Close
Duke shfaqur rezultatin -19 deri 0 prej 15
  1. #1
    ................
    Anëtarësuar
    19-11-2004
    Postime
    1,110

    Albert Brojka: “Në PD ende nuk ka demokraci dhe tolerancë”

    Albert Brojka: “Në PD ende nuk ka demokraci dhe tolerancë”


    Valentina MADANI

    Ish drejtuesi i lartë i PD-së dhe ish kryetari i bashkisë së Tiranës Albert Brojka është një ndër të vetmit figura kryesore të kësaj partie që 16 vjetori i krijimit të saj e gjen larg rikthimit. Ish-politikani i lartë i PD-së thotë se kjo parti ka ende nevojë të demokratizohet dhe të rrisë tolerancën brenda saj. Përmes “Albania”-s ai pranon se lidershipi i PD-së ka ndryshuar, është bërë më tolerant por nuk është demokratizuar plotësisht partia. Kjo sipas tij është arsyeja që e pengon të rikthehet në PD dhe të rifillojë politikën nga e para. Ai tregon vëshirësitë që ka hasur gjatë karrierës së tij politike, teksa ndalet në momentin më të rëndë sic e quan ai, konfliktin me z.Berisha për festat e nëntorit, 8 vjet më parë kur drejtonte bashkinë e kryeqytetit. Z.Brojka është i sigurtë se edhe të rikthyerit në PD, nuk janë më protagonist në këtë parti ndaj gjykon se PD-ja është ende e ngurtë politikisht. Ish deputeti dhe ish ministri i PD-së kujton kohën kur studentët të mbështetur nga qytetarët e Tiranës rrëzuan diktaturën më të egër dhe krijuan kushtet për krijimin e PD-së. Ai i ka mbështetur në cdo hap dhe prej PD-së nuk është shkëputur tërësisht pasi vazhdon të jetë antar i PD-së. Ai tregon momentet kur iu desh të negociojë me ndërkomëbtarët gjatë viteve të vështira 97-98 si dhe kohën kur me shumë vëshirësi drejtoi bashkinë e Tiranës në kushte të papërshtatshme pasi puna e tij bllokohej nga e majta në pushtet. Por me gjithë këto peripeci, z.Brojka do të mungojë sot në përvjetorin e 16 të themelimit të PD-së. Arsyeja nuk është vetëm mungesa e një ftese por pa hezitim thotë se: “më duket vetja si i tepërt aq më tepër po të shkoja në një festë të tillë nuk do të shikonim me syrin e një kontribuesi për PD-në nga fillimet e saj. Mendoj se do të më shikonin akoma si një njeri që ka devijuar nga vija e partisë, një njeri që me kontributin e tij i ka bërë më tepër dëm PD-së”.


    Z.Brojka a mund të tregoni ju lutem për ditët e para të demokracisë në Shqipëri, fillimi i së cilës ishin protestat e studentëve të dhjetorit të 90-ës?

    Në atë kohë kam qënë për studime pas uiniversitare jashtë shtetit që nga viti 1988 deri në vitin 1991. Por ndoshta për fatin tim të mirë, pikërisht kur kishte nisur lëvizja studentore e dhjetorit, ditët e para të dhjetorit, jam kthyer dhe ingranuar direkt në këtë lëvizje. Kisha mentalitetin e një intelektuali se Shqipëria duhet të ndryshojë, jeta politike shqiptare duhet të ndryshojë, liria e demokracia duheshin fituar. Dhe pikërisht duhet të mbështesim lirinë dhe demokracinë që në atë kohë ishin kryesisht lëvizje studentore dhe lëvizje politiket që pasuan me krijimin e PD-së dhe ndryshimet e tjera që ndodhën më pas. Unë nuk jam një nga themeluesit e PD-së, nuk kam marrë pjesë në mbledhjen që themeloi PD-në por jam angazhuar në gjithë lëvizjen studentore që në mbështetjen e studentëve që u futën në atë kohë në grevë urie. Kisha bindjen e palëkundur se duhej t’i mbështesja ata të rinj dhe kam marrë pjesë për të treguar që ata studentë që u ngritën në protestë, kishin mbështetjen e qytetarëve të Tiranës dhe të intelektualëve.

    Si jeni njohur me ish themeluesit e PD-së dhe c’raporte kishit me ta?

    Jam njohur me disa prej tyre me rekomandim. Disa të tjerë i kam njohur thjeshtë në aktivitetin e PD-së në atë kohë. Me të tjerë kam pasur njohje që para se të fillonin lëvizjet demokratike. Nga politikanët e parë që kam takuar mbaj mend ka qënë Eduart Selami. Dikur një ekonomist në punën time më rekomandoi që t’a takoja z.Selami tek selia e vjetër e PD-së. Ishte koha kur PD-ja kërkonte intelektualë, natyrisht të shkolluar jashtë shtetit me një formim dhe njohës të gjuhëve të huaja. Kjo ngaqë po vinin zgjedhjet. Bëhet fjalë për datën 10 shkurt 1991. Pas takimit që pata me z.Selami, m’u bë e qartë që PD-ja kishte nevojë për figura të tilla dhe më rekomandoi mundësi kandidimi për deputetë në Tiranë, në zonën e Laprakës. Kisha dëshirë të mos mbetesha indiferentë në ato momente, por të jepja edhe unë kontributin tim. Por isha me studime pasuniversitare.
    Aty kam njohur shumë nga figurat qëndrore të PD-së, duke filluar që me Aleksandër Meksin. Z.Berisha e kam takuar për herë të parë kur unë isha zëvministër i turizimit dhe transporteve, fundi i vitit 1993. Në atë periudhë ai ishte president i republikës dhe që nga ajo kohë kam pasur vazhdimisht kontakte pune, politike. Gjatë viteve të para të demokracisë kam njohur të gjithë themeluesit e PD-së, Pashkon, Hajdarin, Imami, Zogaj, Rulin, Cekën etj. Mbaj mend që në atë kohë kishte dhe figura që nuk u ingranuan më pas në politikë si Edmond Budina, apo vëllai i Isamil Kadares. Nuk e fus veten tek kontribuesit kryesor të PD-së por kam qënë gjithmonë pranë saj.

    A jeni në dijeni se si është proceduar në atë kohë me protagonistët e lëvizjes antikomuniste që më pas u kthyen në lidership të partisë së parë pluraliste?

    Nuk ka pasur përzgjedhje emrash. Përzgjedhja e emrave ishte nga vet individët. Njerëz që donin ta vazhdonin jetën e tyre politike. Kishte intelektualë të cilët ndoshta bënin një jetë më aktive sesa të tjerët. Kishin shumë më tepër dëshirë të ishin protagonistë. E kishin dhe më shumë ndoshta të themelonin një forcë politike, të ngritnin statusin e kësaj force, t’a conin përpara këtë forcë politike, të ndryshonin zhvillimet e vendit në interes të Shqipërisë. Gjithnjë në një garë të tillë kishte njerëz aktiv, por dhe të tjerë që ndoshta nuk u pëlqente më tej polika ndaj preferuan të tërhiqen, duke menduar se misioni i tyre ishte kryer, pasi tashmë ishte krijuar pluralizmi shqiptar, bindjet e ndryshme politike etj.

