Close
Faqja 3 prej 23 FillimFillim 1234513 ... FunditFundit
Duke shfaqur rezultatin 41 deri 60 prej 452
  1. #41
    i/e regjistruar Maska e RTP
    Anëtarësuar
    26-03-2004
    Postime
    1,756

    Angry Koshtunica propozon ndërprerjen e marrëdhënieve diplomatike me vendet që njohin pavar

    Koshtunica propozon ndërprerjen e marrëdhënieve diplomatike me vendet që njohin pavarësinë e Kosovës

    Beograd, 31 janar -Partia Demokratike e Serbisë e kryeministrit Vojisllav Koshtunica propozon ashpërsimin e marrëdhënieve me të gjitha vendet, e posaçërisht me anëtarët e NATO-s që do ta njihnin çfarëdo forme të pavarësisë së Kosovës, thuhet në propozimin që delegacioni i koalicionit që e udhëheq Koshtunica dorëzuar presidentit të vendit Boris Tadiq. Kjo praktikisht do të thotë që Koshtunica propozon ndërprerjen e marrëdhënieve diplomatike me të gjitha vendet të cilat njohin çfarëdo forme të pavarësisë së Kosovës, i ka thënë gazetës "Blic" një burim i afërt me qeverinë serbe. Këtë qëndrim më herët e ka shprehur edhe Partia Socialiste e diktatorit të ndjerë Slobodan Millosheviq. Po ashtu në këtë platformë thuhet se qeveria e ardhshme, nëse zgjidhja për Kosovën imponohet, duhet të marrë një qëndrim të qartë më lidhje me integrimet e mëtejshme në NATO. Tashmë në Beograd ka kundërthënie edhe rreth Ekipit Negociator të Serbisë. Për presidentin Tadiq ekipi ende ekziston, kurse partia e Koshtunicës dhe qeveria serbe thonë që ekipi duhet të ndajë fatin e qeverisë, pra sikur është në dorëheqje.

    QIK

  2. #42
    i/e regjistruar Maska e RTP
    Anëtarësuar
    26-03-2004
    Postime
    1,756

    Plani i Ahtisarit finalizohet deri në fund të shkurtit para se të paraqitet në KS, th

    Plani i Ahtisarit finalizohet deri në fund të shkurtit para se të paraqitet në KS, thotë Solana


    Bruksel, 31 janar - Përfaqësuesi i lartë i Bashkimit Evropian për Politikë të Jashtme dhe Siguri, Havier Solana tha se plani i Kombeve të Bashkurar për statusin e Kosovës do të finalizohet deri në fund të muajit të ardhshëm para se të paraqitet në Këshillin e Sigurimit për miratim. Ai ka ftuar Prishtinën dhe Beogradin që të takohen me të dërguarin e Kombeve të Bashkuara për statusin e Kosovës, Marti Ahtisari. Solana është shprehur se kjo do të ishte skenari më i mirë për Kosovën. Këto komente Solana i bëri pas takimit me Presidentin e Maqedonisë në Bruksel Branko Cërvenkovski. Solana tha se shpreson që palët përfshirë edhe Rusinë përfundimisht do ta mbështesin planin që u përpilua pas negociatave njëvjeçare me delegacionin e Kosovës dhe të Serbisë. Po ashtu Solana ka thënë se ende pret që në Serbi të krijohet një koalicion i fortë proevropian, i cili do të luante rol konstruktiv në përpjekje për gjetjen e statusit të Kosovës.


  3. #43
    i/e regjistruar Maska e RTP
    Anëtarësuar
    26-03-2004
    Postime
    1,756

    Në Parlamentin Evropian është paraqitur drafti që Kosovës t'i garantohet një pavarësi

    Në Parlamentin Evropian është paraqitur drafti që Kosovës t'i garantohet një pavarësi



    Bruksel, 31 janar Në Parlamentin Evropian është paraqitur drafti i raportit për Kosovën i përgatitur nga deputeti i të Gjelbërve holandez, Jost Lagendijk.
    Ky raport sugjeron që Kosovës t'i garantohet një pavarësi, ndërsa sovraniteti do të kufizohej për një kohë të caktuar me praninë ndërkombëtare të BE së dhe NATO s. Po ashtu dokumenti i Parlamentit Evropian nënvizon se ka dëme të mëdha në rast të shtyrjes së statusit dhe se status quoja nuk mund të mbahet. Po ashtu ky dokument nënvizon se BE ja duhet të ketë një rol kyç edhe në implementimin e marrëveshjes së statusit dhe se duke patur parasysh gjithë atë që ka ndodhur, është e paimagjinueshme që Kosova të kthehet nën ndikimin e Beogradit.



    QIK

  4. #44
    i/e regjistruar Maska e RTP
    Anëtarësuar
    26-03-2004
    Postime
    1,756

    Thumbs up Çështja e të pagjeturve të futet në pakon e Ahtisarit

    Çështja e të pagjeturve të futet në pakon e Ahtisarit, nëse tshmë nuk është përfshirë

    Prishtinë, 31 janar - Përfaqësuesit e familjarëve të personave të pagjetur gjatë takimit me këshilltarë politikë të institucioneve kompetente dhe zyrtarë të tjerë parashtruan një varg kërkesash. Gjatë këtij takimit përfaqësuesit e familjarëve akuzuan qeverinë e Kosovës për mosangazhim të mjaftueshëm për zbardhjen e fatit të personave të pagjetur në Kosovë. Ndërkaq këshilltari i Kryeministrit për punë dhe mirëqenie sociale, Arif Muçolli u arsyetua me kompetencat e rezervuara meqë sipas tij zbardhja e fatit të personave të pagjetur është komptencë e rezervuar e UNMIK ut. Edhe deputetja Nekibe Kelmendi thotë se zbardhja e fatit të personave të pagjetur nuk ka shkuar me ritmin e duhur, por ashtu siç ka dëshiruar Serbia. "Nëse në pakon e Ahtisarit nuk është përfshirë çështja e të pagjeturve, ne do të bëjmë vërejtje shumë serioze përmes Grupit të Unitetit që të futet në pako edhe kjo çështje", tha zonja Kelmendi në takimin e shefave të grupeve parlamentare dhe familjarëve të të zhdukurëve, të organizuar nga Zyra për persona të pagjetur.

    QIK

  5. #45
    Perpjekje e Deshperuar e Koshtunices

    Serbi, Partia e Koshtunices propozon: Nderprerje te marredhenieve diplomatike me vendet qe njohin Kosoven e pavarur

    Ora 11:00
    Nga D.B


    BEOGRAD (31 Janar)-Ne prag te zgjedhjes se qeverise se re serbe dhe ne prag te berjes nga publike nga Ahtisar planin per Kosoven ne Beograd e Prishtine Partia Demokratike e Serbise e kryeministrit Vojisllav Koshtunica vjen me nje propozim. Partia e Koshtunices propozon ashpersimin e marredhenieve me te gjitha vendet, e posaçerisht me anetaret e NATO-s qe do te njihnin çfaredo forme te pavaresise se Kosoves. Keshtu citohet ne propozimin qe delegacioni i koalicionit i udhehequr nga Koshtunica dorezuar presidentit te vendit Boris Tadic.

    “Kjo praktikisht do te thote qe Koshtunica propozon nderprerjen e marredhenieve diplomatike me te gjitha vendet te cilat njohin çfaredo forme te pavaresise se Kosoves”, i ka thene gazetes "Blic" nje burim i afert me qeverine serbe. Kete qendrim me heret e ka shprehur edhe Partia Socialiste e Slobodan Milloshevic. Po ashtu ne kete platforme thuhet se qeveria e ardhshme, nese zgjidhja per Kosoven imponohet, duhet te marre nje qendrim te qarte me lidhje me integrimet e metejshme ne NATO. Aktualisht ne Beograd ka kunderthenie edhe rreth Ekipit Negociator te Serbise. Per presidentin Tadic ekipi ende ekziston, kurse partia e Koshtunices dhe qeveria serbe thone qe ekipi duhet te ndaje fatin e qeverise, pra statusin ne doreheqje.

