Buxheti i shtetit shqiptar: Miratohet buxheti per vitin 2012, 396 miliard lekë

[SERAFIM DILO]

Realist sipas teje kush nuk eshte pro Sales o eshte komunist, o eshte edvinist, o eshte ne nje shkalle te larte depresioni, o eshte serb, o eshte grek, o eshte lesh, presh e pershesh e futja kot se nuk merr vesh... Ne jemi popull dhe kerkojme gjithmon llogari nga ata qe jane ne pushtet, qofte ky Sala, apo Edi, apo ruci, apo Tosi e lesh mollosi... Nuk na rruhet hic se kujt force politike i perket apo te gjykojme personalitetin e cdo lideri qofte ky dhe nje majmun, nese ky vepron ne interes te kombit dhe atdheut, atehere jemi me te. Por ne rastin e fatkeqsive te tilla si Fatos Nano e Sali Berisha me shoke e kelysha te tjere si Ruca e Gjinusha ish antare partise se punes... jo miku im, ti mundohu sa te duash te mbulosh diellin me shoshe, ne e duam atdheun tone dhe do themi gjithmon te verteten. Nuk joshemi nga nje kothere e qelbur qe ju hedhin juve kryetaret e partive dhe vini e na derdellisni ktu me argumentet me idiote dhe te paskrupullta qe mund ti thuhen nje shoqerie te shumvuajtur si ajo shqiptare...

Egzakt.
Po prandaj jemi katandisur keshtu,se ka njerez qe nuk kuptojne as elementaren,se si duhet qeverisur.....

[landi45]

o sa mire me qene shqipetare kur na qeveris nje gomare

[EdiR]

Mendoj se ky shkrim e ploteson debatin per buxhetin per te pare te dyja anet e medaljes.

Buxheti, mes piramides dhe mosbesimit
Nga Ermelinda Meksi
Debati per buxhetin eshte me i rendesishmi ne jeten parlamentare te nje vendi, sepse ne te projektohen politikat e zhvillimit, por edhe menyra e zhvillimit te tij ne parlament se fundi qe me shume se zhgenjyese. Jo vetem nga mungesa e prezences pothuajse totale te qeverise ne kete debat, por dhe e permbajtjes se diskutimeve te maxhorances qe krejtesisht e zbrazet propagandistike. Maxhoranca edhe ne kete debat ne vend te argumenteve mbi arsyet e ketij rishikimi te vonuar te buxhetit, vazhdoi gati ne panik traditen e sulmit mbi opoziten duke bere si zakonisht rolin e opozites se opozites ne vend te shfaqte me qetesi e argumente si do perballoje drejtimin e vendit ne kete situate te veshtire te krizes politiko-ekonomike. Analiza qe shoqeron buxhetin e ketij viti eshte e paqarte dhe e dyshimte. Prandaj me eshte dashur shume pune mbi shifrat e tij per te kuptuar se c'po ndodh, per shkak te mungeses se statistikave te besueshme dhe analizes se qarte qe na afroi relacioni i buxhetit 2011. Nderkaq, nga nje analize profesionale, del se buxheti i ketij viti mbeshtetet mbi te njejten logjike te piramides te se kaluares dhe piramides se buxheteve pararendese. Kjo logjike, sic kemi argumentuar edhe me pare, po kercenon seriozisht stabilitetit makroekonomik. Nje muaj me pare ne debatin per buxhetin faktik kryeministri na premtoi se do sillte per rishikim buxhetin e vitit 2010, sepse sipas tij te ardhurat qenkeshin rritur si asnjehere ne turizem dhe se shpenzimet e shtrenjta te infrastruktures rrugore po sillnin bumin ekonomik. Nderkohe nuk kam asnje iluzion per kete premtim krejtesisht te pamundur per tu realizuar, sepse ritmet e zhvillimit ekonomik sic do analizoj me poshte nuk ja mundesojne kete premtim. *** Ne vend te nje reflektimi serioz mbi buxhetin 2011, besueshmeria e te cilit duhej te mbeshtetej ne realizimin e pritshem te 2010, ju vazhdoni retoriken se per 2011 na keni sjelle nje buxhet te ri qe sipas jush eshte me i madhi ne historine e tranzicionit. Por a nuk ka qene gjithnje ne historine e tranzicionit buxheti i nje viti nominalisht me i madh se i nje viti me pare, dhe per pasoje me i madhi historik per ate kohe? Cdo te thote pra buxheti historik me i madh? Nuk ka buxhet historik, as te madh, as te vogel. Buxheti eshte i kushtezuar nga mundesite materiale dhe financiare te vendit. Parimi kryesor duhet te jete "shtrirja e kembeve sa ke jorganin". Ky parim gjen zbatim qe nga familja, deri tek shteti me i fuqishem sepse askush nuk te jep borxh pa fituar. Prandaj qeveria ne vend te ketij qendrimi amatoresk dhe mburracak duhet te zbrese me kembet ne toke. Buxhetet kane qene vazhdimisht deficitare, mezi kane perballuar pagat dhe pensionet ne nivel minimal, me pak mundesi per investime ne infrastrukture, edhe pse stoku i borxhit publik po rritet cdo dite. Prandaj nuk kemi te bejme aspak me nje buxhet historik, ne te kunderten kemi nje buxhet qe si ne nivelin e te ardhurave dhe ate te shpenzimeve eshte sa buxheti fillestar i 2010, qe vjet ne kete kohe u diskutua me eufori ne kete kuvend nga kolege te maxhorances qe si dhe sot anatemuan pa argumente opoziten per cdo kritike qe ajo shfaqi edhe vjet. Koha tregoi se e drejta ishte ne anen tone dhe ju e korrigjuat buxhetin per 2010 por pa asnje reflektim per kete. Prandaj sot ne vend te flisni per buxhet historik duhet te pranoni se jeni me 1 vit vonese, nga qe perseri nuk vleresoni me realizem te tashmen ne menyre qe te shmangni euforine dhe pasojat e saj ne te ardhmen. Por qeveria perseri nuk terhiqet nga premtimet euforike, qe nuk do i realizoje dot brenda vitit 2010 si vit i cudirave kur turistet erdhen lume dhe te ardhurat nga turizmi dhe aktiviteti ekonomik na rendisin te paret ne klasifikimin europian e pertej sic degjuam perseri nga maxhoranca ne debatin per buxhetin. Duke u thelluar ne analizen per performancen ekonomike te 2010, perdora shifrat zyrtare tuaja megjithese te vonuara (vetem dje mezi sigurova te dhenat fiskale 10mujore dhe ato doganore per 9 mujorin) dhe jo te plota, duke humbur ore te vyera per ti zberthyer si duhet shifrat per kete analize me qellim qe opinioni publik qe na ndjek te kuptoje se kush ben politiken e megafonit dhe kujt i mungon vizioni. Nga kjo rezulton se shtesa e te ardhurave nga tatime e doganat prej 10 miliard leke ka ardhur vetem nga doganat ndersa rritja nga tatimet eshte ose 0 ose negative. Ky rezultat jo vetem qe nuk flet per bum ekonomik po perkundrazi per rrudhje dhe pasiguri ne aktivitetin privat te biznesit, prandaj te ardhurat tatimore nuk rriten ne 10 muaj kundrejt 2009. Kush flet per rritje te aktivitetit ekonomik ne keto kushte, mbetet te kenaqet me rrobat e bukura te mbretit ne perrallen e Andersenit. Ne se keni te dhena te tjera me pergenjeshtroni duke na i prezantuar ne kete parlament. Detyra jone eshte te bejme prezent me argumente kete realitet buxhetor pastaj le te na gjykojne shqiptaret.

