Energjitika: Inagurohet Hidrocentrali i Ashtës

[Hero i Popullit]

Nënshkruhet kontrata 110 milionë euro për Kalivaçin

Nga Ergys Mertiri

Ka përfunduar dje nënshkrimi i kontratës koncesionare prej 110 milionë eurosh, për ndërtimin e hidrocentralit të Kalivaçit ndërmjet Ministrisë së Ekonomisë dhe Ministrisë së Transporteve me “Deutche Bank” e “BEG SpA”. Nënshkrimi i kontratës u bë i mundur pas një negocimi të gjatë, të bërë me këto dy kompani, për amendimin e kontratës ekzistuese. Kontrata e parë për ndërtimin e këtij hidrocentrali është miratuar në maj të vitit 1997, por megjithatë ndërtimi i hidrocentralit ka mbetur pezull, si pasojë e mungesës së legjislacionit të duhur, problemeve me pronësinë në vendin ku do të ndërtohet ky hidrocentral, si dhe për shkak të mungesës së garancisë financiare nga kompanitë koncesionare. Ministria e Ekonomisë e shikon si mjaft të favorshme kontratën e re, e cila do të bëjë të mundur fillimin e menjëhershëm të punimeve për ndërtimin e këtij hidrocentrali. Amendimet e bëra, sipas saj, janë mjaft të favorshme dhe krijojnë garanci për ndërtimin e kësaj vepre të rëndësishme për sektorin energjitik në vend. Kontrata koncesionare për ndërtimin e këtij HEC-i është e formës BOT (Build Operate Transfer) dhe është bërë e mundur pas përfshirjes në të të “Deutche Bank”.

Fillimi i punimeve

Pas një zvarritjeje dhjetëvjeçare punimet për ndërtimin e hidrocentralit të Kalivaçit pritet të rifillojnë së shpjeti. Është parashikuar që punimet të rifillojnë 30 dite nga marrja e lejes së ndërtimit dhe në kushtet e kontratës është përcaktuar që, në rast se kompanitë koncesionare nuk fillojnë punimet brenda një afati gjashtëmujor që nga lidhja e kontratës, atëherë kontrata zgjidhet. Kjo pikë do të shmangë mundësinë e zvarritjes së punimeve, siç është bërë deri më tani.

Përsa i përket fillimit të koncesionit, grupi negociator vendosi që data e tij të përcaktohet data 30 nëntor 2003. Që nga kjo datë do të llogaritet fillimi i koncesionit, data e fillimit të punimeve fillon tek afati i koncesionit. Ndërkohë, u arrit që për këtë, koncesionari të shtojë me 0,5% “concession fee” për 3 vitet e para të fillimit të punimeve. Kjo pikë e kontratës do të bëjë të mundur përfitimin e një sasie prej 5 mijë MW/h energji elektrike më shumë.

Grafiku i punimeve

Përveç datës së fillimit të punimeve, grupi negociator ka vendosur disa kushte, lidhur me grafikun e punimeve që do të kërkohet përgjatë fazave të ndërtimit të hidrocentralit. Ky grafik u përcaktua në bazë të projektit përfundimtar të ndërtimit, i cili u kërkua prej kompanive koncesionare përpara nënshkrimit të kontratës. Mbi bazën e këtij projekti, në kontratë u sanksionua që grafiku i punimeve të përfundojë 36 muaj nga marrja e lejes së ndërtimit. Ky grafik punimesh është i rëndësishëm për palet, pasi me të do të lidhen penalitetet e kontratës, gjë që krijon një garanci më të madhe për ndërtimin e hidrocentralit.

Garancitë e kontratës

Sipas kontratës së re, të nënshkruar dje, kompanitë koncesionare obligohen të dorëzojnë një garanci prej 4 milionë eurosh për ekzekutimin e kontratës. Kjo shumë do të plotësohet për 3 vitet e punimeve nga shuma e TVSH-së që koncesionari duhet të marrë nga organet tatimore, si pasojë e rimbursimit të TVSH-së. Grupi negociator ka vendosur edhe një sërë penalitetesh në rast shkeljesh të pikave të kontratave. Kjo u bë, duke qenë se në kontratën e mëparshme nuk ishte parashikuar asnjë penalitet për mosrespektimin e kontratës dhe kjo solli edhe mosndërtim të hidrocentralit për një kohë mjaft të gjatë dhe pamundësinë e marrjes së masave nga ana e shtetit. Për mosrespektimin e kushteve të kontratës janë parashikuar penalitete që kanë të bëjnë me gjoba në vlerë financiare, si dhe me përqindje në energji elektrike, për periudha të mëvonshme të ndërtimit. Sipas ministrisë, këto penalitete e vënë përpara përgjegjësisë ndërtuesin, duke e detyruar të respektojë kontratën. Sipas saj, kontrata e re do të bëjë të mundur detyrimin e kompanive ndërtuese për të respektuar kontratën.

Detyrimet financiare të kompanive

Kontrata e re ka përcaktuar një sërë kushtesh financiare të cilat duhet t’i plotësojnë kompanitë koncesionare. Këto kushte janë venë si pasojë e faktit që kontrata e vjetër ka pasur si një prej shkaqeve të dështimit, paaftësinë financiare të realizuesit të projektit. Kështu, sipas kontratës së re është parashikuar që kompanitë “BEG SpA” dhe “Deutsche Bank”, brenda 160 ditësh, të formojnë një kompani së cilës do t’i transferohet koncesioni. Aksionet e DB-së apo dhe te BEG SpA, nuk mund të trasferohen pa miratimin me shkrim të OSHA-s, deri në ditën e vënies në operim të HEC-it. Edhe në rast mosmarrëveshje për mosdhënien e miratimit, përsëri aksionet nuk mund të transferohen deri në ditën e dhënies së vendimit të gjykatës së arbitrazhit. Po kështu, kontrata përcakton që brenda 1 viti nga krijimi i saj, koncesionari duhet të demostrojë sigurimin e financimit për të gjithë koncesionin, në të kundërt ai është në shkelje të rëndë të kontratës me pasojë, përfundimin e saj. Brenda 10 muajve nga krijimi i kësaj kompanie, koncesionari duhet të zgjedhë një kompani me reputacion në fushën e ndërtimit të HEC-eve dhe t’i besojë asaj punën për ndërtimin e HEC-eve.