    (Kosova/Balkanweb)

  6. #46
    i/e regjistruar Maska e Llapi
    Anëtarësuar
    08-08-2002
    Postime
    10,979
    Citim Postuar më parë nga Llapi


    LUFTA E UÇK-së ISHTE LUFTË KUNDËR PUSHTIMIT…

    Konferencë për media, rreth pakos për statusin e Kosovës


    Prishtinë 28 janar 2007
    Organizata e Veteranëve të Luftës së UÇK-së së bashku me SHIL të UÇK-së dhe SHFD të UÇK-së në një konferencë për media, shprehën qëndrimin rreth planit të Ahtisarit për statusin e Kosovës, që pritet të zyrtarizohet me 2 shkurt 2007. Deklarata që u lexua në konferencë është me sa vijon:

    1) Edhe pse nuk është bërë publik në tërësi Dokumenti i Ahtisarit për statusin e Kosovës, përmbajtja e botuar në disa media ndërkombëtare nuk shpreh në mënyrën e duhur vullnetin e qytetarëve të vendit për shtet të pavarur dhe sovran.

    2) Ne presim që bashkësia ndërkombëtare ta njohë luftën tonë Çlirimtare dhe ta pranojë shtetin e pavarur e sovran të Kosovës.
    Pas luftës heroike të popullit, të udhëhequr nga Ushtria Çlirimtare e Kosovës, pas gjakut të derdhur nga dëshmorët e lirisë, pas gjymtyrëve të lëna në vijat e frontit nga invalidët e luftës, në Kosovë nuk do të pranohet asgjë më pak se pavarësia e plotë.
    Gjenocidi serb mbi popullin tonë dhe ndërhyrja e forcave demokratike përkrah UÇK-së, e ka bërë të qartë këtë qysh në vitin 1999. Krimet e papara të forcave serbe mbi popullatën civile, gjaku i më shumë se 15 mijë të vrarëve e të masakruarve, mijëra të zhdukur, për fatin e të cilëve ende nuk dimë asgjë, gjaku i 2 mijë e 200 dëshmorëve, gjymtyrët e 2 mijë e 500 invalidëve të luftës, e kanë vulosur të ardhmen e Kosovës dhe nuk duhet të ketë asnjë hamendje në këtë drejtim. Kosova duhet të pranohet në familjen e kombeve të bashkuara si subjekt i barabartë me të gjitha shtetet e tjera. Në të kundërtën, tërheqim vërejtjen se procesi do të vështirësohet, duke e vënë në pikëpyetje gjithë investimin e bërë në vitet e pasluftës. Faktorët ndërkombëtarë e dinë se nuk mund të nëpërkëmbet e ardhmja e një populli që e ka vulosur atë me gjakun e bijve e bijave të veta. I kuptojmë shqetësimet e ndërkombëtarëve për pozitën e pakicave në Kosovë, por Kosova tashmë e ka dësahmuar se i pranon ato si pasuri të shoqërisë dhe vlerave të saj.

    3) I bëjmë thirrje bashkësisë ndërkombëtare që në vendimin për Kosovën ta ketë parasysh gjakun e dëshmorëve dhe të mijëra qytetarëve të flijuar për lirinë e vendit të tyre. Tani që presim ardhjen e Ahtisarit në Prishtinë, dëshirojmë t’i kujtojmë edhe një herë atij se lufta e UÇK-së ishte luftë kundër pushtimit, e jo siç janë përpjekur ta paraqesin qarqe të caktuara, rebelim kundër regjimit të Millosheviqit.

    4) Vendi ynë duhet të ketë ushtrinë e vet, jo si kërcënim ndaj të tjerëve, por për sigurinë e vet dhe për mbështetjen e proceseve të paqes në rajon e më gjerë. KFOR-i duhet ta mbështesë një forcë aleate në Kosovë.Kemi thënë se e mirëpresim praninë e NATO-s, por edhe ajo duhet t’i pranojë vlerat tona ushtarake. Këtë e ka dëshmuar UÇK-ja gjatë luftës, dhe TMK-ja pas perfundimit të saj. Ndryshe, TMK-ja është edhe institucioni që ka bërë më së shumti në përmbushjen e standardeve të caktuara nga bashkësia ndërkombëtare. Këtë vlerësim e kanë bërë edhe vetë ndërkombëtarët. Prandaj duhet të avancohet misioni i saj në bërthamë të ushtrisë së ardhshme të vendit. Në këtë pikë, ne i tërheqim vërejtjen edhe Ekipit të Unitetit që të mos lejojë të ndodhë ndonjë gabim. Kosova e pavarur duhet të ketë edhe ushtrinë e vet.

    5) Pavarësia është zgjidhja e vetme e cila do t’i mundësonte Kosovës zhvillim dhe prosperitet. Ne jemi të vetëdijshëm se Kosova është në gjendje të rëndë ekonomike. Këtë e thonë të gjithë, edhe ndërkombëtarët edhe vendorët. Por, jemi të vetëdijshëm gjithashtu se shkaku kryesor i këtij moszhvillimi është mungesa e pavarësisë. Dikur ishte pushtimi nga ana e Serbisë, sot është mungesa e subjektivitetit ndërkombëtar.


    Kryetari Thaçi: Kosova do të jetë e pavarur, do të jetë e bashkuar dhe do ta ketë ushtrinë e vet

    31.01.2007
    Kryetari i Partisë Demokratike të Kosovës z.Hashim Thaçi, i shoqëruar nga nënkryetarët z.Fatmir Limaj dhe z.Hajredin Kuçi, i ka bërë një vizitë sot shoqatave të dala nga lufta e UÇK-së.
    “Sot bashkëluftëtarët e mi dhe gjithë qytetarët e Kosovës mund t’i siguroj që Kosova do të jetë e pavarur, Kosova do të jetë e bashkuar, Kosova do ta ketë ushtrinë e vet, si rezultat i kontinuitetit të UÇK-së, transformimit në TMK dhe në Forcën e ardhshme të Sigurisë së Kosovës. Kosova do te jetë pjesë e institucioneve ndërkombëtare dhe do të rreshtohet përkrah shteteve moderne në të gjitha institucionet ndërkombëtare. Shumë shpejtë flamuri shtetëror i Kosovës do të valojë para OKB-së dhe Kosova do ta ketë edhe ulësen e vet në OKB”.
    - tha mes tjerash z.Hashim Thaçi pas takimit me udhëheqësit e shoqatave të dala nga lufta e UÇK-së.



    “Ne bashkë kemi luftuar, bashkë kemi sakrifikuar, bashkë e kemi fituar betejën për lirinë e Kosovës. Liria dhe pavarësia e Kosovës, e ka emrin, e ka vulën e luftës, e ka vulën e luftëtarëve të lirisë, e ka vulën e sakrificës së gjithë qytetarëve të vendit” – tha kryetari Thaçi.

    “Presidenti Ahtisari vjen së shpejti, është i mirëseardhur, do të pranohet pakoja e tij, që ne besojmë që do të jetë ajo për të cilën kemi punuar, por të gjithë duhet pasur parasysh se Ahtisari nuk e sjellë pavarësinë. Pavarësinë e kemi ndërtuar ne me sakrificë, me vullnet dhe me përgjegjësi. Presidenti Ahtisari hap perspektivë për zyrtarizimin e këtij vullneti dhe hapjes së perspektivës për t’u integruar në strukturat e Bashkimit Evropian dhe në NATO” – u shpreh lideri i PDK-së.

