25 Krimet me te medha te shekullit.

[vagabondo_nyc]

Njëzetepesë krimet më të mëdha të shekullit


Revista “TIME” ka përgatitur listën e krimeve më famëkeq të shekullit të kaluar. Në këtë listë nuk janë përfshirë vrasjet politike, as vrasjet masive apo rastet e gjenocidit. Sigurisht që ato janë krime të tmerrshme dhe mëkate të rënda. Por ato janë akte të kryera me ndërgjegje për të arritur një qëllim të caktuar. Krimet e shekullit, të përpiluara nga revista “TIME”, shtrihen në pjesën më të dobët e më të papërcaktuar të shpirtit; prek pjesën e pandërgjegjshme, ku gjithë llojet e emocioneve shkrihen me njëri-tjetrin. Mëshira dhe zilia, dëshira dhe frika janë të përfshira në këto krime. Këto përçarje të jetës së zakonshme duhet të jenë në gjendje të funksionojnë si një mënyrë për të vënë rregull në mendimet tona të trembura, të bëhen mësim për të ardhmen.

Rrëmbimi “Lindbergh”, 1932

Në vitin 1932 rrëmbimi i një fëmije tronditi Nju Xhersin. Nuk bëhej fjalë për një fëmijë dosido, por për djalin 20 muajsh të aviatorit Charles Lindbergh, heroi i madh amerikan, i cili pesë vite më përpara kishte fluturuar vetëm mbi oqeanin Atlantik. Trupi i fëmijës u gjet pas disa muajsh anash rrugës. Gjyqi i autorit, Bruno Richard Hauptmann, një ish-i dënuar, zgjati për më shumë se katër vite.

Grabitja e “Mona Lizës”, 1911

Më 20 gusht 1911, hapësira që kryevepra botërore zinte në muret e Luvrit u gjet e zbrazët. Pas katër vitesh, piktura iu kthye sërish muzeut dhe grabitësi i saj, italiani Vincenzo Periugia, u arrestua pasi ishte përpjekur ta shiste atë në Itali.

Njeriu majmun, 1912

Antropologu Charles Dawson gjeti në Angli eshtrat e një krijese që dukej se kishte cilësi njeriu dhe majmuni. Sipas të dhënave të para, kjo krijesë datonte 375 mijë vite para. Por kur këto kocka u analizuan në vitin 1953, rezultoi se bëhej fjalë për një orangutang 10-vjeçar dhe se në kockat e tij ishte aplikuar një lloj lënde kimike që ta bënte të dukej si i vjetër.

Skandali “Fatty Arbuckle”, 1920

Gjatë një feste në vitin 1920 në San Francisko, një aktor komik vret një aktore të re, ndërsa e përdhunoi me forcë. Autori ishte Roscoe “Fatty” Arbuckle, aktori i parë i filmit që është paguar me shifrën 1 milionë dollarë.

“Black Dahlia”, 1947

Vrasja e Elizabeth Short, e cila është bërë subjekt i shumë romaneve dhe filmave, ka ndodhur në periudhën pas luftës në Los Anxhelos dhe është një shenjë paralajmërimi për rrezikun në qytetet e mëdha. Autori i vrasjes së aktores së re 22-vjeçare, e cila ishte vendosur në Kaliforni për t’u bërë e famshme, nuk u zbulua kurrë.

“The brinks job”, 1950

Një bandë prej 11 personash vendosën të grabisnin firmën legjendare të sigurimeve private “Brinks”. Ata arritën të vidhnin rreth 1.2 milionë dollarë në kesh dhe 1.5 milionë në çeqe. Por në vitin 1957 pjesa më e madhe e bandës gjendeshin pas hekurave të burgut.

Çështja “Lana Turner”, 1958

E cilësuar si “mbretëresha” e Hollivudit për dy dekada, ajo u përfshi në një marrëdhënie të turbullt me Johnny Stompanatto. Pas një zënke në shtëpi, ajo njoftoi policinë se vajza e saj 14- vjeçare e tronditur e kishte qëlluar atë me thikë. Por pak vetë besuan se s’kishte qenë ajo që i kishte ngulur thikën partnerit të saj të dhunshëm.

Grabitja e trenit, 1963

15 hajdutë, të cilët grabitën mallra me një vleftë prej 7 milionë dollarësh në trenin ndërmjet Glasgout dhe Londrës, u cilësuan si heronj nga populli.

Richard Speck, 1966

Një i armatosur hyn në një konvikt vajzash në Çikago dhe i vret të gjitha një e nga një. Keqbërësi, Richard Speck kishte një tatuazh në krah, ku shkruhej “I lindur për të ngjallur ferrin”.

Vrasjet “Tate-Labianca”, 1969

Një bandë prej katër vetash vranë në mënyrë brutale aktoren Sharon Tate, e martuar me Roman Polanskin, katër miq të saj dhe djalin e kopshtarit. Një ditë më pas në të njëjtën mënyrë kjo bandë vrau dhe menaxherin e supermarketeve “Leno LeBianaca” dhe gruan e tij. Autoritet arrestuan pas pesë muajsh Charles Manson dhe të ashtuquajturën “Familja”. Bëhej fjalë për një kult të frikshëm që kontrollonte mendjen e anëtarëve dhe vriste këdo që i dukej si kërcënim.