[Deni_Boy]

TIRANË- Kuvendi kalon me 71 vota pro, 53 kundër buxhetin faktit të 2010 por nuk miratoi p/ligjet që kërkojnë shumicë të cilësuar votash.
Miratimi i buxhetit erdhi pas 4 orë debate mes deputetëve të maxhorancës dhe opozitës mbi treguesit makroekonomik të këtij buxheti. Deputetët e maxhorancës deklaruan se mënyra se si u përdorën paratë e taksapaguesve shqiptarë bënë që vendi të mos përfshihet në vorbullën e krizës ekonomike globale. Por, deputetë të opozitës theksojnë se buxheti i vitit 2010 rriti borxhin publik për çdo qytetar shqiptar.

Në replikë u përfshi dhe kryeministri Berisha, dhe ish- kryeministri socialist, ( gjate 1999) sot deputet. Pandeli Majko: Qeveria si anija e Titanikut, në vend lulëzon mafia e pronave. Replikon Berisha: Se c'ndodhi me Titanikun atë e faktoi 8 Maji. Për kompensimin e pronarëve ndjekim rrugë të ndershme.

Opozita bllokoi sërish sot votimin për miratimin e Gjykatës Administrative, një ndër p/ligjet që kërkon 3/5 e votave i mbetur peng prej më shumë se 2 vitesh për shkak të mungesës së votës. Votimi i p/ligjit " "Për gjykimin e Mosmarrëveshjeve Administrative dhe Organizimin e Drejtësisë Administrative" ishte parashikuar në pikën e katërt të rendit të ditës.

Kryetarja e Kuvendit ftoi deputetët e opozitës të votonin p/ligjet për ngritjen e Gjykatës Adminsitrative si dhe ndryshimet në 5 kode ai ajror, rrugor, penal, hekurudhor dhe detar.Por Kryetari i grupit parlamentar të PS-së, Gramoz Ruçi deklaroi: Nuk morëm përgjigje për ofertën tonë. Reagoi dhe kryetari i grupit parlamentar të PD-së, Astrit Patozi: "Po bllokoni integrimin". Ndërsa kryeministri akuzoi opozitën: "Ju po votoni kundër rritjes së rrogave dhe pensioneve."

KUVENDI ORE PAS ORE

Ora 16:33 MIRATOHET BUXHETI FAKTIK,
Kuvendi miratoi me 71 vota pro buxhetin faktit të 2010. Miratimi i buxhetit erdhi pas disa orësh debate mes maxhorancës dhe opozitës në seancë parlamentare. Kundër buxhetit votuan 53 deputetë. U miratuan edhe dy p/ligje të tjera. Ai "Për një ndryshim në ligjin "Për mënyrën dhe procedurat e shitjes së pronave të personave juridikë jobankarë që kanë marrë hua nga publiku i gjerë" të ndryshuar", si dhe p/ligji për "Për ratifikimin e marrëveshjes ndryshuese ndërmjet Këshillit të Ministrave të Republikës së Shqipërisë dhe Qeverisë së Austrisë për realizimin e një sistemi kompjuterik për regjistrin themeltar të gjendjes civile në Shqipëri

BRACE: 97 % E RRITJES EKONOMIKE VJEN NGA BORXHET
Ora 16:00 Gjatë debatit për buxhetin faktit të 2010, i cili vazhdoi dhe në orët e pasdites së punimeve të kuvendit, nënkryetari i Grupit Parlamentar të PS-së, Erion Brace akuzoi Berishën se po tallet me shqiptarët për rritjen ekonomike dhe se buxheti i vitit 2010 rriti borxhin publik për çdo qytetar shqiptar.
Nga foltorja e parlamentit Erion Braçe tha se “Rritja ekonomike është stimuluar nga borxhet të mëdha publike dhe private”.
“Shtesa e borxhit publik zë 97 % të asaj rritjeje ekonomike që raportohet nga qeveria” - deklaroi deputeti socialist duke shprehur shqetësimin se “Po prekim pikën kritike të borxheve.”

Sipas Braçes një nga përfitimet e rritjes ekonomike duhej të ishte punësimi, por “qeveria gënjen për shifrat e papunësisë.”
“Ku është rritur punësimi? Mjafton të numëroni sa të papunë keni në shtëpinë tuaj, më pas në pallatin, në bllokun tuaj dhe do shikoni që shifrat nuk përputhen.
Deputeti socialist tha më tej se nëse do të ishte reale rritja ekonomike, “Do të ndryshonte raportet me zërat e ndryshme të të ardhurave por një gjë e tillë nuk provohet.“

Në replikë Kryetari i Komisionit Parlamentar të Ekonomisë dhe Financave, deputeti demokrat, Edmond Spaho tha se "Shqipëria ka një reputacion serioz dhe ka shlyer të gjitha borxhet e trashëguara nga regjimi komunist." Ai u bëri thirrje opozitës "për të mos përhapur panik me deklarata që nuk i përgjigjen realitetit".

MAJKO: QEVERIA SI ANIJA E TITANIKUT, BERISHA: ATË E FAKTOI 8 MAJI
Ora 14:45- Deputeti i Partisë Socialiste Pandeli Majko e akuzoi sot kryeministrin e vendit se ka folur jashtë teme në parlament, duke e nisur diskutimin e tij me vdekjen e Stive Jobs, në një kohë kur opozita priste seriozitet për buxhetin faktik.

Ndërsa duke e krahasuar qeverinë me anijen e Titanikut, Majko shtoi se dihet fundi që e pret atë.
“Ne e dimë shumë mirë se Titaniku ynë ka ajzbergun përballë, të kishit ardhur me seriozitet në Parlament pa e filluar me Sitive Jobs, të na kishe besuar buxhetin. Titaniku ka përballë ajzbergun ti na thua është akullore...Ti je kryeministër, mbaj vendin që të takon, mos bëj deklarata për pensionistët, se na vë në pozitë të vështirë kur thua nuk kujdeseni ju”, tha Majko.