    “Unë sot kam pasur takim shumë të mirë dhe miqësor, të shkëlqyeshëm me bashkëluftëtarët me të cilët kemi kaluar situata dhe sfida të mëdha në fushëbeteja për fitoren e Kosovës. Gjithashtu, kemi ndarë opinione, përgjegjësitë dhe të jemi sa më transparent për gjithë procesin, nëpër të cilin po kalojmë, në mënyrë që ky proces të mos kalojë me ankth, me shqetësime, por me shpresë dhe besim për vendimin e drejtë” – potencoi kryetari i partisë më të madhe opozitare ne vend.

    “Për Kosovën është vetëm një vendim i drejtë: Kosova e pavarur dhe sovrane, e integruar në strukturat e Bashkimit Evropian dhe në NATO. Kjo është edhe zgjidhja më e mirë për stabilitetin rajonal, është edhe zgjidhja më e mirë për miqtë tanë, Uashingtonin dhe Brukselin” – tha z.Thaçi.

    “Sot bashkëluftëtarët e mi dhe gjithë qytetarët e Kosovës mund t’i siguroj që Kosova do të jetë e pavarur, Kosova do të jetë e bashkuar, Kosova do ta ketë ushtrinë e vet, si rezultat i kontinuitetit të UÇK-së, transformimit në TMK dhe në Forcën e ardhshme të Sigurisë së Kosovës. Gjithashtu, Kosova do te jetë pjesë e institucioneve ndërkombëtare dhe do të rreshtohet përkrah shteteve moderne në të gjitha institucionet ndërkombëtare. Shumë shpejtë flamuri shtetëror i Kosovës do të valojë para OKB-së dhe Kosova do ta ketë edhe ulësen e vet në OKB” – siguroi kryetari i PDK-së.

    “Kjo është më e mira për vendin tonë. Ne edhe sot po i ndajmë këto përgjegjësi me unitet të qëndrueshëm, me forca të bashkuara, në mënyrë që të kemi sa më shpejtë që është e mundur edhe përfundimin e këtij procesi konsultativ dhe procedural, që duhet ta tejkalojmë bashkërisht me komunitetin ndërkombëtar” – tha në vazhdim anëtari i Ekipit të Unitetit.

    “Më vjen mirë që sot bashkëluftëtarët e mi ndajnë opinion për mirëpritjen e presidentit Ahtisari dhe natyrisht edhe dhënien e opinioneve të qëndrueshme, opinione të përgjegjshme edhe politike, por edhe opinione të përgjegjshme që dalin nga vullneti i qytetarëve të Kosovës” – theksoi kryetari i Partisë Demokratike të Kosovës z.Hashim Thaçi.
    Do t´i luftoj spiunet dhe tradhtaret e kombit deri ne vdekje.

  7. #47
    I Pavarur nga poli.ditore
    Anëtarësuar
    29-12-2006
    Postime
    56
    Koshtunica shkon edhe më larg, sa që kërcënon edhe Nato-n.
    "Nato-ja paska bombarduar Serbin për ti hjekur asaj një cop territori".Hmmm!
    Nga Brukseli vijn propozime nga Karla del ponte edhe ashtu jo të këndshme për serbin, ku ajo fton BE-n të nderpres bisedimet me serbin për kohë të pacaktuar deri sa të mos ketë dorzuar kriminelet e luftës Mladiqin me company.
    Unë i propozoj që të mos i dorëzoj kriminelet serbia, nga ajo edhe ashtu nuk do të ketë asgjë, siq kishin menduar ata deri më sot. jo se i mbajn mladiqet për atë se ju plas zemra serbëve, por më shumë për të bërë pazarlleqe të mundëshme lidhur me kosoven.
    Ne jemi aqë zemërmirë sa që ju falim kriminelet, le t'bëjn me ta si të dojn, po deshen edhe le ti shpallin hero, ama një gjë ju bëjm me dije!
    Kosova është e atyre që jetojn në Kosovë, e ata janë mbi 95%Shqiptarë!
    Edhe nëse do të vdisja nuk do të mërzitësha, ama ti bijer njëher autostrades Durrës-Morinë

  8. #48
    i/e regjistruar Maska e Llapi
    Anëtarësuar
    08-08-2002
    Postime
    10,979


    Kryetari Thaçi: Kosova do të jetë e pavarur, do të jetë e bashkuar dhe do ta ketë ushtrinë e vet

    31.01.2007
    Kryetari i Partisë Demokratike të Kosovës z.Hashim Thaçi, i shoqëruar nga nënkryetarët z.Fatmir Limaj dhe z.Hajredin Kuçi, i ka bërë një vizitë sot shoqatave të dala nga lufta e UÇK-së.“Sot bashkëluftëtarët e mi dhe gjithë qytetarët e Kosovës mund t’i siguroj që Kosova do të jetë e pavarur, Kosova do të jetë e bashkuar, Kosova do ta ketë ushtrinë e vet, si rezultat i kontinuitetit të UÇK-së, transformimit në TMK dhe në Forcën e ardhshme të Sigurisë së Kosovës. Kosova do te jetë pjesë e institucioneve ndërkombëtare dhe do të rreshtohet përkrah shteteve moderne në të gjitha institucionet ndërkombëtare. Shumë shpejtë flamuri shtetëror i Kosovës do të valojë para OKB-së dhe Kosova do ta ketë edhe ulësen e vet në OKB”.
    - tha mes tjerash z.Hashim Thaçi pas takimit me udhëheqësit e shoqatave të dala nga lufta e UÇK-së.



    “Ne bashkë kemi luftuar, bashkë kemi sakrifikuar, bashkë e kemi fituar betejën për lirinë e Kosovës. Liria dhe pavarësia e Kosovës, e ka emrin, e ka vulën e luftës, e ka vulën e luftëtarëve të lirisë, e ka vulën e sakrificës së gjithë qytetarëve të vendit” – tha kryetari Thaçi.

    “Presidenti Ahtisari vjen së shpejti, është i mirëseardhur, do të pranohet pakoja e tij, që ne besojmë që do të jetë ajo për të cilën kemi punuar, por të gjithë duhet pasur parasysh se Ahtisari nuk e sjellë pavarësinë. Pavarësinë e kemi ndërtuar ne me sakrificë, me vullnet dhe me përgjegjësi. Presidenti Ahtisari hap perspektivë për zyrtarizimin e këtij vullneti dhe hapjes së perspektivës për t’u integruar në strukturat e Bashkimit Evropian dhe në NATO” – u shpreh lideri i PDK-së.

    “Unë sot kam pasur takim shumë të mirë dhe miqësor, të shkëlqyeshëm me bashkëluftëtarët me të cilët kemi kaluar situata dhe sfida të mëdha në fushëbeteja për fitoren e Kosovës. Gjithashtu, kemi ndarë opinione, përgjegjësitë dhe të jemi sa më transparent për gjithë procesin, nëpër të cilin po kalojmë, në mënyrë që ky proces të mos kalojë me ankth, me shqetësime, por me shpresë dhe besim për vendimin e drejtë” – potencoi kryetari i partisë më të madhe opozitare ne vend.

    “Për Kosovën është vetëm një vendim i drejtë: Kosova e pavarur dhe sovrane, e integruar në strukturat e Bashkimit Evropian dhe në NATO. Kjo është edhe zgjidhja më e mirë për stabilitetin rajonal, është edhe zgjidhja më e mirë për miqtë tanë, Uashingtonin dhe Brukselin” – tha z.Thaçi.

