Kriza energjitike në Shqipëri!

[drity]

Ndoshta po e thua me sarkazem drity, ndoshta Parisi dhe Cote d'Azur nuk vlejne sa riviera shqiptare?!

Lioness,

E thashe me sarkazem, por jo ne drejtimin qe e more ti.
Natyra ne Vlore dhe ne gjithe bregdetin e jugut (dhe ate te veriut) eshte po aq e bukur, dhe ndoshta edhe me e bukur se Cote d'Azur.

Por kjo nuk mjafton.

Kriteri i nje turisti evropjano perendimor nuk eshte natyra e bukur por rehatlliku, pra infrastruktura.

(Meqe me kujtove, pa bere referendumin, pa shpallur "pavaresine" akoma, Mali i Zi kishte reklama te pakten ne Euronews: "Visit Montenegro, the wild beauty.")

Jam 100% dakort me ty.
Pavarsisht nga qeverite ne krye, ministria e turizmit ka qene ajo qe eshte lene per ne fund. Arritja me e madhe e çdo ministri turizmi ka qene publikimi i nje katallogu me ngjyra (te shplara).

Por askush s'mund te mohoje potencialin e turizmit ne Shqiperi, sidomos ne jug. Atehere si mund ta sabotojme me projekte te tilla? Vlera e te cileve as qe mund te krahasohet me demin qe do shkaktojne?

Eshte pikerisht ketu ku ndahen opinionet tona. Une nuk e quaj sabotim por mundesim.
Une thom..... dritat, pra energjia eshte kriteri Nr. 1 per zhvillimin e çdo gjeje.

tung

[Humdinger]

KESH shton borxhet dhe kufizimet

Merr edhe 10 milionë euro kredi.
Një ditë import na kushton 1,125 milionë euro


Nevoja për të ruajtur importin maksimal të energjisë elektrike, në kushtet kur prodhimi vendas është i papërfillshëm, ka detyruar KESH-in që të kërkojë nga "Raiifefeisen Bank" një kredi prej 10 milionë eurosh. Lirimin e kreditit për një shumë të tillë e ka konfirmuar për "Shqip" vetë kreu i Korporatës Elektroenergjetike, Andi Beli, i cili ka theksuar se si kredia e akorduar nga qeveria ashtu edhe ajo e aprovuar nga "Raiffesissen Bank" nuk janë përdorur nga KESH-i. "Është e vërtetë që na janë liruar linjat e kredive si nga qeveria ashtu edhe nga "Raiffeissen Bank", por këto para duhen më tepër si garanci për kontratat e importit. Deri më tani, korporata e ka përballuar vetë dhe është në gjendje të blejë energji pa përdorur këto para". Kostoja e krizës energjetike, që po kalon vendi, i ka kushtuar deri më tani korporatës më shumë se 100 milionë euro, ndërkohë që energjia e blerë në një ditë ka kapur vlerën e 1,125 milionë eurove. Deri pak kohë më parë, KESH-i kërkoi të merrte kredi nga bankat e nivelit të dytë që operojnë në tregun shqiptar, por ato refuzuan kërkesën e kompanisë shtetërore, për shkak të gjendjes së rënduar financiare. Ndërkohë, 10 ditë më parë, KESH-i kërkoi nga qeveria lëvrimin e një kredie prej 20 milionë dollarësh, si fond garancie për kontratat e parashikuara të importit. Vetë ministri i Financave, Ridvan Bode, bëri publik faktin se qeveria kishte miratuar dhënien e një kredie të butë për KESH-in në shifrat e 20 milionë dollarëve duke, me kushtin që afatet e shlyerjes të ishin në një kohë sa më të shpejtë. Bode e justifikoi miratimin e kredisë me argumentin se "situata e buxhetit të shtetit vazhdon të jetë me teprica financiare", të cilat, duke iu dhënë KESH-it në formën e kredisë "do të ndihmojnë korporatën për të përmirësuar likuiditetet financiare që kanë të bëjnë me importin dhe blerjet e energjisë gjatë kësaj periudhe". Por, burime pranë Ministrisë së Financave kanë bërë të ditur se Bode ka dhënë për KESH-in 20 nga 50 milionë dollarët e kërkuara. Gjatë periudhës dhjetor-janar, KESH-i ka marrë nga qeveria një shumë prej 50 milionë eurosh me pretendimin e shlyerjes së borxheve që institucionet shtetërore i kishin korporatës. KESH-i ka aktualisht 70 milionë detyrime ndaj donatorëve të huaj si Banka Botërore e Banka Evropiane për Rindërtim dhe Zhvillim (BERZH). Kriza e stërzgjatur energjetike pritet të japë efektet e saj në bilancin tekniko-financiar, të korporatës, e cila edhe sipas të dhënave të Bankës Botërore i ka përkeqësuar ndjeshëm ato gjatë vitit 2006. Rreziku potencial i kësaj situate është tërheqja zvarrë e buxhetit të shtetit, në përpjekje për të shpëtuar KESH-in nga kolapsi financiar. KESH nuk ka bërë akoma publike koston financiare të krizës energjetike, ndërkohë që si qeveria ashtu edhe bankat e nivelit të dytë kanë qenë të kursyera me dhënien e kredive për korporatën. Nga ana tjetër, treguesit e KESH-it sidomos për sa u përket nivelit të humbjeve dhe arkëtimeve, janë përkeqësuar nga viti në vit, duke fundosur tërësisht gjendjen ekonomiko-financiare të kompanisë, gjë që ka shtuar shqetësimet për periudhën e mbetur të vitit 2007.

[drity]

Humdinger,

çfare mendon ti djale mbi shkrimin qe postove?
komentoje ca, se ndryshe s'ka lezet

[Pedro]

Ja ta jap une nje koment.

Dy jane mundesite, qe KESh ka arritur ne kete gjendje: ose drejtuesit e KESh jane te paafte, ose KESh po sabotohet qellimisht duke e shtyre drejt kolapsit financiar, ne menyre qe te privatizohet per 1 Euro.

Ne te dyja rastet drejtuesit e KESh duhet te nxirren perjashta. Nqs jane te paafte, dhe gjendja e KESh tregon nje paaftesi te jashtezakonshme, nuk e kuptoj perse qeveria nguron akoma te zevendesoje te paaftet me te afte. Nqs nuk gjejne drejtues te afte ne Shqiperi, atehere le ti hedhin syte neper Europe dhe USA ku ka plot menaxhere te afte, te cilet nuk kane pune tjeter se te kalojne nga nje kompani qe eshte ne rrenim e siper dhe ta kthejne ne nje kompani rentabel.

Ne rastin e dyte duhet pare me kujdes, sepse cdo perpjekje e qellimshme per te cuar drejt rrenimit zemren e pavaresise politike te shqiptareve eshte nje veprim antikombetar, madje hyn edhe tek tradhetia kombetare dhe te gjithe ata persona, te cilet implikohen ne kete proces, nuk jane tjeter vecse tradhetare te kombit.