Duke u shprehur kundër buxhetit faktik, Majko tha se në të nuk janë përfshirë dëmshpërblimet për pronarët e tokave. Duke folur për to, Majko tha se vendi është mbërthyer nga mafia e pronave dhe përmendi rastin e atentatit ndaj gjyqtarit Konomi.
“Ministrat tuaj a i keni pyetur se sa është borxhi që shteti shqiptar duhet t’i njohë të përndjekurve dhe ish-pronarëve? Mbajte një faqe e gjysëm retorikë për Stive Jobs por a e di ti se një djalë i ri, një gjykatës u vra në mes të Vlorës nga mafia e pronave që sot është realitet? Ti shpike legalizimin, legalizove antikomunizmin dhe pastaj shtëpitë e ndërtuara në tokë të paligjshme. Ky është realiteti, ky është buxheti faktik, nuk e votoj këtë legalizim buxheti”, përfundoi Majko.

Në replikën e tij, kryeministri Berisha u shpreh se qeveria e tij do të ndjekë një rrugë të ndershme për kompensimin e ish-pronarëve dhe dëmshpërblimin e të përndjekurve, ndërsa shtoi se historia me anijen e Titanikut u faktua në 8 Maj.

“I nderuar zotëri se cfarë ndodhi me Titanikun atë e faktoi 8 Maji. Nuk është se nuk notuam, nuk është se nuk u ballafaquam, problemi është se ju keni dhuntinë e vetmë që realitetin ta pranoni sic ju pëlqen juve dhe jo sic është. Ti për 8 vite me radhë nuk ju dhe asnjë qindarkë të vetme as pronarëve dhe as të përndjekurve. Nuk zbatove asnjë gërmë për ligjin e të përndjekurve, ndërsa për pronarët nuk bërë asnjë ligj. Jam i vetëdijshëm që ata sot kanë marrë pak, por jam i vendosur për një rrugë të ndershme të dëmshpërblimit dhe të kompensimit të tyre”, shtoi Berisha.

BERISHA: KRIJONI KOMISION PARLAMENTAR DHE HETONI
Ora14:35 Duke ju përgjigjur akuzave ë kreut të grupit parlamentar të PS Gramoz Rui, kryeminsitri Berisha nënvizoi se ai repekton që opozita të jetë sovrane, por kjo sipas tij nuk do thotë se ai ndikon në mendimet e saj. Ndërkohë Berisha tha se opozita gënjën për rritjen e Tvsh, pasi ajo është ulur gradualisht gjatë kohës që PD ishte në pushtet..

“Nëse i thoni shqiptarëve që ka 13 % kjo dhe aq kjo tjetra me dashje dhe padashje u thua shqiptarëve që keni mundësinë ti gënjeni. Tvsh ishte 21% dhe tani ëhstë të 22% në kohën tonë. Krijoni komision parlamentar dhe hetoni. Mua më duhet të mbroj interesat e qytetarëve”,- theksoi Berisha.

RUÇI: JU RRITËT CMIMET E USHQIMEVE DHE ILACEVE
Ora 14:30 Kreu i grupit parlamentar të PS Gramoz Ruci gjatë replikës së tij me kryeminsitrin Berisha e akuzoi se nuk foli asnjë fjalë për buxhetin faktit të 2010, por i drejtoi gishtin e përgjegjësisë opozitës për dështimet e tij.

“Nuk jam unë që duhet të flisja për problematikën. Ju nuk folët asnjë fjalë për buxhetin, por për opozitën, nuk ka kryeminsitër që të drejtojë gishtin nga opozita, por është opozita që duhet të drejtojë gishtin nga qeveria. Ti nuk ke të drejtë për atë që duhe të japësh llogari të kërkosh llogari”,- theksoi Ruci.

Duke ripërsëritur një shprehje e kreut të qeverisë se ‘fytyrë njerëzore e qeverisë është buxheti’, Ruci deklaroi se qeveria në pushtet ka arfëruar shqiptarët dhe nuk ka plotësuar dy kushtet jetike që janë ilacet dhe ushqimet.
”Fytyra njerëzore e qeverisë është buxheti, kjo fjalë e jotja është e vërtetë. Qytetarët shqiptarë nga bijetesa e tyre shihet nga dy elementë, nga ushqimi që hanë dhe ilact që kurohen. Ju rritët tvsh-në, ndërkohë që për ilacet mund të them që ju ken qënw mjek i vlerësuar nga shqiptarët por ato nuk do ta falin që e kë dërguar shëndetësinë 1 shekull prapa",- deklaroi Ruci.

BUXHETI FAKTIK, BERISHA-OPOZITËS: VOTUAT KUNDËR RRITJES SË PENSIONVE
Ora 14:15- Gjatë fjalës së tij në Kuvend kryeministri Berisha foli për buxhetin faktik të vitit 2010 dhe akuzoi opozitën se vota e tyre kundër këtij buxheti nuk do të thotë gjë tjtër vecse votë kundër rritjes së pensioneve, rritjes së rrogave e ndihmës ekonomike.

"Se si ua bën zemra që votoni kundër ju e dini, në xhepat e qytetarëve shqiptarë ka shkuar një pjesë të mirë e buxhetit të qeverisë. Kjo qeveri e ndjeshme dhe e vetëdijshm se investimi tek njeriu është investimi kryesor, qeveria e ndjeshme dhe e vetedijshme që ka shumë familje që përballen me lot mjerimi ka vendosur rritjen e rrogave, pensioneve dhe ndihmës ekonomike. Kjo qeveri e një vendi të vogël i dha qytetarëve ritjen më të madhe në historinë e tyre. Cështë ky negativizëm, a e dini ju që në 8 vite kemi vendosur 13 mld lekë vetëm në pensione. Nga 50 mld lekë që ishte fondi i pensioneve, sot është 106 mld lekë”, tha kryeministri Berisha.

Gjatë fjalës së tij Berisha u shpreh se qeveria e tij ka rritur “subvencionin e ilaceve nga 50 mld lekë që ishtë në kohën tuaj në 250 mld lekë”, tha ai.
Duke i kërkuar deputetëve të opozitës të pendohen për veprimet e tyre, Berisha shtoi se “Paratë e buxhetit do shkojnë për të modernizuar vendin”.

RUCI: NUK MOREM PERGJIJGE PER OFERTEN; PATOZI: PO BLLOKONI INTEGRIMIN
Ora 13:00- Kreu i grupit parlamentar të Partisë Socialiste Gramoz Ruci, ka akuzuar maxhorancën që për të disatën herë po ngarkon me përgjegjesi opozitën për mos integrimin e Shqipërisë në BE, ndërsa e ka ftuar atë të miratojë draftin prej 10 pikash. Ruci gjatë fjalës së tij theksoi se opozita po pret akoma përgjigje për propozimin e Paktit Kombëtar prej 10 pikash.
“Jo nuk e doni integrimin, kemi kaq ditë dhe paktit të ofertës tonë nuk i është dhënë përgjigje institucionale”.

