Rona Nishliu, primadonë vokali

[Ermelita]

Nuk besoj se ndonjeri nga ju nuk ka degjuar te pakten ndonje kenge nga Rona.
Kete na kane" imponuar" paraqitjet e saj te suksesshme dhe kenget me nota virtuoze,te kombinuar me zerin e saj te rralle.
Debutimi ne "Ethet e se premtes" dhe kualifikimi ne dhjeteshen finaliste ishte nje sukses i vertete.
Pasuan pjesemarrjet ne festivale dhe ajo hyri ne zemrat e adhurueseve.

[Bl3ri]

Me pelqen shume vecanerisht kenga " Shenja " shum teper um pelqen.

[Ermelita]

Po kenga "Shenja" ka qendruar per nje kohe te gjate ne krye te toplistave shqiptare.
Ia vlejne te degjohen edhe kenget e saj "A ka arsye", dhe "te lashe" pa e cenuar edhe estetiken artistike te kengeve tjera te Rones.
Mezi presi te dal albumi.

[Ermelita]

A ka ndonjeri fotot e saj qe ti postoje ne menyre q ete kemi imazhin e saj ne kete faqe?

[Bl3ri]

Rrona Nishliu
Nuk më pëlqen promovimi nëpër kafene!

Realizimi i fundit i Rronës është kënga “A ka arsye?”, që është bërë në bashkëpunim me Bimin e grupit “NR”. Kjo këngë nuk ka qenë e planifikuar nga Rrona. Ka qenë fushatë e planifikuar nga KS Kuper, dhëndri i Kosovës. Ai ka biseduar me Bimin dhe kanë zgjedhur për duet Rronën.

“Në fillim jam frikësuar se si dhe sa do të përshtatem me Bimin, sepse ka qenë hera e parë, që unë bëja duet me një reper, por zërat dhe interpretimet kanë fjetur shumë mirë”, tha Rrona. Tërë qëllimi i kësaj fushate ka qenë parandalimi i dhunës në familje. “Para disa ditësh disa qytetarë në rrugë më thanë se në videoklip ka shumë dhunë. Unë u thashë se ky ka qenë qëllimi, të jetë sa më i vrazhdët në mënyrë që njerëzit ta kuptojnë sa e keqe është dhuna. Zakonisht, po shoh njerëz, të cilët përgatisin fushata kundër dhunës në familje etj., mirëpo mendoj që ato duken shumë bukur, gjithçka është në rregull brenda dhe nuk shoh asnjë ngjarje, nuk shoh aktivitet, prandaj janë shumë të butë që të transmetojnë një mesazh të plotë. Prandaj, mendoj që sado i vrazhdët është videoklipi, ai ka arritur të jetë neveritës për shikuesit dhe ata drejtpërdrejt e kanë kuptuar çka do të thotë dhunë dhe se a është e nevojshme ajo”, shtoi ajo. Gjithashtu, tejet e suksesshme Rrona është treguar në këngën “E të lash”. “Kjo këngë ka qenë shumë e suksesshme, edhe pse nuk e ka pasur të realizuar videoklipin, kur kemi parasysh që këngët pa klipe depërtojnë me vështirësi deri te publiku”, tha ajo, duke shtuar se e tëra varet nga fakti se sa je e dashur për media të caktuara dhe sa kanë dëshirë ata të të promovojnë si këngëtare. “Kënga është mirëpritur, e kam vërejtur edhe në emisionin tim. Zakonisht ndihem keq kur unë duhet ta lëshoj këngën time, mirëpo edhe të gjithë kolegët e tjerë më kanë lajmëruar se ka pasur interesim të madh”, shtoi ajo. Përndryshe, ajo nuk planifikon, së paku tani, të realizojë balada dhe në qoftë se e bën, ajo theksoi se patjetër ajo këngë duhet të ketë një përcjellje vizuale, sepse ashtu ilustrohet më mirë. “Kënga është në frymë e Ilir Tolajt, por këndimi është plotësisht imi. Fryma e Ilirit dhe fryma ime janë kombinuar dhe është krijuar diçka e re. Kjo këngë dallon shumë nga këngët e tjera të Ilirit”, theksoi ajo.

Llojllojshmëria e zhanreve

Rrona, tashmë e ka provuar veten në shumë zhanre. “Nuk frikësohem nga laramania e zhanreve, sepse është fillimi I karrierës dhe më pëlqen eksperimentimi. Edhe pseja paraqitur në zhanre të ndryshme të këngëve, aty prapë shihet Rrona. Nëse jo në instrumental në këndim gjithsesi jam unë. Nëse asgjë tjetër, prapë se prapë është ngjyra e njëjtë e zërit apo një qasje e veçantë e të kënduarit”. Pavarësisht se kënga “A ka arsye”, është diçka më bashkëkohore, kënga “Të lash” është etno-pop, sipas Rronës, ekziston shpirt i njëjtë i njeriut dhe kjo nuk ndryshon asgjë.

Kurrë më në “Flakaresh”!

Trioja “Flakaresha” do të mbetet projekt muzikor shumë i shenjtë në karrierën e saj, për arsye se ka qenë debutim i madh së bashku me Vesën e Teutën. “Menjëherë pas “Etheve” dhe shumë aktiviteteve kjo ka qenë paraqitja më e madhe që e kemi pasur, me qenë se dalim në Sallën e Kongreseve, sallë shumë e madhe, me shumë publik dhe pas dhjetë këngëtarëve të mëdhenj dhe sërish kthehemi në publik nga duartrokitjet e zjarrta të tyre”, shtoi ajo. Megjithëse, që të tria shumë të suksesshme, ato i kanë ndërprerë planet për karrierë grupore. “Me vajzat kemi pasur plane të punojmë më intensivisht për karrierën si grup, por për shkak të disa mosmarrëveshjeve që ndodhin zakonisht te ne, sepse mungon menaxheri, mungon kontrata e shkruar, mungon nënshkrimi, mungojnë shumë gjëra, kjo, fatkeqësisht, ka dështuar. U jemi drejtuar karrierave solo dhe ‘Flakaresha’, më përbërje dhe formacion të tillë nuk do ketë më asnjëherë. Mendoj me mua jo, e nëse ekziston dikush tjetër, që e plotëson treshen, pse jo, mund të funksionojë”, shtoi ajo.