    “Sot bashkëluftëtarët e mi dhe gjithë qytetarët e Kosovës mund t’i siguroj që Kosova do të jetë e pavarur, Kosova do të jetë e bashkuar, Kosova do ta ketë ushtrinë e vet, si rezultat i kontinuitetit të UÇK-së, transformimit në TMK dhe në Forcën e ardhshme të Sigurisë së Kosovës. Gjithashtu, Kosova do te jetë pjesë e institucioneve ndërkombëtare dhe do të rreshtohet përkrah shteteve moderne në të gjitha institucionet ndërkombëtare. Shumë shpejtë flamuri shtetëror i Kosovës do të valojë para OKB-së dhe Kosova do ta ketë edhe ulësen e vet në OKB” – siguroi kryetari i PDK-së.

    “Kjo është më e mira për vendin tonë. Ne edhe sot po i ndajmë këto përgjegjësi me unitet të qëndrueshëm, me forca të bashkuara, në mënyrë që të kemi sa më shpejtë që është e mundur edhe përfundimin e këtij procesi konsultativ dhe procedural, që duhet ta tejkalojmë bashkërisht me komunitetin ndërkombëtar” – tha në vazhdim anëtari i Ekipit të Unitetit.

    “Më vjen mirë që sot bashkëluftëtarët e mi ndajnë opinion për mirëpritjen e presidentit Ahtisari dhe natyrisht edhe dhënien e opinioneve të qëndrueshme, opinione të përgjegjshme edhe politike, por edhe opinione të përgjegjshme që dalin nga vullneti i qytetarëve të Kosovës” – theksoi kryetari i Partisë Demokratike të Kosovës z.Hashim Thaçi.


    --------------------------------------------------------------------------------

    Kryetari Thaçi: Në emër të Zahirit dhe bashkëluftëtarëve të tij, ne duhet të ndërtojmë shtetin tonë të pavarur

    31.01.2007
    Është në duart dhe vullnetin tonë që të ndërtojmë shtetin e Kosovës, të pavarur dhe sovran, që përjetësisht do të qëndrojë si testament i përkushtimit i të gjithë atyre që sakrifikuan jetën e tyre për lirinë e vendit tonë. Është përkushtim yni që e kaluara të mos përsëritet më kurrë, andaj, në emër të Zahirit dhe bashkëluftëtarëve të tij, ne duhet të ndërtojmë shtetin tonë të pavarur.
    - tha ndër të tjera ish-udhëheqësi politik i UÇK-së, kryetari i PDK-së z.Hashim Thaçi në akademinë përkujtimore me rastin e 10 vjetorit të rënies së dëshmorëve Zahir Pajaziti, Edmond Hoxha dhe Hakif Zejnullahu.



    (Fjala e plotë e kryetarit të PDK-së z.Hashim Thaçi në akademinë përkujtimore me rastin e 10 vjetorit të rënies së dëshmorëve Zahir Pajaziti, Edmond Hoxha dhe Hakif Zejnullahu)

    Të nderuar Familjarë të Dëshmorëve të Kombit, Të nderuar Veteranë, të nderuar bartës të institucioneve, zonja dhe zotërinj,

    Jemi mbledhur sot në një institucion që është i njohur për kultivimin e kulturës dhe trashëgimisë sonë.

    Në këtë teatër, gjatë viteve të errësirës dhe mungesës së lirisë, artistët, ndonëse në rrethana të vështira, asnjëherë nuk hoqën dorë nga kultura jonë, në fakt ata në rrethana të rënda e ruajtën dhe kultivuan vlerat kulturore.

    Ka simbolikën e vet që sot jemi mbledhur në këtë vend për të përkujtuar jetën dhe veprën e bashkëluftëtarit tonë, jetën e një të riu i cili inspiroi një gjeneratë të tërë për luftë kundër errësirës dhe okupimit nën të cilin jetonte populli ynë.

    Zahir Pajazit, ky hero lëshoi kushtrimin për të gjithë që dëshironim të jetonin në liri. Për lirinë sakrifikonin të gjithë.

    Një 34 vjeçar, luftëtar i lirisë, i cili sakrifikoi jetën e vet në mënyrë që kauza për të cilën po luftonim të mund të mbeste gjallë.

    Në atë kohë, kauza jonë ishte e panjohur për një pjesë të botës, por kauza jonë ishte e vjetër po aq sa edhe njerëzimi – besimi që popujt duhet të jetojnë të lirë dhe të pavarur, se popujt duhet të kenë të drejtën për të përcaktuar fatin e tyre, dhe se liria është një e drejtë që nuk jepet nga një qeveri apo udhëheqës, por është një e drejtë e dhënë nga Zoti e që fitohet.

    Atë botë, liria jonë dukej si ëndërr.

    E largët, e vështirë, e pasigurt; por gjithmonë plotë shpresë dhe besim.

    Sot, vëllezër dhe motra, ne e kuptojmë se ëndrra jonë është bërë realitet, se pavarësia nuk është e largët, por shumë afër nesh, jemi duke e jetuar.

    Presidenti Ahtisari është i mirëseardhur, por ai nuk e sjell pavarësinë, lirinë dhe pavarësinë e fituam ne.

    Sot, kushtrimi i bashkëluftëtarit tonë Zahirit na bashkon sërish, para nesh kemi sfida të mëdha.

    Por ballafaqimet e tanishme janë plotë mundësi dhe plotë shpresa.
    Tani, është në duar dhe vullnetin tonë që të ndërtojmë shtetin e Kosovës, të pavarur dhe sovran, që përjetësisht do të qëndrojë si testament i përkushtimit i të gjithë atyre që sakrifikuan jetën e tyre për lirinë e vendit tonë.

    Është përkushtim ynë që e kaluara mos të përsëritet më kurrë, andaj, në emër të Zahirit dhe bashkëluftëtarëve të tij, ne duhet të ndërtojmë shtetin tonë të pavarur.

    Por, siç ka mësuar edhe Zahiri, këtë nuk mund ta bëjë asnjëri nga ne veç e veç.

    Të nderuar vëllezër, ne sot kemi nevojë të jemi të bashkuar dhe të guximshëm, si në ditët kur bashkërisht çliruam vendin tonë.

    Ne kemi nevojë për unitet gjatë këtij procesi dhe në procesin e shtetndërtimit në mënyrë që të sigurojmë një të ardhme më të mirë për fëmijët tanë, dhe fëmijët e fëmijëve tanë.

    Të ndërtojmë shtet në të cilin do të ketë hapësira për zhvillim ekonomik.

    Të ndërtojmë një shtet në të cilin qytetarët gëzojnë rezultatet e punës së tyre.

    Një të ardhme të në cilën mundësitë për shkollim cilësor janë të pakufishme.

    Një të ardhme në të cilën secili qytetar i Kosovës do të gëzonte përkujdesjen e duhur shëndetësore.

    Kosova me Ushtri edhe më profesionale.
    Së shpejti me ulëse në OKB.
    Flamuri shtetëror të valojë para OKB-së.
    Një të ardhme më kualitet më të mirë të jetesës.
    Një të ardhme në të cilën ka rend dhe ligj.
    Një të ardhme që e meritojmë.
    Një të ardhme me qeverisje më të mirë.
    Kosova është unike dhe gati për pavarësi.

    Të nderuar miq, të gjitha këto nuk do të arrihen brenda ditës.
    Por, le të mësojmë nga jeta e Zahirit dhe gjithë dëshmoreve që na inspiruan në rrugëtimin tonë drejt pavarësisë – ne duhet ta bëjmë hapin e parë, por këtë hap duhet ta bëjmë vetëm së bashku, sepse të përçarë e veç e veç nuk mund ta bëjë asnjëri nga ne.

    Të bashkuar do t’i arrijmë të gjitha.

    Ndërtimi i përmendoreve, shkollave, rrugëve, hapja e vendeve të punës është mënyrë e mirë për ta nderuar Zahirin dhe dëshmorët tjerë.