Nga ana tjetër homologu i tij demokrat akuzoi Partinë Sociliste se po ndjek rrugën e bllokimit për integrimin e vendit, ndërkohë që pak ditë e ndajnë vendin nga dhënia e vendimit për fatin e Shqipërisë.

“Jemi të gatshëm të plotësojmë 12 pikat e Komisionit Europian dhe 52 rekomandimet të OSBE/ODIHR dhe cdo standart të Parlamentit Europian. Kjo është përgjigjia jonë. Ne nuk ju imponojmë konceptet tona, por kemi një kërkesë në interes të qytetarve, hiqni postbllokun e integrimit.

Kreu i grupit parlamentar të PD theksoi se partnerët ndërkombëtar presin një angazhim më të madh nga klasa politike shqiptare, ndërkohë që opozita mban peng vendin nëpërmjet paktit prej 10 pikash.

“Bashkimi Europian pret prej nesh plotësimin e 12 rekomandimeve dhe 5 prej tyre janë përfshirë edhe sot në agjendën e Parlamentit por që opozita nuk pranon t`i miratojë duke përdorur 10 pikat për të bllokuar integrimin”,- theksoi Patozi.

BODE: PS KA SHITUR 95% TË FRIMAVE PIRAMIDALE
Ora12:05 Ministri i Financave, Ridvan Bode gjatë fjalës së tij në Kuvend deklaroi se ndryshimet e propozuara në ligjin "Për mënyrën dhe procedurat e shitjes së pronave të personave juridikë jobankarë që kanë marrë hua nga publiku i gjerë, të ndryshuar", synojnë bërjen atraktive të pronave të mbetura të bllokuara për mungesë interesi.

Bode akuzoi Partinë Socialiste për mënyrën e shitjes së 95 % të pronave të ashtuquajtura firma piramidale.
"Kush i mori pronat e këtyre firmave. PS ka shitur 95 % të këtyre aseteve. Me çfarë çmimi janë shitur këto prona dhe kujt u janë dhënë pronat e firmave piramidale për të shlyer çdo qindarkë lekët që morën përsipër në fushatën e vitit 1997",- u shpreh Bode.

Opozita e kundërshtoi p/ligjin me argumentin se këto ndryshime nuk do të mund të sjellin rezultate në atë që synohet.

NISHANI: PRODHIMI I LETËRNJOFTIMEVE ELEKTRONIKE I SIGURT
Ministri i Brendshëm, Bujar Nishani siguroi se sistemi i prodhimit të letërnjoftimeve elektronike si dhe pasaportave biometrike është 100 % i sigurtë.
"Ju garantoj se sistemi i prodhimit të letërnjoftimeve elektronike dhe pasaportave biometrike është sistem i sigurisë 100 %. Askush nuk mundet që me të njëjtat të dhëna personale dhe me shenja gishtash të ndryshme të prodhojnë një dokument identiteti apo udhëtimi",- siguroi mnistri.

Gjatë debatit në Parlament mbi projektligjin "Për ratifikimin e marrëveshjes ndryshuese ndërmjet Këshillit të Ministrave të Republikës së Shqipërisë dhe Qeverisë së Austrisë për realizimin e një sistemi kompjuterik për rregjistrin themeltar të gjendjes civile në Shqipëri", Nishani u shpreh se ka patur tentativa për të prodhuar karta me dokumenta të tjera të lëshuara nga zyra të tjera, siç është çertifikata e lindjes të falsifikuara, të cilat vetë siguria e sistemit ka ndihmuar në këtë rast institucionet e shtetit shqiptar.

NIS SEANCA
Ora 11:00 Nisi rreth orës 11:00 seanca e sotme e Kuvendit, ku pritet të vihet sërish në provë pozita dhe opozita pasi një sërë draftesh ligjore të parashikuara për seancën e sotme kërkojnë për miratim një shumicë të cilësuar votash.

Fillimisht në shqyrtim u mor pr/ligji "Për një ndryshim në ligjin "Për mënyrën dhe procedurat e shitjes së pronave të personave juridikë jobankarë që kanë marrë hua nga publiku i gjerë" të ndryshuar".

Rendi i ditës së seancës është mjaft i ngjeshur. Beteja politike do të rihapet sot pasi për votim janë pr/ligjet për gjykatën administrative, ndryshimet në kodin penal, kodin rrugor, kodin detar, kodin ajror dhe kodin hekurudhor.

Të gjitha këto nisma ligjore kërkojnë 84 vota. Nuk dihet ende qendrimi i socialistëve për seancën e sotme por kujtojmë se më herët këto pr/ligje janë shtyrë për shkak të mungesës së konsensusit. Në rendin e ditës është përfshirë edhe ligji mbi transmetimet radio-televizive, miratimi i buxhetit faktik për vitin 2010.

Në seancën e sotme ishte parashikuar edhe një interpelancë me ministrin e Punëve Publike Transporteve dhe Telekomunikacioneve, Sokol Olldashi kërkuar nga deputeti i PS Erjon Brace, por ajo është shtyrë për javën tjetër

(s.g/m.a/e.m/BalkanWeb)

[Brari]

kte pune do bejne ushtaret e ed verit te rucit..
u a ka dhene 10 hipokrizim..


pikzat shefi..

1-pengim
2-sabotim
3-dredhim
4-triblim
5-ankim
6-maskim
7-mashtrim
8-ulerim
9-djallezim
10-hipokrizim..

jan mjeshtra te medhenj..

.

[Albo]

Merr 74 vota pro: Buxheti, zbardhet debati i Berishës me socialistët

Seanca 13-oreshe/ Kuvendi miratoi sot në orët e para të mëngjesit me 74 vota pro dhe 56 kundër buxhetin për vitin 2012. Replikat e plota të Berishës me Blushin, Klosin, Xhaçkën dhe Finon. Blushi: “Sheshi më jep mundësi të shkoj më shpejt në shtëpi, por e keni hipur Skënderbeun mbi një lopë”.

