Eli Fara

[SwEeT-VLoNjaTe]

Me falni, nese eshte diskutuar ndonjehere per Eli Faren, pasi jam anetare re.
Do me pelqenin mendimet tuaja ne lidhje me Eli Faren..Mua me pelqejne shume disa nga kenget e saj, ne vecanti:
Mos qaj, Mos qaj
Te kam shpirt, e te kam xhan!

[KaMeLaaa]

Hmm.. Eli Fara cka mire... Megjithese ka disa kenge te bukura

[niku-nyc]

Eli Fara esht kengtare e mir se di pse e dyshoni ne qoftese e keni par duke kendu ne dasem ose ne festa te tjera do jet ndryshe nga ato qe keni nigju ne internet...

[s0ni]

kengetare e mire, por vetem ato 10 kenget kendon here pas here derisa ta merzit

[niku-nyc]

kengetare e mire, por vetem ato 10 kenget kendon here pas here derisa ta merzit

Jo me lal jo mos ja fut kot pa e nigju iher kur kendon se vetem per kritikime jeni amon...

[s0ni]

Niku s'po ja fus kot, dhashe mendimin tim e cila nuk eshte kritike vecse mendim.

[Davius]

Mungesa e bashkëshortit dhe ditët në Tiranë, mes familjes, muzikës dhe biznesit

Eli Fara: Nuk më shkon ndër mend të martohem

Është rishfaqur në kryeqytet pak ditë përpara festave të fundvitit. Ndërkohë vazhdon të jetë e pavendosur për vendin ku do të jetojë. E larguar për disa vite në Shtetet e Bashkuara të Amerikës, duket se këngëtarja e njohur e muzikës sonë popullore Eli Fara kishte menduar të kthehej përfundimisht në Tiranë, por në fakt ajo vazhdon të jetojë në Shqipëri duke udhëtuar vazhdimisht nga një shtet në tjetrin, për të qenë e pranishme në koncerte të ndryshme organizuar për shqiptarët. E kështu e ka gjetur edhe fillimi i vitit 2007 këngëtaren korçare. Pas koncertit të Vitit të Ri në Athinë, i është dashur të udhëtojë drejt veriut të Shqipërisë për të qenë në një tjetër koncert në Prishtinë ndërkohë, që vajza e saj, e mësuar tashmë me mungesat e vazhdueshme të së ëmës qëndron shpesh tek të afërmit në Korçë.

Dikur ishte shprehur se kishte zgjedhur Amerikën pikërisht për shkak të vajzës dhe studimeve të saj, por tashmë Eli Fara ndodhet përpara një dileme, të cilën as ardhja e mikeshës së ngushtë Aurela Gaçe, të cilën e ka shoqëruar deri në skenën e festivalit nuk e ka ndihmuar t’i japë një zgjidhje. “Nuk e di akoma se ku do të jetoj”, është shprehur këngëtarja, e cila ashtu si edhe shumë nga kolegët e saj është mësuar tashmë me jetën impulsive dhe të lëvizshme të koncerteve. Edhe ditët e saj në Shqipëri janë vërtet të ngarkuara dhe kjo është një arsye më tepër, që Eli të mos e ketë shumë të lehtë një vendim final, aq më tepër, që njerëzit e saj të afërm e ndihmojnë më vajzën kur këngëtares i duhet të udhëtojë shpesh. “Momentalisht në Shqipëri jam duke punuar për një album të ri, shprehet këngëtarja. Por nuk mund të them saktësisht se kur do të jetë në treg. Njëkohësisht vazhdoj edhe me koncertet jashtë vendit për emigrantët në diasporë”. E divorcuar nga bashkëshorti shumë vite më parë, Eli Fara tashmë e ka lidhur jetën me vajzën, me të cilën thotë se ka një marrëdhënie të mirë jo vetëm në prizmin biologjik nënë-bijë, por shpesh e shohin njëra-tjetrën edhe si shoqe.

Mos ndoshta pikërisht kjo është arsyeja, që këngëtarja ka vendosur të mos martohet më?! Duket se jo. Sepse ajo beson që vajza e cila, tashmë nuk është më një vogëlushe do ta kuptonte shumë mirë të ëmën edhe në një vendim të tillë, por në fakt është vetë Eli ajo, që ka bërë këtë zgjedhje. Sidomos pas kthimit të saj në Shqipëri, Eli Fara është bërë shpesh objekt i kronikave rozë të gazetave, e madje edhe përfolur për një tjetër lidhje në jetën e saj, që pritej të përfundonte në martesë. Por ajo vetë e mohon këtë fakt: “Nuk më ka shkuar ndër mend të bëj martesë tjetër. Dhe madje as nuk më shkon”. Sepse këngëtarja nuk ka gjetur një njeri që të hyjë në zemrën e saj.

