E postova kete shkrim te se perditshmes KOHA (gazete e afert me qeverine e Maqedonise dhe partise shqiptare ne pushtet) dhe desha te ju intrigoj qe te hapim nje bisede te sinqerte rreth te (mos)arriturave te marreveshjes se Ohrit.BDI-ja deri sa ishte ne pushtet thoshte kjo marreveshje pothuajse eshte e kryer e tani flet te kunderten.Te njejten tani e ben edhe PDSH-ja.Valle cila eshte e verteta ketu.A po shfrytezohen te drejtat e kombit shqiptar per lojen politike te partive shqiptare sahere qe njera apo tjetra hipin/zbresin per kolltukut te "vlades makedone"?A jemi aq te verber saqe verbesisht duhet ti perkrahim "tanet" madje duke shkelur edhe mbi ardhmerine e femjeve tane per hater te qejfit dhe komoditetit tone?
Maqedonia në fokusin e Konferencës së Bremenit
Implementim i suksesshëm i Marrëveshjes së Ohrit
Bremen, 21 tetor - Maqedonia dhe zhvillimet në rajon kanë qenë tema të rëndësishme të konferencës ndërkombëtare "Kosova-sfidë e Bashkimit Evropian" që po mbahet në Bremen të Gjermanisë. Diplomati dhe konsulli amerikan në Gjermani, Kennet Kero, ka vlerësuar hapat e ndërmarra nga Qeveria e Maqedonisë në drejtim të realizimit të reformave dhe anëtarësimit të vendit në NATO, duke shtuar se duhet akoma punë deri në përmbushjen e plotë të standardeve të kërkuara për anëtarësim.
"Duhet të vazhdohet procesi i reformave dhe përmbushja e standardeve të kërkuara për anëtarësim. Presim që Maqedonia të plotësojë këto kushte në një proces afatshkurtër", ka theksuar diplomati amerikan. Eurodeputetja Angelika Beer nga fraksioni GEFA ka vlerësuar se çështja e Kosovës nuk është vetëm problem ballkanik, por gjithashtu edhe problem i vetë sigurisë në rajon.
"Ne duhet të veprojmë sa më shpejt për të evituar veprimet e njëanshme në rajon, sepse nuk bënë të presim që Kosova të shpallë pavarësinë dhe që ajo njihet njëanshëm nga disa shtete. Ky akt mundet të sjellë rreziqe për Veriun e Mitrovicës dhe Luginën e Preshevës", ka theksuar eurodeputetja Beer.
Ndërkohë, eksperti gjerman për çështje evropiane, Josef Fallke, deklaroi se Maqedonia ka bërë hapa të kënaqshëm drejt implementimit të Marrëveshjes së Ohrit, mirëpo sipas tij, mbeten ende detyrime për t'u plotësuar në planin e reformave në gjyqësor. Ndërsa, ambasadori i Shqipërisë, Gazmend Turdiu, në fjalimin e tij ka vlerësuar se partitë politike shqiptare në Maqedoni duhet të gjejnë gjuhë të përbashkët që të komunikojmë mes vete në favor të stabilitetit të vendit dhe aplikimit sa më të mirë të Marrëveshjes së Ohrit. (R.K)
Krijoni Kontakt