    Si u pritën nga demokratët emrat që themeluan PD-në dhe më pas projektuan të ardhmen e saj?

    Janë mirëpritur që të gjithë, pa përjashtim, qoftë Berisha, Pashko dhe protagonistët e tjerë që kishin kontribuar në themelimin e PD-së. Ndaj zgjedhja e tyre gjeti miratimin e antarësisë së PD-së por edhe të elektoratit që mbështetnin lëvizjen demokratike.

    Ju keni qënë pjesmarrës në rrëzimin e bustit të diktatorit. A mund të kujtoni dicka nga ajo ditë historike për shqiptarët?

    Në kohën që unë u riktheva në Shqipëri kishte lëvizje jashtëzakonisht të vrullshme. Mbaj mend si tani, tre ditë para se të largohesha nga Shqipëria ka qënë data 23 shkurt, është hedhur busti i Enver Hoxhës. Atë ditë kemi qënë tek qyteti “Studenti”, ku studentët ishin në grevë urie. I kam përjetuar të gjitha protestat që ndodhën në atë ditë. Kam zbritur deri poshtë tek kryeministria, kam ndjerë aty edhe erën e atyre qenve të policisë që sulmonin protestuesit, deri në përplasjen e policisë me qytetarët. Kam marrë pjesë më pas në qëndrë të Tiranës në momentin kur u rrëzua busti i diktatorit. Isha vetëm disa metra larg tij ndërkohë që ai u rrëzua. E kam përjetuar tërësisht atë ngjarje të madhe. Por pak ditë ma pas u largova për t’u rikthyer shumë shpejt nga studimet. Tashmë isha antar i PD-së. U ktheva në prill por nuk i pëjtova zgjedhjet e 31 marsit 91 ku kisha qënë dhe kandidat për deputetë. U ktheva shpejt për shkak se m’u ndërpre bursa nga shteti shqiptar për shkak të tranzicionit të vështirë që po ndodhte në vend. Por që prej asaj kohe kam zhvilluar një jetë aktive në PD. Jam antar i PD-së që nga 4 janari i 1991 dhe që prej asaj kohe kam qënë në drejtimin e PD-së të Tiranës. Më pas në selinë e PD-së qëndrore dhe antar i kryesisë së saj, sekretar i madhënieve me jashtë. Kam qënë këshilltar i kryeministrit Meksi për reformën ekonomike në 1993. Më vonë kisha postet drejtuese në pushtet duke filluar që nga zvministër i burimeve minerare dhe energjitike, kam qënë ministër i turizmit, transporteve, ndërtimit dhe më pas kryetar bashkie deri në vitin 2000. Kisha një karrierë në ngjitje qoftë në politikë, qoftë në administratë, gjithnjë nën drejtimin e PD-së.

    Në fillimet e demokracisë, a kishte divergjenca brenda PD-së?

    Jo nuk kishte divergjenca dhe këtu kam parasysh vitet 1991-92. Lindën më vonë. Por deri në krijimin e PD-së, deri në zgjedhjet e marsit të 92-it nuk ka pasur përcarje brenda PD-së. Ndoshta nuk kishte lindur lufta për pushtet. Me ardhjen në pushtet të PD-së filloi përcarja nga brenda ku spikatën largimet nga partia dhe krijimet e forcave të reja politike nga brenda për brenda PD-së. Mendoj se në PD, ekzistonte jo vetëm lufta për pushtet që është normale por mungonte ajo lloj demokracie që duhej të kishte një forcë politike evropiane, perendimore. Ishte e vështirë që të konceptoje që dikush mund të kishte mendim ndryshe, ose mund të ketë një alternativë ndryshe nga dikush tjetër. Dhe kushdo që e bënte një gjë të tillë, shikohej ndoshta nga mentaliteti i së kaluarës me syrin se ky është kundër partisë dhe ky është armik i partisë, se ky që kundërshton kryetarin do t’i zërë vendi atij. Pra ishin akoma mentalitet të vjetra. Nuk mendoj se z.Berisha apo të tjerë brenda partisë e kishin atë tolerancën perendimore demokratike për t’a kuptuar dhe për ta respektuar mendimin ndryshe dhe për t’i dhënë vendin mendimit ndryshe. Nuk ka asgjë të keqe të kesh opozitë brenda partisë. Ne shqiptarëve gjithmonë na ka shkatërruar uniteti i celiktë por në një kohë që uniteti i vërtetë, është ai kur ka alternativa të ndryshme, që e respektojnë njëra-tjetrën, që shkon në votën e fshehtë dhe fiton me mijëra. Kjo nuk është respektuar dhe kjo është arsyeja kryesore që shumë drejtues të PD-së, themelues të saj e panë veten jashtë një loje të tillë dhe preferuan të largohen për të krijuar një forcë tjetër politike. Dhe kjo ka ndodhur vazhdimisht brenda PD-së ku ka munguar liria, demokracia, toleranca perendimore, respekti për votën e kundështarin.

    Ju keni qënë shef i politikave me jashtë në PD në një kohë të vështirë për këtë parti. Thuhet se ju është dashur ju personalisht që të negocioni me ndërkombëtarët për gjendjen e krijuar në Shqipëri gjatë viteve 97-98. sa e vështirë ishte për ju mbrojtja e politikave të PD-së në një situtatë të tillë kaotike?

    Kam drejtuar politikën e jashtme brenda PD-së për një periudhë të shkurtër, 97-98. Për mua ka qënë shumë e vështirë. Nuk isha specialist i fushës së madhënieve me jashtë. Por ka qënë mjaft e vështirë për vet ngjarjet që ndodhën në Shqipëri, apo për vet mënyrën se si ndodhën këto ngjarje ishte shumë e vështirë të mbroje politikën e PD-së, e cila nga parti në pushtet, për faj të skemave piramidale, nga një marsh i konsiderueshmë votash, u katandis në vitin 97, diku nën 20 përqind. Pra ishte një rënie drastike e elektoratit që mbështeste PD-në. Dhe të mbrosh PD-në në një situatë të tillë kur e ka konsideruar në njëfarë mase shtetin por kur ky shtet po i shembet nëpër duar, nuk kishte rend, nuk kishte qetësi, njerëzit kërkonin paratë e firmave piramidale, si mund të mbrosh në arenën ndërkombëtare një forcë politike me dështime të tillë. Kështu që në atë periudhë e kam parë veten në një pozitë mjaft të vështirë pasi më duhej të mbroja qoftë PD-në, qoftë drejtuesit e saj. Por jam përpjekur ta bëj, pasi kjo ishte detyra ime. PD-së në atë kohë i takonte t’i kërkonte popullit të falur dhe të bënte sa më shpejt zgjedhjet e përgjithshme sepse pushteti pothuajse kishte ikur nga duart, qoftë për të shpëtuar vendin, të cilën PD-ja e bëri ndonëse me njëfarë vonese. Këtë duhej ta bënte muaj më parë. U largua nga pushteti, bëri zgjedhjet e reja dhe doktor Berisha u largua me dorëheqje nga posti i presidentit të vendit. Po të ishte bërë një gjë e tillë më përpara, do të ishte akoma më mirë pasi fatura e atyre që ndodhën në 97, do t’i mbetej kryesisht PS-së.