Një emision plus

Në realitet, muzika nuk është i vetmi aktivitet i Rronës. Ajo shkruan edhe tekste dhe tani ka filluar të krijojë melodi. Gjithashtu, ajo është drejtuese e dy emisioneve në radion “Blue Sky”. “Sa i përket radios, kam filluar të merrem me të që në moshën 14-vjeçare, në vitin e parë në gjimnaz. Fillimisht në Radio Plus, pastaj kam kaluar në radion ‘Urban FM’, dhe tani në ‘Blue Sky’. Zakonisht më pëlqejnë ambientet ku mund të shprehem lirshëm dhe mund ta them atë çka e mendoj dhe në të njëjtën kohë t’i argëtoj njerëzit me muzikë e informacione, siç bëj tani”, tha ajo. Ka punuar edhe si gazetare hulumtuese, se dhe dokumentare. Ajo ka filluar me një emision, ndërkaq tani i janë besuar dy orare. “Në ‘Blue Sky’, kam filluar që nga tetori i vitit 2004 me një emision, mirëpo si duket puna ime aty po pëlqehet dhe si shpërblim e kam fituar edhe një emision tjetër, që transmetohet çdo të martë nga ora 23 deri në 24. Është emisioni ‘Shprehu’”, tha ajo.

Pos tjerash, Rrona, si studente e dalluar në Universitetin Amerikan, ka pasur rastin të zgjidhet përfaqësuese e universitetit tonë në universitetin partner në Roqester, “Institute of technology” në Nju-Jork. “Kam bërë një vizitë të shkurtë atje, por që ka qenë fantastike, me gjithë ato pritje e takime. Përndryshe, gjithçka dallon shumë nga Kosova, gjithçka është shumë e madhe, shumë e kontrolluar, shumë më e organizuar dhe me të vërtetë që nga atëherë jam duke u munduar më shumë. Ata ankoheshin vetëm pse dallonte ngjyra e asfaltit të një rruge nga rrugët e tjera. Unë nuk e kuptoj, se si ata kanë një hapësirë shumë të madhe dhe gjithçka mund ta kontrollojnë, ndërsa Kosova, kaq e vogël, nuk mund të jetë më normale, më e kontrolluar”, theksoi ajo.

Aktivitetet

Rrona, me gjithë angazhimet e shumta, arrin të jetë shumë e hapur dhe e hareshme. “Jam person, që i do sfidat. Gjatë ditës, në universitet i kaloj 6 deri në 8 orë, pastaj shkoj në radio dhe në aktivitete muzikore, por më të rralla, sepse unë nuk kam një krijimtari të madhe muzikore, andaj nuk paraqitem në organizime, që janë më aktuale në kafene. Edhe pse nuk më pëlqen që kultura jonë të promovohet në kafene, prapë ato janë të vetmet vende ku ndodh diçka”, shtoi ajo. Rrona është duke u përgatitur edhe për disa pjesëmarrje në festivale. “Tash ka shumë festivale dhe akoma nuk jam përcaktuar se në cilat do të angazhohem. Megjithëse për njërin tashmë jam përcaktuar. Kam punuar diçka, mirëpo nuk do ta zbuloj, jo se i dua sekretet, por sepse festivalit, garës nuk i dihet, kështu që mos të flas para kohe. Është një këngë e orkestruar dhe e aranzhuar nga një njeri i madh. Se kush është, do ta kuptoni në momentin kur të hapen gjërat”, theksoi ajo. Ndërkaq, nuk është duke menduar për album personal. “Për album nuk mendoj njëherë. E kam një projekt timin, që prapë prek një temë sociale. Kam shkruar një poezi, që me të vërtetë, sa herë e lexoj, qaj. U dedikohet vajzave që i fusin vetes probleme, për të cilat duhet të kenë shumë më shumë kujdes. Prapë, nuk po zbuloj asgjë, sepse duhet t’i presim donatorët e gjërat të tjera, që kërkojnë së paku dy-tre muaj”, përfundoi ajo.

Arlindë BYTYQI (IP)

[Bl3ri]

Rona Nishliu qëllon në shenjë

Në festivalin "Kënga magjike", Rona Nishliu ishte fituese e çmimit të TV Klan. Gjithashtu ajo ka marrë ftesën për të bashkëpunuar me dy njerëz të njohur të Maqedonisë, Caliopi dhe Darko Dimitrov.


Festivali i njohur nga Shqipëria, "Kënga magjike" nuk do ta kishte suksesin të cilin e ka sot, po të mos ishin këngëtarët siç është Rona Nishliu. Rona Nishliu është vajza, e cila për të dytën herë la të habitur publikun shqiptar, me zërin dhe imazhin e veçantë që ajo ka. Nën duartrokitjen e madhe të shikuesve të shumtë, në natën finale të festivalit te mbledhur në Pallatin e Kongreseve, Rona kthehet disa herë në skenë për ta përshëndetur publikun, i cili e kërkon çikën nga Kosova. Rona në festivalin "Kënga magjike" mori çmimin e TV Klan, për të cilin ajo u gëzua dhe u befasua shumë. "U befasova shumë për përzgjedhjen e tyre, dhe në të njëjtën kohë u gëzova shumë, mirëpo jo gjithmonë çmimi flet gjithçka ose ka rëndësinë më të madhe", thotë Rona. Në mesin e shumë këngëtarëve profesionalë dhe me një bagazh të krijimtarisë së tyre, ajo ishte e nominuar edhe në dy kategori nga juria profesionale, për çmimin "Çesk Zadeja" dhe "Interpretimi më i mirë". Për këngën tani më të njohur për secilin që veten e ndjen të ri, këngën "Shenja" e ka punuar Armend Rexhepagiqi, tekstin Aida Baraku, dhe orkestrimin Xhevdet Gashi. "Jam shumë e lumtur që kam pasur fatin të këndoj një tekst tepër të bukur të Aida Barakut dhe dua të them haptazi që është teksti i parë deri tani, i cili më bëri të interpretoj sipas tij, sepse zakonisht emocionin e interpretimit tim e përcakton melodia. Mirëpo, këtë radhë ishte teksti i Aidës ai i cili " m'i drodhi gjunjët e thau drunjtë", tha Rona simpatike. Shenja nuk mbeti brenda në festival. Festivali "Kënga Magjike" për këngën "Shenja" ishte vetëm një rast i mirë për të shpërthyer, dhe ky shpërthim e ka bërë të veten.
Tanimë hitin e Rones "Shenja", përveç në të gjitha radiostacionet, çdo skaj të rrugës dhe CD shopa, melodia e mrekullueshme e kësaj këngë arrin çdo natë nëpër veshët e adhuruesve të jetës së natës dhe lezetit të limituar që ofron Prishtina. "Jam kënaqur shumë duke mësuar gjëra të reja nga profesionistët e mëdhenj si Ardit Gjebrea, me të gjithë ekipin e tij, pastaj u argëtova shumë me kolegë, prej të cilëve arrita të njoh një numër të madh prej tyre, shumë prej tyre i kisha parë vetëm në ekrane televizive, dhe krijova kontakte të reja me njerëz, gjithashtu fitova oferta të ndryshme pune", tregoi Rona. Ajo tregoi që gjatë natës finale të festivalit, "Kënga magjike" ka marrë komplimente nga dy hit-makerat e njohur maqedonë për përformancën dhe interpretimin e këngës.