Sot eshte koha e energjise. Pavaresia politike dhe souvereniteti i nje shteti nuk varet ne ditet e sotme nga fuqia ushtarake. Sot kercenimit me arme i eshte ulur vlera. Sot arma me e fuqishme eshte energjia. Nese nje shtet ose bashkim shtetesh eshte i pavarur ne sigurimin e energjise, atehere eshte edhe i pavarur ne vendimet politike. Kjo eshte edhe ceshtja primare sot edhe ne Bashkimin Europian. BE po perpiqet per hartimin e nje strategjie te perbashket nder vendet anetare per shkeputjen e tyre nga varesia e gazit rus, sepse Gazprom, nje ndermarrje e qeverise ruse, fare mire mund te perdoret si vegel per ushtrimin e ndikimit politik te Rusise. Dhe Gazprom i ka dhene provat e tij ne Gjeorgji, Ukraine dhe se fundi edhe ne Bjellorusi.

Shenjat e para tek ne i dha edhe bllokimi i eksportit te energjise elektrike nga ana e Greqise ne kulmin e krizes sone energjitike. Fare mire Greqia mund ti imponohet qeverise sone, per sa kohe ajo ka ne dore rubinetin e energjise sone. Dhe kur Greqia kerkon dicka nga ne, nuk e kerkon per mire.

Prandaj them, qe ceshtja e KESh duhet pare me kujdes nga te gjithe ne, dhe nuk mund ti besohet verberisht gjykimit te disa personave, te cilet e kane treguar fare mire, qe jane te paafte te menaxhojne sipermarrje te tilla.

[drity]

Dy jane mundesite, qe KESh ka arritur ne kete gjendje: ose drejtuesit e KESh jane te paafte, ose KESh po sabotohet qellimisht duke e shtyre drejt kolapsit financiar, ne menyre qe te privatizohet per 1 Euro.

Ka edhe nje mundesi te trete, qe drejtuesit aktual te KESHit e gjeten arken e ndermarrjes bosh kur e moren ne 3 Korrik.

E di çdo te thote te keshe nje brime prej disa qindra miljonesh ne buxhetin e nje ndermarrje si KESHi ?

Natyrisht qe nuk e di.

[Humdinger]

Tatimet: KESH po falimenton

"Ka dalë me humbje nga rritja e shpenzimeve për energjinë e blerë gjatë krizës"


KESH është për herë të parë në prag të falimentimit dhe kjo është komunikuar zyrtarisht, pavarësisht se kompania nuk ka publikuar ende bilancin financiar për vitin 2006. Dështimin e korporatës elektroenergjetike e ka bërë publik jo pa qëllim drejtori i Përgjithshëm i Tatimeve, Alfred Prifti, gjatë analizës së punës për muajin janar të dikasterit që ai drejton. Kreu i Tatimeve ka theksuar në mënyrë të veçantë efektin negativ të krijuar në të ardhurat e dikasterit që ai drejton mosderdhja nga ana e KESH-it të 200 milionë lekëve të planifikuara nga administrata tatimore si paradhënie të taksës mbi tatim-fitimin. KESH klasifikohet në bizneset VIP, të cilët paguajnë 20 për qind të fitimit, në varësi të bilancit financiar dhe klasifikohet si një nga kontribuesit kryesor në të ardhurat e tatimeve. Por situata e rënduar financiare e korporatës këtej e tutje nuk do të ndikojë vetëm në reduktimin e importit dhe investimeve të parashikuara, por edhe në uljen e të ardhurave në buxhetin e shtetit. Sipas kreut të tatimeve, Alfred Prifti, i cili ka matur "pulsin" ekonomik të KESH-it për periudhën e parë të vitit 2007, treguesit janë negativë, gjë që nuk i jep mundësinë korporatës të shlyejë detyrimet e saj fiskale. "KESH-i ka dalë me humbje për shkak të rritjes së shpenzimeve për energjinë e blerë, për të cilën ne kishim planifikuar të merrnin 200 milionë lekë të reja për muajin janar si taksë mbi tatim-fitimin", është shprehur Prifti. Kjo shumë është përcaktuar në bazë të bilancit financiar të KESH-it për vitin 2005, ndërkohë që bilanci për vitin 2006 do të publikohet në datën 31 mars, kohë pas së cilës organet tatimore duhet vjelin nga KESH detyrimet fiskale. Nga të dhënat e deritanishme rezulton se KESH-i ka shpenzuar më shumë se 100 milionë euro për blerjen e energjisë me prokurim të drejtpërdrejtë, përveç 123 milionë eurove të akorduara në tenderin vjetor të energjisë për vitin 2007. Kostoja ditore e blerjes së energjisë ka arritur në 1.125 milionë euro, gjë që duket se ka nxjerrë zbuluar kompaninë. Sipas të gjitha gjasave llogaritë e korporatës elektroenergjetike do të dalin me humbje, fakt që përveçse do të diskriminojë pozitivisht KESH-in për të mos paguar tatim-fitimin, do të përcaktojë edhe lëvizjet që do të ndërmarrë qeveria në ndryshimin e administrimit të kompanisë. Bilanci negativ i KESH-it, pritet të krijojë vështirësi të shumta në situatën e furnizimit me energji, por edhe në procesin e privatizimit të korporatës. Kreu i Tatimeve, Alfred Prifti, bëri të ditur për mediat se kriza energjetike nuk ka ndikuar negativisht vetëm në uljen e detyrimeve fiskale të KESH-it, por edhe në rritjen e kostove të biznesit. Sipas tij, "programi i muajit janar i Drejtorisë së Tatim-Taksave është realizuar në kushtet e një ndikimi negativ të krizës energjetike, e cila ka ndikuar ndjeshëm në uljen e kontributeve fiskale të KESH-it, si dhe të operatorëve të tjerë ekonomikë, të cilët kanë rritur ndjeshëm shpenzimet e biznesit për këtë shkak". Gjatë periudhës dhjetor-janar, KESH-i ka marrë nga qeveria një shumë prej 50 milionë eurosh me pretendimin e shlyerjes së borxheve që institucionet shtetërore i kishin korporatës, ndërkohë që së fundmi ka tërhequr edhe rreth 30 milionë euro kredi, me kredi të butë, nga të cilat 20 milionë dollarë nga qeveria dhe 10 milionë euro nga "Raiiffeisen Bank". Ndërkohë, korporata ka aktualisht 70 milionë detyrime ndaj donatorëve të huaj si Banka Botërore e Banka Evropiane për Rindërtim dhe Zhvillim (BERZH).

[Pedro]

Ka edhe nje mundesi te trete, qe drejtuesit aktual te KESHit e gjeten arken e ndermarrjes bosh kur e moren ne 3 Korrik.

E di çdo te thote te keshe nje brime prej disa qindra miljonesh ne buxhetin e nje ndermarrje si KESHi ?

Natyrisht qe nuk e di.