PS, 8 kushte për buxhetin: Të rritet taksa për ministrat
PS deklaron votën kundër buxhetit. Ruçi: Nuk zgjidh 12 prioritetet e BE
Blushi: Të paaftët që qeverisin, nuk janë as të dhimbsur

Kryetari i Grupit Parlamentar socialist, Gramoz Ruçi, gjatë fjalës së tij i kërkoi maxhorancës dhe qeverisë të plotësojë tetë pika që opozita të japë votën e saj për buxhetin e 2012-s. Kreu i Grupit të PS-së kërkoi uljen e taksave për pagat mesatare dhe rritje për pagat e deputetëve dhe ministrave. Ruçi iu rikthye propozimeve për heqjen e TVSH për produktet ushqimore.
Një nga propozimet e Grupit Parlamentar socialist ishte dhe ulja e TVSH-së në 50% për miellin, vezët, vajin etj. Gjithashtu socialistët kërkojnë dhe heqjen e TVSH-së për ilaçet, pasi sipas kreut të Grupit Parlamentar të PS-së, shqiptarët paguajnë 10% TVSH për shërbimet shëndetësore. Duke folur për fermerët dhe fshatin, Ruçi i kërkoi Kryeministrit të pranojë propozimin e PS për heqjen e TVSH-së për naftën për fermerët dhe të imputeve bujqësore. Propozimet e PS-së preknin dhe TVSH-në për energjinë elektrike dhe librat. Ruçi kërkoi uljen nga 20% në 6% të TVSH-së për energjinë elektrike, ndërsa për librat shkollorë ai kërkoi heqjen totale të kësaj takse. Dy nga kërkesat që kërkojnë zgjidhje sipas kreut të Grupit Parlamentar socialist ishin dhe qasja e qeverisë ndaj ish-të përndjekurve dhe pronarët. Ruçi kërkoi që qeveria të mos vazhdojë të tregohet hileqare me ish të përndjekurit politikë, por atyre që janë në moshën 75-vjeçare t’u jepet menjëherë dëmshpërblimi. Po ashtu, Ruçi kërkoi ngritjen e një komiteti të përbashkët, që do t’i japë zgjidhje njëherë e mirë problemit të pronave të tyre. Kryetari i Grupit Parlamentar socialist tha se projektbuxheti nuk zgjidh asnjë nga 12 prioritetet e parashtruara nga Bashkimi Europian. “Buxheti nuk ndihmon ekonominë e vendit. Rritja ekonomike ka ndaluar. Ky buxhet nuk shoqërohet me ulje të borxhit publik dhe nuk zbut varfërinë. Ky buxhet nuk ndihmon ekonominë e vendit. Rritja ekonomike ka ndaluar. Ky buxhet nuk shoqërohet me ulje të borxhit publik dhe nuk zbut varfërinë, ky buxhet nuk ul papunësinë dhe nuk ka politika të reja fiskale. Ky buxhet nuk mbështet bujqësinë, arsimin dhe nuk zgjidh çështjen e plehrave, lumenjve e pyjeve. Gjithashtu, ai nuk jep asnjë shpresë për pronarët. Pra, nuk zgjidh asnjë nga 12 prioritetet e BE-së”, theksoi Ruçi.

Blushi
Deputeti socialist, Ben Blushi, e cilësoi buxhetin e qeverisë të paaftë që të luftojë varfërinë. “Ky buxhet nuk është i dhimbsur dhe varfëria kurohet të paktën me dhembsuri. Edhe të paaftët e të këqijtë qëllon që janë të dhimbsur. Të paaftët dhe të këqijtë që qeverisin Shqipërinë, nuk janë të dhimbsur. Kjo është një arsye më shumë pse ky buxhet nuk meriton të votohet”, u shpreh Blushi. Sipas tij, qeveria vazhdon të tatojë njëlloj, me të njëjtën masë takse si të pasurit, ashtu dhe të varfrit. Në një llogari shumë të thjeshtë rezulton se 70% e këtij buxheti rëndon mbi supet e të varfërve. Sepse ka një diferencë të madhe mes mënyrës se si taksoni ju dhe si duhet taksuar në një vend si Shqipëria, një debat që bëhet në të gjithë Europën. “Ju taksoni më shumë punën sesa kapitalin. Si ka mundësi që tatimi mbi fitimin në Shqipëri është i barabartë me tatimin mbi të ardhurat personale? Fitimi tatohet 10%, puna tatohet 10%, një punëtor tatohet 10%, po aq dhe një kapitalist shqiptar. Por këta s’mund të jenë të barabartë karshi kontributeve dhe shoqërisë në përgjithësi”, u shpreh deputeti socialist gjatë fjalës së tij. Duke folur për borxhin publik, Blushi tha se ai duhet të përfshihet në Kushtetutë. “Borxhi mbetet një problem kronik i Shqipërisë. Ai po zhyt ekonominë e Europës, sepse qeveritë paraardhëse nuk bënë sa duhet që ta kontrollonin atë. Ne kemi thënë se ka ardhur koha se ai duhet kufizuar me ligj ndoshta dhe me Kushtetutë, ky duhet të jetë një debat që duhet bërë në këtë Parlament. Borxhi publik kufizon jo vetëm këta që janë sot në qeveri, por ndoshta dhe ne nesër në pushtet, nëse edhe ne do ta kthejmë në fizarmonikë kredimarrjen”, u shpreh Blushi.

Propozimet e PS per buxhetin
1. Të hiqet TVSH-ja për pagat mesatare. Deputetët të paguajnë më shumë se mësuesit, mjekët, policët, infermierët etj. Jemi gati ta votojmë projekt/buxhetin nëse pranohet ky propozim.

2. Sot shqiptarët paguajnë dy herë më shumë TVSH për ushqime si miell, vezë, vaj etj. Duam që të përgjysmohet TVSH-ja për këto produkte.

3. Shqiptarët paguajnë 10% TVSH për shërbimet shëndetsore. Duam që sistemi shëndetësor të vihet në binarë që t’u shërbejë të gjithëve. Propozojmë të hiqet TVSH-ja për ilaçet.

4. Duam që të ulet çmimi i naftës sepse është dyfishuar krahasuar me vitin 2004 dhe nuk ndihmon bujqësinë. Të hiqet TVSH për naftën e fermerëve dhe imputove.

5. Popullata paguan 20% TVSH për energjinë elektrike. Duam që të ulet në 6%.

6. Sot ka TVSH për librat e nxënësve. Duam që të hiqet TVSH-ja për këto libra.

7. Maxhoranca vazhdon të tregohet hileqare me të përndjekurit politikë. Ata që janë 75 vjeç e sipër duhen dëmshpërblyer menjëherë.