[Xhuxhumaku]

Eli Fara: “S’jam kundër martesës së dytë, por s’kam gjetur personin e duhur”

E henë, 13 Shtator 2010 11:58 Panorama Plus

Email Shtyp

Këngëtarja Eli Fara është rishfaqur para pak ditësh në ekran në formë ideale, ndërsa ka qenë e ftuar në programin “Pasdite në Top Channel”. Pas perfomancës së saj si balerinë në “Dancing with the stars”, kjo ishte dalja e parë e këngëtares korçare në publik pas disa muajve intensive të angazhimit të saj me koncerte në verë. Përveç projekteve në muzikë, ajo nuk ka hezituar të flasë në intervistën e Genta Popës dhe për martesën, duke pohuar se nuk është aspak tabu për të, një martesë e dytë. Ajo ka pohuar se ishte për martesë natyrisht, por ende nuk e ka gjetur shpirtin binjak me të cilin mund të lidhte jetën. Eli Fara nga martesa e parë ka një vajzë të rritur që quhet Marina, studente në një nga universitetet në Tiranë. Pas kthimit nga Shtetet e Bashkuara të Amerikës, rezidenca e saj ndodhet në Tiranë, ku jeton bashkë me vajzën. Ajo udhëton shpesh në Kosovë dhe Greqi, ku publiku e pret shumë mire, pasi ndihet afër me repertorin e saj. Eli u kthye përfundimisht nga Nju Jorku pak kohë më parë me “look” tërësisht të ndryshuar, flokët e prera shkurt, ndërsa që tani shfaqet sësrish me flokë të gjata.

[Genti..]

Më falni ndoshta po dali nga thema , por me intereson a është shqiptare Eli Fara ?

[sirena_adria]

Nje ARTISTE E MADHE qe te mahnit ne te gjitha performancat e saj !!! DIVE !!!


VETEM SONTE

Kompozim: Adrian HILA
Teksti: Pirro Cako

[projekti21_dk]

Me falni, nese eshte diskutuar ndonjehere per Eli Faren, pasi jam anetare re.
Do me pelqenin mendimet tuaja ne lidhje me Eli Faren..Mua me pelqejne shume disa nga kenget e saj, ne vecanti:
Mos qaj, Mos qaj
Te kam shpirt, e te kam xhan!

Ndërkaq mua më mallëngjen kënga "Bie shiu pika, pika". Në fillim më mbusheshin sytë me lotë. edhe tani ndihem keq. ndoshta kjo pse nuk kam goca ( vajza)?!

[Albo]

ESSE/ Jeta plot dinamikë e Eli Farës nga Tirana në Amerikë

Magjistarja e Serenatave Korçare

Albert ZHOLI

Portreti
E shikon dhe nuk e beson. Ajo ruan akoma bukurinë e saj të spikatur vajzërore dhe pse i ka kaluar të dyzetat. E qeshur, e bukur, elegante, pra sharmante në tërë qenien e saj. Flet qetë dhe me një zë melodoiz si vetë këngët e repertorit të saj, pasi dhe vetë jeta e saj është një këngë. Nuk përdor pije alkolike, bën një makijazh të lehtë, ha në mënyrë normale por më shumë frekuenton frutat dhe specialitete e detit. Rrobat i blen firmato dhe gardëroba e saj ngjishet për çdo ditë, pasi vetë profesioni e kërkon me çdo kusht perfomancën e bukur para publikut. Ha sa duhet, pa dietë të veçantë. Madje provon çdo recetë të re, që i japin shoqet. Por nuk e kalon masën në të ngrënë. Ruan sensin e masës. Nuk bën asgjë të veçantë përveçse përkujdesjeve që kryejnë të gjitha femrat e tjera. Nuk e ka mendjen të duket se s’bën, të bjerë në sy për bukurinë. Bën tualet të lehtë dhe e zgjedh veshjen në raport me kohën. Kështu plotësohet. Sipas saj pamja është më shumë gjenetike. Duke e pasur organike mendoj se është një dhuratë e mirë e Zotit, e cila të largon nga sajimet e lodhshme dhe të bezdisshme.Eshtë një tip shumë tolerante, pasi vetë në radhë të parë sillet në mënyrë korrekte me veten e saj dhe pastaj me të tjerët. Ajo di të tërhiqet në momentin e duhur, pa lejuar abuzimet me tolerancën e saj. Di të jetë e zgjuar kur duhet, por po aq serioze në kohën dhe vendin e duhur.