Ti tani po tallesh apo cfare?

Asnje drejtues i KESh pas 3 korrikut nuk eshte ankuar se ka gjetur arken bosh, shume shume jane ankuar se i gjeten rezervuaret bosh, pa uje.

Pastaj, edhe sikur te jete bosh, si ka mundesi ti krijosh edhe nje humbje tjeter prej 100 milionesh eurosh?
Cfare tregon kjo?
Paaftesi apo vjedhje?

[shefqeti11]

RIKTHEHEN KUFIZIMET, NDERPRERJET DO TE VAZHDOJNE EDHE NE VERE

BURIME NGA MINISTRIA E EKONOMISE: BELI MUND TE LARGOHET



Kufizimet e energjise elektrike do te vazhdojne edhe ne vere, minimaliste 2 ore ne dite.Burime nga Ministria e Ekonomise thane per Top Channel se situata hidroenergjitike mund te permiresohet ndoshta vetem nga mesi i vjeshtes se ketij viti dhe ateher ndoshta mund te kete dhe heqje te kufizimeve. Ky deklarim shemb perfundimisht cdo shprese per furnizim pa nderprerje, nje nga premtimet me te forta te qeverise Berisha.
Sipas burimeve per Top Channel nese niveli i Fierzes nuk arrin se paku ne 280 metra nga 261.75 metra qe eshte sot, as qe ka shpresa se kufizimet do te hiqen. Megjithese tani prurjet ne Fiere jane mbi 200 metra kub ne sekonde, keto nuk jane me te mjaftushme edhe pse jane rreth 4 here me te larta se nje muaj me pare. Kjo pasi baseni i liqenit te Fierzes eshte ne forme konike dhe sa me larte te ngjitesh duhet me shume uje per te rritur nivelin. Aktualisht nga prodhimi vendas merret rreth 9 milion kilovatore dhe nga importi 10.3 milion, ne total 19 milion kur kerkesa eshte mbi 21 milion kilovatore ne dite. Me keto tregues kufizimet do te jene 2 ore ne dite minimalisht. Burime nga Ministria e Ekonomise duke parapare nje situate qe duket pa shprese se paku deri ne vjeshten e ketij viti paralajmerojne nje shkarkim te drejtorit te pergjithshem te KESH-it, Andi Beli qe mund te ndodhe brenda ketij muaji, pasi te mbyllet edhe procesi i zgjedhjeve lokale. Sipas tyre drejtuesit e KESH-it do te zevendesohen te pakten per te patur tregues te larte ne arketime dhe uljen e nivelit te humbjeve te cilat kreret aktual nuk kane mundur t’i arrijne. Por shkarkimi i Belit duket me teper si nje kurban per zgjedhje se sa nje mase per te permiresuar punen. Ne KESH shprehen se situata energjitike nuk po administrohet prej tyre, por nga vete grupi i emergjences qe kryesohet nga Ministri i Ekonomise dhe KESH prej disa muajsh eshte lene jashte loje ne vendimmarrje. Ata pranojne se situata hidroenergjitike megjithese ka arritur nje bilance serish eshte ne gjendje emergente dhe cdo premtim per drita pa nderprerje do te ishte me pasoja te renda. Tani kriza energjitike duket se nuk eshte thjesht ceshtje teknike e menaxhimit por ceshtje individesh dhe politikash, ku natyrisht pergjegjesia e vetme i mbetet qeverise, ministrit te Ekonomise dhe Kryeministrit.

Top-Channel
21/02/2007 16:50


Nuk i thon kot atij llafit ''te ikesh naten'' tashme sikur po duket se po i pershtatet Shqiperis kjo shprehje per fat te keq.

[ATMAN]

Edhe sikur gjykata shteterore t’i kerkonte KESH-it qe te demshperblente qytetarin, prape fondet e demshperblimit, kompania shteterore do t’i merrte nga buxheti i shtetit, domethene nga taksat. Te cilat, ironikisht, i paguan po ai nenshtetas i rregullt qe paguan edhe dritat.

nga Adri Nurellari

Situata e zgjedhjeve beri qe tema “kushtetute” te perseritej pafundesisht gjate krizes mbi daten dhe menyren e zhvillimit te tyre. Kushtetuta eshte nxjerre ne qender te argumenteve, duke u portretizuar si e shenjte dhe e paprekshme, nderkohe qe ka rrethana te tjera ku neperkembja e kushtetutes ndodh ne menyre te hapur dhe te dhimbshme. Zgjodha te flas mbi shkeljen e kushtetutes qe ben Korporata Elektroenergjetike, e cila duke qene kompani publike shteterore, i takon te menaxhohet konform ligjit, aq me teper ligjit themeltar.

Keshtu, neni 18 i Kushtetutes se Shqiperise garanton se shtetasit jane te barabarte para ligjit dhe askush nuk mund te diskriminohet padrejtesisht per shkaqe te tilla si gjinia, raca, feja, etnia, gjuha, bindjet politike, etj etj. Mirepo KESH eshte duke e bere hapur diskriminimin ne furnizimin me energji, qe ne kete rast eshte nje e mire publike qe ofrohet nga nje kompani shteterore. Dhe ketu nuk behet fjale per trajtimin ndryshe te njerit apo tjetrit territor te Shiperise, cka ka ngjallur reagime apo debate nese ky eshte nje diskriminim i politizuar apo pragmatist, i lidhur me nivelet e arketimeve. Behet fjale per nje trajtim te paster diskriminues te popullsise fshatare pothuaj ne rang republike. Sakaq, kjo popullate e perbere nga shtetas shqiptare e nevojit dhe e paguan energjine elektrike me te njejtin cmim sikurse edhe qyteti.

Nje situate kjo e ngjashme me komunizmin, kur fshataret trajtoheshin si bujkrober dhe mbaheshin larg nga sherbimet e privilegjuara qe gezonin banoret e qyteteve (buka e grurit?!). Nje nder kujtimet me tronditese te femijerise sime, ka qene pikerisht perseritja e situates ku banore te fshatrave perreth Beratit na luteshin ne femijeve “qytetare” qe t’u blinim buke gruri neper dyqane, se po te shkonin ata vete do te pikaseshin si fshatare dhe nuk do t’iu shitej gje. E njejta gje po verehet sot, kur fshatrave jane duke u dhene furnizim me rryme elektrike, shume me pak sesa qyteteve.