"Shenja", duke ndenjur prapa skenës me prindërit m'u afrua një grua shume markante, e cila filloi të më japë komplimente dhe komente pozitive për performancën time dhe interpretimin e këngës. Fare në fund ajo e prezantoi veten duke me thënë vetëm: "I am Caliopi from Macedonia", tregoi ajo. Çika tregoi se në momentin kur ka dëgjuar emrin e saj, i është dukur sikur i gjithë Pallati i Kongreseve i ra në kokë, ajo pranon se ka mbetur e shokuar dhe më tepër e kënaqur nga komentet e saj, të cilët u plotësuan me komente të tjera të një hit-makeri tjetër maqedon, Darko Mimitrov, dy persona këta të cilët i dhanë Ronës shenjat e para për bashkëpunim. Edhe Rona, si gjithë estrada kosovare po i bën përgatitjet rreth festave të fundvitit, ajo gjithashtu po punon edhe për festivalin e ardhshëm që pritet të mbahet në Tiranë, Top-fest, ku pretendon të paraqitet me një këngë të re dhe interesante.

[Ermelita]

Melaqja,si melaqja më,perhere e kujdesshme.
Falemnderit per kontributin tuaj ne kete teme dhe qofsh mire.
Respekte,
Ermel....

[Bl3ri]

Je e mireseardhur gjithmone...

Qofsh e respektuar gjithmone...

Melaqja

[Bl3ri]

Kënga ka qëllim pozitiv dhe në asnjë mënyrë nuk pretendon ta shkatërrojë rininë tonë,e cila për momentin është e luhatshme dhe në faza kritike, tha Rona Nishliu

"IliriaPost":Sëfundikeni realizuarnjë këngëme videoklip. Çkamund të na thuashrrethkëtij realizimi?

Rona: Kënga është kompozuar dhe orkestruar nga Darko Dimitrov, tekstin e kam shkruar vetë, edhe pse kam pasur dëshirë të ishte tjetër tekst, por kënga më ka motivuar shumë, kam dhënë diçka timen aty. Kam vendosur të shkruaj për një tematikë, e cila ka qenë pjesë e kohës kur kam qenë tinejxhere. Pra, teksti së bashku me këngën dhe melodinë janë kompozuar mirë dhe kjo më ka ndihmuar shumë edhe në interpretim, në dhënien e emocionit dhe gjithçka ka shkuar mirë. Jam shumë e kënaqur me kompozitorin e këngës. Më ka njohur me një Ronë tjetër, më dinamike.

"IliriaPost":Sërishkëngënepushton njëdozëdyshimi mes pozitivizmit dhe anës negative. Ku është kufiri?

Ronanë në jetën e përditshme jam shumë pozitive, por me këngët e mia nuk kam arritur ndoshta, sepse kam pasur tema pakëz më serioze, si braktisje, p.sh: "Shenja", "Të lash", etj. Nuk e di, ndoshta ka qenë gjendje momentale ose
ka qenë rastësi. Ndërsa, këtë radhë unë sjell një femër më të guximshme, e cila përfundimisht vendos t'i afrohet një mashkulli ose të paktën një vajzë, e cila mundohet t'i vetëdijesojë vajzat e tjera që të mos kenë paragjykime për ta thënë
mendimin e tyre të sinqertë. Të mos keqkuptohet kjo, sepse qëllimi nuk ka qenë që të vazhdohet degjenerimi i rinisë me këngë të cilat mund t'i shohim nëpër televizione, t'i dëgjojmë në radio e kështu me radhë. Kënga ka qëllim pozitiv dhe në asnjë mënyrë nuk pretendon ta shkatërrojë rininë tonë, e cila për momentin është e luhatshme dhe në faza kritike.

"IliriaPost":Nga jeni inspiruarpër ta shkruar tekstin?

Rona: Unë kam shkruar jo vetëm një tekst, por edhe tre të tjerë. E kam pasur problem ta zgjedh njërën, mirëpo pas shumë dilemave vendosa për këtë, pasi mendoj se është teksti më i kapshëm për tinejxherë. Inspirimi ka ardhur nga muzika. Muzika ka qenë shumë e gjallë, më ka dhënë shumë material dhe kam dashur të bëj një lloj interpretimi që nuk e kam aplikuar nëpër këngë të tjera. Natyrisht se unë e kam ditur fare mirë se cilat janë zanoret dhe cilat rrokjet, cilat
janë fjalët që tingëllojnë më bukur dhe thash me vete se unë duhet ta shkruaj këtë tekst. Kështu vendosa ta shkruaj.

"IliriaPost":Natyrishtqëkyrealizim është bërë edhe falë përkrahjes së të tjerëve.Cilët ishinmbështetësit tuaj?