Rrëmbimi i Patty Hearst, 1974

Trashëgimtarja 19-vjeçare u rrëmbye nga një grup revolucionarësh, por një muaj më vonë ajo u shfaq në kamera teksa u ndihmonte atyre në vjedhjen e një banke. Ajo kreu vetëm 22 muaj burgim me urdhër të presidentit të atëhershëm Jimmy Carter.

Djali i Semit, 1977

Vrasësi “Djali i Semit” sulmoi një çift, duke vrarë vajzën dhe duke verbuar partnerin e saj. Policia zbuloi se bëhej fjalë për një 24-vjeçar dhe se kishte vrarë gjashtë persona të tjerë e plagosur shtatë. Ai pretendonte se ai ekzekutonte urdhrat e djallit.

JOHN WAYNE GACY, 1978

Policia në dhjetor të vitit 1978 zbuloi poshtë garazhit të John Wayane Gacy, i cili vishej si kloun për të zbavitur fëmijët 28 kufoma djemsh e vajzash të reja. Ai u dënua me vdekje.

Ted Bundy, 1978

I pashëm, me kulturë dhe tërheqës, Ted Bundy i mbyste viktimat e tij, u priste kokën dhe flinte me kufomat deri sa ato fillonin e mbanin erë. Ai u dënua në vitin 1989 me vdekje në Florida, pasi kishte rrëfyer se kishte kryer 30 vrasje.

Grabitja më e madhe e artit, 1990

Në vitin 1990 dy burra të veshur si policë hynë në muzeun e Bostonit, ku vodhën vepra arti me vleftë 300 milionë dollarë. Ajo konsiderohet si vjedhja më e madhe e veprave të artit në SHBA dhe asnjë prej tyre nuk është gjetur akoma.

Jeffery Dahmer, 1991

Mbiemri i tij është sinonim i “përbindëshit”. Kishte mani ishte të burgoste të rinj në shtëpi. Edhe pse shumë prej pengjeve janë përpjekur të largohen, pa rezultat. U dënua 100 vite burg, por u vra nga shoku i dhomës në vitin ‘4.

Çështja O.J. Simpson Case, 1994

I dyshuar për vrasjen e Nicole Brown dhe Ron Goldman më 12 qershor, 1994. Në gjyqin e parë është shfajësuar, në gjyqin e dytë është dënuar. Asnjëherë nuk ka treguar se ku i ka fshehur trupat.

Kolapsi i bandës “Baring”, 1995

“Baring ishte banka më e vjetër e investimeve në Britani, dhe mes klientëve kishte dhe vetë mbretëreshën. Ajo punësoi të rinj dhe mes tyre ishte dhe Nick Leeson, i cili investoi në tregun japonez, duke humbur 1 bilion dollarë.

Vrasja me bomba nga posta, 1996

Tek Kazynski vrau tre njerëz dhe plagosi 22 me bombat që dërgonte me postë. Arriti të fusë një bombë në linjat ajrore amerikane nga Çikago në Uashington. Sikur të kishte shpërthyer pasagjerët e “Boeing 747” do të kishin rënë.

Vrasja e Jonbenet Ramsey, 1996

Jonbenet, 6-vjeçarja konkurrente në konkursin e bukurisë u vra ditën e Krishtlindjeve dhe deri më sot asnjë i dyshuar nuk është arrestuar, me gjithë rrëfimin e mësuesit John Mark Karr.

Vrasja e Giani Versace, 1997

Andrew Cunanan kishte planifikuar të vrasë pesë persona në tre muaj. I fundit ishte stilisti Giani Versace në Majami. 27-vjeçari vrau veten në një barkë të braktisur dy milje nga vendngjarja e krimit të fundit.

Dashuria e ndaluar e Mary Kay Letourneau, 1998

Çfarë i ndodh një gruaje kur gjen dashurinë e jetës dhe zbulon se është vetëm një fëmijë? Por kur gruaja është mësuesja e tij? Ajo përfundoi në burg për përdhunim dhe ngacmime seksuale.

Masakra e gjimnazin “Columbine”, 1999

Sulmet në shkolla ishin një problem para 20 prillit 1999, por Dylan Klebold dhe Eric Harris duhet të kryenin sulmin e tyre. Planifikuan të ulnin seriozitetin e incidenteve të mëparshme duke e filmuar të tyren. Vranë 12 nxënës dhe plagosën 24.

Saga e trishtuar e Andrea Yates, 2001

Andrea Yates supozohet se ka mbytur katër djemtë dhe vajzën foshnjë në vaskën e shtëpisë, në shenjë hakmarrje për zbrazëtinë e jetës së saj me babanë e tyre, Randy. Tani ndodhet në psikiatri.

Grabitja e “The scream”, 2006

Piktura “The scream” e Edvard Munch është grabitur nga muzeu që mban emrin e tij në Oslo, Norvegji më 22 gusht të vitit 2004. Burra të armatosur hynë në muze dhe grabitën “Madonën”. Të dyja u gjendën.

Marr nga "TIME"