Por kushtetuta eshte duke u neperkembur prej shume vitesh nga KESH, edhe me konceptin e furnizimit ne varesi te sasise te arketimit. Keshtu, korporata diskriminon banore te nje qyteti apo zone te caktuar, sepse mesatarja e pergjithshme e arketimit ne kete qytet apo zone eshte me e ulet se diku tjeter. Duke qene se KESH eshte e paafte qe t’u nderprese dritat individualisht debitoreve dhe te siguroje arketimin e borxheve, atehere zgjedh ndeshkimin kolektiv. Cka nuk eshte nje gje tjeter pervecse nje forme ndeshkimi qe cenon parimin kushtetues te cdo vendi demokratik, qe thote se pergjegjesia para ligjit eshte individuale. Krahasimi mund te ngjaje i paqelluar, por ashtu sikurse ne komunizem per hir te nje te afermi te familjes, shkaterrohej jeta e shume individeve qe nuk kishin asnje pergjegjesi personale ndaj veprimeve te tij, edhe sot shume individeve eshte duke iu privuar e drejta e furnizimit me energji, pasi njerez qe jetojne afer tyre nuk jane duke paguar. Keta individe qe po diskriminohen, ne fakt duhet te ishin shperblyer dhe inkurajuar si modele shembullore te vertetesise se sloganit “paguaje qe ta kesh”.

Ne fakt, kontrata per furnizimin me energji elektrike eshte nje kontrate individuale dhe jo kolektive, keshtu qe nje veprim arbitrar i heqjes se dritave ndaj nje zone ku nuk paguhen rregullisht dritat, eshte i pajustifikueshem. Keta individe jane duke vuajtur jo vetem mungesen e ndershmerise se fqinjeve te tyre, por edhe paaftesine e KESH-it per te siguruar arketime ne zonat apo qytetet ku ata banojne. Perballe ketyre paguesve te rregullt, KESH duhet te ndihet mirenjohes dhe kokulur, pasi kontratat jane me detyrim nga te dy palet dhe perderisa eshte korporata qe nuk permbush detyrimin per furnizim te rregull, penalizimin duhet ta pesonte ajo dhe jo paguesi. Normalisht, po te ndodhte nje thyerje e kontrates, pala e demtuar do ta hidhte palen tjeter ne gjyq. Por a eshte e mundur dhe sa vlere ka qe te hedhesh ne gjyqin shteteror, nje kompani shteterore. Edhe sikur gjykata shteterore te vendoste ne favor te qytetarit dhe t’i kerkonte KESH-it qe te demshperblente qytetarin, prape fondet e demshperblimit, kompania shteterore do t’i merrte nga buxheti i shtetit, domethene nga taksat e qytetarit. Te cilat, ironikisht, i paguan serish, po ai nenshtetas i rregullt qe paguan edhe dritat.

[shefqeti11]

KESH-i vjedh familjarët, u shton kilovatët

Vëzhgimi i "Fiks Fare" në Elbasan, ku faturistët tregojnë urdhrin e ri për të shtuar nga 100 kilovatë në çdo faturë

Vjedhja me faturat e energjisë elektrike është përsëritur edhe në faturimet e muajit prill, ku banorët e Godoleshit në Elbasan janë habitur me shifrat marramendëse të leximit mujor. Faturat e muajit prill janë shumë herë më të larta se ato të marsit. Konkretisht, në Godolesh banorët tregojnë faturat e energjisë elektrike, që u kanë ardhur. Leximi i konsumit mujor të pasqyruar në këto fatura nuk korrespondon me tregimin e matësit. Të gjithë banorët e kësaj zone kanë paguar nga 700 lekë më shumë në faturat e tyre. Kjo lojë është bërë nga vetë punonjësit e KESH-it në Elbasan. Sipas disa faturuesve, drejtuesit e KESH-it në këtë qytet kanë urdhëruar shtimin nga 100 kilovatë më shumë në të gjitha faturat e shitjes së energjisë për abonentët familjarë të Godoleshit. Me shumë frikë, vetë punonjësit e KESH-it e pranojnë një fakt të tillë para kamerës së emisionit "Fiks Fare". Një faturuese tregon sesi u kishte ardhur urdhri në muajin prill për të shtuar nga 100 kilovatë në të gjitha faturat që kishin mbetur pa hedhur në kompjuter. "Na dhanë urdhër që te faturat e mbetura do të shtoni nga 100 kilovatë. Nuk e di kush e dha urdhrin. Drejtori nuk zbriti poshtë të na jepte urdhrin, erdhi shefja dhe na e tha urdhrin", tregon ajo. Me dokumentet në dorë, faturat origjinale që kanë mbërritur në banesat e abonentëve familjarë, shkuam te drejtori i KESH-it për Elbasanin, zoti Artan Topi. Sapo i pa faturat dhe listën e leximit të muajit prill, ku janë shtuar 100 kilovatët, dokumente që ia tregoi gazetari i emisionit, Topi deklaroi se nuk dinte gjë për këtë veprim. Më pas, shkuam te shefja e përpunimi të të dhënave, Diana Bërdufi. Edhe ajo e mohoi falsifikimin e dokumenteve. Me këto të fundit në dorë, gazetari i "Fiks Fare" i tregoi Bërdufit se si kishin ndryshuar shifrat e sjella nga faturuesit. Në çdo faturë ishin shtuar 100 kilovatë. P.sh., për abonentin Zeqir Murati, leximi mujor ishte 36700 kilovatë, ndërsa faturimi, dokument i dalë nga zyra e përpunimit të të dhënave ishte 36800. Pra, 100 kilovatë diferencë. "Fiks Fare" shkoi në Godolesh për ta verifikuar më mirë këtë problem. Trokitëm derë më derë te të gjithë banorët e Godoleshit dhe pamë faturat e energjisë elektrike, që u kishin ardhur për muajin prill. Në shtëpinë e Osman Dukës, leximi i muajit prill ishte 4340, por sahati i tij një muaj pas leximit të faturuesit ishte 4145 kilovatë, pra 200 kilovatë më pak nga sa ishte raportuar në faturën e KESH-it. I njëjti fenomen u ndesh edhe në sahatet e shumë banorëve të tjerë të Godoleshit. Përpara këtyre falsifikimeve, shefja e përpunimit të të dhënave në degën e KESH-it të Elbasanit ngre supet. "Jam e detyruar që të gjitha listat që vijnë këtu, unë tua shpërndaj zonjave", thotë ajo. Edhe zonja Emini Banja, operatore vërtetimi, mohon shtimin e 100 kilovatëve në faturat e abonentëve të Godoleshit. Grupi i xhirimit të "Fiks Fare" në fund shkoi tek ish-faturisti i kësaj zone, Bejaz Halili, i pushuar tashmë nga puna. Vetë zoti Halili thotë se shkrimi i faturave të para, pra faturat ku nuk është shtuar shuma prej 100 kilovatësh, janë plotësuar me shkrimin e tij. "Ne i çojmë në kompjuter dhe shtesat janë atje. P.sh., te Ibrahim Qebardhi e kam nxjerrë numrin e konsumit 5740, kjo shtesa tjetër prej 100 kilovatësh është bërë atje. Ky nuk është shkrimi im", shton ish-faturuesi, duke hedhur një akuzë më të madhe mbi punonjësit e departamentit të përpunimit të të dhënave në degën e KESH-it në Elbasan për falsifikim dokumentesh. Burime zyrtare pranë Drejtorisë së Përgjithshme të KESH-it, e cila u vu në lëvizje për të zbardhur të vërtetën e këtij falsifikimi, thanë se punonjësit e degës së Elbasanit ua kishin justifikuar këtë abuzim me faturimin që u kishin bërë banorëve të Godoleshit me konsum energjie elektrike për ndriçim të shkallës së pallatit. Por, nga verifikimi i kryer prej gazetarëve të "Fiks Fare" në terren, asnjë banor i intervistuar, të cilëve u ishin faturuar nga 100 kilovatë më shumë nuk banonte në pallat. Të gjithë banonin në shtëpi përdhese.

