Close
Faqja 0 prej 5 FillimFillim 12 ... FunditFundit
Duke shfaqur rezultatin -19 deri 0 prej 92
  1. #1
    Student Shqiptar Maska e Enri
    Anėtarėsuar
    26-04-2002
    Vendndodhja
    Nė ėndėrrim pėr njė botė ideale
    Postime
    604

    Marrdheniet Greko-Shqiptare. Nga mitet ne realitet.

    Marredheniet Greko - Shqiptare: nga mitet tek realiteti

    Nga Gazmend Kapllani

    Ne se dikush deshiron te flase seriozisht per marredheniet greko-shqiptare, kam pershtypjen se duhet te perdore metoden e Dekartit: te vere menjane bagazhin e mitologjive dhe bestytnive reciproke. Pa dyshim metodologjia ne fjale ka "koston" e saj: mund te te furnizoje me simpatizante por edhe me akuzues. Duke jetuar dymbedhjete vjete "in between" i kam provuar te dyja. Kam perftuar shume "pergezime" por edhe jam akuzuar jo rralle here (deri ne seanca te Parlamentit grek) si "antigrek i rrezikshem". Nga ana tjeter, specialiste te "patriotizmes shqiptare" nuk kane nguruar te me stolisin me epitetin e renegatit. Megjithate, me perunjesi, do ngul kembe edhe sot t'i qendroj besnik filozofise se tipit "Mendoj, pra Ekzistoj".

    ****

    Po te besh radiografine e marredhenieve greko-shqiptare pas vitit 1991, do konstatosh se i ngjajne nje kardiograme te trazuar. Njekohesisht nuk veshtiresohesh te nxjerresh konkuzionin se Greqia dhe Shqiperia, duke filluar nga viti 1991, nuk jane me te "huaja" per njera-tjetren. Asnjehere ne historine e tyre, si shtete-kombe nuk kane qene kaq afer njera-tjetres. Asnjehere kufijte midis tyre nuk kane qene kaq poroze (pavaresisht nga "radhet e doganave"). Nuk eshte thjesht nje afrim "elitash" shteterore. Behet fjale, pa dashur te jem epik, per nje epoke te re: emigracioni masiv shqiptar ne Greqi, pozita sociale dhe politike e minoritetit grek ne Shqiperi, prania ekonomike greke ne Shqiperi, vizioni i perbashket i Bashkimit Europian etj, jane realitete shume te reja qe i perjetojme pas vitit 1991. Realitete qe shpesh shoqerohen nga "kusure historike", stereotipe dhe anakronizma te se kaluares. Dhe qe njekohesisht behen burimi i stereotipeve, mitologjive dhe fobive te reja. Te afrohesh me "Tjetrin", nuk do te thote vetvetiu se eshte garantuar edhe harmonia. Afrimi, ne boten tone njerezore dhe aq me shume ne ate ballkanike, kerkon perpjekje te vazhdueshme qe te dale ne te mire te te dyve. Kerkon shume pune per te ndertuar nje hapesire mirebesimi ne te ardhmen. Ndryshe kufinj te rinj mund te sajohen dhe konflikte te reja mund te pergjojne. Aq me shume qe ky afrim behet ne nje situate "pabarazie objektive": Greqia megjithese ne historine e saj te re kaloi periudha te tmerrshme, ne fund doli e "mikluara e historise". Megjithe kontradiktat qe e brejne si shoqeri, sot eshte vendi me i zhvilluar dhe i begate ne Ballkan. Ndersa Shqiperia, e penalizuar rende nga 50 vjet totalitarizem, po kalon sot nje nga periudhat me te veshtira te historise te saj te re.

    Ne cdo rast, marrdheniet greko-shqiptare, do guxoja te thosha, kane hyre ne nje periudhe post-nacionale. Kjo nuk do te thote qe kane hedhur pas shpine identitetin kombetar: ceshtja e te ardhmes nuk eshte zhdukja apo ruajtja e identitetit kombetar por si ky identitet do nderthret dhe do vije ne kontakt me identitete te tjere, ne nje kuader kulturor dhe politik shume me te nderlikuar dhe te pasur se sa kurre me pare ne histori.

    ****

    Duke jetuar dymbedhjete vjete midis dy vendeve, nje nga gjerat qe me ka bere pershtypje te thelle eshte vellimi i padijes reciproke (megjithese shpesh pretendohet e kunderta). Dikur flisja me mikun tim hebre dhe perkthyesin e mrekullueshem, Iakob Shiibi, i cili me thoshte se: "Ne dhe Palestinezet kemi marredhenie tragjike me njeri-tjetrin po njohim gjithcka per njeri-tjetrin qofte per mire, qofte per keq. Njohim mitologjine e njeri-tjetrit, poetet, politikanet..."... Asgje e tille nuk ndodh mes Greqise dhe Shqiperise (lumturisht marrdheniet midis tyre nuk jane si ato mes Izraeliteve dhe Palestinezeve dhe Zoti na ruajt nga dicka e tille...). Mund te jete ky ndoshta nje tregues i "sindromit ballkanik". Personalisht mendoj se mungesa e informacionit eshte shume me e theksuar ne Greqi.

    Ne cdo rast, kur flas per "padije", nuk i referohem thjesht "padijes popullore" apo asaj te mediave, te cilat shesh levrijne mes dizinformacionit dhe indiferences skandaloze; pervec te tjerave, ne te dy vendet, sic ndodh shpesh ne Ballkan, pjaca gelon nga "gazetaret patriote"... Flas edhe per "vatren e diturise", Universitetin. Eshte e rastesishme qe "studimet ballkanike" jane pothuajse inekzistente ne te dy vendet? Ose kur ekzistojne, jane te mbarsura me mitologjine nacionaliste te fillimeve te shekullit te XX-te?

    Sigurisht qe stereotipet dhe mitologjia jane kundershtare shume te frikshem. Jane "palca" e orientimit dhe interpretimit te botes. Kane dashur shume kohe te krijohen dhe te kristalizohen, prandaj eshte shume e veshtire t'u kundervihesh dhe t'i ndryshosh me argumenta logjike dhe brenda nje kohe te shkurter. Por dikur duhet filluar. E imponon vete realiteti qe ekziston sot midis Shqiperise dhe Greqise.

    Nuk do ishte ide e keqe besoj sikur te nisej nga krijimi i nje apo me shume katedrave - ne kuptimin e vertete te fjales - te "studimeve Greke", ne Shqiperi dhe te "studimeve Shqiptare" ne Greqi. Katedra qe do perbehen nga shkencetare dhe studiues serioze dhe jo nga intelektuale qe nuk dine te distancohen prej "Idese se Kombit". Sepse, fundi i fundit, sajuesit e stereotipeve dhe mitologjise negative, nuk jane "masat e pakultivuara" por ata qe jemi mesuar t'i emertojme intelektuale. Le te filloje aty njohja jo-mitologjike e njeri-tjetrit dhe gjithashtu ftillimi i disa ceshtjeve qe mbeten ende "tabu historike".