Një album interesant
“Të dua për vete”, është një ndër albumet më interesant të saj. Në këtë album përveç krijimeve të reja ka futur dhe perlat e repertorit të saj serenatat dhe baladat (si risi në repertorin e saj) të cilat tregojnë jo vetëm pjekurinë, por edhe synimet e qarta që ka ajo për këngën dhe sqimën e përzgjedhjes. Ky album nga kritika u cilësua si nj prurje e re në krijimtarinë artistike të saj. Çdo gjë perfekte, muzika, tekstet, orkestra, zëri.
Ishte me shumë përgjegjësi ... Doli në treg pas dy vjetësh pune intensive. Albumi titullohet “Të dua për vete”, bashkëpunim me shtëpinë diskografike “Elrodi Music”.
Kënga me të cilën titullohet albumi është këngë shumë e ëmbël. Albumi është me këngë popullore, serenata dhe balada. Shtatë janë krijime të reja në folk dhe dy janë këngët perla që janë të risjellura “Qeraxhiu” dhe “25 gërsheta”. I solli para publikut mbas 20 vjetësh, që nga koha që i kish kënduar për herë të parë në skenë dhe që kanë mbetur këngët më të bukura popullore për të dhe më të kërkuarat në të gjitha koncertet që unë bën nëpër botë. I këndoi përsëri në mënyrë që të jenë në repertorin e albumeve të saj dhe njëkohësisht i ka sjellë të freskëta dhe për brezin e ri, që të vazhdojnë ta ndjekin me këto këngë. Këto janë nga perlat e muzikës popullore shqiptare. Për një atmosferë më të ndezur në album ka kënduar dhe një këngë shkodrane. Këto këngë tashmë janë kënduar me orkestër profesionale me aparatura speciale, ku zëri del më i plotë, më i bukur, më i qartë. Kushtet e incizimit të atëhershëm ishin ndryshe. Edhe interpretimi ishte ndryshe. Zëri i saj tashmë është më i pjekur, më i plotë, më profesionist. Disa këngë të tilla duheshin regjistruar në këtë kohë. Ky album është punuar me orkestruesit Shpëtim Saraçi dhe Edi Balili, dy profesionistë në fushën e muzikës. Por edhe më Josif Mingën dhe Sopot Sericën. Ndoshta ky album erdhi si një fllad i ri pranveror, ku ajo ka dhënë energji dhe ndjenjë shpirti, ku me këto këngë ajo në udhët e panumërta të skenës kudo në botë, po qetëson shpirtra bashkëkombësish të mallëngjyer për erën e atdheut. Falënderon këdo, por pa i dhënë rëndësi të dorës së parë atyre që i thonë “Je e bukur”, pasi vlerat e saj shpirtërore dhe personaliteti, janë më të spikatura për këdo që e njeh nga
afër. Kur do të korrigjojë ndonjë fjalë të tepërt, kafshon lezetshëm paksa buzën e poshtme (nga ana e majtë), si një fëmijë i pafajshëm i zënë në faj.

Fillimet e këngës

Ishte në klasën e katërt të shkollës 8-vjeçare kur filloi të këndojë. Në shkollë do të zhvillohej një koncert dhe duheshin këngëtarë për korin. Mësuesja e muzikës Dina Grabova, midis të tjerave zgjodhi dhe Elin. Siç duket e kishte dëgjuar jashtë vëmendjes së saj. Më vonë kjo mësuese e përkrahu dhe i dha këshillat e duhura. Mes mësuesve të saj ajo veçon edhe Pavllo Shollën. Për të ky njeri i apasionuar i këngës ishte kompozitori që i dha udhën e duhur në drejtim të këngës.

Dalja në skenë dhe emri
Dhe rrugët e saj hapen si me magji. Në vitin 1983, merr pjesë në Festivalin e Gjirokastrës kur ishte në vitin e tretë të shkollë së mesme për kanto. Para se të niseshin në Gjirokastër drejtuesit e grupit morën 9 vajza të kantos në Pallat të Kulturës për ti provuar. U dhanë një këngë kurbeti. Eli e këndoi më bukur dhe shkoi në festival. Kënga titullohej “Nënoçkë s’të vjen keq”. Në këtë Festival mori çmimin “Laurante e Festivalit”. Dhe ajo e thotë me shpirt se atëherë nuk kishte kaq emocione në skenë. Sa më shumë emër të kesh aq më shumë rritet përgjegjësia skenike.