8. Maxhoranca tregohet hileqare me pronarët. Duam të ngrihet një komitet i përbashkët për zgjidhjen e këtij problemi.

Deputeti, akuza qeveritarëve për blerje të mëdha pronash
Deputeti socialist, Erion Braçe, akuzoi Kryeministrin se po bën shpenzime kolosale për mobilimin e vilës qeveritare në Vlorë, në shumën prej 516 milionë lekësh. Duke paraqitur një listë me objektet e porositura, Braçe tha se të gjitha janë të cilësisë luks dhe që nuk i përgjigjet realitetit e nivelit ku jetojnë shqiptarët. “Ambienti që përshkrova më lart, është rezidenca e Kryeministrit në Vlorë! Vetëm mobilimi i kushton çdo qytetari 516 milionë lekë ose gjysmë milioni dollarë. Nuk është e vetmja! Rezidencë ka në Velipojë, në Dajt, në Bllok, në Durrës, në Pogradec, në Vlorë, në Dhërmi, në Sarandë. Ka një shërbim për qeveritarët! E paguajmë ne si qytetarë dhe në buxhet na kushton: këtë vit-1.6 milionë dollarë; vitin e ardhshëm 1.3 milionë dollarë!”, u shpreh Braçe. Deputeti socialist akuzoi qeveritarët se gjatë këtij viti kanë shtuar pronat e tyre. “Familja juaj u shtua me 200 metra katrorë sipërfaqe banimi e Kryetares së Kuvendit me 670 metra truall, partneri juaj i koalicionit me 200 metra në Bllok dhe 317 metra në plazh, ministrja e Integrimit me 200 metra pranë Parkut dhe 50 metra në plazh, ministri i Arsimit ka blerë truall në Tiranë, 400 metra katrorë dhe apartament 48 metra në Gjermani, ministri i Punës ka blerë apartament në Tiranë 106 metra katrorë, ministri i Inovacionit ka blerë apartament 130 metra katrorë, gjithsej 3121 metra katrorë dhe kjo po u shtohet 5 mijë metrave katrorë të një viti më parë. T’i gëzoni! Por ju, kur shtoni pasurinë brenda një viti kaq shumë, përse refuzoni të paguani më shumë për këtë pasurim tuajin?”, tha Braçe.

Kuvendi debaton për 13 orë orë. Blushi: Sheshi me jep mundësi të shkoj më shpejt mundësi
Buxheti, 74 vota pro, 56 kundër
Zbardhen batutat e Berishës me Blushin dhe deputetët e PS

Debati maratonë për projektbuxhetin e vitit 2012 u mbyll me votimin që u bë pak pas mesnate. Buxheti u miratua me 74 votat pro të maxhorancës, ndërsa opozita ashtu siç pritej votoi kundër. Në sallën e kuvendit pas 13 orë debatesh, të cilët nisën në orën 11:15 të paradites dhe përfunduan në 00:15, jo të gjithë deputetët rezistuan deri në fund të seancës. Vetëm 130 deputetë ishin prezentë, ndërsa disa deputetë të opozitës ishin larguar nga salla. Votimi në parim i buxhetit i hapi rrugë vazhdimit të diskutimit të tij nen për nen në komisionet parlamentare për t’u rikthyer sërish për votim të detajuar në seancë.

Debati
Gjatë seancës së djeshme, palët nuk mundën të shmangnin debatet mes tyre lidhur me shifrat e buxhetit, por dhe zhvillimet brenda PS-së. Kryeministri Berisha ka akuzuar opozitën se nuk arrin të adresojë asnjë pyetje për buxhetin, duke e konsideruar këtë një rast të rrallë parlamentar. “Ju bëheni të pashpresë! Unë prisja që ju do të vinit këtu me buxhet të votuar në komisione. Unë do të votoja me ju, nëse ne do të sillnim një buxhet me deficit buxhetor 5 ose 6 për qind”, iu drejtua Kryeministri Berisha deputetëve socialistë. Gjatë debatit të djeshëm nuk kanë munguar dhe sfidat e ndërsjella. “Ish-kryetari i Bashkisë së Tiranës të tatonte për tabelën, nëse t’i vije tabelën “Shitorja Blushi”, do t’i paguaje Bashkisë 900 mijë lekë vetëm për emrin që të kanë vënë prindërit. Po të ishte diskrecioni i rregullt, nuk do humbte zgjedhjet ai. A e dini ju se një pemë në Tiranë kushtoi 5 mijë dollarë?”, u shpreh Berisha. Deputeti socialist, Ben Blushi, i cili replikoi gjatë me Kryeministrin, u shpreh se: “Ai shesh është bërë mirë, se më jep mundësi të shkoj 5 minuta më shpejt në shtëpi, por a mund të ma thotë njeri si të shkoj tek Skënderbeu? E keni hipur Skënderbeun mbi një lopë dhe e keni lënë aty të kullosë në bar. Kjo nuk është për të qeshur. Po pati mundësi Saliu të shkojë tek monumenti pa hequr këpucën, jam gati ta ndjek dhe unë”. Ndërsa në vijim të debatit, Berisha akuzoi deputetët socialistë se janë detyruar të lexojnë me pahir librin e kryetarit të tyre. “Kur një vit më parë unë u ndala dhe thashë se si zonja Rollings ekzekutoi të atin e Harrit, ju më thatë ‘po merret Kryeministri me Harri Poterin’. Po ja që ju doli “Kurban”-i një vit më pas. Juve ju ka mbirë “Kurban”-i tek dera e PS, e merrni me detyrim dhe ju është bërë si citatet e Maos, si veprat e Enverit për ju”, u shpreh Berisha.