    Pse fatura e ’97-ës do t’i mbetej PS-së?

    Sepse ishin socialistët ata që e përgatitën një revoltë të tillë, shfytëzuan skemat piramidale dhe nga revoltë ekonomike e kthyen në revoltë politike dhe kërkuan pushtetin. Mund t’a quaj një lloj kryengritje të armatosur pasi ashtu ndodhi. Po të menazhohej me qetësi nga PD-ja, po të sqarohej populli se skemat piramidale nuk i ndërtoi PD-ja, por individë të caktuar, por PD-ja pati fajin se nuk i denoncoi që në fillim, të shkarkonte përgjegjësinë e vet, gjë të cilën e bëri me vonesë, kjo shkaktoi atë që ndodhi realisht në ato vite.

    Megjithatë PD-së në kushte të tilla i duhej domosdo të fitonte zgjedhjet lokale që të konsolidonte zgjedhjet e përgjithshme. Ju kandidatuat për bashkinë e Tiranës dhe fituat...

    Unë nuk kam kandiduar me dëshirën time si kryetar i bashkisë. Ishte një detyrim i imi moral për PD-në. Në qëoftë se PD-ja më zgjodhi që të kandidoja, unë e pranova jo se kam pasur dëshirë një post të tillë. Por cdo kush në politikë duhet të bëjë dhe sakrificë politike për aq më tepër unë. Menduan se isha njëra nga kandidaturat më të mira dhe fitova në Tiranë.

    Gjatë kohës që qeverisët pushtetin vendor në Tiranë, cilat ishin raportet tuaja me z.Berisha dhe sa ju ka mbështetur në punën tuaj?

    Raporte normale. Kam pasur madhënie të mira dhe politikat e mia qoftë si kryetar i PD-së së Tiranës, qoftë si kryetar bashkie, qoftë si sekretar i madhënieve me jashtë në PD, kam pasur mbështetjen e z.Berisha. jam mirëkuptuar me të. Nuk e kam ndjerë diktatin e Berishës sic e kanë ndjerë të tjerët. Të paktën këtë mund ta them deri nga viti 98. Madje kam pasur mandat të plotë për ta përfaqësuar PD-në edhe gjatë kësaj kohe. Nuk mund të them se kisha konflikt me z.Berisha. Konflikti ka nisur më vonë.

    Kur pikërisht dhe kush ishte shkaku i konfliktit tuaj me z.Berisha, pasi thuhet se se arsyeja e përplasjes me të ka qënë data e clirimit të Shqipërisë?

    PD-ja doli në opozitë që në vitin 1997. Kurse unë vazhdoja të isha kryetar i bashkisë pavarisht se partia ime doli në opozitë. Ishte një rrokadë e mënjërhershme. Unë nuk do të mund të kandidoja për kryetar bashkie po të ishte në pushtet. Por ishte ishte PD-ja në pushtet dhe unë pranova të bëhesha kryetar bashkie, sepse gjatë punës sime për kryeqytetin do të kisha mbështetjen e qeverisë. Të paktën kështu e mendova kur u zgjodha. Qeveria “Meksi” dha dorëheqjen shumë shpejt kështu që mua më takoi gjithë kohës që të punoja me socialistët, kur kryeministër ishte Nano, Majko, Meta. Dhe imagjinoni sa mbështetje duhej të kishte një kryetar bashkie i PD-së nga qeveria socialiste. Pothuajse nuk kisha mbështetje ose kisha shumë pak mbështetje. Partia ime tashmë ishte në opozitë dhe ndoshta nuk i leverdiste shumë që të merrej me mua, apo të më mbështeste mua sepse kishte hallet e veta, ishte katandisur keq, kishte rënie drastike të elektoratit të saj, duhej të riorganizohej dhe të ringrihej nga fillimi. Ndoshta i leverdiste që figura si kryetari i bashkisë t’i përdorte për qëllime e veta, që të rriste reputacionin e saj, mund t’a sakrifikonte, mund t’a bënte armik, mund t’a bënte spiun apo si t’i interesonte asaj për luftë politike. Dhe unë kështu e gjykoj.

    ...Dhe si nisi carja e parë me z.Berisha?

    Carja e parë ka ndodhur për festat e 28-29 nëntorit. Isha i detyruar sipas ligjit që ta respektoja edhe 28 edhe 29 nëntorin dhe në protokollin e shtetit, kryetari i bashkisë shoqëron gjithnjë presidentin jo vetëm tek varrezat e dëshmorëve që vendos kurorën por edhe vizita në dy familje gjë të cilën unë e bëra. Në atë kohë ishte president rexhep meidani. Në atë kohë një artikull në gazetën “Rilindja Demokratike” më shkruajtën kryeartikullin: “Brojka në rresht me enveristët”. Ishte një fyerje e goditje rëndë për mua të më quaje enverist. Realisht nuk ksiha qënë asnjëherë antar i PPSH, nuk kisha pasur asnjë lidhje me enveristët. Pavarsisht se isha i PD-së, respektova ligjet e shtetit. Dhe sot që po flasim bashkë, dhe që Berisha është në pushtet, 29 nëntori është festë zyrtare dhe z.Berisha nuk pati guxim ta ndryshonte. Kurse atëherë pati guxim të më akuzonte si enverist, meqë vura kurorë me 29 nëntor. Natyrisht PD-ja mund ta përdorte dhe 28 dhe 29 nëntorin për interesat e saj politike por jo të më përdorte mua si ushtar ku njëherë më quante titullar, njëherë, enverist etj. Nuk mund ta lija veten të keqpërdorej në një mënyrë të tillë që kur të donin të më bënin armik dhe kur të donin të më bënin hero sipas interesave të saj politike.

    Po më tej cfarë ndodhi?