Studionte për kanto por këndonte këngë popullore

Ajo studionte për kanto por këndonte këngë popullore. Mësuesit e saj Josif Minga dhe Afërdita Zonja e spikatën këtë që ajo të mos e ndryshoja zërin, por të ruante zërin e këngës popullore. Ashtu si dhe mësuesit e saj filloi ta ndjej që zëri i saj ishte për këngë popullore. Ishte zëri që më i dha qumështi i nënës që kishte të ngjizur tingujt e këngës popullore. Ajo u nda jo pa dhimbje nga kantoja.
Në Korçë kishte muzikantë të talentuar. Novruz Lule (Lulushi), ishte një gjeni i klarinetës. Kur ai vdiq në vitin 1989, në një shkrim për të mjeshtri i muzikës Josif Minga tha: “Pa klarinetën e Lulushit, zëri i Elit nuk do të kishte kuptim”. Kështu ndodhi dhe kur u divorcua nga kantoja.

Nga Korcca në Tiranë
E vërtetë. Ka shumë vite që po jeton në Tiranë dhe është ambientuar si me Korcën. Detyrimisht kështu do të ndodhte. Tirana një qytet me gjallëri, mbushur aktivitete. Tirana i lidh këngëtarët jo vetëm me gjithë Shqipërinë, por edhe me gjithë botën. Është pikë referimi.

Si qytetare amerikane
Eshtë një çlirim brenda vetes. Ka hequr një stres që ka shoqëruar shqiptarët kudo që shkojnë. Kudo kontrolle të imta pasaportash, shikime me dyshim, lënie mbas dore, etj.. Është një ndjesi lirie. Mund të lëvizësh pa problem në çdo vend të botës. Qytetare amerikane do të thotë qytetare e mbarë botës. Ndjehet mjaft, mjaft komode. Në fillimet e koncerteve të saj në Amerikë kishte shumë mall, kishte shumë etje për të dëgjuar këngë dhe ansamble shqiptare. Atëherë shumë që ishin të arratisur, të tjerë nga Kosova “na shihnin në dritë të syrit” thotë ajo. I dëgjonin me shumë ëndje, me shumë entuziazëm. Tani “Magjia” nuk është më e mëparshmja. Tani duket sikur i kanë të gjitha aty. Pra, kur i ke sikur zbehet interesi. Interesi nuk është ai i mëprashmi. Por megjithatë aty është një komunitet i madh dhe ka këngëtarë të mirënjohur që plotësojnë boshllëkun si: Merita Halili, Gëzim Nika, Parashqevi Simaku, Ermira Babaliu, Aurela Gaçe. Por fryma e parë nuk ekziston, përveç ditëve të festave apo Vitin e Ri. Për stilin e të jetuarit është më mirë në Amerikë, për profesionin e saj Shqipëria është Amerika e vërtetë. Në Tiranë tashmë ka një bazë.

Veshja me kostum popullor.
Kjo veshje është mjaft e bukur, shumë interesante për të. Eshtë traditë, është kulturë, është histori. Në shumë koncerte të fundit ka veshur kostumin popullor të Beratit. Ky qytet është me histori më të lashtë. Ka diçka më fine. Kjo nuk do të thotë që nuk e pëlqen kostumin e Korçës. Por atë e ka veshur shumë herë që në rininë e saj. Tek kostumi i Beratit ngjyra e kuqe e qëndisur me fije ari të jep një krenari dhe të duket vetja si një mbretëreshë. Kjo lloj veshje të fut diku tutje në histori. E bën që të meditoj dhe të mendoj se si janë veshur të parat tona. Eshtë shumë interesante dhe shumë magjike. Është e veçantë në mënyrën e të komunikuarit me publikun.me këtë lloj veshjeje. Jep imazhe aristokracie.

