SHBA: Statusi i Kosoves do te shtyhet/ngrihet deri me 2020

[Kosovar2006]

Prishtinë, 27 tetor —
Nëse versioni i shpalljes së njëanshme
të pavarësisë deri më tash është
konsideruar si i vetmi opsion real
për zgjidhjen e statusit të Kosovës,
nga diplomatët perëndimorë është
duke u konsideruar edhe një version
tjetër që parasheh ngrirjen e
procesit për statusin e Kosovës.
Një projekt i një pjese të administratës
amerikane për ngrirje të
procesit të negociatave ka mundësi
që t'i propozohet palëve negociuese,
në mënyrë që së paku për
disa vite bota ta heq nga agjenda
problemin e statusit final të Kosovës.
Një zyrtar amerikan i ka thënë
Express-it, në kushte anonimiteti,
se tashmë shihet qartë që një kompromis
midis Bashkimit Europian,
Shteteve të Bashkuara të Amerikës
dhe Rusisë, as që shihet në horizont.
E çka është më keq, ekziston
mundësia e një përafrimi të qëndrimeve
evropiane dhe ruse, duke
e lënë në pozitë krejt të palakmueshme
SHBA-në
"Perëndimorët dhe rusët janë
rrasur në një lojë që tashmë nuk e
dinë as vetë se si mund të dalin nga
kjo krizë e krijuar në Kosovë. Çdo
lëvizje e theksuar, lehtë mund të
krijojë humbës të ri, armiqësi të
mëdha dhe të reja. Prandaj, shumica
e vendeve të përfshira në
proces - nuk janë të përgatitura të
marrin vendime radikale", ka thënë
diplomati.
Me vendimet radikale, ky diplomat
ka aluduar në njohjen e shtetit
të Kosovës, jashtë një procesi në
OKB dhe pa ndonjë rekomandim
të Këshillit të Sigurimit.
Ai ka treguar se në disa qarqe diplomatike
tashmë po konsiderohet
seriozisht gjetja e një rrugëdaljeje
të mirë për të dyja palët.
"Një zgjidhje në të cilën nuk
është humbës askush, sepse fitorja
e ndonjërës nga palët negociatore,
ose njërit bllok diplomatik, as
që po shihet në horizont".
Sipas tij, ideja dhe propozimi parasheh
nxjerrjen e Kosovës nga
stagnimi i krijuar nga mungesa e
gjetjes së kompromisit jo vetëm
midis shqiptarëve dhe serbëve, por
edhe Shteteve të Bashkuara, BE'së
dhe Rusisë, për statusin.
Si rrugëdalje konsiderohet një
ngrirje e procesit, për një afat më
shumë të gjatë se që është menduar,
pranim i çdo marrëveshjeve
të mëparshme, zëvendësim i misionit
ndërkombëtar dhe investime
miliardëshe në Kosovë - për të
kompensuar stagnimin e krijuar,
që do të nxirrte të gjithë nga ndeshja
direkte dhe kriza.
Sipas të njëjtit diplomat, skenari
i shpalljes së pavarësisë së
njëanshme ende mbetet si opsion.
Mirëpo, ai tregon se shumica e
vendeve europiane të cilat më herët
e kanë përkrahur Planin e Martti
Ahtisaarit, tashmë nuk e kanë të
njëjtin disponim për njohjen e
njëanshme te pavarësisë së Kosovës.
"Andaj shpallja e njëanshme,
mund të gjejë mbështetje më të
vogël se që është menduar dhe kjo
do të mund të thellonte krizën edhe
më tej në Kosovë", ka shtuar ai.

[Edvin83]

epo le te bejme lufte atehere meqe nuk duan qe ne te jemi te lire....nuk na mbetet gje tjeter!

[mondishall]

Jane presione keto tani qe po afron fundi i misionit te nje trojke dhe pragu i mundesise se shpalljes se njeanshme te pavaresise nga kosovaret. Nese gjithe Kosova do ngrihet njezeri dhe do vendose vete shpalljen e pavaresise, keni per te pare si do bien poshte keto pallavra keqndjellese. Ashtu sikurse vete e filloi luften per pavaresi dhe me pas u ndihmua nga NATO-ja, keshtu mendoj te veprohet tani vete paqesisht duke shpallur mevetesine dhe me siguri do perkrahet nga shume shtete te NATO-s dhe SHBA. Po u pranua ngrirje e procesit, mos prisni shkrirje te tij, para akujve veriore e jugore te globit.