    Për mua ishte normale që në PD, për atë që ndodhi në 97-ën, të kishte një rrokadë dhe përgjegjësia për atë që ndodhi vinte nga lart. Duke filluar nga kryetari i partisë, nga presidenti etj, por edhe unë kam përgjegjësitë e mia për ato që ndodhën për postet drejtuese që mbaja në PD si drejtues i Tiranës. Por në PD nuk u bë një analizë e tillë dhe po bëhej kjo ku njerëzit të pranonin gabimet, nuk kishte asgjë të keqe. Madje ngrihesh dhe ringrihesh shumë më mirë. Nuk kishte asgjë të keqe pse për kreun e ri të PD-së të kishte dhe një alternativë tjetër sic ishte Genc Pollo. Ai vetëm se kandidoi përballë Berishës u sulmua si të ishte armik. Fundja Pollo ishte nënkryetar i PD-së dhe po kandoidonte për postin e kryetarit. Kjo ishte normale dhe aq më tepër po kanidonin figurat e reja që nuk mund të akuzoheshin për ato që kishin ndodhur në 97. Megjithatë Pollo u sumua jashtëzakonisht keq. Kjo tregoi se mungonte liria dhe demokracia brenda partisë. Unë në një ambjent të tillë nuk mund të punoja dot, ku PD-ja mund të kishte një lloj ushtrie dhe unë të isha një ushtar. Doja të isha një njeri i lire dhe të shprehja mendimet e mia edhe sikur të ishte kundër. Ndaj po e shikoja veten gjithnjë e më larg PD-së. Në ngjarjet që ndodhën më mbrapa, në tërë zgjedhjet që u bënë, unë nuk kandidova për asnjë post brenda PD-së. Preferova një tërheqje të ngadaltë derisa u shkëputa përfundimisht nga radhët e partisë. Në këtë gjendje jam dhe sot por duke qënë serish antar i PD-së.

    Në PD, tashmë janë rikthyer të gjithë të larguarit dhe të përjashtuarit nga partia. Pse mes tyre nuk ndodhet Albert Brojka?

    Është zgjedhja e gjithësecilit. Mund të jenë kthyer vet. Mund t’i kenë ftuar. Mua nuk më kanë ftuar. Personalisht nuk besoj se ka ndryshuar ndonjë gjë e madhe në PD. U largova sepse nuk gjeta veten time aty. Nuk e shprehja dot mendimin tim lirshëm, ku nuk mund të krahasoheshin dy alternativa ndryshe. Megjithëse kanë ndodhur ndryshime, akoma ka vend për vlera perendimore, për respetin e votës së fshehtë. Dhe nuk jam vetëm unë por janë dhe të tjerë. Ata që janë kthyer në PD, mund të besojn ë se vërtetë ka ndryshuar dicka ose ndoshta ata kanë marrë një ftesë, kanë marrë një garanci, janë siguruar se gjërat nuk janë më ashtu sic kanë qënë më parë. Dhe unë jam dakort që shumë gjëra kanë ndryshuar por jo ashtu sic mendoj unë. Ka akoma vend për ndryshime. Kjo ndoshta ka bërë që unë nuk jam kthyer sic kanë bërë të tjerët. Gjykoj se akoma në PD ka nevojë të ndryshohet. E ndjej akoma veten jashtë ambjenteve të tilla. Ky ambjent është akoma i vështirë për t’u konceptuar të paktën për mua. Kujtoj këtu rastin “Ngjela”. Pati disa mendime ndryshe, disa alternativa ndryshe. Nuk u nxor jashtë partisë si dikur, por u morën masa kundër tij. Pra gjykoj se mendimi ndryshe sulmohet dhe ai që flet ndryshe flet si armik. Vura re se nuk pati njerëz të tjerë që t’a mbështesin avokatin. Mbeti përsri vetëm. Po t’i takosh një nga një disa njerëz të PD-së thonë se Ngjela kishte të drejtë por akoma nuk e kishin guximin që t’a ngrenin zërin dhe t’i jepnin të drejtë. Megjithatë ka një frymë tjetër, është rritur toleranca por ende ka mungesë të demokracisë brenda PD-së.

    A mendoni se ata që janë rikthyer në PD kanë sërish rol protagonistësh në politikën e djathtë?

    Një pjesë e tyre po janë kthyer. Një pjesë tjetër jo. Por edhe ata që janë kthyer nuk janë në rolin e bashkëthemeluesve të PD-së. U janë ofruar disa poste por disa janë si të lënë në harresë. Po t’i vini re shumë nga ata nuk kanë më rol protagonisti në PD sesa në njëfarë mase po përdoren përsëri për të treguar se ata janë sesh në PD. Nuk po përmend emra pasi nuk dua të krijoj konflikte por pjesa më e madhe e tyre kanë një rol të tillë jo kryesor, nuk di si ta quaj.

    A ju ka munguar një ftesë nga lidershipi i PD-së për rikthim në radhët e saj?

    Unë jam antar i PD-së me vullnetin tim. Nëse do ta filloja jetën time politike, do ta filloja nga seksioni, do të konuroja për të znëë një post drejtues dhe do të ndiqja një karrierë normale sic e përcakton dhe statuti i PD-së. Por nëse konceptohet se duhet të ftohesh në PD, atëherë kjo parti nuk ka ndryshuar. Nëse ekziston një realitet i tillë, rikthim përmes ftesave, për mua është absurd. PD-ja nuk është pronë e askujt. Secili ka kontributin e vet në këtë parti.

    Sot pasdite PD-ja përkujton 16 vjetorin e krijimit të saj. A do të jetë Albert Brojka mes shumë demokratëve në këtë festë?

    Jo nuk do jem. Ka kohë që nuk shkoj në festa. Më duket vetja si i tepërt aq më tepër po të shkoja në një festë të tillë nuk do të shikonim me syrin e një kontribuesi për PD-në nga fillimet e saj. Mendoj se do të më shikonin akoma si një njeri që ka devijuar nga vija e partisë, një njeri që me kontributin e tij i ka bërë më tepër dëm PD-së. Ndaj gjykoj se nuk do të shihesha me sy miqësor gjë që më detyron të mos marr pjesë në këtë festë. E kam ndjerë këtë lloj atmosfere që prej kohësh.


    13 Dhjetor 2006

    Gazeta Albania

  2. #2
    Peace and love
    Anëtarësuar
    16-06-2006
    Vendndodhja
    usa
    Postime
    1,897
    Kritikat jane nje pjese normale e mekanizmit demokratik.Pra pse Albert Brojka shpreh mendimet e tija(ndoshta te revizionuara) nuk ka asgje sencacionale.Per ju eshte sencacion c'do gje qe thuhat kundra Berishes.
    Une nuk jam zar i Berishes e i askujt tjeter or taj,por eshte bere e padurueshme kjo tendence per te sulmuar vetem Berishen.Mungese alternativash?Po,eshte e qarte perderisa si nga opozita ashtu edhe brenda pozites nuk po dalin alternativa te reja,atehere mos u cuditni qe Berisha mbetet alternativa me e mire per momentin.Po per trunin tat sa nji tru harabeli eshte veshtire te kuptohet.Per trunin tat prej peshku c'do fatkeqesi e shqiptareve lidhet me Berishen.Kjo vertetohet nga monongjyra e temave te tua.C'do teme e ke me Berishe or tyt.

  3. #3
    Po kush paraqet alternative ne PD? guxon kush ta beje nje gje te tille, ndryshe behet karrike-thyer, ikanak, agjent i sigurimit, çimkaxhi, plackaxhi, arixhi.