Të jetosh si këngëtare
- Kënga ka vështirësitë e veta si profesion, megjithëse ajo është futur në treg që para ardhjes së demokracisë dhe ka qenë e kërkuar në shumë koncerte. Që kur ka ardhur nga Amerika ftesat kanë qenë të pafundme. Sidomos në Greqi, ku ka kënduar në çdo pëllëmbë, ku jetojnë bashkatdhetarët tanë, në çdo qytet e në çdo ishull. Kur këndon kushdo një këngë të mirë ajo gjithmonë thotë “Oh sa mirë”. Secili ka ngjyrën e vet të zërit. Ajo është Eli Fara. Ka zërin e saj, të veçantat e saj, këngët e saj, temperamentin e saj, mënyrën e saj të të bërit art, pra ka individualitetin e saj. Në këtë këndvështrim nuk ka pse të ket xhelozi ndaj shoqeve. Eshtë e një lloji krejt tjetër në repertor dhe në mënyrën e të kënduarit. Prandaj nuk i ka rënë rasti që të ndiej xhelozinë. Në përgjithësi në koncerte është këngëtare speciale dhe i ka rënë rasti shumë rrallë që të jenë disa këngëtarë të njohur në një koncert. Në kompeticionet e mëparshme, ato në vitet para ‘90-ës ka qenë një kohë tjetër, ku shoqëria dhe miqësia ka qenë më e hapur. Atëherë ka njohur shumë këngëtarë të aftë që mban shoqëri dhe sot. Mund të veçoj: Bujar Qamilin, Merita Halilin e shumë të tjerë. Pastaj këngëtarët e kemi matësin e tyre. Publikun. Ai me kohën i seleksionon. Duartrokitjet e tyre janë vlerësimi më real. Këtu xhelozia merr fund. Këngëtaret i vlerëson publiku ndaj nuk i takon asaj të ndërhyj në vlerësimet dhe në territoret që s’i përkasin.

Një jetë të tërë në skenë
- Nuk e ka ndjerë lodhjen, mbasi po të ekzistonte lodhja do të kishte ndërprerë aktivitetin. Përkundrazi e ndjen veten mjaft mirë. Profesioni i saj nuk është për dembelët.Ajo t tashmë ka krijuar një emër, pra me punë. Nuk është e lehtë të krijosh një emër dhe më pas ta mbash atë, gjatë gjithë këtyre viteve. Duhet shumë punë me veten, me këngët e reja, me paraqitjen në një koncert. Ky emër të detyron të udhëtosh, të rrish netë pa gjumë, të plotësosh kërkesat e profesionit, por njëkohësisht të përballosh dhe problemet familjare e të rrisësh një fëmijë. Kjo sepse nuk ka pas një menaxher të merrej me punët që nuk të takojnë ty të merresh. Pra duhet ti bësh të dyja punët edhe menaxhimin edhe atë të këngëtares.


Koncepti për këngën

N.q.s zoti të ka dhënë zërin, ti duhet ta japësh në funksion të shpirtit të njerëzve. Njeriu kur dëgjon muzikë të bukur, qetësohet, nxjer dufin, relaksohet, kënaqet. Pra muzika dhe kënga nuk është që të japësh diçka që nuk i përket muzikalitetit dhe cilësive të mësipërme. Pra, në këtë rast kur këndohet për komerc këndohet për Shoë. Shoë dhe paraqitja kanë rëndësinë e vet, por kryesorja është profesionalizmi në këngë, vlera në këngë. Më këtë kuptim, ajo nuk kam konkurrentë, pasi ka formuar një karakter. Karakter do të thotë nuancë, të veçantë, tingull. Shumë këngëtarë sot këndojnë njëlloj, pra nuk kanë karakter. Nuk kanë diçka të veçantë. Këtu nuk funksionon një mekanizëm përzgjedhjeje. Duhet një person, apo komision që të merret me zbulimin e talenteve, shpjegon Eli


Serenatat
Krahas këngëve popullore ka gjetur veten edhe tek serenatat korçare. Ose më mirë të themi serenata popullore korçare. Këto nuk kanë qenë të regjistruara. Më shumë këndoheshin në takime miqsh, në dritare. Ndërsa ajo me ripunime i solli të gjalla. Të kënduara në regjistrim. Pra është hera e parë që ato vijnë në këtë mënyrë. Pra nuk kanë qenë në gojën e asnjë këngëtari në këtë mënyrë inccizimi. Këngëtarja që këndoi “Çupëzë beqare moj”, “Qeraxhiu i Grebenes”, “Kur nata Korçën mbulon”, “Ku je nisur të vesh ti” të bën të mendosh. Ka një album të vitit 1996. “Ora 2 e natës. Rrukullisen takat”. Por ka lëvruar dhe baladat. Këto janë mjaft të bukura. Balada “Vjeshta” në vitin 2007 kompozim nga Edi Balili.