    Kështu nderohet vendi ynë, nderojmë vetveten.

    Por mënyra më e mirë për të nderuar atë që na nderoi të gjithë ne me sakrificën e tij, është që për hirë të tyre dhe të gjeneratave që do të vijnë pas nesh, është të ndërtojmë monumentin e përjetshëm :

    Kosovën e pavarur, demokratike dhe të përparuar.

    Ne të gjithë e dimë se sfidat para nesh janë të mëdha, por, miq të dashur, mundësitë para nesh janë më të mëdha se sfidat.

    Mundësitë janë ashtu sikurse edhe ëndrra e Zahirit shumë vite më parë: pa kufij.

    Falemnderit.
    Do t´i luftoj spiunet dhe tradhtaret e kombit deri ne vdekje.

  9. #49
    i/e regjistruar Maska e Brari
    Anëtarësuar
    23-04-2002
    Postime
    18,826
    “Ne bashkë kemi luftuar, bashkë kemi sakrifikuar, bashkë e kemi fituar betejën për lirinë e Kosovës. Liria dhe pavarësia e Kosovës, e ka emrin, e ka vulën e luftës, e ka vulën e luftëtarëve të lirisë, e ka vulën e sakrificës së gjithë qytetarëve të vendit” – tha kryetari Thaçi.

    valla o thaq.. ne rogner ki ba sakrifica te medha..
    e ki hanger pasulin edhe me kep e nuk je ankue tek shoki klos meto nano mejdan ..
    vec nji vule ka ajo cka ka kosova sot.. e cka do te kete.. ka vulen e natos.. se per vule tande o thaq kup qosi me meto dade petro pandushat e ata shoqatat vesel halit jahase.. kosova do ish pa nji fije shqiptari..

    leji po.rdhat demagogjike.. se u pa ne prekaz se cfar burrash ishit..
    e late komandantin adem me fmi e gra me u mbrojt pi predhave te kragujevacit..

    kush mundet me na sjelle nga tema e meros.. nji shkrim te baton haxhiut.. per tradhetine.. se kisha deshir ta diskutojm pak..

  10. #50
    i/e regjistruar Maska e Llapi
    Anëtarësuar
    08-08-2002
    Postime
    10,979
    Valla more Brari jo ne rogner po ne Malet e Kosoves te Drenices e te Pashtrikut e Malet e Berishes e Dukagjinit me pushk ne dor mos te ardhte merzi
    po si ka mujt tu thot ketyre kryesive te tri Shoqatave te UÇK-se qe bashk kemi luftue nese ai ka nejt ne rogner hajt qysh bre tregom
    po hiq nuk po ju shiten prrallat se bota edhe Shqiptaret e din mire se ku ka qen Thaçi e ti futja qysh te duash.
    Do t´i luftoj spiunet dhe tradhtaret e kombit deri ne vdekje.

  11. #51
    i/e regjistruar Maska e RTP
    Anëtarësuar
    26-03-2004
    Postime
    1,756

    Exclamation Xh.Grou: Kosova është një çështje tepër delikate për t'u zgjidhur brenda një nate

    Xh.Grou: Kosova është një çështje tepër delikate për t'u zgjidhur brenda një nate


    Berlin, 1 shkurt -

    Mendoj se do të ishte budallallëk të prisnim që Koshtunica apo çdo udhëheqës tjetër politik, të ndërmerrnin ndonjë hap që mund të konsiderohej si pozitiv nga udhëheqja kosovare apo nga bashkësia ndërkombëtare, - tha Xhems Grou nga departamenti i studimeve luftarake pranë Kolexhit Mbretëror në Londër. Ai theksoi se Kosova është një çështje tepër delikate për t'u zgjidhur brenda një nate. Duke komentuar qëndrimin e Koshtunicës se nuk do të ketë marrëdhënie me asnjë shtet që do ta njohë Kosovën si shtet të pavarur, Grou tha se "kjo është një deklaratë boshe, sepse deri tani asnjë shtet nuk do ta njohë Kosovën si shtet të pavarur, sepse kjo nuk është ende një pikë që i përket qëllimeve afatshkurtëra të bashkësisë ndërkombëtare".
    Sipas tij, në rast se ndonjë shtet do ta bënte këtë gjë, situata nuk do të ndërlikohej vetëm për Kosovën, por edhe për të gjitha shtetet ish-jugosllave e më tej, tha Grou për "Dojçe velen".

    Në lidhje me trazirat e mundshme, Grou tha se megjithëse nuk do të donte t'i ekzagjirojë gjasat për një situatë të tillë, por theksoi se nuk mund të injorohen mundësitë se do të ketë grupime tek të dyja palët që të përdorin dhunën. Në të kaluarën nga shqiptarët kjo ka ndodhur në komuna të caktuara në Kosovë, kurse dihet fare mirë se si forcat serbe të sigurisë apo aktorë gjysmë të pavarur mund të marrin iniciativë për të filluar trazira, tha Grou. Sipas tij, ekziston frika që të gjitha përpjekjet e bashkësisë ndërkombëtare mund të shkojnë dëm, në rast se situata e sigurisë përkeqësohet sërish për shkak të politikës aktuale serbe ndaj të ardhmes së Kosovës

  12. #52
    i/e regjistruar Maska e RTP
    Anëtarësuar
    26-03-2004
    Postime
    1,756

    Presidentja e Finlandës është e impesionuar me qëndrimin e Zvicres pro pavarësisë së

    Presidentja e Finlandës është e impesionuar me qëndrimin e Zvicres pro pavarësisë së Kosovës


    Finlandë, 1 shkurt Në një takim të Presidentes së Finlandës Tarja Halonen me homologen e saj zvicërane Mishëlin Kalmi Rej, është biseduar edhe për statusin e ardhshëm të Kosovës. Halonen ka thënë se është e impresionuar me qëndrimin e Zvicrës pro pavarësisë së Kosovës. "Ne po e presim pakon e Ahtisarit, por gjithësesi edhe Finlanda e ndan të njejtin mendim për të ardhmen e Kosovës", është shprehur ajo.


  13. #53
    i/e regjistruar Maska e RTP
    Anëtarësuar
    26-03-2004
    Postime
    1,756

    Ministrat e jashtëm të Sllovenisë dhe Belgjikës,përshëndesin përpjekjet e Ahtisarit p

    Ministrat e jashtëm të Sllovenisë dhe Belgjikës,përshëndesin përpjekjet e Ahtisarit për Kosovën

    LQIK
    ubjanë, 1 shkurt Ministrat e jashtëm të Sllovenisë dhe Belgjikës, Dimitrije Rupel dhe Karel De Guht kanë përshëndetur përpjekjet e Kryenegociatorit Marti Ahtisari për zgjidhjen e statusit të Kosovës. Shefi i diplomacisë belge tha se për t'u arritur marrëveshja në Këshillin e Sigurimit do të duhen disa diskutime, sepse do të jetë vështirë të arrihet marrëveshja, e cila do të ishte njësoj e pranueshme për Beogradin dhe Prishtinën. De Guht e cilësoi brengosës qëndrimin e Rusisë për statusin e ardhshëm të Kosovës, por shfaqi shpresën se ai nuk do të jetë jofleksibil, Ndërkaq, Rupel tha se sipas informatave të tij Këshilli i Sigurimit me gjasë do ta miratojë propozimin e Ahtisarit për zgjidhjen e statusit final të Kosovës.