    Ne PD ka vetem dhe vetem nje alternative: ajo e Berishes, e arnuar "modernisht" me xhonturq te vjeter e te rinj, ndaj kush mendoni ju se duhet kritikuar apo sulmuar? Apo duhet ngarkuar Spartak Ngjela per trafiqet ilegale qe ka lejuar Sala? Apo duhet vene ne pergjegjesi ndokush tjeter vec Sales qe ben pirueta nga me te pabesueshmet, ne kurriz te vendit e te popullit?

  4. #4
    Peace and love
    Anëtarësuar
    16-06-2006
    Vendndodhja
    usa
    Postime
    1,897
    Mire mer vlla dakord,por nga gjithe keta ikanak e kundershtare te brendshem pse nuk u krijua ndonje parti tjeter si alternative ndaj PD se Sales?Edhe ne rastin kur keta kane krijuar ndonje parti tjeter numri i votave qe kapin eshte i paperfillshem.Pra nuk jane me te vertete kritika konstruktive,por jane thjesht tentativa per terheqje vemendje.Te garantoj se po te kishin mare ndonje post ministri kta Ngjelat apo Brojkat nuk do te kercenin si gjela sic po bejne.Kush i pengon te krijojne parti te re?Sala do me thoni ju,se c'do gje e lidhni me njeshin.

  5. #5
    i/e regjistruar Maska e Brari
    Anëtarësuar
    23-04-2002
    Postime
    18,826
    ka ca cudira..

    sot eshte moisiu president po askush nuk thote .. ne kohen e moisiut i be ashtu apo keshtu..
    dikur ishte meksi kryeminister po kurre nuk tha zp.. kioskat e meksit apo piramidat e meksit.. te gjithe thone.. te berishes..
    askush nuk thote se lana u dhj.e nga sali kelmendi apo artan hoxha apo sander mafishe meksi apo brojka.. joo.. te gjitha i vishen berishes..
    askush nuk thote se lanen e pastroj mejdani.. president i kohes kur edvin meta pastroj lanen e kioskat..
    cka eshte me brojken..
    kurre edvini megjithse trashegoi prej tij bashkine nuk e tha nje llaf per brojken dhe as brojka kurre nuk beri retrospektive per punen e tije ne bashki..
    po keshtu dhe sali kelmendi kurre nuk u prononcua qe ti hiqte berishes ato akuza qe ja ben ps-ja e te thoshte..kjo me takon mua e jo berishes..
    nuk do dilte berisha ta pastronte lanen po kelmend brojka..ashtu sikurse themi se..edvini dolli e pastroj lanen..

    pse nuk e do brojka berishen.. sepse brojk meksi e kelmendi jan shk.er... d.huesit e vertete te tiranes derisa aty erdhi te sundoj edvini..
    por kurr artileria edvino nano meto gjinusho zp-iste nuk hodhi qofte dhe fishekzare ndaj tyre..perkundrazi te gjitha raketat me tritol u hodhen e hidhen kunder berishes..
    flisnim me gishta neper zyra.. thoshte meksi.. kur ishte berisha president..

    pamvaresisht se ku do me dal meksi me kte.. ne si shqiptar kuptojme nji gje..
    se hajno mafiozet qe perdhunuan.. qeverine e dale me voten..e fukarenjve ne 92.. u hodhen ne nje sulm te tmerrshem per te xhvatur shtetin e qytetarin.. dhe ketu fle lepuri..
    tek berisha keta rrufjane..nuk gjeten aleat ne xhvatje.. prandaj marifetet e tyre detyroheshin ti benin me gishta e jo me ze..

    pse trembej meksi me kopil-koplikat e tij te 92 e tutje...

    ne se do beheshin keto lloj bisedash..si psh..

    e mo koplik apo artan apo brojk e kelmend.. si tja bejm x problemi.. cthot ligji per kete.. cthot buxheti per kete.. po populli si e do zgidhjen e x a y problemi..
    si mund ta vem ne pun x fabrik a y kombinat.. qe te punosohen zet puntore..
    ku ti gjejme ca fonde tja ujdisim nje urz fshatareve te baldushk zalldardhes.. apo si tja bejm ti cojm cdo dit qumesht spital materniteto cerdhe-azileve..
    qysh i behet hallit qe shmangim sa te mundemi Bumin e kerrave rrugve te tiranes qe po na helmojne femijet.. me squfur plumb dioksid e monoksi karboni..

    etjetj.. me kto lloj muhabetesh ske pse te trembesh nga tartabiqo.cimkat qe mund .. po supozojme .. se ka ven gazidedja me pergju ministrat..

    askush nuk i beson brojko koplik meksat se te tilla angazhime do perbenin faj e te frikesoheshin pi ti diskutonin me ze te larte.. se po i degjon berish presidenti..

    joo..

    mekso mutat sikurse koplik brojkat jan marre me tjera gjera..
    bisedat e tyre kan qene te kesaj natyre..

    e brojko te erdhi ai i firmes .. kakum.uti...
    po erdhi...
    si e late..
    po ja e lam qe ai ta marri lulishten perball piramides ..

    (ku ishin ato pishat e bukura e ku rrinin fshehur tre vellezerit se shynte kush ne ate lulishte buz bllokut..)
    sa na jep ne ai po tja firmosim..
    kaq e aq na jep..
    mir..
    po mos mari vesh ai maloku.. se do thot .. tere tenderat e lejet e trojeve ja dhat mafies enveriste..
    jo se do vem nje tjetr aty si perfaqsus firme..
    sdo dali vet ai miku aty po do vej nji mikun e tij..
    mos na pengon ai k.oqja ..
    ec mo caj b se i themi tan hoxhes ta ujdis at pun..
    mire
    po x bisnesmen italo gjerman qe ka ardhur cti themi..
    tundu thuaj se ketu pa u tundur del rru e qeth..
    merrja pjesen ton dhe jepi licencen..
    po filanit cti bejm se ka 4 muaj qe pret per nji firm..po ka then rrushfet sjap..
    ik pir.dhu thuj atij.. sna le ligji nr 12334 dhe neni 3423337 .. ahu.. sdi ti marifete..
    mir ashtu do e bejm..


    ja te tilla pune kan bere pioneret e korrupsionit.. prandaj flisnin me gishta dhe prandaj mafia socialiste kurr nuk i beri objekt te artilerise se saje.. kur erdhi ne pushtet duke i pasur keta pisa kolon te peste..

    ja ky lloj m.uti eshte brojka me shok..
    nuk hyn ne Pd sepse ka frik se ne Pd do i duhet te jap llogari per mafiozlleqet qe ka bere.. ai me shoke..
    me mir thot jam aty..te aneksi rezerv.. ku dukemi si as te halla as ke daja.. qe te ham me 700 luge.. atje ku na therret ZP kur i duhemi.. dhe jemi imun nga ligji si kur eshte sala figurativisht ne pushtet ashtu dhe kur jan tonet..socialistet ne pushtet..

    edvini sben tjeter ne tirane.. vec vazhdon mafiozllekun brojko kelmendo mekso koplikoist.. por kuptohet me te sofistikuar se paraardhesit e tije.. e me te tmerrshem per sa i perket.. kancero-izimit te tiranes..
    me vjen mire qe b.ith m.uti brojk eshte anti-berish..
    do te thote se.. horrlleqet e tyre nuk kan pasur bekimin e berishes..

