Energjitika: Inagurohet Hidrocentrali i Ashtës

[Hyllien]

Ka mbi 25 vjet që nuk ndërtohet asnjë HEC. Këto janë vepra shumë komplekse që duan financim shumë të lartë dhe njerëz të përgatitur. Shqipëria nuk i ka më këta njerëz.

[Albo]

Kryeministri Berisha merr pjesë në ceremoninë e përfundimit të fazës së parë të punimeve të Hidrocentralit të Ashtës


- HEC i Ashtës është një diamant e do të mbetet i tillë në kurorën e qindra hidrocentraleve që do të ndërtohen në këtë vend.

Kryeministri Berisha mori pjesë sot në ceremoninë e arritjes së kuotës maksimale të stacionit elektrik të Hidrocentralit Ashta 1, që shënon përfundimin e fazës së parë të punimeve për këtë Hidrocentral, pjesë e projektit, i cili po vihet në zbatim nga kompania austriake “Energji Ashta” një kompani e përbashkët e kompanive austriake VERBUND AG Hydro Power dhe EVN. Me Ashta 1 përfundon faza e parë e projektit për ndërtimin e dy hidrocentraleve Ashta1 dhe Ashta 2 në zonën e Bushatit, në Shkodër, një investim me vlerë rreth 200 milion euro, që aplikon teknologjinë më të avancuar në prodhimin e energjisë ujore.

Në të ardhmen në Ashtë do të prodhohen 240 milion kwh energji elektrike. Nga viti 2012, energjia elektrike e prodhuar do të ushqehet në rrjetin shqiptar 110 kV. Projekti i HEC të Ashtës mbështet mekanizimin e Zhvillimit të Pastër (CDM), në kuadër të Konventës Kombeve të bashkuara mbi ndryshimet klimatike (UNFCCC)



Duke përshëndetur ceremoninë, kryeministri Berisha u shpreh se kjo ditë është një ditë e madhe në përpjekjen e shqiptarëve për të shndërruar në realitet ëndrrën më të bukur të çdo shqiptari, Shqipëria - vend i zhvilluar.

Kryeministri përgëzoi drejtuesit e bordeve të kompanive austriake për punën e bërë dhe shprehu besimin për një të ardhme premtuese ne bashkëpunimin e gjithanshëm mes Shqipërisë dhe Austrisë, vecanërisht në sektorin energjitik. “Unë shoh një të ardhme të shkëlqyer në bashkëpunim ekonomik, kulturor, politik e të gjithanshëm me Austrinë mike. Tradita e tyre në energjinë e rinovuehsme dhe atë ujore është jashtëzakonisht e çmuar për Austrinë, për Shqipërinë, por edhe për mbarë Europën. Ne mbetmi të vendosur të bëjnë çdo përpjekje të inkurajojmë ndërtimin e mbi 443 hidrocentraleve në këtë vend.” shpreh, kryeministri.

Kryeministri vlerësoi teknologjinë e avancuar të prodhimit të energjisë ujore, nëpërmjet instalimit të turbinave metriks, të cilat instalohen për herë të parë në botë, në hidrocentralin e Ashtës.

Kryeministri garantoi se qeveria është e vendosur të bëjë gjithçka që pasuritë e mëdha ujore të këtij vendi të shndërrohen në vlera të mëdha energjetike për Shqipërinë e shqiptarët.


Në këtë ceremoni, së bashku me Kryeministrin Berisha merrnin pjesë Kryetarja e Kuvendit, zonja Jozefina Topalli, Ministri i Ekonomise,Tregëtisë dhe Energjitikës, zoti Nasip Naço, Ministri i Bujqësisë, zoti Genc Ruli, drejtues të bordit të kompanive austriake VERBUND AG Hydro Power dhe EVN, përfaqësues të autoriteteve lokale, ambasadori austriak në Tiranë, punonjës të kompanive, etj.

