Ja pse Kosova mbetej pa drita -Korrupcioni në KEK.

[kosovar]

Korrupcion në KEK - janë vjedhë 4.5 milionë euro


--------------------------------------------------------------------------------

Prishtinë, 30 prill 2002 - Në një konferencë me gazetarë shefi i Shtyllës së katërt të UNMIK-ut Endi Berpark tha se ka gjetur evidenca që flasin për rastin e mundshëm të korrupcionit në Koorporatën Elektroenergjetike të Kosovës (KEK).

Sipas zotit Berpark bëhet fjalë për një shumë rreth 4.5 milionë eurosh që janë vjedhur nga një rrjet manaxhimi të energjisë elektrike dhe është pjesë e donacionit ndërkombëtar të destinuara për importin e energjisë elektrike nga vendet fqinje.

Ai tha se ka disa muaj që flitet për korrupcion në KEK, duke shtuar se atij i duheshin fakte, dhe ato tani i ka. Por Berpark nuk dha shumë detaje për shkak të hetimeve që janë duke u zhvilluar. Ai tha se njëri nga të dyshuarit është edhe një përfaqësues i lartë ndërkombëtar, i cili punon në organizatën e tij.

Edhe kryeadministratori i Kosovës Mihael Shtajner shprehu mbështetjen e tij për veprimet e shefit të shtyllës së katërt të UNMIK-ut. "Nuk do të ketë fare tolerancë për krimin e organizuar në Kosovë", tha Shtajner, lidhur me korrupcionin në KEK.

[kosovar]

BE: Pajisje të reja për spitalet e Kosovës në vlerë prej 11.5 milion euro


--------------------------------------------------------------------------------

Prishtinë, 30 prill 2002 (QIK) - Agjencia Evropiane për Rindërtim do të sigurojë për spitalet e Kosovës pajisje në vlerë prej 11.5 milionë eurosh. Me 11.5 milionë euro nga fondet e Bashkimit Evropian do të blihen pajisje të ndryshme mjekësore, që do të ndihmojnë modernizimin e spitaleve në mbarë Kosovën.

Sallat kirurgjike do të pajisen me tavolina, llampa dhe ventilatorë të reja. Pajisje rentgeni për procedura të ndryshme të diagnostifikimit do t'u jipen spitaleve, si edhe 30 qendrave të mjekësisë familjare në mbarë Kosovën.

Poashtu do të blihen pajisje për repartet e përkujdesjes intensive, si edhe pajisje për të ndihmuar në fushë të gastroenterologjisë. Përveç kësaj, do të sigurohen edhe aparate për dializë të gjakut dhe pajisje për sterilizim.

Klinikat emergjente në spitalet e Kosovës do të marrin makina për reanimacion, monitorë të zemrës si edhe karroca të reja.

Rreth 30 kompani kanë bërë ofertat e tyre për të bërë furnizimin me pajisje të reja në emër të Agjencisë Evropiane për Rindërtim. Tani është duke u bërë vlerësimi i shprehjeve të interesit në këtë tender. Kjo është duke u administruar nga koncerni francez, Bernard Brunhes International (BBI) Pajisja e re do të fillojë të arrijë në Kosovë që nga muaji gusht.

"Ky është investimi më i madh në spitalet e Kosovës nga komuniteti ndërkombëtar", thotë Matias Rainike, menaxher i programit të shëndetësisë në Agjencinë Evropiane për Rindërtim.

Tani spitalet e Kosovës kanë pajisje të vjetra prej 15 deri në 20 vjet dhe shpesh nuk mund të mbështetesh shumë në to. "Pajisjet e reja që do të blihen me fondet e BE-së do të përmirësojnë teknikën e diagnostifikimit, dhe rrjedhimisht do të sigurohet një përkujdesje më e mirë shëndetësore për popullin e Kosovës", thotë ai.

[kosovar]

--------------------------------------------------------------------------------

ANËTARËT E KRYESISË SË BISHM-it TAKUAN PRESIDENTIN E KOSOVËS DR. IBRAHIM RUGOVËN


--------------------------------------------------------------------------------

Intelektualët në mërgim dhanë kontribut të çmuar për çlirimin dhe pavarësinë e Kosovës

Z. Nikollë Shabani, u.d. kryetarit të kryesisë së BISHM-it dhe R. Elezaj, sekretar, me 26 prill të këtij viti, në rezidencën e tij në Prishtinë takuan presidentin e Kosovës Dr. Ibrahim Rugovën, të cilit në emër të asociacionit të intelektualëve shqiptarë në mërgim i shprehën urimet dhe përgëzimet më të sinqerta për (ri)zgjedhjen e tij në postin e Kryetarit të shtetit të Kosovës.