  6. #6
    Sales i duhet dhon haku.

    E lun fuqishem karten e pushtetit, aj nishi qe shume prej jush ju heq boshllekun qe la enveri. Pushteti osht per shqiptaret ai zoti qe krijun komunistat per 50 vjet rresht.

    ene pasunina shtetnore e publike aj i ka shpernda besnikava te vet, ene poste shtetnore iu ka dhon te vetve, ene atyne para, ene atyne mrapa '97.

    Po ate karten e dosjeve, sa me mjeshtri e lun ai? Mos e ka te veshtir aj neser me thone se e kom bo per me mbrojt demokratat, ashtu si boni ramo para disa netve, tu shit trimni e u bo i zgjut masi kishte kalu disa male, e kishte kapercy gjyqin. A ka vend be bote ta mori trashigimtarin e diktatorit e ta intervistoje, e mileti te nesmen dalin ne pazar tuj thon se e kishte mir, per ner.

    Po ate t'folmen e akshume qe bon Sala per show. Sa i zhdrejt osht mer jahu, ene e di aina se ene nerkomtaret nuk mun ti fusin hunet fort e ti majn onen, se i kercet noj '97 tjeter, ene ec e merre vesh tina ...

  7. #7
    i/e regjistruar Maska e Brari
    Anëtarësuar
    23-04-2002
    Postime
    18,826
    nuk e harroj kur.. ishte bashkim fino-m.uti kryeminister a sdi cfare dhe brojka kryetar bashkie.. dhe se cdesh te bej brojka.. me duket te ulte flamurin gjys shtize per Azemin e sdi cfare dhe fino i sapo ardhur ne pushtet nga kallashi gjolekoist.. i thot brojkes.. e di cte benj..te rras brenda..mo luaj me flamurin aty ne bashki..
    ky bishtin nder shale e ju bind finos.. nejse.. ndoshta ndonje ligj a nen e detyronte.. por per te luajtur futboll miqesore ne stadium me kriminelet fino e kopmani nuk e kishte detyrim brojka..
    nje burr zamani nuk vete te luaj futboll miqesoro shoqeror me banditet.. qe te duken vampiret si normale e integrusa e paqe pruresa..

    pra brojka u dhj.e nga kallashnikovistet u tremb e u be i tyre..
    ky fenomeni brojkizmi.. si mund ta quajm apo koplikoizmi e meksoizmi.. eshte sot i dukshem ne Kosove..
    Kup kallashi ..kryevampiri qosist demaqo envero arkanoist.. ja ka ba 8 me 2 lidershipit te LDK-se dhe i ka vnue ne rresht..

    e Sot LDK .. eshte bere nje tren i gjat me vagona mallnash me vlere e pa vlere po qe ne lokomotiv ka nje kanibal qe i urdheron qymyr hedhesit fokiste.. Sejdi kryezi e kompani.. te punojne me bilbil te Kup thaq qose m.utave..

    pra brojka ska kujt i thyen dhembe se dhembet i ka len ne kavanoz te shpija e ka vec furce per mullaqet e selise roze..

  8. #8
    i regjistruar Maska e Breshka
    Anëtarësuar
    10-06-2002
    Postime
    351
    Brar or mik......
    Ti shkruan e shkruan; E di qe njeriu ka ne voje te shprehet por nje gje nuk e kuptoj..........
    Perse e lodh "zerin"; Per te shfryre dufin tend apo se mendon se me llogjike e fakte do ti ndryshosh mendimet forumistave/lexuesve kuqalosh?
    Komunizmi shkelqeu ne shqiperi me gjithe fuqine e tij jo rastesisht, por se gjeti keneten me me te mire ne evrope, me **dhin me te madh per te pjelle mostrat vampiro/kanibaleske. E ato nuk ndryshojne; pamvarsisht fakteve qe ti numuron. Ata jane te verber dhe duan vetem gjak........ Sapo u hodh kushtrimi, se ne daten e zgjedhjeve me 20 janar, "opozita" kriminelet, u bene thirrje "popullit" pjellave per revolte masive ne te gjithe keneten.........!!!!!!!!!
    Sikur une ta kisha gabim, dhe "pjellat" te ishin popull si te gjithe popujt e tjere, duhet te kishin shkuar ne selite e kanibalve dhe ti kishin shembur ne dru hienat qe duan ta djegin shqiperine perseri.
    A do ta bejne kete???? Sigurisht qe jo, ato do ta cojne keneten 16 vjet mbrapa dhe aty ne ate qelbesirellek do ndjehen te rehatuar.............
    Mos e merr kaq seriozisht informimin qe perpiqesh te japesh, nuk deperton ne koken njeqelizore te kenetorve........

    qashtu or mik.....

  9. #9
    Me Berishen merret klasa e deshtakeve politike, sepse tek ai shohin te paepshmin, te pathyeshmin, njeriun qe ka prirje ti coje gjerat perpara me idealizem, njeri i moskompromisit me te keqen e trasheguar nga shekujt, sfiduesin, i rrezuari qe gjen force te ringrihet, i perkushtuari me mish e me shpirt per Shqiperine dhe per ceshtjen kombetare, person qe ka perkrahje te gjere kombetare etj etj.
    Berisha ka qene i paparashikueshem nga ata qe kontrollonin politiken shqiptare (armata e sigurimsave ne Shqiperi, jashte saj ne Kosove e ne diaspore), ka qene i paparashikueshem nga agjenturat e shteteve fqinje te cilat kane qene te mesuara me kukulla sherbetore.
    Berisha ishte armiku i madh qe ne krijimin e PD-se, sepse te ai shihej nje ardhje ne skene e nje klase qytetaresh te neperkembur e te perbuzur nga fshataret e kasta e tyre e kuqe e krijuar pas pushkeve e krismave ndershqiptare te vitit 1944.
    Berisha vinte nga nje zone qe nga komunizmi ka qene e denuar te jetonte ne izolim, ne prapambetje, ne vecim politik, ne diskriminim te hapur per shkollim e punesim ne administrate.
    Berisha vinte nga zona prej se ciles kishin dalur atdhetaret e papajtueshem me komunizmin enverist dhe doemos se pavaresisht se ai ishte nje person i shkolluar dhe me tituj, ai ishte i padenje (sipas tyre) qe te ishte nje udheheqes i vendit.
    Berisha per hir te se vertetes, urrehet per prejardhjen e tij tropojane, per racen e tij gjenetikisht ilire, per karakterin krenar e te pathyeshem te zones, per burrerine dhe forcen e fjales qe ka kjo zone, per emrin e mire te nje nder fiseve me te vjetra dhe shtylle kurrizore te shqiptarizmit.