Debatet në Kuvend për projektbuxhetin 2012
Sali Berisha: Ju vazhdoni të mohoni, vetëm kur një ditë do të shihni pyjet. Shkoni kudo, në Berat, në shpatet e malit të Sinjës, në komunën e Sinjës të shikoni plantacionet e mëdha të qershive dhe të ullinjve që po mbillen. Shkoni të shikoni Lunxhërinë.
Erion Braçe: Dalin plantacionet e Lazaratit.
Sali Berisha: Ky është buxheti i 100-vjetorit dhe ka për mision të shënojë ndryshimin e Shqipërisë. Shqipërinë 100-vjeçare ta paraqesë një nuse të vërtetë para shqiptarëve. Dhe nuk ka asgjë më të rëndësishme që mund të rinojë më shumë moshën e këtij vendi, sesa mosha dixhitale.
Erion Braçe: Po, more po. Ai po kërkon akoma eshtrat e Ismail Qemalit( për Ferdinand Xhaferrajn)
Marko Bello: Kjo qeveri dështoi me integrimin në BE. 95 për qind e shqiptarëve janë të varfëruar.
Sali Berisha: 95 për qind e shqiptarëve janë të varfër dhe në krye të tyre jeni ju. Lërini këto akuza, se në këtë mënyrë më zgjasni mandatin përtej atyre viteve që as vetë nuk i kam shpallur.
(Deputeti i PS, Ervin Koçi, përmend problemet e fundit për qarkun e Fierit)
Sali Berisha: Mos u bëj militant, se dhe ai Koçi (Petro Koçi) para teje kështu bënte, po ku është tani?
(Fjalën e kërkon Fatmir Toçi për të folur për buxhetin. Ende pa arritur në foltore, reagon Berisha)
Sali Berisha: Po ti çfarë ke? Ai (Edi Rama) nuk të dha ty as “Kurban”-in!
Bashkim Fino: Projektbuxheti cenon autonominë e pushtetit vendor. E gjithë transferta e pakushtëzuar e qeverisë për pushtetin vendor sot me këtë buxhet kushtëzohet, sepse e detyron pushtetin vendor të përdorë 10% të kësaj transferte të përdoret për arrorët dhe frutorët. Pushteti qendror vendos se si do të përdoret granti i qeverisë, në kundërshtim me autonominë e pushtetit vendor.
Sali Berisha: PS ka ndezur të gjithë motorët e makinerisë së dizinformimit për buxhetin. Ish-kryeministri Fino detyrohet të thotë të kundërtat dhe të pavërtetat e buxhetit. Qeveritë vendore kanë sot 35 miliardë lekë, kanë taksën e plotë të biznesit të vogël.
Ben Blushi: E kanë pasur dhe më parë!
Sali Berisha: Jo zotëri, kanë pasur vetëm gjysmën.
Ben Blushi: Bëhet fjalë për diskrecionin.
Sali Berisha: E di si u përdor diskrecioni? Ish-kryetari i Bashkisë së Tiranës të tatonte për tabelën, nëse t’i vije tabelën “Shitorja Blushi”, do t’i paguaje Bashkisë 900 mijë lekë vetëm për emrin që të kanë vënë prindërit. Po të ishte diskrecioni i rregullt, nuk do humbte zgjedhjet ai. A e dini ju se një pemë në Tiranë kushtoi 5 mijë dollarë? Janë harxhuar 17 milionë dollarë si taksë gjelbërimi dhe pemët që janë mbjellë, ky është çmimi i një peme.
Erion Braçe nga vendi: Ju prishët sheshin!
Sali Berisha: Çfarë sheshi, shko shikojeni si është shndërruar. Nga betoni kaloi në shesh të gjelbëruar. Nga Piramida në mes të sheshit, u kthye në gjelbërim. Ne nuk ndërtojmë më piramidë, ne nuk bëjmë kurbane. Ne kemi ritin e jetës dhe të së ardhmes.
Kur një vit më parë unë u ndala dhe thashë se si zonja Rollings ekzekutoi të atin e Harrit, ju më thatë “po merret Kryeministri me Harri Poterin”. Po ja që ju doli “Kurban”-i një vit më pas. Juve ju ka mbirë “Kurban”-i tek dera e PS, e merrni me detyrim dhe ju është bërë si citatet e Maos, si veprat e Enverit.
Ben Blushi: Kollares po i vure llastik, e var ku të duash. Po flet për taksat, por si ka mundësi, vetëm dyqani i Saliut nuk taksohet. Ai sheshi është bërë mirë, se më jep mundësi të shkoj 5 minuta më shpejt në shtëpi, por a mund të ma thotë njeri si të shkoj tek monumenti. E keni hipur Skënderbeun mbi një lopë dhe e keni lënë aty të kullosë bar në fushë. Kjo nuk është për të qeshur. Po pati mundësi Saliu të shkojë tek monumenti pa hequr këpucën, jam gati ta ndjek dhe unë.
Bashkim Fino: Do të votoj buxhetin tënd, nëse bën këto ndryshime. Kushtëzimet e parashikuara në nenin 15 të pr/buxhetit janë të papranueshme, ato duhet të hiqen. Do ta votoj buxhetin nëse rregulloni disa pika. Hiqni kushtëzimet që janë vendosur në nenin 15. Nëse flisni për grante të pakushtëzuara, nuk mund të vendosni kushtëzime. Rritja e grantit duhet të jetë 7%. Të ardhurat nga renta minerare janë 25% dhe jepja atyre të plotë, por jo duke ia zbritur nga granti i pakushtëzuar.
Blendi Klosi: Ky buxhet nuk zbut varfërinë në vend. Këtu kam regjistra të tërë dyqanesh ku njerëzit kanë shënuar emrat në lista pasi nuk kanë para me se të blejnë. Këtë problem të madh duhet të zgjidhë buxheti i vitit 2012.
Berisha (për Blendi Klosin)
Të gjitha ato që tha parafolësi, i ka të gjitha të amnistuara se sapo është kthyer nga festa dhe është bërë dhogë (ndërhyn Xhaçka). Po Olta, po të tregoj një histori të Eseninit. Ishte martuar me Isabelën, një balerinë e famshme amerikane, një nga bukuritë e kohës dhe u ul në restorantin më luksoz, por i erdhi motra nga fshati, Olta. E motra ishte shumë e ndrojtur para kësaj superdame dhe ai fillon e shkruan “Eh sa mace ka kjo botë, sa shëmtinë e tyre nuk ua gjen kurrë”, njëri prej tyre është ky që shohim Olta. Ke të drejtë. Vazhdojmë më tej, e di vetë ti këtë histori.
Tani një minutë se kjo ishte pjesa e festës.
Ata regjistrat (regjistrat që Klosi tregoi për borxhet), përgjigjja ime është këtu se ai Gjushi (Vangjush Dako) yt dhe ti me të, blini 3 mijë “Kurban”-e tek “Dudaj”, më mirë shkoni blini ushqime dhe u jepni qytetarëve. Është kollaj të blesh 3 mijë “Kurban”-e. A e dini që sipas informacioneve të shumta, ai po përdor paret e taksapaguesve për “Kurban”-in, për të blerë “Kurban”-in dhe jo kurban për ta ndarë sipas ritit, por kurban për ta groposur sipas veprave të Enverit, se s’i lexon kush. Sa i besueshëm je ti këtu kur me ato fletore, do ishe shumë i besueshëm sikur të më thoje sot “që me përpjekjet e mia me kryetarin tim të Bashkisë së Durrësit”, i cili e di vetë ti, të paguan dhe në Monte Karlo ty ato që s’duhet të të paguajë. Kam dhënë urdhër për t’ju nxjerrë nga policia atje, mos më thoni mua ju! Po, jo jo, s’ju pëlqen kjo. Të vish të më derdhësh mua lot krokodili këtu, në një kohë kur kalon nga kazinoja në kazino, i ke të qarta vetë këto. Të lutem, mos flasim kot se i kam me fatura këto, të sjell faturat po deshe. Ndaj dhe të bëhemi të sinqertë, ky është një moment sinqeriteti. Ta kaloi dhe ty me shitje (për Blushin), ta kaloi se ty s’t’i blejnë kryetarët e bashkive, ç’është e vërteta. Ky ishte i ardhur mbas feste.