G/Sh

[Ujku'80]

Pavarësisht nga kriza energjitike, Shqipëria është e gatshme të furnizojë me energji elektrike prej më shumë se 120 megavat në orë Kosovën, që po përjeton ndërprerje të gjata të energjisë elektrike nga Serbia. “Kompania e Energjisë në Kosovë (KEK) po importon energji nga Shqipëria për të stabilizuar furnizimin në Kosovë”, deklaroi drejtori i KEK-ut, Remzi Shahini, i cili nuk saktësoi nëse kjo sasi e energjisë përfaqëson një lloj kompesimi për të mbajtur tarifat stabël ose është thjesht kthimi i kreditit të energjisë me të cilën Kosova e furnizoi Shqipërinë gjatë muajve gusht-shtator me 100-500 megavat në orë. Sipas drejtorit të KEK-ut, ka probleme me furnizimin me karbon për centralet termoelektrike.
Shahini deklaroi se prej disa ditësh nuk importohet energji nga Serbia, ndërsa theksoi se importimi nga rrjeti serb ndodh vetëm në periudhat e krizës. Dy impiantet e centralit termoelektrik “Kosova B” po prodhojnë deri në 267 megavat në orë energji elektrike, ndërsa një turbinë e “Kosova A” prodhon nga 120 deri në 140 megavat në orë. KEK po punon tashmë püër të vendosur edhe një impiant të dytë në termocebtralin “Kosova A”.
Shkëmbimet e eksport-importit të energjisë me Kosovën realizohen nëpërmjet një linje të tensionit të lartë Fierze-Prizren, nëpërmjet nënstacionit të Nashecit. Ekportimi i 120 megavat në orë energji elektrike drejt Kosovës përfaqëson gjysmën e kapacitetit prodhues të centralit hidroelektrik të Fierzës, më i madh në Shqipëri që arrin, kur vendosen në funksion të plotë katër turbinat e tij, 1200 megavat në orë energji elektrike. Aktualisht punojnë pa problem dy turbina, pa arritur nivelin e 260 metrave të digës, duke patur parasyh se çdo turbinë përdor 120 metra kub ujë në sekondë, duke prodhuar 75-80 megavat në orë, ndërsa mbi këtë nivel prodhon 125 megavat në orë. Vendimi i qeverisë së Berishës për të furnizuar me energji Kosovën, duket krejt i papritur duke pasur parasysh se në Shqipëri ka ndërprerje energjie nga 4 deri në 17 orë, pavarësisht nga shirat që po rrisin nivelin e ujit në hidrocentrale. Orët e errësirës nuk janë reduktuar në vend as në ditët e fundit, edhe pse në hidrocentralin e Fierzës niveli i ujit ka arritur në 280 metra, duke furnizuar turbinat me 350 metër kub ujë në sekondë.
Programi i kufizimit të energjisë parashikon ndërprerje deri në katër orë në lagjet më me fat të Tiranës dhe deri në 17 orë në zonat rurale. Nga KESH-i nuk ka ka ardhur ende asnjë sinjal përmirësimi, edhe pse burimet institucionale bëjnë të ditur se gjatë peroidhës së festave do të ketë furnizim normal me energji elektrike, ndërsa nuk ka informata për ndërprerjet e energjisë në muajt e parë të vitit del 2008. Ministri i Energjisë dhe Minierave në Kosovë, Ethem Çeku, theksoi se janë gati kontratat me qeverinë shqiptare, malazeze dhe maqedonase për përmirësimin e situatës së furnizimit me energji.

[ClaY_MorE]

Qeveria ndërpret fondet, hapet rruga e rritjes së çmimit të dritave

Korporata Elektroenergjetike Shqiptare do të duhet t‘i sigurojë vetë paratë për të blerë energji vitin e ardhshëm, pasi nuk mund të shpresojë më në një ndihmë tjetër të qeverisë. Kreu i Financave, Ridvan Bode, deklaroi se gjatë vitit 2008, qeveria nuk do të japë asnjë lekë për korporatën. "KESH-i nuk do të marrë më lekë në vitin që vjen. Paratë e parashikuara për t‘u dhënë në 2008-ën ne po i japim tani dhe ky nuk është financim, por kredi", tha Bode. Kjo deklaratë e Bodes, vjen vetëm një ditë pasi Enti Rregullator i Energjisë deklaroi publikisht se do të rrisë çmimin e energjisë. Në këtë mënyrë, kreu i Financave indirekt është zëri i parë që rizgjon debatin e lënë pezull mes KESH-it dhe kundërshtarit më të fortë të rritjes së çmimit të energjisë, Kryeministrit Berisha. Tashmë dilema është se ku do t‘i gjejë KESH lekët për të siguruar importin e energjisë gjatë vitit 2007 në një kohë që çmimet e këtij produkti në tregun ndërkombëtar vijnë në rritje nga viti në vit.

KESH

Drejtuesit e Korporatës Elektroenergjetike pretendojnë se me çmimet aktuale të energjisë në vendin tonë edhe sikur KESH të menaxhohej në mënyrën më të mirë të mundshme sërish do të dilte me humbje. "Edhe nëse humbjet e energjisë do të ishin zero dhe arkëtimet të ishin në nivelin 100 për qind, me këto çmime që KESH u shet energjinë konsumatorëve, ajo prapë do të dilte me humbje," ka deklaruar në më shumë se një rast kreu i KESH-it, Gjergj Bojaxhi. Në këtë pikë, rruga e vetme për të nxjerrë korporatën nga kolapsi mbetet rritja e çmimit të energjisë. Por në fakt, kundër kësaj rritjeje është pozicionuar Kryeministri i vendit, Sali Berisha, i cili nuk pranon në asnjë mënyrë që rritja të prekë familjarët, të paktën ata që konsumojnë nën 400 kilovat/ orë, pasi shefi i qeverisë u druhet mes të tjerave edhe pasojave poltike që mund të ketë një vendim i tillë. Disa zëra nga qeveria shpresojnë se përmirësimi i situatës hidrike dhe rritja e prodhimit vendas të energjisë do të ndihmojë në normalizimin e gjendjes financiare të KESH-it. Por në vitin më të mirë, atë 2004, ku sasia e importeve ishte e papërfillshme dhe prodhimi vendas i energjisë arriti nivelin maksimal, KESH nuk arriti të realizojë më shumë se 50 milionë dollarë fitim. Kjo do të thotë se korporata do ta ketë shumë të vështirë shlyerjen e këtyre parave dhe stabilizimin e situatës së saj edhe në rast se prodhimi vendas do të rritej.