    Berisha u sulmua dhe sulmohet qe ne vitin 1990 personalisht, familjaisht dhe kulmi arriti kur permes ofesave ndaj tij leshoheshin ofesa dhe per vendlindjen e tij e per zakonet e traditat e mbare zones.
    Berisha sulmohet si politikan, por kjo eshte ne fund te fundit pjese e politikes, por kulmi arrihet kur arrihet te leshohen shpifje nga me te ndyrat nga sigurimsat e dy aneve te kufirit ndaj familjes se tij.
    Ata qe e sulmojne e dijne shume mire ndjeshmerine e malesorit ndaj ofezes ne familje dhe me kete ata duan qe ta detyrojne Berishen qe te bjere ne kurthin e tyre, ashtu sic ra dikur i ndjeri Gafurr Mazreku duke u nxitur prej atyre qe jane bere milionere sot me politike dhe krim, qe te qelloje mbi te ndjerin Azem Hajdari.

    Lexoni dhe ne kete forum qe sa e sa vite hidhet vrer ndaj nje pjese shume te madhe te popullsise shqiptare, duke u vene atyre epitete nga me te ndryshmet.
    Lexoni dhe kujtoni se cfare eshte thene e thuhet per banoret e rene nga kjo zone ne kryeqytetin e tyre apo ne qytetet e tjera te vendit te tyre.
    Cfare fjalori u perdor ndaj Besnik Mustafes kur ai konkuroi per postin e kryetarit te Bashkise se Tiranes?

    Kjo lufte vazhdon, sepse ata qe e pergatiten kete lufte ne vitin 1944 sot kane bijte e tyre qe e kane per detyre te trashegojne misionin.
    Misionin e Shefqet Pecit, Ethem Gjinushit, Mehmet Shehut, Hito Cakos, Hysni Kapos e krimineleve te tjere qe vrane e masakruan banoret e fshatrave e qyteteve te Shkodres, Tropojes, Kukesit, Kosoves, Dibres e Tetoves.
    Misionin e atyre qe e dorezuan Kosoven tek kriminelet serbe ne vitet 1944-1945, misionin e atyre qe ndoqen e masakruan me mijera shqiptare anekend vendit, misionin e atyre qe pushkatuan burrat me te mire te kombit, misionin e atyre qe ja flaken eshtrat ne Dri Gjergj Fishtes, misionin e atyre qe e mbyllen kete vend nga bota deri ne cmenduri.

    Pse duhet ti besoj une Nanos, Rucit, Gjinushit & Co? Jane bijte e atyre qe sunduan me dhune kete vend e qe shkaktuan tragjedi ne te gjitha trojet kombetare.

    Kur Berisha doli ne krye te protestave per rrezimin e sistemit komunist, ai e dinte shume mire qe nga ata qe do te permbyseshin se ai do te urrehej perjetesisht.
    Urrejtja vazhdon tashme nga bijte e atyre qe u permbysen ne vitin1992.

    Rruget dhe mjetet qe perdoren jane te njejta me ato te baballareve te tyre, se keshtu u tha dhe kur u pushkatuan opozitaret e pare te dhjetorit 1945, se keshtu u tha kur u perdoren armet per te ardhur ne pushtet ne vitin 1997, se keshtu u tha dhe kur u vra Azem Hajdari (lexoni ne forumin e Partise Socialiste se cfare qendrimi mbahet aty ndaj te ndjerit), se keshtu u tha dhe para disa muajsh nga Meta e Rama se do te bejme nje 1997 tjeter.

    Te shohim se cila do te jete rrjedha e ngjarjeve.
    Ndryshuar për herë të fundit nga DYDRINAS : 15-12-2006 më 18:40

  10. #10
    ................
    Anëtarësuar
    19-11-2004
    Postime
    1,110
    O Qazim... ti vetë ankohesh se këta "dështakët" politikë kanë 60 vjet që udhëheqin Shqipërinë dhe po vetë ti thua që kanë dështuar përpara Berishës... jo o mik, do ja shohësh tymin Berishës më shpejt sesa e mendon ti... është pa kthim.

  11. #11
    Citim Postuar më parë nga Humdinger
    O Qazim... ti vetë ankohesh se këta "dështakët" politikë kanë 60 vjet që udhëheqin Shqipërinë dhe po vetë ti thua që kanë dështuar përpara Berishës... jo o mik, do ja shohësh tymin Berishës më shpejt sesa e mendon ti... është pa kthim.
    Nuk te kam kuptuar mire se ku do te dalesh me keto fjale!

  12. #12
    Ja pse duhen bere zgjedhjet ne vendin e quajtur Shqiperi, sepse ne vend se te zgjedhurit nga publiku me vota te merren me administrim, ata merren me politike.
    Ne cilin shtet europian apo te botes se trete e te katert ndodh qe nepunes te shtetit te ngrihen e te kundershtojne ligjin.
    Per me teper kur ata vete kane zbatuar me pare ligje qe sot po ata i quajne si te pavlefshme.
    Kur quhet ne nje sistem demokratik nje ligj i pavlefshem? Kur ai bie nga fuqia pas miratimit dhe hyrjes ne fuqi te nje ligji te ri.

    Eshte me te vertete nje situate cmendurie dhe se pergjegjesia e atyre qe detyrojne nepunes te shtetit te bejne akte te tilla nuk mund te quhet vecse kriminale.
    Provo ne nje shtet tjeter ligjor e te dalesh me deklarata te tilla antiligjore?


    Njësitë Bashkiake: Distancohemi nga proçesi i paligjshëm

    Të zgjedhurit vendorë përfaqësues të Partisë Socialiste në njësitë bashkiake të Tiranës, thanë dje se nuk mund të pranojnë përpunimin e listave të zgjedhësve, duke iu referuar neneve për procese të parakohshme. "Të zgjedhurit vendorë të Partisë Socialiste në Tiranë, distancohen publikisht nga procesi i iniciuar prej KQZ-së për listat zgjedhore, duke e konsideruar atë një shkelje të Kodit Zgjedhor",- tha kryetari i minibashkisë nr.7, Pandi Sara. Ai saktësoi se vendorët socialistë refuzojnë të pranojnë atë që e quajti “farsë antiligjore”, si dhe “çdo udhëzim të paligjshëm që rrjedh prej tij". Sipas Sarës, "procesit zgjedhor duhet t'i kthehet legjitimiteti dhe të hiqet dorë nga ky skenar zgjedhjesh të jashtëligjshme, si dhe nga presionet e patolerueshme mbi të zgjedhurit vendorë". Për Sarën, vendimi i socialistëve është i qartë dhe përputhet me mos shkeljen e asnjë ligji apo të Kushtetutës së vendit. “Ne nuk do të pranojmë që e ardhmja e komuniteteve tona të merret peng bashkë me zgjedhjet e lira dhe të ndershme,të cilat janë e vetmja rrugë për të garantuar të ardhmen”,- tha më pas ai, ndërsa i bëri thirrje edhe ndërkombëtarëve edhe opinionit publik, që të solidarizohen me “këtë qëndrim kushtetues e ligjor, duke mos lejuar që vendi të hyjë në një krizë të panevojshme, me pasoja për të ardhmen evropiane të Shqipërisë". Po kështu, Mira Veizi, kryetare e Njësisë Bashkiake nr.10, tha se aktualisht nuk ka ligj për zgjedhjet, andaj nuk mund të penalizohet kurrkush që nuk pranon të zbatojë urdhrat e Ministrisë së Brendshme, apo të KQZ-së. “Po ndeshemi çdo ditë, me problematikat që ka politika në lidhje me zgjedhjet, dhe ato nene të cilave u referohet ministri apo KQZ, tashmë kanë rënë, janë nul, pra, sepse ne nuk jemi në zgjedhje të parakohshme”,- tha Mira Veizi. Ajo saktësoi gjithashtu, se duke qenë se 20 janari është ditë e shtunë dhe që përkon me mbylljen e mandatit të vendorëve po atë datë, “nuk ka asnjë lloj ligji që të na penalizojë, apo të na detyrojë ne të bëjmë listat”. “Ligji me të cilin ne kemi përpunuar zgjedhjet e 2005, tashmë nuk ekziston më. Absolutisht jo, nuk ka ligj, prandaj dhe ne nuk pranojmë të bëjmë lista”,- shtoi Veizi.