Berisha: Shqipërinë, si nuse në 100-vjetorin e Pavarësisë
“Buxheti 2012 mbështet rritjen e rrogave dhe pensioneve”
Kryeministri Berisha ka preferuar që buxhetin e vitit 2012 ta mbrojë përveçse me shifra e me projekte të programuara, edhe me doza ironie e batutash ndaj opozitës. Në seancën maratonë të ditës së djeshme, kreu i ekzekutivit për më shumë se 20 minuta shpalosi projektet e qeverisë së tij, që do të mbështeten nga buxheti prej më shumë se 394 miliardë lekësh i vitit të ardhshëm, ndërkohë që shprehu keqardhjen për votën kundër të deklaruar opozitës. Sipas Berishës, mazhoranca do të donte të miratonte një buxhet më të madh, por e rëndësishme është të ruhet stabiliteti makroekonomik. Votën kundër të opozitës ai e cilësoi si një votë që vjen si efekt i “sindormës së tunelit”, ndaj së cilës vuajnë të majtët. “Një vit më parë, në këtë sallë, ju ratë në sindromën e tmerrshme të tunelit të Kërrabës, hytë në tunel e nuk dolët. Së bashku qëndruam në këtë Parlament deri në orën 5 të mëngjesit. U përpoqa t’ju shëroja. E pamundur. Përdora të gjithë aftësitë e mia mediko-psikologjike. E pamundur. Sërish do të mbeteni në sindromën e tunelit”, u shpreh Kryeministri, duke theksuar se buxheti i vitit 2012 mbështet një tunel tjetër të rëndësishëm, atë të Qafë-Murrizit. Duke u ndalur në disa nga prioritetet që favorizon ky buxhet, Kryeministri nuk la pa përmendur rritjen e pagave dhe të pensioneve, në një kohë kur bota po ecën në kahun e kundërt e detyruar nga kriza. Investimet në infrastrukturë apo ndihma ndaj kategorive në nevojë janë përmendur nga Kryeministri si të tjera prioritete të këtij buxheti. Një pikë e përmendur ishte ajo e 100-vjetorit të Pavarësisë, i cili përkon në vitin 2012. Berisha u shpreh se dixhitalizimi i Shqipërisë në vitin e ardhshëm është hapi final, që do të shënojë ndryshimin e Shqipërisë. “Ky është buxheti i 100-vjetorit dhe ka për mision të shënojë ndryshimin e Shqipërisë; Shqipërinë 100-vjeçare ta paraqesë një nuse të vërtetë para shqiptarëve. Dhe nuk ka asgjë më të rëndësishme që mund të rinojë më shumë moshën e këtij vendi, sesa mosha dixhitale. Prandaj ne kemi zgjedhur këtë moshë për të rinuar Shqipërinë në 100-vjetorin e saj”, u shpreh ai. Edhe për sektorin e shëndetësisë kreu i qeverisë u shpreh se buxheti i vitit 2012 mbështet modernizimin e tij. Jashtë vëmendjes nuk është lënë edhe projekti për arrorët. “Shqipëria duhet të vishet në drurë frutorë. 250 milionë rrënjë arrorë dhe ullinj do të mbillen në këtë vend. Po të pyesni veten, ju thoni se as 15 milionë rrënjë nuk mbillen dhe sigurisht, sepse ju keni një imagjinatë të kufizuar për qëllime politike. Sigurisht që do të mbillen. Sigurisht, po të mos e shëtisni këtë vend, nuk e dini se ku mund të mbillen. Dilni pak jashtë orbitës suaj”, u shpreh Berisha. Turizmi ka qenë një tjetër çështje e diskutuar dhe për të cilin Kryeministri u shpreh se do të jetë në fokusin e vitit 2012, pas suksesit të këtij viti, kur u shpall si një ndër vendet më tërheqëse. “E vërteta është që këtë vit, nga agjencitë më prestigjioze të turizmit ajo u shpall “Miss Bota” për turizmin dhe përsëri për vitin 2012 dëshmohet se ajo kurorë ishte e merituar. Investimet më të mëdha në historinë e vendit do të bëhen drejt turizmit të vendit me këtë buxhet. Do të asfaltohen të gjitha rrugët turistike të vendit, nga Valbona, në kanione, në Çajup, në malet e Zagorisë dhe kudo”, u shpreh ai.

Buxheti i ndryshuar i 2011 dhe buxheti i ri

Kryetarja: Topalli feston ditëlindjen në seancë
Sapo ora ka kaluar mesnatën, tek tavolina e Kryetares së Parlamentit kanë mbërritur dy tufa të mëdha me lule. Deputetët kanë shpërthyer në duartrokitje, duke e kuptuar të gjithë se numri një i Parlamentit kishte ditëlindjen. Jozefina Topalli sot mbushi 48 vjeç, një përvjetor që gjeti drejtuesin e parlamentit shqiptar në seancën më të rëndësishme të vitit, siç është debati për buxhetin e qeverisë për vitin 2012. Menjëherë deputetët kanë filluar t’i nisin mesazhe Kryetares së Parlamentit ndërsa seanca rridhte në minutat e fundit të saj, pas 13 orë debatesh dhe diskutimesh në të.

Panorama
ARISTIR LUMEZI

[Albo]

“PS kundër buxhetit se vuan sindromën e Tunelit”

TIRANË- Duke vlerësuar buxhetin e vitit 2012 si buxhet familjar, me në qendër qytetarin dhe që ruan stabilitetin makro ekonomik, mbajtjen nën kontroll të borxhit, inflacionit dhe deficitit, kryeministri Berisha ka akuzuar opozitën se kundërshtimi i saj lidhet me sindromën e Tunelit.

“E kuptoj se ju e keni këtë ditën më të vështirë të vitit, por uroj të cliroheni. E lexoj në fytyrat tuaja, një vit më parë ratë në sindromën e tmerrshëm të tunelit të Krrabës dhe hytë në tunel e nuk dolët më. U përpoqa t’u shëroja, e pamundur, përdora gjithë aftësitë e mia mediko psikologjike, e pamundur, tani kthehemi tek të dhënat. Ju keni sindromën, ndaj se votoni buxhetin”- tha Berisha, duke folur në seancën e sotme të Kuvendit, teksa diskutohej në parim projektbuxheti për vitin e ardhshëm.

Sipas Berishës Shqipëria përballoi me sukses krizën dhe mblodhi të ardhura 8 miliardë lekë më shumë se viti kulmor i opozitës në pushtet.

“Buxheti ishte 222 miliardë lekë në vitin 2004, u bë 232 miliardë në 2005, shkoi në 258 miliardë në 2006, 351 miliardë në 2007, 362 mld në 20010, 390 në 2011 dhe 396 në ’12. Faktet mbeten, fjalët tuaja i merr era. Habertarë të papërmbajtur cdo ditë, ju flisnin lajmet më pesimiste për ekonominë, asgjë nga të gjitha nuk u provuan të vërteta. Të gabosh, njerëzore është, të gabosh dy herë zoti të ruajtë, të gabosh 3 herë, gënjen veten 3 herë. Ju e bëni të 6 herë, ju jeni të pashpresë”- tha Berisha.

Sipas tij, opozita ka kundërshtuar buxhetin pa asnjë fakt. “Unë do votojë me ju nëse do sillnim buxheti me deficit 6%, nëse borxhi do shkonte 70%, nëse do përdoreshin manovra inflacioniste. Do votojë nëse nuk do rriteshin rrogat dhe pensionet. Ju jeni në sindromën e tunelit pa dritë. Ky është nihilizmi më ekstrem ndaj mundit e përpjekjeve të shqiptarëve për begati”- tha Berisha.

Panorama