Preferencat

Janë shumë pasi ne kemi këngëtarë shumë të mirë të këngës popullore. Por ajo veçon Mentor Xhemalin, për këngën përmetare, por janë dhe shumë këngëtarë të vjetër të Shqipërisë së Mesme, që kanë qenë jo të paktë për të si Hafsa Zyberi, Big Ndoja, Naile Hoxha, këngëtarë të tjerë nga Shkodra. Por ajo thotë se ka dhe këngëtarë shumë të mirë që janë nga brezi i saj si Merita Halilin, Bujar Qamilin etj, që janë pa diskutim shumë të mirë


Pengu?
Në varësi të kushteve që ka pasur për të zhvilluar krijimtarinë, por dhe të këtyre që po vazhdon ajo thotë se nuk beson se kam pasur ndonjë peng gjatë karrierës artistike. Ajo ka bërë më të mirën që mund të bëhej në kushtet tona në atë kohë. Për të rruga artistike me këngën ka qenë shumë e bukur dhe i ka falur emocione të veçanta. Ka marrë shumë mesazhe të bukura gjatë aktivitetit artistik si këngëtare. Ato janë aq të bukur sa ajo nuk di kë të veçoj. Kënga jonë është aq e bukur sa mes tyre në koncerte i kanë thënë dhe : “mos vdeksh kurrë”, pasi ka kënduar vërtetë këngë që ata i kanë pritur shumë ngrohtë dhe janë emocionuar.

[sirena_adria]

Kenga me e re e Eli Fares



Kompozoi-Orkestroi : Adrian Hila
Solo Violin : Marvin Qerimaj
Video Max Production
Teksti : Rozana Radi

[sirena_adria]

◾Këngëtarja flet për këngën e re “Me mua mos”, për jetën në familje dhe planet për të ardhmen. Rrëfimi për formën fizike dhe zgjidhja e fundit që ka gjetur për të qenë e freskët.

Përshtypja e parë që të krijohet teksa e sheh është modestia, komunikimi dhe energjia pozitive që të përcjell. Kjo është Eli Fara këngëtarja, e cila, prej vitesh, i dhuron publikut shqiptar një muzikë të veçantë. Karrierën e saj e ka nisur që në rini dhe ende ofron këngë të reja, që kthehen në hit. Së fundmi ka realizuar këngën me titull “Me mua mos”, e cila ka shumë sukses.

“E gjej veten tek vargu që thotë: “me mua mos”dhe them këtë, sepse jam karakter i fortë dhe që s’dua të më bëjnë lajka”, thotë ajo. Eli Fara megjithëse një këngëtare e suksesshme, ajo është një nënë e përkushtuar, një shoqe e dashur. I pëlqen shumë të lexojë dhe të gatuajë. Për gazetën “Shekulli” ajo rrëfen se nuk i kushton shumë kohë lukut të saj, megjithëse ngelet ende një bukuroshe. “Nuk jam maniake pas lukut tim, kujdesem normal si çdo grua”, shprehet këngëtarja. Ajo tregon edhe për planet e saj për të ardhmen.

Eli sapo ke publikuar këngën tënde të re. Si erdhi ideja e saj?

Unë nuk jam frymëzuar nga ndonjë gjë sepse kur frymëzohesh nga diçka mendoj se duhet ta bësh vetë atë punë. Ndërsa kënga që unë kam bërë është një prodhim kolektiv. Kam një kompozitor dhe poet të teksteve të këngëve të mia. Thjesht kisha dëshirë që të nxirrja një këngë të re, për publikun, për veten time, për koncertet. Është një këngë që po bëhet hit tashmë dhe u prit mirë nga publiku. Si fillim përcaktova zhanrin e këngës që doja të këndoja, e solla me një stil modern dhe punova shumë për të arritur qëllimin.

Titulli i këngës “Me mua mos” ka lidhje me jetën tënde private?

Njerëzit ndoshta mendojnë se kjo ka lidhje me mua. Nuk është e vërtetë. Si çdo njeri tjetër e gjej veten në këtë këngë por jo në të gjithë fabulën. E gjej veten tek vargu që thotë: “me mua mos”. E them këtë sepse jam karakter i fortë dhe që s’dua të më bëjnë lajka. Çdo femër e bën këtë gjë në një lidhje, për të treguar se kush është.