Pranë përgëzimeve që i bën dhe urimeve për suksese të mëtejme, këta veprimtarë të asociacionit “Bashkimit të Intelektualëve Shqiptarë në Mërgim” në pika të shkurtëra e njoftuan kryetarin Rugova me çështjet primare të cilat aktualisht e shqetësojnë Mërgatën shqiptare në Gjermani, siç është ajo e kthimit të mërgimtarëve tanë në atdhe, gjendja e shkollës shqipe në diasporë, ajo e fatit të shumë të rinjëve tanë të cilët gjenden nëpër burgje si dhe me problemin e dokumenteve të udhëtimit.

Lidhur me kthimin e azilkërkuesëve shqiptarë, të cilëve organet gjermane nuk iu kanë pranuar kërkesat për qendrim më të gjatë kryetari Rugova tha se “këtë çështje ai dhe Qeveria jonë në rastin e parë do ta shqyrtojnë me palën gjermane, në mënyrë që ata të mos kthehen arbitrarisht dhe pa marrëveshje me qeverinë tonë, në mënyrë që kthimi i tyre të bëhët në harmoni me nevojat dhe kërkesat e dy vendeve tona, kur dihet fakti se një numër i madh i të rinjëve tanë ka që dhjetë vite që punojnë në këtë shtet dhe që tani janë aftësuar në fusha të ndryshme të ekonomisë, kontributi i të cilëve në ekonominë e vendeve ku ishin të strehuar ka qenë i madh dhe që tani e tutje do të ishte i mirë se ardhur dhe më se i nevojshëm edhe për ekonominë e Kosovës”.

Sa i përket gjendjes së shkollës shqipe në mërgim kryetari Rugova tha se, “tani kur i kemi organet tona shtetërore ajo duhet të hyjë nën mbikqyrjen e Ministrisë sonë të arsimit dhe të kulturës në mënyrë që sa më parë të eliminohen pengesat dhe vështirësit me të cilat ajo është ballafaquar viteve të fundit”. Ndërsa kur është fjala për fatin e shumë të rinjëve tanë të cilët për shkaqe të ndryshme gjenden nëpër burgjet gjermane, u tha se për këtë duhet të kujdesen organet gjegjëse të Kosovës, mbase numri më i madh i tyre në botën përendimore kishin shkuar si adoleshentë e që tani janë rritur, por që seriozisht u kanoset rreziku i asimilimit.

Rreth problemit të dokumenteve udhëtuese, për (mos) pajisjen me e mërgimtarëve tanë me këto dokumente, si njëri ndër problemet më shqetësues që aktualisht i preokupon ata, dhe që këtë gjendje e bën edhe më të rëndë, është edhe fakti se nga ana e zyrtarëve gjermanë shumica prej tyre po detyrohen që kërkesat për nxjerrjen e dokumenteve të udhëtimit t’i bëjnë pranë konzulatave serbe.

Zhagitja dhe moszgjidhja e këtij problemi po bëhët në dëm të mërgimtarëve tanë dhe të vetë procesit të pavarësisë së Kosovës, sidomos kur kihet parasysh fakti se pajisja e shqiptarëve (qytetarëve) të Kosovës me dokumente të udhëtimit serbe ngërthen në vete një çështje shumë të ndjeshme politike siç është ajo e nënshtetsisë, e që pala serbe dhënien e këtyre dokumenteve po e shfrytëzon në mënyrë përfide para faktorëve ndërkombëtarë në të mirën e saj.

Po ashtu gjatë këtij takimi u bisedua edhe rreth sigurisë fizike të mërgimtarëve tanë gjatë shkuarjes së tyre në vendlindje, gjegjësisht gjatë kthimit nga pushimet verore, kur dihet se me çfarë peripetive dhe vështirësive të shumta u ballafaquan gjatë udhëtimit për në atdhe gjatë këtyre tri viteve të fundit, mbase siç tha kryetari Rugova “ndërtimi i autostradës Durrës-Morinë-Prishtinë si dhe i pjesës tjetër të saj në drejtimin Shkodër-Ulqin, do të ishte zgjidhja më e mirë e këtij problemi për mërgimtarët tanë, por edhe për të gjithë udhëtarët tjerë, meqë shfrytzimi i akseve tjera rrugore siç është ai pëmes Greqisë-Maqedonisë ose ai përmes Serbisë janë të pasigurta për shqiptarët.

