Gorbaçovi: “Anët negative të ideologjisë staliniste në Bashkimin Sovjetik”
Analiza e Mihail Gorbaçovit në gazetën “The New York Times”.Periudha postleniniste në Bashkimin Sovjetik dhe aspektet negative
Mihail Gorbaçov
Kur mendojmë kohën kur Politika e Re Ekonomike e Rusisë do ta bënte Rusinë socialiste, Lenini nuk mund dhe kurrë nuk do skiconte pamjen e shoqërisë së ardhshme në çdo detaj. Por mënyrat dhe mjetet e përparimit për te socializmi, përmes ndërtimit të një makine industriale, përmes krijimit të plotë të kooperativave, përmes gjallërimit të masave punonjëse te njeriu që hyn në rrjedhën e shtetit, përmes organizimit të punës së aparatit shtetëror në parimin “pak më mirë, por më mirë” dhe përmes zhvillimit kulturor të të gjithë popullit, përmes konsolidimit të Federatës së shteteve të lira “pa mashtrime apo bajoneta”, - kjo dhe vetëm kjo do të ishte forma e fytyrës së shtetit sesi ai realizon thelbësisht një nivel të ri të rendit social.
Vdekja e Leninit
Në veprat e fundit të Leninit, të cilat ishin jashtëzakonisht të pasura intelektualisht dhe emocionalisht, aty shfaqet një sistem pikëpamjesh dhe shumë koncepte të ndërtimit socialist në vendin tonë. Kjo është vlerë e përhershme teorike për partinë.
Vdekja e parakohshme e Leninit ishte një tronditje e thellë për të gjithë partinë dhe popullin sovjetik. Hidhërimi ishte i pamasë; humbja ishte e pandreqshme. Periudha pas Leninit, që përfshin vitet ‘20-‘30, zë në vend veçantë në historinë e shtetit sovjetik. Ndryshime radikale u kryen gjatë 15 viteve. Një pjesë e konsiderueshme ishin shtrydhur në atë periudhë, qoftë nga pikëpamja e kontrollit për variantet më të favorshme të ndërtimit socialist, qoftë nga pikëpamja e asaj që ishte arritur realisht në ndërtimin e themeleve të shoqërisë së re.
Zhvillimet më pas
Ato ishin vitet e punës së rëndë të kufijve të qëndresës njerëzore, të luftës së fortë dhe të shumëllojshme. Industrializimi, kolektivizimi, revolucioni kulturor, forcimi i shtetit shumëkombësh, konsolidimi i pozitave ndërkombëtare të Bashkimit Sovjetik, mënyrat e reja të menaxhimit të ekonomisë dhe të gjitha çështjet sociale, - e gjitha kjo ndodhi brenda asaj periudhe. Dhe e gjitha kjo, për t’u arritur, kishte konsekuencat e saja. Për dekada, ne jemi rikthyer tek ajo kohë sërish dhe sërish. Kjo është normale. Sepse ajo ishte atëherë shoqëria e parë socialiste në botë, ishte në fillimet e veta kur ajo ishte në ndërtimin e saj. Ai ishte një akt heroik në gurin e historisë dhe rëndësisë e saj historike. Admirimi për aktet e baballarëve dhe gjyshërve tanë dhe vlerësimet e arritjeve reale tonat do të jetojnë përgjithmonë, siç do t’i shfrytëzojmë vetë këto arritje.
Kritika për sistemin
Dhe nëse ne atë kohë e shqyrtonim me kujdes historinë tonë, me syrin kritik, ne e bëjmë një gjë të tillë për shkak se dëshirojmë të shqyrtojmë më mirë dhe në mënyrë më të qartë idenë që na çon tek e ardhmja. Është thelbësore të vlerësosh të kaluarën me një sens të përgjegjësisë historike dhe mbi baza të vërteta historike. Kjo është nisur të bëhet së pari për shkak të rëndësisë së jashtëzakonshme të atyre viteve për fatin e vendit tonë, fatin e socializmit; së dyti, për shkak se ato vite janë në qendër të diskutimeve të përhershme në vendin tonë dhe kudo nëpër botë ku me një gjurmim për të vërtetën, shpesh përpiqen të bëjnë diskreditimin e socializmit si një sistem i ri social, si një alternativë realiste ndaj kapitalizmit. Së fundi, na nevojiten vlerësime të sinqerta të kësaj dhe të të gjitha periudhave të historisë tonë, veçanërisht tani me përurimin e Perestrojkës. Ne na nevojiten ato jo për të bërë llogari politike, apo siç thonë ata, për të harxhuar energji të kota, por për të shlyer detyrimin për të gjithë të kaluarën heroike dhe për të marrë leksione nga gabimet dhe llogaritjet e bëra keq. Po ashtu, edhe për periudhën pas Leninit, në vitet ‘20 apo ‘30.
Ndërtimi i socializmit
Megjithëse partia dhe shoqëria e kishin konceptin e Leninit për ndërtimin e socializmit dhe veprat e Leninit në periudhën pas revolucionit, për të studiuar mënyrën sesi të udhëheqim, nuk është kjo e gjitha e thjeshtë; ajo shoqërohet nga lufta e mprehtë politike dhe diskutimet politike. Në qendër të tyre ishin problemet themelore të zhvillimit të shoqërisë dhe rreth çështjes në tërësi nëse socializmi do të arrijë apo jo të vendoset në vendin tonë: Mendimi teorik dhe modeli praktik rreth orientimeve dhe formave në të cilat bëhen transformimet social-ekonomike dhe si t’i realizojmë ato në linjat socialiste në situatën konkrete historike të Bashkimit Sovjetik. Sot është në rend të ditës puna konstruktive praktike, që kërkon një sens të lartë përgjegjësie. Për gjithë këtë vendi sinqerisht përballet me çështjen e rindërtimit industrial dhe ekonomik pa të cilin ndërtimi i socializmit dhe forcimi i kapacitetit mbrojtës do të ishte i paperceptueshëm. Kjo pasohet nga orientimet e hollësishme të Leninit, nga trashëgimia e tij teorike. Çështja e sfidave socialiste në brendësi të vendit, gjithashtu, u ngrit në njëjtin rrafsh sipas mësimeve të Leninit.
Materiali është shpërndarë nga agjencia ruse “TASS” në anglisht me rastin e përvjetorit të Revolucionit të Kuq
Shkrimi është botuar në “The New York Times” më 3 nëntor 1987
Titulli është redaksional
Krijoni Kontakt