  14. #54
    i/e regjistruar Maska e Arb
    Anëtarësuar
    06-12-2002
    Vendndodhja
    Little Albania, NY
    Postime
    1,723
    F.Uizner: "Ne jemi zotuar para Kosovës dhe ne jemi njerëz të fjalës"

    Prishtinë, 1 shkurt - Në prag të vizitës së tij në Kosovë, i dërguari amerikan për statusin e Kosovës Frenk Uizner tha se ka punuar shumë dh përsëafërmi me zotin Ahtisari dhe është i kënaqur me tërë punën e tij.

    "Tani është koha që palët ta studiojnë dokumentin me shumë kujdes, sepse, më në fund, qytetarët e Nju Jorkut, Londrës, Berlinit, Parisit apo Romës nuk do të jetojnë me pasojat e vendimeve të Ahtisarit, por kosovarët, shqiptarët e serbët në rend të parë, si edhe populli i Serbisë", tha Uizner për RTV21.



    Ai theksoi se i takon secilit që të hapë sytë dhe të mendojë me arsye, ta hapin ketë dokument dhe të mendojë për përgjegjësitë që shtrohen para qytetarëve të zakonshëm, kryetarët e komunave dhe qeverinë e liderët politikë. "Ky është një dokument madhor dhe historik, i cili do ta përcaktojë tempon lidhur me mbrojtjen e minoriteteve në Europë, në vitet e ardhshme".

    Uizner u sugjeron të gjithëve që t'i paraqesin idetë e tyre tek zoti Ahtisari, në mënyrë konstruktive, dhe ai do t'i marrë ato në konsiderim. Duke folur për mundësinë e paraqitjes së planit të Ahtisarit para Këshillit të Sigurimit gjatë muajit mars, Uizner tha se është vështirë të parashihet data.

    Por megjithatë i tha se marsi është qëllimi i tij, dhe shpreson që të arrihet ky qëllim. "Besoj se kemi shansë të mirë që ta arrijmë, me dy tri ditë më përpara apo më prapa. Pra, marsi do të ishte në rregull, si objektiv", theksoi Uizner.

    I pyetur nëse dokumenti i Ahtisarit mund të sjellë zgjidhjen e duhur për statusin final të Kosovës që një herë e përgjithmonë, të qetësohet Ballkani, Uizner iu shmang përgjigjes direkte por tha se do të dëshironte, dhe lutet për paqe në Europën Juglindore. "Europa Juglindore do të bashkohet me forma të ndryshme bashkëpunimi me pjesën tjetër të Europës dhe të ketë paqe, stabilitet, progres ekonomik dhe jetë të mirë për popujt atje", tha Uizner, dhe shtoi se këtë e dëshiron, por, siç u shpreh, në fund do të ndahet përgjegjësia.

    "Fundamentalisht, përgjegjësia mbetet barrë e kosovarëve, të cilët do të zgjedhin se cilët do të jenë liderët e tyre politikë, formën që do ta zgjedhin për të punuar së bashku, mënyrën se si do t'i pajtojnë komunitetet midis tyre, vëllimin e punës së rëndë dhe të madhe që ata janë të vendosur ta bëjnë për të rritur prosperitetin ekonomik", theksoi diplomati amerikan.

    Sipas tij, puna kryesore u mbetet kosovarëve. Çështje kryesore për kosovarët sot, tha ai, është që ta lexojnë e ta studiojnë propozimin e Ahtisarit dhe ta kuptojnë çka do të thotë ai, në mënyrë që të jenë në gjendje të ballafaqohen me të.

    "Ta shtroj çështjen në një formë tjetër. Çdo herë që unë shkoj në Kosovë, njerëzit thonë: "pavarësi, pavarësi, pavarësi..." Po kur do të vijë pavarësia?... Sikur pavarësia të ishte një pilulë që gëlltitet dhe shëndeti ynë përmirësohet menjëherë. Ardhmëria e Kosovës do të shkruhet me punë të kujdesshme e të palodhshme dhe me qeverisje të mirë, me respekt për fqinjin, me zbutjen e dallimeve, me funksionim të mirë të institucioneve, me punë të zellshme të policisë për ta ruajtur rregullin dhe ligjin, ndalimin e krimeve, trafikimit dhe korrupsionit", tha Uizner, duke shtuar se këto e përbëjnë të ardhmen e jo një fjalë.

    Ai kërkoi nga miqtë e tij në Kosovë që të mendojnë për pasojat që ky dokument vendos para tyre, për formën e qeverisë, llojin e shoqërisë që do të jetojnë në të, si dhe pergjegjësitë e Komunitetit Nderkombëtar që do t'i përkrahin.

    Uizner premtoi se amerikanët do të përmbushin zotimin e tyre në Kosovë: "Ne jemi zotuar para Kosovës dhe ne jemi njerëz të fjalës". Ai tha se SHBA-të që nga fillimi janë me Kosovën, por edhe në ketë fazë finale të negociatave do të qendrojnë deri në fund.

    "Unë ndihem mirë me ketë dhe ndihem mirë që t'iu japi miqve të mijë në Kosovë sigurimet e plota për vazhdimësinë e një përkrahjeje të fortë amerikane.

    Por përkrahja amerikane, vetëm, nuk mund ta bëjë Kosovën. Amerika do të perkrahë diçka, por qëndrimi dhe sensi kosovar do të jetë vendimtarë dhe atë në punën e madhe, vullnetin për të jetuar në fqinjësi me fqinjin edhe kur ai flet në gjuhë tjetër, vullnetin për të vazhduar në rindertimin ekonomik, vullnetin për ti bërë institucionet shtetërore funksionale si dhe rregullimin e çështjes së sundimit të rendit dhe ligjit", tha mes tjerash Frenk Uizner në këtë intervistë për RTV21.

    QIK-u
    Talent wins games, but teamwork wins championships.
    Micheal Jordan

  15. #55
    i regjistruar Maska e Breshka
    Anëtarësuar
    10-06-2002
    Postime
    351
    Citim Postuar më parë nga Arb
    [B]F.
    "Ta shtroj çështjen në një formë tjetër. Çdo herë që unë shkoj në Kosovë, njerëzit thonë: "pavarësi, pavarësi, pavarësi..." Po kur do të vijë pavarësia?... Sikur pavarësia të ishte një pilulë që gëlltitet dhe shëndeti ynë përmirësohet menjëherë. Ardhmëria e Kosovës do të shkruhet me punë të kujdesshme e të palodhshme dhe me qeverisje të mirë, me respekt për fqinjin, me zbutjen e dallimeve, me funksionim të mirë të institucioneve, me punë të zellshme të policisë për ta ruajtur rregullin dhe ligjin, ndalimin e krimeve, trafikimit dhe korrupsionit", tha Uizner, duke shtuar se këto e përbëjnë të ardhmen e jo një fjalë.

    QIK-u
    Pse kaq e veshtire per shqiptaret?????? Pse ishte e lehte per Maqedonine qe kurr nuk kishte egzistuar dhe gjithashtu pati konflikt dhe me Greqine???!!!!!
    Pse nuk kishte asnje problem per Malin e Zi kur dhe prejardhjen me serbet ata e kane te njejte?????
    Pse i duket cudi dhe lluks perendimorve kur kosovaret kerkojne pamvarsi???!!!!!

    Mos ndoshta sepse kosovaret e kerkojne??!! Mos ndoshta pamvarsia merret??!!
    Apo e keqja e tyre eshte me rracen tone?????!!!!

  16. #56
    KuMaNoVa Maska e strong_07
    Anëtarësuar
    06-01-2007
    Vendndodhja
    Ku sjeton ty
    Postime
    2,169
    Rupel: KS do ta miratoje propozimin e Ahtisaar. De Guht: Duhen ende edhe disa diskutime

    Ministrat e Jashtem te Sllovenise dhe Belgjikes, Dimitrije Rupel dhe Karel de Guht i kane pershendetur perpjekjet e kryenegociatorit Martti Ahtisaari per zgjidhjen e statusit te Kosoves. Ministri i Jashtëm slloven, Dimitri Rupel, ka thënë se në bazë të informacioneve që ka, “Këshilli i Sigurimit do ta miratojë propozimin e Ahtisarit për statusin e Kosovës”. Nderkaq shefi i diplomacise belge tha se per t'u arritur marreveshje ne Keshillin e Sigurimit do te duhen "disa diskutime" sepse do te jete veshtire te arrihet marreveshja, e cila do te ishte njesoj e pranueshme per Beogradin dhe Prishtinen.
    Nje gje thuaje:ZOT me ruaj prej MIQEVE se prej ARMIQEVE ruhem vet!!!!!!

  17. #57
    KuMaNoVa Maska e strong_07
    Anëtarësuar
    06-01-2007
    Vendndodhja
    Ku sjeton ty
    Postime
    2,169
    Ekipi Negociator i Kosoves premton transparencë për pakon e statusit

    Ekipi Negociator i Kosovës, premtoi se do të jetë plotësisht transparent më qytetarët e Kosovës për t’ua shpalosur detajet e pakos që do të sjellë Ahtisaari më 2 shkurt në Prishtinë, në ndërkohë konsideron se publikimi i pakos, nuk do të sjellë destabilizim të vendit.
    Nje gje thuaje:ZOT me ruaj prej MIQEVE se prej ARMIQEVE ruhem vet!!!!!!

  18. #58
    KuMaNoVa Maska e strong_07
    Anëtarësuar
    06-01-2007
    Vendndodhja
    Ku sjeton ty
    Postime
    2,169
    Ahtisaari nuk do të lejojë vonesa artificiale

    I dërguari i Kombeve të Bashkuara për statusin e Kosovës Marti Ahtisaari do të dorëzojë nesër në Prishtinë dhe në Beograd pakon me propozimin e tij për të ardhmen politike të Kosovës. Zëdhënësi i UNOSEK-ut Remi Durlo i tha sot Radio Kosoves se Ahtisaari nuk pret që nesër të marrë ndonjë përgjigje të detajuar nga palët. Por, tha Durlo, menjëherë pas këtyre vizitave do të fillojë periudha gjatë së cilës zyra e ndërmjetësve ndërkombëtarë do të pres pyetjet dhe komentet e Prishtinës dhe Beogradit.
    I dërguari i Kombeve të Bashkuara për statusin e Kosovës Marti Ahtisaari do ta dorëzojë nesër në Prishtinë dhe në Beograd pakon me propozimin e tij për të ardhmen politike të Kosovës. Zëdhënësi i UNOSEK-ut Remi Durlo tha sot se Ahtisaari nuk pret që nesër të marrë ndonjë përgjigje të detajuar nga palët. Por, tha Durlo, menjëherë pas këtyre vizitave do të fillojë periudha gjatë së cilës zyra e ndërmjetësve ndërkombëtarë do të pres pyetjet dhe komentet e Prishtinës dhe Beogradit.

    Brenda disa orësh kryendërmjetësi për statusin e Kosovës, Marti Ahtisaari do t’i dorëzojë dokumentet me rekomandimet për statusin tek të dy palët. Paradite, ai do të qëndrojë në Beograd. Zëdhënësi i UNOSEK-ut Remi Durlo konfirmoi se Ahtisaari do të pritet atje nga kryetari i Serbisë Boris Tadiq. Kryeministri në largim, Vojisllav Koshtunica, më herët ka thënë se nuk ka mandat për ta pritur Ahtisaarin. Sidoqoftë, Ahtisaari planifikon të mbajë edhe një konferencë për shtyp në Beograd dhe do të udhëtojë për Prishtinë.
    Zëdhënësi Durlo tha se kryenegociatori nuk pret që nesër të marrë ndonjë përgjigje të detajuar apo komente nga palët, për planin e tij.

    “Është e qartë se periudha gjatë së cilës ne do të jemi në pritje të komenteve dhe pyetjeve nga palët do të fillojë, menjëherë pas takimeve në Prishtinë dhe Beograd” tha Durlo.
    Sipas tij, ende nuk dihet se sa kohë do të kenë palët për të bërë komentet e tyre. Sipas paralajmërimeve të mëhershme, ekziston mundësia që kjo periudhë të zgjas gjatë gjithë muajit shkurt. UNOSEK-u nuk përjashton edhe mundësinë e takimeve të reja ndërmjet Prishtinës dhe Beogradit, por kjo varet nga palët. Durlo tha se Ahtisaari nuk do të lejojë vonesa artificiale në proces.

    “E gjithë periudha e angazhimit të ndërsjellë, përfshirë këtu edhe eventualisht çështjen e rrethit të ri të bisedimeve ndërmjet palëve, do ta marrë një pjesë të madhe të muajit shkurt”, tha Durlo.
    Nje gje thuaje:ZOT me ruaj prej MIQEVE se prej ARMIQEVE ruhem vet!!!!!!

  19. #59
    i regjistruar Maska e Breshka
    Anëtarësuar
    10-06-2002
    Postime
    351
    Citim Postuar më parë nga Brari
    kush mundet me na sjelle nga tema e meros.. nji shkrim te baton haxhiut.. per tradhetine.. se kisha deshir ta diskutojm pak..
    Shpresoj ta kesh pas llafin per kete artikull.......

    Baton Haxhiu
    Nga mosha jonë e fëmijërisë
    kemi qenë të bombarduar me fjalën tradhti. Baballarët, mësuesit në shkollë
    na përsërisin se tradhtia është gjëja më e neveritshme që mund të ketë
    dikush. Të tradhtosh, do të thotë të dalësh nga vija dhe të ikësh në të
    panjohurën.
    Na thoshin se tradhtia e parë
    është e pakorrigjueshme dhe shkakton një reaksion zinxhir, tradhti të
    tjera, secila prej të cilave na largon gjithnjë e më shumë nga pika e
    tradhtisë fillestare.
    Kjo logjikë akademike më vonë
    ishte bartur në ilegalitet, nëpër thashetheme kafenesh dhe shtëpi. Një
    gjuhë që na ka ndjekur me vite. Një gjuhë që ka qenë pjesë e jona dhe e
    afërt po aq sa edhe lëkura.
    Më kujtohet, kur na thoshin
    për tradhtinë e parë dhe tradhtarin: Tradhtia e parë e kishte emrin Lufta
    e Dytë Botërore. Emri i tradhtarit ishte Fadil Hoxha. Për shumë vite kisha
    besuar. Nuk kisha hyrë në thellësi dhe mendoja se njeriu që ka nënshkruar
    të mbetet në Jugosllavi ishte fajtori kryesor. Mendoja se ai ka qenë i
    vetmi fajtor dhe lider i paguximshëm. Më vonë kam mësuar dhe
    dëgjuar rrëfimin për tradhtarin e dytë, Mahmut Bakallin, pastaj për
    Ibrahim Rugovën dhe së fundi, po dëgjoj për tradhtinë tjetër: të Grupit të
    Unitetit.Nuk kisha dashur të komentoj
    shumë të kaluarën, por më është dashur kaq vite lexim dhe përvojë që ta
    kuptoj se tradhtia është fjalë që më së shpeshti interpretohet nga ata që
    bëjnë përpëlitje në përditshmëri dhe nuk kanë argumente ballafaquese, por
    rrënuese për sistemin ku jetojnë: Njerëzit që janë në Grupin e Unitetit
    dhe në politikën e tanishme, kosovare janë ngritur mbi do parime sulmuese
    mbi tradhtinë. Janë ngritur mbi një gjuhë denoncuese dhe linçuese për
    njerëzit.Kur në vitin 2007-të po
    vendoset për statusin e Kosovës, një pjesë e njerëzve që do të
    nënshkruajnë dokumentin e Ahtisarit do të emërtohen me këtë emër.Nëse i kthehemi një të
    kaluare dhe kësaj gjuhe, jam më shumë se kurrë i bindur sesa të pafuqishëm
    kanë qenë Fadil Hoxha dhe Mahmut Bakalli.Në vitin 1945-së, njeriu që
    vendosi të jetë në krye të një procesi që Kosovën ta nënshkruajë brenda
    Jugosllavisë, ka pasur një situatë shumë më të rëndë sesa kanë liderët e
    pesëshes së Unitetit. Ai ka pasur një situatë të ashpër, ndërkombëtare, ka
    pasur një vendim të Jaltës, ka pasur një Jugosllavi të përkrahur nga Rusia
    dhe një ushtri jugosllave aq të fortë, ka pasur një popullsi analfabete
    prej 95% dhe një Shqipëri që ka qenë kundër tij, ka pasur forcat
    ndërkombëtare kundër dhe i kanë trajtuar shqiptarët me emërtimet më të
    këqija. Mbi këto argumente politike dhe strategjike ky njeri ka vendosur
    t’i ruajë shqiptarët dhe gjuhën. Ta ruajë dhe ta zhvillojë aq sa ka pasur
    mundësi dhe fuqi.Vit pas viti, ky njeri ka
    prodhuar njerëz, kuadro, dije dhe shkolla. Ka duruar një shovinizëm dhe
    një fuqi të një shteti që ka pasur simpati botërore. Deri të viti
    1974-tër, kur së bashku me klasën e krijuar, komuniste ka bërë një
    dokument kushtetues që ka qenë prosperues për një popullatë dhe një komb.Viti 1974-tër e sjell këtë
    vend në pikën kulminuese të vetëqeverisjes dhe e bënë të manaxhueshëm
    politikisht dhe kulturalisht. Dorën në zemër, me referenca jugosllave, por
    duke e ruajtur substancën kombëtare.Sa e vështirë ka qenë të
    fitosh një kushtetutë dhe një autonomi në një shtet, ku ka pasur 200 mijë
    ushtarë, 85 mijë policë dhe 300 mijë rezervistë.Sa vështirë ka qenë të
    bindësh gjashtë republika dhe një republikë armiqësore si Serbia.Dhe pas gjithë kësaj, ata u
    quajtën tradhtarë. U quajtën tradhtarë, komunistë, vrasës dhe çka jo
    tjetër. Bilé, ka qenë edhe një libër i shkruar për Fadil Hoxhën, që nuk i
    përmendej emri. Libri titullohej “Futa”e tregonte për familjarizimin,
    punësimin dhe pushtetin e uzurpuar nga kjo familje.Më vonë mësova se komunistët
    kosovarë kishin vetëm nga një banesë dhe një pasuri modeste. Nuk kishin
    përfituar gati asgjë nga privilegjet e pushtetit. Së paku, sot e kësaj
    dite, familjet e tyre i shoh me një jetë modeste.Rrëfimi për tradhtinë vazhdon
    me Azem Vllasin dhe Ibrahim Rugovën. Nuk po dua të përmend figura të vogla
    që janë trajtuar me të njëjtën gjuhë gjatë rrugës. Në fillim shkrova se
    këta njerëz dhe liderë janë quajtur tradhtarë. Janë etiketuar. Sot, po
    ballafaqohemi me një vendosje dhe një nënshkrim të ri për Kosovën.
    Shumëkush do të mbetet i pakënaqur me atë që po afrohet.Por, desha të them sesa
    vështirë është që të nënshkruash diçka dhe të bësh të pamundurën, kur
    mundësitë nuk varen nga ty.Kjo gjeneratë politikanësh që
    ka vazhduar me ngulm fjalën tradhti gjatë kësaj periudhe, sidomos gjatë
    periudhës 1990- 2007-të, do të ballafaqohet me një nënshkrim. Këta liderë pas vitit 1999-të
    nuk kanë pasur as polici serbe, as ushtri serbe dhe as presion politik.
    Kanë qenë të lirë të manaxhojnë situatën politike me bashkësinë
    ndërkombëtare brenda. Kanë qenë të lirë të jenë liderë dhe të japin
    vizion. Por, gjatë kësaj periudhe gjuha e tyre s’ka mbaruar së
    klasifikuari tradhtarët dhe patriotët. Ka qenë gjuhë tmerruese.Për shtatë vite kanë vrapuar
    për tendera, për shtëpi të bukura, të bëra nga taksat tona. Kanë bërë
    hesape dhe kanë bërë pasuri për shtatë vite të pushtetit dhjetëra herë më
    shumë sesa komunistët për 50 vite.Kanë vetura, kënaqësi dhe
    pushtet mbi individët (pushtet moral) më shumë se komunistët. Janë më
    intrigantë dhe më manipulues sesa 50 vite të komunizmit.Dhe tash, kur s’kanë pasur as
    polici serbe dhe as ushtri s’kanë qenë në gjendje të bindin bashkësinë
    ndërkombëtare për një Kosovë plotësisht të pavarur.Në këtë tetëvjeçar kemi bërë
    aq shumë dëme sa rezultat i kësaj politike është edhe drafti real i
    Ahtisarit. Ky është drafti i merituar jo për popullatën e Kosovës, por për
    politikën e keqe që ka manaxhuar situatën tetëvjeçare.Ne e dimë, cila do të jetë
    gjuha e një pjese të kosovarëve kundër Grupit të Unitetit dhe pakos.E dimë që ajo gjuhë do të
    jetë gjuhë që nismën e ka po aty, ku e krijuan të tjerët. Tradhtinë.Këta njerëz në këtë situatë
    nuk kanë mundur të bëjnë më shumë. Nuk kanë pasur as fuqi, as dije, as
    manaxhim. Fadilin dhe shokët e tij nuk ka pasur kush t’i amnistojë nga kjo
    fjalë. Një pjesë e jetës së tyre ka qenë e izoluar nga gjuha e ashpër e
    ilegalitetit.Por, ka ardhur koha që të
    kemi kujdes sesi t’i trajtojmë njerëzit e Unitetit. Jo me gjuhën që e kanë
    krijuar vetë dikur, por me shprehjet që tregojnë se nuk kanë pasur fuqi të
    bëjnë më shumë për këtë vend, as për këtë popull. Populli e meriton një
    draft dhe një udhëheqje që e ka. Ata janë patriotë të këtij
    vendi, por më fuqinë politike dhe intelektuale që kanë. Duhet t’i pranojmë
    ashtu si janë. Ata kaq mundën të bëjnë për ne. Duhet t’i falim, por, nëse
    mundemi, edhe të votojmë ndryshe.

  20. #60
    i/e regjistruar
    Anëtarësuar
    03-07-2006
    Postime
    10
    Une jam duke shkruar nje ditar ne lidhje me ate se cfare po ndodh ne kosove dhe ky ditar do ti mbetet brezave te ardhshem per kosoven dhe popullin tone shqiptar dhe shpresoj se edhe dikush tjeter te veproj keshtu si une.
    Nqs keni nevoj do te u sjell nje pjes te ditarit dhe do te ju vendosi ne forum

Faqja 3 prej 23 FillimFillim 1234513 ... FunditFundit

Tema të Ngjashme

  1. Fatmir Limaj
    Nga ARIANI_TB në forumin Bashkëpatriotët e mi në botë
    Përgjigje: 295
    Postimi i Fundit: 07-02-2015, 16:09
  2. Kushtetuta e Republikës së Kosovës
    Nga YlliRiaN në forumin Kulturë demokratike
    Përgjigje: 12
    Postimi i Fundit: 01-04-2009, 19:17

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •