Edmond Shallvari

[mondishall]

Mondi, shume urime! Nga ato pak qe kam lexuar me kane pelqyer shume.

Plus mendoj se kete radhe dhe kapaku i librit eshte shume 'terheqes' dhe profesional. Shume njerez i gjykojne librat nga kapaku ndaj mendoj kete here ke bere pune te mire.

Me behet shume qejfi qe ka akoma njerez te cilet e vleresojne artin dhe vazhdojne te financojne botime te tilla.

Suksese,
Fiori

Mos harro mikja Fiori fillesen njohese ne forum, ku veprimi tend i pare ka qene per mua nje shtytje e fuqishme ne krijimtari. Mesazhet, komentet dhe paraqitjet qe i ke bere librit te pare e krijimtarise ne vazhdim, e them sinqerisht qe sa me gezuan dhe entusiazmuan, aq dhe me sikletosen, me bene me te pergjegjshem ne temat e mia ne vazhdim... Qysh atehere u ndjeva per here te pare borxhli dhe akoma me borxhli vazhdoj te mbetem ndaj lexuesve, qe kane kerkesa te larta ne vlerat dhe cilesine krijuese. Sa ja kam arritur, kete e di lexuesi e vetem ai.
Te falenderoj per urimet dhe pershtypjet e para per librin e ri me poezi. Drejt e ke, qe vec asaj c'ka ka brenda libri e qe perben thelbi dhe kryesoren per lexuesin, jo pak kerkesa dhe rendesi ka dhe paraqitja estetike e librit, gje qe me thene te drejten kam rezervat e mia per gjithe botimet bera deri me sot. Nuk me mjafton vetem ankthi i pritjes se krijimtarise, po u dashka te shtohet dhe meraku e ankthi i realizmit teknik te librit, pasi me thene te drejten le per te deshiruar. Kjo ca per faja te moskujdesit nga botuesi, ca nga teknologjia ekzistuese e shytpshkronjes.
Po Fiori, ja qe paska dhe njerez dashamires per letersine, krijimtarine dhe me kete rast vecoj kusheriren time Trendelina Gjyli, qe u be sebep i shpejtimit botues te librit me poezi, duke e financuar komplet ate.
Edhe nje here te falenderoj e uroj mbaresi ne jete.

[mondishall]

Mondi!Une kam ne dore tere arsenalin tuaj ,e kam lexuar dhe te them te drejten lum per ne qe kemi ne dore krijimet tuaja,dhe lum per forumin qe do arshivoje keto thesare te forumisteve tane!Biblioteka ime eshte pasuruar mjaft me librat tuaj.Respekte dhe suksese te metejshme ju urojme familjarisht nga qyteti juaj i kalldremte!

Mikja ime Pranvera, gojeembela si gjithmone, dashamiresja e librit dhe njekohesisht krijuese e shkrimeve dhe poezive vertet terheqese, mesazhuese per shoqerine e individin, te falenderoj perzemersisht per urimet e vleresimet e shprehura. Me pasuron shpirtin vertet, kur ndjen pasurim te bibliotekes tende me libart e mia. Shendet e aktivitet te sukssesshem, te uroj.

[mondishall]

Pergezimet e mia i dashur Mondi, per librin e ri....

Miku im, emri Yt tani me zë vend te merituar ne letersine shqiptare, iu shtua edhe nje vler artit poetik ...iu dha edhe nje dhurate artedashesve nga Ty. ...Dhe heshtja jote flet shume ...
Ndersa mua me behet qejfi shume ...kam arsye !do pasurohet bibloteka ime edhe me nje liber me plot vlera... Pendes sate jetgjatesi...URIME MIK ...

Me respekt

Ndjehem i nderuar e i privelgjuar miku Çaush, nga fjalet e tua kaq vleresuese. Kenaqesi eshte qe nga ky forum dola pertej hapesires se ngushte te vendit te izoluar dhe u lidha me miq te nje gjaku pertej kufijve ekzistues. Qysh atehere koha qe kaloi deshmoi miqesine e lidhur dhe tashme s'ka me nevoje prove kjo miqesi. Te falenderoj mik per urimet, komentet e mesazhet e shumta dashamirese, qe nuk kane ndalur qysh nga dita njohese mes nesh. Pac shendet e jetegjatesi te gezueshme dhe suksesshme.