Rona: Kam pasur mbështetës moralë dhe mbështetës financiarë, të cilët njëkohësisht kanë qenë edhe mbështetës moralë. Financiarisht më kanë ndihmuar
kompania "Dukagjini"dhe Universiteti Amerikan, të cilat i falënderoj përzemërsisht, sepse po të mos ishin ata nuk do të ishte as videoklipi, apo mbase mund të pezullohej edhe për disa vjet të tjerë, siç është pezulluar dhe siç u la komplet realizimi i videoklipit të këngës "Të lash", në mungesë të sponsorëve. Gjithashtu, kam pasur përkrahje të madhe nga e gjithë shoqëria ime, familja, pastaj nga i dashuri im, shoku im më i mirë Arbrit, si dhe të shokëve gazetarë, që më kanë ndihmuar për analizimin e tekstit me këshilla të ndryshme.

"IliriaPost":Ado të thotë seme këtë këngë dhe këtë videoklip përfundon faza tinejxhere e Ronës?

Rona: Rona asnjëherë nuk nis dhe nuk përfundon diçka me ndonjë qëllim të caktuar. Është një moment i veçantë që mua më bën të shkruaj një tekst dhe e lë, pastaj e shikoj dhe e vlerësoj kur të vijë koha, e krijoj atë në melodi. Nuk
e di a do ta përmbyll me kaq fazën tinejxhere, ndoshta kur t'i bëj 40 vjet prapë
do të më marrë malli të bëhem e tillë. Nuk shoh asgjë si të pandryshueshme. Mendoj se sa herë i rikthehesh një faze të caktuar të jetës, freskohesh, i jep vetes
më shumë energji, kthehesh te ato çaste të cilat ndoshta nuk i ke dhe i sheh
nëpërmes tjerëve që jetojnë në atë realitet. Pse jo, me një videoklip t'i përjetosh edhe njëherë vetë. Përfundimisht, kur të bëhem 40 vjet do të punoj një videoklip si tinejxhere.

"IliriaPost":A do të thotë se ngatanie tutje do të jeni edhe tekstshkruese e këngëve dhe çka pritet pas kësaj kënge?

Rona: Nuk mund të jap përgjigje 100 për qind të saktë. Vetëm mund të tregoj se i kam tri këngë të cilat i kam bërë vetë, si muzikë dhe si tekst. Njëra është shumë
dinamike, këngë që ishte planifikuar për "Akordet e Kosovës", e që fatkeqësisht
nuk po mbahet. Kësaj kënge shumë shpjet do t'iarealizoj edhe videoklipin.
Kënga titullohet "Trend simpatik", me orkestrim të Ilir Bajrit. Ndërkaq, i kam edhe dy balada të tjera që kanë ardhur në një fazë shumë kritike të jetës sime. Janë tekste të cilat kanë ardhur nga shpirti im dhe mendoj se do të pëlqehen shumë. Të dyja flasin për një çështje të caktuar dhe do të plasohen gjatë këngëve të tjera, që gjithashtu planifikoj t'i realizoj vetë dhe t'i orkestroj te ndonjë orkestrues i njohur.

"Iliria Post"e tërë këto realizime Ronavazhdontë jetëpa album.Ahyn
nëplanettuajaedhenjërealizimitillë?

Rona: Po planifikoj të bëj përmbledhjen e këngëve të cilat i kam realizuar deri tash. Pra, janë pesë këngë të realizuara dhe tri të tjera që presin të realizohen.
Gjithashtu, kam edhe një këngë të realizuar me Trimor Dhomin, pra është këngë e finalizuar dhe tash jemi në bisedime për videoklip, me Petrit Domin. Është këngë shumë interesante, pakëz e çuditshme, me shumë kërkesa vokale. Tekstin e kam shkruar vetë. Aty bëhet fjalë për fatkeqësinë e njerëzve të cilët kanë shumë për të ofruar nga vetja e tyre, por që fatkeqësisht janë të shkelur nga njerëzit të cilët kanë mundësi të depërtojnë. Si duket, viti 2007 do të shënohet me disa videoklipe të mia. Gjithashtu, kam në plan të realizoj edhe një videoklip për një këngë tjetër. Shpresoj se tema nuk është konsumuar fare dhe ma merr mendja që si baladë do të jetë shumë e mirë.

"IliriaPost"kstravaganca në videoklipe?

Rona: Unë prapëseprapë mendoj se qofshin ato ekstravagante, të thjeshta, avangarde, çfarëdo qofshin, ato të pasqyrojnë ty si njeri, dhe unë kam shumë kujdes se si prezantohem para njerëzve. Nuk besoj në atë që shpesh këngëtarët thonë se dallon personaliteti yt nga ai në skenë. Unë edhe në skenë jap diçka timen. Do t'i kem edhe unë ato fazat ku gjërat do të jenë pak më ekstreme
në kuptimin artistik dhe jo komercial. Nuk i kritikoj të tjerët, është shije dhe dëshirë e çdokujt dhe i përgëzoj për guximin.

"Iliria Post": Ngjyrat në videoklip përveç estetikës, a kanë edhe ndonjë mesazh tjetër?

Rona: Ngjyrat secili sy i sheh dhe i percepton shumë ndryshe. Ngjyrat që përmenden në tekst janë blu, rozë, bardh e zi, mirëpo e kuqja ndoshta është ngjyrë shumë e nxehtë dhe e bukur, ngjyrë që transmeton emocionin me të vërtetë për mua personalisht, domethënë kostumi i kuq me të bardhë ka qenë ide e imja, e nënës dhe tezes sime. Unë e kam qepur një të tillë me qëllim që të vija pakëz më ndryshe, por të vijë thjeshtë dhe ta jap edhe Ronën, kur ka qenë si tinejxhere. Prapë këtë e definoj si gjendje momentale dhe nuk do të thosha se nuk do të veshë prapë ngjyra të ndezura, të fuqishme.

"IliriaPost":Nëfund?