-

Në fjalën e tij, kryeministri Berisha u shpreh:



“Sot është një ditë vërtet e madhe për Shqipërinë që po ndryshon. Një ditë e madhe për realizimin apo në përpjekjen e shqiptarëve për të shndërruar në realitet ëndrrën më të bukur të çdo shqiptari, Shqipëria - vend i zhvilluar. Sot, ne inaugurojmë fazën e parë të hidrocentralit Ashta, një kryevepër arti e kompanive VERBUND dhe EVN, kontraktorëve e nënkontraktorëve të tyre, e kryer në një kohë rekord dhe përsosmëri të madhe. Kjo është një ditë e veçantë dhe një hap i rëndësishëm në rrugën e shndërrimit të ëndrrës sonë në realit, Shqipëria - vend i zhvilluar, sepse në këtë hidrocentral përdoret për herë të parë teknologjia më e avancuar e prodhimit të energjisë ujore. Turbinat metriks të dimensioneve më të mëdha instalohen për herë të parë në botë në hidrocentralin e Ashtës. Unë dua të shpreh mirënjohjen më të thellë kompanive për përzgjedhjen e shkëlqyer.


Zonja dhe zotërinj,

Në zhvillimin e një vendi, energja është themeli i të gjitha themeleve, është forca lëvizëse e të gjitha fushave. Për qeverinë kjo është dhe mbetet përparësia e të gjitha përparësive. Ne jemi të vendosur të bëjmë gjithçka që pasuritë e mëdha ujore të këtij vendi të shndërrohen në vlera të mëdha energjetike për Shqipërinë e shqiptarët. Shqipëria ka pasuri të gjithanshme, të shumta, por gjithnjë mbetem i bindur se pasuria e saj më e madhe natyrore janë ujërat e bollshme, të pasura që e bëjnë këtë vend të vogël një Norvegji të dytë të vogël, në gadishullin e Ballkanit. Hidrocentrali që përurojmë sot fazën e parë është gjithashtu, jo vetëm për shkak të teknologjisë, por edhe për parametrat unikë në llojin e tij, nuk është më i madhi apo ndër më të mëdhenjtë, por është më i miri se çdo hidrocentral tjetër i ndërtuar, është një diamant e do të mbetet i tillë në kurorën e qindra hidrocentraleve që do të ndërtohen në këtë vend. Qeveria ka bërë përpjekje të mëdha që rezervat ujore të Shqipërisë të shndërrohen në vlera energjetike për qytetarët e vendin.

Gjatë dy-tre viteve të fundit, ne kemi firmosur me sektorin privat, kontrata për ndërtimin e 220 hidrocentraleve në të katër të vendit. Në 36 prej tyre po punohet me intensitet. Problemi i tyre është vetëm një, se nuk janë përreth Sheratonit e Rognerit. Ato janë të vendosura në zona nga më të bukurat, por valët e televizorëve nuk i kapin ato. Ndaj i bëj thirrje mendiave të jenë më të ndjeshme ndaj Shqipërisë së lumenjve të djersës. Në një vit shihni se çfarë kanë bërë punëtorët, inxhinierët e teknikët në këtë kantier ndërtimi. Është e rëndësishme që qytetarët shqiptarë të njohin gjithnjë e më shumë vendin e tyre.


Zonja e zotërinj,

nuk është e rastit që kjo kryevepër energjetike në teknologjinë e saj ndërtohet nga kompanitë më të mira austriake. Ko ishte një garë e hapur, me tranparencë të plotë absolute, ku morën pjesë kompani nga mbarë Europa, por fitoi konsorciumi VERBUND-EVN, sepse solli ofertën më të leverdishme për qytetarët shqiptarë. EVN po punon edhe në kaskadën e Devollit. Biznesi austriak është sot i treti në Shqipëri në investimet e tij. Ky investim është rreth 200 milion euro. Unë shoh një të ardhme të shkëlqyer në bashkëpunim ekonomik, kulturor, politik e të gjithanshëm me Austrinë mike. Tradita e tyre në energjinë e rinovuehsme dhe atë ujore është jashtëzakonisht e çmuar për Austrinë, për Shqipërinë, por edhe për mbarë Europën. Ne mbetmi të vendosur të bëjnë çdo përpjekje të inkurajojmë ndërtimin e mbi 443 hidrocentraleve në këtë vend. Ujërat e Shqipërisë duhet të shndërrohen në vlera energjetike për qytetarët shqiptarë. Shqipëria i ka të gjitha mundësitë të bëhet një superfuqi e vogël energjetike në rjaon. Përparësia për energjinë është përparësia jonë më madhore.