Tema

Ndertimi i Hidrocentralit te Kalivacit nuk po zvarritet qe prej 10 vjetesh por prej me shume se 30 vjetesh. Projekti ka filluar qe ne kohen e xhaxhi dulles por nuk u realizua kurre. U rinis si ide zbatimi edhe ne vitin 1993 ne qeverine Berisha 1 por edhe kesaj rradhe u nderpre. Edhe ne qeverine Nano u tha se do te ndertohej Hidrocentrali, me nje investim Kinez prej 300 milione eurosh, por edhe kjo mbeti ne letra. Mbase kjo do te jete hera e fundit e tenderimit dhe e projektit! Le te shpresojme!
Them te shpresojme sepse problemi me i madh qe del ne ngritjen e ketij Hidrocentali nuk jane fondet monetare te investimit, por shpronesimi i banoreve qe do te behet pas braktisjes! Sipas komenteve te Farudin Hoxhes, problemi qendron tek shperngulja e banoreve te Lugine se Vjoses qe mund te arrije rreth 30 mije vete. Mos gaboj qyteti i Kelcyres, i Tepelenes dhe i Memaliajt do te permbyten (perfshi ketu edhe shume fshatra)
Kjo ka qene dhe do te jete Thembra e Akilit per kete Hidrocentral!

[Forumisti]

sa mir
megjithate prap pa drita jemi ne
na u nxi jeta

[Albo]

Kryeministri Berisha njihet me një projekt që synon prodhimin e energjisë bërthamore në Shqipëri

Kryeministri Berisha ka pritur sot në zyrën e tij përfaqësues të Westinghouse dhe Camozzi Holding spa.

Pasi i kanë raportuar për ecurinë e investimit të tyre në ngritjen e një fabrike për prodhimin e pjesëve të këmbimit për indrustrinë bërthamore në Durrës, përfaqësuesit e Camossi Holdin sps i kanë prezantuar kryeministrit Berisha interesin e kompanisë së tyre dhe Westinghouse (një kompani e mirënjohur kjo në Amerikë për prodhimin e reaktorëve bërthamorë) për të prodhuar edhe në Shqipëri energji bërthamore. Kryeministri Berisha pasi ka prezantuar situatën energjetike në Shqipëri, me programin dhe reformat që ka ndërmarrë qeveria në këtë drejtim, u ka bërë me dije përfaqësuesve të këtyre dy kompanive se qeveria që ai drejton është e hapur për futjen e energjisë bërthamore në Shqipëri. Pasi të vlerësohet dhe të studiohet në mënyrë të gjithanshme problemi, në kuadrin e përfshirjes së të gjitha alternativave për të siguruar energjinë elektrike në vend, do të konsiderohet edhe ndërtimi i një centrali bërthamor në Shqipëri.



Në këtë kuadër, ka theksuar më tej Kryeministri, qeveria do të përgatisë ligjin atomik sipas standardeve ndërkombëtare, do të ngrejë strukturat e kërkuara dhe procedurat e duhura. Për këtë qëllim, qeveria do të konsultohet dhe bashkëpunojë ngushtë me agjencinë bërthamore të Vjenës.



Më tej, Kryeministri u ka bërë me dije përfaqësuesve se Shqipëria do të vazhdojë të nënshkruajë të gjitha traktatet dhe konventat ekzistuese të pa nënshkruara akoma; se Shqipëria do të krijojë të gjitha instancat rregullatore sipas standardeve të komisionit të energjisë atomike të sigurisë nukleare, të sistemit të kontollit dhe inspektoriateve të sigurisë. Bashkëpunimi i qeverisë, ka vijuar më tej Kryeministri, me instancat përkatëse të Bashkimit Evropian do të jetë i pandarë. Qeverisa shqiptare e konsideron energjinë bërthamore si pjesë të diversifikimit të burimeve energjetike të saj. Ajo synon që në të ardhmen ta kthejë Shqipërinë në një qendër prodhuese dhe eksportuese të energjisë në rajon.

Zyra e Kryeministrit

[Albo]

Kryeministri Berisha diskuton me dy kompani italiane disa projekte në fushën energjetike në vend

Kryeministri Berisha ka pritur sot në zyrën e tij përfaqësuesit e dy grupeve italiane Consorzio Technology Altmonte 2000 dhe Project & Management s.r.l., të cilat janë të mandatuara nga kompania e madhe EDISON, për të diskutuar projekte konkrete në fushën e energjetikës.

Përfaqësuesit e dy kompanive i kanë shprehur Kryeministrit interesin e tyre për investime në fushën e energjisë edhe në Shqipëri.

Qëllimi tjetër i kësaj vizite ishte dhe diskutimi për organizimin e një takimi të nivelit të lartë të përfaqësuesve të EDISON me qeverinë shqiptare, për të diskutuar mundësitë e investimeve në impiantet të ndryshme të prodhimit të energjisë, si dhe ndërtimin e një linje të gazsjellësit apo të kabllit të interkonjeksionit me Italinë.

Një tjetër propozim konkret që ata i prezantuan Kryeministrit ishte dhe ai i ndërtimit të një centrali me cikël të kombinuar deri në 800 megavat.

Vëmendja e kësaj kompanie të madhe EDISON, është drejtuar nga Shqipëria për shkak të zhvillimeve të fundit, të cilat kanë ndikuar pozitivisht në krijimin e klimës me standarde të larta për investime.

Kryeministri i ka garantuar përfaqësuesit e kompanive se propozimet e tyre janë shumë me interes për qeverinë shqiptare dhe se stukturat e saj do të sigurojnë suksesin e aplikimit të tyre.

07/11/2007
Kryeministria

[Albo]

Zëvendëspresidenti i “Statkraft” i prezanton Kryeministri Berisha projekte në fushën e energjisë së rinovueshme

Një tjetër takim, që si qëllim ka pasur prezantimin e një projekt të ri për prodhimin e energjisë në Shqipëri, Kryeministri Berisha e ka kryer sot, në zyrën e tij, edhe me Zëvendëspresidentin e kompanisë “Statkraft”.



Në këtë takim, i cili ka pasuar disa vizita të tjera të kryera pak kohë më parë, Zëvendëspresidenti i “Statkraft” i ka shprehur Kryeministrit Berisha edhe një herë më shumë interesin për të investuar në Shqipëri dhe i ka prezantuar një projekt-ide për hidrocentralin e Skavicës, një projekt më shumë ky që pason vazhdën e interesit të kësaj kompanie për kaskadën e Vjosës dhe hidrocentralin e Ashtës, tenderat e së cilave do të shpallen së shpejti.