Rona: Siç u pa më lartë, në këtë fazë po premtoj shumë. Dëshiroj që këto të mos mbesin vetëm premtime, por për diçka u siguroj; muzika gjithmonë do të jetë në nivel çdo herë më të lartë, sepse nuk bën të mbesim pas kohës. Unë asnjëherë nuk them çka kemi bërë ne tash, jemi apo s'jemi shumë mirë. Unë gjithnjë mendoj se çka po bëjnë ata që janë larg nesh e ne askund. Krejt në fund dëshiroj ta falënderoj produksionin "Pixels", sepse jam ndarë shumë e kënaqur me punën e tyre në videoklip. Për mua ka paraqitur vizuelisht atë çka unë kam pasur dëshirë dhe gjithashtu përcjell mesazhin e këngës, atmosferën të cilën kam dashur të mbretërojë, ngjyrat që kanë qenë shumë të rëndësishme si dhe pozitivitetin, pa të cilin klipi nuk do të kishte sukses. Krejt kjo është falë durimit, punës dhe përkushtimit të tyre. Gjithashtu, do t'i falënderoja adhuruesit dhe shpresoj që nga fundi i korrikut dhe fillimi i gushtit do ta publikoj përmbledhjen time të parë. E kam
të vështirë ta quaj album, sepse albumin kam dëshirë ta punoj si kontinuitet, i cili do ta ketë idenë dhe frymën tjetër.

ilriapost

[Bl3ri]

Ndonjehere e kemi veshtire te vlersojme dike me titullin “Me i/e mira”, e ndonjehere na mjafton vetem nje moment.I tille ishte dhe rasti i Rona Nishliut.Sapo degjuam kengen e saj “Shko pastro pas saj” ishim te sigurte qe ajo ishte pretendentja kryesore dhe plotesuesja e te gjitha kushteve per tu cilesuar si “Kengetarja me e mire e 2007” nga Albaniac.Nje ze i mrekullueshem,nje kendim i perpikte i Rones,nje tekst shume i gjetur i Aida barakut dhe nje muzike super prej Armend Rexhepagiqit ben qe “Shko pastro pas saj” te nxjerr ne pah fuqine artistike te Rona Nishliut e cila kete vit nuk ka pasur shoqe per tu krahasuar.Nese nje dite do te shkruhet historia e muzikes se lehte shqiptare,”Shko pastro pas saj” do te ishte kolona zanore e 2007,si nje prej kengeve me te arrira profesionalisht ne muziken tone te lehte, jo vetem te viteve te fundit,por dhe te gjithe kohrave. Suksese Rones!

Elbino:Pershendetje Rona! Ku gjendeni ne keto momente dhe me cfare jeni duke u marre?

Rona Nishliu: Ne keto momente qe po shkruaj ora shenon 00:37, dhe pas nje dite dinamike me ligjerata ne universitet, emision ne radio dhe nje mbremje muzikore, me ne fund arrita qe te ulem prane PC-se sime dhe te pergjigjem ne pyetjet tua. Ajo qe po bej kohet e fundit eshte nje pune e paskajshme per studimet e mia, pune e paskajshme duke qene gjithnje kenaqesi e veqante ne radio, dhe kenaqesi shpirterore pjesemarrja shume e shpeshte, si kurre me pare, neper mbremje te ndryshme muzikore.

Suksese per kengen tuaj te re “Shko pastro pas saj”.Personalisht mendoj qe eshte nje nder kenget me te mira te vitit dhe zeri juaj eshte fantastik!

Pergjigja ime ne kete pyetje natyrisht qe do te duhej te niste me Falemnderit dhe blla blla, por e di si Elbino, “Shko pastro pas saj” do te mbetet per mua kenga me e dashur dhe me e arrire qe do te realizoj ndonjehere, pavaresisht qe gjithmone do te mundohem te sjell kenge edhe me profesionale. Pasi nuk e nisa me FALEMNDERIT, te them kete tani sepse natyrisht qe ndihem mire kur vleresohet kenga te cilen e kam dashuruar qe ne momentin e pare kur e degjova.

Kam vene re se ne te gjitha kenget qe keni publikuar,jeni munduar te beni muziken qe ju preferoni dhe jo te beni dicka qe konsiderohet “trendy” per momentin. Cilat jane te mirat dhe te keqijat e kesaj zgjedhjeje?

Pajtohem me kete qe po thua, por mendoj qe akoma nuk ka ardhur koha te bej muziken qe une e dua metevertete, apo te krijoj ne stilin muzikor ku une perkas. Imagjino, edhe kjo qe bej eshte e komplikuar per publikun, po cka do te ndodhte po te kultivoja Experimental Jazz hahaha, do perfundoja aty ku edhe nisa kendimin, ku tjeter perveq ne banjon time ku do tu kendoja mureve, lavamanit, lavatriqes etj etj. Ne anen tjeter edhe kenget qe kam kenduar deri sot nuk eshte se i kam zgjedhur duke kalkuluar ne suksesin e tyre sezonal, por gjithmone kam menduar sa gjate do ti rezistojne ato HITEVE aktuale. Dhe deri sot fale Zotit, gjithcka ka shkuar mire... Pergjithesisht mendoj qe ka pasur shume te mira dhe asnje te keqe ne kete zgjedhje, pasi qe kete si duket e ka konfirmuar edhe publiku

Po ashtu si juve edhe Teuta,Vesa,Flaka, po sjellin ne muzike disa gjenre muzikor qe kane me shume vlera profesionale sesa komerciale.Kemi te bejme me nje “kryengritje” ndaj muzikes se dobet ne Shqipe apo eshte thjeshte koencidence.

Ne fakt nuk di si ta komentoj kete... Nuk eshte kryengritje, por eshte thjesht shija qe kane percjellur prinderit tek une, posaqerisht nena, e cila me orientoi ne muzike shume mire. Ajo, per me shume me dhuroi CD-ne e pare, kur une isha 13 vjeq, dhe kjo CD permbante kenget me te bukura te kengetares revolucionare Janis Joplin. Elbino, une mendoj qe muzika qe ben nje kengetar eshte VETE KENGETARI, eshte jeta e tij, kultura qe ka, pergatitja profesionale dhe natyrisht ndikimi i shoqerise se ngushte. Eshte shume i pakapshem per mua justifikimi i nje artisti “po e bej kete muzike sepse eshte me fitimprurese, dhe pasi te vijn gjerat ne vendin e vet do te kaloj prap ne ate qe dua”... Eshte pikerisht ky justifikim qe per mua klasifikon kengetaret ne ARTISTE dhe PROFITER TE MOMENTIT.

-Aida dhe Armendi jane jo vetem dy prej artisteve tane me cool,por edhe sic kam degjuar nga artiste te tjere, nje kenaqsi per te punuar-profesionalisht e shoqerisht.Si lindi bashkepunimi me ta dhe si ja kaluat ne studion e tyre?