    www.ps.al

  13. #13
    Rama:Solidaritet vendorëve, refuzuan të shkelin ligjin

    Tiranë- Ndërkohë që edhe nga vetë kryeprokurori nuk është quajtur shkelje mos bërja e listave, kreu i opozitës, Edi Rama ka përshëndetur të gjithë krerët vendorë në lidhje me qëndrimin që kanë mbajtur në lidhje me hartimin listave zgjedhore. Duke mbajtur një fjalim me të gjithë krerët socialistë të rretheve, kryesocialisti Rama deklaroi se "shpreh solidaritetin tim dhe te kryesisë së PS-së për të zgjedhurit vendorë qe kane refuzuar ti përgjigjen urdhrave te paligjshëm që burojnë nga ky proçes i paligjshëm. Ambicja jonë është për një Shqipëri europiane dhe për një proçes zgjedhor te lire dhe demokratik, për standarte europiane dhe për dialog e kompromis" tha Rama.

    ZP


    Ambicja e Rames eshte per nje Shqiperi afrikane e aspak europiane!!!
    Ku eshte pare e degjuar qe nje kryetar i nje force politike, kryetar i Bashkise se nje kryeqyteti qe ben pjese gjeografikisht ne Europe te shprehet ne mbrojtje te moszbatimit te ligjit.
    E pra keto thenje mbeten te shkruara dhe si te tilla ato mbesin.

    http://www.cec.org.al/2004/legjislacion/kodizgjedhor/kodizgjedhorframeset.htm
    Ndryshuar për herë të fundit nga DYDRINAS : 15-12-2006 më 19:30

  14. #14
    ................
    Anëtarësuar
    19-11-2004
    Postime
    1,110
    Citim Postuar më parë nga DYDRINAS
    Rama:Solidaritet vendorëve, refuzuan të shkelin ligjin

    Tiranë- Ndërkohë që edhe nga vetë kryeprokurori nuk është quajtur shkelje mos bërja e listave, kreu i opozitës, Edi Rama ka përshëndetur të gjithë krerët vendorë në lidhje me qëndrimin që kanë mbajtur në lidhje me hartimin listave zgjedhore. Duke mbajtur një fjalim me të gjithë krerët socialistë të rretheve, kryesocialisti Rama deklaroi se "shpreh solidaritetin tim dhe te kryesisë së PS-së për të zgjedhurit vendorë qe kane refuzuar ti përgjigjen urdhrave te paligjshëm që burojnë nga ky proçes i paligjshëm. Ambicja jonë është për një Shqipëri europiane dhe për një proçes zgjedhor te lire dhe demokratik, për standarte europiane dhe për dialog e kompromis" tha Rama.

    ZP


    Ambicja e Rames eshte per nje Shqiperi afrikane e aspak europiane!!!
    Ku eshte pare e degjuar qe nje kryetar i nje force politike, kryetar i Bashkise se nje kryeqyteti qe ben pjese gjeografikisht ne Europe te shprehet ne mbrojtje te moszbatimit te ligjit.
    E pra keto thenje mbeten te shkruara dhe si te tilla ato mbesin.

    http://www.cec.org.al/2004/legjislacion/kodizgjedhor/kodizgjedhorframeset.htm
    O Qazim Rudi... po ge gabu adresë mër burr... tema flet për të palamet që i ka qit Albert Brojka krieministrit Salihshoviç... pse e bën temën çorap mër burr??!!

  15. #15
    sot eshte moisiu president po askush nuk thote .. ne kohen e moisiut i be ashtu apo keshtu..
    dikur ishte meksi kryeminister po kurre nuk tha zp.. kioskat e meksit apo piramidat e meksit.. te gjithe thone.. te berishes..
    askush nuk thote se lana u dhj.e nga sali kelmendi apo artan hoxha apo sander mafishe meksi apo brojka.. joo.. te gjitha i vishen berishes..
    Osht me vend kjo, perderisa nuk kritikohet e vihet ne diskutim pergjegjesia e qendrimi i nishit, berishes ne maje te piramdes - çdo gje eshte ne rregull, asgjo te re nuk ka nga fronti i perendimit, nuk ka gjo o ije se ne do fitojme.

    Çere bonte ndrysh enveri - koci xoxe grinte sa majtas e djathtas, ne shpine te enverit - nuk dinte gjo i shkreti; ashtuna ene bedrija, lirija, mehmeti, kadrija, ... mirpo kur vite puna per ke enveri, meiher fillonte gjyqi e pa maru kellciste patllakja deri ene me vetvrasja gjamse.

    Nikshtuna osht ene puna e mzyrit.

Tema të Ngjashme

  1. Komunizmi Dhe Demokracia
    Nga biligoa në forumin Problematika shqiptare
    Përgjigje: 0
    Postimi i Fundit: 12-06-2009, 16:41
  2. Kush e di ç'do të thotë: 'Demokraci'?
    Nga RSHP në forumin Letërsia shqiptare
    Përgjigje: 4
    Postimi i Fundit: 07-12-2006, 19:56
  3. Shqipëria, më pak demokraci se Palestina
    Nga DYDRINAS në forumin Tema e shtypit të ditës
    Përgjigje: 3
    Postimi i Fundit: 25-11-2006, 18:27
  4. Eduard Selami: Në demokraci nuk ka të humbur.
    Nga honzik në forumin Tema e shtypit të ditës
    Përgjigje: 5
    Postimi i Fundit: 03-08-2005, 12:25
  5. Nuk mund të ketë demokraci pa demokratë
    Nga Brari në forumin Kulturë demokratike
    Përgjigje: 4
    Postimi i Fundit: 16-03-2004, 04:03

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •