E Marte, 08 Maj 2007
"Koha Jone" siguron dokumentin e specialisteve franceze te krimit te organizuar, bazuar ne te dhenat e sherbimeve sekrete. Analizohen ne menyre te detajuar strukturimi i organizatave kriminale ne Shqiperi, fushat e tyre te veprimit, fuqia ekonomike dhe lidhjet me pushtetin politik
"Mafia shqiptare perbehet nga 15 klane, qe disponojne te gjitha bazat territoriale te qendrueshme". Eshte ky konstatimi i nje raporti te hartuar nga specialiste franceze te krimit te organizuar, bazuar ne te dhenat e sherbimeve sekrete. I siguruar nga "Koha Jone", raporti i Institutit te Menaxhimit te Rrezikut Kriminal analizon ne menyre te detajuar strukturimin e organizatave kriminale ne Shqiperi, fushat e tyre te veprimit, fuqine ekonomike dhe lidhjet me pushtetin politik. Por, pohimi me trondites i raportit eshte se "per te crrenjosur keto organizata kriminale do te duhet padyshim te bashkohen te gjitha forcat politike, policore dhe ushtarake per shume vite me radhe".
Raporti francez vlereson se "mafia shqiptare eshte nje shoqeri kriminale, sipas kuptimit te fjales. Para se gjithash eshte nje ndermarrje, fuqia financiare e se ciles mbeshtetet ne rentabilitetin eksponencial te trafiqeve te ndryshme". Mafia shqiptare cilesohet si "nje komunitet njerezor, pushteti i te cilit ushtrohet ne te gjithe vendin". "Jo tek optimizmi qe ngjallin, por tek efektet reale te fuqise dhe pushtetit, duhet te perqendrohen analizat e ndryshimeve qe ka pesuar mafia shqiptare nga viti 2005", thote raporti, qe do te botohet ne ditet e ardhshme.
"Si numer i qarqeve mafioze, shoqeria shqiptare eshte kryesisht klanore. Nese kjo karakteristike maskohet dalengadale ne gjirin e gjenerates se re urbane, nje klan mbetet entitet baze i shoqerise", vlereson raporti. Me tej, dokumenti nenvizon se "lidhja e pare e mundshme mes anetareve te nje klani eshte lidhja e gjakut dhe bazohet te lidhjet familjare biologjike". Ndersa lidhja e dyte eshte ajo e zonave. "Ajo bashkon ne gjirin e nje klani familjet qe jetojne ne nje siperfaqe gjeografike, qe shpesh mund te jete nje rruge apo disa shtepi. Vendi shoqeror i nje klani krijon keshtu paraekzistencen e nje karakteristike esenciale te cdo organizate mafioze: centralizimin e territorit", shprehen hartuesit e materialit hetimor.
Gjithashtu, funksionimi klanor shqiptar, sipas dokumentit, mbeshtetet, vec te tjerash, tek aplikimi i nje kodi shume te lashte, Kanuni, tek i cili vetemohimi kriminal perben nje piedestal te bronzte ne "Kodin e Nderit", te domosdoshem per nje mafia. "Rregullat e tij (Kanunit) kryesore te shfrytezueshme ne kete fushe jane respekti absolut i nje hierarkie te dukshme, kulti i sekretit te informacionit (gjendja fillestare dhe jo kriminale e kodit te heshtjes, ose ligji i heshtjes), nje vetemohim total i individit ne grup dhe kodifikimi strikt i dhunes qe duhet ushtruar kunder cdo klani tjeter apo individi qe fyen klanin (fillimi i hakmarrjes)", lexohet ne raport, bazuar ne informacione te sherbimeve sekrete.
Nje tjeter predispozite mafioze e shoqerise shqiptare qendron te mosbesimi thuajse strukturor i popullsise ndaj shtetit. "Per me teper, nga irredentizmi legjendar ilir, shoqeria shqiptare e konsideron historikisht shtetin si nje force detyruese te ushtruar nga pushtuesi apo nga nje diktature e tmerrshme staliniste e Enver Hoxhes, me pas e Ramiz Alise, qe i mori frymen vendit per gjysmeshekulli", nenvizojne specialistet e krimit te organizuar. Sipas tyre, mafia shqiptare zoteron nje strukture te forte. "Duke thyer rregullat shoqerore te paraardhesve, klanet perberese te saj jane homogjene dhe krejt hermetike: kushtet perkatese e bejne ate te padepertueshme nga jashte dhe rreptesia e rregullave te brendshme i ndalon tradhtite", vlereson raporti.
Arkitektura mbetet nderkohe ne rrugen e strukturimit. "Mafia shqiptare perbehet nga 15 klane, qe disponojne te gjitha bazat territoriale te qendrueshme. Nese Tirana ka numrin me te madh te klaneve, qytetet e tjera jane te prekura nga implementimi mafioz", nenvizon dokumenti. Struktura e brendshme e nje klani orientohet qarte drejt nje arkitekture te tipit italian. E thene me thjeshte, ajo permbledh kapon (kapo eshte termi i huazuar ne shqip), keshilltaret, kryetaret e grupeve dhe ushtaret. "Funksioni i zevendesit te kapos duket se ekziston ne gjirin e disa klaneve te Durresit dhe Tiranes", thuhet ne raport.
NESER NE "KOHA JONE"
Si mbeshtetet fuqia e mafias shqiptare te perfshirja ne trafiqe te ndryshme. Levizjet e heroines, hashashit, cigareve, automjeteve dhe qenieve njerezore.
Pėrgjigju Duke Cituar
Krijoni Kontakt