Tju them te verteten, qe e vogel kam adhuruar punen e tyre, edhe pse asnjehere nuk kam pas rastin ti shoh ne ndonje koncert. Pas periudhes se luftes, ne nje CD-shop ku kishte edhe CD te kengetareve shqipetar pash nje CD qe kishte nje mbeshtjelles te zi dhe mu ne mes shkruante “Tragjikomedia”. Brenda CD-se ishin kenget me te bukura te Armend Rexhepagiqit te cilat me rrembyen me mesazhet e teksteve te Aides dhe melodite e shkelqyera te Armendit. E keshtu pra, afersia ime e pare me Aiden dhe Armendin ishte imagjinative, une degjoja kenget dhe 1-2 here ne vit i shihja tek ecnin ne qytetin pa lum. I adhuroja per guximin dhe aftesine per te qene gjithmone 100% me te avansuar se te tjeret. Ndersa sot qe i njoh nga afer, mendoj qe jane dhe do te mbeten pike e referimit per cdo artist, do te mbeten trend dhe evergreen i muzikes shqiptare, dhe mbi te gjitha shembujt me te mire te personazheve ME ATRIBUTE NJEREZORE. Bashkepunimi ka filluar ne kengen Flakaresha, ndersa shpresoj shume te jete sa me jetegjate. Dua te permend qe incizimi I kenges eshte bere ne studion e Florent Boshnjakut, sepse ajo eshte studioja ku Aida dhe Armendi punojne me shpesh. Eksperienca ishte fantastike, pune e palodhshme dhe e pakursyer nga Aida e Armendi, humor i pazevendesueshem dhe mbi te gjitha privilegj i madh per mua.

Nje interpretim aq i thelle sa ai i juaji ne “Shko pastro pas asaj” mund te krijohet ose nga nje dashuri ose nga nje dhimbje e madhe. Cila ka qene gjendja juaj shpirterore ne momentin e regjistrimit e cfare mendimesh ju kalonin ne mendje

Gjendja ime shpirterore ishte nje kombinim i ndjenjes se frikes, pergjegjesise se madhe dhe deshires per ta interpretuar kengen ne menyren me te mire te mundshme. Per me teper une kerkova nje kenge te tille qe nga fillimi i karrieres sime, dhe ne momentin qe e kisha timen, duhej ta kendoja shume bukur ne menyre qe te percjell me 100% emocionin e nje femre te tradhetuar e cila ne mllef te madh kujton castet e bukura me te dashurin e saj. Nuk kam qene pjese e ndonje historie te tille, mirepo mendoj qe detyre e cdo artisti eshte ta ndjej kengen dhe ta interpretoj duke u bere pjese e tregimit te tekstit te kenges. Tek “Shko pastro pas saj” detyra ime ishte te qaj per ato qe u tradhetuan nga mbreterit e lumturise se tyre, te cilet u kthyen ne sherbetore te marrezise se vajzave fatkeqe, dhe shpresoj shume t’ja kem arritur...

Ju pelqen Bjork? Ne video ndonjehere me kujtoni Bjork…nuk di perse…Videoja gjithashtu eshte shume interesante dhe e realizuar mjaft bukur…

Bjork me pelqen shume, sepse per mua ajo eshte vete arti. Dhe natyrisht qe me vjen shume mire qe une te kujtoj ne te! Por te siguroj qe kjo nuk ka qene e qellimshme, sepse ishte artistja Rudina Xhaferi e cila me sajoi ne menyren si dukem ne video .

Ndryshe nga heret e tjera,kjo video e prezanton Ronen ne anen dramatike te saj.E kishit te veshtire te pershtateshit me idene e klipit?

Nuk e pata te veshtire fare, sepse gjithcka qe kam bere ka qene shume e natyrshme. Ajo qe shihni ne video eshte ndjenja dhe perjetimi im shume personal i kenges. Nese do ti pelqej ose jo publikut te respektuar, kjo varet nga shija dhe tendenca e gjerave te caktuara qe konsumon.

I dashuri (apo i fejuari, te me falesh se nuk e di mire lol juaj ka realizuar videon e kenges.Eshte ai djali ne fotot qe varen ne peme ? Thjesht kurioz hihihihihi?

Po pra, poooo ahaha ai eshte... Thjesht ishim te kufizuar ne kohe, dhe duke mos e patur mundesine te gjejme nje manekin, vendosem te bejme ca foto te Leopardit dhe te njejtat te mbeten rekuizita me rendesishme e videos.

Zerin e vecante,kenget e vecanta,stilin ne paraqitje e keni gjithashtu shume te vecante. Kush ka qene influenca me e madhe ne procesin e formimit tuaj si artiste?

E permenda me heret qe drejtuesja ime ne muzike ka qene nena, e cila qysh ne vegjeline time me kendonte kenge shume te bukura te cilat mbeten akoma kenget me te dashura per mua si “Summertime”, “Don’t Speak” etc... Natyrisht, une pata fatin te punoj ne nje radio 100% urbane ne Prishtine, URBAN FM, ku gjithashtu u njoftova me muzike shume te bukur dhe edhe sot vazhdoj te jeme shume e informuar per skenen mainstreem dhe underground, duke qene e ndihmuar nga vellau im Petriti dhe i dashuri im Leopardi.

Do kete ndonje remix te kenges?OK, e di qe do cuditesh, POR kam parasysh fundin e kenges ku ka me shume ritem dhe serisht duket cool.Kjo mendoj se eshte e bukura e kesaj kenge;Dhe e kenduar vec nen ritmin e pianos, dhe e kenduar me ritem me te forte, serisht eshte shume e bukur.Ok se e bera lemsh pyetjen,por besoj me kupton ku dua te dal…
Elbino, jemi ne vale te njejta si duket hahah ... Ne fakt kam menduar qe kenga ta kete remixin, dhe qellimisht doja qe kjo te ndodhte per xhirimet televizive te edicionit festiv te vitit te ri. Mirepo, si duket ky planifikim do te pezullohet, por te pakten ne albumin tim do te gjindet verzioni remix i “Shko pastro pas saj”.