    ****

    Dhe meqenese ra fjala per "tabu", nje problem i tille eshte problemi i Cameve dhe Ligjit te Luftes. Ndersa ne Shqiperi gelon nje filologji e tere, ne Greqi askush nuk flet. Nje situate qe i perafrohet "teatrit absurd".

    Si mund te dilet nga ky qorrsokak? Duke paditur spastrimin etnik kunder Cameve, tek "Europianet"! Pike se pari duhet ditur se Europa nuk tregon zell te madh te merret me "kusuret e se kaluares". Ne harrojme se Europa u ngrit duke mbyllur kapitullin e se kaluares dhe duke e arkivuar ate ne hapesiren e ndergjegjies dhe kujteses. Europa, djepi i nacionalizmit dhe kolonializmit, akoma edhe sot nuk eshte nje hapesire e qete nga tensionet akute minoritare: Spanja ka problem me Basket, Franca me Sardenjen, Anglia me Irlanden etj., etj. Per mos te folur per tensionet me minoritetet post-koloniale, pra emigrantet, sidomos sot ne epoken e evolimit te islamizmit politik. Per me shume, shtete te fuqishme ne Europe akoma edhe sot nuk kane mbyllur kapituj te ngjashem me ate Cam: ne Ceki ndodhi ndaj Gjermaneve Sudite, i njejti spastrim etnik. Pas Luftes se Dyte Boterore, nepermjet "dekreteve Benes" u perzune dhjetera mije Gjermane nga shtepite dhe pronat e tyre. Edhe pse Cekia eshte kandidate te hyje ne Europe, mohon te shfuqizoje dekretet ne fjale dhe t'i kerkoje falje Gjermanise per masakrat ndaj civileve te pambrojtur. Gjermania ka bere te qarte se nuk kerkon rikthimin e pronave por rehabilitimin moral te minoritetit Gjerman. Presidenti Vacllav Havel me guxim para disa vitesh shqiptoi nje "mea culpa" ne emer te popullit Cek, por dicka e tille nuk mjaftonte per te shfuqizuar "Dekretet Benes". Nje problem te ngjashem perball Italia me Kroacine. Italia ka kercenuar disa here Kroacine qe do bllokoje hyrjen e saj ne BE nese nuk zgjidhet problemi i pronave te italianeve te perzene nga Istria dhe qytetete te tjera te Kroacise se sotme. E megjithate deri tani rezultatet kane qene te zbehta. Kur Gjermania dhe Italia nuk jane ne gjendje te zgjidhin probleme te ngjashme atehere si mund t'a arrije kete Shqiperia?

    Konkluzioni nga gjithe kjo eshte qe duhet te fillojme te themi disa te verteta. Edhe pse ato dhembin. Probabilitetet per zgjidhjen e problemit cam - jo thjesht per rehabilitimin moral por edhe ate material - nuk jane te larta. Ekzistojne dy menyra per plotesimin e te gjitha "kerkesave legjitime" qe promovojne zakonisht organizatat e Cameve dhe ata qe me shume shohin voten se sa zgjidhjen. E para: ndodh nje mrekulli dhe Qeveria Greke - e cila deri tani nuk do as te zere ne goje dicka te tille - kthen mendje dhe "jetojme ne te lumtur dhe ata te gezuar". Menyra e dyte eshte lufte me nje vend te BE-se, Greqine. Pra katastrofa...

    Kjo nuk do te thote qe duhet hequr dore nga sensibilizimi i Europianeve, nga kerkimi i aleancave dhe promovimi i ceshtjes - jo me parrulla por me strategji juridike - ne Gjykaten Europiane. Thjesht duhet te dime qe ceshtje te tilla kaq delikate e te dhembshme nuk zgjidhen duke i shnderruar ne demagogji. Ne te njejten kohe, meqenese Shqiperia dhe Greqia kane interes qe ky problem te mos mbetet nje plage ne marredheniet mes tyre duhet te nisin te diskutojne. Dhe diskutim ne politike dhe diplomaci do te thote kompromis. Me pak fjale marreveshje qe "dhembin" per te dy palet, sepse nuk jane kurre te perkryera... Si ndodh keshtu t'a haje dreqi, ne Ballkan ku te gjitha fenomenet politike dhe historike interpretohen nepermjet "forcave te erreta" dhe "prapaskenave" (`Greket bene 1997-en'... `Emigrantet shqiptare erdhen per te krijuar minoritet') eshte fare pak e zhvilluar diplomacia e fshehte? Nese marrdheniet midis Greqise dhe Shqiperise ndodhen ne nivelin e tyre me te mire atehere probleme "tabu" si ai i Cameve mund te kerkohet te zgjidhen nepermjet "dipolamice se fshehte". Ndryshe Shqiptaret do te mbeten ne monologun e tyre dhe Greket ne heshtjen e tyre dhe ne "listat e zeza" te ambasades. Ndersa marredheniet mes dy vendeve do mbeten per nje kohe te gjate pengje te se kaluares, demagogeve, propagandes dhe "patrioteve profesioniste".

    ****

    Nje pyetje tjeter eshte: sa mund t'a ndihmoje Greqia, si nje vende anetare e BE-se, Shqiperine te hyje ne BE? Para se t'i ergjigjemi kesaj pyetje e shoh te udhes te rrefeje nje anektode qe qarkullonte me bollek ne vendet e "realizmit socialist". Ne nje shkolle fillore nxenesit pyesinin mesuesen "pse nuk ka presh dhe oriz ne pazar?" dhe ajo u pergjigjej "durim sa te arrijme ne Komunizem. Atehere te gjitha do zgjidhen. Pazari do jete plot. Madje, s'do duhen as para dhe gjithkush do marre cfare te doje". Ne menyre te ngjashme parrulla "Durim derisa te hyjme ne BE", eshte kthyer sot ne mitin me te madh bashkekohor shqiptar: me pak fjale, sapo te hyjme ne BE do kemi drita dhe uj. Madje do eksportojme ca qe te "lehtesohemi". Politikanet do heqin dore nga korrupsioni i tmerrshem. Mafiozet do heqin dore nga trafiqet dhe do u kushtohen studimeve teologjike dhe shkencave politike...