Nuk e gjej veten tek vargjet e tjera si për shembull tek vargu: “ti ikën dhe vjen”. Në bazë të fabulës, që tregon karakterin e një femre vendosëm titullin “Me mua Mos”. Unë e gjej veten disi në këtë këngë. Meqenëse jam interpretuese e këngës, edhe në klip mundohem që fabulën ta interpretoj sa më mirë dhe ta sjell sikur po më ndodh mua kjo histori.

Me këtë këngë çfarë mesazhi do të përcjellësh tek publiku?

Mesazhi që jam përpjekur të përcjell është që të gjithë të dashurojnë dhe ta shijojnë jetën, t’i bëjnë gjërat e qarta njëri-tjetrit në një lidhje, por duhet edhe të tolerojnë. Pa tolerance nuk ka zgjidhje. Duhet të tolerojmë se ndryshe është e pamundur.

Çfarë është arti për ty?

Arti është një pjesë e jetës sime që i jam përkushtuar dhe do vazhdoj. Për mua është një bekim dhe dhuratë nga zoti që kam një zë dhe jam një artiste. Më lejon të shprehem dhe më jep kënaqësi kënga. Por duhet patjetër ta vlerësosh këtë dhuratë dhe t’i përkushtohesh me punë për të pasur sukses. Unë e kam vlerësuar gjithmonë.

Në media ke deklaruar se shqiptarët që jetojnë brenda vendit janë paksa të çuditshëm dhe ata që jetojnë jashtë janë më të dashur. Pse ky përfundim nga ana jote?

Shqiptarët që jetojnë jashtë janë më patriotë dhe kanë shumë mall për Shqipërinë. Kur këndon këngët shqiptare para tyre ata janë shumë të lumtur dhe mezi presin. Si këngëtare bëhem më tradicionale kur këndoj para atyre. Ndërsa për publikun shqiptar brenda vendit, këta janë më modernë, dëgjojnë rryma të ndryshme dhe janë të prirur shumë pas muzikës së huaj. Shijet e tyre muzikore janë më të ngarkuar. Duhet të kenë më shumë identitet në shije, prandaj i cilësoj pak të çuditshëm. Gjithsesi të gjithë janë një publik i mrekullueshëm për mua dhe i dua shumë.

Cilat janë projektet e tua për të ardhmen?

Tani kam menduar dhe po punoj për një këngë tjetër që do dalë në treg shumë shpejt. Besoj se do jetë gati bashkë me klipin e saj në muajin qershor. Si këngë ka përfunduar dhe të afërmit dhe familja ime mezi po presim që kjo këngë të dalë në treg. Është një këngë folklorike e pastër me motive dashurie dhe që ka elementë folklorikë të zonës së Korçës.

Po mendoj që klipin ta xhiroj në qytetin e Korçës. Është një këngë si karamele (qesh) dhe besoj se do pëlqehet shumë. Kam shumë koncerte që do marr pjesë dhe jam duke biseduar me organizuesit. Jam e ftuar në aktivitete në Greqi, Itali dhe javën e ardhshme do të udhëtoj drejt Londrës.

Si është t’i rezistosh tregut shqiptar në të gjithë këto vite?

Të them të drejtën mua gjithmonë më duket sikur kam që sot që kam filluar të këndoj dhe të jem një artiste. Kam shumë energji dhe do të jap përsëri produktet e mia në tregun muzikor shqiptar. Gjithë këto vite më kanë kaluar shumë shpejt dhe jam përpjekur gjithmonë të bëj gjëra të bukura dhe të thjeshta. Jam ndjerë komode dhe i kam qëndruar tregut sepse jam shumë e matur në gjërat që bëj. Nuk më pëlqen që të eksperimentoj shumë dhe të nxitohem. Ose e bëj një gjë, ose nuk e bëj fare. Jam përpjekur që të punoj me profesionalizëm dhe nuk më pëlqen të bëj shumë zhurmë.

Jeta personale? Nuk jam në një lidhje

Çfarë bën në kohën e lirë?

Dikur kam pas shumë qejf te lexoja dhe lexoja shumë, ndërsa sot kur mundem. Përpiqem të lexoj edhe çfarëdolloj libri dhe futem brenda në histori, duke përjetuar çdo detaj. Lexoj edhe kur jam në udhëtime, apo edhe me pushime. Por teknologjia tani na ka bërë shumë të varur dhe të ikën koha edhe me të. Një pyetje të kesh dhe të lidh shumë sepse aty e gjen përgjigjen menjëherë.

Si është një ditë e zakonshme për ty?