[brooklyn2007]

Keto jane vetem ngacmime per te matur barometrin e durimit/reagimit te paleve te perfshira ne kete ceshtje. Eshte heret te mendosh se kjo perben rrymen kryesore te politikes se jashtme Amerikane karshi Kosoves e cila ka kohe qe eshte institucionalizuar pro-pavaresise se Kosoves. Por duke vleresuar politiken e jashtme amerikane ne te kaluaren si nje politike shume koherente dhe sidomos kjo ndaj ceshtjeve shqiptare, mendoj se perfundimi do jete nje pavaresi e njeanshme dhe e njohur e para nga SHBA-ja.

[Kosovar2006]

Siq thoshte Sevdai Radogoshi ne humorin e ti ' NA KAN BO AKëLL, AKëLL' Evropa Shtrige e Amerika Lavire e Rusi Katile mundohen tash te na mashtrojn me para qe te mbesin prap te pa lir. Erdh Nentori un ne Mars ne ket forumi thash se do te kthena dhe do te lyp pergjegjsi nga disa forumista ketu qe ather ja futshin KOT.

E vetmja alternativ eshte tash Vetshpallje e nese jo ather Luft kunder atyre qe na kundershtojn synimin e Pavarsis kushdo qe te jet Po ksi heri luft duhet te ke Edhe Preshev edhe Maqedoni e Sanxhak