    Para se te bejme pyetjen "kush mund te na ndihmoje per te hyre ne Europe" duhet t'i japim pergjigje pyetjes "Cfare kemi bere per te hyre ne Europe?". Rruga kryesore per ne Europe nuk kalon as nga Athina as nga Roma as nga Vjena por nga qendra e Tiranes... Sigurisht qe kane rendesi aleancat te cilat nuk jane kurre ideale. Keshtu p.sh Italia mbeshteste me zjarr hyrjen e Greqise ne BE dhe jo rastesisht sot sektore te tere te tregut grek jane te "okupuara" nga mallrat italiane. Por ne cdo rast ne BE nuk hyet thjesht me "miq" sic mund te hyet ne administraten shqiptare: per te hyre duhen plotesuar disa kritere dhe e verteta eshte qe Shqiperia eshte shume larg ketyre kritereve.

    Edhe dicka tjeter: pas zgjerimit te Europes, pas "problemit Turk", dhe pas Kushtetutes Europiane, hyrja e vendeve te reja ne Europe do behet me pikatore dhe kriteret e hyrjes do te jene shume kerkuese. Hyrja ne BE mbetet padyshim nje vizion historik per gjithe hapesiren shqiptare por ajo sot po perdoret si mitologji dhe propagande per te fshehur pergjegjesite dhe paaftesine e qeveritareve per gjendjen ende te vajtueshme ku ndodhet Shqiperia.

    Tani le te vijme tek pyetja e fillimit: a mund t'a ndihmoje Greqia, si nje vende anetare e BE-se, Shqiperine te hyje ne BE? Pergjigjia eshte padyshim qe po. Per me shume, Greqia ne vitet e fundit ka bere nje ndryshim spektakolar ne mentalitetin e saj politik. Ministri i Jashtem Grek, Jorgos Papandreu eshte "simboli" i nje "Greqie tjeter" (edhe pse e shoqeruar ende me mjaft anakronizma). Nje Greqie qe kerkon te ushtroje politike jo nepermjet mitologjise nacionaliste dhe kompleksit te persekutimit. Greqia ka kuptuar se sa me afer Europes te jene fqinjet dhe mes tyre edhe Shqiperia, aq me e fituar eshte edhe ajo vete. Eshte pikerisht kjo mendesi qe "imponoi" ndryshimin e saj te madh ne marredheniet me Turqine.

    Nga ana tjeter Greqia ne Europe duhet te perbeje nje shembull per t'u imituar. Filologjia qe ndeshet here pas here ne shtypin shqiptar se Greqia eshte vend ballkanik dhe nuk e meriton te jete ne Europe, tregon vetem nje cmire primitive dhe drite-shkurtesi. Shqiperise i intereson nje Greqi sa me "Europiane" dhe sa me e zhvilluar. Dhe Greqise po ashtu, i intereson nje Shqiperi sa me e zhvilluar dhe "Europiane". Mentaliteti i epokes se re per te cilen folem ne fillim duhet te jete "begatia e fqinjit nuk perben fatkeqesine time, por nje shans begatie edhe per mua".

    Pervec perkrahjes per hyrjen ne Europe, Greqia ndaj Shqiperise, mund te beje disa gjera shume konkrete. Perec ndihmes ekonomike, ndihme akoma me e madhe do te ishte percaktimi i nje kuadri serioz per emigracionin. Politika e "fshesave", e ndjekur ndaj emigranteve Shqiptare deri me 1997 ka qene me te vertete katastrofike dhe ka lene pas shume hidherim. Kjo politike fatmiresisht eshte kapercyer ketu e disa vjete (le te shpresojme nje here e pergjithmone). Por nuk u zevendesua nga nje politike serioze emigracioni. Emigrantet gjenden ende ne nje status skandaloz, gjysem te ligjshem dhe njekohesisht gjysem te paligjshem. Aq sa nuk ngurrojne te formulojne sentenca te tipit "ose nxirrni nje ligj qe te na perzini te gjitheve ose na ligjesoni ashtu sic duhet". Dhe me te drejte, perderisa ne kete moment rrezikojne te katandisen ne nje mase amorfe nen-qytetaresh. Ne se Greqia deshiron t'a ndihmoje Shqiperine te afrohet me Europen - dhe njekohesisht te sfidoje mentalitetin imagjinar dhe jo-imagjinar se ajo e sheh Shqiperine me "syrin e nje kolonialisti" - mund t'a nise nga rregullimi i statusit dhe nga trajtimi i emigranteve. Besoj se do te jete ndihma me e madhe, per me shume me "fitim" reciprok, per te dyja vendet. Dhe per t'u bere kjo duhet qe institucionet greke mos t'a shohin me emigracionin si nje "aksident historik".

    Megjithese politikanet ne dy anet e kufirit bejne sikur se kuptojne, sot emigracioni shqiptar ne Greqi dhe realitetet qe rrjedhin prej tij, jane "guri i proves" dhe barometri i te ardhmes se marredhenieve greko-shqiptare, jo thjesht ne nivelin e elites shteterore por mbi te gjitha ne "baze".

    Ne te njejten kohe, filologjia e kultivuar ne Shqiperi, nga disa te vetshpallur "specialiste te patriotizmes", qe lidhin Camet me Arvanitet e Arvanitet me emigrantet shqiptare; sulmet denigruese, direkte apo indirekte, ndaj minoritetin grek ne Shqiperi (`kur Greku te jep dicka e ka me dinakeri' `Minoriteti grek eshte kollona e peste e imperializmit grek...' `Anastasi ka ardhur ne Shqiperi per t'a grekezuar' e te tjera shprehje qe arrijne e tejkalojne cakun e marrezise dhe racizmit) demtojne pike se pari shoqerine shqiptare dhe ushqejne filologjine nacionaliste dhe raciste ne anen tjeter te kufirit. Sic dihet super-nacionalistet dhe super-patriotet kundershtare mbijetojne ngahere fale kompeksit te "binjakeve Siameze". Pikerisht, qe mos te mbeten marredheniet midis dy vendeve monopol i silogjeve dhe "patrioteve profesioniste", duhet qe politika te rrezoje "tabute" dhe te gjeje nje modus vivendi te ri, i cili t'i pershtatet realitetit te ri. Sic shkruan edhe nobelisti grek Elitis "qe te kthehet vertete dielli duhet te punosh pa pushim mes territ". Fundi i fundit "politika serioze" nga "politika folklorike", dallojne ngaqe e para nderton me guxim dhe pune shume te ardhmen, ndersa politika folklorike prodhon parrulla te kendeshme ("Dy popuj miq" etj. etj.,) te cilat ne fakt, mjafton nje situate e veshtire, qe te zbulohet se jane vec keshtjella prej rere.
    Rregullorja e Forumit Shqiptar | Te Drejtat e Anetareve | Pyetje - Pergjigje |