4 miliardët e fundit

Pas një debati të gjatë rreth situatës së vështirë financiare të Korporatës Elketroenergjetike Shqiptare dhe pasi kishte refuzuar në më shumë se një rast publikisht të jepte para të tjera për këtë korporatë, Ministria e Financave është dorëzuar më në fund. Në formën e një kredie me afat njëvjeçar për të ndihmuar Korporatën Elektroenertgjetike Shqiptare, qeveria do të disbursojë edhe 5 miliardë lekë, pasi kishte disbursuar më parë gjatë muajve të verës 5 miliardë lekë të tjera. Edhe pse muajt e fundit Ministria e Financave dhe vetë ministri Bode kishin deklaruar se KESH nuk do të përfitojë më financime të drejtpërdrejta nga qeveria rishikimi i buxhetit aktual, ka rezultuar me shpenzime të parealizuara në disa zëra prej 4 miliardë lekësh është një kredi dhe sipas Bodes është e fundit që qeveria i jep korporatës.


Gazeta Shqip

[artur]

Ky...... i Energjise.............eshte problem i vertet....................................

Pa plane afatgjate, pa plane qe do shpien drejt nje zgjidhjeje,,,,,,,,,,,,KOT QE E HANE BUKEN POLITIKANET. (te majte e te djathte qofshin) Tani e ka radhen Saliu,,,,, po e zgjidhi çeshtjen e dritave eshte dhe do ngelet BURRE SHTETI.......po s'e zgjidhi kete çeshtje, keq e ka me zgjedhjet ne 2009-ten...............

Ps. Me duket se Bashkia e Tiranes ka marre ne dore ujin e pishem.............Edhe pse te majtet si duroj dot..............Edi po e zgjidhi kete çeshtje....do ngelet BURRE SHTETI.

[ClaY_MorE]

Nuk e di sesi është situata në qytet e tjera shqiptare por në Elbasan po mbushet muaji që nuk ikin më dritat.

Mungesë të energjisë elektrike kemi pasur vetëm ditën e djeshme. ikën gati 10-20 minuta sepse pati problem e gjithë Shqipëria.

[DYDRINAS]

KESH, austriakët kërkojnë shpërndarjen

"Makthi i Korporatës", do të privatizohet brenda korrikut të këtij viti

Divizioni i Shpërndarjes në Korporatën Elektroenergjetike Shqiptare do të privatizohet brenda korrikut të këtij viti. Lajmin e kanë bërë të ditur burime nga Ministria e Ekonomisë, Tregtisë dhe Energjetikës. Sipas këtyre burimeve, strukturat e ministrisë po punojnë për përcaktimin e modaliteteve përkatëse për formulën e privatizimit, e cila është përcaktuar. Drejtues të kësaj ministrie kanë bërë të ditur se deri më tani janë ofruar disa kompani, që kanë shprehur interes për të blerë divizionin e shpërndarjes. Por mësohet se më agresive në këtë drejtim është treguar kompania austriake, EVN, përmes degës së saj në Maqedoni. Dy ditë më parë, grupi EVN u shpall nga qeveria shqiptare fitues për tenderin në shfrytëzimin e kaskadës së Drinit. Kjo tregon se EVN kërkon të diversifikojë investimet në energjetikë në Shqipëri. Megjithatë burime nga METE thonë për "Shqip" se është ende herët për të folur me saktësi në lidhje me këtë çështje. Brenda dy muajve, autoritetet do të organizojnë edhe një takim, me të gjithë të interesuarit për procesin e privatizimit të shpërndarjes dhe aty do të shihet se cilat janë ato kompani që janë me të vërtetë të interesuara për të blerë Divizionin e Shpërndarjes. EVN privatizoi në muajt e parë të vitit 2006, divizionin e Shpërndarjes në Maqedoni. Deri në fund të vitit 2007 kjo kompani investoi më shumë se 40 milionë euro për përmirësimin e sigurisë së furnizimit me energji, ndërkohë që ka parashikuar të investojë edhe 30 milionë euro të tjera gjatë këtij viti.

Shpërndarja

Divizioni i Shpërndarjes përbën makthin e "korporatës së dritave", pasi termi shpërndarje nënkupton njëherësh furnizim dhe arkëtim. I pari është një problem i rëndë sezonal, ndërsa arkëtimet janë një gangrenë historike që nga fillimet e pluralizmit, duke krijuar deficenca të rënda financiare në arkën e KESH-it. Kësisoj, ky sektor, i preferuari për t‘u çuar drejt privatizimit, është njëherësh edhe më i vështiri për t‘u privatizuar. Nga ana tjetër, nuk mund të vihet në dyshim domosdoshmëria e privatizimit të shpërndarjes së KESH-it. Me gjithë përmirësimet e ndjeshme, gjatë vitit që lamë pas, humbjet e energjisë në total ishin sa 35.3 pwr qind e energjisë së hedhur në rrjet. E thënë ndryshe, kjo shifër është e përafërt me gati 2 miliardë kilovat orë energji, të cilat humbin në rrjet, për shkak të amortizimit të këtij të fundit, ndërsa një pjesë nuk arkëtohet ose e thënë ndryshe vidhet nga konsumatorët. Ekspertët mendojnë se privatizimi i këtij sektori do të reduktojë në maksimum këtë handikap, të cilin qeveritë shqiptare nuk po e ndreqin dot prej gati dy dekadash. Sipas të dhënave të vitit 2006, abonentët që vjedhin energjinë në Shqipëri llogariteshin në rreth 40 mijë të tillë, prej të cilëve 22 mijë ishin familjarë dhe pjesa tjetër privatë. Këta persona kanë konsumuar rregullisht energji, por nuk kanë paguar asnjë faturë.

Gazeta Shqip

Kush eshte EVN?

http://www.evn.at/

EVN ne Maqedoni

http://www.evn.com.mk/

[Dr Rieux]

Nuk e di sa e vertete eshte qe do privatizohet (se ne sipas rastit e zbresim henen ne toke) po uroj qe te jete. Do shpetoje buxheti i shtetit nga humbjet qindramilioneshe te KESH-it, dhe te pakten shpresojme qe privati nuk do toleroje mospagimet masive. Eshte absurde te mendosh qe ne 2008 shteti nuk arrin dot te arketoje 30 e ca perqind te mallit qe quhet energji. Me ne fund energjia do konsiderohet si mall qe do i nenshtrohet ligjeve te oferte-kerkeses, kush ka mundesi do e bleje ai qe ska do shtrengoje rripin.