Më pas, Zëvendëspresidenti i “Statkraft” e ka njoftuar Kryeministrin Berisha për vendimin që kjo kompani ka marrë, për shtrirjen e aktivitetit të tyre në Evropë dhe Ballkan, ata kanë zgjedhur Shqipërinë, si një vend me burime të konsiderueshme energjie të rinovueshme uji dhe ere dhe si një vend tashmë të pregatitur për të pritur investitorë të huaj kaq të mëdhenj, si “Statkraft” që konsiderohet si kompania e dytë në Evropë.



Zëvendëspresidenti i ka bërë gjithashtu me dije Kryeministrit Berisha se projekti i tyre për Skavicën mbështetet në standarde ndërkombëtare të vendosura nga Shoqata Ndërkombëtare e shfrytëzimit të ujerave.



Kryeministri Berisha e ka falënderuar përfaqësuesin e “Statkraft” për vendimin që kjo kompani ka marrë dhe e ka garantuar se qeveria shqiptare do t’u ofrojë të gjithë mbështetjen infrastrukturore për të mundësuar kështu suksesin e biznesit të tyre. Kryeministri ka konsideruar të rëndësishëm faktin se konkurrenca për ndërtimin e veprave hidrike në Shqipëri ka përfshirë kompani të standardit ndërkombëtar siç është dhe “Statkraft” dhe të tjera kompani që janë tashmë në fillim të garës.



Në fund të takimit, Kryeministri Berisha e ka përgëzuar Zëvendëspresidentin e “Statkraft” për interesin e tyre, për të marrë pjesë në garat që do të hapen së shpejti për kaskadën e Vjosës dhe Ashtës. Kryeministri i ka sugjeruar, nëpërmjet Zëvendëspresidentit, zyrës së sapo hapur në Tiranë të “Statkraft” të konsiderojë dhe projekte të tjera në fushën e energjisë së rinovueshme, jo vetëm të ujit, por edhe të erës.


22/11/2007
Kryeministria

[Albo]

Kompania kanadezo-amerikane “Naanova” i prezanton Kryeministrit Berisha dy projekte për prodhimin e energjisë në Shqipëri

Presidenti dhe Zëvendëspresidenti i kompanisë amerikano-kanadeze “Naanova” kanë kurorëzuar sot vizitat e tyre të herëpashershme për investime në Shqipëri, me dy projekte konkrete, të cilat i kanë prezantuar sot, në një takim me Kryeministrin Berisha, kryer në zyrën e tij, pranë Këshillit të Ministrave.



Në fillim të këtij takimi, përfaqësuesit e kësaj kompanie i kanë bërë me dije Kryeministrit se, pas një studimi të plotë të zonës, kanë zgjedhur Shqipërinë si një vend me klimë të përshtatshme dhe infrastrukturë biznesi favorizuese për të materializuar biznesin e tyre.



Më pas, ata kanë prezantuar projektin e parë që synon prodhimin e energjisë diellore në Shqipëri. Krahas këtij impiantit solar për prodhim energjie, ata kanë prezantuar edhe projektin për përpunimin e mbetjeve urbane dhe prodhimin e energjisë prej tyre.



Pasi është njohur me këto dy projekte, Kryeministri ka falënderuar Presidentin dhe Zëvendëspresidentin e “Naanova”-s për interesin e tyre ndaj Shqipërisë dhe u garantoi atyre të gjitha lehtësirat dhe përfitimet që qeveria shqiptare u ofron bizneseve, duke përfshirë këtu edhe përfitimet nga iniciativa “Shqipëria 1 euro”.


22/11/2007
Kryeministria

[BARAT]

TEC-i i Fierit, dyshime nga Zvicra

Një grup deputetësh zviceranë kërkojnë zbardhjen e bllokimit të parkut energjetik

Bllokimi i projektit për ndërtimin e parkut energjetik në qytetin e Fierit nga kompania zvicerane "Azienda Elettrica Ticinese" ka hapur një debat të madh politik në shtetin helvetik. Një grup deputetësh legistë të kantonit të Ticinos kanë kërkuar nga qeveria të zbardhë çështjen, duke aluduar për abuzime me projektin. Kompania "Azienda Elettrica Ticinese" (AET) është një shoqëri publike në pronësi të kantonit të Ticinos në Zvicër, që do të thotë se kjo shoqëri operon me fonde publike. Pikërisht kjo është edhe një nga arsyet se pse deputeti legist, Lorenzo Quadri, ka kërkuar zbardhjen e çështjes. AET pretendon se gjatë dy viteve operacioni "Shqipëria" i ka kushtuar 9 milionë franga zvicerane, ose e thënë ndryshe 5.5 milionë euro. Pavarësisht se nuk ka bërë asnjë punim fizik në terren, shoqëria pretendon se këto para janë shpenzuar deri në momentin e marrjes së lejes së koncesionit nga qeveria shqiptare. Por kjo ka ngritur dyshime te deputeti legist Lorenzo Quadri, i cili ka kërkuar zbardhjen e çështjes. "Sa e vërtetë është që AET ka shpenzuar 9 milionë franga? A konfirmohen këto shifra nga autoritetet, meqenëse kompania është një subjekt publik? Cili është afati i koncesionit? Çfarë do të ndodhë me këto para, nëse kompania humbet koncesionin për shkak të mosrealizimit të tij në kohë dhe qeveria shqiptare i heq asaj lejen?" Këto janë disa nga pikat ku deputeti legist i kantonit të Ticinos, Quadri, ka kërkuar nga qeveria të hedhë dritë.


Ngrirja


Një prej koncesioneve të propaganduara më fort nga qeveria Berisha, ai për ndërtimin e një parku energjetik në qytetin e Fierit, për momentin është pezulluar. Mediat zvicerane raportojnë se kompania "Azienda Elettrica Ticinese", që zotëron 50 për qind të aksioneve në konsorciumin "ASG Power", ka ngrirë projektin e saj për ndërtimin e një stacioni rigazifikimi në qytetin e Fierit, për shkak se nuk ka arritur të gjejë partnerët financiarë që do të garantonin fondet e nevojshme për realizimin e projektit.