Ditët i kam me shumë angazhime, madje ndodh shpesh që më ikën dita duke folur nëpër telefona dhe duke bërë marrëveshje të ndryshme. Që të arrij deri tek koncerti duhet të takoj shumë njerëz dhe në fund kthehem në shtëpi shumë e lodhur. Një ditë e imja përmban angazhimin me vajzën, takime me miqtë, punë shtëpie, gatim.

Si është jeta personale e Elit?

Personale është, le të ngelet një e tillë(qesh). Nuk jam në një lidhje.

Çfarë mendimi ke për ndërhyrjet kirurgjikale si lifting, botox? I ke aplikuar?

Nuk paragjykoj njerëzit që i përdorin dhe i kanë aplikuar. Çdokush është i lirë të bëjë çfarë të dojë, e rëndësishme është të ndihet mirë me veten. Personalisht deri sot nuk kam aplikuar asnjë nga këto sepse nuk e kam ndier të nevojshme. Mendoj se mund t’i aplikoj një ditë, në të ardhmen e largët kur të kem nevojë, mbas të 60-ave (qesh). Jam origjinale.

Sa kohë i kushton veshjes?

Më pëlqen shumë shopping-u dhe bëj vazhdimisht. Është antistres dhe me bën të ndihem mirë edhe pse ekonomikisht harxhohem (qesh). Më pëlqen te vishem sport dhe klas, pra e gërshetuar dhe ndjek modën.

Bën pjesë tek ata artistë që kontribuojnë për bamirësi?

Normalisht që po. Jam një tip i dashur dhe dua të ndihmoj. Hera e fundit ka qenë në një aktivitetet në “Fshatin SOS”, ku kam kënduar para fëmijëve. Jam e gatshme sa herë që më njoftojnë.

Çfarë karakteri jeni?

Jam tip që merrem vetëm me veten time dhe kam një rreth të ngushtë shoqëror. Unë jam e lidhur më shumë me familjen time dhe të afërmit e mi. Nuk jam një tip shumë i hapur. Gjithë kohës është pjesa e profesionit që më mbush shpirtërisht, kam publikun përpara dhe gjithmonë ndihem mirë. Nuk më pëlqen të dal shumë dhe nuk më pëlqen jeta e natës. Më pëlqen më shumë të rri në shtëpi dhe më pëlqen gatimi. Provoj të gatuaj gjëra të reja, eksploroj shumë receta gati dhe përpiqem të gatuaj gjëra të shijshme.

Pamja

Nuk jam maniake pas lukut tim, kujdesem normal si çdo grua. Ka shumë raste që edhe fle me make-up, (qesh). Kujdesem për përdorimin e kremrave dhe produkteve kozmetike që aplikoj. Çuditërisht unë nuk jam shumë tip sportiv dhe nuk praktikoj rregullisht ushtrime fizike apo palestrën. Kohët e fundit kam praktikuar joga, por jam shkëputur.

Angazhimet e mia profesionale dhe lëvizjet jashtë dhe brenda vendit me aktivitete, më pengojnë shumë që të jem e rregullt në praktikimin e ushtrimeve fizike. Kur mundem dhe kam kohë praktikoj normalisht duke u munduar të eci. Më pëlqen të eci anës detit, sepse më relakson. Kohët e fundit kam gjetur një zgjidhje për të qenë sa më në formë. Praktikoj “Body Code”, e cila është një metodë që stimulon stërvitjen e muskujve në rrugë elektronike.


Janula Vila - "Shekulli"

http://www.shekulli.com.al/p.php?id=244794

[sirena_adria]

Starti I nje Karriere te Bukur e te Sukseseshme !

[sirena_adria]

.... e nisur nje vit me heret me perfaqesimin e Korces ne Festivalin Folklorik 1988.....




Eli Fara dhe Luiza Meçe kendojne ne Tirane ne koncertin qe perzgjodhi kenget e vallet me te mira te festivalit (1988 ) .

[sirena_adria]

[sirena_adria]

Interpretimi i pare i kenges " Ballet me sedef " ne vitin 1983 ne Gjirokaster. ELI FARA dhe LEFTER PULICI, njeriu dhe mesuesi i pare qe i tregoi hapat e para ne magjine e muzikes popullore !
( Koment shoqerues I videos )

[pranvera bica]

Eli eshte e mrekullueshme!Eshte shume e thjeshte dhe ne mikeshat e saj te para ketu ne Korce nuk na harron kurre...tash pushoi me mikeshen e saj korcare,kengetare Fatbardha Hoxha!

[sirena_adria]

http://www.forumishqiptar.com/thread...re-dhe-korcare