    Verejtje dhe Keshilla| Te Drejtat e Stafit | Probleme? Klikoni ketu...
    |
    __________________

    Feja e Shqiptarit ėshtė Shqiptaria !
    __________________
    Ah moj Shqipni e mjera Shqipni!
    Kush t'ka qit me krye ne hi?
    Ti ke pas ken nje zonj e rand...
    Burrat e dheut te thirrshin NANE...
    (Pashko Vasa)

  2. #2
    ......................... Maska e Pogradecari
    Anėtarėsuar
    15-10-2002
    Vendndodhja
    a
    Postime
    540
    Autoritetet greke
    po detyrohen tė japin njė informacion zyrtar rreth zhdukjes sė qindra fėmijėve emigrantė, tė futur nė mėnyrė ilegale nė shtetin grek. Fondacioni “The Swiss Terre Des Hommes” pretendon se ka evidenca mbi neglizhencėn dhe korrupsionin e institucioneve tė ngritura nga Greqia pėr tė ndihmuar fėmijėt shqiptarė, tė trafikuar nė mėnyrė ilegale dhe tė detyruar me forcė pėr tė punuar rrugėve tė kėtij shteti. Nė njė qendėr tė Athinės, ku shumė fėmijė janė arrestuar pasi lypnin, 75% e tyre janė zhdukur rreth viteve 1998 –2001. Pier Filip i kėtij fondacioni deklaron: “Nė “Shėn Varvara”, 487 nga 644 fėmijė tė pranuar, zhduken aty”. Nė vitet ’90, me kalimin e Shqipėrisė nga komunizmi nė demokraci, njė dallgė e madhe emigrantėsh ilegalė pėrfshiu Greqinė.

    shendet e para


  3. #3
    i/e regjistruar Maska e huggos
    Anėtarėsuar
    02-08-2002
    Vendndodhja
    Hell-As
    Postime
    869
    Me lejoni te jem pesimist ne kete pike (megjithese jo me deshire..)
    Merdheniet Greko-Shqiptare perjetesisht kane qene te njejtat. Perpjekjet jane bere nga cdo ane, porse mungon sinqeriteti. Personalisht (fatkeqsisht) mendoj se nuk kane per tu rregulluar kurre ashtu sic duhet, perderisa do te kemi ceshtje te pazgjidhura si ajo e Camerise apo e Vorio Epirit

    miqesisht,
    huggos
    detyra ime ėshtė qė me gjithė fuqinė time t'i shėrbej kėtij brezi; duke bėrė kėshtu, njėkohėsisht, kam dhėnė kontributin tim mė tė mirė edhe pė brezin e ardhshėm... - george mueller

  4. #4
    i/e regjistruar Maska e Agim Doēi
    Anėtarėsuar
    23-05-2002
    Vendndodhja
    Tiranė, Ministria e Mbrojtjes
    Postime
    2,799
    Enri!
    Je fantastik! jam krenar qė tė kam timin - shqiptar!

    Pritmė! Pritmė se do vij
    Do tė vritem me Greqi!
    (popullore e vjetėr kolonjare)...

    Kem' ndėrmjet njė qiell e nji dhé!
    Nė m'ni tė shoshoqit kemi lč... (mni - inatė)
    (At Fishta)
    ....................................
    S'ka me ba kurrė hajr Shqypnija
    Sa ta ketė nė dorė Greqija!...
    (anonime)
    Agimi

  5. #5
    Enri, nėse e ke kutuar qė tė kam radhitur edhe Ty tek antikombėtaret e komunistet, je shumė gabim. As ndėr mend nuk mė ka shkuar. E kam pasur pėr ata qė e dogjėn Shqipėrinė nė 97, qė vranė demokratė, Azem Hajdarin e shumė tė tjerė, qė vranė Ahmet Krasniqin e shumė figura kombėtare nė Kosovė, dhe qė po e varfėrojn Shqipėrinė, dhe po e shndėrrojn nė koloni.
    Nuk pajtohem pėr shumė gjėra qė thua nė raportet tona me Greqinė.
    Ini, bėhuni, pėrhapni dhe jetoni dashuri!

  6. #6
    Άγιος Ειρηναίος της Λυών Maska e Seminarist
    Anėtarėsuar
    10-05-2002
    Postime
    4,982
    Enri, shkrimi qe ke sjelle eshte shume real, pamvaresisht se ne kete forum mbizoteron ai lloj i ashtequajturi nacionalizem, qe Gazmendi e pershkruan si i tipit injoranto-mitologjik, per inat te kundershtarit, kapadai, e teper partiak.

    Edhe pse mund te mos jete i plote ne trajtim, sidoqofte, Gazmendi as qe ka pretenduar te kape te gjitha detajet, ai ka marre aspektin ndoshta baze te marredhenies me vendet fqinje.

    A nuk e sheh hipokrizine nacionale? Ps. vertet qe sa kohe te kete dore Greqia ne Shqiperi, dmth per sa kohe ajo te jete nje partner superior i marredhenieve tona, Shqiperia i bie te jete inferiore...

    po mos valle eshte i vetmi shtet qe mund te karakterizohet si i tille? Mos doni te thoni se turku e tjetri jane me te mire?

    Une bie dakort me pjekurine politike te Gazmendit, kur thote, se Greqine nuk e zgjedhim si prioritare se kemi rene ne dashni me te, por se eshte nje vend i paevitueshem gjeografik ne relatat Shqiperi-Europe edhe Shqiperi-Ardhmeri, edhe se rezultati me i mire i ketyre relatave eshte nje marredhenie e mencur, dmth politike e zgjuar, e jo politika Berishiane mitologjiko-ballkaniko-trashanike!

  7. #7
    Student Shqiptar Maska e Enri
    Anėtarėsuar
    26-04-2002
    Vendndodhja
    Nė ėndėrrim pėr njė botė ideale
    Postime
    604
    Gjate koheqendrimit tim vendin helen dhe gjate studimeve te mia jam marre gjere e gjate me marrdheniet mbi dy vendet tona dhe kam shkruajur shume referenca mbi keto marrdhenie, mbi fazet ne te cilat ka kaluar dhe mbi fazat qe do vijne.
    Por fatkeqesisht, per arsye kohore s'kam mundur dot ti perkthej ne shqip dhe kane ngelur thjesht doreshkrime shkencore ne disa prej revistave greke. Por do perpiqem ne kohen ne vazhdim tte perkthej disa dhe ti botoj ketu ne kete forum, pasi po ti coj per botim ne shtypin shqiptar ka shume mundesi te me cilesojne si nje antikombetar pasi tabute ne Shqiperi jane akoma te forta, po ashtu si ne opinionin publik grek.
    Po ashtu me duhet te pohoj se mendimi im per Greqine dhe per njereezit ketu, ka ndryshuar rrenjesisht, nga nje mendesi imja nacionaliste e semure, jam bere nje njeri tjetr dhe me mendime me teper liberale dhe objektive. Ne kete drejtim me ka ndihmuar (sado qe mund tju duket paradoksale) shoqeria ime vetem me greke, kuptohet me njerez teper te arsimuar dhe llogjike. Ata jane dhe nje prej arsyeve qe une kam ndryshuar krejtesisht.