Koncesioni


"ASG Power SA" është një kompani e ndërtuar posaçërisht për projektin e madh të Fierit. Ajo zotërohet nga AET, një kompani publike zvicerane e specializuar në fushën e energjisë, si dhe investitorë të tjerë evropianë e amerikanë. AET pagoi 1.2 milionë franga zvicerane, ose e konvertuar rreth 735 mijë euro për blerjen e 50 për qind të aksioneve të "ASG Power". Kompania pritet të japë edhe 2.7 milionë euro të tjera për aksionerët fillestarë të "ASG Power", në mënyrë që të përfundojë blerjen. Sipas bilancit zyrtar të shoqërisë për vitin 2006, del se AET ka investuar në Shqipëri 80 mijë euro për blerje të ndryshme dhe 3 milionë euro të tjera për shpenzime, të cilat nuk jepen me hollësi. Në faqen zyrtare të kompanisë mësohet se afati i koncesionit dhënë nga qeveria shqiptare është dy vjet dhe përfundon në vitin 2009. Nëse shoqëria nuk do të ketë filluar punimet, atëherë autoritetet shqiptare kanë të drejtën të heqin lejen e koncesionit, gjë që do të thoshte se jo vetëm 9 milionë frangat e paguara do të shkonin dëm, por më keq akoma edhe vetë konsorciumi "ASG Power", që u krijua enkas për projektin e Fierit.

gazeta shqip 08-01-2008


-*********-

obobobo....shpresojme mos na dalin dhe zvicerianet te korruptuar se pastaj hajt e mbushi mendjen dynjase qe nuk e prishem ne ate komb ...ncncnc

[Albo]

Kryeministri Berisha njihet me projektet e kompanisë izraelite “Telemenia”

Kryeministri Berisha priti në zyrën e tij përfaqësues të kompanisë izraelite “Telemenia”, të interesuar për të investuar në sektorin e energjitikës, në ndërtimin e hidrocentraleve në Veri të vendit, si dhe investime në sektorin e Minierave të Kromit në këtë zonë.

Kryeministri mirëpriti projektet dhe shprehu gadishmërinë e shqyrtimit të tyre me seriozitet dhe transparencë nga institucionet e administratës shtetërore.

Kryeministria
10/01/2008

[offspring]

me sa maj men un projekti ka ekzistuar qe ne 1985.ishalla zbatohet te shofim pak drit se lam nam

[white-knight]

Kaskada e Devollit, investimi më i madh në Europë në fushën e hidroenergjetikës

Shqipëria përfshihet në një projekt gjigant të prodhimit të energjisë. Gjatë ditës së djeshme është firmosur marrëveshja e koncesionit e firmës BOT mes Ministrisë së Ekonomisë, Tregtisë dhe Energjetikës dhe kompanive EVN AG, Austria dhe STATKRAFT AS, Norvegji për ndërtimin e tre hidrocentraleve përgjatë lumit Devoll. Në vlerësimi e këtij projekti, përfaqësuesit e dy kompanive, Burkhard Hofer, drejtor Ekzekutiv i EVN-së dhe Ragnvald Naero, zëvendëspresident Ekzekutiv i STATKRAFT, duke falenderuar qeverinë shqiptare për realizimin me sukses të kësaj kontrate, u shprehën se projekti për kaskadën e lumit Devoll është një ndër investimet më të mëdha në Shqipëri dhe një ndër më të mëdhatë në Europë në fushën e hidroenergjesë. Ata u shprehën se kishin një besim shumë të madh te Shqipëria, që gjatë këtyre viteve ka arritur shumë dhe ka zhvilluar një mjedis të mirë për biznesin. "Një kapacitet i lartë prodhimi i siguruar nga eksperienca e tyre do të përbëjë një arritje për një furnizim të sigurtë dhe të besueshëm me energji në Shqipëri. Vlerësojmë me konsideratë të lartë mundësinë e realizimit të këtij projekti gjigant hidroenergjetik me një partner si Statkraft, experienca e shquar e të cilit për sa i përket fushës hidroenergjetike, na jep besim të madh për të realizuar me shumë sukses këto plane sfiduese në Shqipëri", është shprehur Burkhard Hofer, drejtori Ekzekutiv i EVN AG. Në të njëjtën linjë edhe Ragnvald Naero, zv.presidenti Ekzekutiv i Statkraft AS, ka theksuar se ceremonia e firmosjes shënon një arritje të rëndësishëm në projektin energjetik të Devollit. "Marrëveshja për koncesion është përmbyllur dhe ky projekt do të rrisë prodhimin e energjisë elektrike me 20%, do të krijojë vende pune, do të stimulojë zhvillimin ekonomik dhe do të shperndaje energji të pastër në të gjithë Shqipërinë. Statkrafti është krenar që është pjesë e këtij projekti. EVN-ja është një partner i fortë dhe besojmë në bashkëpunimin e vazhdueshëm dhe të sukseshëm me qeverinë shqiptare", ka theksuar Naero. Planifikimi i projektit aktual të Devollit ka nisur më shumë se dy vite më parë. Në vazhdën e aplikimit të EVN për një propozim të bërë, qeveria shqiptare hapi një procedure ndërkombëtare tenderimi. EVN u zgjodh ofruesi fitues në janar 2008. Marrëveshja për koncesion tashmë është përmbyllur me sukses. Investimi i drejpërdrejtë nga jashtë i këtij projekti do të jetë një nxitje për ekonominë shqiptare, do të krijoje vende të reja pune dhe do të shtojë sigurimin e energjisë. Projekti i Hidrocentraleve në lumin Devoll është aktualisht një ndër projektet më të mëdha në Europë. Ndërkohë që zbatimi i këtij projekti në tërësinë e tij ka avantazhin e madh të optimizimit të plotë të kaskadës së lumit Devoll përmes tre hidrocentraleve të planifikuar, me parametra kapaciteti 320 MW, 62 km tunele dhe rreth 1 miliard euro investime.

Berisha: Projekti, hap drejt shndërrimit të Shqipërisë në superfuqi energjetike

Projekti për kaskadën e Devollit është një ndër projektet më të mëdha në historinë e vendit dhe kurorëzim i politikës së ndjekur nga qeveria për ta shndërruar Shqipërinë në vendin më tërheqës për investimet e huaja. Me këto fjalë, kryeministri Berisha ka përshëndetur firmosjen me sukses të kontratës me dy ndër kompanitë më të mëdha në Europë në fushën e energjetikës. "Këtë kontratë, ne e firmosim me dy kompani ndër më të njohurat në Europë për energjinë, EVN, kompani kryesore në Austri dhe STATKRAFT, kompani kryesore në Norvegji. Kjo përbën një ngjarje për Shqipërinë, përbën kurorëzimin me sukses të një politike, e cila ka synuar dhe synon të shndërrojë Shqipërinë në vendin më tërheqës për investimet e huaja, përbën kurorëzimin me sukses të një pune të shkëlqyer që kompanitë EVN dhe STATKRAFT bënë në studimin e Kaskadës së Devollit", ka nënvizuar kryeministri. Në vijim të fjalës së tij, kreu i ekzekutivit ka vlerësuar se projekti për kaskadën e Devollit është një nga hapat e rëndësishëm drejt shndërrimit të Shqipërisë në një superfuqi të vogël energjetike të rajonit. "Në ndërtimin e saj, ujërat e Devollit që në shekuj e mijëvjeçarë ka sjellë shumë më tepër përmbytje se vaditje dhe janë derdhur të pavlerë në dete, valorizohen dhe i parashikuar tërësisht për energji piku, ato fitojnë vlerën më të madhe të mundshme", tha numri një i ekzekutivit. Duke shtuar se ky është dhe vizioni i tij për potencialet e mëdha energjetike të vendit, kryeministri shprehu vendosmërinë për të bërë çdo përpjekje që Shqipëria të shndërrohet në një vend të tillë. Kjo vepër, vlerësoi kreu i qeverisë, për pozicionin që ka afër me kryeqytetin dhe qytetet e tjera të mëdha të vendit, merr një rëndësi të veçantë dhe shndërrohet në një faktor madhor të stabilitetit të furnizimi me energji, por gjithashtu edhe në një eksportues të rëndësishëm në kohë piku të energjisë.

Tre hidrocentralet e Devollit do të punësojnë mbi 5 mijë punëtorë

Realizimi i projektit për ndërtimin e tre hidrocentraleve mbi lumin Devoll do të bëjë të mundur dhe punësimin e më shumë se 5 mijë punëtorëve. Në vlerësimin e tij lidhur me këtë projekt, kryeministri Berisha nënvizoi për këtë vepër të madhe, në ndërtimin e së cilës do të angazhohen mbi 5 mijë punëtorë direkt në frontin e punës dhe 2500 të tjerë ndihmës, se është një kryevepër e ndërtimit në gjininë e vet, pasi parashikon 62 kilometra tunele. Gjithashtu, kreu i qeverisë ka theksuar se koncesioni me dy këto kompani, me eksperiencë të madhe në ndërtimin, menaxhimin dhe mbrojtjen e mjedisit në fushën energjetike, përbën garanci të madhe që ky projekt të jetë shumë i suksesshëm në të gjitha fushat, miqësor ndaj ambientit dhe i bazuar në tunele, ai nuk është më projekt dekadash, por shekujsh, sepse ka teknologjinë më të mirë për t'i shpëtuar potencialet nga ezaurimet e sedimenteve. Ndër të tjera, kreu i ekzekutivit shqiptar vuri në dukje se nga ky projekt përfitimi i Shqipërisë do të jetë edhe disa miliard të tjerë, për shkak të grishjes së investitorëve, nga lajmi i një projekti që bazohet në 62 kilometra tunele dhe nga dy kompanitë më të mira të Europës në fushën e energjisë.

HEC-et e parashikuara për t`u ngritur mbi lumin Devoll

Kapaciteti: ~320 MW

Prodhimi: ~1.000 MW/h

Tunele: ~62 km

Investime: ~950 milion EUR

Në fillim të vitit 2008, qeveria shqiptare i dha kompanisë EVN Austria kontratën e konçesionit për shfrytëzimin e potencialit hidroenergjetik të Lumit Devoll, që ndodhet në qendër të Shqipërisë, 50 km në jug të Tiranës. Projekti përbëhet nga një konçesion i firmës BOT për tre hidrocentrale përgjatë lumit Devoll, dy prej të cilëve do të ndërtohen dhe i treti, HEC i Banjës, do të përfundohet mbi punimet e mëparshme të ndërtimit që janë nisur gjatë fundit të viteve tetëdhjetë nga qeveria shqiptare. Në total, vëllimi i investimit për zbatimin e projektit vlerësohet të jetë më shumë se 900 milion euro dhe më shumë se 30.000 persona në vit do të punësohen gjatë periudhës së planifikimit dhe ndërtimit. Qeveria do të siguronte në total një shumë prej 1 miliard eurosh, përmes taksimit të projektit si dhe veprimtarive të tjera të lidhura me të.

Përmirësim i sigurisë së furnizimit me energji

Sektori i energjisë elektrike në Shqipëri do të jetë një përfitues i drejtpërdrejtë i Projektit të Devollit, duke qenë se ndërtimi i tij do të sillte një përmirësim të sigurisë së furnizimit me energji elektrike të Shqipërisë. Vlerësohet se prodhimi mesatar vjetor i energjisë në këtë projekt mund të arrijë deri në nivelin 1 Tv/h, një sasi kjo mbi nivelet maksimalë vjetorë të ndërprerjeve të energjisë, që janë rregjistruar në Shqipëri gjatë dekadës së fundit. Ndërtimi i Projektit të Devollit do të rriste stabilitetin e sistemit, për shkak të pozicionit të tij strategjik pranë kryeqytetit, i cili është konsumatori kryesor në vend, si për familjarë, ashtu edhe për industrinë, por është gjithashtu edhe pranë Elbasanit, që është qyteti më i afërt dhe në të njëjtën kohë një qendër industriale e rëndësishme (shumë industri të rëndësishme dhe konsumatorë të mëdhenj të energjisë e kanë vendndodhjen në Elbasan, si uzina e ferrokromit, e çelikut, fabrika e çimentos etj), si dhe një nyjë e rëndësishme energjetike për Shqipërinë (linja 400 kV e transmetimit nga Greqia përfundon në transformatorin 400 kV të Elbasanit). E gjithë kjo do të mundësonte akses dhe shpërndarje pa probleme për konsumatorët. Projekti i Devollit, me tri hidrocentralë shumë fleksibël, të cilët do të jenë në punë gjatë orëve të pikut, do të mundësonte më shumë eksporte të energjisë elektrike të shpërndarë në rrjet e si pasojë, do të kontribuonte në përmirësimin e funksionimit të tregut të energjisë elektrike.

Zhvillim i tregut të energjisë elektrike

Një hyrje e re private në tregun e prodhimit të energjisë elektrike, siç është Projekti i Devollit, do të kërkonte një mekanizëm të përshtatshëm të funksionimit të tregut, i cili mundëson zgjidhje dhe alternativa të orientuara nga biznesi, të cilat garantojnë vazhdueshmërinë e investimeve në sistemin e energjisë elektrike dhe efiçencën në menaxhimin e burimeve të disponueshme. Implementimi i Projektit të Devollit në tërësinë e tij nga të njëjtat kompani, ka në vetvete avantazhin e madh të optimizimit të plotë të kaskadës së Lumit Devoll përmes tre hidrocentralëve të planifikuar, gjë që do të ishte e vështirë të sigurohej në një tjetër skenar, pra të ndërtimit të secilit hidrocentral nga tre kompani të ndryshme. Kapaciteti i projektit në funksionim të plotë do të ishte mesatarisht një GWh në vit, që me çmimin mesatar me shumicë në momente piku prej 80 euro/MWh do të gjeneronte 80 milion euro në vit, ose 1% e GDP. Projekti i Devollit ka një rol të rëndësishëm e të trefishtë në nxitjen e investimeve të huaja në Shqipëri. Projekti i Devollit, si suksesi i parë madhor si një investim privat në sektorin e energjisë, do të ndihmonte për nxitjen e investimeve të tjerë në sektorin energjetik, të cilët janë shumë të nevojshëm për përmirësimin e sektorit të energjisë elektrike në Shaipëri. Sipas legjislacionit shqiptar, marrëveshjet e koncesionit të firmës BOT parashikojnë transferimin e plotë për tek shteti të aseteve të konçesionit pas përfundimit të periudhës së konçesionit. Rritja e sasisë së energjisë elektrike në sistemin shqiptar të energjisë elektrike do të krijonte shanse më të mëdha për shkëmbime të energjisë elektrike brenda tregut rajonal.

Përfitimet ekonomike për Shqipërinë

Rritje e punësimit:

Faza e ndërtimit

Direkt: 5.000 vetë në 6 vjet

Indirekt: Të paktën 2500 vetë për 6 vite

Paga direkt: 120 milionë euro

Paga indirekt: 60 milionë euro

Faza Operative

300 vende të përhershëm pune për kompaninë joint-venture dhe furnizuesit

Pagat (vlerësuar në terma realë): 50 milionë euro

Mundësi Vaditjeje në rrjedhën e poshtme të Banjës

Përfitime ekonomike për shtetin

Përfitimet financiarë për shtetin në një nivel prej minimumi 1 miliardë euro, përmes rritjes së të ardhurave të qeverisë

Të ardhura nga taksat mbi fitimin

Të ardhurat nga taksa të tjera

Tarifa e konçesionit

Të ardhurat në rrjetin e shpërndarjes

Të ardhura nga taksimi i veprimtarive të lidhura me projektin/efekti shumëfishues

Të ardhura nga taksimi i veprimtarive jo të lidhura me projektin/efekti shumëfishues

Përfitimet e përgjithshëm ekonomike

Rritje e normës së rritjes së GDP prej 2%

Rritje e sigurisë së furnizimit - një sistem i qëndrueshëm i energjisë elektrike

Përfitimet financiarë:

Të ardhurat nga taksa mbi fitimin

Të ardhurat nga tarifa e koncesionit

Të ardhurat nga taksa e infrastrukturës, blerja e tokës, ripyllëzimi

Të ardhura nga taksa të tjera

Burimi

[sulioti]

flm se eshte lajmi me i bukur qe kam degjuar kohet e fundit e do zoti behet kjo veper qe do e kthente dvollin ne nje perle te bukur ne mes te shqiperis.une jam vete nga ajo zon dhe njerzit aty do ti ndimonte shum kjo gje eshte nje plus shum i madh per shqiperin dhe per vete banoret e zones qe do te ken me shume kontakt te lire fale liqenve me shum uje per toka e tyre se e gjith ajo zon vuan per ujitjen e tokave se i gjith ai uj iken kot deri me sot se nuk ka patur ndonje plan me pare vende te reje pune plus qe energjia do jete ekologjike kjo gje vetem pluse te medha ka sa me shpejt te realizohet aq me mire.

[Brari]

urime qeverrise e ktyre kompanive e te fillojne punet sa me pare..

[Albo]

HEC ne Devoll, firmoset kontrata 1 mld euro

E Shtune, 20 Dhjetor 2008

Qeveria shqiptare dhe kompanite EVN AG dhe Statkraft AS kane nenshkruar gjate dites se djeshme, koncesionin per ndertimit e tre hidrocentraleve ne lumin Devoll ne Shqiperi. Te dy keto kompani, do te mbajne 50% ne partneritet ku do te ndertojne sipas eksperiences se tyre ne rajon dhe do te perdorin njohurite e nderthurura ne planifikimin, ndertimin dhe operimin e ketij projekti hidroenergjetik. Dy kompanite do te planifikojne dhe ndertojne tre Hidrocentrale, me rezervuar dhe me prodhim edhe ne kohe piku, me nje kapacitet prej afersisht 340 MË. Prodhimi mesatar nga ky investim llogaritet ne rreth 1.000 GWh. I gjithe investimi do te kape nje shifer prej 950 milione euro dhe do te realizohet ne nje periudhe kohore prej rreth 8 vitesh. Burkhard Hofer, Drejtori Ekzekutiv i EVN AG, ben te ditur se "nje kapacitet i larte prodhimi i siguruar nga eksperienca e tyre do te perbeje nje arritje per nje furnizim te sigurt dhe te besueshem me energji ne Shqiperi. Vleresojme me konsiderate te larte mundesine e realizimit te ketij projekti gjigant hidroenergjetik me nje partner si Statkraft, eksperienca e shquar e te cilit, per sa i perket fushes hidroenergjetike, na jep besim te madh per te realizuar me shume sukses keto plane sfiduese ne Shqiperi. Ndersa Ragnvald Naero, presidenti ekzekutiv i Statkraft AS ben te ditur se "ceremonia e firmosje shenon nje arritje te rendesishme ne projektin energjetik te Devollit. Marreveshja per koncesion eshte permbyllur dhe ky projekt do te rrise prodhimin e energjise elektrike me 20 %, do te krijoje vende pune, do te stimuloje zhvillimin ekonomik dhe do te shperndaje energji te paster ne te gjithe Shqiperine". Planifikimi i projektit aktual te Devollit, ka nisur me shume se dy vite me pare. Ne vazhden e aplikimit te EVN per nje propozim te bere, qeveria shqiptare hapi nje procedure nderkombetare tenderimi. EVN u zgjodh ofruesi fitues ne Janar 2008. Investimi i drejtperdrejte nga jashte i ketij projekti vleresohet nga specialistet se do te jete nje nxitje per ekonomine shqiptare, duke krijuar vende te reja pune dhe do te shtoje sigurimin e energjise. Projekti i Hidrocentraleve ne lumin Devoll eshte aktualisht nje nder projektet me te medha ne Evrope. Marreveshja eshte firmosur nga kryeministri Sali Berisha, ministri i Tregtise, Ekonomise dhe Energjetikes Genc Ruli, EVN AG dhe Statkraft AS. EVN-ja eshte e renditur si nje nga kompanite nderkombetare austriake energjetike dhe ekologjike qe ofron sherbime si energji elektrike, gas, ngrohje, uje, dhe perpunimin e mbeturinave dhe sherbime te ngjashme per 3 milione konsumatore ne 18 vende te botes. J.Llupo

2.3 milione konsumatore

Gjate viteve te fundit grupi i EVN-se ka arritur te pozicionohet ne industrine energjetike ne Bullgari dhe Maqedoni, duke furnizuar 2.3 milion konsumatore Gjate vitit financiar 2007/08 EVN-ja ka nje total prej 9,342 punonjesish

Energjia e rinovueshme

Statkrafi eshte prodhuesi me i madh ne Evrope per energjine e rinovueshme. Grupi zhvillon dhe gjeneron energji ujore, energji nga era, energji gazi, ngrohje rajonale, dhe eshte nje faktor kryesor ne shkembimin e energjise ne Evrope.

20% rritje ne prodhim

Marreveshja eshte permbyllur dhe ky projekt do te rrise prodhimin e energjise elektrike me 20 %, do te krijoje vende pune, do te stimuloje zhvillimin ekonomik dhe do te shperndaje energji te paster ne te gjithe Shqiperine

[Albo]

Qeveria Shqiptare dhe Statkraft firmosin projektin e 3 hidrocentraleve mbi lumin Devoll.

http://www.forumishqiptar.com/showthread.php?t=103028

[white-knight]

Austriakët dhe norvegjezët 950 milionë euro investim për tri hidrocentrale në Shqipëri

Media ndërkombëtare, jehonë investimeve të dy kompanive të huaja në Shqipëri

TIRANE – Mediat e prestigjioze të huaja ndërkombëtare, i kanë bërë jehonë dhe kanë përcjellë me interes, lajmin e ndërtimit të tri hidrocentraleve mbi kaskadën e lumit Devoll në Shqipëri. Interesimi i mediave, shtohet dhe bëhet edhe më i madh, jo vetëm nga shifra e investimit, e cila kap shumën e 950 milionë eurove, por edhe nga përfshirja në këtë investim i dy kompanive të huaja, EVN AG, një kompani e mirënjohur austriake, dhe “Statkraft AS”, kompani norvegjeze.

“Euronews”
EVN AG, një kompani e mirënjohur austriake, me investime të shumta në Evropën Lindore dhe atë jugore dhe “Statkraft AS”, kompania norvegjeze lider në prodhimin e energjisë së rinovueshme njoftuan nënshkrimin e një marrëveshjeje për ndërtimin
e hidrocentraleve mbi kaskadën e lumit Devoll në Shqipëri, bënte ët ditur televizioni prestigjioz “Euronews”.
Sipas këtij televizioni, mësohet se të dyja kompanitë së bashku do të kenë secila nga 50 % të kapitalit në këtë investim gjigant duke ndërtuar HEC-et bazuar në eksperiencën e tyre në gjerë në rajon. Me anë të nënshkrimit të kësaj marrëveshjeje me qeverinë shqiptare në Tiranë, EVN AG dhe “Statkraft” kanë të drejtën e zhvillimit të projektit për ndërtimin e 3 hidrocentraleve mbi lumin Devoll, me nje kapacitet të përgjithshëm prej 340 Megawat dhe një prodhim mesatar prej afërsisht 1.000 Gigawat në orë. I gjithë investimi që kap një shumë 950 milionë eurosh pritet që të realizohet për një periudhë 8-vjeçare. Projekti për kaskadën e Devollit ka nisur më shumë se 2 vite të shkuara. Pas fitimit të së drejtës për studimin e fizibilitetit të këtij projekti nga kompania EVN, qeveria shqiptare çeli një tender ndërkombëtar për këtë çështje.
Sipas “Euronews”, mësohet se EVN u shpall fituese në janar të vitit 2008. Aktualisht marrëveshja koncensionare është përmbyllur me sukses. Investimet e huaja direkt siç është edhe rasti i këtij projekti pritet që ti japë një shtysë të mëtejshme zhvillimit të ekonomisë shqiptare, duke krijuar vende të reja pune si dhe rritur garancinë e furnizimit me energji elektrike të konsumatorëve familjarë dhe bizneseve.
EVN është kompanie lider e energjisë dhe shërbimeve mjedisore me qendër në Austrinë e Poshtme, province më e madhe austriake. EVN u ofron konsumatorëve elektricitet, gaz, ngrohje, ujë dhe shërbime të ndërlidhura. Kjo kompani zotëron 3 milionë klientë në më shumë se 18 vende. “Statkraft” është kompania lider në Evropë për sa i përket prodhimit të energjisë se rinovueshme. Konsorciumi zhvillon dhe gjeneron hidrocentrale, turbina me erë, termocentrale me gaz apo solar.

“Reuters”
EVN dhe “Statkraft” nënshkruajnë një marrëveshje energjetike prej 950 milion eurosh në Shqipëri, thotë në raportin e saj Agjensia Ndërkombëtare e Lajmeve “Reuters”.
Kompania austriake EVN (EVNV.VI) dhe ajo norvegjeze “Statkraft” do të investojnë 950 milionë euro ($1.37 miliardë dollarë) për të ndërtuar tre hidrocentrale në lindje të Shqipërisë në kuadër të atij çka ata e quajtën projekti më i madh energjetik në Evropë.
“Madhësia unike e këtij kompleksi në projektin hidroenergjetik të Devollit si investimi më i madh i bërë ndonjëherë në Shqipëri dhe më i madhi projekt hidroenergjetik në Europë ka justifikuar përpjekjet tona të mëdha”, tha për “Reuters”, Drejtori Ekzekutiv i EVN Burkhard Hofer.
Sipas “Reuters”, EVN fitoi një koncesion të tipit BOT (ndërto-shfrytëzo-transfero) për të shfrytëzuar të gjithë potencialin e luginës së Lumit Devoll në Janar dhe që atëherë ka negociuar një kontratë me Shqipërinë.
EVN tha se hidrocentralet mbi Lumin Devoll në lindje të Shqipërisë, afër Greqisë dhe Maqedonisë, do të kenë një kapacitet prej 340 MË dhe do të prodhojnë afërsisht 1,000 GWh në vit. EVN u tërhoq nga një tender për të blerë operatorin shqiptar të shpërndarjes se energjisë por bashkë me VERBUND, një tjetër kompani austriake e prodhimit dhe transportit të energjisë elektrike, do të fillojë të ndërtoje një hidrocentral me një vlerë prej 160 milion eurosh në veri të Lumit Drin, i katërti hidrocentral ky mbi këtë lume por i pari i ndërtuar në 30 vjet në Shqipëri, vijon më tej në kronikën e saj Agjencia ndërkombëtare e Lajmeve “Reuters”.
Shqipëria ka vuajtur nga mungesa te energjisë elektrike që nga rënia e regjimit komunist ne vitin 1990, ndërsa kërkesa për këtë produkt ka qenë në rritje. Kryeministri Sali Berisha u ka premtuar investitorëve të huaj në sektorin energjetik se do të nxisë prodhimin (output-in) ($1=.6955 euros), përfundon “Reuters”.