Ju keni transmetuar lajme rreth artisteve shqiptar ne radion “Blue Sky”,po kur degjoni te flitet per juve ne media si ju duket?

Deri sot jame ndjere mire, sepse kryesisht eshte diskutuar per gjera te verteta me perjashtim te 2-3 thashethemeve te vockla qe u perfolen nga gazetare totalisht te painformuar. Sidoqetejete, eshte bukur kur degjon qe mesazhi yt percillet pa u deformuar

Ju ndoqa ne programin “Koha Express” ku ju folet edhe per pavarsine e Kosoves.Me erdhi mire,sepse se fundmi artistet me rralle flasin per kete ceshtje, dhe kur e bejne eshte me teper per te promovuar vetveten,sesa ceshtjen.Nderkohe ju thate dicka te bukur “Dhe po te shpallet pavarsia e pjese te Kosoves te mbeten jashte,ajo nuk eshte pavarsi!”. Keni mundur te ktheheni serisht ne shtepine tuaj ne Mitrovice?

Nuk me pelqen te shfrytezoj fatekeqesine time si mjet qe do ti bej te tjeret te ndjenje keqardhje per mua. Por e verteta eshte qe shtepia ime eshte e djegur dhe kam mundur ta vizitoj gjithsej 2 here, duke qene e percjellur nga trupat mbrojtese te KFOR-it, sepse liria e levizjes se Shqipetareve ne Mitrovicen Veriore eshte e kontrolluar, ose ne rastin tim qe nuk jam banore e Mitrovices edhe e pamundur.

Duke shpresuar qe heren e ardheshme intervista te zhvillohet ne nje Kosove te lire,ju urojme suksese dhe le ta mbyllim kete interviste me lajmin se kur do te hidhet ne treg albumi juaj…

Nuk qendroj mire me Timetables haha, por shpresoj shume qe albumin ta hedh ne treg aty nga fundi I qerekut te pare te vitit te ardhshem… Fare ne fund te falenderoj shume qe harxhove kohe per te formuluar pyetje me te vecanta, sepse u lodha duke u pergjegjur ne pyetje te rendomta!

Pergatitit : Elbino©Albaniac 12/2007

[shigjeta]

Rona Nishliu: Enderroj te perfaqesoj Shqiperine e Madhe ne Eurosong

Te gjithe e pame dhe e admiruam per kengen e saj "Zonja vdekje", interpretuar te "Kenga Magjike 2009" dhe nderuar me cmimin "Vokali me i mire". Mesa duket, pervojat jetesore, sikurse eshte edhe vdekja e nje njeriu te dashur; kur jane te verteta, dine ta prekin me shume publikun. Kengetarja me look tipik qe dikur ishte pjese e 10 me te mireve ne konkursin "Ethet e te premtes mbrema", ka krijuar me kohen nje imazh sa te vecante, aq edhe te dashur per publikun. Daljet muzikore te Rona Nishliut, jane jo shume te shpeshta, ndaj programohen me kujdes nga kengetarja qe me te vertete ka nje vokal te rralle. Tekstet e kengeve te saj, kujtojme ketu "Shko pastro pas saj", jane po ashtu shume origjinale. Ne intervisten e meposhtme dhene "KJ", 24-vjecarja qe vec te tjerash punon ne Prishtine edhe si moderatore ne dy programe radiofonike, shpjegon se edhe pse festivalet, sipas saj jane bere biznese, ajo enderron te fitoje e te perfaqesoje Shqiperine e Madhe ne Eurosong.

Kenga juaj "Zonja vdekje" ishte njera nga kenget qe u duartrokit me shume te "Kenga Magjike 2009". E kenaqur qe u vleresuat me cmimin "Vokali me i mire", prisnit me shume, apo sipas jush verdiktin e jep publiku?

Me vjen mire qe e keni vene re kete fakt. Isha shume e kenaqur me cmimin, sepse ma atribuoi nje juri shume profesoniste, ne mesin e shume emrave dhe profesionisteve qe konkurruan ne kete edicion te "Kenga Magjike". Por publiku mbetet gjithmone vleresuesi me i rendesishem, dhe edhe kesaj radhe ndjeva qe me vleresoi shume lart.

Shume njerez identifikuan dhimbjen e tyre per dike te dashur, ne tekstin e kenges suaj. Cfare notash mendoni te sillni ne punimet e radhes, te trishta apo me alegri?

Qellimi i kenges "Zonja Vdekje" ishte qe te ndaja dhimbjen time me te gjithe ata qe kane kaluar neper eksperienca te ngjashme sikurse edhe une, prandaj doja te qaja edhe per ata ne kete rast. Sa i perket materialeve te radhes qe pyesni ju, nuk do t'i zbuloj para kohe permes kesaj interviste, por besoj qe do te jene befasi te kendshme per publikun.

Festivalet... cfare jane per ju keto kompeticione. Nje rast per t'u takuar me publikun, apo nje ambicie personale per vleresim e nje artisti? Ju daljet ne te tilla evente, ne fakt nuk i keni te shpeshta...

Festivalet i konsideroj si vendin e vetem ku artisti duhet te beje ate qe ben me se miri, pra te shprehet ne kulmin artistik, por meqe keto kohe edhe festivalet jane bere biznes, tanime nuk me terheqin. Por kjo nuk do te thote qe nuk do te jem pjesemarrese ne festivale te ndryshem ne te ardhmen.

Cila mbetet per ju kenga me e dashur, edhe pse thuhet se per kengetaret, kenget jane si femijet, qe nuk ndahen dot... Ju mund te na jepni nje emer nga repertori juaj?

Mund te them "Zonja Vdekje". Eshte nje kenge autobiografike, tekstin e se ciles e kam shkruar vete, ndersa kompozimin e orkestrimin e ka bere kompozitori nga Kosova, Florent Boshnjaku.

Eshte thene pak vite me pare, se nese do te shkruhej historia e muzikes shqiptare, kenga juaj "Shko pastro pas saj", do te ishte hiti i vitit. Te tilla vleresime ju sfidojne per te dhene me teper, apo vetem miklojne sedren tuaj?

Keto vleresime jane shume te rendesishme per mua, madje jane shtytje te rendesishme per te ecur perpara dhe per te rritur kriterin artistik te punes.