[Brari]

“Marubeni” japonez dhe “Rruga e Arbrit”


(25.02.2008)


Gjatë vizitës që kryeministri shqiptar Sali Berisha zhvilloi para disa ditësh në Japoni, krahas shumë personaliteteve të jetës politike e fushës së biznesit, takoi edhe Kryetarin e Bordit Drejtues të grupit “Marubeni Coorporation”, z. Kazuhiko Sakamoto. Koorporata në fjalë është një ndër më të mëdhatë në Japoni dhe ka një eksperiencë 150 vjeçare të krijuar nga operacionet ekonomike të investimeve në tregun ndërkombëtar të minierave dhe energjisë






Gjatë vizitës që kryeministri shqiptar Sali Berisha zhvilloi para disa ditësh në Japoni, krahas shumë personaliteteve të jetës politike e fushës së biznesit, takoi edhe Kryetarin e Bordit Drejtues të grupit “Marubeni Coorporation”, z. Kazuhiko Sakamoto. Koorporata në fjalë është një ndër më të mëdhatë në Japoni dhe ka një eksperiencë 150 vjeçare të krijuar nga operacionet ekonomike të investimeve në tregun ndërkombëtar të minierave dhe energjisë. Janë dy aspekte të veprimtarisë ekonomike, për të cilat Shqipëria ka nevoja imediate për investime të fuqishme të kompanive të huaja serioze. Po nëse në fushën e energjetikës qeveria “Berisha” ka arritur të nxit në mënyrë të kënaqshme interesin e mjaft sipërmarrjeve të tilla perëndimore, ku ka nënshkruar edhe marrëveshje të ndryshme bashkëpunimi, jo dhe aq mirë janë deri tani punët në drejtim të shfrytëzimit të pasurive minerare dhe sidomos të kromit, ku Shqipëria zë vendin tretë në botë për sa u përket rezervave të këtij minerali. Disa aksidente me pasojë vdekjen e 6-7 punëtorëve, të ndodhura në minierën e kromit në Bulqizë kanë krijuar jo vetëm një opinion të keq, por edhe një klimë frike e pasigurie në këtë drejtim. Mendimi i përgjithshëm është se duhet ndryshuar sa më parë teknologjia e shfrytëzimit të kësaj miniere, duke nxitur interesin e kompanive të huaja. Ndoshta me këtë objektiv e zhvilloi Berisha takimin me drejtuesit e lartë të “Marubeni Coorporation”, megjithëse kompani të këtyre përmasave janë luks për Shqipërinë. Kontaktimi dhe komunikimi i argumentuar i kompanive të njohura ndërkombëtare prej kryeministrit Berisha ka qenë dhe vazhdon të jetë në vetvete një investim mjaft i frytshëm politiko-diplomatik. Fakti që, në këto 2-3 vitet e fundit, të gjitha kompanitë e huaja investitore, të cilat po bashkëpunojnë apo ndodhen në fazën e legalizimit të këtyre procedurave, janë nga më të njohurat në botë, tregon se edhe oferta që i bëhet “Marubeni”-t është pjesë e strategjisë së përgjithshme të qeverisë shqiptare për tërheqjen e investimeve të huaja potenciale në Shqipëri. Por duke qenë se “Marubeni” japonez është i specializuar në drejtim të shfrytëzimit të pasurive nëntokësore, po aq sa dhe në fushën energjetike, për ta kanalizuar potencën e saj investuese në drejtim të minierës së Bulqizës apo vendburimeve të tjera minerale në këtë zonë, qeveria shqiptare duhet të përmirësojë infrastrukturën rrugore dhe plotësojë kushtet e tjera për përmirësimin e klimës së investimeve të huaja në këtë territor të mbushur me minerale dhe pasuri të tjera të rëndësishme ekonomike.
Investimi më i rëndësishëm në pikëpamjen infrastrukturore, për të futur në efiçencë jo vetëm industrinë e nxjerrjes dhe përpunimit mineral, por edhe industrinë turistike, është ndërtimi i “Rrugës së Arbrit”. Vlera ekonomiko-kombëtare e kësaj rruge renditet e dyta pas rrugës “Durrës-Kukës”, e cila përfundon së ndërtuari në fund të vitit të ardhshëm. Me “Rrugën e Arbrit” nuk janë të lidhura vetëm interesat e rreth 1 milionë e 750 mijë banorëve, të vendour në një territor prej rreth 12 000 km2, por të gjithë shqiptarëve brenda dhe jashtë kufijve të shtetit amë. Vazhdimi i “Rrugës së Arbrit” në territorin e Maqedonisë, pas kalimit të kufirit shqiptar fillon në Gjoricë, aty ku lugina e Drinit ngushtohet në vendin e quajtur Zatarajca, poshtë urës së vjetër me harqe të Spiles, e cila është mbuluar nga diga e hidrocentralit të Dibrës së Madhe. Nga Dibra në drejtim të Gostivarit rruga kalon nëpër grykën e ngushtë e të bukur të Radikës, duke vazhduar më tej në drejtim të Gostivarit, Tetovës, Shkupit e Sofjes. Rruga ekzistuese që shtrihet në itinerarin; Tiranë-Milot-Burrel-Bulqizë-Shupenzë-Maqellarë-Bllatë-Dibër është rreth 173 km e gjatë, por sipas stilit enverian të gjarpërimit dhe në kushte jo të mira teknike. Më 29 qershor 2005, në prag të zgjedhjeve parlamentare, ish-kryeministri Fatos Nano përuroi në Bulqizë fillimin e punimeve për rikonstruksionin e rrugës, sipas gjurmës së vjetër të saj. Por ashtu si dhe shumë përurime të tjera të majtistëve edhe ky investim kishte prapavijë elektorale. Perspektiva e ndërtimit të segmentit të ri rrugor në gjurmën e saj të lashtë sa vet historia jonë u çel më 8 shkurt ’07, kur kryeministri Berisha shpalosi në një takim më banorët e Bulqizës prioritetin qeveritar për ndërtimin e “Rrugës së Arbrit”. Aktualisht ka filluar puna për ndërtimin e segmentit Bllatë-Bulqizë. Së shpejti qytetet Tiranë-Dibër do të përshkohen nga “Rruga e Arbrit”, sikundër do të ndodh e njëjta gjë me kryeqytetin shqiptar dhe atë kosovar, pas ndërtimit të rrugës “Durrës-Kukës”. “Rruga e Arbrit”, që e ka origjinën nga Periudha Romake e shekullit I dhe II, do të kalojë në 10 zona dhe do të shkurtojë me rreth 70 kilometra rrugën e sotme nga Burreli. Ky variant i shmanget në mënyrë të ndjeshme lartësive mbi 900 metra mbi nivelin e detit si dhe është alternativa me kushtet më të mira gjeologo-inxhinierike e hidrologjike. Sipas inxhinierëve që kanë hartuar projektin e kësaj rruge, ky variant mund të vlejë shumë mirë edhe si një alternativë mjaft kompetitive e Korridorit VIII. Ndërtimi i Rrugës së Arbrit, sipas këtij varianti, shkurton në mënyrë të ndjeshme distancat e transportit që lidhin Tiranën dhe portin e Durrësit me Dibrën, Peshkopinë, Matin, Shkupin dhe trevat e tjera në Maqedoni apo Sofjen, e kështu me radhë. “Rruga e Arbrit”, aq e pasur me histori, parashikohet të jetë një ndër rrugët më të bukura turistike në trevat shqiptare. Ideja e trasesë së rrugës është kalimi në gjurmën: Tiranë - Zall Dajt – Murrizë - Gur i Bardhë - Ura e Vashës - Plan i Bardhë – Bulqizë - Ura e Çerenecit – Gjoricë - Dibër. Në këto fshatra gjenden mjaft gjurmë të rrugës si hane, karakolle, kalldrëme, ka shumë ura, etj.
Po për “Marubeni Coorporation”, interesi i ndërtimit të kësaj rruge lidhet me përmirësimin e infrastrukturrës rrugore për shfrytëzimin e pasurive meinerale të rajonit të Dibrës. Siç rezulton nga mjaft studime të ndryshme, në këtë zonë takohen shumë vendburime, objekte e shfaqje të mineraleve të dobishme metalore e jo metalore. Minerali i kromit përbën një nga pasuritë më të mëdha që gjendet në rajonin e Dibrës. Specialistët pohojnë se ky lloj minerali ndeshet në masivet ultrabazike perspektivë lindore të vendit tonë, si në atë të Bulqizës dhe të Lurës. Në masivin e Bulqizës janë zbuluar vendburimet më të mëdha të kromit, të cilat ndodhen në Bulqizë-Batër, Qafë-Buall, Almarinë, Tërnovë, etj. Në pjesën veriore gjenden disa objekte kromi siç janë: Zabeli, Majat e Bregut, Kodra e Lerës, Fushë-Balgjaj, Kepat e Dik-Nelit, Liqeni i Dervishit, Selishta Veriore, Selishta Jugore, Bataçet e Kacnisë, Fushë Shtrungëza, Rrënja e Milloshit, Maja e Hurdhës, Druni i Boshtive, Qafë-Murra, etj. Në masivin e Lurës janë kryer më pak punime të kërkim-zbulimit e megjithatë janë gjetur disa objekte e shfaqje të mineralizuara kromi si në Krej-Lurë, Kesule, Blac, Kumbull, Lajthize, Dodaj, etj. Në rajonin e Dibrës janë zbuluar edhe disa minerale të tjerë metalorë si minerali i Manganit në Topojan e në zonën e Gollobordës, minerali i hekurit pa nikel në zonën e Korabit, minerali i bakrit në zonën e Pregj Lurë-Arrmollës dhe të Peshkopisë (Pilafe, Zimur, Cerjan), minerali i hekur-nikelit në zonën Lajthizë-Nome, shfaqje e shenja të arsenik-polimetaleve në zonën e Dipjakës e Radomirës dhe shenja të mineraleve të rrallë e të çmuar për të cilët nevojiten punime e studime të mëtejshme. Rajoni i Dibrës është i pasur edhe me minerale e shkëmbinj industriale jo metalore, shumë të rëndësishëm për ekonominë e tregut si: gurët dekorative karbonatike dhe ofiolitike e mermeret, shkëmbinjtë gëlqerorë si lëndë e parë ndërtimi për prodhimin e inerteve karbonatike, gëlqeres e çimentos, të gipseve e anhidriteve si lëndë e parë ndërtimi për prodhimin e parafabrikateve të gipsit, allçisë, çimentos së bardhë, etj. Jo të pakta janë edhe argjilat si lëndë e parë ndërtimi për prodhimin e tullave, qeramikës, e çimentos, ranorëve, kuarciteve, travertinave, inerteve lumore e shkëmbore (karbonatike), bojërave të dheut, pirofilitit, squfurit, kryprave minerale në evaporitet, grafiteve, shapeve, rrasave, etj. Pra kemi të bëjmë me një zonë të mbushur me pasuri të shumëta minerale, të cilat mund të shfrytëzohen me efektivitet për interesat e ekonomisë kombëtare, pas ndërtimit të “Rrugës së Arbërit” dhe nxitjen e interesit të kompanive ndërkombëtare të standardit “Marubeni”. Duke ndeshur në gjithë këtë llojshmëri të rrallë mineralesh, jemi të bindur se “Marubeni” apo kompani të tjera të këtyre përmasave do të ndjehen të privilegjuar që po u bëhet një ofertë e tillë. Në këto kushte, detyra e qeverisë shqiptare, e cila këto 2-3 vitet e fundit po realizohet më së miri, është të bëjë rrugë dhe të shpalos para të huajve potencialet natyrore e njerëzore të këtij vendi të mbushur me flori, sipas konceptit të gjeologut më famë botërore, S.Zuber. Kur mendjet kriminale e diktatoriale i kërkonin atij të shënonte si Enver Hoxha në hartë se, ku kishte flori në tokën shqiptare, para se ta ekzekutonin me vdekje ai u përgjigj: “Flori siç kërkoni ju nuk ka, pasuritë nëntokësore dhe mbitokësore, së bashku me njeriun, formojnë floririn në tokën shqiptare”.