Ndaj dhe një herë dua t’ju përgëzoj ju, drejtuesve kryesorë të Bordit të EVN, zotin Layr, zotin Rabensteiner të Bordit të VERBUND, të gjithë ekipin e punëtorët tuaj të përkushtuar për këtë vepër shumë të rëndësishme të standardeve më të mira, të përkujdesjes më të madhe për mbrojten e mjedisit dhe që do të faktohet së shpejti hidrocentrali me eficencen më të lartë në Shqipëri. Faleminderit.”

Kryeministria
05/07/2011

[Albo]

Kryeministri Berisha pret drejtues dhe anëtarë të Bordit të kompanisë Verbund, që po realizon projektin për ndërtimin e hidrocentralit të Ashtës

Kryeministri Berisha priti sot pasdite, në takim, drejtues dhe anëtarë të Bordit të kompanisë Verbund AG Hydro Power, zotërinjtë Karl-Heinz Gruber, Gunther Rabensteiner dhe Dietmar Reiner. Kompania austriake Verbund ka vënë në zbatim projektin për ndërtimin e hidrocentralit të Ashtës në Bushat, Shkodër, në bashkëpunimin me kompaninë EVN. Ky projekt është një investim me vlerë rreth 200 milion euro që parashikon ndërtimin e dy hidrocentraleve Ashta1 dhe Ashta2, duke përdorur teknologjinë më të avancuar në këtë fushë.

Drejtuesit e kompanisë e informuan Kryeministrin Berisha për përfundimin e projektit të hidrocentralit Ashta1, ceremonia e inaugurimit të të cilit do të zhvillohet të martën.

Kryeministri Berisha falënderoi investitorët për këtë investim të rëndësishëm për sistemin energjetik shqiptar, për punën e bërë dhe teknologjinë e re të aplikuar në këtë projekt, duke e konsideruar atë pjesë të programit të qeverisë për rritjen e kapaciteteve prodhuese të energjisë në vend.

Kryeministri Berisha mbështeti gjithashtu synimet e kompanisë për të investuar edhe në projekte të tjera në fushën e energjisë në Shqipëri.

Kryeministria
04/07/2011

[Albo]

Naço: Rregullore e re për kërkimin e prodhimin e hidrokarbureve

Subjektet që operojnë në sektorin e kërkimit dhe prodhimit të hidrokarbureve do të përballen me një mbikëqyrje më të madhe nga autoritetet shtetërore, duke pasur si objektiv rritjen e sigurisë, mbrojtjen e mjedisit dhe efiçencën e shfrytëzimit të burimeve.
Miratimi i Rregullores së kërkimit dhe prodhimit të hidrokarbureve në vendin tonë pritet që të jetë një hap që do të ndikojë direkt në mënyrën se si funksionon ky proces. Për ministrin e Ekonomisë, Tregtisë dhe Energjetikës, Nasip Naço, rregullorja që do t’i shkojë shumë shpejt Këshillit të Ministrave për miratim, synon që të rritë efiçencën e mbikëqyrjes së institucioneve mbi këtë sektor dhe të vendosë rregulla të qarta mes shtetit dhe investitorëve që operojnë në këtë fushë. Gjatë prezantimit të kësaj nisme ditën e djeshme kreu i METE, Nasip Naço, u shpreh se miratimi i “Rregullores për kërkimin dhe prodhimin e hidrokarbureve” vjen në një kohë kur Shqipëria po rrit ndjeshëm volumin e prodhimit të naftës, ndërkohë që edhe kompanitë që janë të përfshira në këto operacione janë të shumta. “Për vitin 2011, prodhimi i naftës bruto pritet të arrije në rreth 850 mijë ton, nga të cilat rreth 800 mijë ton do të prodhohen në kuadër të Marrëveshjeve Hidrokarbure. (Në 6-mujorin e parë 2011 janë prodhuar rreth 428 mijë ton nafte bruto, nga të cilat rreth 398 mijë janë prodhuar në kuadër të Marrëveshjeve Hidrokarbure)”, tha ministri. Ai dha detaje edhe lidhur me investimet që janë kryer në kërkimin e hidrokarbureve, operacione që në total kapin vlerën 800 milionë dollarëve. Por, çfarë synon realisht miratimi i rregullores që do të sanksionojë mënyrën e operimit të gjithë aktorëve të përfshirë në sektorin e kërkimit dhe prodhimit të hidrokarbureve? Ministri Nasip Naço u shpreh dje se rregullorja synon vendosjen e një disipline të plotë tekniko -shkencore në veprimtaritë e kryera në këtë sektor dhe njëkohësisht ka si synim edhe ruajtjen e mbi e nëntokës dhe mjedisit në tërësi. “Rregullorja sanksionon ushtrimin e së drejtës së kontrollit dhe auditimit ekonomik e financiar, nga organet që administrojnë në rrugë zyrtare aktivitetin në sektorin energjetik hidrokarbur. Përcaktimin dhe marrjen e masave për parandalimin e ngjarjeve të pakontrolluara në këtë sektor dhe organizimin e funksionimin e njësive përkatëse”, tha Naço.