    Z. Agim Doci, jam krenar qe ju thate aq fjale te mira per mua. Ju falenderoj nga zemra per vleresimin tuaj, pasi eshte me te vertete shume e rendesishme te vleresohesh nga ju kaq pozitivisht.
    Rregullorja e Forumit Shqiptar | Te Drejtat e Anetareve | Pyetje - Pergjigje |

    Verejtje dhe Keshilla| Te Drejtat e Stafit | Probleme? Klikoni ketu...
    |
    __________________

    Feja e Shqiptarit ėshtė Shqiptaria !
    __________________
    Ah moj Shqipni e mjera Shqipni!
    Kush t'ka qit me krye ne hi?
    Ti ke pas ken nje zonj e rand...
    Burrat e dheut te thirrshin NANE...
    (Pashko Vasa)

  8. #8
    _____________ Maska e ornament
    Anėtarėsuar
    27-04-2002
    Postime
    872
    Vazhdoni ju pleq akoma me greqine, shqiptaret po e lene, pas 10 - 12 vjetesh jetese atje, Ne vend ti jepni pergjigje kesaj, ju e tregoni si porte te europes, kur greqia (e italia jugut) ben pjese veē Historikisht ne Oksident e ket e dine vete greket bile me mire se ne.
    Greket me mire i njeh ne europe (ē'mendojne per veten), e jo ne greqi, ku jeta ju detyron te beheni argate te tyre, e grekun kjo e ben kapadai.
    Gabimi eshte qe shqiperia kerkon PORTE (si dikur, porten e larte) per te hyre ne "qyteterim", duke harruar se eshte VATRA e qytetrimit europian (kjo per inat tuj, filo-hellene).

    Ndersa sa per ate shkrimin e mesiperm, si referat shkolle duket, as mish as peshk.

  9. #9
    i/e larguar Maska e Honezmi
    Anėtarėsuar
    13-05-2002
    Vendndodhja
    USA
    Postime
    287
    Enri
    Mos u tremb dhe mere mundimin ti botosh te gjitha ato artikuj qe ke shkruar ne "greqisht"!Jo per ndonje gje; por, nepermjet tyre shqiptaret do arine te kuptoin qarte fillozofine tende pro greke.
    Kur dhe asnjehere populli nuk gabon ne gjykimin e tije.Do te maresh ate qe meriton.
    Pershendetjet e mia Arnament.
    Jam dakort me mendimet e tua

  10. #10
    Άγιος Ειρηναίος της Λυών Maska e Seminarist
    Anėtarėsuar
    10-05-2002
    Postime
    4,982
    Ornament!

    Nuk e di ne e kupton arrogancen e mendimeve te tua. Asgje me teper nuk jep ne to. Ne rradhe te pare, arroganca jote, si ne shumicen e shkrimeve te tua, bie ne sy ne faktin se ti merr persiper tu thuash te tjereve se kush e ka mire e kush e ka keq (dmth qe ti je mbi, edhe kjo per mua eshte arrogance "femerore", dmth e dobet, pa force personale), e dyta, ne te shumtene e rasteve qe une kam vene re, ti keqinterpreton mendimet e te tjereve (nje veti tjeter "femerore", me tipare negative, e nje vetemashtrim mitologjik, dmth si ato te femnat e shemtuta qe i rre menja se jon te bukura), e se treti, hyn kot ne disa debate po thashethemethuqe qe nuk e di ngase i nxjerr, por di qe me ane ngaterresash kerkon vecse te ulesh te tjeret (ndryshe ti nuk ke vlere si person)!

    "Pora e Larte" nuk do te thote te kerkosh te gjesh te mirat me nje vend qe e ke fqinj. Por edhe nqs do te ishte e nevojshme, edhe e domosdoshme, edhe Porten e Larte do ta marresh, nqs eshte e keqja me e vogel.

    Apo mos do te na japesh pak nga teoria e "Kalase se pamposhtur", "Me forcat Tona", te cilat deri dje i adhuruat, sepse ju sollen ne qytet?

    Je i padenje ti te analizosh Gazmend Kapllanin ne format e tua, sidoqofte, forum eshte....,

  11. #11
    _____________ Maska e ornament
    Anėtarėsuar
    27-04-2002
    Postime
    872
    O Klod rremuja, perseri s'kuptova ku deshe me dale, per me teper kjo "rremuje mendimi" tendja eshte dukuri femerore, e jo "deshira imponuse" imja, meqenese po flasim per ate referatin lart, do te doja te me shpjegosh se ēfare kuptove ti nga ai, keshtu qe mund te diskutojme siē duhet.

  12. #12
    Άγιος Ειρηναίος της Λυών Maska e Seminarist
    Anėtarėsuar
    10-05-2002
    Postime
    4,982
    Lexo prape Ornament! Mos na bej te fillojme te besojme se nuk di te lexosh.

    Ne te kundert, une mendoj se ti nuk je konkret ne kritikat e tua, keshtu qe ato dalin te pavlera.

    ps. ne asnje shkrim te mesiperm, une nuk shoh ndonje kerkim per ndonje "Porte te Larte", e aq me teper ne ate te Gazmend Kapllanit.

    se dyti, teorite e tua te: "jemi ne pa jane ata" (duhet te jesh lab se nuk ka mundesi!!!), jane pikerisht ato qe Gazmendi i parashtron si mitologji te demshme ballkanike (per te mos thene injorante...)

    Megjth, une nuk them, gje! Ti ke edhe mendimin tend, qe ke te drejte ta shprehesh ashtu sic ti do....

    Une hyra vetem se shprehjet e tua e kapercejne pak te qenit bisede!

    "vazhdoni ju pleq akoma (fjale greke!!!) me Greqine"

    "shqiptaret pas 10-12 vjetesh po kthehen"

    etj si keto....

  13. #13
    _____________ Maska e ornament
    Anėtarėsuar
    27-04-2002
    Postime
    872
    O Klod, une them artikulli, ti merresh me mu, si duket aq shume te jam "imponuar" sa gjumi s'te ze.