[riza2008]

Kam nderin dhe kënaqësinë tu paraqes krijusve,lexuesve dhe gjith dashamirësve të poezisë vëllimin poetik të poetit,shkrimtarit Edmond Shallvari : "Më foli heshtja".Qysh prej ditës së djeshme ky vëllim ndodhet në dorën time dhe mua më foli dëshira për t'ua paraqitur ju lexues të nderuar këtë vëllim tepër të spikatur poetik.Qysh në prezantimin e jashtëm ,pra në formë libri është tepër tërheqës dhe ka një titull tepër tingëllues poetik.Njofia që na erdhi nëpërmjet këtij forumi krijojë dhe lidhje, dëshira,shije individuale për portretin e sejcilit.Duke ditur që figura e këtij krijuesi,pra e Edmond Shallvarit është e njohur për ju dhe e prezantur në këtë forum nga ana e Fjorit unë kisha dëshirën për ta prezantuar më vete këtë vëllim poetik vetëm me dëshirën e mirë që lexuesi ta ketë më të kollajtë për ti ndarë krijimet e tia(Pasi Mondi ka botuar disa libra) dhe si e tillë nuk besoj të ketë ndonjë keqkuptim nga moderatorët për këtë problem.Megjithëatë dhe po ta bashkojnë temën këtij vëllimi nuk i bije vlera në çdo pozicion ta paraqesin se ai ka brënda poezi tepër të spikatura që për mos ua humbur kurreshtjen unë do tua paraqis pak e nga pak që të kini munësi ta shijoni të tërën.Libri hapet me poezinë:
Shlyeria e mëkatit......

Falmë e dashur,mëkatin e pathënë
E thëna do më bëjë më shumë mëkatar
Për Ty jam,do jem,ai që kam qënë
I gjithmonshmi për Ty,i mëkatit një çast!

Lermë e dashur,në dëmtim të vetvetes
Sot jam i kthyer ndaj saj në xhelat
Dje prift u bëra, e lash të rrëfehej
Dhe kokën e mëkatit ja preva pastaj!

Mbase e dashur,kështu ësht' më mirë
Rrëfimin e bëra me kohë para vdekjes
Të tjera rrëfenja do them kur të vijë
Aq sa do ta bëj,të vdes prej qeshjes!

Kjo është një poezi tepër filozofike me përmbajtje tepër të qartë dhe me një imazh shum domethënës. Duke i uruar vëllimit udhë të mbarë në shpirtrat e njerzve artdashës i urojmë njëkohësisht dhe autorit shëndet e muzë pa fund duke na sjellë perla të tilla poetike që i duhen lexuesit për tu relaksuar. Lexim të këndshëm...

[riza2008]

Kjo borë.....


Ç'më trishtoi kjo borë që s'ra
Me qiellin mbeti dashuruar
Mes mjegullës amorfe më la
Dhe gradësh plusminus ngatruar!

Ç'më bëri kjo borë e parënë
Me dimrin ndaj tradhëtinë
Të dyve një fat na ka zënë
Veç mua më la pa stinë!

[riza2008]

Takuar......


Takuar kemi qënë mijra vjet më parë
Gladiatorë fatkeqë dhe fatmirë njëkohësishtë
Rrethuar ulërimash spektatorësh të pafaj
Që vrasjen tonë urdhëronin me gisht.

Të gjymtuarit,të mjerët,të pafajshmit e fajshëm
Skllavërinë e vetvetes,skllavëronin marrëzisht
Arenave të kohës kërkonin që shpatën
T'ja ngulnin njëri-tjetrit,nga i uluri gisht.

Takuar kemi qënë,si sot e kujtoj
Kohët e ngjashme kanë mbetur sërish
E njëjta arenë,i njëjti spektator
Na vret dhe rivret,nga i njëjti gisht

Takuar do jemi në vazhdim shekujsh
Me kohët e ngjashme,do tallemi o mik
Spartakë të penës kemi për të mbetur
Derisa të drejtohet,i përkuluri gisht!

[riza2008]

Dhe...dhe...

Dhe vajti tek prifti,rrëfimin e bëri
Dhe nderin e vuri në vënd të çnderit
Prifti dëgjonte e dridhej i tëri
Diçka në mish i lëvizte të mjerit.

Dhe ç'ka dinte prifti në raste rrëfimi
Ia fali mëkatin në emër të Zotit
Dhe iku e falura me ndjenjë pendimi
Mesazhin e lumtur ja nisi dashnorit!

[riza2008]

Mëkati?!

Hapa një gropë të thellë,të thellë
Rrethuar nga heshtja e natyrës përreth
Mbulova mëkatin,me këmbë e ngjesha dhenë
Dhe vetja në çast,m'u bë më e leht'

Gropës së zhdukur iu ktheva sërish
Se prapë më e rëndë vetja m'u duk
Një gur shkëmbor për çudi kish' mbir'
Mali më tej,mos ka qën vallë gur?

[riza2008]

Ku shkon,moj Tokë?


E preka qiellin
Ai u bë,Unë
Ngadalë filloi thithjen,mushkria e Tokës.
Jashtë i vetëm
Brënda më shumë
Kërkoj përmasën e tretë të kohës.

Avash,Ajnshtajn
Nuk të konkuroj
Formulën e shpejtësisë,s'ta kam zili!
Një tjetër formulë
Njerëzore kërkoj
Si të lindë Njeriu e të vdes,Njeri!

Diellin e preka
Unë u bëra,Ai
Sa shpejt më tërheq,Toka e lakuriqtë.
Ku shkon moj Tokë
Nëpër çmënduri?
Roite formulat,bashkë me perënditë!