Po sikur të ishte ndërtuar kjo autostradë para se të fillonte lufta në Kosovë me siguri se shumë gjëra do të rrjedhnin ndryshe gjatë asaj kohe, pra në favorin tonë”, tha kryetari Rugova, i cili po ashtu çmojë lartë angazhimin e intelektualëve tanë në mërgim të cilët dhanë kontribut të madh për çlirimin dhe avancimin e procesit të pavarësisë së Kosovës.

[kosovar]

Disa të burgosur arratisen nga qelitë në burgun e Dubravës, 12 ngjiten mbi çati


PRISHTINE, 30 prill - Policia e UNMIK-ut bëri të ditur se në burgun e Dubravës, të martën në mesidtë, disa të burgosur janë arratisur nga qelitë e tyre, por nuk kanë mundur të dalin jashtë ndërtesës së burgut. Policia e burgut ka arritur të ndalojë një pjesë të të burgosurve, ndërsa pjesa tjetër, rreth 12 të burgosur të tjerë, janë ngjitur në çatinë e ndërtesës së burgut. Pas kësaj gardianët e burgut kanë thirrur në nidhmë policinë e UNMIK-ut, forcat speciale të së cilës kanë ndërhyrë, duke e kthyer përsëri nën kontroll situatën e tensionuar brenda burgut. Sipas zëdhënësit të policisë së UNMIK-ut, Berri Fleçer, të burgosurit që ishin ngjitur në çati të burgut, kanë vazhduar të qëndrojnë atje deri në orët e pasdites të së martës. Ai tha se në ndërtesën e burgut janë shkaktuar disa dëme jo të mëdha dhe besohet se nuk ka pasur asnjë person të lënduar. Policia tha se ka mundësi që të burgosurit kanë bashkëpunuar me njëri-tjetrin të arratisen nga burgu, por kur nuk ia kanë arritur dot kësaj (për shkak të masave të mëdha të sigurisë), janë ngjitur në çatinë e burgut.

[kosovar]

Deputetët: Boll me seminare, Kosova ka shumë probleme për të diskutuar në Kuvend


PRISHTINE, 30 prill - Në Kuvendin e Kosovës sot u mbajt një konferencë me deputetë, në të cilën u diskutua mbi rolin e partive politike në kuvend. Pjesëmarrësit e konferencës e vlerësuan me interes organizimin e seminareve të tilla, por u shprehën të pakënaqur me dinamikën e mbledhjeve të Kuvendit. Ata thanë se në Kosovë ka shumë çështje të cilat duhet të shtrohen në Kuvend. “Seancat e Kuvendit të Kosovës nuk duhet të mbahen vetëm një herë në muaj, siç po ndodh tash. Në Kosovë ka shumë punë për t'u bërë dhe Kuvendi duhet të mblidhet të paktën një herë në javë, për të shqyrtuar problemet aktuale”. Kështu e komentojnë deputetët e Kuvendit të Kosovës mbetjen në vend të punës së Kuvendit. Sipas RTV21, këto deklarata ata i bënë pas konferencës së sotme mbi rolin e partive politike, të organizuar nga Instituti Amerikan Demokratik Kombëtar dhe Organizata për Siguri e Bashkëpunim Evropian (OSBE). Deputeti i Partisë Demokratike të Kosovës, Fatmir Limaj mendon se më shumë mbahen seminare se sa seanca të Kuvendit. Kryetari i grupit parlamentar të Aleancës për Ardhmërinë e Kosovës, Bujar Dugolli, thotë se presin aq shumë projekt ligje për t'u shqyrtuar e miratuar në Kuvendin e Kosovës gjë të cilat nuk mund të bëhen të gjitha në seancat njëmujore. ytrer deputetëbve janë më të shpeshta se seancat e kuvendit. Në seminarin e sotëm ligjërues nga Belgjika, Latvia dhe Britania e Madhe punuan sot me përfaqësusit e partive politike parlamentare. Deputetët e Kuvendit të Kosovës thonë se këto seminare janë mjaft të dobishme. Por, sipas tyre, rëndësia këtyre seminareve po u humb me mosmbajtjen e seancave të Kuvendit.

--------------
Komenti im:

Shumë ndërkombëtarë, të cilët në jetën e tyre kanë parë ndonjë lopë vetëm në kopshtin zoologjik, një ditë, do të vijnë në Kosovë dhe do të organizojnë seminar se si duhet mjelur loptë. Madje nuk është fare për tu çuditur që kur të vijnë për të na mësuar si duhet mjelur loptë, që përveç strukturës gjinore, të shpallin edhe preferencën e moshës së seminaristeve. Kurrë nuk kam besuar se jemi kaq ksenofilë si në Shqipëri, ashtu edhe në Kosovë. O tempora o mores!