Prishtinë, 28 tetor —
asi që e gjithë klasa politike është
e hutuar pas zgjedhjeve,
e pasi që realiteti për
zgjidhjen e statusit politik
të Kosovës është
shumë më i komplikuar
se sa duket, një zyrtar amerikan
ka zgjedhur gazetën Express
për të plasuar disa ide
të reja që janë duke u diskutuar në
State Departament për statusin e
ardhshëm të Kosovës. Biseda me
ketë zyrtar nuk është zhvilluar në
Prishtinës, kurse karakteri i saj ishte
shumë konfidencial. Kriza në të
cilën është futur Kosova, thotë burimi
i gazetës, e kanë ndikuar që
në Departamentin e Shtetit të bie
entuziazmi për njohje të pavarësisë,
në rast të shpalljes nga Kuvendi
i Kosovës, e të mendohet për
rrugë tjera.
"Janë dy çështje para nesh: Ta
njohim pavarësinë e Kosovës bashkë
edhe me një grusht të shteteve,
duke shkaktuar probleme të
mëdha globale dhe rajonale, zgjidhje
kjo që nuk do ta afektojë aspak
përmirësimin e ekonomisë së
vendit tuaj; apo të heqim dorë për
disa vite prej pavarësisë formale,
duke relaksuar gjithë rajonin, por
që kjo zgjidhje të shërbejë si katalizator
i zhvillimit ekonomik të Kosovës",
tha ky zyrtar i besueshëm
amerikan.
"Ngrirja deri në vitin 2020 e statusit
politik të Kosovës, nënkupton
shkrirje të krizës ekonomike
të Kosovës, e nënkupton gjithashtu
edhe zgjidhjen më të mirë të
mundshme për të ardhmen tuaj",
vazhdoi rrëfimin ky zyrtar.
I njëjti thotë se janë disa probleme
që e kanë komplikuar punën
së tepërmi, e sidomos për SHBAnë.
Këtu pa dyshim sfida më e
madhe është që pavarësinë e Kosovës
nuk do ta njohin aq shumë
shtete, çfarë është shpresuar më
parë dhe nën dy, çka mund të bëhet
me këtë territor prej 2 milionë
banorësh nëse vërtet njihet i pavarur.
Pra, si të shkohet më tutje,
kur Kosova nuk ka ulëse në OKB;
kur Kosova nuk ka perspektivë ekonomike;
kur Kosova do të ketë probleme
të vazhdueshme me shtetin
më të madh fqinj; dhe kur Europa
gjithashtu do të ketë probleme
me Serbinë, e cila edhe ashtu
është duke shikuar në drejtim të
Rusisë. Njohja e pavarësisë së Kosovës
nënkupton që në mënyrë të
menjëhershme të krijohen dy shtete
jo stabile për Bashkimin Europian:
Kosova dhe Serbia.
Prandaj thotë ai, të zënë në pozitë
të palakmueshme, SHBA-të
janë duke menduar për një opsion
tjetër.
"Ai është që deri në fillim të vitit
2020 statusi politik i Kosovës të
shpallet i ngrirë. Kjo ngrirje, në ketë
rast nuk nënkupton edhe ngrirje
ekonomike. Përkundrazi, Kosova,
sipas kësaj ideje, gjatë kësaj periudhe
kohore do të përjetonte bumin
më të madh ekonomik që
ndonjëherë e ka njohur".
Mandej, ky zyrtar në vija të trasha
ka treguar se çka parasheh, plani
i ri për të ardhmen e Kosovës.
"Korniza e një statusi, sikur ai i
Hong Kongut, deri në vitin 2020;
ndërsa me 5 janar të këtij vitit
(2020) organizimin e një referendumi
për statusin final. Gjithashtu
parashihet, që BE dhe SHBA të
paguajnë një çmim për ketë periudhë
kohore. Kjo nënkupton intervenim
të fuqishëm financiar vjetor
për Kosovën, në vlerë prej 7 miliardë
eurosh në çdo vit buxhetor",
thotë burimi i gazetës. Ai thotë se
Kosova do të shndërrohej plotësisht
ose pjesërisht në një territor të
ashtuquajtur "Free Trade Zone"
(zonë e lirë tregtare), që nënkupton
lehtësira doganore për secilin
investim të jashtëm që vjen këtu.
Sipas këtij burimi, nëse kjo ide
kalon, atëherë do të vazhdojnë të
mbeten në fuqi të gjitha pikat e pajtimit
që kanë arritur palët gjatë
negociatave të deritashme. Pra,
thotë ai, do të futet në përdorim
edhe ajo pjesë e Planit të Ahtisaarit
që flet për rregullimin e brendshëm
të Kosovës, dokument që
është aprovuar edhe nga Kuvendi
i Kosovës.
"Pjesë e marrëveshjes do të jetë
edhe e drejta e Kosovës për të qenë
anëtare e organizmave financiare,
si Fondi Monetar Ndërkombëtar
dhe Bankës Botërore, për të
cilën gjë është pajtuar edhe Serbia.
"Asnjë shtet nuk është i interesuar
që të ndihmojë Kosovën aq
fuqishëm financiarisht por kjo
është ajo që ne e njohim si White
Peace (v.j. Paqe pa përfitues). Në
ketë rast nuk do të fitonin politikisht
as serbët e as shqiptarët, sikurse
as Perëndimi e as Rusia. Të
vetmit përfitues në ketë rast do të
ishin banorët e Kosovës, të cilët
do të mundnin ta ngjallnin ekonominë
e Kosovës".
Burimi tregon se këto mjete të
mëdha financiare do të mund të
menaxhoheshin prej Qeverisë së
Kosovës, nën mbikëqyrje të BE-së
dhe SHBA-vë. Ndërsa, forca e
mbrojtjes që do të siguronte Kosovën
do të ishte, ashtu sikurse
dhe tash, paqeruajtësit e NATO's.
"Qëllimi është që deri në ketë
vit Kosova të forcohet ekonomikisht
sa të jetë në gjendje që t'i bashkohet
BE-së me shpejtësi që tash
nuk mund të paramendohet".
Mandej ky zyrtar, ka folur për
konsekuencat e njohjes së njëanshme
në aspektin ekonomik. Sipas
tij Kosova nuk do të mund të
përfitonte asgjë nga shpallja e pavarësisë,
përveç një satisfaksion
moral. Kjo, thotë ai nuk e ndihmon
aspak ekonominë e vendit,
e as që e hap ndonjë perspektivë
për integrim në BE. E aq më tepër
jo, kur dihen të gjitha ato pakënaqësi
të shumë vendeve të Bashkimit
Europian për një shtet të ri.
"Një kompromis kohor (freezing
period) duhet të jetë respekt
ndaj angazhimit të miqve dhe armiqve
në proces. E gjithë kjo mund
të konkludohet se koha e ka koston
e vet".
Ai numëron disa arsye pse një
zgjidhje e tillë është duke u shqyrtuar:
"1. Është shpëtimi i fytyrës
për administratën amerikane. 2.
Zbutje e Rusisë me Perëndimin.
3. Kjo do të ishte katalizator i stabilitetit
në Europë. 4. Partitë që
gjenden në pushtet momentalisht
në Serbi do të merrnin fryme
më lirisht, me shpresën që pas 12
vjetësh forcat radikale në ketë vend
do të margjinalizohen tërësisht,
duke e pasur Kosovën jashtë agjendës.
5. Përfitim për cilëndo parti
që vjen në pushtet në Kosovë,
sepse do të kishte fatin që ta shtynte
vendin ekonomikisht përpara".
Në anën tjetër, thotë ky burim i
gazetës, zgjidhjet tjera janë, ose
luftë ose një kompromis krejtësisht
i pafavorshëm për perspektivën
e kosovarëve por edhe të mbarë
rajonit.