    Me "porte" deshta te tregoj qe artikulli lart ben thirje per kete, pra qe Greqia (porta e europes per ne) eshte fare ngjitur me ne, prandaj ne qofte se NE do te hyjme ndonjehere ne europe (EU) kjo mund te behet natyrisht nepermjet grekut, pa shume energji si fqinje qe jemi, se nga partenere te tjere.
    Prandaj une pyes; A eshte greku vertet PORTE? Si dhe po te jete, a eshte e hapur per ne dhe me ēfare ēmimi (deshire).
    Autori eshte "lodhur" te na e paraqese si te tille, pra si porte. Ky "mundim" i tija duket hapur. Tani pse thua te kete sforcim ne gjithe kete, si thua ti Klod?
    Pse s'lodhet njeri ta paraqese si "porte"te europes, Francen ose Gjermanine. Ngaqe ato JANE o Klod, s'kane nevoje per cicerone.
    Per rrjedhoje ky "stermundim" i autorit qe siē e thame te bie ne sy, s'ka si te mos merret per FILO-HELLENIZEM. Apo jo.
    Vete autori e ndjen kete, prandaj ai ēfare ben? akuzon te tjeret per "patriote" e "nacionaliste" te erret e pa arsye. Tani kush ka te drejte si thu ti Klod? Kapllani me llogjiken e tij, apo ne me llogjiken tone.

    E ditur qe: "Qeni leh aty ku ha" prandaj ai mbetet qen.

  14. #14
    Άγιος Ειρηναίος της Λυών Maska e Seminarist
    Anėtarėsuar
    10-05-2002
    Postime
    4,982
    Po me habit!

    Ajo qe une kuptoj nga Gazmendi, Ornament, eshte se ai nuk po kerkon "Porten e Larte" tek Greqia, as hyrjen e vetme per ne nepermjet saj, perkundrazi, ai po mundohet te paraqese nje realitet bashkeekzistencash te "detyrueshme", per Greqine, por sidomos per ne (Shqiperine), nqs kerkojme te hyjme ne Europe.

    Kjo sepse vendodhja jone na lidh me Greqine gjeografikisht e jo me Francen e Gjermanine. Po ashtu na lidhin karakteristika rajonale, histori, por per me teper, na lidh interesi i pashmangshem rajonal.

    Tashti, ti, diku me siper, shprehesh se Greqia eshte aksidentalisht ne oksident, pasi ajo eshte ballkanike, ndoshta me teper se ne (ne gjeografi)!!!

    Dmth, pikerisht kjo eshte nje nga pikat qe me vjen cudi qe nuk kuptohet dot.

    Oksidenti Europian, Ornament, e ka burimin tek Greqia e lashte, periudha klasike. Roma ngrejti nje aparat te tere fetaro-kulturor mbi ate mitologji, edhe e njohu si mitologji greke, e jo si mitologji te panjohur (apo ilire).

    Per kete arsye edhe revolucioni grek kundra turqve u mbeshtet terresisht prej aristokracise perendimore (oksidentale) europiane, nga aristokrate me idealizma e ide neo-klasike europiane, me idene se po luftonin per Hedaen e lashte, burimin e kultures perendimore ne shume fusha.

    Ne kete kuptim, Greqia eshte mese oksidentale, pavaresisht, se ne rrjedhen e shekujve ajo ka marre edhe tiparet e veta adoptuese orientale!

    ******

    Pastaj, sikur thote Gazmendi, dihet qe eshte te pakten fakt se eshte vendi me i stabilizuar ne Ballkan, edhe anetare e EU-se. Keshtu qe shfrytezimi per mire i ketyre pikave, vec te mira sjell.

    Keshtu e shoh une shkrimin e Gazmendit!

    per te mos permendur faktin se Gazmendi me te drjte pohon se propaganda imagjinare po mbreteron marredheniet e dy vendeve!
    Ndryshuar pėr herė tė fundit nga Seminarist : 08-02-2003 mė 12:49

  15. #15
    Larguar Maska e cunimartum
    Anėtarėsuar
    07-06-2002
    Vendndodhja
    Canada
    Postime
    678
    Enri dhe ju dy cunat e tjere doja ta thoja edhe une i llaf se me beri pershtypje ai shkrimi i enrit me thene te drejten

    tashti une jam ne kanada nga ata te shkencave egzakte keshtu qe mos u tallni shume nga gjuha se une s'di te flas me llafe te medha edhe te bukura e them ca me thote barku dhe mendja po edhe ca gjera nga historia e kombit tim i di madje shume se kam lexuar shume edhe kam degjuar shume

    enrit i jap me sinqeritet shume te drejte ne disa gjera dhe disa nga keto eshte ajo puna e antiracizmit qe ketu psh. eshte arritur pak a shume te zvogelohet pak si problem ne saje te menyrave me tere mend efikase por qe domosdo s'ka per tu zhdukur kurre rrenjesisht dhe enri per kete ka shume te drejte sepse perpjekjet duhen bere madje edhe te perfitohet nga vendi fqinje dhe ti duhet e mira pse jo.

    por kjo eshte shume e pergjithshme (ju thashe ne rradhe te pare qe une jam shqiptar dhe do vdes i tille ate gjak kam dhe ate dua po tani nuk po flas me mendime shqiptari por te nivelit shoqeror qe njof ketu dhe qe eshte inter racial) une shkoj i cike me llogaritje dhe gjerat i peshoj
    ne rradhe te pare ne dhe greket kemi kaluar histori te gjate si komshij dhe kemi shume shembuj dhe ngjarje me njeri tjetrin dhe ne asnje prej ketyre nuk kemi arritur te perfitojme qofte edhe gjene me te vogel vetem kemi humbur sepse dihet edhe kompromiset behen per fitime te dyanshme dhe kjo mbase ne saje te mos inkompetences sone por ajo s'ka shume renci sepse realiteti eshte qe greket na kane dale nga mbrapa me komplote e te tjera si keto ky eshte realitet i hidhur por eshte realitet raste ka me mijra aq shume sa te dalin nga hundet si nga kohet e lashta deri ne rastin me te keq kur ne i dhame ndihme ne 40en kundra fashisteve italian dhe ata u munduan ta na invadojne neve e deri ne kohet e sotme per gjera qe as qe ja vlen ti permend po qe prap te djegin
    patjeter qe duhet te tregohemi objektiviste dhe mos te ndertojme te ardhme duke u mbeshtetur ke e kaluara po nuk mundesh kurre ta kuptosh te ardhmen pa e ditur te kaluaren dhe te vetmet ndryshime jane ato qe arrihen pas nje pune shume te lodhshme sic e tha dhe enri
    po nuk e di ti enri kujton se greket po e bejne nje gje te tille nuk e di ke grek ke njofur ti po mua s'me rezulton keshtu atehere pse neve qe na e kane ngulur gjithmone duhet tu mbajme anen e ti lepijme per nje cope kocke
    se dhe vete pak a shume e the qe na e ka fajin koka ose me mire koka qeverisese dhe ne kurre po kurre s'kemi pasur koke se ashtu jemi te gatuar prej natyre prandaj te punojme njehere per vetveten e ta bejme cdo gje me kalem se pastaj vjen greqia te na thote neve hec t'ju ndihmoj per ne BE sic i tha asaj italia keshtu llogjikohet enri
    nejse edhe dicka tjeter ne keto vendet e amerikes se veriut nje gje kam mesuar une qe kuuurreee mos harro neglizho dhe perfito po kurre mos harro dhe kjo jo per hakmarrje ose per ndonje gje keshtu po thjesht qe te dish si te veprosh me vone se degjo historia perseritet dhe kohet gjasme kane ndryshuar po kur vjen per interesa edhe une po te isha ne vend te politikaneve greke ne ate pozicion do ma bente me sy nje cike influence ne rajonin shqiptar sa per njomje s'ka te mire dhe te ligj po ama ne si kemi marre kurre krahet te tjerve ndersa ata po dhe ketu s'ka burre nene te me kundershtoje se flasin faktet
    nejse me sinqeritet qe shume gjera ke te drejte po une ta thashe c'do gje behet me kalem jo sic e kemi bere gjithnje o burra plot gjaknxehtesi i bihet lapsit edhe behen llogaritje dhe del qe me greket duhet shume kujdes kaq per tani koha do ta tregoj pjesen tjeter...
    Fen e ke krejt personale. MEMEDHEUN E KEMI TE PERBASHKET.

  16. #16
    _____________ Maska e ornament
    Anėtarėsuar
    27-04-2002
    Postime
    872
    O klod paqartesia, me ēudit si s'kupton THELBIN e muhabetit. E zeme qe greqia eshte Europe, (per te mos iu fut historise, siē ben ti), problemi eshte PSE? dhe SI? ajo do te na adoptoje NE. Ēfare interesi ka ajo, me na ndihmu per tu bashku me te (me EU), si SHQIPTARE. A kupton Klod?

    Enveri si komunist dhe internacionalist e donte nje "bashkim" me "internacionalen komuniste" por jo nepermjet Jugosllavise, prandaj ai prishi marredheniet qe ne 1949 me ta. Ngaqe rrezikohej indipendenca e shtetit, e kombit si dhe e atij vete si person (me kryesorja).

    Me u fut neper grupacione politiko-ekonomike eshte me "interes", problemi eshte me u fut si SHQIPTARE, e jo si greke apo sllave.
    Atehere perēfare sherben greku, apo me na greqizu, kjo e pashmangeshme po ti lidhim shpresat mbas qerres se tij.
    S'kuptoj ē'lidhje ka teritori ne ket mes, ne ne ballkan jena e s'ka nevoje per grekun. Flitet me shku ne europe.
    Kjo si me shku ne kozmos, nje anije kozmike e vogel (si shqiperia) ka nevoje te terhiqet nga "te tjeret" planete, per kete ajo nuk ēfrytezon terheqjen e "komshiut" (te henes) se rrezikon te ngele ne te per gjithnje.
    Terhiqet nga nje me i larget se objektivi i saj. Psh me shku ne Mars, terhiqet nga Saturni, me shku ne Saturn terhiqet nga Urani, e keshtu me rradhe. Per ne ket rol duhet ta luaje AMERIKA si me e larget nga europa (objektivi yne) e jo greku (hena) komshiu yne.

    Prandaj thashe qe artikulli lart eshte "as mish as peshk", ai nuk shpjegon ASGJE, nga realiteti shqiptaro-grek. Tani neqofte se Kapllani i drejtohet nepermjet tij himarjoteve e dropulliteve, tjeter puna. Ata po, s'humbin asgje po te futen ne EU nepermjet greqise.

  17. #17
    i/e regjistruar Maska e Patrioti
    Anėtarėsuar
    17-01-2003
    Vendndodhja
    Neumuenster
    Postime
    347
    Pershendetje!

    Artikujt e mesiperm i lexova me ndjenja te perziera,me kujtohen fjalet e gjyshes per krimet e grekerve atje ku ajo banonte atehere,Vllaho Psillotere-Carcove,pastaj lexoja ,rilexoja artikujt dhe.... thash ti shkruaj dhe une nja dy rjeshta.
    Tema eshte e gjere dhe ndoshta i kalon caqet e ketij forumi, porse gjithsesi kur flasim per realitetin e maredhenieve duhen patur parasysh disa momente.
    E KALUARA e cila smund te mohoet kursesi ( me quani po deshet nacionalist anakronik e driteshkurter ) sepse sheshimi i mosmarveshjeve lindur ne te kaluaren, behet baze per maredhenie me te mira ne te tashmen dhe te ardhmen.Nga kjo pikepamje pala greke i eshte ne borxh popullit shqiptar,deri tani asnje fjale per krimet e se kaluares nga asnje politikan grek, asnje cent per pasurite e shqiptareve te shperngulur vrare e torturuar.Kujtoj ketu qe greket me vendim gjykate para reth nje viti bllokuan pasurite e shtetit gjerman ne Greqi ( midis te cilave dhe nje "Goethe Institut") si demshperblim per krimet e gjermaneve ne luften 2 bot.!!!!!!!!
    Nga ana tjeter keto kurvat tene politikane nxitojne te permbushin cdo kerkese te grekerve per te drejtat e minoritetit gjuha,shkolla UNIVERSITETI etj.
    Dhe une them qe keshtu nuk shkon,"bej si them une po mos bej si bej une"
    Persa i perket te tashmes mendoj qe mijra e mijra emigrante shqiptar ne Greqi jane realitet i hidhur qe deshmon per gjendjen e mjeruar shqiptare por edhe per politiken e mbrapshte qe ndiqet ne Greqi, ne asnje vend tjeter te Europes shqiptaret nuk jane te detyruar te ndrojne emrin e per me pak te pagezohen vete ose kalamajte e tyre sic ndodh ne Greqi.(kjo ndodh vetem ne vendet islamike si A.Saudite.Emiratet etj, po a mund te krahasohet nje vend anetar i BE me te tilla vende?).Ne asnje vend tjeter te Europes emigrantet nuk perdoren per ti bere presion qeverise shqiptare ndaj politikave qe ajo ndjek brenda dhe jashte.Gjithashtu nje fakt tjeter me ben te mendohem: kur ne Shqiperi lulezonin firmat piramidale dhe kur krahas shqiptareve filluan te vinin edhe ato pak te huaj per turizem gazetat greke por edhe ato italiane i bene jehone te madhe "koleres" qe ra ne Kucove, a thua se iu tremben konkurences qe po i vinte nga Shqiperia. Mund te flas ketu edhe per politiken qe ndiqet per dhenie kredish nga pala greke etj etj etj po druaj se nuk me del vendi dhe se artikulli behet monoton e i merzitshem.

    Do e mbyll me fjalet e nje komentatori ( mjerisht s'me kujtohet emri) qe i kam lexuar kur komentoheshin ngjarjet e '97 ne Shqiperi:
    " eshte nje kriter qe mesohet ne cdo akademi ushtarake e cila thote: mbaje fqinjin te destabilizuar se ka nevoje per ty, por jo aq te destabilizuar sa te perbeje rezik per ty"


    Te fala shoqerore
    Ndryshuar pėr herė tė fundit nga Patrioti : 08-02-2003 mė 16:16
    Duhet te dish dicka, per te kuptuar qe sdi asgje.

  18. #18
    Student Shqiptar Maska e Enri
    Anėtarėsuar
    26-04-2002
    Vendndodhja
    Nė ėndėrrim pėr njė botė ideale
    Postime
    604
    HOnezmi:


    Mos u tremb dhe mere mundimin ti botosh te gjitha ato artikuj qe ke shkruar ne "greqisht"!Jo per ndonje gje; por, nepermjet tyre shqiptaret do arine te kuptoin qarte fillozofine tende pro greke....Do te marresh ate qe meriton.
    Honezmi , une asnjehere s'kam fyer dikend , asnjehere s'kam paragjykuar askend pa i lexuar me pare shkrimet e tij me vemendje. Dhe ju lutem mos dilni ne perfundime te tilla, pasi s'me njihni, dhe s'dini se cfare une kam shkruar ne shkrime te meparshme, as me njihni personalisht per te konkluduar ne perfundime kaq te nxituara...

    Z. Doci, ju falenderoj per IRONINE tuaj te spikatur.
    Rregullorja e Forumit Shqiptar | Te Drejtat e Anetareve | Pyetje - Pergjigje |

    Verejtje dhe Keshilla| Te Drejtat e Stafit | Probleme? Klikoni ketu...
    |
    __________________

    Feja e Shqiptarit ėshtė Shqiptaria !
    __________________
    Ah moj Shqipni e mjera Shqipni!
    Kush t'ka qit me krye ne hi?
    Ti ke pas ken nje zonj e rand...
    Burrat e dheut te thirrshin NANE...
    (Pashko Vasa)

  19. #19
    madmoiselle Maska e angeldust
    Anėtarėsuar
    08-06-2002
    Vendndodhja
    Michigan
    Postime
    1,368
    Enri, vazhdo me tenden ti lal, se po te merresh me nacionalista mendjengushte dhe kokeforte shqiptare, behesh dhe ti i verber si ata.

    Jo se greket s'jane njerez te tille, por ama edhe ne Greqi ka disa intelektuale qe i shohin gjerat ne kontekstin e "si mund t'i bejme ato me mire", dhe jo "si ta zhdukim fqinjin". Nqs. do kisha logjike nacionaliste (mbizoteruese ne kete forum) nuk do te dija si ta komentoja faktin qe Greqia ishte nje nga 2 shtetet e vetme (tjetra Italia) pro inicimit te procesit te shqiperise per integrim Europian. Me mendte qe kam sot, mund ta shpjegoj qe dhe ne Greqi ka njerez qe jane te interesuar per mbarevajtje ne rajon.

    Dhe per mendimin tim do jene keta lloj njerezish ne te 2 anet e kufirit qe kane mendesine e duhur per te permiseruar te ardhmen.

    Enri, te jap mbeshtetjen time te plote, dhe te uroj te gjesh sa me shume njerez si mua qe te te mbeshtesin per t'i publikuar artikujt e tu ne shqip, qe ne kete menyre edhe shqiptaret e tjere te clirohen nga greko-fobia. Ne te njejten menyre edhe ne Greqi njerezit duhet te clirohen nga alvano-fobia.

    Enri, bravo te qofte!
    In the sweetness of friendship let there be laughter, for that's how heart finds its morning and is refreshed.

  20. #20
    i/e larguar Maska e Honezmi
    Anėtarėsuar
    13-05-2002
    Vendndodhja
    USA
    Postime
    287
    Anzhel!
    Ke te "drejte"!
    Mir eshte qe ne te kthehemi si puna tende qe mohojne rolin patriotik te patrijotve tane,dhe heshtin per genocidin dhe masakrat qe kane bere grekrit kundra ppopullit tone.
    Moj zonje: para se ne te cfaqim miqesi per grekrit ,ata duhet te heqin ate ligjin e luftes qe mbajne akoma me ne!Dhe e di pse?Vetem qe te shmangin problemin e Camerise,dhe mos te lejoine kthymin e tyre.Nuk e di, por ne bote egzistone nje nje ligj i pa shkruar qe eshte i vjeter sa vet bota e qe thote seiqsi meritone ai qe te afrone miqsi.
    E po te shikoshe Grekrit me teper i kane sjelle vuajtie vendit tone se sa miqesi.
    Per kete lexo ngjarjet e 1997 dhe shtypin grek te asaj kohe, dhe mbase do ta "kuptoshe miqesin greke".
    Po te shikoshe ne te gjitha shkrimet e tua, ti je me afer me GREKETse sa me shqiptaret.
    Enri sic e shikon dhe Klod greku te pergezoi!E kupton se cfar po flete,dhe ne krah te kujt po dele?Eshte mire ta kthejm koken nga historija, dhe ne mardhenjet te njohim REPROCITETIN se ndryshe kthehemi ne VASAL te mjere.

Faqja 0 prej 5 FillimFillim 12 ... FunditFundit

Tema tė Ngjashme

  1. Pėrgjigje: 3
    Postimi i Fundit: 24-11-2016, 09:56
  2. Video e ushtarėve grekė nė Internet indinjon shqiptarėt
    Nga Ingenuous nė forumin Tema e shtypit tė ditės
    Pėrgjigje: 207
    Postimi i Fundit: 22-09-2011, 14:58
  3. Drafti pėr Unitet
    Nga Modesti nė forumin Bashkėpatriotėt e mi nė botė
    Pėrgjigje: 39
    Postimi i Fundit: 04-08-2010, 16:10
  4. Cili ėshtė synimi i AKSH-sė?
    Nga Faik nė forumin Ēėshtja kombėtare
    Pėrgjigje: 65
    Postimi i Fundit: 04-12-2003, 04:22

Regullat e Postimit

  • Ju nuk mund tė hapni tema tė reja.
  • Ju nuk mund tė postoni nė tema.
  • Ju nuk mund tė bashkėngjitni skedarė.
  • Ju nuk mund tė ndryshoni postimet tuaja.
  •