla. Në zonën e Jalës dhe Vunoit do të ketë 210 dhoma, ndërsa në Himarë 350.


Teatri i Butrintit

Në zonën e Qeparosë do të ketë 320 dhoma, por menaxherët planifikojnë një kalim gradual të turizmit sipas kërkesave të banorëve. Projekti do të ketë edhe mundësi të tjera për turistët krahas banjos së diellit dhe notit në plazh. Turistët do të kenë mundësi të vizitojnë fshatrat përreth, të provojnë gatimet dhe pijet karakteristike në restorante. Në zonat si Palasa, Dhërmiu, Ilias, Vunoi, Himara, Piluri, Kudhësi dhe Qeparoja do të ketë mundësi më të mira akomodimi.

Në procesin e ndërtimit të strukturave të plota turistike përfshi këtu edhe zhvillimin e qendrave të golfit, tenisit, diskove, pishinave dhe kazinove parashikohet edhe rindërtimi i portit të Himarës me një kosto minimale prej të paktën 1-2 milionë dollarësh, ku do të ankorohen anije të mëdha. Alternativa tjetër për të shkuar në Himarë do të jetë nga ajri, nëpërmjet ndërtimit të aeroporteve në Sarandë, Vlorë apo Gjirokastër. Zona është e pasur me ullinj, portokalle, mjaltë dhe burime natyrore. Në të njëjtën kohë, natyra e mrekullueshme, flora dhe fauna krijojnë bazat për zhvillimin e turizmit në veri të Shqipërisë. Thethi, Lura, liqenet, Alpet, veçanërisht fshati Valbonë, në rrethin e Tropojës, si dhe një serë vendesh piktoreske janë shumë tërheqëse për turistët

http://www.tetova.de/modules/myalbum/photo.php?lid=709

http://www.tetova.de/modules/myalbum/photo.php?lid=708



Sarandë, ja si e përjetojnë të huajt turizmin shqiptar

Turistë nga Italia, të mahnitur jo vetëm nga bukuria e Sarandës, por edhe nga mikpritja e shqiptarëve

Ata kanë dëgjuar shumë të flitet për Shqipërinë, për hiret që zotëron natyra shqiptare. Disa i kanë shijuar dhe janë rikthyer sërish për t'i parë, ndërsa të tjerë vijnë për herë të parë, për t'i vërtetuar me sytë e tyre fjalët që u kanë thënë. Të huajt e pëlqejnë shumë Shqipërinë, po, mund ta themi me plot gojën: natyra shqiptare i ka mahnitur. Rrugëve të Sarandës, një prej qyteteve turistike më në zë, të sheh syri shumë të huaj me çanta në krah, të veshur me pantallona të shkurtra që ecin në grup dhe duket sikur duan të nuhasin çdo gjë që u del përpara. Ka nga ata që vijnë çdo vit për të bërë pushimet në Shqipëri. Massimo Fogagnolo, nga Veneto e Italisë, ka ardhur së bashku me familjen për pushime në Sarandë. Është viti i dytë që ai ka zgjedhur të pushojë në Shqipëri. Ai thotë: "Në Shqipëri kemi gjetur vende që meritojnë të shikohen, që nuk mund t'i krahasosh me vende të tjera, si për shembull Syri i Kaltër. Ka qytete karakteristike dhe kemi vizituar disa kala, të cilat na kanë impresionuar". Fabio Scire dhe bashkëshortja e tij, Tania, banues në Breshia të Italisë, vizitojnë për herë të parë Shqipërinë. Fabio thotë se ato që i kishin thënë për Shqipërinë ishin të vërteta, sepse ka parë vende shumë të bukura. "Më pëlqen natyra, kam vizituar shumë vende, por nuk ishin kaq të bukura. Natyra këtu është ashtu siç e ka krijuar Zoti, ende nuk është vënë dora e njeriut",- shprehet ai. Ndërsa Tania tregon se duhej të vinte në Shqipëri, që të shikonte për herë të parë një qiell me kaq shumë yje, që shihen kaq qartë nga toka.

Në mediat e huaja qarkullojnë lajme të këqija në adresë të shqiptarëve, për këtë arsye, ka të huaj që dyshojnë nëse Shqipëria është vërtet një vend i bukur dhe me njerëz të mirë. Një ndër ta është edhe Antonella Palmitessa, nga Bari i Italisë. "Isha shumë kurioze ta shihja. Miqtë e mi flisnin shumë mirë për Shqipërinë, por unë nuk e besoja. Prandaj, doja ta shihja me sytë e mi. Kam parë më shumë nga ç'më kishin treguar. Kur të shkoj në Itali, do t'u them se Shqipëria nuk është ajo që mendojnë ata. Duhet ta shikojnë më sytë e tyre. Unë jam një dëshmitare e gjallë, që Shqipëria është shumë e bukur",- tregon. Natyra shqiptare është e egër, por mbi të gjitha është e sinqertë. Kështu e vlerëson Maria-Rosa Salla, nga Veneto e Italisë. Ajo thotë: "Mua më pëlqen shumë deti. S'më pëlqejnë vendet ku ndërtohen shumë pallate. Më pëlqen Shqipëria, me stilin e saj antik. Kur shoh njerëz me veshje tradicionale, më pëlqen shumë. Është bukur të shohësh se si një popull ka ruajtur kulturën dhe traditat e veta, pavarësisht nga evoluimi i kohës". Gjuha shqipe, krejt e ndryshme nga gjuhët e tjera të Evropës u pëlqen turistëve. Maria-Rosa, e përmendur më sipër, thotë se i pëlqen shumë kjo gjuhë, pasi ka një tingull të ëmbël.

"Në fillim, kur e dëgjoja thosha s'kam për ta kuptuar kurrë, por sa më shumë thellohem, aq më shumë më pëlqen". Mikpritja, ky virtyt i çmuar, i bën të huajt të ndihen rehat në shoqërinë e shqiptarëve. Kur i pyet se çfarë të pëlqen më shumë nga kultura shqiptare, gjëja e parë që thonë është mikpritja. E pra, jo më kot qarkullon shprehja se "shqiptarët vdesin për të huajt". Muzika popullore dhe vallet tradicionale, alegria dhe gjallëria e shqiptarëve në këto ditë të nxehta i ka lënë më gojë hapur turistët. Michele Palmitessa, nga Puglia e Italisë tregon se: "Shqiptarët janë njerëz të mirë, janë shumë mikpritës të gjallë, shumë alegro. Kur kërcejnë e shkarkojnë gjithë alegrinë e tyre dhe kjo është një gjë e mahnitshme". Ndërsa Antonella e përmendur më sipër, qesh, dhe me habi thotë se shqiptarët nuk lodhen kurrë se kërcyeri. Kurse Fabio premton se kur të kthehet në Itali, do t'u mësojë miqve të tij Vallen e Katjushkës. Italianët i duan vallet tona, shumica prej tyre kanë blerë disqe me muzikë popullore shqiptare, veçanërisht këngët e Jugut, që të kenë mundësi t'i kërcejnë kur të kthehen në vendin e tyre. Qeshin me të madhe dhe provojnë t'i kërcejnë këto valle, ndërkohë që janë në breg të detit, edhe kur gabojnë, provojnë sërish.

Jetojnë matanë detit, kanë një stil jetese të ndryshëm nga i yni, pa rrugë të prishura dhe pluhur, por, ata i vlerësojnë ngjyrat, shijet, ndjenjat e forta që të ngjall kjo tokë, toka shqiptare, duke i quajtur ato të pakrahasueshme.