Nga Feti Zeneli

55

[Duaje Siveten]

forca, fahri, o legen,
dy her m'i ven ...

e mer salimandri kopuk-sigurims,

thua ti se kur tjerr e shtjerr genjeshtra si prej kine qe bente ahere komiteti central punisto-mafioz, kujtoni se do e shtyni ndonji dite me rrena?

e paska çliruar nato kosoven per me ardhe maruben peshkaqeni ... se e paska ftuar fahri legeni ...

te keqen e mendjes se shkurter qe keni ... genjeni, genjeni, genjeni ...

i keni qef kto emrat maruben, peshkaqen ... marenglen ...

[DYDRINAS]

forca, fahri, o legen,
dy her m'i ven ...

e mer salimandri kopuk-sigurims,

thua ti se kur tjerr e shtjerr genjeshtra si prej kine qe bente ahere komiteti central punisto-mafioz, kujtoni se do e shtyni ndonji dite me rrena?

e paska çliruar nato kosoven per me ardhe maruben peshkaqeni ... se e paska ftuar fahri legeni ...

te keqen e mendjes se shkurter qe keni ... genjeni, genjeni, genjeni ...

i keni qef kto emrat maruben, peshkaqen ... marenglen ...

Luan nje rol te neveritur ne forum, duke u hequr si i djathte dhe duke mbrojtur te majten.
Njeriu ka nje ideal, te cilin nuk e braktis sipas nevojave te castit!

[Duaje Siveten]

citua prej drumepre,

Njeriu ka nje ideal, te cilin nuk e braktis sipas nevojave te castit!

kjo eshte nje nga te keqijat themelore, o dru me pre ... merru me lajmin, e jo me lajmesin ... se njerez si ti nuk dun me ia dit as per kanu, as per fe, as per atdhe ...