A interpreton Rona 100% ate stil muzikor qe deshiron, apo perpiqet te zgjedhe edhe ne raport me shijet e kohes e publikut?

Kenget e mia nuk jane kerkesa tipike e publikut, por s'mund te them qe jane stili muzikor ku une perkoj shpirterisht.

Permes kenges ju perpiqeni te transmetoni pervec vokalit te admirueshem, edhe pjese te karakterit e personalitetit tuaj, apo beni kompromise edhe me komercializmin, per hir te fames?

Besoj qe kete nuk duhet ta shpjegoj, performancat e mia kam pershtypjen se flasin vete.

Bashkepunetoret tuaj me te shpeshte jane Florent Boshnjaku dhe Aida Baraku. Perse keta emra?

Sepse i pergjigjen mjaft mire kerkesave te mia.

Mendoni se ka dallime mes muzikes se levruar ne Shqiperi dhe asaj ne Kosove?

Kam pershtypjen se afersisht ne cdo rryme behet e njejta gje, si ne Shqiperi, ashtu edhe ne Kosove. Kam pershtypjen qe muzika Rock dhe Alternative eshte me pak e levruar tek ju ne Shqiperi, sikurse edhe muzika Hip-Hop.

Jeni shprehur se enderroni te perfaqesoni shqiptaret ne Eurosong. Aspironi te perfaqesoni gjithe kombin shqiptar apo shtetin e Kosoves?

Do ta perseris, enderroj te perfaqesoj Shqiperine e Madhe ne Eurosong.

Me cfare eshte duke u marre aktualisht Rona?

Aktualisht po punoj per disa materiale te reja muzikore, si edhe po bej punen e perditshme ne Radio Blue Sky ku drejtoj dy emisione, per te cilat jam dhe autore.

Pra, merreni edhe me radio, pervec se me muzike. Serish brenda muzikes apo jo?

Patjeter, gjithmone jam e rrethuar me muzike dhe shpresoj te jem keshtu deri ne ditet e fundit te jetes. Kam dy emisione autoriale ku trajtoj tema te shoe-biznesit boteror, realizoj intervista me te ftuar te fushave te ndryshme, si dhe komunikoj me degjuesit permes sms-ve porosi.

Cili eshte personi qe ka ndikuar me shume ne personalitetin tuaj muzikor? Po nga artistet vendas dhe te huaj?

Nena ime, e cila ka nje shije te sterholluar dhe eshte shume e informuar per muziken boterore, madje duhet te themi se shijet tone jane shume te peraferta me njera-tjetren. Po ju tregoj qe CD-ne e pare ma ka blere pikerisht ajo dhe ka qene permbledhja e hiteve me te medha te kengetares legjendare Janis Joplin. Nga artistet vendas me ka bere per vete me butesine e zerit te saj kengetarja nga Shkupi, e cila aktualisht nuk eshte me aktive ne muzike, Erzana Berisha. Nderkaq, nga muzika e huaj ka shume, kryesisht mbeten legjendat e muzikes Jazz, Ella Fitzgerald, Nina Simone, Billie Holiday etj.

Se fundmi, dicka nga jeta personale dhe dashuria?

E lumtur perhere me me te dashurit prane, familjen time te mrekullueshme, te dashurin dhe miqte e mi.

Fjoralba Shahaj - Koha Jone

[shigjeta]

“Zona Vdekje”
Teksti : R Nishliu
Muzika : F Boshnjaku

Nje rreze s'na perpiu
Me te zeza u vesh gjithe qyteti
Te gjithe, perveç saj
Folem ne heshtje
Por heshtjen s'deshi ta prish askush
U perulem, u gjunjezuam

Ref:
Zonja vdekje, kush te solli
Trego kush te ftoi
Pse ma more?!
Zonja vdekje, a s'mund te prisje?!
Pse s'mund te prisje
Nje here tjeter

Sa e ftoht ishte ndarja
Me e ftoht se thellesite e oqeaneve
Fundi pa skaj
E vetmja gje qe s'ribehet
Kur shpirti thehet ne copeza
Nuk ngjitet, s'jan si me pare

Ref:
……

[вlαck'swαn]

Eshte kengetare e mire por jo e paperseritshme si Adelina ta marrim

[Hard_Style]

....muzika e saj nuk me pelqen ...., kurse stili i saj po....

[Prometeu2]

Rona ishte fantastike ne neten gjysmefinale te Eurovizionit. I deshiroj shume fat, na mallengjeu me performancen e saj, teksti dhe menyra se si kendoi me te vertete koincidoi me gjendjen emocionale te shqiptareve pas tragjedise se Himares.

[toni54]

rona ishte shume bukur....uroj te kete suksese.......

[shigjeta]

Rona Nishliu shkëlqen edhe në Shën Petërburg, merr çmimin e dytë

Rona Nishliu përfaqësoi Shqipërinë në Festivalin Ndërkombëtar “Netët e bardha të Shën Petersburgut”, ku garoi mes këngëtarëve nga 17 shtete dhe fitoi çmimin e dytë. Nishliu ka kënduar këngën “Suus”, me të cilën u vlerësua edhe si këngëtarja më e mirë e natës së parë, pasi ka marrë votat maksimale, 39 pike. Në natën e dytë Rona ka performuar këngën ”Nutural Women”, nga Aretha Franklin, ndërsa në natën e fundit Rona performoi përseri me këngën ”Suus” me të cilin zuri vendin e dytë.
Këngëtarët e shteteve si, Peruja, Irlanda, Anglia, Spanja, Turqia, Rusia, Franca, Italia, etj garuan në 3 nete, nga 6 deri në 8 korrik. Çdo mbrëmje, një juri profesioniste ka vlerësuar çdo këngëtar pas performimit.
Përveç 17 përfaqësuesve në festival performuan edhe emrat e mëdhenj të muzikës boterores, si Joss Stone, Anastacia, Natalia Imbruglia, Mika, Michael Bolton, Simple Minds, Eros Ramazotti, etj. Çmimin ”Grand prix” të ketij festivali e fitoi këngetari italian Gianni Fiorellino.

Bota Sot

[sirena_adria]

E Magjishme RONA !!!

[Busy Girl]

perse i mban floket si bishta miu kjo?

[sirena_adria]