Të tjerat
Agjencia e njohur e lajmeve “Associated Press” veç raportimit të këtij lajmi theksonte se, Shqipëria në periudhën e post-komunizmit ka vuajtur në mënyrë të vazhdueshme ka vuajtur mungesën e energjisë elektrike për shkak të mungesës së reshjeve, amortizimit të madh në rrjetin e shpërndarjes si dhe mosarkëtimin në një masë të madhe të energjisë së konsumuar.
Media norvegjeze duke komentuar marrëveshjen e kompanisë “Statkraft AS” me qeverinë shqiptare mbi këtë projekt citon drejtorin ekzekutiv të kësaj kompanie, zotin Ragnvald Naero që shprehet se “kjo marrëveshje koncensionare rrit prodhimin aktual të energjisë elektrike nga uji me të paktën 20 për qind”.
“Projekti ndërkaq krijon vende te reja pune, stimulon zhvillimin ekonomik dhe prodhon energji të pastër për Shqipërinë”, deklaroi zoti Naero për mediat norvegjeze.
Ndërkaq agjencia kineze e lajmeve www.chinavieë.cn thekson mes të tjerash se “më shumë se 90 për qind e energjisë elektrike të prodhuar në Shqipëri vjen prej hidrocentraleve.

Gazeta 55

[drenicaku]

Eshte konstatu qe ka keqperdorime ne kete kontrat dhe duhet burgos sali berishen
Kjo ke vetem shaka,sepse pas qdo vepre gjigante komunistet mundohen ne menyra me te ndyta per te pengua.
Shpresoj qe kjo veper te behet realitet dhe mos te vuajm per drita,e ndoshta si vllezer qe jemi do perfitojm edhe ne diq nga kjo sepse vllau ne terr nuk lihet apo nuk eshte keshtu.

[levizja]

mirembrema me behet qefi qe qenka shkruar kjo kontrate, por doja te shtoja dicka.
ne cilin vit fillon ky proces i ngritjeve te hidrocentraleve gjigante me kete shume te madhe lekesh????

[Albo]

Berisha peruron HEC-in e Ashtes dhe ironizon opoziten per berthamorin

E Merkure, 27 Maj 2009

Kryeministri Berisha ironizoi dje nga Bushati gjithe ato zera te opozites, te cilet e akuzuan mazhorancen ne lidhje me planet per ngritjen e nje centrali berthamor ne Shkoder. Ne inaugurimin e fillimit te punimeve per ndertimin e hidrocentralit te Ashtes, ne Bushat, nje investim i kompanise austriake Verbund prej 160 milion euro kryeministri ironizoi duke theksuar se "ky ka qene centrali nuklear qe Sali Berisha do te ndertonte per Shkodren". Sipas Berishes, hidrocentrali i Ashtes eshte nje nga 140 hidrocentralet te cilat do te nisin punen se shpejti ne te gjithe vendin, per te arritur ta kthejne Shqiperine nje superfuqi energjetike ne rajon. "Keto jane vetem disa nga projektet tona, per ta shnderruar Shqiperine ne superfuqi te vertete rajonale energjetike. Ky vend ka potenciale te jashtezakonshme. Cdo dite, cdo jave, cdo muaj, cdo vit do te punojme t'i shnderrojme ato ne vlera per ju, qytetare shqiptare", deklaroi kryeministri ne fjalen e tij. Po keshtu sipas Berishes, keto vepra te reja qe priten te ndertohen do te sigurojne edhe shume vende punesimi, duke bere qe Shqiperia ta uli ndjeshem nivelin e papunesise ne vend. "Ne keto 104 hidrocentrale, ju garantoj se minimumi i te punesuarve ne to do te jete 60 mije punonjes ne Shqiperi. Ne kete hidrocentral punesohen disa qindra vete, ne kaskaden e Devollit punesohen mbi 5 mije persona, Skavica, kaskada e Vjoses, e Osumit dhe lumenjte e tjere do te fitojne gjallerine me te madhe se te gjithe lumenjte e Evropes", deklaroi kryeministri Berisha, duke shtuar se keto hidrocentrale do ta kthejne vendin ne nje kantier ndertimi. Sipas Berishes, hidrocentrali i Ashtes eshte nje veper jashtezakonisht e rendesishme ne sistemin energjetik shqiptar, i cili ndertohet nga nje prej kompanive lider ne fushen e hidrocentraleve ne Evrope, kompania kryesore energjetike ne Austrine mike, e cila zoteron ne pronesine e saj 107 hidrocentrale dhe 9 termocentrale.

KJ

[Anesti_55]

Sipas të dhënave zyrtare të Ministrisë së Ekonomisë, Tregtisë dhe Energjitikës, deri tani janë lidhur rreth 50 kontrata koncensionare për ndërtimin e HEC-ve, ndërsa vetëm gjatë këtij viti është bërë e mundur nënshkrimi i dy kontratave për ndërtimin e HEC-ve me vlerë 2 miliard euro. Qeveria shqiptare tashmë ka nënshkruar kontratën me kompaninë austriake EVN dhe atë norvegjeze "Statkraft AS", për ndërtimin e tre hidrocentrale në lumin Devoll, me një investim prej 1 miliard eurosh: hidrocentralin Lozhan-Grabovë me fuqi 173 MW, hidrocentralin "Skënderbegas" Drizë, me fuqi 188 MW dhe hidrocentralin e Banjës me fuqi 28 MW".

[Patrioti]

Bravo qeverise. Gjithsesi rrjeti shpendarjes vazhdon te mbetet "thembra Akilit". Problem gjithashtu mund te perbeje edhe kostoja e perftimit te kesaj energjie.