[Borix]

se nga i gjeni keto lajme...

[Edvin83]

Sipar balkanweb kjo u pergenjeshtrua nga Washingtoni.

[Kosovar2006]

Fjalet e nje burri
Agim Ceku
'Askush nuk mund të na mashtrojë duke na ofruar para. Nuk
presim marrëveshje për pavarësinë dhe do ta shpallim atë
disa ditë pas 10 dhjetorit. Konsensusi i brendshëm po rritet
për të caktuar një datë dhe këtë po ua themi partnerëve
ndërkombëtarë. 12 ditë janë shumë, e lere më 12 vjet.
Kryeministri Agim Çeku,

Anglisht thuhet ' YOU CAN TALK THE TALK but CAN YOU WALK THE WALK'

[Llapi]

Qëndrimi i SHBA rreth statusit i pandryshuar

Zyrtarët amerikanë në Washington nuk janë marrë dhe as kanë komentur shkrimet e mediave në Kosovë për mundësinë e shtyrjes apo siç u tha ngrirjes së zgjidhjes së statusit të Kosovës për 13 vjetët e ardhshme, deri më 2020.
Cdo përpjekje për të marrë ndonjë deklaratë lidhur me shkrimin që bëri lajm, ishte ose 'nuk dimë', 'nuk jemi të informuar', ose i referoheshin deklaratës së shefes së Zyrës Amerikane n Prishtinë, Tina Kaidanow, se qëndrimi amerikan është artikuluar tashmë shumë herë nga
zyrtarët më të lartë amerikanë. Një burim, i cili foli me kushtin që të mos i përmendim emrin, tha se nuk përjashtonte mundësinë e ideve të tilla që 'mund të
qarkullojnë, qoftë edhe në Departmentin e Shtetit', megjithatë shtoi se kjo mund të ishte 'një spekulim', dhe ritheksoi qëndrimin se 'mendimi mbizotërues dhe vijë zyrtare e politikës amerikane ndaj Kosovës, e pandryshuar, mbetet që pas përfundimit të negociatave
shtesë statusi i saj të zgjidhej sa më shpejtë'.
Këtë qëndrim e ka theksuar zëdhënësi politikës së jashtme amerikane nga podiumi zyrtar të paktën tri herë gjatë muajit tetor, duke nënvizuar se 'nëse deri në fund të periudhës së vendosur për negociata nuk do të ketë një marrëveshje midis palëve, ajo që presim të ndodhë
është vendimi për ecje përpara me pavarësinë e mbikëqyrur që do të jetë në përputhje me propozimin e planit të Ahtisaarit'. Padyshim se zgjidhja më e dëshirueshme, siç kanë thënë shumë herë
zyrtarët amerikanë, është një marrëveshje midis palëve e cila do të ishte e pranueshme për të gjithë, mirëpo në mungesë progresit duhet të pasojë një vendim sepse, 'ka një kufi sa mund t'i jepet kohë negociatave'./S.gashi/
RTK 30 tetor 2007 - 08:39:49

[Morning star]

Do bejm lufte apo do rrim te flasim ne forum??

Ec pra kapni armet, akoma ktu ju?