[riza2008]

Diçkaja


I dhashë kokës formën e asgjësë
Gjithçka ndjesore në asgjë m'u kthye
Veten e kam,as ide,as lëndë
Dhe prap diçka jam mes tyre.

Ç'është kjo diçka e mosekzistencës?
E përtejshmja e asgjësë,sigurisht
Pragu i vdekjes dhe pragu i jetës
Që shtyjnë njeri-tjetrin,pafundësisht!

[riza2008]

Kjo shtrigë!


I ngjeshem vetes
Më tej s'më nxe
Nga erdhi tepërica,s'edi.
Jashtbrënda mbetem
Ç'të mbaj,ç'të le
Në mes? S'dua gjysëm njeri!


M'u ngjesh vetja
Më tej hapësirë
Ç'është kjo tepëricë boshe?
Kur linda eca
Me veten i lirë
Tani rri strukur në qoshe.


Tepëricën e flaka
Në shtrigë u kthye
Veten ma ndjek për ta vrarë.
Larg botës ika
Diku mes yjesh
Sa kohë kjo shtrig' të jet' gjallë!

[riza2008]

S'besoni?

S'besoni?
Sot hyra nëntokës,shëtita
Skelete qëniesh më pengonin ecjen
Një filxhan me fosfor më ftuan të pija
Veshur fallxhore,takova vdekjen.

S'besoni?
Përmbysa folxhanin
Vdekja-fallxhore filloi rrëfimin
"Si rron akoma",më tha,"mes të gjallëve"?
Më keq se mua,ta skeletojmë shpirtin!"

S'besoni?
Mbase për ju qënkam i çmëndur
E megjithatë,sot nëntokës shëtita
Aty veç skelete qëniesh kam gjetur
Këtu ama-skelete shpirtrash!

[riza2008]

Skuqja e turpit


Kur turpit i thashë:"S'ke turp,
që bota për nder ty të ka?!"
Ai për herë të parë u skuq
Dhe iku me bishtin ndër shal'.

E egërsuar bota m'u sul
Për të jam një djall me brirë
Se turpin e bëra me turp
Dhe kurrë në vënd të nderit,mos vijë.

[riza2008]

Himni mashtrues...


I lamë të vërtetat mënjanë
Më shumë na volitën legjendat
Të mirën e bëmë të marrë
Të ligut i ngritëm bëmat!

I dhamë botës mesazhin
"Kështu fati tënd qënka shkruar!"
I ligu vazhdon avazin
I miri avazin të vuaj!

I mbetëm rob vetvetes
Vetvetia rob gënjeshtrës.
Të sotmen i lëmë të nesërmes
Të shtojmë tepëricën e jetës!

[riza2008]

Përkulja


Akoma aty e kërkoni përkuljen
Në shtyllën kurrizore të harkuar
Në sytë e lodhur që mbyllen
Në të sotmen që si dje ka filluar?

Tjetërkund rri drejtuar përkulja
Për ligj graviteti s'do t'ja dijë
Eh,ç'tallet me ty dhe me mua
Dhe me ata që hilenë ja dinë!

E kthyer në hile të hilesë
Jeton mes botës së dyzuar
Pa të s'do jetonte tjetra pjesë
Pa ne,s'do jetonin të dyja!

[riza2008]

Shembja

Para syve tanë,ringrihen të shëmburat
Dhe ne s'bëjmë zë
Fasada veç ndryshon
Gjithçka tjetër e njëjtë.

Shembësit mburren me ringritjen
Dhe firmosin historinë
Unë pres shembjen e vërtetë
Me një tjetër firmë.

[KUJTIM CAMI]

Pershendetje Riza !

Te falenderoj per poezite e bukura qe na ke sjelle. Gjej rastin te pershendes dhe autorin mikun tone te perbashket z.Mondi (Edmond shallvari) per poezite e bukura qe na servir dhe pa tjeter qe na jep cdo dite kenaqesi te re.

[riza2008]

Mes lodhjes......

Gojë e mezihapur
Gjuhë e dembelosur
Fjalë e pakapur
Mendim i pasosur.

Qerpik-çarçaf mbi sy
Kafkë-jastëk i trurit
Lodhja prapë aty
Zgjuar i rri gjumit

[riza2008]

Ja,kështu!

Gjithçka ndryshoi
Pa ndryshuar asgjë
Duke ndryshuar gjithçka
Asgjëja u bë.

Askushi u bë Kush
I gjithçkaje Zot
Të tjerët si un'
Me gisht në gojë!

[riza2008]

Ironia e jetës


Lindi më parë se jeta
Më shpejt se jeta u rrit
Pa u rritur mirë e gjeta
S'e mora vesh si m'u ngjit.

Penguar sa herë kam ecur
Në rrugët me gurë,me asfalt
Ajo ka thirrur,ka qeshur
"I pafat, i pafat, i pafat!"

Dhe kur rrugës pa rrugë kam ecur
Një rrugë timen të shtroja
Ironinë e jetës e shkela
Trotuar ishte bërë,s'i shpëtova!