Panorama

[Albo]

Berisha inspekton punimet në HEC-in e Ashtës: Arritje për sistemin energjetik

TIRANË -Kryeministri Sali Berisha zhvilloi sot një vizitë në Bushat të Shkodrës, ku inspektoi ecurinë e ndërtimit të hidrocentralit të Ashtës. Shefi i qeverisë vlerësoi punën e bërë gjatë këtyre muajve dhe theksoi se ky projekt është një arritje e madhe për sistemin energjetik të vendit.

“Hec-i i Ashtës është një risi, përdor teknologjinë më të fundit”- u shpreh kryeministri. Sipas tij, ky HEC është një kryevepër në rrafshin mjedisor dhe ekonomik.

Kryeministri theksoi se, “qëllimi i qeverisë është t'i shndërrojë në energji të gjitha ujërat e fjetura në vend”. “Që nga viti 2007 deri sot janë ndërtuar 46 HEC-e, ndërkohë që janë në ndërtim dhe 100 të tjerë, që do të kenë kapacitet 1400 mega/vat me një investim total prej 2.5 miliardë euro”, tha Kryeministri, duke shtuar se ndërtimi i këtyre HEC-eve ndikon në punësimin e punëtorëve shqiptarë, pasi janë 15-20 mijë punëtorë që punojnë në këto HEC-e.

Kryeministri Berisha asistoi edhe në vënien për herë të parë në punë, të turbinave Hydromatrix të HEC-it Ashta 1. "Energji Ashta", kompania e përbashkët midis kompanive VERBUND dhe EVN, nis kështu testimin e prodhimit të energjisë për këtë hidrocentral, afërsisht 27 muaj pas fillimit të ndërtimit të HEC-it të Ashtës, ku turbinat e para Hydromatrix të stacionit elektrik Ashta 1 sinkronizohen në rrjetin shqiptar të energjisë.

HEC-i Ashtës, i përbërë nga stacioni elektrik Ashta 1 dhe Ashta 2, ka një kapacitet të instaluar prej 53 MW. Duke filluar nga viti 2013, në HEC-in e Ashtës do të prodhohen 240 milionë kWh energji elektrike, duke furnizuar me energji 100,000 familje. Vlera e investimit shkon në mëse 200 milionë euro. Nga viti 2012, energjia e gjeneruar do të ushqejë rrjetin shqiptar 110 kV.

Ky projekt nuk ka asnjë ndikim në mjedis. Energjia do të prodhohet pa shkaktuar ndotje të ajrit, duke kursyer 114,000 ton CO2 në vit.
HEC-i i Ashtës zhvillohet bazuar në Mekanizmin për Zhvillim të Pastër (CDM) bazuar në Protokollin e Kiotos në Kuadër të Konventës së Kombeve të Bashkuara mbi Ndryshimet Klimatike (UNFCCC). Në fund të periudhës 35-vjeçare të koncesionit, HEC-i do t`i kthehet Shqipërisë.

(er.nu/BalkanWeb)

[Albo]

Inagurohet HEC i Tervolit, Berisha: Shqipëria, kjo Norvegji e vogël

TIRANË-Kryeministri Sali Berisha inaguroi sot hidrocentralin e Tervolit, komuna Pishaj në Gramsh.
Gjatë fjalës së tij para të pranishmëve, Berisha ka theksuar se shumë shpejt premtimi për ta kthyer vendin në një superfuqi të vogël energjetike do të bëhet realitet.

“Thirrja ime të ndërtojmë HEC-e atje ku mundemi”.

Sipas Berishës në Gramsh do të ngrihen 14 HEC-e, ndërkohë që vendi shumë shpejt do të kthehet në eksportues të energjisë.

"Shqipëria është një Norvegji e vogël në fushën e energjisë. Vetem Kaskada e Devollit numëron mbi 5 mijë të punësuar”, u shpreh Kryeministri.

HEC i Tervolit ka një fuqi të instaluar prej 12 Mw dhe një prodhim vjetor të energjie elektrike 40.000 kWh. Ai është i tipit me derivacion dhe për ndërtimin e tij janë hapur 3 kilometra tunel me 6.2 m2 seksion në masë shkëmbore me qëllim devijimin e ujit.
Ky është një investim shqiptar prej 8 mln eurosh.

Investimet ne Gramsh
Duke sjellë në vëmëndje investimet e kryera në këtë rreth, Kryeministri deklaroi se "këto kanë qenë vite në të cilat Qeveria ka investuar më shumë se në 8 vitet pararendëse".
"Vetëm në Gramsh kemi ndërtuar 25 shkolla, është në investim aksi rrugor Gramsh-Kodovjat, me një vlerë prej 400 milionë lekë, ndërsa nga fondi ndërkombëtar do të financohet rruga Kodovjat-Kukur, rruga Drizë- Bardhaj, me vlerë 800 milionë lekë", bëri të ditur Kryeministri

Berisha i garantoi qytetarët e Gramshit se shumë shpejt ata do të lidhen me Skraparin dhe Maliqin, pasi Gramshi shumë shpejt do të urbanizohet i tëri dhe shqiptarët do të njohin bukuritë mahnitëse të maleve të tij.

Kreu i Qeverisë bëri të ditur gjithashtu se deri tani janë financuar rreth 300 ha fruta perime, ndërsa do të bëhet gjithçka që të financohen edhe 1000 ha të tjerë, dhe do të ndryshohet për mirë jeta e njerëzve punëtorë të Gramshit.

"Urbanizimi juaj është projekti ynë më kryesor. Ne do të vijmë tek ju kudo që jeni, në shkolla, qendra shëndetësore dhe investime", tha Berisha.

Pasi vizitoi ambientet e brendshme të HEC-it, Kryeministri e cilësoi Gramshin si një vend me tokë shumë pjellore.

"Do ta shndërrojmë këtë rreth në një nga qendrat më të mëdha për prodhimin e arroreve, si dhe një nga qendrat kryesore të energjisë”, përfundoi kryeministri./

(d.b/BalkanWeb)

[Duaje Siveten]

Me gjithe keto hidrocentrala te panumerta ne investim e ndertim, a di kush se sa energji kemi filluar te eksportojme, dhe kujt i kemi shitur energji???

Po per energjine me ere, sidomos ne ca pika te vendit siç jane Bulqiza, Erseka e gjetke, a eshte menduar gje.

A mund te eksportohet energji per ne Hene? Ne mos ne Hene, po ne Mars???

[Albo]

Kryeministri Berisha pret takohet me përfaqësues të Grupit të zgjeruar të naftës dhe gazit Petromanas-Shell

Kryeministri Berisha zhvilloi një takim me përfaqësues të Grupit të zgjeruar të naftës dhe gazit Petromanas-Shell, të kryesuar nga zoti Glen McNamara, të cilët po zhvillojnë disa projekte në vendin tonë.

Gjatë këtij takimi zoti McNamara e njohu kryeministrin me ecurinë e punimeve të deritanishme të këtij Grupi , si dhe me planin operativ afatmesëm dhe afatgjatë.

Zoti McNamara e ftoi kryeministrin të vizitonte fushën e kërkimit në Shpirag, ku po punohet me intensitet në shpimin e pusit të dytë prej 6200 metrash, më i thelli në Evropë. Ai u shpreh se rezultatet e deritanishme në zonat në kërkimit janë optimiste dhe premtuese prandaj dhe të dy partnerët Joint Venture (JV) Petromana dhe Shell, kanë vendosur të intensifikojnë shpimet dhe punën në përgjithësi për të shkuar drejt shfrytëzimit. Ndërkohë grupi ka përgatitur programin për të filluar një studim të thellë sizmik të zonës që kap vlerën prej 40 milion eurosh. Zoti McNamara tha se grupi tha do të punojë paralelisht me disa sonda, duke filluar shpimet edhe në zonën e Jubanit.

Nga ana e tij, Kryeministri Berisha i përgëzoi ata për punën e bërë deri tani dhe planet për të ardhmen, duke i siguruar për mbështetjen e vazhdueshme të qeverisë së tij në këtë investim madhor. Kryeministri premtoi se do të vizitonte pusin Shpirag 2, në një kohë sa më të afërt.

Kryeministria
28/08/2012

[Albo]

Kryeministria: Jepen me koncesion edhe 7 hidrocentrale të tjera

TIRANË- Zëdhënësja e kryeministrit, Erla Mëhilli në një deklaratë për mediat bëri me dije një vendim të fundit të firmosur nga kryeministri Berisha, atë të dhënies me koncension të 7 hidrocentraleve të reja. Në total numri i hidrocentraleve të dhëna me koncension sipas saj, shkon në 332.

"Konkretisht hidrocentrali Qarr dhe Kaltanj, në rrjedhën e sipërme të Osumit, hidrocentralet Babjen dhe Lozhan 2 si dhe Kasollet e Selcës në rrjedhën e mesme të lumit Devoll, hidrocentrali Guri i Kuq në degët e lumit Osum, hidrocentrali Driza në ujërat e lumit Bistricë, hidrocentrali Potam në degën e lumit Pavlës dhe hidrocentrali Denas në lumin e Cemericës. Shuma totale e investimeve arrin vlerën e rreth 6 miliard lekë ndërkohë që punësojnë rreth 1500 punonjës të profesioneve të ndryshme. Energjisë së rinovueshme këto hidrocentrale i shtojnë kapacitetin e prodhimit me 18 megavat. Me këto 7 hidrocentrale numri i hidrocentraleve të dhëna me koncesion në Shqipëri arrin në 332, kapacitetit prodhues në tërësi arrin 1450 megavat, ndërsa vlera e investimit të tyre është mbi 2 miliardë euro", tha Mëhilli.

Mëhilli sqaroi se origjina e këtij investimi është 100% nga sektori privat dhe jo ngac sektori publik. Ajo shtoi se nga ky investim do të hapen rreth 25 mijë vende pune.

"Këto rritje kapacitetesh energjie të rinovueshme po realizohen jo më para publike, por janë investime 100 për qind private të nxitura dhe mbështetura nga klima e favorshme investuese e krijuar nga qeveria shqiptare. Përpjekjet për të dekurajuar biznesin dhe interesin e tij për koncesione në fushën e energjisë janë anakronike, ziliqare dhe keqdashëse", përfundoi deklarata e saj.

(ma.ar/BalkanWeb)

[Albo]

Inagurohet Hidrocentrali i Ashtës, Berisha:” Investimi më i madh në 30 vitet e fundit në energjitikë”


U inagurua ditën e sotme Hidrocentrali i Ashtës. Gjatë cërëmonisë së inagurimit Kryeministri Sali Berisha u shpreh se Hidrocentrali i Ashtës është kryevepra e energjitikës në Shqipëri. “Për Shqipërinë është një ditë e veçantë, një ditë e shënuar, ne inaugurojmë një kryevepër të vërtetë të energjetikës në Shqipëri, Europë e më gjerë. Ky është hidrocentrali më i madh me energjinë e turbinave Matriks. Hidrocentrali Ashta përbën njëkohësisht një kryevepër të zhvillimit të qëndrueshëm. Ky hidrocentral ka respektuar standardet më të larta të mbrojtjes së mjedisit”, tha kryeministri. Hidrocentrali i Ashtës është ndërtuar përgjatë 30 muajve të fundit në veri të Shqipërisë, në afërsi të Shkodrës. Ky është investimi më i madh në 30 vitet e fundit në tregun shqiptar të energjisë. Në hidrocentralin e Ashtës do të prodhohen çdo vit në të ardhmen 240 milion kËh energji elektrike, duke siguruar kështu furnizimin me energji të rinovueshme për 100 000 familje shqiptare. Kryeministri theksoi se qeveria e tij është e angazhuar të krijojë në vend një klimë miqësore për investitorët e huaj. “Ashta përbën një nga projektet më ambiciozë të shndërrimit të Shqipërisë në një superfuqi të vogël energjetike në rajon. Ashta është starti i parë për kompanitë austriake, ato janë të interesuara për investime të mëdha. Jam i vetëdijshëm për pengesat që kanë kapërcyer, por dua ti garantoj se do bëj gjithçka për të lehtësuar klimën e biznesit, për ta bërë vendin më miqësor ndaj investimeve të huaja. Kjo krizë e thellë që ka pllakosur ka vetëm një zgjidhje dhe kjo qëndron tek mbështetja e biznesit”, tha Berisha

MAPO

[Albo]

Investim 200 milion euro, perurohet hidrocentrali me i madh ne 30 vjet

HEC-i Ashtes eshte nje investim i perbashket i kompanive te njohura austriake "EVN" dhe "VERBUND" me vlere 200 milione euro, ka kapacitet rreth 53 megavat dhe do te hedhe ne tregun energjetik shqiptar rreth 240 milione kilovat/ore energji elektrike ne vit, duke siguruar furnizimin me energji per 100 000 familje shqiptare. Ky hidrocentral, i cili perbehet nga dy centrale elektrike, Ashta 1 dhe Ashta 2, konsiderohet nje risi ne fushen e ndertimit te veprave energjetike hidrike: ai eshte ndertuar me teknologjine me te avancuar Matrix, duke perdorur turbinat e vogla, e cila ben te mundur shfrytezimin mjaft efikas te energjise ujore. Pas perfundimit hidrocentrali i Ashtes do te prodhoje energji per 100 000 familje shqiptare dhe do te hape vende te reja pune dhe do t'i jape rajonit dhe vendit zhvillime ekonomike pozitive. Ai permireson sigurine e furnizimit me energji elektrike dhe kontribuon ne uljen e varesise se Shqiperise nga importi i energjise elektrike. Ai eshte projektuar si miqesor ndaj mjedisit dhe nuk prodhon asnje emetim. Ne perfundim te periudhes 35-vjecare te koncesionit, hidrocentrali do t'i dorezohet Republikes se Shqiperise. Impianti eshte i ndare ne dy pjese: Ashta I do te prodhoje rishtazi energji elektrike me ane te tubinave Hydro Matrix, aty ku perpara tre dekadash eshte ndertuar rezervuari i Spathares me digen kunder permbytjeve dhe sistemet e vogla vaditese per bujqesine. Pas nje kanali rreth pese kilometer te gjate qe shtrihet deri ne thellesi ne afersi te fshatit Ashte, Ashta II do te prodhoje energji elektrike per here te dyte. Edhe ketu do te perdoren 45 turbina Hydro Matrix. Per te dy hidrocentralet e Ashtes keto pajisje do te furnizohen nga Andritz-Hydro AG, te cilat jane gjithashtu prodhim austriak.

Prammer: Ne kete projekt, rendesi iu kushtua mbrojtjes se mjedisit

Inaugurimin e vepres me madhore ne Shqiperi e ka pershendetur dje edhe kryeparlamentarja austriake, Barbara Pramer. Gjate fjales se saj ne perurimin e kesaj vepre, ajo ka vene theksin tek rendesia qe ka ky hidrocentral per zhvillimin vendit. Gjithashtu, ajo theksoi faktin se gjate zbatimit te ketij projekti nje rendesi te vecante i eshte kushtuar edhe ruajtjes se mjedisit. "Ajo qe kam per zemer dhe dua ta theksoj eshte se ne kete zhvillim kemi parasysh mbrojtjen e mjedisit dhe duhet ta mbrojme ate. Energjia e paster, e rinovueshme qe prodhohet nga uji, dielli ka shume rendesi dhe prandaj ne kemi ardhur te investojme ketu", - deklaroi kryeparlamentarja austriake.

Perurimi i kesaj vepre, per zonjen Prammer, tregon besimin e ndersjelle qe kane firmat austriake dhe ato shqiptare ne teknologjine austriake, ndersa falenderoi Kryeministrin Berisha per mbeshtetjen, qe kjo veper u realizua ne kohe rekord dhe autoritet lokale per bashkepunimin.

KJ